UzbekAI

Ўзбекистон Республикаси Вазирлар Маҳкамасининг

қарори

Олий таълим тизими учун хорижий ўқув ва илмий адабиётлар харид қилиш чора-тадбирлари тўғрисида

Ўзбекистон Республикаси Президентининг «Олий таълим муассасаларининг раҳбар ва педагог кадрларини қайта тайёрлаш ва малакасини ошириш тизимини янада такомиллаштириш чора-тадбирлари тўғрисида» 2015 йил 12 июндаги ПФ-4732-сон Фармонини бажариш юзасидан ҳамда олий таълим муассасаларида юқори малакали кадрлар тайёрлаш самарадорлигини ошириш мақсадида Вазирлар Маҳкамаси қарор қилади:

1. Ўзбекистон Республикаси Олий ва ўрта махсус таълим вазирлиги ва Молия вазирлигининг республика олий таълим муассасалари учун Ўзбекистон Республикаси Вазирлар Маҳкамаси томонидан тасдиқланадиган рўйхатлар бўйича 5864 номдаги хорижий ўқув ва илмий адабиётларни, истисно тариқасида, тендер савдолари ўтказмасдан импорт бўйича харид қилиш тўғрисидаги таклифи маъқуллансин.

Белгилаб қўйилсинки, хорижий ўқув ва илмий адабиётларни, шу жумладан электрон шаклдаги ўқув ва илмий адабиётларни қабул қилиш, сақлаш ва уларни олий таълим муассасалари ўртасида тақсимлаш Алишер Навоий номидаги Ўзбекистон Миллий кутубхонаси — ахборот-ресурс маркази томонидан бепул амалга оширилади.

2. «Ўзсаноатэкспорт» АЖ ва Алишер Навоий номидаги Ўзбекистон Миллий кутубхонаси — ахборот-ресурс маркази:

Ўзбекистон Республикаси Олий ва ўрта махсус таълим вазирлиги билан биргаликда дистрибьюторлик компаниялари ҳамда сотиш ҳуқуқига эга бўлган хорижий адабиётлар нашриётлари (муаллифлари) билан хорижий ўқув ва илмий адабиётларни харид қилиш юзасидан, етказиб бериш шартлари ва муддатларини аниқ белгилаган ҳолда, икки ҳафта муддатда тўғридан-тўғри музокаралар ўтказсинлар;

музокаралар натижалари бўйича дистрибьюторлик компаниялари ҳамда хорижий адабиётлар нашриётлари (муаллифлари) билан хорижий ўқув ва илмий адабиётларни етказиб бериш, шу жумладан 2016 йил 31 майгача олий таълим муассасалари бакалавриати 1-босқич талабалари, шунингдек 15 та базавий олий таълим муассасалари ҳузуридаги раҳбар ва педагог кадрларни қайта тайёрлаш ва уларнинг малакасини ошириш курслари тингловчилари учун 980 номдаги ўқув адабиётлари етказиб бериш юзасидан контрактлар тузсинлар.

3. Ўзбекистон Республикаси Вазирлар Маҳкамаси томонидан тасдиқланадиган рўйхатлар бўйича «Ўзсаноатэкспорт» АЖ ва Алишер Навоий номидаги Ўзбекистон Миллий кутубхонаси — ахборот-ресурс маркази томонидан олиб келинаётган хорижий ўқув ва илмий адабиётлар, шу жумладан электрон шаклдаги ўқув ва илмий адабиётлар 2020 йил 1 январгача бўлган муддатга божхона тўловларидан (божхонада расмийлаштириш йиғимлари бундан мустасно) озод қилинсин.

4. Ўзбекистон Республикаси Молия вазирлиги ушбу қарорни амалга ошириш доирасида хорижий ўқув ва илмий адабиётларни харид қилиш учун «Маориф» соҳаси бўйича назарда тутиладиган бюджет маблағлари доирасида 2016 йилда ва кейинги йилларда зарур маблағлар ажратилишини таъминласин.

5. Ўзбекистон Республикаси Марказий банкига ваколатли банк билан биргаликда «Ўзсаноатэкспорт» АЖ ва Алишер Навоий номидаги Ўзбекистон Миллий кутубхонаси — ахборот-ресурс маркази томонидан тақдим этиладиган буюртманомаларга биноан хорижий ўқув ва илмий адабиётларни харид қилиш учун Ўзбекистон Республикаси Давлат бюджетидан ажратиладиган маблағларнинг белгиланган тартибда конвертация қилинишини таъминлаш тавсия этилсин.

6. Ўзбекистон Республикаси Ташқи иқтисодий алоқалар, инвестициялар ва савдо вазирлиги Ўзбекистон Республикаси Олий ва ўрта махсус таълим вазирлиги ҳамда бошқа манфаатдор вазирликлар ва идоралар билан биргаликда республиканинг олий таълим муассасалари эҳтиёжлари учун хорижий ўқув ва илмий адабиётларни харид қилиш учун халқаро молия ташкилотлари ва бошқа хорижий донорлар билан хорижий грантларни жалб этиш юзасидан белгиланган тартибда тизимли ишлар олиб борсинлар.

