UzbekAI

Ўзбекистон Республикаси Вазирлар Маҳкамасининг

қарори

Самарқанд вилоятининг Булунғур туманини комплекс ривожлантириш чора-тадбирлари тўғрисида

Туманнинг саноат салоҳиятини янада ошириш асосида Самарқанд вилоятининг Булунғур туманини комплекс ривожлантиришни таъминлаш, мева-сабзавот маҳсулотларини қайта ишлаш бўйича мавжуд ресурслар ва имкониятлардан янада тўлиқ ва самарали фойдаланиш, муҳандислик-коммуникация ва ишлаб чиқариш инфратузилмасини жадал жойлаштириш, хизматлар ва сервис соҳасини ривожлантириш, аҳолининг бандлиги ва даромадларини ошириш мақсадида Вазирлар Маҳкамаси қарор қилади:

1. 2016 — 2018 йилларда Самарқанд вилоятининг Булунғур туманини комплекс ривожлантириш дастури (кейинги ўринларда Дастур деб аталади) тасдиқлансин. Дастур қуйидагиларни ўз ичига олади:

озиқ-овқат ва ноозиқ-овқат истеъмол товарлари, шунингдек қурилиш материаллари ишлаб чиқариш бўйича ишлаб чиқариш қувватларини янгидан барпо этиш, модернизациялаш, техник ва технологик жиҳатдан янгилаш бўйича инвестиция лойиҳаларининг манзилли рўйхати 1-иловага * мувофиқ;

хизматлар соҳаси ва сервис инфратузилмасини ривожлантириш бўйича инвестиция лойиҳалари рўйхати 2-иловага * мувофиқ;

муҳандислик-коммуникация ва ишлаб чиқариш инфратузилмасини жадал жойлаштириш дастурининг асосий параметрлари 3-иловага * мувофиқ;

қишлоқ хўжалиги ишлаб чиқаришини янада барқарор ривожлантиришни таъминлаш бўйича комплекс тадбирлар 4-иловага * мувофиқ;

ирригация-мелиорация тизимини яхшилаш тадбирлари 4а-иловага * мувофиқ;

ижтимоий инфратузилмани янада такомиллаштириш чора-тадбирлари 5-иловага * мувофиқ.

2. Самарқанд вилояти ҳокимлиги:

ўн кун муддатда Дастур параметрлари барча ижрочиларга, манфаатдор ташкилотлар ва тижорат банкларига манзилли етказилишини;

«Давархитектқурилиш» қўмитаси ва Ўзбекистон Республикаси Иқтисодиёт вазирлиги билан биргаликда янги саноат ишлаб чиқаришларини жойлаштиришда уларнинг жойлашиши вилоятнинг йўл-транспорт ва муҳандислик-коммуникация инфратузилмаси ривожланиши билан қатъий боғлиқ бўлишини;

инвестиция лойиҳалари тўлиқ ҳажмда амалга оширилиши, ишлаб чиқаришнинг мўлжалланган ҳажмлари ўзлаштирилиши ва янги иш ўринлари ташкил этилиши назарда тутилган ҳолда Дастур параметрлари сўзсиз бажарилишини таъминласин.

3. Дастур параметрлари бажарилишини таъминлаш бўйича вазирликлар, идоралар, хўжалик бирлашмалари, тижорат банклари, маҳаллий ижро этувчи ҳокимият органлари фаолиятини мувофиқлаштириш бўйича 6-иловага * мувофиқ Республика ишчи гуруҳи тузилсин.

Республика ишчи гуруҳи (У.У.Розукулов):

вазирликлар, идоралар, хўжалик бирлашмалари, тижорат банклари, маҳаллий ижро этувчи ҳокимият органларининг Дастурда назарда тутилган тадбирлар белгиланган муддатларга мувофиқ амалга ошириш билан боғлиқ фаолияти мувофиқлаштирилишини таъминласин;

барча параметрлар бўйича Дастур бажарилиши мониторинги олиб борилишини ташкил этсин ва ҳар ойлик асосида муаммоли масалаларни кўриб чиқсин, уларни ҳал этиш юзасидан зарур тезкор ва амалий чора-тадбирлар кўрсин;

зарурият бўлганда, тайёрланган ва белгиланган тартибда келишилган лойиҳа ҳужжатлари мавжуд бўлган тақдирда, Дастурга ўзгартириш ва қўшимчалар киритсин.

