📅 2016-yil 8-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 8 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 8 июня 2016 г. · Постановления Кабинета Министров
Официальный текст. Официальный документ. Редакционные примечания не включены.
📅 8 June 2016 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Дори воситалари ва тиббий жиҳозларни жисмоний шахслар томонидан шахсий фойдаланиш учун олиб кириш ҳамда олиб чиқиш тартиби тўғрисидаги Низомни тасдиқлаш ҳақида
« Гиёҳвандлик воситалари ва психотроп моддалар тўғрисида », « Дори воситалари ва фармацевтика фаолияти тўғрисида »ги Ўзбекистон Республикаси қонунларига ва Ўзбекистон Республикаси Вазирлар Маҳкамасининг «Гиёҳвандлик воситалари, психотроп моддалар ва прекурсорларни Ўзбекистон Республикаси ҳудудига олиб кириш, ундан олиб чиқиш ва транзит тарзида ўтказиш тартибини, шунингдек уларнинг муомалада бўлиши юзасидан назоратни такомиллаштириш тўғрисида» 2015 йил 12 ноябрдаги 330-сон қарорига мувофиқ Вазирлар Маҳкамаси қарор қилади:
1. Дори воситалари ва тиббий жиҳозларни жисмоний шахслар томонидан шахсий фойдаланиш учун олиб кириш ҳамда олиб чиқиш тартиби тўғрисидаги Низом иловага мувофиқ тасдиқлансин.
2. Ўзбекистон Республикаси Давлат божхона қўмитаси дори воситалари ва тиббий жиҳозлар шахсий фойдаланиш учун олиб кирилиши ҳамда олиб чиқилишининг белгиланган тартибига жисмоний шахслар томонидан риоя этилиши устидан назорат ўрнатсин.
3. Вазирликлар ва идоралар бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсинлар.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.И. Икрамов зиммасига юклансин.
Вазирлар Маҳкамасининг 2016 йил 8 июндаги 191-сон қарорига ИЛОВА
Дори воситалари ва тиббий жиҳозларни жисмоний шахслар томонидан шахсий фойдаланиш учун олиб кириш ҳамда олиб чиқиш тартиби тўғрисида
I. Умумий қоидалар
1. Ушбу Низом « Гиёҳвандлик воситалари ва психотроп моддалар тўғрисида », « Дори воситалари ва фармацевтика фаолияти тўғрисида »ги Ўзбекистон Республикаси қонунларига ва Ўзбекистон Республикаси Вазирлар Маҳкамасининг «Гиёҳвандлик воситалари, психотроп моддалар ва прекурсорларни Ўзбекистон Республикаси ҳудудига олиб кириш, ундан олиб чиқиш ва транзит тарзида ўтказиш тартибини, шунингдек уларнинг муомалада бўлиши юзасидан назоратни такомиллаштириш тўғрисида» 2015 йил 12 ноябрдаги 330-сон қарорига мувофиқ дори воситалари, шу жумладан гиёҳвандлик воситалари ва психотроп моддалар ва тиббий жиҳозлар шахсий фойдаланиш учун жисмоний шахслар томонидан олиб кирилиши ва олиб чиқилиши тартибини белгилайди.
