📅 2016-yil 3-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 3 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 июня 2016 г. · Постановления Президента
Официальный текст. Официальный документ. Редакционные примечания не включены.
📅 3 June 2016 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Экскаваторлар ва гусеницали техникани таъмирлаш заводини қуриш тўғрисида
Экскаваторлар ва гусеницали техникани таъмирлаш ҳамда уларнинг муттасил кенгайиб бораётган паркини қайта тиклаш учун технологик жиҳатдан юқори даражада жиҳозланган замонавий ишлаб чиқариш базасини шакллантириш ва шунинг асосида улардан фойдаланиш самарадорлигини ошириш мақсадида:
1. Ўзбекистон Республикаси Иқтисодиёт вазирлиги, Молия вазирлиги ва «Ўзбекистон темир йўллари» акциядорлик жамиятининг 2017-2018 йилларда «Ўзбекистон темир йўллари» акциядорлик жамиятининг «Ўзтемирйўлмаштаъмир» УКнинг Сирдарё шаҳрида жойлашган вагон-ғилдирак устахоналари негизида экскаваторлар ва гусеницали техникани таъмирлаш заводини қуриш бўйича мўлжалдаги қиймати 29,0 млн АҚШ доллари эквивалентига тенг инвестиция лойиҳасини амалга ошириш тўғрисидаги таклифига розилик берилсин.
2. Қуйидагилар белгилаб қўйилсин:
экскаваторлар ва гусеницали техникани таъмирлаш заводини қуриш бўйича инвестиция лойиҳаси бир босқичли тартибда, лойиҳанинг техник-иқтисодий асосланишини ишлаб чиққан ҳолда амалга оширилади;
«Ўзбекистон темир йўллари» акциядорлик жамияти лойиҳанинг амалга оширилиши учун масъул ҳисобланади;
«Ўзбекистон темир йўллари» АЖнинг шахсий маблағлари лойиҳани молиялаштириш манбаи ҳисобланади.
3. Экскаваторлар ва гусеницали техникани таъмирлаш заводини қуриш бўйича инвестиция лойиҳасини амалга ошириш доирасида:
«Ўзбекистон темир йўллари» АЖ — буюртмачи;
«Боштранслойиҳа» АЖ — бош лойиҳа ташкилоти;
«Ўзбекистон темир йўллари» АЖнинг таркибий бўлинмалари — бош пудратчи ташкилотлар этиб белгилансин.
4. «Ўзбекистон темир йўллари» АЖ 2017 йил 1 апрелига қадар муддатда экскаваторлар ва гусеницали техникани таъмирлаш заводини қуриш бўйича инвестиция лойиҳасининг техник-иқтисодий асосланишини белгиланган тартибда Ўзбекистон Республикаси Вазирлар Маҳкамасига тасдиқлаш учун киритсин.
5. Истисно тариқасида, «Ўзбекистон темир йўллари» акциядорлик жамиятига:
2017 йил 1 июлга қадар экскаваторлар ва гусеницали техникани таъмирлаш заводи қурилишини лойиҳа-смета ҳужжатларини ишлаб чиқиш билан бир вақтда амалга оширишга;
ишлаб чиқарувчи заводлар ёки уларнинг расмий дилерлари (дистрибьюторлари) билан, тендер савдолари ўтказмасдан, импорт қилинаётган товарларни ортиб жўнатишдан олдин албатта текшириб кўрган ҳолда, асбоб-ускуналар ва материаллар, эҳтиёт қисмлар, бутловчи буюмлар ва узелларни энг мақбул таклифларни танлаб олиш асосида етказиб бериш тўғрисида шартномалар тузишга рухсат берилсин.
6. Ўзбекистон Республикаси Иқтисодиёт вазирлиги белгиланган тартибда:
«Ўзқурилишматериаллари» АК, «Ўзбекнефтгаз» МХК ва «Ўзметкомбинат» АЖ билан биргаликда «Ўзбекистон темир йўллари» АЖ буюртманомаларига кўра лойиҳани амалга ошириш учун зарур бўлган цементни — тартибга солиб туриладиган нархларда, ёнилғи-мойлаш материалларини — шартномавий нархларда ва металл прокатини — биржа котировкаларини ҳисобга олган ҳолда ажратилиши ҳамда тўғридан тўғри шартномалар бўйича етказиб берилишини;
Ўзбекистон Республикаси Молия вазирлиги билан биргаликда — лойиҳанинг Ўзбекистон Республикасининг 2016 йилги ва кейинги йиллардаги Инвестиция дастурига киритилишини таъминласин.
7. «Ўзбекистон темир йўллари» АЖ кафолат муддати даврида республикада ишлатилаётган экскаваторлар ва гусеницали техникани таъмирлаш ва хизмат кўрсатишга тегишли лицензия ёки сертификатларни хорижий ишлаб чиқарувчилардан олишни таъминласин.