4. Вазирликлар, идоралар, хўжалик бирлашмалари, Самарқанд вилояти ва Булунғур тумани ҳокимликлари, лойиҳаларнинг ташаббускорлари бир ой муддатда Дастурга киритилган лойиҳаларни амалга оширишнинг тармоқ жадваллари тасдиқланишини таъминласинлар, уларда лойиҳа ҳужжатларини ишлаб чиқиш ва экспертизадан ўтказиш, қурилиш-монтаж ишларини бажариш муддатлари, замонавий технологик асбоб-ускуналар билан бутлаш ва қувватларни белгиланган муддатларда фойдаланишга топшириш назарда тутилсин.

5. Ўзбекистон Республикаси Иқтисодиёт вазирлиги Ташқи иқтисодий алоқалар, инвестициялар ва савдо вазирлиги билан биргаликда ҳар йили Ўзбекистон Республикасининг Инвестиция дастурини шакллантиришда, молиялаштириш ҳажмлари ва манбаларини аниқлаштирган ҳолда, ушбу қарорга мувофиқ амалга оширилиши назарда тутилган инвестиция лойиҳаларини белгиланган тартибда унга киритсин.

6. Ўзбекистон Республикаси Молия вазирлиги Ўзбекистон Республикаси Давлат бюджети параметрларини шакллантиришда асосланган ҳисоб-китоблар бўйича Дастурни бажариш учун зарур маблағларни назарда тутсин.

7. «Ўзагроэкспорт» АЖ, Ўзбекистон Республикаси Ташқи иқтисодий алоқалар, инвестициялар ва савдо вазирлиги Самарқанд вилояти ва Булунғур тумани ҳокимликлари, Кичик бизнес ва хусусий тадбиркорлик субъектлари экспортини қўллаб-қувватлаш жамғармаси билан биргаликда бир ой муддатда Булунғур туманида мева-сабзавот маҳсулотларини экспорт қилиш бўйича замонавий логистика маркази барпо этилишини ташкил этсинлар.

8. Самарқанд вилояти ва Булунғур тумани ҳокимликлари «Давархитектқурилиш» қўмитаси, Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда Дастурга киритилган лойиҳаларни амалга ошириш доирасида тадбиркорлик фаолиятини амалга ошириш учун белгиланган тартибда ер ажратилишини ҳамда қурилиш-монтаж ишларини бажаришга рухсатномалар «ягона дарча» тамойили бўйича берилишини таъминласин.

9. Ўзбекистон Республикаси Давлат геология ва минерал ресурслар қўмитаси Дастурга киритилган ва норуда фойдали қазилмаларни геологик ўрганиш, қазиб олиш ва қайта ишлаш билан шуғулланувчи тадбиркорлик субъектларига ер қаъри участкаларидан фойдаланиш ҳуқуқини берувчи тегишли лицензияларни олишда кўмаклашсин.

10. «Ўзбекэнерго» АЖ Самарқанд вилояти ҳокимлиги билан биргаликда Дастур доирасида инвестиция лойиҳаларини амалга оширувчи ишлаб чиқариш корхоналари электр узатиш линияларига ўз вақтида уланишини ва уларга электр энергияси узлуксиз етказиб берилишини белгиланган тартибда таъминласин.

11. Тижорат банкларига Дастурга киритилган инвестиция лойиҳаларини молиялаштириш учун белгиланган тартибда кредитлар, шу жумладан республикада ишлаб чиқарилмайдиган асбоб-ускуналарни ва уларга бутловчи буюмларни сотиб олиш учун хорижий валютадаги кредитлар ажратиш тавсия қилинсин.