2. Ушбу Низомда қуйидаги асосий тушунчалардан фойдаланилади:
дори воситалари — касалликлар профилактикаси, уларга ташхис қўйиш ва уларни даволаш, шунингдек одам организмининг ҳолати ва функцияларини ўзгартириш учун тиббиёт амалиётида қўлланилишига рухсат этилган дори моддалари (субстанциялар) ва ёрдамчи моддалар асосида олинган воситалар, дори моддалари (субстанциялар), дори препаратлари;
шахсий фойдаланиш учун товарлар — божхона чегараси орқали ўтадиган жисмоний шахсларнинг эҳтиёжлари учун шахсий, оилавий, уй эҳтиёжлари ва тадбиркорлик фаолиятини амалга ошириш билан боғлиқ бўлмаган бошқа эҳтиёжлар учун мўлжалланган товарлар;
тиббий жиҳозлар — касалликлар профилактикаси, ташхис қўйиш, даволаш, беморларни реабилитация қилиш ва (ёки) санаб ўтилган жараёнларни таъминлаш учун, шунингдек, одам организмининг ҳолати ва функцияларини аниқлаш, тиклаш, алмаштириш ҳамда ўзгартириш, мониторинг қилиш, ҳомиладорликнинг олдини олиш учун тиббиёт амалиётида қўлланишига рухсат этилган, қўлланиши натижасида одам организмига фармакологик, иммунологик ёки метаболик таъсир кўрсатмайдиган, айрим ҳолда мажмуа ёки тизимлар сифатида қўлланадиган жиҳозлар, аппаратлар, ускуналар, приборлар, асбоблар, қурилмалар, мажмуалар ва дастурий таъминотлар;
дори препаратлари — дозаланган, идишга жойланган-ўралган, қўллашга тайёр дори воситалари;
шахсий фойдаланиш учун дори воситалари ва тиббий жиҳозларни олиб кириш, олиб чиқиш — дори воситалари ва тиббий жиҳозларни, шу жумладан гиёҳвандлик воситалари ва психотроп моддаларни бошқа давлат ҳудудидан Ўзбекистон Республикаси ҳудудига ёки Ўзбекистон Республикаси ҳудудидан бошқа давлат ҳудудига олиб ўтиш;
гомеопатик дори воситалари — бир — ёки кўп компонентли — ҳар хил дори шакллари тарзидаги махсус технология бўйича ишлаб чиқариладиган перорал, инъекцияли ёки маҳаллий қўллаш учун мўлжалланган, қоидага кўра, таркибида актив бирикмалар микродозаси мавжуд бўлган препаратлар;
эритма — ички ва ташқи қўллаш учун, шунингдек инъекциялар учун фойдаланиладиган суюқ, қаттиқ ёки газсимон моддаларни тегишли эритгичда эритиш йўли билан олинадиган суюқ дори шакли;
инфузион эритмалар — организмга қон томирлари орқали юбориш учун мўлжалланган суюқ эритмалар;
инъекциялар учун эритмалар — тегишли эритгичдаги дори воситаларининг стерилланган сувли ва (ёки) сувли бўлмаган эритмалари;
ташқи дорилар — малҳам дори, эмульсия, линиментлар, лосьонлар, желелар, геллар, кўпиклар, пасталар, эритмалар, аралашмалар, кукунлар, дамламалар, аэрозоллар ва ташқи қўллаш учун мўлжалланган дориларнинг бошқа шакллари.
II. Дори воситалари ва тиббий жиҳозларни жисмоний шахслар томонидан шахсий фойдаланиш учун олиб кириш ва олиб чиқиш тартиби
3. Дори воситаларини ва тиббий жиҳозларни қуйидаги ҳолларда давлат рўйхатидан ўтказмасдан ҳамда божхона расмийлаштирувисиз олиб кириш ва олиб чиқишга рухсат берилади, агар улар:
мамлакатда бўлиш даврида жисмоний шахслар томонидан шахсий фойдаланиш учун мўлжалланган бўлса;
Ўзбекистон Республикаси ҳудудида ва унинг ҳудудидан ташқарида яшаб турган беморни даволаш-профилактика муассасаси томонидан тасдиқланган тиббий кўрсатма асосида, даволаш курси доирасида даволаш учун мўлжалланган бўлса;
дипломатик ваколатхоналарнинг ва уларга тенглаштирилган ваколатхоналарнинг дипломатик ҳамда маъмурий-техник ходимлари, шу жумладан улар билан бирга яшаб турган оила аъзоларининг шахсий фойдаланиши учун мўлжалланган бўлса;
Ўзбекистон Республикаси ҳудудига кириб келаётган ёки унинг ҳудудидан чиқиб кетаётган транспорт воситасининг йўловчиларига биринчи тиббий ёрдам кўрсатиш учун мўлжалланган ва тиббий дорилар қутичаси таркибига киритилган бўлса;
Ўзбекистон Республикасида ва унинг ташқарисида ўтказиладиган халқаро илмий, маданий, спорт тадбирлари иштирокчиларини ҳамда халқаро экспедициялар иштирокчиларини даволаш учун мўлжалланган бўлса.
