📅 2016-yil 8-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 8 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 8 апреля 2016 г. · Постановления Президента
Официальный текст. Официальный документ. Редакционные примечания не включены.
📅 8 April 2016 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Мева-сабзавот маҳсулотларини тайёрлаш ва ғамлаш корхоналари уюшмаси — «Ўзбекозиқовқатзахира»ни ташкил этиш тўғрисида
Ички истеъмол бозорини, энг аввало қиш-баҳор даврида янги мева-сабзавот, картошка, полиз маҳсулотлари ва узум билан барқарор таъминлаб туриш учун шундай маҳсулотларни тайёрлаш ва ғамлаш тизимини янада такомиллаштириш, замонавий сақлаш технологияларини жорий этиш, омборхона хўжалиги ва совутиш омборларининг моддий-техника базасини мустаҳкамлаш ва ривожлантириш асосида маҳсулотлар нобудгарчилигини ҳар томонлама камайтириш мақсадида:
1. «Ўзулгуржисавдоинвест» уюшмаси қатнашчиларининг, Ўзбекистон Республикаси Иқтисодиёт вазирлиги, Молия вазирлиги, Хусусийлаштириш, монополиядан чиқариш ва рақобатни ривожлантириш давлат қўмитасининг «Ўзулгуржисавдоинвест» уюшмасини мева-сабзавот маҳсулотларини тайёрлаш ва ғамлаш корхоналари уюшмаси — «Ўзбекозиқовқатзахира» уюшмаси этиб қайта ташкил қилиш тўғрисидаги таклифлари қабул қилинсин.
2. Қуйидагилар «Ўзбекозиқовқатзахира» уюшмаси фаолиятининг асосий вазифа ва йўналишлари этиб белгилансин:
талаб-эҳтиёжни чуқур ўрганиш асосида, янги мева-сабзавот, картошка, полиз маҳсулотлари ва узум билан ички истеъмол бозорини узлуксиз тўлдириб бориш ва нарх-наво барқарорлигини таъминлаш мақсадида уларни қиш-баҳор даврига ғамлаб қўйиш учун фермер ва деҳқон хўжаликларидан, агрофирмалардан шундай маҳсулотларни харид қилиш шартномаларини тузиш;
қиш-баҳор даврига ғамлаб қўйиладиган янги мева-сабзавот, картошка, полиз маҳсулотлари ва узумнинг яхши сақланишини ташкиллаштириш, уларни сақлаш вақтида нобудгарчиликларни камайтириш чора-тадбирларини амалга ошириш, маҳсулотни харид қилиш ва етказиб беришда замонавий логистика тизимини кенг жорий қилиш;
республика шаҳарларида янги мева-сабзавот, картошка, полиз маҳсулотлари ва узум сотиш бўйича ихтисослаштирилган ярмарка савдоларини доимий асосда ўтказиб туриш;
тўғридан-тўғри инвестицияларни кенг кўламда жалб этиш ва уюшма таркибига кирган корхоналарнинг моддий-техника базасини мустаҳкамлаш ва ривожлантириш ишларини ташкил қилиш, мева-сабзавот маҳсулотлари сақланадиган махсус омборхоналар ва совутиш камералари қуриш, реконструкция қилиш ва модернизациялашни таъминлаш, уларни замонавий ускуналар билан жиҳозлаш;
олис ва бориш қийин бўлган аҳоли пунктларида яшовчи аҳолини ижтимоий аҳамиятли озиқ-овқат маҳсулотлари билан ишончли ва узлуксиз таъминлаш чора-тадбирларини амалга ошириш;
уюшма таркибига кирган корхоналар мутахассисларини қайта тайёрлаш ва уларнинг малакасини оширишни ташкил этиш.
3. Белгилаб қўйилсинки, «Ўзбекозиқовқатзахира» уюшмаси тугатилаётган «Ўзулгуржисавдоинвест» уюшмасининг шартномалари ва мажбуриятлари бўйича ҳуқуқий ворис ҳисобланади.
5. Ўзбекистон Республикаси Вазирлар Маҳкамаси (Ш. Мирзиёев) бир ой муддатда пухта танлов асосида «Ўзбекозиқовқатзахира» уюшмасининг ижро этувчи аппаратини тасдиқланган тузилма ва штат жадвалига мувофиқ юқори малакали мутахассислар билан бутласин.
6. «Ўзбекозиқовқатзахира» уюшмаси бир ой муддатда муассисларнинг умумий йиғилишини ўтказиб, унинг уставини тасдиқласин ҳамда уни белгиланган тартибда давлат рўйхатидан ўтказиш учун Ўзбекистон Республикаси Адлия вазирлигига тақдим этсин.
7. «Ўзбекозиқовқатзахира» уюшмаси Тошкент шаҳри, Навоий кўчаси, 25-уйга жойлаштирилсин.
8. Ўзбекистон Республикаси Президентининг «Ўзулгуржисавдоинвест» уюшмасининг тузилмасини ислоҳ қилиш ва фаолият самарадорлигини ошириш тўғрисида» 2011 йил 30 мартдаги ПҚ-1514-сонли қарори ўз кучини йўқотган деб ҳисоблансин.
