📅 2016-yil 24-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 24 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 24 мая 2016 г. · Постановления Кабинета Министров
Официальный текст. Официальный документ. Редакционные примечания не включены.
📅 24 May 2016 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Террорчиликка қарши операция ўтказиш натижасида шахсга ёхуд жисмоний ёки юридик шахсларнинг мол-мулкига етказилган зарарни қоплаш тартиби тўғрисидаги Низомни тасдиқлаш ҳақида
«Терроризмга қарши кураш тўғрисида»ги Ўзбекистон Республикаси Қонунига мувофиқ Вазирлар Маҳкамаси қарор қилади:
1. Террорчиликка қарши операция ўтказиш натижасида шахсга ёхуд жисмоний ёки юридик шахсларнинг мол-мулкига етказилган зарарни қоплаш тартиби тўғрисидаги низом иловага мувофиқ тасдиқлансин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.
Вазирлар Маҳкамасининг 2016 йил 24 майдаги 170-сон қарорига ИЛОВА
Террорчиликка қарши операция ўтказиш натижасида шахсга ёхуд жисмоний ёки юридик шахсларнинг мол-мулкига етказилган зарарни қоплаш тартиби тўғрисида
I. Умумий қоидалар
1. Мазкур Низом террорчиликка қарши операция ўтказиш натижасида шахсга ёхуд жисмоний ёки юридик шахсларнинг (кейинги ўринларда мол-мулк эгалари деб аталади) мол-мулкига етказилган зарарни қоплаш тартибини белгилайди.
Ушбу Низомнинг амал қилиши терроризмга қарши курашда қатнашаётган шахсларга етказилган зарарни қоплашга татбиқ этилмайди, террорчиликка қарши операцияни ўтказишда қатнашаётган шахсга мулкий зарар терроризмга қарши операцияни ўтказиш ҳудудида мол-мулк эгаси сифатида етказилган ҳоллар, шунингдек мол-мулк эгаларининг мол-мулки мазкур хавф бўйича суғурта қилинган ҳолатлар бундан мустасно.
2. Мол-мулк эгаларига етказилган мулкий зарар Ўзбекистон Республикаси Вазирлар Маҳкамасининг захира жамғармаси, Қорақалпоғистон Республикасининг республика бюджети, вилоятларнинг вилоят бюджетлари, Тошкент шаҳри шаҳар бюджетининг, туманлар ва шаҳарлар бюджетларининг захира жамғармалари маблағлари ҳамда қонунчиликда тақиқланмаган бошқа манбалар ҳисобига қопланади.
3. Қуйидагилар қопланиши лозим:
террорчиликка қарши операция ўтказиш натижасида бутунлай йўқ қилинганлиги сабабли тиклашнинг имкони йўқ бўлган мол-мулкнинг бозор қиймати;
террорчиликка қарши операция ўтказиш натижасида мол-мулкка етказилган зарар.
Террорчиликка қарши операция ўтказиш натижасида шахснинг соғлиғига зарар етказилган тақдирда, унга бепул зарур тиббий ёрдам таъминланади, фуқаро ҳалок бўлган тақдирда эса — қонунчиликка мувофиқ, унинг оила аъзоларига пенсия ёки боқувчисини йўқотганлик нафақаси тайинланади.
Маънавий зарарни қоплаш масалалари суд тартибида ҳал қилинади.
4. Шахсга унинг террорчилик ҳаракатидаги иштирокига чек қўйилиши муносабати билан етказилган зарар қопланмайди.
Ўзбошимчалик билан қурилган турар жой, ишлаб чиқаришлар ва бошқа бино ва иншоотларнинг қиймати, шунингдек мол-мулк эгасининг бой берган фойдаси қопланмайди.
5. Террорчиликка қарши операцияни ўтказиш натижасида мол-мулк эгаларига етказилган мулкий зарарни қоплаш иловадаги схемага мувофиқ амалга оширилади.
