📅 2016-yil 12-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 12 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 апреля 2016 г. · Постановления Президента
Официальный текст. Официальный документ. Редакционные примечания не включены.
📅 12 April 2016 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ДАВЛАТ БУЮРТМАСИ
БАЛАНСИ
Мева-сабзавот, картошка ва полиз маҳсулотларини харид қилиш ва улардан фойдаланиш тизимини такомиллаштириш чора-тадбирлари тўғрисида
Мамлакатимиз қайта ишлаш корхоналарини хом ашё билан мунтазам таъминлаш, ички истеъмол бозорини йил давомида сабзавотлар, картошка, мева ва полиз маҳсулотлари билан барқарор тўлдириш, шунингдек, ташқи бозорларда харидоргир ва рақобатбардош бўлган ҳўл мева ва қайта ишланган мева-сабзавот маҳсулотларини экспорт қилиш ҳажмини кўпайтириш ва турларини кенгайтириш учун уларни етиштириш, ишлаб чиқариш ва харид қилиш бўйича ягона тизимни шакллантириш мақсадида:
1. Ўзбекистон Республикаси Иқтисодиёт вазирлиги, Молия вазирлиги, Ташқи иқтисодий алоқалар, инвестициялар ва савдо вазирлиги, Қишлоқ хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгаши, «Ўзбекозиқовқатхолдинг» холдинг компанияси, «Ўзбекозиқовқатзахира» уюшмасининг 2016 йилги ҳосилдан бошлаб ҳўл мева-сабзавот, картошка, полиз маҳсулотлари ва узум харид қилиш бўйича давлат буюртмасини жорий этиш тўғрисидаги таклифи маъқуллансин.
Белгилансинки, ҳўл мева-сабзавот, картошка, полиз маҳсулотлари ва узум харид қилиш бўйича давлат буюртмаси:
«Ўзбекозиқовқатхолдинг» холдинг компанияси таркибига кирадиган хусусий мулк шаклидаги қайта ишлаш корхоналарини хом ашё билан барқарор таъминлаш;
ички истеъмол бозорини қиш-баҳор мавсумида барқарор таъминлаш мақсадида захирага ғамлаш;
ташқи бозорларда харидоргир бўлган ҳўл мева-сабзавот маҳсулотларини экспорт қилиш ушбу маҳсулотларга нисбатан талабдан келиб чиққан ҳолда шакллантирилади.
2. Қуйидагилар:
вилоят ва туман ҳокимликларининг ҳудудларни комплекс ривожлантириш бўйича ҳудудий бошқарма ва бўлимлари зиммасига — фермер ва деҳқон хўжаликлари томонидан ҳўл мева-сабзавот, картошка, полиз маҳсулотлари ва узум етиштириш ҳажми бўйича ҳисоб-китобларнинг ҳаққонийлигини таъминлаш ва улар томонидан тузилган контрактация шартномалари бажарилишини мониторинг қилиш;
«Ўзбекозиқовқатзахира» уюшмаси зиммасига — қиш-баҳор мавсуми учун ҳўл мева-сабзавот, картошка, полиз маҳсулотлари ва узумни ғамлаш;
«Ўзагроэкспорт» ихтисослаштирилган ташқи савдо компанияси зиммасига — ҳўл мева-сабзавотларни экспорт қилиш вазифалари ва масъулияти юклансин.
3. Шундай тартиб ўрнатилсинки, унга мувофиқ давлат буюртмаси доирасида:
маҳсулотларни саноат асосида қайта ишлаш учун харид қилиш, маҳсулот етказиб берувчилар — фермер ва деҳқон хўжаликлари ҳамда истеъмолчилар — таркибига кирган хусусий мулк шаклидаги қайта ишлаш корхоналари ўртасида тузиладиган контрактация шартномалари асосида шартнома қийматининг 40 фоизидан кам бўлмаган миқдорда бўнак бериш орқали амалга оширилади;
ҳўл мева-сабзавот, картошка, полиз маҳсулотлари ва узум фермер ва деҳқон хўжаликларидан келишилган, бозор нархларида харид қилинади;
ҳўл мева ва қайта ишланган мева-сабзавот маҳсулотлари «Ўзагроэкспорт» ихтисослаштирилган ташқи савдо компанияси томонидан хорижий шериклар билан тўғридан-тўғри тузилган экспорт шартномалари, шунингдек, фермер ва деҳқон хўжаликлари, агрофирмалар ва қайта ишлаш корхоналари ўртасида тузиладиган комиссия (воситачилик) шартномалари бўйича экспорт қилинади;
ҳўл мева ва қайта ишланган мева-сабзавот маҳсулотларини комиссия шартномалари асосида экспорт қилишда комиссия (воситачилик) хизмати учун тўлов миқдори 1 фоиздан ошмаслиги лозим;
Вазирлар Маҳкамаси бир ой муддатда:
ҳўл мева-сабзавот, картошка, полиз маҳсулотлари ва узум харид қилиш бўйича давлат буюртмаси тўғрисидаги низомни ;
ҳўл мева ва қайта ишланган мева-сабзавот маҳсулотларини экспорт қилиш тартиби тўғрисидаги низомни тасдиқласин, унда экспортдан валюта тушумининг кафолати ва унинг белгиланган миқдорда мажбурий сотилишини таъминлайдиган нормалар кўзда тутилсин.
