📅 2016-yil 13-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 13 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 13 мая 2016 г. · Постановления Кабинета Министров
Официальный текст. Официальный документ. Редакционные примечания не включены.
📅 13 May 2016 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТАРКИБИ
Тошкент давлат педагогика университети фаолиятини янада такомиллаштириш чора-тадбирлари тўғрисида
Ўзбекистон Республикаси Президентининг «Алишер Навоий номидаги Тошкент давлат ўзбек тили ва адабиёти университети фаолиятини ташкил этиш тўғрисида» 2016 йил 13 майдаги ПФ-4797-сон Фармонини бажариш юзасидан ва Тошкент давлат педагогика университети фаолиятини ташкил этишни янада такомиллаштириш, узлуксиз таълим тизими учун юқори малакали педагог кадрлар тайёрлаш сифатини тубдан ошириш, бунинг учун ўқув жараёнини ташкил этишнинг замонавий талаблари ва халқаро стандартларга жавоб берадиган зарур ўқув ва моддий-техник базасини яратиш мақсадида Вазирлар Маҳкамаси қарор қилади:
1. Қуйидагилар Низомий номидаги Тошкент давлат педагогика университетининг (кейинги ўринларда ТДПУ деб аталади) асосий вазифалари ва фаолияти йўналишлари этиб белгилансин:
республика узлуксиз таълим тизими учун юқори малакали педагог кадрларни халқаро стандартлар даражасида сифатли тайёрлаш, қайта тайёрлаш ва уларнинг малакасини оширишни таъминлаш;
тегишли педагогик йўналишлар ва мутахассисликлар бўйича давлат таълим стандартларини, ўқув режалари ва дастурларни, илмий-методик адабиётларни ишлаб чиқиш, хорижий таълим муассасаларининг тажрибасини ва мамлакат таълим муассасаларининг эҳтиёжини ҳисобга олган ҳолда илғор педагогика технологияларини синовдан ўтказиш ва жорий этиш;
идоравий бўйсунишидан қатъи назар, республикада педагог, муҳандис-педагог ва илмий-педагог кадрлар тайёрлайдиган олий ва ўрта махсус, касб-ҳунар таълими муассасаларининг илмий-педагогик ва ўқув-методик фаолиятини мувофиқлаштириш;
давлат таълим стандартлари, ўқув режалари ва дастурлар, ўқув-методик адабиётларни ҳамда электрон-таълим ресурсларини яратиш ва такомиллаштириш, ўқув жараёнига замонавий педагогика, мультимедиа ва ахборот-коммуникация технологияларини жорий этиш бўйича педагогик таълим муассасалари фаолиятини илмий-методик таъминлаш;
олий ва ўрта махсус, касб-ҳунар таълими педагог кадрларини қайта тайёрлаш ва уларнинг малакасини ошириш жараёнини ташкил этиш ва илмий-методик таъминлаш;
қўшма илмий лойиҳаларни амалга ошириш, илмий-таълим жараёнига етакчи хорижий мутахассисларни жалб этиш мақсадида хорижий педагогика олий таълим муассасалари ва илмий марказлар билан шериклик алоқаларини ривожлантириш.
Белгилансинки, Низомий номидаги Тошкент давлат педагогика университети олий таълимнинг педагогика йўналишлари бўйича кадрларни тайёрлаш, қайта тайёрлаш ва уларнинг малакасини ошириш соҳасида республиканинг базавий олий таълим муассасаси ҳисобланади.
2. Белгилаб қўйилсинки, ТДПУнинг штатдаги ходимлари сони ва профессор-ўқитувчилар таркиби олий таълим муассасалари учун амалдаги штат нормативларига мувофиқ белгиланади.
3. Низомий номидаги Тошкент давлат педагогика университетини қайта жойлаштириш ва фаолиятини ташкил этишни такомиллаштириш билан боғлиқ комплекс чора-тадбирларни амалга ошириш бўйича 2-иловага мувофиқ таркибда комиссия ташкил этилсин.