12. Самарқанд вилояти ва Булунғур тумани ҳокимликлари ҳар чораклик асосида:

Дастур тадбирлари ўз вақтида ва сифатли бажарилиши бўйича лойиҳа ташаббускорлари фаолиятининг натижадорлигини вилоят ва туман фаоллари йиғилишларида кўриб чиқсин;

Вазирлар Маҳкамасига Дастурнинг бажарилиши тўғрисидаги ахборот тақдим этсин.

13. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари У.У. Розукулов зиммасига юклансин.

Ўзбекистон Республикасининг Бош вазири Ш. МИРЗИЁЕВ

Тошкент ш.,

2016 йил 30 май,

178-сон

(Ўзбекистон Республикаси қонун ҳужжатлари тўплами, 2016 й., 22-сон, 248-модда)

lex.uz

Oʻzbekiston Respublikasi Vazirlar Mahkamasining

qarori

Samarqand viloyatining Bulungʻur tumanini kompleks rivojlantirish chora-tadbirlari toʻgʻrisida

Tumanning sanoat salohiyatini yanada oshirish asosida Samarqand viloyatining Bulungʻur tumanini kompleks rivojlantirishni taʼminlash, meva-sabzavot mahsulotlarini qayta ishlash boʻyicha mavjud resurslar va imkoniyatlardan yanada toʻliq va samarali foydalanish, muhandislik-kommunikatsiya va ishlab chiqarish infratuzilmasini jadal joylashtirish, xizmatlar va servis sohasini rivojlantirish, aholining bandligi va daromadlarini oshirish maqsadida Vazirlar Mahkamasi qaror qiladi:

1. 2016 — 2018-yillarda Samarqand viloyatining Bulungʻur tumanini kompleks rivojlantirish dasturi (keyingi oʻrinlarda Dastur deb ataladi) tasdiqlansin. Dastur quyidagilarni oʻz ichiga oladi:

oziq-ovqat va nooziq-ovqat isteʼmol tovarlari, shuningdek qurilish materiallari ishlab chiqarish boʻyicha ishlab chiqarish quvvatlarini yangidan barpo etish, modernizatsiyalash, texnik va texnologik jihatdan yangilash boʻyicha investitsiya loyihalarining manzilli roʻyxati 1-ilovaga * muvofiq;

xizmatlar sohasi va servis infratuzilmasini rivojlantirish boʻyicha investitsiya loyihalari roʻyxati 2-ilovaga * muvofiq;

muhandislik-kommunikatsiya va ishlab chiqarish infratuzilmasini jadal joylashtirish dasturining asosiy parametrlari 3-ilovaga * muvofiq;

qishloq xoʻjaligi ishlab chiqarishini yanada barqaror rivojlantirishni taʼminlash boʻyicha kompleks tadbirlar 4-ilovaga * muvofiq;

irrigatsiya-melioratsiya tizimini yaxshilash tadbirlari 4a-ilovaga * muvofiq;

ijtimoiy infratuzilmani yanada takomillashtirish chora-tadbirlari 5-ilovaga * muvofiq.

2. Samarqand viloyati hokimligi:

oʻn kun muddatda Dastur parametrlari barcha ijrochilarga, manfaatdor tashkilotlar va tijorat banklariga manzilli yetkazilishini;

“Davarxitektqurilish” qoʻmitasi va Oʻzbekiston Respublikasi Iqtisodiyot vazirligi bilan birgalikda yangi sanoat ishlab chiqarishlarini joylashtirishda ularning joylashishi viloyatning yoʻl-transport va muhandislik-kommunikatsiya infratuzilmasi rivojlanishi bilan qatʼiy bogʻliq boʻlishini;

investitsiya loyihalari toʻliq hajmda amalga oshirilishi, ishlab chiqarishning moʻljallangan hajmlari oʻzlashtirilishi va yangi ish oʻrinlari tashkil etilishi nazarda tutilgan holda Dastur parametrlari soʻzsiz bajarilishini taʼminlasin.

