📅 2016-yil 1-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 1 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 июня 2016 г. · Постановления Президента
Официальный текст. Официальный документ. Редакционные примечания не включены.
📅 1 June 2016 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
ТУЗИЛМАСИ
Халқаро мева-сабзавот ярмаркасини ташкил этиш ва уни ҳар йили ўтказиб туриш чора-тадбирлари тўғрисида
Ўзбекистонда етиштириладиган, ноёб истеъмолбоп хусусиятларга эга сабзавот, мева, узум ва полиз маҳсулотлари билан хорижий ҳамкорларни кенг кўламда таништириш, замонавий бозор механизмлари воситасида мева-сабзавот маҳсулотлари етиштирувчилар, қайта ишловчилар ва етказиб берувчилар ўртасида узоқ муддатли барқарор кооперацион алоқалар ўрнатиш ва шунинг асосида янги ва қайта ишланган мева-сабзавот маҳсулотларининг ҳажмини ошириш ҳамда экспортга етказиб бериладиган турларини кенгайтириш, янги бозорларни ўзлаштириш мақсадида:
1. Ўзбекистон Республикаси Иқтисодиёт вазирлиги, Қишлоқ ва сув хўжалиги вазирлиги, Ташқи иқтисодий алоқалар, инвестициялар ва савдо вазирлиги, Молия вазирлиги, Ўзбекистон Фермерлар кенгаши, «Ўзбекозиқовқатхолдинг» ХК, «Ўзвиносаноат-холдинг» ХК ҳамда бошқа хўжалик бирлашмалари ва фермер хўжаликларининг:
2016 йил 12 июлдан 14 июлгача Тошкент шаҳрида «Ўзэкспомарказ» Миллий кўргазма компанияси» АЖнинг кўргазма майдонларида навбатдан ташқари Халқаро мева-сабзавот ярмаркасини ўтказиш тўғрисидаги;
2016 йилдан бошлаб ҳар йили октябрь ойида тизимли ва мунтазам асосда халқаро мева-сабзавот ярмаркаси ўтказилишини ташкил этиш ҳақидаги таклифлари қабул қилинсин.
Халқаро мева-сабзавот ярмаркасини ҳар йили ташкил этиш ва ўтказиш билан боғлиқ барча масалаларни ҳал этиш учун 1-иловага мувофиқ таркибда Ташкилий қўмита тузилсин.
2. Қуйидагилар Халқаро мева-сабзавот ярмаркасининг асосий вазифалари этиб белгилансин:
янги ва қайта ишланган мева-сабзавот маҳсулотларини ташқи бозорларга олиб чиқишнинг замонавий халқаро талаблари ва стандартларига мос келадиган самарали, шаффоф бозор механизмини шакллантириш;
Ўзбекистонда экологик соф, истеъмолбоп хусусиятлари бўйича тенги йўқ сабзавот, мева, узум ва полиз маҳсулотлари етиштиришнинг ғоят катта имкониятлари, шунингдек, уларнинг саноат асосида қайта ишланган тайёр сифатли маҳсулотлари тўғрисида чет эллардаги қайта ишловчи ва савдо компанияларини кенг хабардор қилиш;
ҳамкор шерикларни излаш ва улар ўртасида мева-сабзавот маҳсулотлари етказиб бериш шартномаларини тузишда қулай шарт-шароитлар яратиш ва бу борада ҳар томонлама кўмаклашиш, мева-сабзавот маҳсулотлари етиштирувчилар, қайта ишлаш корхоналари ҳамда чет эллардаги импорт қилувчи компаниялар, дунёга машҳур маркетинг тузилмалари ўртасида барқарор, узоқ муддатли кооперацион алоқалар тизимини шакллантириш;
жаҳон мева-сабзавот маҳсулотлари бозорининг ривожланиш тенденциялари ва истиқболларини чуқур таҳлил этиш, мамлакатимизнинг маҳсулот етиштирувчилари ва қайта ишловчи корхоналарини ташқи бозорларда доимий харидоргир бўлган маҳсулотларни ишлаб чиқаришга, навбатдаги йил ва ўрта муддатли истиқболга мўлжалланган буюртмалар портфелини шакллантиришга йўналтириш мақсадида уларни кенг кўламда хабардор қилиш.
