UzbekAI

Ўзбекистон Республикаси Президентининг

Қарори

ТАРКИБИ

Ўзбекистон Миллий университети фаолиятини янада такомиллаштириш чора-тадбирлари тўғрисида

Олий таълим ривожининг жаҳон тажрибасини ҳисобга олган ҳолда юқори малакали мутахассислар тайёрлаш даражаси ва сифатини тубдан ошириш, Миллий университетнинг илмий салоҳиятини янада мустаҳкамлаш, ўқув жараёнининг илмий-тадқиқот фаолияти билан узвий алоқасини кучайтириш, профессор-ўқитувчилар ва талабаларни фундаментал ва амалий тадқиқотлар ўтказишга кенг жалб этиш, шунингдек бунинг учун зарур замонавий инфратузилма ва моддий-техника базасини яратиш мақсадида:

1. Ўзбекистон Республикаси Олий ва ўрта махсус таълим вазирлиги, Молия вазирлиги, Халқ таълими вазирлиги ва Фанлар академиясининг Мирзо Улуғбек номидаги Ўзбекистон Миллий университети (кейинги ўринларда — Миллий университет)ни Ўзбекистон Республикаси Миллий университети ва Фанлар академиясининг Ядро физикаси институти негизида қайта ташкил этиш тўғрисидаги таклифи қабул қилинсин.

2. Қуйидагилар Миллий университет фаолиятининг асосий вазифалари этиб белгилансин:

фундаментал ва гуманитар фанлар соҳасида юқори малакали ўқитувчи ва илмий кадрларни замонавий талаблар даражасида тайёрлаш, республиканинг базавий университети сифатида олий таълимнинг ўқув дастурларини ишлаб чиқиш ва такомиллаштиришни таъминлаш;

фундаментал илмий тадқиқотлар ўтказиш, илм-фаннинг истиқболли, юқори технологияли йўналишлари бўйича мамлакатимиз илмий мактабларини ривожлантириш, илм-фан ва олий таълим соҳаларида етакчи хорижий университетлар ва илмий марказлар билан ҳамкорликни янада мустаҳкамлаш;

мамлакат олий таълим муассасаларининг таълим-тарбия, илмий-услубий ва маданий-маърифий фаолиятини мувофиқлаштириш, узлуксиз таълим тизими босқичларининг узлуксизлиги ва давомийлигини таъминлаш;

олий таълим муассасалари ўқитувчилари ҳамда илмий-тадқиқот ташкилотлари мутахассисларини қайта тайёрлаш ҳамда малакасини ошириш тизимини эътироф этилган халқаро талаблар ва стандартлар даражасида такомиллаштириш.

Белгилаб қўйилсинки, Миллий университет республиканинг математика, табиий-илмий ва гуманитар йўналишлари бўйича олий маълумотли кадрлар тайёрлаш соҳасидаги таянч олий таълим муассасаси ҳисобланади.

5. Миллий университет ҳузуридаги Амалий физика илмий-тадқиқот институти 2016 йилнинг 1 июлидан тугатилсин ва барча илмий лойиҳалар, ускуналар ва бошқа мол-мулкнинг мақсадга мувофиқлигини танқидий таҳлил қилиш якунлари бўйича улар Миллий университетнинг Физика факультетига топширилсин.

9. Ўзбекистон Республикаси Молия вазирлиги, Олий ва ўрта махсус таълим вазирлиги, Иқтисодиёт вазирлиги Ядро физикаси институтининг 1956 — 1972 йилларда қурилган объектларини халқаро илмий конференциялар ва семинарлар ўтказишга мўлжалланган замонавий инфратузилмани шакллантирган ҳолда уларни зарур мультимедиа ускуналари ва коммуникациялар билан жиҳозлаш, шу жумладан:

200 ўринли мажлислар зали ва 4 та секция аудиториялари бор маъмурий бинони;

600 ўринли зали бўлган бинони (собиқ маданият уйи);

таклиф қилинадиган илмий ходимлар учун 30 ўринли меҳмонхона типидаги ётоқхонани капитал реконструкция қилиш учун 2016-2017 йилларда бюджет маблағлари ажратилишини назарда тутсин.