II. Мурожаатларни кўриб чиқиш ва мулкий зарарни қоплаш тартиби
6. Террорчиликка қарши операция тугагандан сўнг уч иш куни мобайнида ҳудудида террорчиликка қарши операция ўтказилган Қорақалпоғистон Республикаси Вазирлар Кенгаши Раиси, вилоят ёки Тошкент шаҳри ҳокими (кейинги ўринларда ваколатли орган деб аталади) томонидан террорчиликка қарши операцияни ўтказиш натижасида мол-мулкига етказилган мулкий зарарни қоплаш учун мол-мулк эгаларининг мурожаатларини кўриб чиқиш комиссияси (кейинги ўринларда комиссия деб аталади) ташкил этилади.
Комиссияга Қорақалпоғистон Республикаси Вазирлар Кенгаши Раиси, вилоят ёки Тошкент шаҳри ҳокими ёхуд уларнинг ўринбосарлари бошчилик қилади.
Комиссиянинг шахсий таркиби Қорақалпоғистон Республикаси Вазирлар Кенгашининг Раиси, тегишли вилоят ёки Тошкент шаҳри ҳокимининг қарори билан тасдиқланади.
Комиссия таркибига тергов ва молия органларининг, Давлат рақобат қўмитаси, «Давархитектқурилиш» қўмитаси, «Ергеодезкадастр» давлат қўмитаси ва бошқа манфаатдор органлар, шунингдек фуқароларнинг ўзини ўзи бошқариш органларининг вакиллари киритилади.
7. Мол-мулк эгаларини комиссия ўз ишини бошлаганидан хабардор қилиш Қорақалпоғистон Республикаси Вазирлар Кенгаши, тегишли вилоят ёки Тошкент шаҳри ҳокимликлари томонидан оммавий ахборот воситаларида маълумотни жойлаштириш, шунингдек фуқароларни ўзини ўзи бошқариш органларининг ёрдамида комиссия ташкил қилинган кундан эътиборан икки иш куни мобайнида амалга оширилади.
8. Йўқ қилинган ёки шикастланган мол-мулкни қоплаш учун мол-мулк эгаси ёки унинг вакили комиссияга ёзма равишда мурожаат қилади ва қуйидаги ҳужжатларни тақдим этади:
а) террорчиликка қарши операция ўтказиш натижасида етказилган мулкий зарарни қоплаш тўғрисидаги ариза (кейинги ўринларда ариза деб аталади), унда қуйидагилар кўрсатилади:
юридик шахснинг номи, унинг реквизитлари, солиқ тўловчининг идентификация рақами (кейинги ўринларда СТИР деб аталади), банк реквизитлари, раҳбарнинг фамилияси, исми ва отасининг исми (юридик шахслар учун);
фамилияси, исми ва отасининг исми, банк реквизитлари, яшаш манзили ва боғланиш учун бошқа маълумотлар (жисмоний шахслар учун);
б) давлат рўйхатидан ўтказилганлиги тўғрисидаги гувоҳноманинг нусхаси — юридик шахслар учун;
в) паспорт ёки шахсини тасдиқловчи бошқа ҳужжатнинг нусхаси — жисмоний шахслар учун;
г) мол-мулкка эгалик ҳуқуқини тасдиқловчи ҳужжатнинг нусхаси;
д) вакил сифатида мурожаат қилиш ҳуқуқини тасдиқловчи ҳужжат ва шахсини тасдиқловчи ҳужжатнинг нусхаси — юридик ёки жисмоний шахснинг вакили учун (мол-мулк эгасининг вакили мурожаат қилган тақдирда);
е) кўрилган моддий зарарнинг миқдорини тасдиқловчи ҳужжатларнинг нусхалари (мавжуд бўлган тақдирда).
Ариза мурожаат қилинган кундан бошлаб кўриб чиқилади, агар мурожаат комиссия иш бошлаган кундан 6 ойдан кечикмай келиб тушган бўлса.
Комиссия иш бошлаган кундан 6 ой ўтгандан сўнг комиссияга мурожаат қилинган тақдирда, йўқ қилинган ёки шикастланган мол-мулкни қоплаш масаласи суд тартибида ҳал қилинади.
9. Ариза ва мазкур Низомнинг 8-бандида қайд этилган унга илова қилинган ҳужжатлар комиссия томонидан ўн беш иш куни мобайнида кўриб чиқилиши керак.