3. Янги ва қайта ишланган мева-сабзавот маҳсулотларини экспорт қилувчи ихтисослаштирилган «Ўзагроэкспорт» ташқи савдо компанияси таркибида бошқарув ходимларининг чекланган сони 15 кишидан иборат бўлган масъулияти чекланган жамият шаклидаги Халқаро мева-сабзавот ярмаркаси Дирекцияси 2-иловага мувофиқ ташкил қилинсин.
«Халқаро мева-сабзавот ярмаркаси Дирекцияси» МЧЖ зиммасига қуйидагилар юклансин:
Халқаро мева-сабзавот ярмаркасига тайёргарлик кўриш ва уни ташкилий жиҳатдан юқори савияда ўтказиш чора-тадбирларини амалга ошириш, ярмарка савдолари қатнашчиларига ярмарка шартномалари тузиш, молиявий хизмат кўрсатиш ва уларни ҳисобга олиш бўйича комплекс хизматларни таклиф этиш;
шартномалар ва экспорт контрактларини тузиш бўйича доимий фаолият юритувчи мева-сабзавот савдо майдончасини ташкил этиш;
мева-сабзавот маҳсулотларининг ташқи бозор конъюнктурасини ўрганган ҳолда ярмарка савдолари қатнашчиларига зарур ахборотлар тақдим этиш;
мамлакатимиз маҳсулотларини хорижий бозорларга чиқариш мақсадида реклама-ахборот фаолиятига оид комплекс чора-тадбирларни амалга ошириш;
халқаро тажрибани ўрганиш асосида электрон савдолар тизимидан фойдаланган ҳолда ярмарка савдосининг замонавий методларини, шу жумладан фьючерс ва форвард битимлари тузиш, ишлаб чиқиш ва жорий этиш.
«Ўзбекозиқовқатхолдинг» холдинг компаниясининг Халқаро мева-сабзавот ярмаркаси Дирекциясини Тошкент шаҳар, Беруний кўчаси, 41-уйда жойлаштириш тўғрисидаги таклифига розилик берилсин.
4. Ташкилий қўмита (Ш. Мирзиёев) Ўзбекистон Республикаси Ташқи иқтисодий алоқалар, инвестициялар ва савдо вазирлиги, Қишлоқ ва сув хўжалиги вазирлиги, Иқтисодиёт вазирлиги, Ташқи ишлар вазирлиги, «Ўзбекозиқовқатхолдинг» холдинг компанияси билан биргаликда:
шу йилнинг 20 июнига қадар навбатдан ташқари Халқаро мева-сабзавот ярмаркасига сифатли тайёргарлик кўриш ва уни юксак савияда ўтказиш бўйича асосий тадбирларни ташкил этиш дастурини ишлаб чиқсин ва тасдиқласин;
мева-сабзавот маҳсулотларини харид қилиш, қайта ишлаш ва сотиш билан шуғулланувчи хорижий компанияларни кенг кўламда жалб этиш мақсадида Халқаро мева-сабзавот ярмаркасининг мақсад ва вазифаларини, унинг имкониятлари, ярмарка ишида қатнашиш шартлари ва механизмини чет элларда ёритиш бўйича фаол ахборот-реклама фаолияти олиб борилишини таъминласин.
5. Белгилаб қўйилсинки, «Ўзэкспомарказ» МКК» АЖда кўргазма майдонлари ярмарка қатнашчиларига тасдиқланган норматив баҳоларга нисбатан 50 фоизли чегирмани ҳисобга олган ҳолда берилади, кўргазма стендларини қуриш ва қўшимча кўргазма ускуналарини бериш ва хизматлар кўрсатиш эса ўрнатилган меъёрларга мувофиқ амалга оширилади.
6. Ўзбекистон Республикаси Ташқи ишлар вазирлиги «Ўзбекозиқовқатхолдинг» ХК буюртманомаларига кўра, ўтказиладиган ярмарканинг чет эллик қатнашчиларига кириш визалари консуллик йиғимлари ва бошқа йиғимлар ундирилмасдан расмийлаштирилишини таъминласин.