4. Ушбу Низомнинг 3-бандида назарда тутилган ҳолларда дори воситалари ва тиббий жиҳозлар жисмоний шахслар томонидан шахсий фойдаланиш учун олиб кирилиши ва олиб чиқилишида фақат кўрсатиб ўтилган шахсларга тиббий ёрдам кўрсатиш учун фойдаланилиши ва сотиш учун бошқа шахсларга берилмаслиги керак.
5. Яшаш ёки бўлиш мамлакати тиббиёт муассасаси томонидан берилган ҳужжат тақдим этилмасдан қуйидагилар жисмоний шахслар томонидан шахсий фойдаланиш учун олиб кирилади ва олиб чиқилади:
турли номдаги 10 тагача дори препаратларидан иборат дори воситалари ва уларнинг ҳар бири учун 5 ўрамдан ортиқ бўлмаган дори воситалари;
5 бирликдан ортиқ бўлмаган тиббий жиҳозлар.
Бунда бир ўрамда:
қаттиқ (таблеткалар, дражелар, гранулалар, кукунлар, капсулалар) дори шакллари учун — 100 бирликдан ортиқ эмас;
эритма тайёрлаш учун қўлланиладиган кукунлар учун — 500 граммдан ортиқ эмас;
гранула шаклдаги гомеопатик дори воситалари учун — 50 граммдан ортиқ эмас;
инфузион эритмалар ва орал (оғиз орқали) қўлланиладиган эритмалар учун — 500 миллилитрдан ортиқ эмас;
инъекциялар учун эритмалар — 10 ампуладан ёки 10 флакондан ортиқ эмас;
ташқи дорилар учун — 200 миллилитрдан ёки 200 граммдан ортиқ эмас.
Дори воситалари ва тиббий жиҳозлар ишлаб чиқарувчининг ўрамида бўлиши керак.
Бунда мазкур бандда келтирилган дори воситаларини олиб ўтишда жисмоний шахслар томонидан божхона чегараси орқали олиб ўтилаётган дори воситаларининг қандай мақсадга мўлжалланганлигини аниқлаш, яъни уларнинг миқдори, олиб ўтишнинг такрорийлиги, сафарнинг мақсади ва унинг давомийлиги ҳисобга олинади.
6. Жисмоний шахслар томонидан дори воситалари ушбу Низомнинг 5-бандида кўрсатилган меъёрдан ортиқ миқдорда божхона чегараси орқали олиб киришда йўловчи божхона декларацияси билан бирга божхона органларига дори воситалари учун бўлиш ёки яшаш мамлакатининг тиббиёт муассасасидан бемор учун мўлжалланган дори воситасининг номини, унинг доривор шаклини ва даволаш курсига тавсия қилинган миқдори кўрсатилган ҳолдаги ҳужжатини ҳамда қонунчилик ҳужжатларига мувофиқ рухсатнома олмасдан олиб киришга рухсат берилган меъёрдан ортган биологик фаол қўшимчалар учун Соғлиқни сақлаш вазирлигининг тегишли рухсатномасини тақдим этиши шарт.
7. Халқаро қатнайдиган денгиз (дарё) кемаларида, самолётларда тиббий дорилар қутичасида гиёҳвандлик воситалари ва психотроп моддаларининг чекланган миқдорини олиб кириш ва олиб чиқиш тегишли транспорт воситалари рўйхатдан ўтказилган давлатнинг қонунчиликда белгиланган назорат чораларига риоя этилган ҳолда лицензиясиз амалга оширилади.
8. Таркибида гиёҳвандлик воситалари ва психотроп моддалар бўлган дори воситаларини жисмоний шахслар томонидан шахсий фойдаланиш учун олиб кириш ва олиб чиқиш Вазирлар Маҳкамасининг 2015 йил 12 ноябрдаги 330-сон қарори билан тасдиқланган рўйхатларга мувофиқ амалга оширилади.