10. Тугатилаётган Ядро физикаси институти ва Амалий физика илмий-тадқиқот институтининг илмий ва муҳандис ходимларини аттестациядан ўтказиш учун 4-иловага мувофиқ таркибда аттестация комиссияси тузилсин, малакали мутахассислар Миллий университет Физика факультетининг йўналишлар бўйича кафедралари ва лабораторияларига ишга қабул қилинсин.

11. Ўзбекистон Республикаси Олий ва ўрта махсус таълим вазирлиги Миллий университет билан биргаликда:

ўн кун муддатда Миллий университетнинг янгиланган низомини тасдиқласин;

Ўзбекистон Республикаси Молия вазирлиги билан биргаликда Миллий университетнинг маъмурий-бошқарув ҳамда ўқув-ёрдамчи ходимлари сони ва таркибини тасдиқланган янги ташкилий тузилмага мувофиқ ҳолга келтирсин.

12. Ўзбекистон Республикаси Молия вазирлиги мазкур қарордан келиб чиққан ҳолда Ўзбекистон Республикасининг 2016 йилги республика бюджети харажатлари параметрларига зарур ўзгартишлар киритсин.

13. Ўзбекистон Республикаси Меҳнат вазирлиги Олий ва ўрта махсус таълим вазирлиги, Фанлар академияси билан биргаликда Фанлар академиясининг тугатилаётган Ядро физикаси институтининг бўшаётган ходимларини белгиланган тартибда иш билан таъминлаш чораларини кўрсин.

14. Ўзбекистон Республикаси Олий ва ўрта махсус таълим вазирлиги Адлия вазирлиги ҳамда бошқа манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.

15. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари Р. Азимов ва Ўзбекистон Республикаси Бош вазирининг ўринбосари Б. Ходиев зиммасига юклансин.

Ўзбекистон Республикаси Президентининг 2016 йил 11 майдаги ПҚ-2527-сон қарорига 4-ИЛОВА

Ўзбекистон Республикаси Фанлар Академиясининг ядро физикаси институти ва Ўзбекистон миллий университети ҳузуридаги амалий физика илмий-текшириш институти ходимларини аттестациядан ўтказиш бўйича комиссия

Р.С. Азимов — Ўзбекистон Республикаси Бош вазирининг биринчи ўринбосари, молия вазири, комиссия раиси А.В. Вахабов — олий ва ўрта махсус таълим вазири, комиссия раисининг ўринбосари Ш.И. Салихов — Фанлар Академияси президенти Н. Турсунов — Ўзбекистон Республикаси Президенти Давлат маслаҳатчисининг ўринбосари А.М. Садиков — Ўзбекистон Республикаси Президенти Девони бош консультанти Д.Р. Турдиев — иқтисодиёт вазири ўринбосари Б. Низамов — меҳнат вазири ўринбосари О.Р. Парпиев — Фан ва технологияларни ривожлантиришни мувофиқлаштириш қўмитаси ижрочи директори Ф.Х. Ризаев — Вазирлар Маҳкамасининг Ёшлар сиёсати, таълим, маданият ва спорт масалалари бўйича ахборот-таҳлил департаменти мудири Ш.С Сирожиддинов. — Ўзбекистон миллий университети ректори А.Х. Хаитбаев — Ўзбекистон миллий университетининг ўқув ишлари бўйича проректори Х.С. Далиев — Ўзбекистон миллий университети физика факультети декани Б.О. Онорбоев — Вазирлар Маҳкамасининг Ёшлар сиёсати, таълим, маданият ва спорт масалалари бўйича ахборот-таҳлил департаменти бош мутахассиси, комиссия котиби. .