7. Ўзбекистон Республикаси Ички ишлар вазирлиги ярмарка ўтказиладиган, шунингдек, ярмарка қатнашчилари яшайдиган жойларда жамоат тартибини сақлашни ва ёнғин хавфсизлигини тўлов ҳақини ундирмасдан таъминласин.
8. Ўзбекистон Республикаси Ташқи ишлар вазирлиги, Ташқи иқтисодий алоқалар, инвестициялар ва савдо вазирлиги, Иқтисодиёт вазирлиги, «Ўзбекозиқовқатхолдинг» ХК, «Ўзшаробсаноат» АЖ, «Ўзагроэкспорт» АЖ Халқаро мева-сабзавот ярмаркасини октябрь ойида ўтказиладиган жаҳон озиқ-овқат тадбирларининг ҳар йилги жадвалига киритиш билан боғлиқ чора-тадбирлар комплексини амалга оширсин.
9. Ўзбекистон Республикаси Ахборот технологиялари ва коммуникацияларини ривожлантириш вазирлиги «Ўзбекозиқовқатхолдинг» холдинг компанияси билан биргаликда уч ой муддатда Халқаро мева-сабзавот ярмаркаси доирасида тузилган шартномалар ва экспорт контрактларининг бажарилиши устидан «онлайн» режимида ишлайдиган автоматлаштирилган мониторинг тизимини яратиш бўйича дастурий таъминотни ишлаб чиқсин ва жорий этсин.
10. Ўзбекистон Миллий телерадиокомпанияси, Ўзбекистон Миллий ахборот агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Халқаро мева-сабзавот ярмаркасини ўтказишга оид тадбирлар оммавий ахборот воситаларида кенг кўламда ёритилишини таъминласин.
11. Мазкур қарорнинг ижросини назорат қилиш Ўзбекистон Республикасининг Бош вазири Ш. Мирзиёев зиммасига юклансин.
Ўзбекистон Республикаси Президентининг 2016 йил 1 июндаги ПҚ-2539-сон қарорига 1-ИЛОВА
Халқаро мева-сабзавот ярмаркасини ўтказиш бўйича ташкилий қўмита
Ш.М. Мирзиёев — Ўзбекистон Республикаси нинг Бош вазири , Ташкилий қўмита раиси У.У. Рўзу қ улов — Ўзбекистон Республикаси Бош вазири нинг ўринбосари, Ташкилий қўмита раиси ўринбосари Э.М . Ганиев — ташқи иқтисодий алоқалар, инвестициялар ва савдо вазири О.Б. Рустамов — «Ўзбекози қ ов қ атхолдинг» ХК раиси Ш.Д. Тешаев — қишлоқ ва сув хўжалиги вазири У.Ю . Узаков — Вазирлар Маҳкамасининг ахборот-таҳлил департаменти мудири А.А. Усм о нов — адлия вазири ўринбосари С.Б. Шерматов — иқтисодиёт вазири ўринбосари С.П. Ниязходжаев — ташқи ишлар вазири ўринбосари Б.Я . Раимов — Давлат божхона қўмитаси раисининг биринчи ўринбосари С. Ходжаев — Марказий банк раисининг биринчи ўринбосари З.А. Файзиев — « Ў збекози қ овкатзахира» ассоциацияси раиси А.Э. Шайхов — Савдо-саноат палатаси раиси лавозим бўйича — «Ўзшаробсаноат» АЖ раиси Р.Ж. Усманов — Т о шкент шаҳар ҳокими А.К. Мирсоатов — Ташқи иқтисодий фаолият Миллий банк бошқаруви раисининг ўринбосари Ж.А. Холмухамедов — « Ў загроэкспорт» АЖ бош директори , Ташкилий қўмита котиби
Ўзбекистон Республикаси Президентининг 2016 йил 1 июндаги ПҚ-2539-сон қарорига 2-ИЛОВА
Халқаро мева-сабзавот ярмаркаси дирекциясининг
Ўзбекистон Республикаси Президенти И. КАРИМОВ
Тошкент ш.,
2016 йил 1 июнь,
ПҚ-2539-сон
Oʻzbekiston Respublikasi Prezidentining
Qarori
TARKIBI
TUZILMASI
Xalqaro meva-sabzavot yarmarkasini tashkil etish va uni har yili oʻtkazib turish chora-tadbirlari toʻgʻrisida