4. Ўзбекистон Республикаси Олий ва ўрта махсус таълим вазирлиги Низомий номидаги Тошкент давлат педагогика университети билан биргаликда:
ТДПУнинг янгиланган уставини бир ой муддатда тасдиқласин;
2016 йил 1 августгача бўлган муддатда Университетнинг факультетлари ва кафедраларини шакллантириш, Университетнинг тасдиқланган янги ташкилий тузилмасига мувофиқ уларни юқори малакали профессор-ўқитувчи кадрлар билан таъминлаш бўйича зарур чора-тадбирлар комплексини амалга оширсин.
5. Ўзбекистон Республикаси Молия вазирлиги ушбу қарор қоидаларидан келиб чиққан ҳолда 2016 йил учун Ўзбекистон Республикаси республика бюджетининг харажатлар параметрларига зарур ўзгартиришлар киритсин.
6. Тошкент шаҳри ҳокимлиги ҳамда Ўзбекистон Республикаси Олий ва ўрта махсус таълим вазирлигининг Низомий номидаги Тошкент давлат педагогика университетини Тошкент шаҳри, Чилонзор тумани, Бунёдкор кўчаси, 27-уй манзили бўйича жойлаштириш тўғрисидаги таклифи қабул қилинсин.
7. Ўзбекистон Республикаси Хусусийлаштириш, монополиядан чиқариш ва рақобатни ривожлантириш давлат қўмитаси, Олий ва ўрта махсус таълим вазирлиги 1-Тошкент педагогика коллежининг Тошкент шаҳри, Чилонзор тумани, Бунёдкор кўчаси, 27-уй манзили бўйича жойлашган биноларини бепул асосда, тасарруф этиш ҳуқуқисиз Низомий номидаги Тошкент давлат педагогика университетига бериш-қабул қилишни бир ой муддатда таъминласинлар.
8. Ўзбекистон Республикаси Молия вазирлиги, Иқтисодиёт вазирлиги ҳамда Олий ва ўрта махсус таълим вазирлиги манфаатдор вазирликлар ва идоралар билан биргаликда 2016 йилда Низомий номидаги Тошкент давлат педагогика университетининг зарур қўшимча бинолари ва инфратузилма объектларини қуриш учун зарур марказлаштирилган капитал қўйилмалар ажратилишини таъминласинлар.
9. ТДПУ учун бинолар қуриш ва унинг балансига берилаётган тегишли биноларни реконструкция қилиш бўйича:
Ўзбекистон Республикаси Олий ва ўрта махсус таълим вазирлиги ҳузуридаги Ягона буюртмачи хизмати инжиниринг компанияси — буюртмачи этиб;
«ЎзшаҳарсозликЛИТИ» АЖ — бош лойиҳа ташкилоти этиб;
«Қурилишбирлашмаси» АЖ — бош пудратчи этиб белгилансин.
Ўзбекистон Республикаси Олий ва ўрта махсус таълим вазирлиги ҳузуридаги Ягона буюртмачи хизмати инжиниринг компаниясига 2017 йил 1 августгача қурилиш ишлари ва жиҳозлаш тугалланишини таъминлаган, белгиланган шаҳарсозлик нормалари ва қоидаларига риоя этган ҳолда, қурилиш-монтаж ишларини бир вақтда лойиҳалаштириш шартларида амалга оширишга истисно тариқасида рухсат берилсин.
10. Ўзбекистон Республикаси Олий ва ўрта махсус таълим вазирлиги, Фанлар академияси Адлия вазирлиги ҳамда бошқа манфаатдор вазирликлар ва идоралар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов ва Ўзбекистон Республикаси Бош вазирининг ўринбосари Б.Ю. Ходиев зиммасига юклансин.