3. Dastur parametrlari bajarilishini taʼminlash boʻyicha vazirliklar, idoralar, xoʻjalik birlashmalari, tijorat banklari, mahalliy ijro etuvchi hokimiyat organlari faoliyatini muvofiqlashtirish boʻyicha 6-ilovaga * muvofiq Respublika ishchi guruhi tuzilsin.

Respublika ishchi guruhi (U.U.Rozukulov):

vazirliklar, idoralar, xoʻjalik birlashmalari, tijorat banklari, mahalliy ijro etuvchi hokimiyat organlarining Dasturda nazarda tutilgan tadbirlar belgilangan muddatlarga muvofiq amalga oshirish bilan bogʻliq faoliyati muvofiqlashtirilishini taʼminlasin;

barcha parametrlar boʻyicha Dastur bajarilishi monitoringi olib borilishini tashkil etsin va har oylik asosida muammoli masalalarni koʻrib chiqsin, ularni hal etish yuzasidan zarur tezkor va amaliy chora-tadbirlar koʻrsin;

zaruriyat boʻlganda, tayyorlangan va belgilangan tartibda kelishilgan loyiha hujjatlari mavjud boʻlgan taqdirda, Dasturga oʻzgartirish va qoʻshimchalar kiritsin.

4. Vazirliklar, idoralar, xoʻjalik birlashmalari, Samarqand viloyati va Bulungʻur tumani hokimliklari, loyihalarning tashabbuskorlari bir oy muddatda Dasturga kiritilgan loyihalarni amalga oshirishning tarmoq jadvallari tasdiqlanishini taʼminlasinlar, ularda loyiha hujjatlarini ishlab chiqish va ekspertizadan oʻtkazish, qurilish-montaj ishlarini bajarish muddatlari, zamonaviy texnologik asbob-uskunalar bilan butlash va quvvatlarni belgilangan muddatlarda foydalanishga topshirish nazarda tutilsin.

5. Oʻzbekiston Respublikasi Iqtisodiyot vazirligi Tashqi iqtisodiy aloqalar, investitsiyalar va savdo vazirligi bilan birgalikda har yili Oʻzbekiston Respublikasining Investitsiya dasturini shakllantirishda, moliyalashtirish hajmlari va manbalarini aniqlashtirgan holda, ushbu qarorga muvofiq amalga oshirilishi nazarda tutilgan investitsiya loyihalarini belgilangan tartibda unga kiritsin.

6. Oʻzbekiston Respublikasi Moliya vazirligi Oʻzbekiston Respublikasi Davlat budjeti parametrlarini shakllantirishda asoslangan hisob-kitoblar boʻyicha Dasturni bajarish uchun zarur mablagʻlarni nazarda tutsin.

7. “Oʻzagroeksport” AJ, Oʻzbekiston Respublikasi Tashqi iqtisodiy aloqalar, investitsiyalar va savdo vazirligi Samarqand viloyati va Bulungʻur tumani hokimliklari, Kichik biznes va xususiy tadbirkorlik subyektlari eksportini qoʻllab-quvvatlash jamgʻarmasi bilan birgalikda bir oy muddatda Bulungʻur tumanida meva-sabzavot mahsulotlarini eksport qilish boʻyicha zamonaviy logistika markazi barpo etilishini tashkil etsinlar.

8. Samarqand viloyati va Bulungʻur tumani hokimliklari “Davarxitektqurilish” qoʻmitasi, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda Dasturga kiritilgan loyihalarni amalga oshirish doirasida tadbirkorlik faoliyatini amalga oshirish uchun belgilangan tartibda yer ajratilishini hamda qurilish-montaj ishlarini bajarishga ruxsatnomalar “yagona darcha” tamoyili boʻyicha berilishini taʼminlasin.