Oʻzbekistonda yetishtiriladigan, noyob isteʼmolbop xususiyatlarga ega sabzavot, meva, uzum va poliz mahsulotlari bilan xorijiy hamkorlarni keng koʻlamda tanishtirish, zamonaviy bozor mexanizmlari vositasida meva-sabzavot mahsulotlari yetishtiruvchilar, qayta ishlovchilar va yetkazib beruvchilar oʻrtasida uzoq muddatli barqaror kooperatsion aloqalar oʻrnatish va shuning asosida yangi va qayta ishlangan meva-sabzavot mahsulotlarining hajmini oshirish hamda eksportga yetkazib beriladigan turlarini kengaytirish, yangi bozorlarni oʻzlashtirish maqsadida:
1. Oʻzbekiston Respublikasi Iqtisodiyot vazirligi, Qishloq va suv xoʻjaligi vazirligi, Tashqi iqtisodiy aloqalar, investitsiyalar va savdo vazirligi, Moliya vazirligi, Oʻzbekiston Fermerlar kengashi, “Oʻzbekoziqovqatxolding” XK, “Oʻzvinosanoat-xolding” XK hamda boshqa xoʻjalik birlashmalari va fermer xoʻjaliklarining:
2016-yil 12-iyuldan 14-iyulgacha Toshkent shahrida “Oʻzekspomarkaz” Milliy koʻrgazma kompaniyasi” AJning koʻrgazma maydonlarida navbatdan tashqari Xalqaro meva-sabzavot yarmarkasini oʻtkazish toʻgʻrisidagi;
2016-yildan boshlab har yili oktabr oyida tizimli va muntazam asosda xalqaro meva-sabzavot yarmarkasi oʻtkazilishini tashkil etish haqidagi takliflari qabul qilinsin.
Xalqaro meva-sabzavot yarmarkasini har yili tashkil etish va oʻtkazish bilan bogʻliq barcha masalalarni hal etish uchun 1-ilovaga muvofiq tarkibda Tashkiliy qoʻmita tuzilsin.
2. Quyidagilar Xalqaro meva-sabzavot yarmarkasining asosiy vazifalari etib belgilansin:
yangi va qayta ishlangan meva-sabzavot mahsulotlarini tashqi bozorlarga olib chiqishning zamonaviy xalqaro talablari va standartlariga mos keladigan samarali, shaffof bozor mexanizmini shakllantirish;
Oʻzbekistonda ekologik sof, isteʼmolbop xususiyatlari boʻyicha tengi yoʻq sabzavot, meva, uzum va poliz mahsulotlari yetishtirishning gʻoyat katta imkoniyatlari, shuningdek, ularning sanoat asosida qayta ishlangan tayyor sifatli mahsulotlari toʻgʻrisida chet ellardagi qayta ishlovchi va savdo kompaniyalarini keng xabardor qilish;
hamkor sheriklarni izlash va ular oʻrtasida meva-sabzavot mahsulotlari yetkazib berish shartnomalarini tuzishda qulay shart-sharoitlar yaratish va bu borada har tomonlama koʻmaklashish, meva-sabzavot mahsulotlari yetishtiruvchilar, qayta ishlash korxonalari hamda chet ellardagi import qiluvchi kompaniyalar, dunyoga mashhur marketing tuzilmalari oʻrtasida barqaror, uzoq muddatli kooperatsion aloqalar tizimini shakllantirish;
jahon meva-sabzavot mahsulotlari bozorining rivojlanish tendensiyalari va istiqbollarini chuqur tahlil etish, mamlakatimizning mahsulot yetishtiruvchilari va qayta ishlovchi korxonalarini tashqi bozorlarda doimiy xaridorgir boʻlgan mahsulotlarni ishlab chiqarishga, navbatdagi yil va oʻrta muddatli istiqbolga moʻljallangan buyurtmalar portfelini shakllantirishga yoʻnaltirish maqsadida ularni keng koʻlamda xabardor qilish.