Вазирлар Маҳкамасининг 2016 йил 13 майдаги 153-сон қарорига 2-ИЛОВА
Низомий номидаги Тошкент давлат педагогика университетини кўчириш ва унинг фаолиятини ташкил этишни такомиллаштириш билан боғлиқ чора-тадбирлар комплексини амалга ошириш бўйича комиссия
Азизов У.Ў. — Ўзбекистон Республикаси Президентининг Давлат маслаҳатчиси вазифасини бажарувчи, комиссия раиси Закиров Б.И. — Ўзбекистон Республикаси Бош вазирининг ўринбосари Ваҳобов А.В. — Олий ва ўрта махсус таълим вазири Набиев Д.Х. — Ўзбекистон Республикаси Президенти Давлат маслаҳатчисининг ўринбосари (келишув бўйича) Хидоятов Д.А. — Хусусийлаштириш, монополиядан чиқариш ва рақобатни ривожлантириш давлат қўмитасининг раиси Хўжаев Б.А. — Иқтисодиёт вазирининг биринчи ўринбосари Қўчқоров Ж.А. — Молия вазирининг ўринбосари Шарипов Ш.С. — Тошкент давлат педагогика университети ректори Камилов М.М. — Олий ва ўрта махсус таълим вазирлигининг бошқарма бошлиғи Онорбоев Б.О. — Вазирлар Маҳкамаси Ёшлар сиёсати, таълим, маданият ва спорт масалалари ахборот-таҳлил департаментининг бош мутахассиси, комиссия котиби
Ўзбекистон Республикаси Президенти И. КАРИМОВ
Тошкент ш.,
2016 йил 13 май,
153-сон
Oʻzbekiston Respublikasi Vazirlar Mahkamasining
qarori
TARKIBI
Toshkent davlat pedagogika universiteti faoliyatini yanada takomillashtirish chora-tadbirlari toʻgʻrisida
Oʻzbekiston Respublikasi Prezidentining “Alisher Navoiy nomidagi Toshkent davlat oʻzbek tili va adabiyoti universiteti faoliyatini tashkil etish toʻgʻrisida” 2016-yil 13-maydagi PF-4797-son Farmonini bajarish yuzasidan va Toshkent davlat pedagogika universiteti faoliyatini tashkil etishni yanada takomillashtirish, uzluksiz taʼlim tizimi uchun yuqori malakali pedagog kadrlar tayyorlash sifatini tubdan oshirish, buning uchun oʻquv jarayonini tashkil etishning zamonaviy talablari va xalqaro standartlarga javob beradigan zarur oʻquv va moddiy-texnik bazasini yaratish maqsadida Vazirlar Mahkamasi qaror qiladi:
1. Quyidagilar Nizomiy nomidagi Toshkent davlat pedagogika universitetining (keyingi oʻrinlarda TDPU deb ataladi) asosiy vazifalari va faoliyati yoʻnalishlari etib belgilansin:
respublika uzluksiz taʼlim tizimi uchun yuqori malakali pedagog kadrlarni xalqaro standartlar darajasida sifatli tayyorlash, qayta tayyorlash va ularning malakasini oshirishni taʼminlash;
tegishli pedagogik yoʻnalishlar va mutaxassisliklar boʻyicha davlat taʼlim standartlarini, oʻquv rejalari va dasturlarni, ilmiy-metodik adabiyotlarni ishlab chiqish, xorijiy taʼlim muassasalarining tajribasini va mamlakat taʼlim muassasalarining ehtiyojini hisobga olgan holda ilgʻor pedagogika texnologiyalarini sinovdan oʻtkazish va joriy etish;
idoraviy boʻysunishidan qatʼi nazar, respublikada pedagog, muhandis-pedagog va ilmiy-pedagog kadrlar tayyorlaydigan oliy va oʻrta maxsus, kasb-hunar taʼlimi muassasalarining ilmiy-pedagogik va oʻquv-metodik faoliyatini muvofiqlashtirish;
davlat taʼlim standartlari, oʻquv rejalari va dasturlar, oʻquv-metodik adabiyotlarni hamda elektron-taʼlim resurslarini yaratish va takomillashtirish, oʻquv jarayoniga zamonaviy pedagogika, multimedia va axborot-kommunikatsiya texnologiyalarini joriy etish boʻyicha pedagogik taʼlim muassasalari faoliyatini ilmiy-metodik taʼminlash;
oliy va oʻrta maxsus, kasb-hunar taʼlimi pedagog kadrlarini qayta tayyorlash va ularning malakasini oshirish jarayonini tashkil etish va ilmiy-metodik taʼminlash;
qoʻshma ilmiy loyihalarni amalga oshirish, ilmiy-taʼlim jarayoniga yetakchi xorijiy mutaxassislarni jalb etish maqsadida xorijiy pedagogika oliy taʼlim muassasalari va ilmiy markazlar bilan sheriklik aloqalarini rivojlantirish.
Belgilansinki, Nizomiy nomidagi Toshkent davlat pedagogika universiteti oliy taʼlimning pedagogika yoʻnalishlari boʻyicha kadrlarni tayyorlash, qayta tayyorlash va ularning malakasini oshirish sohasida respublikaning bazaviy oliy taʼlim muassasasi hisoblanadi.