4. Қуйидагилар:
2016 йил учун ҳўл мева-сабзавот, картошка, полиз маҳсулотлари ва узум харид қилиш бўйича давлат буюртмаси 1-иловага мувофиқ;
2016 йил учун давлат буюртмаси асосида мева-сабзавот, картошка, полиз маҳсулотлари ва узум харид қилиш ва фойдаланиш баланси 2-иловага мувофиқ тасдиқлансин.
Ўзбекистон Республикаси Президентининг 2016 йил 5 мартдаги ПҚ-2505-сонли қарорига мувофиқ ташкил этилган Республика комиссиясига (Ш.М. Мирзиёев) зарур ҳолларда жаҳон бозоридаги конъюнктура ўзгаришини инобатга олган ҳолда мева-сабзавот, картошка, полиз маҳсулотлари ва узум етиштиришнинг амалдаги ҳажмидан келиб чиқиб, баланс параметрларига тегишли ўзгартиришлар киритиш ҳуқуқи берилсин.
Ўзбекистон Республикаси Иқтисодиёт вазирлиги Давлат статистика қўмитаси, Қишлоқ ва сув хўжалиги вазирлиги билан биргаликда ҳар чоракда Вазирлар Маҳкамасига баланс ижроси ҳақида маълумот тақдим этсин.
5. Махсус ташкил этилган ишчи гуруҳлари жойларга чиқиб, мева-сабзавот маҳсулотларини қайта ишлайдиган корхоналарни тўлиқ инвентаризациядан ўтказгани, уларнинг барчаси хусусий мулк шаклидаги корхоналар эканлиги ва уларнинг аксарияти замонавий технология ускуналари билан жиҳозлангани маълумот учун қабул қилинсин.
«Ўзбекозиқовқатхолдинг» холдинг компанияси ўтказилган инвентаризация асосида уч ой муддатда мева-сабзавотларни чуқур қайта ишлаш ва ташқи бозорда рақобатбардош сифатли маҳсулот ишлаб чиқаришни таъминлайдиган қайта ишлаш корхоналарини янада модернизация қилиш, техник ва технологик янгилаш, замонавий тарақадоқлаш буюмлари ишлаб чиқаришни кенгайтиришга доир аниқ таклифлар тайёрласин ва Вазирлар Маҳкамасига киритсин.
Вазирлар Маҳкамаси Ўзбекистон Республикаси Ташқи иқтисодий алоқалар, инвестициялар ва савдо вазирлиги, Иқтисодиёт вазирлиги, «Ўзбекозиқовқатхолдинг» холдинг компанияси ва бошқа тузилмаларни жалб қилган ҳолда, шу йилнинг май ойида етакчи хорижий ишлаб чиқариш компаниялари ва уларнинг дилерлари иштирокида ҳўл мева-сабзавот, картошка, полиз маҳсулотлари ва узумни қайта ишлаш бўйича замонавий юқори технологияли ускуналар ҳамда технологияларнинг ихтисослаштирилган кўргазма-савдосини ташкил қилсин.
6. 2019 йилнинг 1 январигача:
мева-сабзавот, картошка, полиз маҳсулотлари ва узумни қайта ишлайдиган хусусий мулк шаклидаги корхоналар, идоравий мансублигидан қатъи назар, замонавий ускуна ва технологиялар олиб киришда божхона тўловларидан (божхона йиғимларидан ташқари);
«Ўзбекозиқовқатхолдинг» холдинг компанияси таркибига кирадиган қайта ишлаш корхоналари Ягона ижтимоий тўловдан ташқари даромад солиғи, юридик шахслар мулк солиғи, микрофирма ва кичик корхоналар ягона солиқ, давлат мақсадли жамғармаларига мажбурий ажратмалар тўлашдан озод этилсин.
Белгилаб қўйилсинки, ушбу бандга мувофиқ солиқ ва божхона имтиёзлари берилиши ҳисобидан бўшайдиган маблағлардан ишлаб чиқаришни техник қайта жиҳозлаш ва модернизация қилиш учун мақсадли фойдаланилиши лозим. Бўшаган маблағлардан мақсадсиз фойдаланилган тақдирда улар қайтариб олиниб, бюджет ва тегишли давлат мақсадли жамғармаларига ўтказилади.
7. Ўзбекистон Республикаси Иқтисодиёт вазирлиги, Қишлоқ хўжалиги вазирлиги, Ташқи иқтисодий алоқалар, инвестициялар ва савдо вазирлиги, Молия вазирлиги, «Ўзагроэкспорт» компанияси ва бошқа манфаатдор тузилмаларнинг:
жорий йилнинг июнь ойида Тошкент шаҳрида 2016 йилги ҳўл мева ва қайта ишланган мева-сабзавот маҳсулотларини экспорт қилиш бўйича шартномалар тузиш учун Халқаро мева-сабзавот маҳсулотлари ярмаркасини ўтказиш;
Халқаро мева-сабзавот маҳсулотлари ярмаркаларини ўтказиш бўйича доимий фаолият кўрсатадиган майдонни ташкил этиш ва унинг базасида ҳар йили октябрь ойида келгуси йил учун экспорт шартномалари тузишни ташкил қилиш мақсадида хорижий компанияларнинг фаол иштирокида ярмарка тадбирларини ўтказиш тўғрисидаги таклифи қабул қилинсин.
Вазирлар Маҳкамаси ўн кун муддатда Халқаро мева-сабзавот маҳсулотлари ярмаркасини ҳар йили ўтказишни ташкил этиш тўғрисида қарор қабул қилсин.