3. Yangi va qayta ishlangan meva-sabzavot mahsulotlarini eksport qiluvchi ixtisoslashtirilgan “Oʻzagroeksport” tashqi savdo kompaniyasi tarkibida boshqaruv xodimlarining cheklangan soni 15 kishidan iborat boʻlgan masʼuliyati cheklangan jamiyat shaklidagi Xalqaro meva-sabzavot yarmarkasi Direksiyasi 2-ilovaga muvofiq tashkil qilinsin.
“Xalqaro meva-sabzavot yarmarkasi Direksiyasi” MCHJ zimmasiga quyidagilar yuklansin:
Xalqaro meva-sabzavot yarmarkasiga tayyorgarlik koʻrish va uni tashkiliy jihatdan yuqori saviyada oʻtkazish chora-tadbirlarini amalga oshirish, yarmarka savdolari qatnashchilariga yarmarka shartnomalari tuzish, moliyaviy xizmat koʻrsatish va ularni hisobga olish boʻyicha kompleks xizmatlarni taklif etish;
shartnomalar va eksport kontraktlarini tuzish boʻyicha doimiy faoliyat yurituvchi meva-sabzavot savdo maydonchasini tashkil etish;
meva-sabzavot mahsulotlarining tashqi bozor konyunkturasini oʻrgangan holda yarmarka savdolari qatnashchilariga zarur axborotlar taqdim etish;
mamlakatimiz mahsulotlarini xorijiy bozorlarga chiqarish maqsadida reklama-axborot faoliyatiga oid kompleks chora-tadbirlarni amalga oshirish;
xalqaro tajribani oʻrganish asosida elektron savdolar tizimidan foydalangan holda yarmarka savdosining zamonaviy metodlarini, shu jumladan fyuchers va forvard bitimlari tuzish, ishlab chiqish va joriy etish.
“Oʻzbekoziqovqatxolding” xolding kompaniyasining Xalqaro meva-sabzavot yarmarkasi Direksiyasini Toshkent shahar, Beruniy koʻchasi, 41-uyda joylashtirish toʻgʻrisidagi taklifiga rozilik berilsin.
4. Tashkiliy qoʻmita (Sh. Mirziyoyev) Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Qishloq va suv xoʻjaligi vazirligi, Iqtisodiyot vazirligi, Tashqi ishlar vazirligi, “Oʻzbekoziqovqatxolding” xolding kompaniyasi bilan birgalikda:
shu yilning 20-iyuniga qadar navbatdan tashqari Xalqaro meva-sabzavot yarmarkasiga sifatli tayyorgarlik koʻrish va uni yuksak saviyada oʻtkazish boʻyicha asosiy tadbirlarni tashkil etish dasturini ishlab chiqsin va tasdiqlasin;
meva-sabzavot mahsulotlarini xarid qilish, qayta ishlash va sotish bilan shugʻullanuvchi xorijiy kompaniyalarni keng koʻlamda jalb etish maqsadida Xalqaro meva-sabzavot yarmarkasining maqsad va vazifalarini, uning imkoniyatlari, yarmarka ishida qatnashish shartlari va mexanizmini chet ellarda yoritish boʻyicha faol axborot-reklama faoliyati olib borilishini taʼminlasin.
5. Belgilab qoʻyilsinki, “Oʻzekspomarkaz” MKK” AJda koʻrgazma maydonlari yarmarka qatnashchilariga tasdiqlangan normativ baholarga nisbatan 50 foizli chegirmani hisobga olgan holda beriladi, koʻrgazma stendlarini qurish va qoʻshimcha koʻrgazma uskunalarini berish va xizmatlar koʻrsatish esa oʻrnatilgan meʼyorlarga muvofiq amalga oshiriladi.
6. Oʻzbekiston Respublikasi Tashqi ishlar vazirligi “Oʻzbekoziqovqatxolding” XK buyurtmanomalariga koʻra, oʻtkaziladigan yarmarkaning chet ellik qatnashchilariga kirish vizalari konsullik yigʻimlari va boshqa yigʻimlar undirilmasdan rasmiylashtirilishini taʼminlasin.