9. Гиёҳвандлик воситаларини 7 суткалик эҳтиёждан ортиқ бўлмаган миқдорда олиб чиқишга тиббиёт муассасасининг даволаш-маслаҳат комиссиясининг муҳри билан тасдиқланган хулосаси мавжуд бўлганда рухсат берилади.
10. Гиёҳвандлик воситаларини 7 суткалик эҳтиёждан ортиқ бўлмаган миқдорда олиб киришга яшаш ёки бўлиш мамлакатининг тиббиёт муассасаси томонидан берилган, даволаш курсининг тавсия этиладиган сони кўрсатилган ҳужжатлар мавжуд бўлганда рухсат берилади.
11. Жисмоний шахслар томонидан шахсий фойдаланиш учун психотроп моддаларни яшаш ёки бўлиш мамлакатининг тиббиёт муассасаси томонидан берилган ҳужжат тақдим этилмасдан турли номдаги 5 тагача даволаш препаратларини ва улардан ҳар бирининг иккитадан ортиқ бўлмаган ўрамини даволаш курси доирасида олиб кириш ва олиб чиқишда рухсат берилади.
12. Ўтказиш пунктларида божхона чегарасини кесиб ўтишда жисмоний шахслар уларда гиёҳвандлик воситалари ва психотроп моддалар борлигини декларацияда қайд этишлари шарт, бунда гиёҳвандлик воситалари учун — божхона органига жисмоний шахснинг яшаш ёки бўлиш мамлакати тиббиёт муассасаси томонидан берилган, дори воситасининг номи, унинг дори шакли ва даволаш курсининг тавсия этиладиган сони кўрсатилган ҳужжат тақдим этилиши керак.
13. Ўзбекистон Республикаси божхона органлари тиббиёт муассасаси томонидан берилган ҳужжатлар мавжудлигини ва уларда кўрсатилган маълумотларнинг жисмоний шахсдаги гиёҳвандлик воситалари ва психотроп моддаларнинг номларига ва сонига мувофиқлигини белгиланган тартибда назорат қиладилар.
14. Жисмоний шахслар томонидан тиббиёт муассасаси томонидан берилган ҳужжатда ва божхона органига билдирилган гиёҳвандлик воситалари ва психотроп моддалар номлари ва сонидан ортиқ бўлган тақдирда ортиқчаси олиб қўйилиши ва белгиланган тартибда йўқ қилиниши керак.
III. Якунловчи қоида
15. Жисмоний шахс дори воситалари ва тиббий жиҳозларни, шу жумладан гиёҳвандлик воситалари ва психотроп моддаларни жисмоний шахслар томонидан шахсий фойдаланиш учун олиб кириш ва олиб чиқишда тақдим этилган маълумотларнинг ишончлилиги учун жавоб берадилар.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2016 йил 8 июнь,
191-сон
Oʻzbekiston Respublikasi Vazirlar Mahkamasining
qarori
NIZOM
Dori vositalari va tibbiy jihozlarni jismoniy shaxslar tomonidan shaxsiy foydalanish uchun olib kirish hamda olib chiqish tartibi toʻgʻrisidagi Nizomni tasdiqlash haqida
“ Giyohvandlik vositalari va psixotrop moddalar toʻgʻrisida ”, “ Dori vositalari va farmatsevtika faoliyati toʻgʻrisida ”gi Oʻzbekiston Respublikasi qonunlariga va Oʻzbekiston Respublikasi Vazirlar Mahkamasining “Giyohvandlik vositalari, psixotrop moddalar va prekursorlarni Oʻzbekiston Respublikasi hududiga olib kirish, undan olib chiqish va tranzit tarzida oʻtkazish tartibini, shuningdek ularning muomalada boʻlishi yuzasidan nazoratni takomillashtirish toʻgʻrisida” 2015-yil 12-noyabrdagi 330-son qaroriga muvofiq Vazirlar Mahkamasi qaror qiladi:
1. Dori vositalari va tibbiy jihozlarni jismoniy shaxslar tomonidan shaxsiy foydalanish uchun olib kirish hamda olib chiqish tartibi toʻgʻrisidagi Nizom ilovaga muvofiq tasdiqlansin.