10. Мазкур Низомнинг 8-бандида қайд этилган ҳужжатлар Комиссияга тўлиқ тақдим қилинмаган тақдирда, комиссия ариза келиб тушган кундан бошлаб бир иш куни мобайнида мол-мулк эгасини ёки унинг вакилини етишмаётган ҳужжатларни тақдим этиш кераклиги ҳақида хабардор қилади.
11. Комиссия ариза ва унга илова қилинган ҳужжатлар келиб тушган кундан бошлаб уч иш куни мобайнида баҳоловчи ташкилотни жалб этган ҳолда, мол-мулк эгасига етказилган мулкий зарарнинг миқдорини баҳолашни ташкиллаштиради.
Мол-мулк эгасига етказилган мулкий зарарнинг миқдорини баҳолашни ташкил қилиш билан боғлиқ харажатлар мазкур Низомнинг 2-бандида кўрсатилган маблағлар ҳисобига амалга оширилади.
12. Баҳоловчи ташкилот томонидан мулкий зарарни баҳолаш тугагандан сўнг, комиссия уч иш куни мобайнида мол-мулк эгасига етказилган мулкий зарарни қоплашнинг миқдори бўйича хулосани (кейинги ўринларда хулоса деб аталади) тайёрлайди ҳамда ваколатли органга киритади.
13. Ваколатли орган мол-мулк эгасига етказилган мулкий зарарни қоплаш тўғрисидаги қарорни хулосани олган кундан бошлаб уч иш куни мобайнида қабул қилади ҳамда уни тегишли молия органига ва ғазначилик бўлинмасига ижро этиш учун юборади.
Бунда ваколатли орган қарор қабул қилинган кундан бошлаб икки иш куни мобайнида мол-мулк эгасига қабул қилинган қарор тўғрисида ёзма равишда хабар қилиши шарт.
14. Молия органи ғазначилик бўлинмаси билан биргаликда ваколатли органнинг мол-мулк эгасига мулкий зарарни қоплаш тўғрисидаги қарори олинган кундан бошлаб уч иш куни мобайнида, қонунчиликка мувофиқ, ваколатли органнинг қарорида қайд қилинган мол-мулк эгасининг банк ҳисоб рақамига пул маблағларини ўтказишни амалга оширади.
15. Мулкий зарарни қоплашни рад этиш тўғрисидаги қарор қуйидаги ҳолларда қабул қилинади:
а) зарур шаклда расмийлаштирилмаган ҳужжатлар тақдим этилганда;
б) тақдим этилган ҳужжатларда ишончсиз маълумотлар мавжуд бўлганда.
16. Мол-мулк эгаси мулкий зарарни қоплашни рад этиш учун асос бўлган сабабларни бартараф этган тақдирда, комиссия томонидан ҳужжатларни қайта кўриб чиқиш мол-мулк эгасининг аризаси талаб қилинган барча ҳужжатлар билан бирга олинган кундан бошлаб ўн кундан ошмайдиган муддатда амалга оширилади.
17. Зарурат бўлган ҳолларда, мол-мулк эгаси ёки унинг вакили билан келишилган ҳолда, мулкий зарар мол-мулк эгасига ёки унинг вакилига тенг қийматдаги мол-мулкни бериш йўли билан натура тарзида қопланиши мумкин.
III. Якунловчи қоидалар
18. Ушбу Низомнинг талаблари бузилишида айбдор бўлган шахслар қонунчиликда белгиланган тартибда жавобгарликка тортилади.
19. Террорчиликка қарши операция ўтказиш натижасида шахсга ёхуд жисмоний ёки юридик шахсларнинг мол-мулкига етказилган зарарни қоплаш масалалари бўйича низо ва келишмовчиликлар қонунчиликда белгиланган тартибда ҳал этилади.