Ўзбекистон Республикаси Президенти И. КАРИМОВ

Тошкент ш.,

2016 йил 11 май,

ПҚ-2527-сон

(Ўзбекистон Республикаси қонун ҳужжатлари тўплами, 2016 й., 19-сон, 210-модда; 2017 й., 23-сон, 447-модда; Қонун ҳужжатлари маълумотлари миллий базаси, 17.11.2017 й., 07/17/3390/0265-сон; Қонунчилик маълумотлари миллий базаси, 25.12.2021 й., 07/21/60/1177-сон )

lex.uz

Oʻzbekiston Respublikasi Prezidentining

Qarori

TARKIBI

Oʻzbekiston Milliy universiteti faoliyatini yanada takomillashtirish chora-tadbirlari toʻgʻrisida

Oliy taʼlim rivojining jahon tajribasini hisobga olgan holda yuqori malakali mutaxassislar tayyorlash darajasi va sifatini tubdan oshirish, Milliy universitetning ilmiy salohiyatini yanada mustahkamlash, oʻquv jarayonining ilmiy-tadqiqot faoliyati bilan uzviy aloqasini kuchaytirish, professor-oʻqituvchilar va talabalarni fundamental va amaliy tadqiqotlar oʻtkazishga keng jalb etish, shuningdek buning uchun zarur zamonaviy infratuzilma va moddiy-texnika bazasini yaratish maqsadida:

1. Oʻzbekiston Respublikasi Oliy va oʻrta maxsus taʼlim vazirligi, Moliya vazirligi, Xalq taʼlimi vazirligi va Fanlar akademiyasining Mirzo Ulugʻbek nomidagi Oʻzbekiston Milliy universiteti (keyingi oʻrinlarda — Milliy universitet)ni Oʻzbekiston Respublikasi Milliy universiteti va Fanlar akademiyasining Yadro fizikasi instituti negizida qayta tashkil etish toʻgʻrisidagi taklifi qabul qilinsin.

2. Quyidagilar Milliy universitet faoliyatining asosiy vazifalari etib belgilansin:

fundamental va gumanitar fanlar sohasida yuqori malakali oʻqituvchi va ilmiy kadrlarni zamonaviy talablar darajasida tayyorlash, respublikaning bazaviy universiteti sifatida oliy taʼlimning oʻquv dasturlarini ishlab chiqish va takomillashtirishni taʼminlash;

fundamental ilmiy tadqiqotlar oʻtkazish, ilm-fanning istiqbolli, yuqori texnologiyali yoʻnalishlari boʻyicha mamlakatimiz ilmiy maktablarini rivojlantirish, ilm-fan va oliy taʼlim sohalarida yetakchi xorijiy universitetlar va ilmiy markazlar bilan hamkorlikni yanada mustahkamlash;

mamlakat oliy taʼlim muassasalarining taʼlim-tarbiya, ilmiy-uslubiy va madaniy-maʼrifiy faoliyatini muvofiqlashtirish, uzluksiz taʼlim tizimi bosqichlarining uzluksizligi va davomiyligini taʼminlash;

oliy taʼlim muassasalari oʻqituvchilari hamda ilmiy-tadqiqot tashkilotlari mutaxassislarini qayta tayyorlash hamda malakasini oshirish tizimini eʼtirof etilgan xalqaro talablar va standartlar darajasida takomillashtirish.

Belgilab qoʻyilsinki, Milliy universitet respublikaning matematika, tabiiy-ilmiy va gumanitar yoʻnalishlari boʻyicha oliy maʼlumotli kadrlar tayyorlash sohasidagi tayanch oliy taʼlim muassasasi hisoblanadi.

5. Milliy universitet huzuridagi Amaliy fizika ilmiy-tadqiqot instituti 2016-yilning 1-iyulidan tugatilsin va barcha ilmiy loyihalar, uskunalar va boshqa mol-mulkning maqsadga muvofiqligini tanqidiy tahlil qilish yakunlari boʻyicha ular Milliy universitetning Fizika fakultetiga topshirilsin.