2. Oʻzbekiston Respublikasi Davlat bojxona qoʻmitasi dori vositalari va tibbiy jihozlar shaxsiy foydalanish uchun olib kirilishi hamda olib chiqilishining belgilangan tartibiga jismoniy shaxslar tomonidan rioya etilishi ustidan nazorat oʻrnatsin.
3. Vazirliklar va idoralar bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsinlar.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.
Vazirlar Mahkamasining 2016-yil 8-iyundagi 191-son qaroriga ILOVA
Dori vositalari va tibbiy jihozlarni jismoniy shaxslar tomonidan shaxsiy foydalanish uchun olib kirish hamda olib chiqish tartibi toʻgʻrisida
I. Umumiy qoidalar
1. Ushbu Nizom “ Giyohvandlik vositalari va psixotrop moddalar toʻgʻrisida ”, “ Dori vositalari va farmatsevtika faoliyati toʻgʻrisida ”gi Oʻzbekiston Respublikasi qonunlariga va Oʻzbekiston Respublikasi Vazirlar Mahkamasining “Giyohvandlik vositalari, psixotrop moddalar va prekursorlarni Oʻzbekiston Respublikasi hududiga olib kirish, undan olib chiqish va tranzit tarzida oʻtkazish tartibini, shuningdek ularning muomalada boʻlishi yuzasidan nazoratni takomillashtirish toʻgʻrisida” 2015-yil 12-noyabrdagi 330-son qaroriga muvofiq dori vositalari, shu jumladan giyohvandlik vositalari va psixotrop moddalar va tibbiy jihozlar shaxsiy foydalanish uchun jismoniy shaxslar tomonidan olib kirilishi va olib chiqilishi tartibini belgilaydi.
2. Ushbu Nizomda quyidagi asosiy tushunchalardan foydalaniladi:
dori vositalari — kasalliklar profilaktikasi, ularga tashxis qoʻyish va ularni davolash, shuningdek odam organizmining holati va funksiyalarini oʻzgartirish uchun tibbiyot amaliyotida qoʻllanilishiga ruxsat etilgan dori moddalari (substansiyalar) va yordamchi moddalar asosida olingan vositalar, dori moddalari (substansiyalar), dori preparatlari;
shaxsiy foydalanish uchun tovarlar — bojxona chegarasi orqali oʻtadigan jismoniy shaxslarning ehtiyojlari uchun shaxsiy, oilaviy, uy ehtiyojlari va tadbirkorlik faoliyatini amalga oshirish bilan bogʻliq boʻlmagan boshqa ehtiyojlar uchun moʻljallangan tovarlar;
tibbiy jihozlar — kasalliklar profilaktikasi, tashxis qoʻyish, davolash, bemorlarni reabilitatsiya qilish va (yoki) sanab oʻtilgan jarayonlarni taʼminlash uchun, shuningdek, odam organizmining holati va funksiyalarini aniqlash, tiklash, almashtirish hamda oʻzgartirish, monitoring qilish, homiladorlikning oldini olish uchun tibbiyot amaliyotida qoʻllanishiga ruxsat etilgan, qoʻllanishi natijasida odam organizmiga farmakologik, immunologik yoki metabolik taʼsir koʻrsatmaydigan, ayrim holda majmua yoki tizimlar sifatida qoʻllanadigan jihozlar, apparatlar, uskunalar, priborlar, asboblar, qurilmalar, majmualar va dasturiy taʼminotlar;
dori preparatlari — dozalangan, idishga joylangan-oʻralgan, qoʻllashga tayyor dori vositalari;
shaxsiy foydalanish uchun dori vositalari va tibbiy jihozlarni olib kirish, olib chiqish — dori vositalari va tibbiy jihozlarni, shu jumladan giyohvandlik vositalari va psixotrop moddalarni boshqa davlat hududidan Oʻzbekiston Respublikasi hududiga yoki Oʻzbekiston Respublikasi hududidan boshqa davlat hududiga olib oʻtish;