7. Oʻzbekiston Respublikasi Ichki ishlar vazirligi yarmarka oʻtkaziladigan, shuningdek, yarmarka qatnashchilari yashaydigan joylarda jamoat tartibini saqlashni va yongʻin xavfsizligini toʻlov haqini undirmasdan taʼminlasin.
8. Oʻzbekiston Respublikasi Tashqi ishlar vazirligi, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi, “Oʻzbekoziqovqatxolding” XK, “Oʻzsharobsanoat” AJ, “Oʻzagroeksport” AJ Xalqaro meva-sabzavot yarmarkasini oktabr oyida oʻtkaziladigan jahon oziq-ovqat tadbirlarining har yilgi jadvaliga kiritish bilan bogʻliq chora-tadbirlar kompleksini amalga oshirsin.
9. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi “Oʻzbekoziqovqatxolding” xolding kompaniyasi bilan birgalikda uch oy muddatda Xalqaro meva-sabzavot yarmarkasi doirasida tuzilgan shartnomalar va eksport kontraktlarining bajarilishi ustidan “onlayn” rejimida ishlaydigan avtomatlashtirilgan monitoring tizimini yaratish boʻyicha dasturiy taʼminotni ishlab chiqsin va joriy etsin.
10. Oʻzbekiston Milliy teleradiokompaniyasi, Oʻzbekiston Milliy axborot agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Xalqaro meva-sabzavot yarmarkasini oʻtkazishga oid tadbirlar ommaviy axborot vositalarida keng koʻlamda yoritilishini taʼminlasin.
11. Mazkur qarorning ijrosini nazorat qilish Oʻzbekiston Respublikasining Bosh vaziri Sh. Mirziyoyev zimmasiga yuklansin.
Oʻzbekiston Respublikasi Prezidentining 2016-yil 1-iyundagi PQ-2539-son qaroriga 1-ILOVA
Xalqaro meva-sabzavot yarmarkasini oʻtkazish boʻyicha tashkiliy qoʻmita
Sh.M. Mirziyoyev — Oʻzbekiston Respublikasi ning Bosh vaziri , Tashkiliy qoʻmita raisi U.U. Roʻzu q ulov — Oʻzbekiston Respublikasi Bosh vaziri ning oʻrinbosari, Tashkiliy qoʻmita raisi oʻrinbosari E.M . Ganiyev — tashqi iqtisodiy aloqalar, investitsiyalar va savdo vaziri O.B. Rustamov — “Oʻzbekozi q ov q atxolding” XK raisi Sh.D. Teshayev — qishloq va suv xoʻjaligi vaziri U.Yu . Uzakov — Vazirlar Mahkamasining axborot-tahlil departamenti mudiri A.A. Usm o nov — adliya vaziri oʻrinbosari S.B. Shermatov — iqtisodiyot vaziri oʻrinbosari S.P. Niyazxodjayev — tashqi ishlar vaziri oʻrinbosari B.Ya . Raimov — Davlat bojxona qoʻmitasi raisining birinchi oʻrinbosari S. Xodjayev — Markaziy bank raisining birinchi oʻrinbosari Z.A. Fayziyev — “ Oʻ zbekozi q ovkatzaxira” assotsiatsiyasi raisi A.E. Shayxov — Savdo-sanoat palatasi raisi lavozim boʻyicha — “Oʻzsharobsanoat” AJ raisi R.J. Usmanov — T o shkent shahar hokimi A.K. Mirsoatov — Tashqi iqtisodiy faoliyat Milliy bank boshqaruvi raisining oʻrinbosari J.A. Xolmuxamedov — “ Oʻ zagroeksport” AJ bosh direktori , Tashkiliy qoʻmita kotibi
Oʻzbekiston Respublikasi Prezidentining 2016-yil 1-iyundagi PQ-2539-son qaroriga 2-ILOVA
Xalqaro meva-sabzavot yarmarkasi direksiyasining
Oʻzbekiston Respublikasi Prezidenti I. KARIMOV
Toshkent sh.,
2016-yil 1-iyun,
PQ-2539-son
Президента Республики Узбекистан
Постановление
СОСТАВ
СТРУКТУРА
О мерах по организации и проведению на ежегодной основе Международной плодоовощной ярмарки
В целях широкого ознакомления зарубежных партнеров с производимыми в Узбекистане уникальными по своим потребительским свойствам овощами, плодами, виноградом и бахчевыми культурами, установления долгосрочных устойчивых кооперационных связей между производителями, переработчиками и поставщиками плодоовощной продукции посредством современных рыночных механизмов и на этой основе увеличения объемов и расширения номенклатуры поставок на экспорт свежей и переработанной плодоовощной продукции, освоения новых рынков ее сбыта:
1. Принять предложения Министерства экономики, Министерства сельского и водного хозяйства, Министерства внешних экономических связей, инвестиций и торговли, Министерства финансов Республики Узбекистан, Совета фермеров Узбекистана, ХК «Узбекозиковкатхолдинг», ХК «Узвиносаноат-холдинг» и других хозяйственных объединений и фермерских хозяйств:
о проведении с 12 по 14 июля 2016 года в г.Ташкенте внеочередной Международной плодоовощной ярмарки на базе выставочных площадей АО «НВК «Узэкспоцентр»;
об организации, начиная с 2016 года, на системной и регулярной основе ежегодного проведения в октябре месяце Международной плодоовощной ярмарки.