Террорчиликка қарши операция ўтказиш натижасида шахсга ёхуд жисмоний ёки юридик шахсларнинг мол-мулкига етказилган зарарни қоплаш тартиби тўғрисидаги низомга ИЛОВА
Террорчиликка қарши операция ўтказиш натижасида жисмоний ва юридик шахсларга етказилган мулкий зарарни қоплаш
Ўзбекистон Республикасининг Бош вазири Ш. МИРЗИЁЕВ
Тошкент ш.,
2016 йил 24 май,
170-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Terrorchilikka qarshi operatsiya oʻtkazish natijasida shaxsga yoxud jismoniy yoki yuridik shaxslarning mol-mulkiga yetkazilgan zararni qoplash tartibi toʻgʻrisidagi Nizomni tasdiqlash haqida
“Terrorizmga qarshi kurash toʻgʻrisida”gi Oʻzbekiston Respublikasi Qonuniga muvofiq Vazirlar Mahkamasi qaror qiladi:
1. Terrorchilikka qarshi operatsiya oʻtkazish natijasida shaxsga yoxud jismoniy yoki yuridik shaxslarning mol-mulkiga yetkazilgan zararni qoplash tartibi toʻgʻrisidagi nizom ilovaga muvofiq tasdiqlansin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Vazirlar Mahkamasining 2016-yil 24-maydagi 170-son qaroriga ILOVA
Terrorchilikka qarshi operatsiya oʻtkazish natijasida shaxsga yoxud jismoniy yoki yuridik shaxslarning mol-mulkiga yetkazilgan zararni qoplash tartibi toʻgʻrisida
I. Umumiy qoidalar
1. Mazkur Nizom terrorchilikka qarshi operatsiya oʻtkazish natijasida shaxsga yoxud jismoniy yoki yuridik shaxslarning (keyingi oʻrinlarda mol-mulk egalari deb ataladi) mol-mulkiga yetkazilgan zararni qoplash tartibini belgilaydi.
Ushbu Nizomning amal qilishi terrorizmga qarshi kurashda qatnashayotgan shaxslarga yetkazilgan zararni qoplashga tatbiq etilmaydi, terrorchilikka qarshi operatsiyani oʻtkazishda qatnashayotgan shaxsga mulkiy zarar terrorizmga qarshi operatsiyani oʻtkazish hududida mol-mulk egasi sifatida yetkazilgan hollar, shuningdek mol-mulk egalarining mol-mulki mazkur xavf boʻyicha sugʻurta qilingan holatlar bundan mustasno.
2. Mol-mulk egalariga yetkazilgan mulkiy zarar Oʻzbekiston Respublikasi Vazirlar Mahkamasining zaxira jamgʻarmasi, Qoraqalpogʻiston Respublikasining respublika budjeti, viloyatlarning viloyat budjetlari, Toshkent shahri shahar budjetining, tumanlar va shaharlar budjetlarining zaxira jamgʻarmalari mablagʻlari hamda qonunchilikda taqiqlanmagan boshqa manbalar hisobiga qoplanadi.
3. Quyidagilar qoplanishi lozim:
terrorchilikka qarshi operatsiya oʻtkazish natijasida butunlay yoʻq qilinganligi sababli tiklashning imkoni yoʻq boʻlgan mol-mulkning bozor qiymati;
terrorchilikka qarshi operatsiya oʻtkazish natijasida mol-mulkka yetkazilgan zarar.
Terrorchilikka qarshi operatsiya oʻtkazish natijasida shaxsning sogʻligʻiga zarar yetkazilgan taqdirda, unga bepul zarur tibbiy yordam taʼminlanadi, fuqaro halok boʻlgan taqdirda esa — qonunchilikka muvofiq, uning oila aʼzolariga pensiya yoki boquvchisini yoʻqotganlik nafaqasi tayinlanadi.
Maʼnaviy zararni qoplash masalalari sud tartibida hal qilinadi.
4. Shaxsga uning terrorchilik harakatidagi ishtirokiga chek qoʻyilishi munosabati bilan yetkazilgan zarar qoplanmaydi.
Oʻzboshimchalik bilan qurilgan turar joy, ishlab chiqarishlar va boshqa bino va inshootlarning qiymati, shuningdek mol-mulk egasining boy bergan foydasi qoplanmaydi.
5. Terrorchilikka qarshi operatsiyani oʻtkazish natijasida mol-mulk egalariga yetkazilgan mulkiy zararni qoplash ilovadagi sxemaga muvofiq amalga oshiriladi.