gomeopatik dori vositalari — bir — yoki koʻp komponentli — har xil dori shakllari tarzidagi maxsus texnologiya boʻyicha ishlab chiqariladigan peroral, inyeksiyali yoki mahalliy qoʻllash uchun moʻljallangan, qoidaga koʻra, tarkibida aktiv birikmalar mikrodozasi mavjud boʻlgan preparatlar;
eritma — ichki va tashqi qoʻllash uchun, shuningdek inyeksiyalar uchun foydalaniladigan suyuq, qattiq yoki gazsimon moddalarni tegishli eritgichda eritish yoʻli bilan olinadigan suyuq dori shakli;
infuzion eritmalar — organizmga qon tomirlari orqali yuborish uchun moʻljallangan suyuq eritmalar;
inyeksiyalar uchun eritmalar — tegishli eritgichdagi dori vositalarining sterillangan suvli va (yoki) suvli boʻlmagan eritmalari;
tashqi dorilar — malham dori, emulsiya, linimentlar, losonlar, jelelar, gellar, koʻpiklar, pastalar, eritmalar, aralashmalar, kukunlar, damlamalar, aerozollar va tashqi qoʻllash uchun moʻljallangan dorilarning boshqa shakllari.
II. Dori vositalari va tibbiy jihozlarni jismoniy shaxslar tomonidan shaxsiy foydalanish uchun olib kirish va olib chiqish tartibi
3. Dori vositalarini va tibbiy jihozlarni quyidagi hollarda davlat roʻyxatidan oʻtkazmasdan hamda bojxona rasmiylashtiruvisiz olib kirish va olib chiqishga ruxsat beriladi, agar ular:
mamlakatda boʻlish davrida jismoniy shaxslar tomonidan shaxsiy foydalanish uchun moʻljallangan boʻlsa;
Oʻzbekiston Respublikasi hududida va uning hududidan tashqarida yashab turgan bemorni davolash-profilaktika muassasasi tomonidan tasdiqlangan tibbiy koʻrsatma asosida, davolash kursi doirasida davolash uchun moʻljallangan boʻlsa;
diplomatik vakolatxonalarning va ularga tenglashtirilgan vakolatxonalarning diplomatik hamda maʼmuriy-texnik xodimlari, shu jumladan ular bilan birga yashab turgan oila aʼzolarining shaxsiy foydalanishi uchun moʻljallangan boʻlsa;
Oʻzbekiston Respublikasi hududiga kirib kelayotgan yoki uning hududidan chiqib ketayotgan transport vositasining yoʻlovchilariga birinchi tibbiy yordam koʻrsatish uchun moʻljallangan va tibbiy dorilar qutichasi tarkibiga kiritilgan boʻlsa;
Oʻzbekiston Respublikasida va uning tashqarisida oʻtkaziladigan xalqaro ilmiy, madaniy, sport tadbirlari ishtirokchilarini hamda xalqaro ekspeditsiyalar ishtirokchilarini davolash uchun moʻljallangan boʻlsa.
4. Ushbu Nizomning 3-bandida nazarda tutilgan hollarda dori vositalari va tibbiy jihozlar jismoniy shaxslar tomonidan shaxsiy foydalanish uchun olib kirilishi va olib chiqilishida faqat koʻrsatib oʻtilgan shaxslarga tibbiy yordam koʻrsatish uchun foydalanilishi va sotish uchun boshqa shaxslarga berilmasligi kerak.
5. Yashash yoki boʻlish mamlakati tibbiyot muassasasi tomonidan berilgan hujjat taqdim etilmasdan quyidagilar jismoniy shaxslar tomonidan shaxsiy foydalanish uchun olib kiriladi va olib chiqiladi:
turli nomdagi 10 tagacha dori preparatlaridan iborat dori vositalari va ularning har biri uchun 5 oʻramdan ortiq boʻlmagan dori vositalari;
5 birlikdan ortiq boʻlmagan tibbiy jihozlar.