9. Ўзбекистон Республикаси Давлат статистика қўмитаси Қишлоқ ва сув хўжалиги вазирлиги, «Ўзбекозиқовқатхолдинг» холдинг компанияси, Ўзбекистон Фермерлари кенгаши, Қорақалпоғистон Республикаси Вазирлар Кенгаши, вилоятлар ҳокимликлари билан биргаликда бир ой муддатда ишлаб чиқарувчи хўжаликлар тоифасига қараб мева-сабзавот, картошка, полиз маҳсулотлари ва узумни етиштириш ҳамда контрактация шартномалари асосида харид қилиш ҳажми бўйича статистик ҳисоботларни танқидий кўриб чиқсин ва бу борада халқаро тажриба ҳисобга олинган ҳолда янги статистик ҳисоботлар шаклларини белгиланган тартибда тасдиқласин ва уни Қорақалпоғистон Республикаси Вазирлар Кенгаши ва вилоятлар ҳокимликлари, шунингдек, тегишли статистика органларига тақдим этсин.
10. Ўзбекистон Республикаси Қишлоқ ва сув хўжалиги вазирлиги «Ўзстандарт» агентлиги, «Ўзбекозиқовқатхолдинг» холдинг компанияси билан биргаликда 2016 йилнинг 1 майига қадар ҳўл мева-сабзавот, картошка, полиз маҳсулотлари ва узумни сақлаш, транспортда ташиш ва сотишда табиий йўқотиш нормативларини ишлаб чиқсин ва белгиланган тартибда тасдиқласин.
11. Ўзбекистон Республикаси Иқтисодиёт вазирлиги, «Ўзбекозиқовқатхолдинг» холдинг компанияси, «Ўзбекозиқовқатзахира» уюшмаси Адлия вазирлиги билан биргаликда амалдаги қонун ҳужжатларига ушбу қарордан келиб чиқадиган тегишли ўзгартиш ва қўшимчалар киритиш бўйича таклифларни бир ойлик муддатда Вазирлар Маҳкамасига тақдим этсин.
12. Мазкур қарорнинг ижросини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.
Ўзбекистон Республикаси Президентининг 2016 йил 12 апрелдаги ПҚ-2520-сон қарорига 1-ИЛОВА
2016 йил учун ҳўл мева-сабзавот маҳсулотларини харид қилиш бўйича
минг тонна Ҳудудлар Давлат буюртмасининг умумий ҳажми шу жумладан: фермер хўжаликлари деҳқон хўжаликлари Қорақалпоғистон Республикаси 84,9 57,1 27,9 Андижон вилояти 549,8 368,0 181,8 Бухоро вилояти 287,2 192,5 94,7 Жиззах вилояти 169,2 107,6 61,7 Қашқадарё вилояти 218,5 138,6 79,9 Навоий вилояти 122,5 78,8 43,7 Наманган вилояти 275,2 190,1 85,1 Самарқанд вилояти 718,4 371,1 347,4 Сурхондарё вилояти 321,4 237,1 84,3 Сирдарё вилояти 126,4 101,6 24,9 Тошкент вилояти 622,8 364,7 258,1 Фарғона вилояти 362,8 206,0 156,8 Хоразм вилояти 217,6 132,0 85,6 Жами: 4 077,0 2 545,0 1 532,0
Ўзбекистон Республикаси Президентининг 2016 йил 12 апрелдаги ПҚ-2520-сон қарорига 2-ИЛОВА
2016 йил учун давлат буюртмаси асосида ҳўл мева-сабзавот маҳсулотларини харид қилиш ва фойдаланиш
минг тонна Т/р Баланс моддаларининг номланиши Мева-сабзавот маҳсулотлари ҳажми, жами Шу жумладан: сабзавот мева узум полиз картошка I. Ресурслар, жами 4 532,8 2 504,0 954,3 555,0 317,5 202,0 шу жумладан: 1.1. Йил бошидаги қолдиқ 455,8 187,0 124,3 10,0 34,5 100,0 1.2. Харидлар, жами 4 077,0 2 317,0 830,0 545,0 283,0 102,0 шу жумладан: фермер хўжаликлари 2 545,0 1 441,0 432,0 305,0 265,0 102,0 деҳқон хўжаликлари 1 532,0 876,0 398,0 240,0 18,0 0,0 II. Фойдаланиш, жами 4 532,8 2 504,0 954,3 555,0 317,5 202,0 шу жумладан: 2.1. «Ўзбекозиқовқатхолдинг» ХК корхоналари томонидан саноат усулида қайта ишлаш 2 217,3 1 408,7 482,5 324,0 2,0 - 2.2. «Ўзбекозиқовқатзахира» уюшмаси томонидан куз-қиш мавсумига захиралаш 360,0 127,0 99,0 - 34,0 100,0 2.3. « Ўзагроэкспорт » ИТСК АЖга экспорт қилиш учун етказиб бериш 1 477,6 770,1 243,8 218,9 244,8 - 2.4. Йил охиридаги қолдиқ 477,9 198,1 129,0 12,1 36,7 102,0
Ўзбекистон Республикаси Президенти И. КАРИМОВ
Тошкент ш.,
2016 йил 12 апрель,
ПҚ-2520-сон
Oʻzbekiston Respublikasi Prezidentining
Qarori
DAVLAT BUYURTMASI
BALANSI
Meva-sabzavot, kartoshka va poliz mahsulotlarini xarid qilish va ulardan foydalanish tizimini takomillashtirish chora-tadbirlari toʻgʻrisida
Mamlakatimiz qayta ishlash korxonalarini xom ashyo bilan muntazam taʼminlash, ichki isteʼmol bozorini yil davomida sabzavotlar, kartoshka, meva va poliz mahsulotlari bilan barqaror toʻldirish, shuningdek, tashqi bozorlarda xaridorgir va raqobatbardosh boʻlgan hoʻl meva va qayta ishlangan meva-sabzavot mahsulotlarini eksport qilish hajmini koʻpaytirish va turlarini kengaytirish uchun ularni yetishtirish, ishlab chiqarish va xarid qilish boʻyicha yagona tizimni shakllantirish maqsadida:
1. Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi, Qishloq xoʻjaligi vazirligi, Oʻzbekiston fermer, dehqon xoʻjaliklari va tomorqa yer egalari kengashi, “Oʻzbekoziqovqatxolding” xolding kompaniyasi, “Oʻzbekoziqovqatzaxira” uyushmasining 2016-yilgi hosildan boshlab hoʻl meva-sabzavot, kartoshka, poliz mahsulotlari va uzum xarid qilish boʻyicha davlat buyurtmasini joriy etish toʻgʻrisidagi taklifi maʼqullansin.