II. Murojaatlarni koʻrib chiqish va mulkiy zararni qoplash tartibi
6. Terrorchilikka qarshi operatsiya tugagandan soʻng uch ish kuni mobaynida hududida terrorchilikka qarshi operatsiya oʻtkazilgan Qoraqalpogʻiston Respublikasi Vazirlar Kengashi Raisi, viloyat yoki Toshkent shahri hokimi (keyingi oʻrinlarda vakolatli organ deb ataladi) tomonidan terrorchilikka qarshi operatsiyani oʻtkazish natijasida mol-mulkiga yetkazilgan mulkiy zararni qoplash uchun mol-mulk egalarining murojaatlarini koʻrib chiqish komissiyasi (keyingi oʻrinlarda komissiya deb ataladi) tashkil etiladi.
Komissiyaga Qoraqalpogʻiston Respublikasi Vazirlar Kengashi Raisi, viloyat yoki Toshkent shahri hokimi yoxud ularning oʻrinbosarlari boshchilik qiladi.
Komissiyaning shaxsiy tarkibi Qoraqalpogʻiston Respublikasi Vazirlar Kengashining Raisi, tegishli viloyat yoki Toshkent shahri hokimining qarori bilan tasdiqlanadi.
Komissiya tarkibiga tergov va moliya organlarining, Davlat raqobat qoʻmitasi, “Davarxitektqurilish” qoʻmitasi, “Yergeodezkadastr” davlat qoʻmitasi va boshqa manfaatdor organlar, shuningdek fuqarolarning oʻzini oʻzi boshqarish organlarining vakillari kiritiladi.
7. Mol-mulk egalarini komissiya oʻz ishini boshlaganidan xabardor qilish Qoraqalpogʻiston Respublikasi Vazirlar Kengashi, tegishli viloyat yoki Toshkent shahri hokimliklari tomonidan ommaviy axborot vositalarida maʼlumotni joylashtirish, shuningdek fuqarolarni oʻzini oʻzi boshqarish organlarining yordamida komissiya tashkil qilingan kundan eʼtiboran ikki ish kuni mobaynida amalga oshiriladi.
8. Yoʻq qilingan yoki shikastlangan mol-mulkni qoplash uchun mol-mulk egasi yoki uning vakili komissiyaga yozma ravishda murojaat qiladi va quyidagi hujjatlarni taqdim etadi:
a) terrorchilikka qarshi operatsiya oʻtkazish natijasida yetkazilgan mulkiy zararni qoplash toʻgʻrisidagi ariza (keyingi oʻrinlarda ariza deb ataladi), unda quyidagilar koʻrsatiladi:
yuridik shaxsning nomi, uning rekvizitlari, soliq toʻlovchining identifikatsiya raqami (keyingi oʻrinlarda STIR deb ataladi), bank rekvizitlari, rahbarning familiyasi, ismi va otasining ismi (yuridik shaxslar uchun);
familiyasi, ismi va otasining ismi, bank rekvizitlari, yashash manzili va bogʻlanish uchun boshqa maʼlumotlar (jismoniy shaxslar uchun);
b) davlat roʻyxatidan oʻtkazilganligi toʻgʻrisidagi guvohnomaning nusxasi — yuridik shaxslar uchun;
v) pasport yoki shaxsini tasdiqlovchi boshqa hujjatning nusxasi — jismoniy shaxslar uchun;
g) mol-mulkka egalik huquqini tasdiqlovchi hujjatning nusxasi;
d) vakil sifatida murojaat qilish huquqini tasdiqlovchi hujjat va shaxsini tasdiqlovchi hujjatning nusxasi — yuridik yoki jismoniy shaxsning vakili uchun (mol-mulk egasining vakili murojaat qilgan taqdirda);
e) koʻrilgan moddiy zararning miqdorini tasdiqlovchi hujjatlarning nusxalari (mavjud boʻlgan taqdirda).
Ariza murojaat qilingan kundan boshlab koʻrib chiqiladi, agar murojaat komissiya ish boshlagan kundan 6 oydan kechikmay kelib tushgan boʻlsa.
Komissiya ish boshlagan kundan 6 oy oʻtgandan soʻng komissiyaga murojaat qilingan taqdirda, yoʻq qilingan yoki shikastlangan mol-mulkni qoplash masalasi sud tartibida hal qilinadi.
9. Ariza va mazkur Nizomning 8-bandida qayd etilgan unga ilova qilingan hujjatlar komissiya tomonidan oʻn besh ish kuni mobaynida koʻrib chiqilishi kerak.