2. Belgilab qoʻyilsinki, TDPUning shtatdagi xodimlari soni va professor-oʻqituvchilar tarkibi oliy taʼlim muassasalari uchun amaldagi shtat normativlariga muvofiq belgilanadi.
3. Nizomiy nomidagi Toshkent davlat pedagogika universitetini qayta joylashtirish va faoliyatini tashkil etishni takomillashtirish bilan bogʻliq kompleks chora-tadbirlarni amalga oshirish boʻyicha 2-ilovaga muvofiq tarkibda komissiya tashkil etilsin.
4. Oʻzbekiston Respublikasi Oliy va oʻrta maxsus taʼlim vazirligi Nizomiy nomidagi Toshkent davlat pedagogika universiteti bilan birgalikda:
TDPUning yangilangan ustavini bir oy muddatda tasdiqlasin;
2016-yil 1-avgustgacha boʻlgan muddatda Universitetning fakultetlari va kafedralarini shakllantirish, Universitetning tasdiqlangan yangi tashkiliy tuzilmasiga muvofiq ularni yuqori malakali professor-oʻqituvchi kadrlar bilan taʼminlash boʻyicha zarur chora-tadbirlar kompleksini amalga oshirsin.
5. Oʻzbekiston Respublikasi Moliya vazirligi ushbu qaror qoidalaridan kelib chiqqan holda 2016-yil uchun Oʻzbekiston Respublikasi respublika budjetining xarajatlar parametrlariga zarur oʻzgartirishlar kiritsin.
6. Toshkent shahri hokimligi hamda Oʻzbekiston Respublikasi Oliy va oʻrta maxsus taʼlim vazirligining Nizomiy nomidagi Toshkent davlat pedagogika universitetini Toshkent shahri, Chilonzor tumani, Bunyodkor koʻchasi, 27-uy manzili boʻyicha joylashtirish toʻgʻrisidagi taklifi qabul qilinsin.
7. Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi, Oliy va oʻrta maxsus taʼlim vazirligi 1-Toshkent pedagogika kollejining Toshkent shahri, Chilonzor tumani, Bunyodkor koʻchasi, 27-uy manzili boʻyicha joylashgan binolarini bepul asosda, tasarruf etish huquqisiz Nizomiy nomidagi Toshkent davlat pedagogika universitetiga berish-qabul qilishni bir oy muddatda taʼminlasinlar.
8. Oʻzbekiston Respublikasi Moliya vazirligi, Iqtisodiyot vazirligi hamda Oliy va oʻrta maxsus taʼlim vazirligi manfaatdor vazirliklar va idoralar bilan birgalikda 2016-yilda Nizomiy nomidagi Toshkent davlat pedagogika universitetining zarur qoʻshimcha binolari va infratuzilma obyektlarini qurish uchun zarur markazlashtirilgan kapital qoʻyilmalar ajratilishini taʼminlasinlar.
9. TDPU uchun binolar qurish va uning balansiga berilayotgan tegishli binolarni rekonstruksiya qilish boʻyicha:
Oʻzbekiston Respublikasi Oliy va oʻrta maxsus taʼlim vazirligi huzuridagi Yagona buyurtmachi xizmati injiniring kompaniyasi — buyurtmachi etib;
“OʻzshaharsozlikLITI” AJ — bosh loyiha tashkiloti etib;
“Qurilishbirlashmasi” AJ — bosh pudratchi etib belgilansin.
Oʻzbekiston Respublikasi Oliy va oʻrta maxsus taʼlim vazirligi huzuridagi Yagona buyurtmachi xizmati injiniring kompaniyasiga 2017-yil 1-avgustgacha qurilish ishlari va jihozlash tugallanishini taʼminlagan, belgilangan shaharsozlik normalari va qoidalariga rioya etgan holda, qurilish-montaj ishlarini bir vaqtda loyihalashtirish shartlarida amalga oshirishga istisno tariqasida ruxsat berilsin.
10. Oʻzbekiston Respublikasi Oliy va oʻrta maxsus taʼlim vazirligi, Fanlar akademiyasi Adliya vazirligi hamda boshqa manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari B.Y. Xodiyev zimmasiga yuklansin.