Для решения всех вопросов, связанных с организацией и проведением ежегодной Международной плодоовощной ярмарки, образовать Организационный комитет в составе согласно приложению № 1 .
2. Определить основными задачами Международной плодоовощной ярмарки:
формирование эффективного, прозрачного, отвечающего современным международным требованиям и стандартам рыночного механизма продвижения на внешние рынки свежей и переработанной плодоовощной продукции;
широкое информирование иностранных перерабатывающих и торговых компаний об огромном, уникальном по своим потребительским свойствам потенциале производимых в Узбекистане экологически чистых свежих овощей, плодов, винограда и бахчевых культур, а также готовой качественной продукции их промышленной переработки;
создание благоприятных условий и оказание всемерного содействия в поиске партнеров и заключении между ними контрактов на поставку плодоовощной продукции, формирование системы устойчивых долгосрочных кооперационных связей между производителями плодоовощной продукции, перерабатывающими предприятиями и зарубежными компаниями-импортерами, всемирно известными маркетинговыми структурами;
глубокий анализ тенденций и перспектив развития мирового рынка плодоовощной продукции с широким информированием отечественных производителей и перерабатывающих предприятий с целью ориентации их на производство продукции, пользующейся устойчивым спросом на внешних рынках, формирования портфеля заказов на очередной год и среднесрочную перспективу.
3. Создать в составе специализированной внешнеторговой компании по экспорту свежей и переработанной плодоовощной продукции «Узагроэкспорт» Дирекцию Международной плодоовощной ярмарки в форме общества с ограниченной ответственностью с предельной численностью управленческого персонала 15 единиц согласно приложению № 2 .
Возложить на ООО «Дирекция Международной плодоовощной ярмарки»:
подготовку и реализацию мер по проведению на высоком организационном уровне Международной плодоовощной ярмарки, предоставление участникам ярмарочных торгов комплекса услуг по заключению, финансовому обслуживанию и учету ярмарочных контрактов;
организацию постоянно действующей плодоовощной торговой площадки по заключению договоров и экспортных контрактов;
изучение конъюнктуры внешних рынков плодоовощной продукции с предоставлением необходимой информации участникам ярмарочных торгов;
проведение комплекса мероприятий по рекламно-информационной деятельности с целью продвижения отечественных товаров на зарубежные рынки;
разработку и внедрение на основе изучения международного опыта, современных методов ярмарочной торговли, включая фьючерсные и форвардные сделки, с использованием системы электронных торгов.
Согласиться с предложением ХК «Узбекозиковкатхолдинг» о размещении Дирекции Международной плодоовощной ярмарки по адресу: г. Ташкент, ул. Беруни, 41.