10. Mazkur Nizomning 8-bandida qayd etilgan hujjatlar Komissiyaga toʻliq taqdim qilinmagan taqdirda, komissiya ariza kelib tushgan kundan boshlab bir ish kuni mobaynida mol-mulk egasini yoki uning vakilini yetishmayotgan hujjatlarni taqdim etish kerakligi haqida xabardor qiladi.
11. Komissiya ariza va unga ilova qilingan hujjatlar kelib tushgan kundan boshlab uch ish kuni mobaynida baholovchi tashkilotni jalb etgan holda, mol-mulk egasiga yetkazilgan mulkiy zararning miqdorini baholashni tashkillashtiradi.
Mol-mulk egasiga yetkazilgan mulkiy zararning miqdorini baholashni tashkil qilish bilan bogʻliq xarajatlar mazkur Nizomning 2-bandida koʻrsatilgan mablagʻlar hisobiga amalga oshiriladi.
12. Baholovchi tashkilot tomonidan mulkiy zararni baholash tugagandan soʻng, komissiya uch ish kuni mobaynida mol-mulk egasiga yetkazilgan mulkiy zararni qoplashning miqdori boʻyicha xulosani (keyingi oʻrinlarda xulosa deb ataladi) tayyorlaydi hamda vakolatli organga kiritadi.
13. Vakolatli organ mol-mulk egasiga yetkazilgan mulkiy zararni qoplash toʻgʻrisidagi qarorni xulosani olgan kundan boshlab uch ish kuni mobaynida qabul qiladi hamda uni tegishli moliya organiga va gʻaznachilik boʻlinmasiga ijro etish uchun yuboradi.
Bunda vakolatli organ qaror qabul qilingan kundan boshlab ikki ish kuni mobaynida mol-mulk egasiga qabul qilingan qaror toʻgʻrisida yozma ravishda xabar qilishi shart.
14. Moliya organi gʻaznachilik boʻlinmasi bilan birgalikda vakolatli organning mol-mulk egasiga mulkiy zararni qoplash toʻgʻrisidagi qarori olingan kundan boshlab uch ish kuni mobaynida, qonunchilikka muvofiq, vakolatli organning qarorida qayd qilingan mol-mulk egasining bank hisob raqamiga pul mablagʻlarini oʻtkazishni amalga oshiradi.
15. Mulkiy zararni qoplashni rad etish toʻgʻrisidagi qaror quyidagi hollarda qabul qilinadi:
a) zarur shaklda rasmiylashtirilmagan hujjatlar taqdim etilganda;
b) taqdim etilgan hujjatlarda ishonchsiz maʼlumotlar mavjud boʻlganda.
16. Mol-mulk egasi mulkiy zararni qoplashni rad etish uchun asos boʻlgan sabablarni bartaraf etgan taqdirda, komissiya tomonidan hujjatlarni qayta koʻrib chiqish mol-mulk egasining arizasi talab qilingan barcha hujjatlar bilan birga olingan kundan boshlab oʻn kundan oshmaydigan muddatda amalga oshiriladi.
17. Zarurat boʻlgan hollarda, mol-mulk egasi yoki uning vakili bilan kelishilgan holda, mulkiy zarar mol-mulk egasiga yoki uning vakiliga teng qiymatdagi mol-mulkni berish yoʻli bilan natura tarzida qoplanishi mumkin.
III. Yakunlovchi qoidalar
18. Ushbu Nizomning talablari buzilishida aybdor boʻlgan shaxslar qonunchilikda belgilangan tartibda javobgarlikka tortiladi.
19. Terrorchilikka qarshi operatsiya oʻtkazish natijasida shaxsga yoxud jismoniy yoki yuridik shaxslarning mol-mulkiga yetkazilgan zararni qoplash masalalari boʻyicha nizo va kelishmovchiliklar qonunchilikda belgilangan tartibda hal etiladi.