Bunda bir oʻramda:
qattiq (tabletkalar, drajelar, granulalar, kukunlar, kapsulalar) dori shakllari uchun — 100 birlikdan ortiq emas;
eritma tayyorlash uchun qoʻllaniladigan kukunlar uchun — 500 grammdan ortiq emas;
granula shakldagi gomeopatik dori vositalari uchun — 50 grammdan ortiq emas;
infuzion eritmalar va oral (ogʻiz orqali) qoʻllaniladigan eritmalar uchun — 500 millilitrdan ortiq emas;
inyeksiyalar uchun eritmalar — 10 ampuladan yoki 10 flakondan ortiq emas;
tashqi dorilar uchun — 200 millilitrdan yoki 200 grammdan ortiq emas.
Dori vositalari va tibbiy jihozlar ishlab chiqaruvchining oʻramida boʻlishi kerak.
Bunda mazkur bandda keltirilgan dori vositalarini olib oʻtishda jismoniy shaxslar tomonidan bojxona chegarasi orqali olib oʻtilayotgan dori vositalarining qanday maqsadga moʻljallanganligini aniqlash, yaʼni ularning miqdori, olib oʻtishning takroriyligi, safarning maqsadi va uning davomiyligi hisobga olinadi.
6. Jismoniy shaxslar tomonidan dori vositalari ushbu Nizomning 5-bandida koʻrsatilgan meʼyordan ortiq miqdorda bojxona chegarasi orqali olib kirishda yoʻlovchi bojxona deklaratsiyasi bilan birga bojxona organlariga dori vositalari uchun boʻlish yoki yashash mamlakatining tibbiyot muassasasidan bemor uchun moʻljallangan dori vositasining nomini, uning dorivor shaklini va davolash kursiga tavsiya qilingan miqdori koʻrsatilgan holdagi hujjatini hamda qonunchilik hujjatlariga muvofiq ruxsatnoma olmasdan olib kirishga ruxsat berilgan meʼyordan ortgan biologik faol qoʻshimchalar uchun Sogʻliqni saqlash vazirligining tegishli ruxsatnomasini taqdim etishi shart.
7. Xalqaro qatnaydigan dengiz (daryo) kemalarida, samolyotlarda tibbiy dorilar qutichasida giyohvandlik vositalari va psixotrop moddalarining cheklangan miqdorini olib kirish va olib chiqish tegishli transport vositalari roʻyxatdan oʻtkazilgan davlatning qonunchilikda belgilangan nazorat choralariga rioya etilgan holda litsenziyasiz amalga oshiriladi.
8. Tarkibida giyohvandlik vositalari va psixotrop moddalar boʻlgan dori vositalarini jismoniy shaxslar tomonidan shaxsiy foydalanish uchun olib kirish va olib chiqish Vazirlar Mahkamasining 2015-yil 12-noyabrdagi 330-son qarori bilan tasdiqlangan roʻyxatlarga muvofiq amalga oshiriladi.
9. Giyohvandlik vositalarini 7 sutkalik ehtiyojdan ortiq boʻlmagan miqdorda olib chiqishga tibbiyot muassasasining davolash-maslahat komissiyasining muhri bilan tasdiqlangan xulosasi mavjud boʻlganda ruxsat beriladi.
10. Giyohvandlik vositalarini 7 sutkalik ehtiyojdan ortiq boʻlmagan miqdorda olib kirishga yashash yoki boʻlish mamlakatining tibbiyot muassasasi tomonidan berilgan, davolash kursining tavsiya etiladigan soni koʻrsatilgan hujjatlar mavjud boʻlganda ruxsat beriladi.
11. Jismoniy shaxslar tomonidan shaxsiy foydalanish uchun psixotrop moddalarni yashash yoki boʻlish mamlakatining tibbiyot muassasasi tomonidan berilgan hujjat taqdim etilmasdan turli nomdagi 5 tagacha davolash preparatlarini va ulardan har birining ikkitadan ortiq boʻlmagan oʻramini davolash kursi doirasida olib kirish va olib chiqishda ruxsat beriladi.