7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов ҳамда Ўзбекистон Республикаси Бош вазирининг ўринбосари — Ёшлар сиёсати, таълим, маданият ва спорт масалалари комплекси раҳбари зиммасига юклансин.

Ўзбекистон Республикасининг Бош вазири Ш. МИРЗИЁЕВ

Тошкент ш.,

2016 йил 24 май,

174-сон

(Ўзбекистон Республикаси қонун ҳужжатлари тўплами, 2016 й., 21-сон, 238-модда)

Oʻzbekiston Respublikasi Vazirlar Mahkamasining

qarori

Oliy taʼlim tizimi uchun xorijiy oʻquv va ilmiy adabiyotlar xarid qilish chora-tadbirlari toʻgʻrisida

Oʻzbekiston Respublikasi Prezidentining “Oliy taʼlim muassasalarining rahbar va pedagog kadrlarini qayta tayyorlash va malakasini oshirish tizimini yanada takomillashtirish chora-tadbirlari toʻgʻrisida” 2015-yil 12-iyundagi PF-4732-son Farmonini bajarish yuzasidan hamda oliy taʼlim muassasalarida yuqori malakali kadrlar tayyorlash samaradorligini oshirish maqsadida Vazirlar Mahkamasi qaror qiladi:

1. Oʻzbekiston Respublikasi Oliy va oʻrta maxsus taʼlim vazirligi va Moliya vazirligining respublika oliy taʼlim muassasalari uchun Oʻzbekiston Respublikasi Vazirlar Mahkamasi tomonidan tasdiqlanadigan roʻyxatlar boʻyicha 5864 nomdagi xorijiy oʻquv va ilmiy adabiyotlarni, istisno tariqasida, tender savdolari oʻtkazmasdan import boʻyicha xarid qilish toʻgʻrisidagi taklifi maʼqullansin.

Belgilab qoʻyilsinki, xorijiy oʻquv va ilmiy adabiyotlarni, shu jumladan elektron shakldagi oʻquv va ilmiy adabiyotlarni qabul qilish, saqlash va ularni oliy taʼlim muassasalari oʻrtasida taqsimlash Alisher Navoiy nomidagi Oʻzbekiston Milliy kutubxonasi — axborot-resurs markazi tomonidan bepul amalga oshiriladi.

2. “Oʻzsanoateksport” AJ va Alisher Navoiy nomidagi Oʻzbekiston Milliy kutubxonasi — axborot-resurs markazi:

Oʻzbekiston Respublikasi Oliy va oʻrta maxsus taʼlim vazirligi bilan birgalikda distribyutorlik kompaniyalari hamda sotish huquqiga ega boʻlgan xorijiy adabiyotlar nashriyotlari (mualliflari) bilan xorijiy oʻquv va ilmiy adabiyotlarni xarid qilish yuzasidan, yetkazib berish shartlari va muddatlarini aniq belgilagan holda, ikki hafta muddatda toʻgʻridan toʻgʻri muzokaralar oʻtkazsinlar;

muzokaralar natijalari boʻyicha distribyutorlik kompaniyalari hamda xorijiy adabiyotlar nashriyotlari (mualliflari) bilan xorijiy oʻquv va ilmiy adabiyotlarni yetkazib berish, shu jumladan 2016-yil 31-maygacha oliy taʼlim muassasalari bakalavriati 1-bosqich talabalari, shuningdek 15 ta bazaviy oliy taʼlim muassasalari huzuridagi rahbar va pedagog kadrlarni qayta tayyorlash va ularning malakasini oshirish kurslari tinglovchilari uchun 980 nomdagi oʻquv adabiyotlari yetkazib berish yuzasidan kontraktlar tuzsinlar.

3. Oʻzbekiston Respublikasi Vazirlar Mahkamasi tomonidan tasdiqlanadigan roʻyxatlar boʻyicha “Oʻzsanoateksport” AJ va Alisher Navoiy nomidagi Oʻzbekiston Milliy kutubxonasi — axborot-resurs markazi tomonidan olib kelinayotgan xorijiy oʻquv va ilmiy adabiyotlar, shu jumladan elektron shakldagi oʻquv va ilmiy adabiyotlar 2020-yil 1-yanvargacha boʻlgan muddatga bojxona toʻlovlaridan (bojxonada rasmiylashtirish yigʻimlari bundan mustasno) ozod qilinsin.

4. Oʻzbekiston Respublikasi Moliya vazirligi ushbu qarorni amalga oshirish doirasida xorijiy oʻquv va ilmiy adabiyotlarni xarid qilish uchun “Maorif” sohasi boʻyicha nazarda tutiladigan budjet mablagʻlari doirasida 2016-yilda va keyingi yillarda zarur mablagʻlar ajratilishini taʼminlasin.

5. Oʻzbekiston Respublikasi Markaziy bankiga vakolatli bank bilan birgalikda “Oʻzsanoateksport” AJ va Alisher Navoiy nomidagi Oʻzbekiston Milliy kutubxonasi — axborot-resurs markazi tomonidan taqdim etiladigan buyurtmanomalarga binoan xorijiy oʻquv va ilmiy adabiyotlarni xarid qilish uchun Oʻzbekiston Respublikasi Davlat budjetidan ajratiladigan mablagʻlarning belgilangan tartibda konvertatsiya qilinishini taʼminlash tavsiya etilsin.

6. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi Oʻzbekiston Respublikasi Oliy va oʻrta maxsus taʼlim vazirligi hamda boshqa manfaatdor vazirliklar va idoralar bilan birgalikda respublikaning oliy taʼlim muassasalari ehtiyojlari uchun xorijiy oʻquv va ilmiy adabiyotlarni xarid qilish uchun xalqaro moliya tashkilotlari va boshqa xorijiy donorlar bilan xorijiy grantlarni jalb etish yuzasidan belgilangan tartibda tizimli ishlar olib borsinlar.

7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov hamda Oʻzbekiston Respublikasi Bosh vazirining oʻrinbosari — Yoshlar siyosati, taʼlim, madaniyat va sport masalalari kompleksi rahbari zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2016-yil 24-may,

174-son

(Oʻzbekiston Respublikasi qonun hujjatlari toʻplami, 2016-y., 21-son, 238-modda)

Кабинета Министров Республики Узбекистан

Постановление

О мерах по закупке зарубежной учебной и научной литературы для системы высшего образования

Во исполнение Указа Президента Республики Узбекистан от 12 июня 2015 года № УП-4732 «О мерах по дальнейшему совершенствованию системы переподготовки и повышения квалификации руководящих и педагогических кадров высших образовательных учреждений» и в целях повышения эффективности подготовки высококвалифицированных кадров в высших образовательных учреждениях Кабинет Министров постановляет:

1. Одобрить предложение Министерства высшего и среднего специального образования и Министерства финансов Республики Узбекистан о закупке по импорту, в порядке исключения, без проведения тендерных торгов зарубежной учебной и научной литературы 5864 наименований для высших образовательных учреждений республики по перечням, утверждаемым Кабинетом Министров Республики Узбекистан.

Определить, что приемка, хранение и распределение среди высших образовательных учреждений зарубежной учебной и научной литературы, в том числе в электронной форме, на безвозмездной основе осуществляется Национальной библиотекой Узбекистана имени Алишера Навои — информационным ресурсным центром.

2. АО «Узсаноатэкспорт» и Национальной библиотеке Узбекистана имени Алишера Навои — информационному ресурсному центру:

совместно с Министерством высшего и среднего специального образования Республики Узбекистан в двухнедельный срок провести прямые переговоры по закупке зарубежной учебной и научной литературы с дистрибьюторскими компаниями и иностранными издательствами (авторами) зарубежной литературы, имеющими права на ее реализацию, с четким определением условий и сроков поставки;

по результатам переговоров заключить контракты с соответствующими дистрибьюторскими компаниями и иностранными издательствами (авторами) на поставку зарубежной учебной и научной литературы, в том числе до 31 мая 2016 года учебной литературы 980 наименований для студентов 1 курса бакалавриата вузов, а также слушателей курсов переподготовки и повышения квалификации руководящих и педагогических кадров при 15 базовых высших образовательных учреждениях.

3. Освободить сроком до 1 января 2020 года от таможенных платежей (за исключением таможенных сборов) ввозимую АО «Узсаноатэкспорт» и Национальной библиотекой имени Алишера Навои — информационным ресурсным центром зарубежную учебную и научную литературу, в том числе в электронной форме, по перечням, утверждаемым Кабинетом Министров Республики Узбекистан.

4. Министерству финансов Республики Узбекистан обеспечить выделение в 2016 году и последующие годы необходимых ассигнований для приобретения в рамках реализации настоящего постановления зарубежной учебной и научной литературы в пределах бюджетных средств, предусматриваемых по отрасли «Просвещение».

5. Рекомендовать Центральному банку Республики Узбекистан совместно с уполномоченным банком в установленном порядке обеспечивать конвертацию средств, выделяемых из Государственного бюджета Республики Узбекистан для приобретения зарубежной учебной и научной литературы, согласно представляемым заявкам АО «Узсаноатэкспорт» и Национальной библиотеки Узбекистана имени Алишера Навои — информационного ресурсного центра.

6. Министерству внешних экономических связей, инвестиций и торговли Республики Узбекистан совместно с Министерством высшего и среднего специального образования Республики Узбекистан и другими заинтересованными министерствами и ведомствами проводить системную работу в установленном порядке с международными финансовыми институтами и другими зарубежными донорами по привлечению иностранных грантов для приобретения зарубежной учебной и научной литературы для нужд высших образовательных учреждений республики.

7. Контроль за исполнением настоящего постановления возложить на первого заместителя Премьер-министра Республики Узбекистан Р.С. Азимова и заместителя Премьер-министра Республики Узбекистан — руководителя Комплекса по вопросам молодежной политики, образования, культуры и спорта.

Премьер-министр Республики Узбекистан Ш. МИРЗИЁЕВ

г. Ташкент,

24 мая 2016 г.,

№ 174

(Собрание законодательства Республики Узбекистан, 2016 г., № 21, ст. 238)