8. Экскаваторлар ва гусеницали техникани таъмирлаш заводини қуриш бўйича инвестиция лойиҳасини амалга ошириш доирасида:
«Ўзбекистон темир йўллари» АЖ бўлинмалари ва Ўзбекистон Республикасининг норезидентлари томонидан бажариладиган қурилиш-монтаж ишлари ҳажми — қўшилган қиймат солиғидан ҳамда Ўзбекистон Республикаси Молия вазирлиги ҳузуридаги Республика йўл жамғармасига, Бюджетдан ташқари Таълим ва тиббиёт муассасаларини моддий-техника базасини ривожлантириш жамғармасига мажбурий ажратмалар тўлашдан;
республикамизда ишлаб чиқарилмайдиган, Ўзбекистон Республикаси Вазирлар Маҳкамаси томонидан тасдиқланадиган рўйхатлар бўйича олиб келинадиган машина ва ускуналар, эҳтиёт қисмлар, бутловчи буюмлар, асбоблар ва технологик жиҳозлар — бож тўловлари (божхона йиғимларидан ташқари) тўлашдан озод қилинсин.
Белгилаб қўйилсинки, инвестиция лойиҳасини амалга ошириш доирасида «Ўзбекистон темир йўллари» АЖ билан унинг бўлинмалари ўртасида бепул асосда топширилаётган мол-мулк қўшилган қиймат солиғи, юридик шахсларнинг фойда солиғи ҳамда ободонлаштириш ва ижтимоий инфратузилмани ривожлантириш солиғи бўйича солиққа тортиш объекти ҳисобланмайди.
9. Ўзбекистон Республикаси Ташқи ишлар вазирлиги «Ўзбекистон темир йўллари» АЖнинг буюртманомаларига кўра ушбу лойиҳани амалга оширишда иштирок этаётган хорижий мутахассисларга кириш визалари расмийлаштирилишини таъминласин.
10. Мазкур қарорнинг ижросини назорат қилиш Ўзбекистон Республикасининг Бош вазири Ш. Мирзиёев зиммасига юклансин.
Ўзбекистон Республикаси Президенти И. КАРИМОВ
Тошкент ш.,
2016 йил 3 июнь,
ПҚ-2543-сон
Oʻzbekiston Respublikasi Prezidentining
Qarori
Ekskavatorlar va gusenitsali texnikani taʼmirlash zavodini qurish toʻgʻrisida
Ekskavatorlar va gusenitsali texnikani taʼmirlash hamda ularning muttasil kengayib borayotgan parkini qayta tiklash uchun texnologik jihatdan yuqori darajada jihozlangan zamonaviy ishlab chiqarish bazasini shakllantirish va shuning asosida ulardan foydalanish samaradorligini oshirish maqsadida:
1. Oʻzbekiston Respublikasi Iqtisodiyot vazirligi, Moliya vazirligi va “Oʻzbekiston temir yoʻllari” aksiyadorlik jamiyatining 2017-2018-yillarda “Oʻzbekiston temir yoʻllari” aksiyadorlik jamiyatining “Oʻztemiryoʻlmashtaʼmir” UKning Sirdaryo shahrida joylashgan vagon-gʻildirak ustaxonalari negizida ekskavatorlar va gusenitsali texnikani taʼmirlash zavodini qurish boʻyicha moʻljaldagi qiymati 29,0 mln AQSh dollari ekvivalentiga teng investitsiya loyihasini amalga oshirish toʻgʻrisidagi taklifiga rozilik berilsin.
2. Quyidagilar belgilab qoʻyilsin:
ekskavatorlar va gusenitsali texnikani taʼmirlash zavodini qurish boʻyicha investitsiya loyihasi bir bosqichli tartibda, loyihaning texnik-iqtisodiy asoslanishini ishlab chiqqan holda amalga oshiriladi;
“Oʻzbekiston temir yoʻllari” aksiyadorlik jamiyati loyihaning amalga oshirilishi uchun masʼul hisoblanadi;
“Oʻzbekiston temir yoʻllari” AJning shaxsiy mablagʻlari loyihani moliyalashtirish manbai hisoblanadi.
3. Ekskavatorlar va gusenitsali texnikani taʼmirlash zavodini qurish boʻyicha investitsiya loyihasini amalga oshirish doirasida:
“Oʻzbekiston temir yoʻllari” AJ — buyurtmachi;
“Boshtransloyiha” AJ — bosh loyiha tashkiloti;
“Oʻzbekiston temir yoʻllari” AJning tarkibiy boʻlinmalari — bosh pudratchi tashkilotlar etib belgilansin.