9. Oʻzbekiston Respublikasi Davlat geologiya va mineral resurslar qoʻmitasi Dasturga kiritilgan va noruda foydali qazilmalarni geologik oʻrganish, qazib olish va qayta ishlash bilan shugʻullanuvchi tadbirkorlik subyektlariga yer qaʼri uchastkalaridan foydalanish huquqini beruvchi tegishli litsenziyalarni olishda koʻmaklashsin.

10. “Oʻzbekenergo” AJ Samarqand viloyati hokimligi bilan birgalikda Dastur doirasida investitsiya loyihalarini amalga oshiruvchi ishlab chiqarish korxonalari elektr uzatish liniyalariga oʻz vaqtida ulanishini va ularga elektr energiyasi uzluksiz yetkazib berilishini belgilangan tartibda taʼminlasin.

11. Tijorat banklariga Dasturga kiritilgan investitsiya loyihalarini moliyalashtirish uchun belgilangan tartibda kreditlar, shu jumladan respublikada ishlab chiqarilmaydigan asbob-uskunalarni va ularga butlovchi buyumlarni sotib olish uchun xorijiy valyutadagi kreditlar ajratish tavsiya qilinsin.

12. Samarqand viloyati va Bulungʻur tumani hokimliklari har choraklik asosida:

Dastur tadbirlari oʻz vaqtida va sifatli bajarilishi boʻyicha loyiha tashabbuskorlari faoliyatining natijadorligini viloyat va tuman faollari yigʻilishlarida koʻrib chiqsin;

Vazirlar Mahkamasiga Dasturning bajarilishi toʻgʻrisidagi axborot taqdim etsin.

13. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari U.U. Rozukulov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2016-yil 30-may,

178-son

(Oʻzbekiston Respublikasi qonun hujjatlari toʻplami, 2016-y., 22-son, 248-modda)

lex.uz

Кабинета Министров Республики Узбекистан

Постановление

О мерах по комплексному развитию Булунгурского района Самаркандской области

В целях обеспечения комплексного развития Булунгурского района Самаркандской области на основе дальнейшего повышения промышленного потенциала района, наиболее полного и эффективного использования имеющихся ресурсов и возможностей по переработке плодоовощной продукции, опережающего устройства инженерно-коммуникационной и производственной инфраструктуры, развития сферы услуг и сервиса, повышения занятости и доходов населения, Кабинет Министров постановляет:

1. Утвердить Программу по комплексному развитию Булунгурского района Самаркандской области на 2016 — 2018 годы (далее — Программа), включающую:

адресный перечень инвестиционных проектов по новому строительству, модернизации, техническому и технологическому обновлению производственных мощностей по выпуску продовольственных и непродовольственных потребительских товаров, а также строительных материалов согласно приложению № 1 * ;

перечень инвестиционных проектов по развитию сферы услуг и сервисной инфраструктуры согласно приложению № 2 * ;

основные параметры программы опережающего устройства инженерно-коммуникационной и производственной инфраструктуры согласно приложению № 3 * ;

комплекс мероприятий по обеспечению дальнейшего устойчивого развития сельскохозяйственного производства согласно приложению № 4 * ;

мероприятия по улучшению ирригационно-мелиоративной системы согласно приложению № 4а * ;

меры по дальнейшему совершенствованию социальной инфраструктуры согласно приложению № 5 * .

2. Хокимияту Самаркандской области обеспечить:

в десятидневный срок адресное доведение параметров Программы до всех исполнителей, заинтересованных организаций и коммерческих банков;

совместно с Госархитектстроем и Министерством экономики Республики Узбекистан при размещении новых промышленных производств строгую увязку их расположения с развитием дорожно-транспортной и инженерно-коммуникационной инфраструктуры области;

безусловное выполнение параметров Программы, имея ввиду реализацию в полном объеме инвестиционных проектов, освоение намеченных объемов производства и создание новых рабочих мест.