Belgilansinki, hoʻl meva-sabzavot, kartoshka, poliz mahsulotlari va uzum xarid qilish boʻyicha davlat buyurtmasi:
“Oʻzbekoziqovqatxolding” xolding kompaniyasi tarkibiga kiradigan xususiy mulk shaklidagi qayta ishlash korxonalarini xom ashyo bilan barqaror taʼminlash;
ichki isteʼmol bozorini qish-bahor mavsumida barqaror taʼminlash maqsadida zaxiraga gʻamlash;
tashqi bozorlarda xaridorgir boʻlgan hoʻl meva-sabzavot mahsulotlarini eksport qilish ushbu mahsulotlarga nisbatan talabdan kelib chiqqan holda shakllantiriladi.
2. Quyidagilar:
viloyat va tuman hokimliklarining hududlarni kompleks rivojlantirish boʻyicha hududiy boshqarma va boʻlimlari zimmasiga — fermer va dehqon xoʻjaliklari tomonidan hoʻl meva-sabzavot, kartoshka, poliz mahsulotlari va uzum yetishtirish hajmi boʻyicha hisob-kitoblarning haqqoniyligini taʼminlash va ular tomonidan tuzilgan kontraktatsiya shartnomalari bajarilishini monitoring qilish;
“Oʻzbekoziqovqatzaxira” uyushmasi zimmasiga — qish-bahor mavsumi uchun hoʻl meva-sabzavot, kartoshka, poliz mahsulotlari va uzumni gʻamlash;
“Oʻzagroeksport” ixtisoslashtirilgan tashqi savdo kompaniyasi zimmasiga — hoʻl meva-sabzavotlarni eksport qilish vazifalari va masʼuliyati yuklansin.
3. Shunday tartib oʻrnatilsinki, unga muvofiq davlat buyurtmasi doirasida:
mahsulotlarni sanoat asosida qayta ishlash uchun xarid qilish, mahsulot yetkazib beruvchilar — fermer va dehqon xoʻjaliklari hamda isteʼmolchilar — tarkibiga kirgan xususiy mulk shaklidagi qayta ishlash korxonalari oʻrtasida tuziladigan kontraktatsiya shartnomalari asosida shartnoma qiymatining 40 foizidan kam boʻlmagan miqdorda boʻnak berish orqali amalga oshiriladi;
hoʻl meva-sabzavot, kartoshka, poliz mahsulotlari va uzum fermer va dehqon xoʻjaliklaridan kelishilgan, bozor narxlarida xarid qilinadi;
hoʻl meva va qayta ishlangan meva-sabzavot mahsulotlari “Oʻzagroeksport” ixtisoslashtirilgan tashqi savdo kompaniyasi tomonidan xorijiy sheriklar bilan toʻgʻridan-toʻgʻri tuzilgan eksport shartnomalari, shuningdek, fermer va dehqon xoʻjaliklari, agrofirmalar va qayta ishlash korxonalari oʻrtasida tuziladigan komissiya (vositachilik) shartnomalari boʻyicha eksport qilinadi;
hoʻl meva va qayta ishlangan meva-sabzavot mahsulotlarini komissiya shartnomalari asosida eksport qilishda komissiya (vositachilik) xizmati uchun toʻlov miqdori 1 foizdan oshmasligi lozim;
Vazirlar Mahkamasi bir oy muddatda:
hoʻl meva-sabzavot, kartoshka, poliz mahsulotlari va uzum xarid qilish boʻyicha davlat buyurtmasi toʻgʻrisidagi nizomni ;
hoʻl meva va qayta ishlangan meva-sabzavot mahsulotlarini eksport qilish tartibi toʻgʻrisidagi nizomni tasdiqlasin, unda eksportdan valyuta tushumining kafolati va uning belgilangan miqdorda majburiy sotilishini taʼminlaydigan normalar koʻzda tutilsin.
4. Quyidagilar:
2016-yil uchun hoʻl meva-sabzavot, kartoshka, poliz mahsulotlari va uzum xarid qilish boʻyicha davlat buyurtmasi 1-ilovaga muvofiq;
2016-yil uchun davlat buyurtmasi asosida meva-sabzavot, kartoshka, poliz mahsulotlari va uzum xarid qilish va foydalanish balansi 2-ilovaga muvofiq tasdiqlansin.