9. Oʻzbekiston Respublikasi Moliya vazirligi, Oliy va oʻrta maxsus taʼlim vazirligi, Iqtisodiyot vazirligi Yadro fizikasi institutining 1956 — 1972-yillarda qurilgan obyektlarini xalqaro ilmiy konferensiyalar va seminarlar oʻtkazishga moʻljallangan zamonaviy infratuzilmani shakllantirgan holda ularni zarur multimedia uskunalari va kommunikatsiyalar bilan jihozlash, shu jumladan:

200 oʻrinli majlislar zali va 4 ta seksiya auditoriyalari bor maʼmuriy binoni;

600 oʻrinli zali boʻlgan binoni (sobiq madaniyat uyi);

taklif qilinadigan ilmiy xodimlar uchun 30 oʻrinli mehmonxona tipidagi yotoqxonani kapital rekonstruksiya qilish uchun 2016-2017-yillarda budjet mablagʻlari ajratilishini nazarda tutsin.

10. Tugatilayotgan Yadro fizikasi instituti va Amaliy fizika ilmiy-tadqiqot institutining ilmiy va muhandis xodimlarini attestatsiyadan oʻtkazish uchun 4-ilovaga muvofiq tarkibda attestatsiya komissiyasi tuzilsin, malakali mutaxassislar Milliy universitet Fizika fakultetining yoʻnalishlar boʻyicha kafedralari va laboratoriyalariga ishga qabul qilinsin.

11. Oʻzbekiston Respublikasi Oliy va oʻrta maxsus taʼlim vazirligi Milliy universitet bilan birgalikda:

oʻn kun muddatda Milliy universitetning yangilangan nizomini tasdiqlasin;

Oʻzbekiston Respublikasi Moliya vazirligi bilan birgalikda Milliy universitetning maʼmuriy-boshqaruv hamda oʻquv-yordamchi xodimlari soni va tarkibini tasdiqlangan yangi tashkiliy tuzilmaga muvofiq holga keltirsin.

12. Oʻzbekiston Respublikasi Moliya vazirligi mazkur qarordan kelib chiqqan holda Oʻzbekiston Respublikasining 2016-yilgi respublika budjeti xarajatlari parametrlariga zarur oʻzgartishlar kiritsin.

13. Oʻzbekiston Respublikasi Mehnat vazirligi Oliy va oʻrta maxsus taʼlim vazirligi, Fanlar akademiyasi bilan birgalikda Fanlar akademiyasining tugatilayotgan Yadro fizikasi institutining boʻshayotgan xodimlarini belgilangan tartibda ish bilan taʼminlash choralarini koʻrsin.

14. Oʻzbekiston Respublikasi Oliy va oʻrta maxsus taʼlim vazirligi Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

15. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R. Azimov va Oʻzbekiston Respublikasi Bosh vazirining oʻrinbosari B. Xodiyev zimmasiga yuklansin.

Oʻzbekiston Respublikasi Prezidentining 2016-yil 11-maydagi PQ-2527-son qaroriga 4-ILOVA

Oʻzbekiston Respublikasi Fanlar Akademiyasining yadro fizikasi instituti va Oʻzbekiston milliy universiteti huzuridagi amaliy fizika ilmiy-tekshirish instituti xodimlarini attestatsiyadan oʻtkazish boʻyicha komissiya