4. “Oʻzbekiston temir yoʻllari” AJ 2017-yil 1-apreliga qadar muddatda ekskavatorlar va gusenitsali texnikani taʼmirlash zavodini qurish boʻyicha investitsiya loyihasining texnik-iqtisodiy asoslanishini belgilangan tartibda Oʻzbekiston Respublikasi Vazirlar Mahkamasiga tasdiqlash uchun kiritsin.
5. Istisno tariqasida, “Oʻzbekiston temir yoʻllari” aksiyadorlik jamiyatiga:
2017-yil 1-iyulga qadar ekskavatorlar va gusenitsali texnikani taʼmirlash zavodi qurilishini loyiha-smeta hujjatlarini ishlab chiqish bilan bir vaqtda amalga oshirishga;
ishlab chiqaruvchi zavodlar yoki ularning rasmiy dilyerlari (distribyutorlari) bilan, tender savdolari oʻtkazmasdan, import qilinayotgan tovarlarni ortib joʻnatishdan oldin albatta tekshirib koʻrgan holda, asbob-uskunalar va materiallar, ehtiyot qismlar, butlovchi buyumlar va uzellarni eng maqbul takliflarni tanlab olish asosida yetkazib berish toʻgʻrisida shartnomalar tuzishga ruxsat berilsin.
6. Oʻzbekiston Respublikasi Iqtisodiyot vazirligi belgilangan tartibda:
“Oʻzqurilishmateriallari” AK, “Oʻzbekneftgaz” MXK va “Oʻzmetkombinat” AJ bilan birgalikda “Oʻzbekiston temir yoʻllari” AJ buyurtmanomalariga koʻra loyihani amalga oshirish uchun zarur boʻlgan sementni — tartibga solib turiladigan narxlarda, yonilgʻi-moylash materiallarini — shartnomaviy narxlarda va metall prokatini — birja kotirovkalarini hisobga olgan holda ajratilishi hamda toʻgʻridan toʻgʻri shartnomalar boʻyicha yetkazib berilishini;
Oʻzbekiston Respublikasi Moliya vazirligi bilan birgalikda — loyihaning Oʻzbekiston Respublikasining 2016-yilgi va keyingi yillardagi Investitsiya dasturiga kiritilishini taʼminlasin.
7. “Oʻzbekiston temir yoʻllari” AJ kafolat muddati davrida respublikada ishlatilayotgan ekskavatorlar va gusenitsali texnikani taʼmirlash va xizmat koʻrsatishga tegishli litsenziya yoki sertifikatlarni xorijiy ishlab chiqaruvchilardan olishni taʼminlasin.
8. Ekskavatorlar va gusenitsali texnikani taʼmirlash zavodini qurish boʻyicha investitsiya loyihasini amalga oshirish doirasida:
“Oʻzbekiston temir yoʻllari” AJ boʻlinmalari va Oʻzbekiston Respublikasining norezidentlari tomonidan bajariladigan qurilish-montaj ishlari hajmi — qoʻshilgan qiymat soligʻidan hamda Oʻzbekiston Respublikasi Moliya vazirligi huzuridagi Respublika yoʻl jamgʻarmasiga, Budjetdan tashqari Taʼlim va tibbiyot muassasalarini moddiy-texnika bazasini rivojlantirish jamgʻarmasiga majburiy ajratmalar toʻlashdan;
respublikamizda ishlab chiqarilmaydigan, Oʻzbekiston Respublikasi Vazirlar Mahkamasi tomonidan tasdiqlanadigan roʻyxatlar boʻyicha olib kelinadigan mashina va uskunalar, ehtiyot qismlar, butlovchi buyumlar, asboblar va texnologik jihozlar — boj toʻlovlari (bojxona yigʻimlaridan tashqari) toʻlashdan ozod qilinsin.
Belgilab qoʻyilsinki, investitsiya loyihasini amalga oshirish doirasida “Oʻzbekiston temir yoʻllari” AJ bilan uning boʻlinmalari oʻrtasida bepul asosda topshirilayotgan mol-mulk qoʻshilgan qiymat soligʻi, yuridik shaxslarning foyda soligʻi hamda obodonlashtirish va ijtimoiy infratuzilmani rivojlantirish soligʻi boʻyicha soliqqa tortish obyekti hisoblanmaydi.
9. Oʻzbekiston Respublikasi Tashqi ishlar vazirligi “Oʻzbekiston temir yoʻllari” AJning buyurtmanomalariga koʻra ushbu loyihani amalga oshirishda ishtirok etayotgan xorijiy mutaxassislarga kirish vizalari rasmiylashtirilishini taʼminlasin.
10. Mazkur qarorning ijrosini nazorat qilish Oʻzbekiston Respublikasining Bosh vaziri Sh. Mirziyoyev zimmasiga yuklansin.