Terrorchilikka qarshi operatsiya oʻtkazish natijasida shaxsga yoxud jismoniy yoki yuridik shaxslarning mol-mulkiga yetkazilgan zararni qoplash tartibi toʻgʻrisidagi nizomga ILOVA
Terrorchilikka qarshi operatsiya oʻtkazish natijasida jismoniy va yuridik shaxslarga yetkazilgan mulkiy zararni qoplash
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2016-yil 24-may,
170-son
Кабинета Министров Республики Узбекистан
Постановление
ПОЛОЖЕНИЕ
СХЕМА
Об утверждении Положения о порядке возмещения вреда, причиненного личности или имуществу физических или юридических лиц в результате проведения антитеррористической операции
В соответствии с Законом Республики Узбекистан «О борьбе с терроризмом» Кабинет Министров постановляет:
1. Утвердить Положение о порядке возмещения вреда, причиненного личности или имуществу физических или юридических лиц в результате проведения антитеррористической операции, согласно приложению .
2. Контроль за исполнением настоящего постановления возложить на первого заместителя Премьер-министра Республики Узбекистан Р.С. Азимова.
ПРИЛОЖЕНИЕ к постановлению Кабинета Министров от 24 мая 2016 года №170
о порядке возмещения вреда, причиненного личности или имуществу физических или юридических лиц в результате проведения антитеррористической операции
I. Общие положения
1. Настоящее Положение определяет порядок возмещения вреда, причиненного личности или имуществу физических или юридических лиц (далее — собственники имущества) в результате проведения антитеррористической операции.
Действие настоящего Положения не распространяется на возмещение вреда лицам, участвующим в борьбе с терроризмом, кроме случаев, когда имущественный вред лицу, участвующему в проведении антитеррористической операции, нанесен как собственнику имущества в зоне проведения антитеррористической операции, а также когда имущество собственников имущества застраховано по данному риску.
2. Имущественный вред, причиненный собственникам имущества, возмещается за счет средств резервного фонда Кабинета Министров Республики Узбекистан, резервных фондов республиканского бюджета Республики Каракалпакстан, областных бюджетов областей, городского бюджета города Ташкента, бюджетов районов и городов и иных источников, не запрещенных законодательством.
3. Возмещению подлежит:
рыночная стоимость имущества, восстановление которого не представляется возможным в связи с полным уничтожением в результате проведения антитеррористической операции;
ущерб, причиненный имуществу в результате проведения антитеррористической операции.
В случае причинения в ходе проведения антитеррористической операции вреда здоровью личности ему обеспечивается необходимая бесплатная медицинская помощь, а в случае гибели гражданина — членам его семьи назначается пенсия или пособие по случаю потери кормильца, в соответствии с законодательством.
Вопросы возмещения морального вреда решаются в судебном порядке.
4. Вред, причиненный лицу в связи с пресечением его участия в террористической акции, возмещению не подлежит.
Не подлежит возмещению стоимость самовольно возведенных жилых, производственных и иных строений и сооружений, а также упущенная выгода собственника имущества.
5. Возмещение имущественного вреда, причиненного собственникам имущества в результате проведения антитеррористической операции, осуществляется по схеме согласно приложению.
II. Порядок рассмотрения обращений и возмещение имущественного вреда
6. В течение трех рабочих дней со дня прекращения антитеррористической операции Председателем Совета Министров Республики Каракалпакстан, хокимом области или города Ташкента, на территории которых проводилась антитеррористическая операция (далее — уполномоченный орган), создается комиссия по рассмотрению обращений собственников имущества для возмещения имущественного вреда, нанесенного их имуществу в результате проведения антитеррористической операции (далее — комиссия).
Комиссию возглавляет Председатель Совета Министров Республики Каракалпакстан, хоким области или города Ташкента или их заместители.
Персональный состав комиссии утверждается решением Председателя Совета Министров Республики Каракалпакстан, хокимом соответствующей области или города Ташкента.
В состав комиссии включаются представители следственных и финансовых органов, территориальных органов Госкомконкуренции, Госархитектстроя, Госкомземгеодезкадастра и других заинтересованных органов, а также органов самоуправления граждан.
7. Оповещение собственников имущества о начале работы комиссии осуществляется Советом Министров Республики Каракалпакстан, хокимиятами соответствующей области или города Ташкента путем размещения информации в средствах массовой информации, а также с помощью органов самоуправления граждан в течение двух рабочих дней со дня создания комиссии.