3. Образовать Республиканскую рабочую группу по координации деятельности министерств, ведомств, хозяйственных объединений, коммерческих банков, органов исполнительной власти на местах по обеспечению выполнения параметров Программы согласно приложению № 6 * .

Республиканской рабочей группе (Розукулову У.У.):

обеспечить координацию деятельности министерств, ведомств, хозяйственных объединений, коммерческих банков, органов исполнительной власти на местах, связанных с реализацией мероприятий, предусмотренных Программой в соответствии с установленными сроками;

организовать мониторинг выполнения Программы по всем параметрам и на ежемесячной основе рассматривать проблемные вопросы, с принятием необходимых оперативных и практических мер по их решению;

вносить, при необходимости, изменения и дополнения в Программу, при наличии подготовленной и согласованной в установленном порядке проектной документации.

4. Министерствам, ведомствам, хозяйственным объединениям, хокимиятам Самаркандской области и Булунгурского района, инициаторам проектов в месячный срок обеспечить утверждение сетевых графиков реализации проектов, включенных в Программу, предусмотрев в них сроки разработки и экспертизы проектной документации, выполнения строительно-монтажных работ, укомплектования современным технологическим оборудованием и ввода мощностей в эксплуатацию в установленные сроки.

5. Министерству экономики Республики Узбекистан совместно с Министерством внешних экономических связей, инвестиций и торговли Республики Узбекистан ежегодно при формировании Инвестиционной программы Республики Узбекистан в установленном порядке включать в нее инвестиционные проекты, предусмотренные к реализации в соответствии с настоящим постановлением, с уточнением объемов и источников финансирования.

6. Министерству финансов Республики Узбекистан при формировании параметров Государственного бюджета Республики Узбекистан предусматривать, по обоснованным расчетам, необходимые средства на выполнение Программы.

7. АО «Узагроэкспорт», Министерству внешних экономических связей, инвестиций и торговли Республики Узбекистан совместно с хокимиятами Самаркандской области и Булунгурского района, Фондом поддержки экспорта субъектов малого бизнеса и частного предпринимательства в месячный срок организовать создание в Булунгурском районе современного логистического центра по экспорту плодоовощной продукции.

8. Хокимиятам Самаркандской области и Булунгурского района совместно с Госархитектстроем, Госкомземгеодезкадастром Республики Узбекистан обеспечить в установленном порядке отвод земель для осуществления предпринимательской деятельности в рамках реализации проектов, внесенных в Программу, а также выдачу разрешений на производство строительно-монтажных работ по принципу «одно окно».

9. Государственному комитету Республики Узбекистан по геологии и минеральным ресурсам оказать содействие в получении соответствующей лицензии на право пользования участками недр субъектам предпринимательства, включенным в Программу и занимающимся геологическим изучением, добычей и переработкой нерудных полезных ископаемых.

10. АО «Узбекэнерго» совместно с хокимиятом Самаркандской области обеспечить в установленном порядке своевременное подключение линий электропередач и бесперебойную поставку электроэнергии производственным предприятиям, реализующим инвестиционные проекты в рамках Программы.

11. Рекомендовать коммерческим банкам выделение в установленном порядке кредитов для финансирования инвестиционных проектов, включенных в Программу, в том числе в иностранной валюте, для закупа не производимых в республике оборудования и комплектующих к нему.

12. Хокимиятам Самаркандской области и Булунгурского района на ежеквартальной основе:

рассматривать на заседаниях активов области и района результативность деятельности инициаторов проектов по своевременному и качественному выполнению мероприятий Программы;

представлять в Кабинет Министров информацию о ходе выполнения Программы.

13. Контроль за исполнением настоящего постановления возложить на заместителя Премьер-министра Республики Узбекистан У.У. Розукулова.

Премьер-министр Республики Узбекистан Ш. МИРЗИЁЕВ

г. Ташкент,

30 мая 2016 г.,

№ 178

(Собрание законодательства Республики Узбекистан, 2016 г., № 22, ст. 248)

lex.uz