Oʻzbekiston Respublikasi Prezidentining 2016-yil 5-martdagi PQ-2505-sonli qaroriga muvofiq tashkil etilgan Respublika komissiyasiga (Sh.M. Mirziyoyev) zarur hollarda jahon bozoridagi konyunktura oʻzgarishini inobatga olgan holda meva-sabzavot, kartoshka, poliz mahsulotlari va uzum yetishtirishning amaldagi hajmidan kelib chiqib, balans parametrlariga tegishli oʻzgartirishlar kiritish huquqi berilsin.
Oʻzbekiston Respublikasi Iqtisodiyot vazirligi Davlat statistika qoʻmitasi, Qishloq va suv xoʻjaligi vazirligi bilan birgalikda har chorakda Vazirlar Mahkamasiga balans ijrosi haqida maʼlumot taqdim etsin.
5. Maxsus tashkil etilgan ishchi guruhlari joylarga chiqib, meva-sabzavot mahsulotlarini qayta ishlaydigan korxonalarni toʻliq inventarizatsiyadan oʻtkazgani, ularning barchasi xususiy mulk shaklidagi korxonalar ekanligi va ularning aksariyati zamonaviy texnologiya uskunalari bilan jihozlangani maʼlumot uchun qabul qilinsin.
“Oʻzbekoziqovqatxolding” xolding kompaniyasi oʻtkazilgan inventarizatsiya asosida uch oy muddatda meva-sabzavotlarni chuqur qayta ishlash va tashqi bozorda raqobatbardosh sifatli mahsulot ishlab chiqarishni taʼminlaydigan qayta ishlash korxonalarini yanada modernizatsiya qilish, texnik va texnologik yangilash, zamonaviy taraqadoqlash buyumlari ishlab chiqarishni kengaytirishga doir aniq takliflar tayyorlasin va Vazirlar Mahkamasiga kiritsin.
Vazirlar Mahkamasi Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, “Oʻzbekoziqovqatxolding” xolding kompaniyasi va boshqa tuzilmalarni jalb qilgan holda, shu yilning may oyida yetakchi xorijiy ishlab chiqarish kompaniyalari va ularning dilerlari ishtirokida hoʻl meva-sabzavot, kartoshka, poliz mahsulotlari va uzumni qayta ishlash boʻyicha zamonaviy yuqori texnologiyali uskunalar hamda texnologiyalarning ixtisoslashtirilgan koʻrgazma-savdosini tashkil qilsin.
6. 2019-yilning 1-yanvarigacha:
meva-sabzavot, kartoshka, poliz mahsulotlari va uzumni qayta ishlaydigan xususiy mulk shaklidagi korxonalar, idoraviy mansubligidan qatʼi nazar, zamonaviy uskuna va texnologiyalar olib kirishda bojxona toʻlovlaridan (bojxona yigʻimlaridan tashqari);
“Oʻzbekoziqovqatxolding” xolding kompaniyasi tarkibiga kiradigan qayta ishlash korxonalari Yagona ijtimoiy toʻlovdan tashqari daromad soligʻi, yuridik shaxslar mulk soligʻi, mikrofirma va kichik korxonalar yagona soliq, davlat maqsadli jamgʻarmalariga majburiy ajratmalar toʻlashdan ozod etilsin.
Belgilab qoʻyilsinki, ushbu bandga muvofiq soliq va bojxona imtiyozlari berilishi hisobidan boʻshaydigan mablagʻlardan ishlab chiqarishni texnik qayta jihozlash va modernizatsiya qilish uchun maqsadli foydalanilishi lozim. Boʻshagan mablagʻlardan maqsadsiz foydalanilgan taqdirda ular qaytarib olinib, budjet va tegishli davlat maqsadli jamgʻarmalariga oʻtkaziladi.
7. Oʻzbekiston Respublikasi Iqtisodiyot vazirligi, Qishloq xoʻjaligi vazirligi, Tashqi iqtisodiy aloqalar, investitsiyalar va savdo vazirligi, Moliya vazirligi, “Oʻzagroeksport” kompaniyasi va boshqa manfaatdor tuzilmalarning:
joriy yilning iyun oyida Toshkent shahrida 2016-yilgi hoʻl meva va qayta ishlangan meva-sabzavot mahsulotlarini eksport qilish boʻyicha shartnomalar tuzish uchun Xalqaro meva-sabzavot mahsulotlari yarmarkasini oʻtkazish;
Xalqaro meva-sabzavot mahsulotlari yarmarkalarini oʻtkazish boʻyicha doimiy faoliyat koʻrsatadigan maydonni tashkil etish va uning bazasida har yili oktabr oyida kelgusi yil uchun eksport shartnomalari tuzishni tashkil qilish maqsadida xorijiy kompaniyalarning faol ishtirokida yarmarka tadbirlarini oʻtkazish toʻgʻrisidagi taklifi qabul qilinsin.
Vazirlar Mahkamasi oʻn kun muddatda Xalqaro meva-sabzavot mahsulotlari yarmarkasini har yili oʻtkazishni tashkil etish toʻgʻrisida qaror qabul qilsin.