8. Для возмещения утраченного или поврежденного имущества собственник имущества или его представитель письменно обращается в комиссию и представляет следующие документы:
а) заявление о возмещении имущественного вреда, причиненного в результате проведения антитеррористической операции (далее — заявление), с указанием:
наименования юридического лица, его реквизитов, идентификационного номера налогоплательщика (далее — ИНН), банковских реквизитов, фамилии, имени и отчества руководителя (для юридических лиц);
фамилии, имени и отчества, ИНН, банковских реквизитов, адреса проживания и других контактных данных (для физических лиц);
б) копия свидетельства о государственной регистрации — для юридических лиц;
в) копия паспорта или иного документа, удостоверяющего личность — для физических лиц;
г) копия документа, подтверждающего право собственности на имущество;
д) документ, удостоверяющий право на обращение в качестве представителя, и копия документа, удостоверяющего личность, — для представителя юридического или физического лица (в случае обращения представителя собственника имущества);
е) копии документов, подтверждающих размер понесенных материальных затрат (при наличии).
Заявление рассматривается со дня обращения, если обращение последовало не позднее 6 месяцев со дня начала работы комиссии.
При обращении в комиссию по истечении 6 месяцев со дня начала работы комиссии вопрос о возмещении утраченного или поврежденного имущества решается в судебном порядке.
9. Заявление и приложенные к нему документы, указанные в пункте 8 настоящего Положения, подлежат рассмотрению комиссией в течение пятнадцати рабочих дней.
10. В случае неполного представления в комиссию документов, указанных в пункте 8 настоящего Положения, комиссия в течение одного рабочего дня со дня получения заявления уведомляет собственника имущества или его представителя о необходимости представления недостающих документов.
11. Комиссия в течение трех рабочих дней со дня получения заявления и приложенных к нему документов организует оценку размера имущественного вреда, причиненного собственнику имущества, путем привлечения оценочной организации.
Расходы, связанные с организацией проведения оценки размера имущественного вреда, причиненного собственнику имущества, осуществляются за счет средств, указанных в пункте 2 настоящего Положения.
12. По завершении оценочной организацией оценки имущественного вреда комиссия в течение трех рабочих дней готовит заключение по размеру возмещения имущественного вреда собственнику имущества (далее — заключение) и вносит в уполномоченный орган.
13. Уполномоченный орган в течение трех рабочих дней со дня получения заключения принимает решение о возмещении имущественного вреда собственнику имущества и направляет его для исполнения в соответствующий финансовый орган и казначейское подразделение.
При этом уполномоченный орган обязан в течение двух рабочих дней со дня принятия решения сообщить собственнику имущества о принятом решении в письменной форме.
14. Финансовый орган совместно с казначейским подразделением в течение трех рабочих дней со дня получения решения уполномоченного органа о возмещении имущественного вреда собственнику имущества осуществляют, в соответствии с законодательством, перечисление денежных средств на банковский счет собственника имущества, указанный в решении уполномоченного органа.
15. Решение об отказе в возмещении имущественного вреда принимается в следующих случаях:
а) представление ненадлежащим образом оформленных документов;
б) наличие в представленных документах недостоверных сведений.
16. В случае устранения собственником имущества причин, послуживших основанием для отказа в возмещении имущественного вреда, повторное рассмотрение документов осуществляется комиссией в срок, не превышающий десяти дней со дня получения заявления собственника имущества со всеми необходимыми документами.
17. При необходимости, по согласованию с собственником имущества или его представителем, имущественный вред может быть компенсирован в натуральном выражении путем выдачи собственнику имущества или его представителю равноценного имущества.
III. Заключительные положения
18. Лица, виновные в нарушении требований настоящего Положения, несут ответственность в порядке, установленном законодательством.
19. Споры и разногласия по вопросам возмещения вреда, причиненного личности или имуществу физических или юридических лиц в результате проведения антитеррористической операции, решаются в установленном законодательством порядке.
ПРИЛОЖЕНИЕ к Положению о порядке возмещения вреда, причиненного личности или имуществу физических или юридических лиц в результате проведения антитеррористической операции
возмещения имущественного вреда, причиненного физическим и юридическим лицам в результате проведения антитеррористической операции
Премьер-министр Республики Узбекистан Ш. МИРЗИЁЕВ
г. Ташкент,
24 мая 2016 г.,
№ 170