Vazirlar Mahkamasining 2016-yil 13-maydagi 153-son qaroriga 2-ILOVA
Nizomiy nomidagi Toshkent davlat pedagogika universitetini koʻchirish va uning faoliyatini tashkil etishni takomillashtirish bilan bogʻliq chora-tadbirlar kompleksini amalga oshirish boʻyicha komissiya
Azizov U.Oʻ. — Oʻzbekiston Respublikasi Prezidentining Davlat maslahatchisi vazifasini bajaruvchi, komissiya raisi Zakirov B.I. — Oʻzbekiston Respublikasi Bosh vazirining oʻrinbosari Vahobov A.V. — Oliy va oʻrta maxsus taʼlim vaziri Nabiyev D.X. — Oʻzbekiston Respublikasi Prezidenti Davlat maslahatchisining oʻrinbosari (kelishuv boʻyicha) Xidoyatov D.A. — Xususiylashtirish, monopoliyadan chiqarish va raqobatni rivojlantirish davlat qoʻmitasining raisi Xoʻjayev B.A. — Iqtisodiyot vazirining birinchi oʻrinbosari Qoʻchqorov J.A. — Moliya vazirining oʻrinbosari Sharipov Sh.S. — Toshkent davlat pedagogika universiteti rektori Kamilov M.M. — Oliy va oʻrta maxsus taʼlim vazirligining boshqarma bosh�igʻi Onorboyev B.O. — Vazirlar Mahkamasi Yoshlar siyosati, taʼlim, madaniyat va sport masalalari axborot-tahlil departamentining bosh mutaxassisi, komissiya kotibi
Oʻzbekiston Respublikasi Prezidenti I. KARIMOV
Toshkent sh.,
2016-yil 13-may,
153-son
Кабинета Министров Республики Узбекистан
Постановление
СОСТАВ
О мерах по дальнейшему совершенствованию деятельности Ташкентского государственного педагогического университета
Во исполнение Указа Президента Республики Узбекистан от 13 мая 2016 года № УП-4797 «Об организации Ташкентского государственного университета узбекского языка и литературы имени Алишера Навои» и в целях совершенствования организации деятельности Ташкентского государственного педагогического университета, кардинального повышения качества подготовки высококвалифицированных педагогических кадров для системы непрерывного образования, создания для этого необходимой учебной и материально-технической базы, отвечающей современным требованиям и международным стандартам организации учебного процесса Кабинет Министров постановляет:
1. Определить основными задачами и направлениями деятельности Ташкентского государственного педагогического университета имени Низами (далее — ТГПУ):
обеспечение качественной, на уровне международных стандартов, подготовки, переподготовки и повышения квалификации высококвалифицированных педагогических кадров для системы непрерывного образования республики;
разработку государственных образовательных стандартов, учебных планов и программ, научно-методической литературы по соответствующим педагогическим направлениям и специальностям, апробацию и внедрение передовых педагогических технологий с учетом опыта зарубежных образовательных учреждений и потребностей образовательных учреждений страны;
координацию научно-педагогической и учебно-методической деятельности высших и средних специальных, профессиональных образовательных учреждений, осуществляющих подготовку педагогических, инженерно-педагогических и научно-педагогических кадров в республике, независимо от их ведомственной подчиненности;
научно-методическое сопровождение деятельности педагогических образовательных учреждений по созданию и совершенствованию государственных образовательных стандартов, учебных планов и программ, учебной, методической и научной литературы и электронно-образовательных ресурсов, внедрению в учебный процесс современных педагогических, мультимедийных и информационно-коммуникационных технологий;
организацию и научно-методическое обеспечение процесса переподготовки и повышения квалификации педагогических кадров системы высшего и среднего специального, профессионального образования;
развитие партнерских связей с зарубежными педагогическими высшими образовательными учреждениями и научными центрами в целях реализации совместных научных проектов, привлечения ведущих зарубежных специалистов в научно-образовательный процесс.
Установить, что Ташкентский государственный педагогический университет имени Низами является базовым высшим образовательным учреждением республики в сфере подготовки, переподготовки и повышения квалификации кадров по педагогическим направлениям высшего образования.
2. Определить, что численность штатных сотрудников и профессорско-преподавательского состава ТГПУ устанавливается в соответствии с действующими штатными нормативами для высших образовательных учреждений.