4. Организационному комитету (Ш.М. Мирзиёев) совместно с Министерством внешних экономических связей, инвестиций и торговли, Министерством сельского и водного хозяйства, Министерством экономики, Министерством иностранных дел Республики Узбекистан, ХК «Узбекозиковкатхолдинг»:
в срок до 20 июня текущего года разработать и утвердить Программу организации основных мероприятий по качественной подготовке и проведению на высоком уровне внеочередной Международной плодоовощной ярмарки;
обеспечить проведение активной информационно-рекламной деятельности по освещению за рубежом целей и задач Международной плодоовощной ярмарки, ее потенциала, условий и механизма участия в ее работе с целью широкого привлечения иностранных компаний, осуществляющих закупку, переработку и торговлю плодоовощной продукции.
5. Установить, что выставочные площади в АО «НВК «Узэкспоцентр» предоставляются участникам ярмарки с учетом 50-процентной скидки к утвержденным нормативным расценкам, а строительство выставочных стендов и предоставление дополнительного выставочного оборудования и услуг осуществляются согласно установленным нормативам.
6. Министерству иностранных дел Республики Узбекистан обеспечить по заявкам ХК «Узбекозиковкатхолдинг» оформление въездных виз зарубежным участникам проводимой ярмарки, без взимания консульских и иных сборов.
7. Министерству внутренних дел Республики Узбекистан обеспечить охрану общественного порядка и пожарную безопасность в местах проведения ярмарки, а также проживания участников ярмарки, без взимания оплаты.
8. Министерству иностранных дел, Министерству внешних экономических связей, инвестиций и торговли, Министерству экономики Республики Узбекистан, ХК «Узбекозиковкатхолдинг», АО «Узшаробсаноат», АО «Узагроэкспорт» осуществить комплекс мер, связанных с включением Международной плодоовощной ярмарки в ежегодный график мировых продовольственных мероприятий в октябре месяце.
9. Министерству по развитию информационных технологий и коммуникаций Республики Узбекистан совместно с холдинговой компанией «Узбекозиковкатхолдинг» в трехмесячный срок разработать и внедрить программное обеспечение по созданию действующей в режиме «онлайн» автоматизированной системы мониторинга за ходом исполнения заключенных в рамках проведения Международной плодоовощной ярмарки договоров и экспортных контрактов.
10. Национальной телерадиокомпании Узбекистана, Национальному информационному агентству Узбекистана, Совету Министров Республики Каракалпакстан, хокимиятам областей и г. Ташкента обеспечить широкое освещение в средствах массовой информации мероприятий по проведению Международной плодоовощной ярмарки.
11. Контроль за исполнением настоящего постановления возложить на Премьер-министра Республики Узбекистан Мирзиёева Ш.М.
ПРИЛОЖЕНИЕ № 1 к постановлению Президента Республики Узбекистан от 1 июня 2016 года № ПП-2539
Организационного комитета по проведению Международной плодоовощной ярмарки
Мирзиёев Ш.М. — Премьер-министр Республики Узбекистан, председатель Оргкомитета Розукулов У.У. — заместитель Премьер-министра Республики Узбекистан, заместитель председателя Оргкомитета Ганиев Э.М. — министр внешних экономических связей, инвестиций и торговли Рустамов О.Б. — председатель ХК «Узбекозиковкатхолдинг» Тешаев Ш.Д. — министр сельского и водного хозяйства Узаков У.Ю. — заведующий информационно-аналитическим департаментом Кабинета Министров Усманов А.А. — заместитель министра юстиции Шерматов С.Б. — заместитель министра экономики Ниязходжаев С.П. — заместитель министра иностранных дел Раимов Б.Я. — первый заместитель председателя Государственного таможенного комитета Ходжаев С. — первый заместитель председателя Центрального банка Файзиев З.А. — председатель ассоциации «Узбекозиковкатзахира» Шайхов А.Э. — председатель Торгово-промышленной палаты по должности — председатель АО «Узшаробсаноат» Усманов Р.Ж. — хоким г.Ташкента Мирсоатов А.К. — заместитель председателя правления Национального банка внешнеэкономической деятельности Холмухамедов Ж А. — генеральный директор АО «Узагроэкспорт», секретарь Оргкомитета
ПРИЛОЖЕНИЕ № 2 к постановлению Президента Республики Узбекистан от 1 июня 2016 года № ПП-2539
Дирекции Международной плодоовощной ярмарки
Президент Республики Узбекистан И. КАРИМОВ
г. Ташкент,
1 июня 2016 г.,
№ ПП-2539