9. Oʻzbekiston Respublikasi Davlat statistika qoʻmitasi Qishloq va suv xoʻjaligi vazirligi, “Oʻzbekoziqovqatxolding” xolding kompaniyasi, Oʻzbekiston Fermerlari kengashi, Qoraqalpogʻiston Respublikasi Vazirlar Kengashi, viloyatlar hokimliklari bilan birgalikda bir oy muddatda ishlab chiqaruvchi xoʻjaliklar toifasiga qarab meva-sabzavot, kartoshka, poliz mahsulotlari va uzumni yetishtirish hamda kontraktatsiya shartnomalari asosida xarid qilish hajmi boʻyicha statistik hisobotlarni tanqidiy koʻrib chiqsin va bu borada xalqaro tajriba hisobga olingan holda yangi statistik hisobotlar shakllarini belgilangan tartibda tasdiqlasin va uni Qoraqalpogʻiston Respublikasi Vazirlar Kengashi va viloyatlar hokimliklari, shuningdek, tegishli statistika organlariga taqdim etsin.
10. Oʻzbekiston Respublikasi Qishloq va suv xoʻjaligi vazirligi “Oʻzstandart” agentligi, “Oʻzbekoziqovqatxolding” xolding kompaniyasi bilan birgalikda 2016-yilning 1-mayiga qadar hoʻl meva-sabzavot, kartoshka, poliz mahsulotlari va uzumni saqlash, transportda tashish va sotishda tabiiy yoʻqotish normativlarini ishlab chiqsin va belgilangan tartibda tasdiqlasin.
11. Oʻzbekiston Respublikasi Iqtisodiyot vazirligi, “Oʻzbekoziqovqatxolding” xolding kompaniyasi, “Oʻzbekoziqovqatzaxira” uyushmasi Adliya vazirligi bilan birgalikda amaldagi qonun hujjatlariga ushbu qarordan kelib chiqadigan tegishli oʻzgartish va qoʻshimchalar kiritish boʻyicha takliflarni bir oylik muddatda Vazirlar Mahkamasiga taqdim etsin.
12. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Oʻzbekiston Respublikasi Prezidentining 2016-yil 12-apreldagi PQ-2520-son qaroriga 1-ILOVA
2016-yil uchun hoʻl meva-sabzavot mahsulotlarini xarid qilish boʻyicha
ming tonna Hududlar Davlat buyurtmasining umumiy hajmi shu jumladan: fermer xoʻjaliklari dehqon xoʻjaliklari Qoraqalpogʻiston Respublikasi 84,9 57,1 27,9 Andijon viloyati 549,8 368,0 181,8 Buxoro viloyati 287,2 192,5 94,7 Jizzax viloyati 169,2 107,6 61,7 Qashqadaryo viloyati 218,5 138,6 79,9 Navoiy viloyati 122,5 78,8 43,7 Namangan viloyati 275,2 190,1 85,1 Samarqand viloyati 718,4 371,1 347,4 Surxondaryo viloyati 321,4 237,1 84,3 Sirdaryo viloyati 126,4 101,6 24,9 Toshkent viloyati 622,8 364,7 258,1 Fargʻona viloyati 362,8 206,0 156,8 Xorazm viloyati 217,6 132,0 85,6 Jami: 4 077,0 2 545,0 1 532,0
Oʻzbekiston Respublikasi Prezidentining 2016-yil 12-apreldagi PQ-2520-son qaroriga 2-ILOVA
2016-yil uchun davlat buyurtmasi asosida hoʻl meva-sabzavot mahsulotlarini xarid qilish va foydalanish
ming tonna T/r Balans moddalarining nomlanishi Meva-sabzavot mahsulotlari hajmi, jami Shu jumladan: sabzavot meva uzum poliz kartoshka I. Resurslar, jami 4 532,8 2 504,0 954,3 555,0 317,5 202,0 shu jumladan: 1.1. Yil boshidagi qoldiq 455,8 187,0 124,3 10,0 34,5 100,0 1.2. Xaridlar, jami 4 077,0 2 317,0 830,0 545,0 283,0 102,0 shu jumladan: fermer xoʻjaliklari 2 545,0 1 441,0 432,0 305,0 265,0 102,0 dehqon xoʻjaliklari 1 532,0 876,0 398,0 240,0 18,0 0,0 II. Foydalanish, jami 4 532,8 2 504,0 954,3 555,0 317,5 202,0 shu jumladan: 2.1. “Oʻzbekoziqovqatxolding” XK korxonalari tomonidan sanoat usulida qayta ishlash 2 217,3 1 408,7 482,5 324,0 2,0 - 2.2. “Oʻzbekoziqovqatzaxira” uyushmasi tomonidan kuz-qish mavsumiga zaxiralash 360,0 127,0 99,0 - 34,0 100,0 2.3. “ Oʻzagroeksport ” ITSK AJga eksport qilish uchun yetkazib berish 1 477,6 770,1 243,8 218,9 244,8 - 2.4. Yil oxiridagi qoldiq 477,9 198,1 129,0 12,1 36,7 102,0
Oʻzbekiston Respublikasi Prezidenti I. KARIMOV
Toshkent sh.,
2016-yil 12-aprel,
PQ-2520-son
Президента Республики Узбекистан
Постановление
ГОСУДАРСТВЕННЫЙ ЗАКАЗ
БАЛАНС
О мерах по совершенствованию системы закупок и использования плодоовощной продукции, картофеля и бахчевых культур
В целях формирования единой системы производства и закупки свежих овощей, картофеля, плодов и бахчевых культур для стабильного обеспечения сырьем перерабатывающих предприятий республики, устойчивого в течение года насыщения внутреннего потребительского рынка, а также увеличения объемов и расширения номенклатуры поставок на экспорт востребованной на внешних рынках конкурентоспособной свежей и переработанной плодоовощной продукции:
1. Принять предложение Министерства экономики, Министерства финансов, Министерства внешних экономических связей, инвестиций и торговли, Министерства сельского хозяйства, Совета фермерских, дехканских хозяйств и владельцев приусадебных земель Узбекистана, ХК «Узбекозиковкатхолдинг», ассоциации «Узбекозиковкатзахира» о введении, начиная с урожая 2016 года, государственного заказа на закупку свежей плодоовощной продукции, картофеля, бахчи и винограда.