3. Образовать комиссию по осуществлению комплекса мер, связанных с передислокацией и совершенствованием организации деятельности Ташкентского государственного педагогического университета имени Низами, в составе согласно приложению № 2 .
4. Министерству высшего и среднего специального образования Республики Узбекистан совместно с Ташкентским государственным педагогическим университетом имени Низами:
в месячный срок утвердить обновленный устав ТГПУ;
в срок до 1 августа 2016 года осуществить комплекс необходимых мер по формированию факультетов и кафедр Университета, укомплектованию их высококвалифицированными профессорско-преподавательскими кадрами в соответствии с утвержденной новой организационной структурой университета.
5. Министерству финансов Республики Узбекистан внести необходимые изменения в параметры расходов республиканского бюджета Республики Узбекистан на 2016 год, исходя из положений настоящего постановления.
6. Принять предложение хокимията города Ташкента и Министерства высшего и среднего специального образования Республики Узбекистан о размещении Ташкентского государственного педагогического университета имени Низами по адресу: г. Ташкент, Чиланзарский район, улица Бунедкор, дом 27.
7. Государственному комитету Республики Узбекистан по приватизации, демонополизации и развитию конкуренции, Министерству высшего и среднего специального образования в месячный срок обеспечить прием-передачу на безвозмездной основе Ташкентскому государственному педагогическому университету, без права распоряжения, зданий Ташкентского педагогического колледжа №1, расположенных по адресу: г. Ташкент, Чиланзарский район, улица Бунедкор, дом 27.
8. Министерству финансов, Министерству экономики и Министерству высшего и среднего специального образования Республики Узбекистан совместно с заинтересованными министерствами и ведомствами обеспечить выделение в 2016 году необходимых централизованных капитальных вложений для строительства необходимых дополнительных зданий и объектов инфраструктуры Ташкентского государственного педагогического университета имени Низами.
9. Определить по строительству и реконструкции соответствующих зданий, передаваемых на баланс ТГПУ:
заказчиком — Инжиниринговую компанию «Служба единого заказчика» при Министерстве высшего и среднего специального образования Республики Узбекистан;
генеральной проектной организацией — АО «УзшахарсозликЛИТИ»;
генеральным подрядчиком — АО «Курилишбирлашмаси».
Разрешить, в порядке исключения, Инжиниринговой компании «Служба единого заказчика» при Министерстве высшего и среднего специального образования Республики Узбекистан осуществление строительно-монтажных работ на условиях параллельного проектирования с соблюдением установленных градостроительных норм и правил, с обеспечением завершения строительных работ и оснащения к 1 августа 2017 года.
10. Министерству высшего и среднего специального образования, Академии наук Республики Узбекистан совместно с Министерством юстиции и другими заинтересованными министерствами и ведомствами внести в Кабинет Министров предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на первого заместителя Премьер-министра Республики Узбекистан Р.С. Азимова и заместителя Премьер-министра Республики Узбекистан Б.Ю. Ходиева.
ПРИЛОЖЕНИЕ № 2 к постановлению Кабинета Министров от 13 мая 2016 года № 153
Комиссии по осуществлению комплекса мер, связанных с передислокацией и совершенствованием организации деятельности Ташкентского государственного педагогического университета имени Низами
Азизов У.У. — и.о. Государственного советника Президента Республики Узбекистан, председатель комиссии Закиров Б.И. — заместитель Премьер-министра Республики Узбекистан Вахабов А.В. — министр высшего и среднего специального образования, заместитель председателя комиссии Набиев Д.Х. — заместитель Государственного советника Президента Республики Узбекистан Хидоятов Д.А. — председатель Государственного комитета по приватизации, демонополизации и развитию конкуренции Ходжаев Б.А. — первый заместитель министра экономики Кучкаров Д.А. — заместитель министра финансов Шарипов Ш.С. — ректор Ташкентского государственного педагогического университета Камилов М.М. — начальник управления Министерства высшего и среднего специального образования Онорбоев Б.О. — главный специалист Информационно-аналитического департамента Кабинета Министров по вопросам молодежной политики, образования, культуры и спорта, секретарь комиссии
Президент Республики Узбекистан И. КАРИМОВ
г. Ташкент,
13 мая 2016 г.,
№ 153