9. «Ўзбекозиқовқатзахира» уюшмаси Ўзбекистон Республикаси Адлия вазирлиги билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисидаги таклифларни Вазирлар Маҳкамасига киритсин.
10. Мазкур қарорнинг ижросини назорат қилиш Ўзбекистон Республикасининг Бош вазири Ш. Мирзиёев зиммасига юклансин.
Ўзбекистон Республикаси Президенти И. КАРИМОВ
Тошкент ш.,
2016 йил 8 апрель,
ПҚ-2517-сон
Oʻzbekiston Respublikasi Prezidentining
Qarori
Meva-sabzavot mahsulotlarini tayyorlash va gʻamlash korxonalari uyushmasi — “Oʻzbekoziqovqatzaxira”ni tashkil etish toʻgʻrisida
Ichki isteʼmol bozorini, eng avvalo qish-bahor davrida yangi meva-sabzavot, kartoshka, poliz mahsulotlari va uzum bilan barqaror taʼminlab turish uchun shunday mahsulotlarni tayyorlash va gʻamlash tizimini yanada takomillashtirish, zamonaviy saqlash texnologiyalarini joriy etish, omborxona xoʻjaligi va sovutish omborlarining moddiy-texnika bazasini mustahkamlash va rivojlantirish asosida mahsulotlar nobudgarchiligini har tomonlama kamaytirish maqsadida:
1. “Oʻzulgurjisavdoinvest” uyushmasi qatnashchilarining, Oʻzbekiston Respublikasi Iqtisodiyot vazirligi, Moliya vazirligi, Xususiylashtirish, monopoliyadan chiqarish va raqobatni rivojlantirish davlat qoʻmitasining “Oʻzulgurjisavdoinvest” uyushmasini meva-sabzavot mahsulotlarini tayyorlash va gʻamlash korxonalari uyushmasi — “Oʻzbekoziqovqatzaxira” uyushmasi etib qayta tashkil qilish toʻgʻrisidagi takliflari qabul qilinsin.
2. Quyidagilar “Oʻzbekoziqovqatzaxira” uyushmasi faoliyatining asosiy vazifa va yoʻnalishlari etib belgilansin:
talab-ehtiyojni chuqur oʻrganish asosida, yangi meva-sabzavot, kartoshka, poliz mahsulotlari va uzum bilan ichki isteʼmol bozorini uzluksiz toʻldirib borish va narx-navo barqarorligini taʼminlash maqsadida ularni qish-bahor davriga gʻamlab qoʻyish uchun fermer va dehqon xoʻjaliklaridan, agrofirmalardan shunday mahsulotlarni xarid qilish shartnomalarini tuzish;
qish-bahor davriga gʻamlab qoʻyiladigan yangi meva-sabzavot, kartoshka, poliz mahsulotlari va uzumning yaxshi saqlanishini tashkillashtirish, ularni saqlash vaqtida nobudgarchiliklarni kamaytirish chora-tadbirlarini amalga oshirish, mahsulotni xarid qilish va yetkazib berishda zamonaviy logistika tizimini keng joriy qilish;
respublika shaharlarida yangi meva-sabzavot, kartoshka, poliz mahsulotlari va uzum sotish boʻyicha ixtisoslashtirilgan yarmarka savdolarini doimiy asosda oʻtkazib turish;
toʻgʻridan-toʻgʻri investitsiyalarni keng koʻlamda jalb etish va uyushma tarkibiga kirgan korxonalarning moddiy-texnika bazasini mustahkamlash va rivojlantirish ishlarini tashkil qilish, meva-sabzavot mahsulotlari saqlanadigan maxsus omborxonalar va sovutish kameralari qurish, rekonstruksiya qilish va modernizatsiyalashni taʼminlash, ularni zamonaviy uskunalar bilan jihozlash;
olis va borish qiyin boʻlgan aholi punktlarida yashovchi aholini ijtimoiy ahamiyatli oziq-ovqat mahsulotlari bilan ishonchli va uzluksiz taʼminlash chora-tadbirlarini amalga oshirish;
uyushma tarkibiga kirgan korxonalar mutaxassislarini qayta tayyorlash va ularning malakasini oshirishni tashkil etish.
3. Belgilab qoʻyilsinki, “Oʻzbekoziqovqatzaxira” uyushmasi tugatilayotgan “Oʻzulgurjisavdoinvest” uyushmasining shartnomalari va majburiyatlari boʻyicha huquqiy voris hisoblanadi.
5. Oʻzbekiston Respublikasi Vazirlar Mahkamasi (Sh. Mirziyoyev) bir oy muddatda puxta tanlov asosida “Oʻzbekoziqovqatzaxira” uyushmasining ijro etuvchi apparatini tasdiqlangan tuzilma va shtat jadvaliga muvofiq yuqori malakali mutaxassislar bilan butlasin.