Определить, что государственный заказ на закупку плодоовощной продукции, картофеля, бахчи и винограда формируется исходя из потребности в этих видах продукции для:
стабильного обеспечения сырьем перерабатывающих организаций, входящих в составы ХК «Узбекозиковкатхолдинг», АО «Узшаробсаноат», и других перерабатывающих организаций в независимости от их организационно-правовых форм.
закладки на зимне-весенний период с целью устойчивого насыщения внутреннего потребительского рынка;
реализации на экспорт востребованной на внешних рынках свежей плодоовощной продукции.
2. Возложить функции и ответственность по:
обеспечению достоверности учета объема производства свежей плодоовощной продукции, картофеля, бахчи и винограда фермерскими и дехканскими хозяйствами, мониторингу за выполнением ими заключенных договоров контрактации — на территориальные управления и отделы по комплексному развитию территорий хокимиятов областей и районов;
закладке свежей плодоовощной продукции, картофеля, бахчи и винограда на зимне-весенний период — на ассоциацию «Узбекозиковкатзахира»;
экспорту свежей плодоовощной продукции — на специализированную внешнеторговую компанию «Узагроэкспорт».
3. Установить порядок, в соответствии с которым в рамках государственного заказа:
закупка плодоовощной продукции для государственного заказа осуществляется на основании договоров контрактации, заключаемых между фермерскими и дехканскими хозяйствами — поставщиками, с одной стороны и организациями, входящими в составы, АО «Узшаробсаноат», ассоциации «Узбекозиковкатзахира», АО «Узагроэкспорт» и другими организациями по переработке, заготовке и экспорту плодоовощной продукции в независимости от их организационно-правовых форм — заказчиками, с другой стороны, с авансированием в размере не менее 40 процентов от контрактной стоимости.
закупка свежей плодоовощной продукции, картофеля, бахчи и винограда у фермерских и дехканских хозяйств производится по договорным, рыночным ценам;
экспорт свежей и переработанной плодоовощной продукции осуществляется специализированной внешнеторговой компанией «Узагроэкспорт» на основе прямых экспортных контрактов с иностранными партнерами, а также по договорам комиссии, заключенным с фермерскими и дехканскими хозяйствами, агрофирмами и перерабатывающими предприятиями;
при экспорте свежей и переработанной плодоовощной продукции по договорам комиссии размер комиссии не должен превышать 1 процента;
Кабинету Министров в месячный срок утвердить:
Положение о государственном заказе на закупку свежей плодоовощной продукции, картофеля, бахчи и винограда;
Положение о порядке экспорта свежей и переработанной плодоовощной продукции, предусмотрев в нем нормы, обеспечивающие гарантированное поступление валютной выручки от экспорта и ее обязательную продажу в установленных размерах.
4. Утвердить:
государственный заказ на закупку свежей плодоовощной продукции, картофеля, бахчи и винограда на 2016 год, согласно приложению № 1 ;
баланс закупки по государственному заказу и использованию плодоовощной продукции, картофеля, бахчи и винограда на 2016 год, согласно приложению № 2 .
Предоставить право Республиканской комиссии, образованной постановлением Президента Республики Узбекистан от 5 марта 2016 года № ПП-2505 (Ш. Мирзиёев), вносить, при необходимости, изменения в параметры баланса исходя из фактических объемов производства плодоовощной продукции, картофеля, бахчи и винограда с учетом изменения конъюнктуры на мировых рынках.
Министерству экономики Республики Узбекистан совместно с Госкомстатом, Министерством сельского и водного хозяйства Республики Узбекистан ежеквартально представлять в Кабинет Министров информацию о ходе исполнения баланса.
5. Принять к сведению, что специально образованными рабочими группами с выездом на места была проведена сплошная инвентаризация предприятий, перерабатывающих плодоовощную продукцию, в ходе которой установлено, что все они являются предприятиями с частной формой собственности и в целом оснащены современным технологическим оборудованием.
Холдинговой компании «Узбекозиковкатхолдинг» на основании проведенной инвентаризации в трехмесячный срок разработать и внести в Кабинет Министров конкретные предложения по дальнейшей модернизации, техническому и технологическому обновлению перерабатывающих производств, обеспечивающих более глубокую переработку и выпуск качественной конкурентоспособной на внешних рынках плодоовощной продукции, расширению производства современной тароупаковочной продукции.
Кабинету Министров с привлечением Министерства внешних экономических связей, инвестиций и торговли, Министерства экономики Республики Узбекистан, ХК «Узбекозиковкатхолдинг» и других заинтересованных структур провести в мае текущего года специализированную выставку-продажу современного высокотехнологичного оборудования и технологий по переработке свежей плодоовощной продукции, картофеля, бахчи и винограда с участием ведущих зарубежных компаний-производителей и их дилеров.