Oʻzbekiston Respublikasi Prezidenti I. KARIMOV
Toshkent sh.,
2016-yil 3-iyun,
PQ-2543-son
Президента Республики Узбекистан
Постановление
О строительстве завода по ремонту экскаваторов и гусеничной техники
В целях формирования современной, высоко технологически оснащенной производственной базы для ремонта и восстановления постоянно расширяющегося парка экскаваторов и гусеничной техники и на этой основе повышения эффективности его использования:
1. Согласиться с предложением Министерства экономики, Министерства финансов Республики Узбекистан и АО «Узбекистон темир йуллари» о реализации в 2017-2018 годах инвестиционного проекта по строительству завода по ремонту экскаваторов и гусеничной техники на базе вагонно-колесных мастерских УП «Узтемирйулмаштаъмир», расположенных в г. Сырдарье Сырдарьинской области, с расчетной стоимостью в эквиваленте 29,0 млн долларов США.
2. Установить, что:
реализация инвестиционного проекта по строительству завода по ремонту экскаваторов и гусеничной техники осуществляется в одностадийном порядке с разработкой технико-экономического обоснования проекта;
ответственным за реализацию проекта является АО «Узбекистон темир йуллари»;
источником финансирования проекта являются собственные средства АО «Узбекистон темир йуллари».
3. Определить в рамках реализации инвестиционного проекта по строительству завода по ремонту экскаваторов и гусеничной техники:
заказчиком — АО «Узбекистон темир йуллари»;
генеральной проектной организацией — АО «Боштранслойиха»;
генеральными подрядными организациями — структурные подразделения АО «Узбекистон темир йуллари».
4. АО «Узбекистон темир йуллари» в срок до 1 апреля 2017 года в установленном порядке внести на утверждение в Кабинет Министров Республики Узбекистан технико-экономическое обоснование инвестиционного проекта по строительству завода по ремонту экскаваторов и гусеничной техники.
5. Разрешить, в порядке исключения, АО «Узбекистон темир йуллари»:
до 1 июля 2017 года осуществлять строительство завода по ремонту экскаваторов и гусеничной техники одновременно с разработкой проектно-сметной документации;
заключать с заводами-производителями или их официальными дилерами (дистрибьюторами), без проведения тендерных торгов, контракты на поставку оборудования и материалов, запасных частей, комплектующих изделий и узлов на основе отбора наилучших предложений, с обязательным проведением предотгрузочной инспекции импортируемых товаров.
6. Министерству экономики Республики Узбекистан обеспечить в установленном порядке:
совместно с АК «Узстройматериалы», НХК «Узбекнефтегаз» и АО «Узметкомбинат» по заявкам АО «Узбекистон темир йуллари» — выделение и поставку по прямым договорам необходимых для реализации проекта цемента — по регулируемым ценам, горюче-смазочных материалов — по договорным ценам и металлопроката — с учетом биржевых котировок;
совместно с Министерством финансов Республики Узбекистан — включение проекта в Инвестиционную программу Республики Узбекистан на 2016 и последующие годы.
7. АО «Узбекистон темир йуллари» обеспечить в установленном порядке получение от зарубежных производителей соответствующих лицензий или сертификатов на ремонт и обслуживание в гарантийный период эксплуатируемых в республике экскаваторов и гусеничной техники.
8. Освободить в рамках реализации инвестиционного проекта по строительству завода по ремонту экскаваторов и гусеничной техники:
от налога на добавленную стоимость и обязательных отчислений в Республиканский дорожный фонд, внебюджетный Фонд развития материально-технической базы образовательных и медицинских учреждений при Министерстве финансов Республики Узбекистан — объемы строительно-монтажных работ, выполняемых подразделениями АО «Узбекистон темир йуллари» и нерезидентами Республики Узбекистан;
от таможенных платежей (кроме таможенных сборов) — не производимые в республике машины и оборудование, запасные части, комплектующие, инструменты и технологическую оснастку, ввозимые по перечням, утверждаемым Кабинетом Министров Республики Узбекистан.
Установить, что имущество, передаваемое в рамках реализации инвестиционного проекта на безвозмездной основе между АО «Узбекистон темир йуллари» и его структурными подразделениями, не является объектом налогообложения по налогу на добавленную стоимость, налогу на прибыль юридических лиц, а также по налогу на благоустройство и развитие социальной инфраструктуры.
9. Министерству иностранных дел Республики Узбекистан по заявкам АО «Узбекистон темир йуллари» обеспечить оформление въездных виз иностранным специалистам, участвующим в реализации указанного проекта.
10. Контроль за исполнением настоящего постановления возложить на Премьер-министра Республики Узбекистан Ш.М. Мирзиёева.
Президент Республики Узбекистан И. КАРИМОВ
г. Ташкент,
3 июня 2016 г.,
№ ПП-2543