R.S. Azimov — Oʻzbekiston Respublikasi Bosh vazirining birinchi oʻrinbosari, moliya vaziri, komissiya raisi A.V. Vaxabov — oliy va oʻrta maxsus taʼlim vaziri, komissiya raisining oʻrinbosari Sh.I. Salixov — Fanlar Akademiyasi prezidenti N. Tursunov — Oʻzbekiston Respublikasi Prezidenti Davlat maslahatchisining oʻrinbosari A.M. Sadikov — Oʻzbekiston Respublikasi Prezidenti Devoni bosh konsultanti D.R. Turdiyev — iqtisodiyot vaziri oʻrinbosari B. Nizamov — mehnat vaziri oʻrinbosari O.R. Parpiyev — Fan va texnologiyalarni rivojlantirishni muvofiqlashtirish qoʻmitasi ijrochi direktori F.X. Rizayev — Vazirlar Mahkamasining Yoshlar siyosati, taʼlim, madaniyat va sport masalalari boʻyicha axborot-tahlil departamenti mudiri Sh.S Sirojiddinov. — Oʻzbekiston milliy universiteti rektori A.X. Xaitbayev — Oʻzbekiston milliy universitetining oʻquv ishlari boʻyicha prorektori X.S. Daliyev — Oʻzbekiston milliy universiteti fizika fakulteti dekani B.O. Onorboyev — Vazirlar Mahkamasining Yoshlar siyosati, taʼlim, madaniyat va sport masalalari boʻyicha axborot-tahlil departamenti bosh mutaxassisi, komissiya kotibi. .

Oʻzbekiston Respublikasi Prezidenti I. KARIMOV

Toshkent sh.,

2016-yil 11-may,

PQ-2527-son

(Oʻzbekiston Respublikasi qonun hujjatlari toʻplami, 2016-y., 19-son, 210-modda; 2017-y., 23-son, 447-modda; Qonun hujjatlari maʼlumotlari milliy bazasi, 17.11.2017-y., 07/17/3390/0265-son; Qonunchilik maʼlumotlari milliy bazasi, 25.12.2021-y., 07/21/60/1177-son )

lex.uz

Президента Республики Узбекистан

Постановление

СОСТАВ

О мерах по дальнейшему совершенствованию деятельности Национального университета Узбекистана

В целях кардинального повышения уровня и качества подготовки высококвалифицированных специалистов с учетом мирового опыта развития высшего образования, дальнейшего укрепления научного потенциала Национального университета, усиления взаимосвязи учебного процесса с научно-исследовательской деятельностью, широкого вовлечения профессорско-преподавательского состава и студентов в проведение фундаментальных и прикладных исследований, а также создания для этого необходимой современной инфраструктуры и материально-технической базы:

1. Принять предложение Министерства высшего и среднего специального образования, Министерства финансов, Министерства народного образования и Академии наук Республики Узбекистан о реорганизации Национального университета Узбекистана имени Мирзо Улугбека (далее — Национальный университет) на базе Национального университета и Института ядерной физики Академии наук Республики Узбекистан.

2. Определить основными задачами деятельности Национального университета:

осуществление на уровне современных требований подготовки высококвалифицированных преподавательских и научных кадров в области фундаментальных и гуманитарных наук, обеспечение разработки и совершенствования образовательных программ высшего образования в качестве базового университета республики;

проведение фундаментальных научных исследований, развитие отечественных научных школ по перспективным, высокотехнологичным направлениям науки, дальнейшее укрепление сотрудничества с ведущими зарубежными университетами и научными центрами в сферах науки и высшего образования;

координацию учебно-воспитательной, научно-методической и культурно-просветительской деятельности высших образовательных учреждений страны, обеспечение непрерывности и преемственности ступеней системы непрерывного образования;

совершенствование системы переподготовки и повышения квалификации преподавателей высших образовательных учреждений и специалистов научно-исследовательских организаций на уровне признанных международных требований и стандартов.

Установить, что Национальный университет является базовым вузом республики в сфере подготовки кадров по математическим, естественно-научным и гуманитарным направлениям высшего образования.

5. Ликвидировать с 1 июля 2016 года Научно-исследовательский институт прикладной физики (НИИПФ) при Национальном университете с передачей по итогам критического анализа целесообразности всех научных проектов, оборудования и другого имущества Физическому факультету Национального университета.