6. Освободить до 1 января 2019 года:
предприятия с частной формой собственности, перерабатывающие плодоовощную продукцию, картофель, бахчу и виноград, независимо от их ведомственной подчиненности, от таможенных платежей (за исключением таможенных сборов) при ввозе современного оборудования и технологий;
перерабатывающие предприятия, входящие в состав ХК «Узбекозиковкатхолдинг», от уплаты налога на прибыль, налога на имущество юридических лиц, единого налогового платежа для микрофирм и малых предприятий, обязательных отчислений в государственные целевые фонды, за исключением Единого социального платежа.
Установить, что средства, высвобождаемые в результате предоставления настоящим пунктом налоговых и таможенных льгот, подлежат целевому использованию на техническое перевооружение и модернизацию производства. В случае нецелевого использования высвобождаемых средств они подлежат изъятию в бюджет и соответствующие государственные целевые фонды.
7. Принять предложение Министерства экономики, Министерства сельского хозяйства, Министерства внешних экономических связей, инвестиций и торговли, Министерства финансов Республики Узбекистан, компании «Узагроэкспорт» и других заинтересованных структур о:
проведении в июне месяце в городе Ташкенте Международной ярмарки плодоовощной продукции для заключения контрактов на экспорт свежей и переработанной плодоовощной продукции урожая 2016 года;
создании постоянно действующей площадки и ежегодном проведении на ее базе в сентябре месяце международных ярмарок плодоовощной продукции с широким участием иностранных компаний для организации заключения договоров на экспорт на следующий год.
Кабинету Министров в десятидневный срок принять постановление по организации проведения на ежегодной основе Международной ярмарки плодоовощной продукции.
9. Государственному комитету Республики Узбекистан по статистике совместно с Министерством сельского и водного хозяйства, ХК «Узбекозиковкатхолдинг», Советом фермеров Узбекистана, Советом Министров Республики Каракалпакстан, хокимиятами областей в месячный срок критически пересмотреть и с учетом международного опыта утвердить в установленном порядке обновленные формы статистической отчетности с ее представлением в Совет Министров Республики Каракалпакстан и хокимияты областей, а также в соответствующие органы статистики по объемам производства и закупок по договорам контрактации плодоовощной продукции, картофеля, бахчи и винограда по категориям хозяйств-производителей.
10. Министерству сельского и водного хозяйства Республики Узбекистан совместно с агентством «Узстандарт», ХК «Узбекозиковкатхолдинг» до 1 мая 2016 года разработать и в установленном порядке утвердить нормативы естественной убыли при хранении, транспортировке и продаже свежей плодоовощной продукции, картофеля, бахчи и винограда.
11. Министерству экономики Республики Узбекистан, холдинговой компании «Узбекозиковкатхолдинг», ассоциации «Узбекозиковкатзахира» совместно с Министерством юстиции в месячный срок внести в Кабинет Министров предложения по изменениям и дополнениям в законодательство, вытекающим из настоящего постановления.
12. Контроль за исполнением настоящего постановления возложить на Премьер-министра Республики Узбекистан Ш. Мирзиёева.
ПРИЛОЖЕНИЕ № 1 к постановлению Президента Республики Узбекистан от 12 апреля 2016 года № ПП-2520
на закупку свежей плодоовощной продукции на 2016 год
тыс. тонн Регионы Общий объем госзаказа В том числе: фермерские хозяйства дехканские хозяйства Республика Каракалпакстан 84,9 57,1 27,9 области: Андижанская 549,8 368,0 181,8 Бухарская 287,2 192,5 94,7 Джизакская 169,2 107,6 61,7 Кашкадарьинская 218,5 138,6 79,9 Навоийская 122,5 78,8 43,7 Наманганская 275,2 190,1 85,1 Самаркандская 718,4 371,1 347,4 Сурхандарьинская 321,4 237,1 84,3 Сырдарьинская 126,4 101,6 24,9 Ташкентская 622,8 364,7 258,1 Ферганская 362,8 206,0 156,8 Хорезмская 217,6 132,0 85,6 Всего: 4 077,0 2 545,0 1 532,0
ПРИЛОЖЕНИЕ № 2 к постановлению Президента Республики Узбекистан от 12 апреля 2016 года № ПП-2520
государственного заказа на закупку и использование свежей плодоовощной продукции на 2016 год
тыс. тонн № Наименование статей баланса Объем плодоовощной продукции, всего В том числе: овощи плоды виноград бахчевые картофель I. Ресурсы, всего 4 532,8 2 504,0 954,3 555,0 317,5 202,0 в том числе: 1.1. Остаток на начало года 455,8 187,0 124,3 10,0 34,5 100,0 1.2. Закупки, всего 4 077,0 2 317,0 830,0 545,0 283,0 102,0 в том числе: фермерские хозяйства 2 545,0 1 441,0 432,0 305,0 265,0 102,0 дехканские хозяйства 1 532,0 876,0 398,0 240,0 18,0 0,0 II. Использование, всего 4 532,8 2 504,0 954,3 555,0 317,5 202,0 в том числе: 2.1. на промышленную переработку предприятиями ХК «Узбекозиковкатхолдинг» 2 217,3 1 408,7 482,5 324,0 2,0 - 2.2. закладка на зимне-весенний период ассоциацией «Узбекозиковкатзахира» 360,0 127,0 99,0 - 34,0 100,0 2.3. поставки на экспорт СВТК АО «Узагроэкспорт» 1 477,6 770,1 243,8 218,9 244,8 - 2.4. Остатки на конец года 477,9 198,1 129,0 12,1 36,7 102,0
Президент Республики Узбекистан И. КАРИМОВ
г. Ташкент,
12 апреля 2016 г.,
№ ПП-2520