6. “Oʻzbekoziqovqatzaxira” uyushmasi bir oy muddatda muassislarning umumiy yigʻilishini oʻtkazib, uning ustavini tasdiqlasin hamda uni belgilangan tartibda davlat roʻyxatidan oʻtkazish uchun Oʻzbekiston Respublikasi Adliya vazirligiga taqdim etsin.
7. “Oʻzbekoziqovqatzaxira” uyushmasi Toshkent shahri, Navoiy koʻchasi, 25-uyga joylashtirilsin.
8. Oʻzbekiston Respublikasi Prezidentining “Oʻzulgurjisavdoinvest” uyushmasining tuzilmasini isloh qilish va faoliyat samaradorligini oshirish toʻgʻrisida” 2011-yil 30-martdagi PQ-1514-sonli qarori oʻz kuchini yoʻqotgan deb hisoblansin.
9. “Oʻzbekoziqovqatzaxira” uyushmasi Oʻzbekiston Respublikasi Adliya vazirligi bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisidagi takliflarni Vazirlar Mahkamasiga kiritsin.
10. Mazkur qarorning ijrosini nazorat qilish Oʻzbekiston Respublikasining Bosh vaziri Sh. Mirziyoyev zimmasiga yuklansin.
Oʻzbekiston Respublikasi Prezidenti I. KARIMOV
Toshkent sh.,
2016-yil 8-aprel,
PQ-2517-son
Президента Республики Узбекистан
Постановление
О создании ассоциации предприятий по заготовке и закладке на хранение плодоовощной продукции «Узбекозиковкатзахира»
В целях дальнейшего совершенствования системы заготовки, закладки на хранение свежей плодоовощной продукции, картофеля, бахчи и винограда для устойчивого насыщения ими внутреннего потребительского рынка, в первую очередь, в зимне-весенний период, всемерного сокращения потерь продукции на основе внедрения современных технологий хранения, укрепления и развития материально-технической базы складского хозяйства и холодильных хранилищ:
1. Принять предложения участников ассоциации «Узулгуржисавдоинвест», Министерства экономики, Министерства финансов, Государственного комитета Республики Узбекистан по приватизации, демонополизации и развитию конкуренции о преобразовании ассоциации «Узулгуржисавдоинвест» в ассоциацию предприятий по заготовке и закладке на хранение плодоовощной продукции «Узбекозиковкатзахира».
2. Определить основными задачами и направлениями деятельности ассоциации «Узбекозиковкатзахира»:
заключение договоров, на основании глубокого изучения спроса, на закупку у фермерских и дехканских хозяйств, агрофирм свежей плодоовощной продукции, картофеля, бахчи и винограда для закладки их на хранение в зимнее-весенний период с целью устойчивого насыщения ими внутреннего потребительского рынка и обеспечения стабильности цен;
организацию надлежащего хранения закладываемой на зимне-весенний период свежей плодоовощной продукции, картофеля, бахчи и винограда, осуществление мер по сокращению потерь во время их хранения, широкое внедрение современной системы логистики при закупке и поставке продукции;
проведение на постоянной основе в городах республики специализированных ярмарочных торгов по реализации свежей плодоовощной продукции, картофеля, бахчи и винограда;
широкое привлечение прямых инвестиций и организацию работ по укреплению и развитию материально-технической базы предприятий, входящих в состав ассоциации, обеспечение строительства, реконструкции и модернизации специализированных складских помещений и холодильных камер для хранения плодоовощной продукции, оснащение их современным оборудованием;
осуществление мер по надежному и бесперебойному обеспечению населения, проживающего в отдаленных и труднодоступных населенных пунктах, социально значимыми продовольственными товарами;
организацию переподготовки и повышения квалификации специалистов предприятий, входящих в состав ассоциации.
3. Определить, что ассоциация «Узбекозиковкатзахира» является правопреемником по договорам и обязательствам упраздняемой ассоциации «Узулгуржисавдоинвест».
5. Кабинету Министров Республики Узбекистан (Ш.М. Мирзиёев) в месячный срок на основе тщательного отбора провести укомплектование исполнительного аппарата ассоциации «Узбекозиковкатзахира» высококвалифицированными специалистами в соответствии с утвержденной структурой и штатным расписанием.
6. Ассоциации «Узбекозиковкатзахира» в месячный срок провести общее собрание учредителей, утвердить устав и представить его в установленном порядке в Министерство юстиции Республики Узбекистан для государственной регистрации.
7. Разместить ассоциацию «Узбекозиковкатзахира» по адресу: г. Ташкент, улица Навои, 25.
8. Признать утратившим силу постановление Президента Республики Узбекистан от 30 марта 2011 года № ПП-1514 «О реформировании структуры и повышении эффективности деятельности ассоциации «Узулгуржисавдоинвест».
9. Ассоциации «Узбекозиковкатзахира» совместно с Министерством юстиции Республики Узбекистан в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
10. Контроль за исполнением настоящего постановления возложить на Премьер-министра Республики Узбекистан Ш.М. Мирзиёева.
Президент Республики Узбекистан И. КАРИМОВ
г. Ташкент,
8 апреля 2016 г.,
№ ПП-2517