9. Министерству финансов, Министерству высшего и среднего специального образования, Министерству экономики Республики Узбекистан предусмотреть бюджетные средства на 2016-2017 годы для проведения капитальной реконструкции объектов Института ядерной физики, построенных в 1956 — 1972 годах, для организации учебного процесса с созданием современной инфраструктуры для проведения международных научных конференций и семинаров и их оснащение необходимым мультимедийным оборудованием и коммуникациями, в том числе:

административного здания с конференц-залом на 200 мест и 4 секционными аудиториями;

здания (бывший дом культуры) с залом на 600 мест;

общежития гостиничного типа на 30 мест для приглашаемых научных работников.

10. Образовать аттестационную комиссию для проведения аттестации научных и инженерных сотрудников упраздняемых Института ядерной физики и Научно-исследовательского института прикладной физики с принятием квалифицированных специалистов на работу в профильные кафедры и лаборатории Физического факультета Национального университета в составе согласно приложению № 4 .

11. Министерству высшего и среднего специального образования Республики Узбекистан совместно с Национальным университетом:

в десятидневный срок утвердить обновленный устав Национального университета;

совместно с Министерством финансов Республики Узбекистан привести численность и состав административно-управленческого и учебно-вспомогательного персонала Национального университета в соответствие с утвержденной новой организационной структурой.

12. Министерству финансов Республики Узбекистан внести необходимые изменения в параметры расходов республиканского бюджета Республики Узбекистан на 2016 год, исходя из положений настоящего постановления.

13. Министерству труда Республики Узбекистан совместно с Министерством высшего и среднего специального образования, Академией наук принять в установленном порядке меры по трудоустройству высвобождаемых работников упраздняемого Института ядерной физики Академии наук.

14. Министерству высшего и среднего специального образования Республики Узбекистан совместно с Министерством юстиции и другими заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.

15. Контроль за исполнением настоящего постановления возложить на первого заместителя Премьер-министра Республики Узбекистан Р.С. Азимова и заместителя Премьер-министра Республики Узбекистан Б.Ю. Ходиева.

ПРИЛОЖЕНИЕ № 4 к постановлению Президента Республики Узбекистан от 11 мая 2016 года № ПП-2527

Комиссии по проведению аттестации работников Института ядерной физики Академии наук Республики Узбекистан и Научно-исследовательского института прикладной физики при Национальном университете Узбекистана

Азимов Р.С. — первый заместитель Премьер-министра, министр финансов, председатель комиссии Вахабов А.В. — министр высшего и среднего специального образования, заместитель председателя комиссии Салихов Ш.И. — Президент Академии наук Турсунов Н. — заместитель Государственного советника Президента Республики Узбекистан Садыков А.М. — главный консультант Аппарата Президента Республики Узбекистан Турдиев Д.Р. — заместитель министра экономики Низамов Б. — заместитель министра труда Парпиев О.Р. — исполнительный директор Комитета по координации развития науки и технологий Ризаев Ф.Х. — заведующий Информационно-аналитическим департаментом Кабинета Министров по вопросам молодежной политики, образования, культуры и спорта Сирожиддинов Ш.С. — ректор Национального университета Узбекистана Хаитбаев А.Х. — проректор по научной работе Национального университета Узбекистана Далиев Х.С. — декан Физического факультета Национального университета Узбекистана Онорбоев Б.О. — главный специалист Информационно-аналитического департамента Кабинета Министров по вопросам молодежной политики, образования, культуры и спорта, секретарь комиссии

Президент Республики Узбекистан И. КАРИМОВ

г. Ташкент,

11 мая 2016 г.,

№ ПП-2527

(Собрание законодательства Республики Узбекистан, 2016 г., № 19, ст. 210; 2017 г., № 23, ст. 447; Национальная база данных законодательства, 25.12.2021 г., № 07/21/60/1177 )

lex.uz