12. Oʻtkazish punktlarida bojxona chegarasini kesib oʻtishda jismoniy shaxslar ularda giyohvandlik vositalari va psixotrop moddalar borligini deklaratsiyada qayd etishlari shart, bunda giyohvandlik vositalari uchun — bojxona organiga jismoniy shaxsning yashash yoki boʻlish mamlakati tibbiyot muassasasi tomonidan berilgan, dori vositasining nomi, uning dori shakli va davolash kursining tavsiya etiladigan soni koʻrsatilgan hujjat taqdim etilishi kerak.
13. Oʻzbekiston Respublikasi bojxona organlari tibbiyot muassasasi tomonidan berilgan hujjatlar mavjudligini va ularda koʻrsatilgan maʼlumotlarning jismoniy shaxsdagi giyohvandlik vositalari va psixotrop moddalarning nomlariga va soniga muvofiqligini belgilangan tartibda nazorat qiladilar.
14. Jismoniy shaxslar tomonidan tibbiyot muassasasi tomonidan berilgan hujjatda va bojxona organiga bildirilgan giyohvandlik vositalari va psixotrop moddalar nomlari va sonidan ortiq boʻlgan taqdirda ortiqchasi olib qoʻyilishi va belgilangan tartibda yoʻq qilinishi kerak.
III. Yakunlovchi qoida
15. Jismoniy shaxs dori vositalari va tibbiy jihozlarni, shu jumladan giyohvandlik vositalari va psixotrop moddalarni jismoniy shaxslar tomonidan shaxsiy foydalanish uchun olib kirish va olib chiqishda taqdim etilgan maʼlumotlarning ishonchliligi uchun javob beradilar.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2016-yil 8-iyun,
191-son
Кабинета Министров Республики Узбекистан
Постановление
ПОЛОЖЕНИЕ
Об утверждении Положения о порядке ввоза и вывоза лекарственных средств и медицинского оборудования назначения физическими лицами для личного пользования
В соответствии с законами Республики Узбекистан « О лекарственных средствах и фармацевтической деятельности », « О наркотических средствах и психотропных веществах » и постановлением Кабинета Министров Республики Узбекистан от 12 ноября 2015 года № 330 «О совершенствовании порядка ввоза, вывоза и транзита через территорию Республики Узбекистан наркотических средств, психотропных веществ и прекурсоров, а также контроля за их оборотом» Кабинет Министров постановляет:
1. Утвердить Положение о порядке ввоза и вывоза лекарственных средств и изделий медицинского назначения физическими лицами для личного пользования согласно приложению .
2. Государственному таможенному комитету Республики Узбекистан установить контроль за соблюдением физическими лицами установленного порядка ввоза и вывоза лекарственных средств и изделий медицинского назначения для личного пользования.
3. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
4. Контроль за исполнением настоящего постановления возложить на заместителя Премьер-министра Республики Узбекистан А.И. Икрамова.
ПРИЛОЖЕНИЕ к постановлению Кабинета Министров от 8 июня 2016 года № 191
о порядке ввоза и вывоза лекарственных средств и изделий медицинского назначения физическими лицами для личного пользования
I. Общие положения
1. Настоящее Положение в соответствии с законами Республики Узбекистан « О лекарственных средствах и фармацевтической деятельности », « О наркотических средствах и психотропных веществах » и постановлением Кабинета Министров Республики Узбекистан от 12 ноября 2015 года № 330 «О совершенствовании порядка ввоза, вывоза и транзита через территорию Республики Узбекистан наркотических средств, психотропных веществ и прекурсоров, а также контроля за их оборотом» определяет порядок ввоза и вывоза лекарственных средств, в том числе наркотических средств и психотропных веществ, и изделий медицинского назначения физическими лицами для личного пользования.
2. В настоящем Положении используются следующие основные понятия:
лекарственные средства — средства, полученные на основе лекарственных веществ (субстанций) и вспомогательных веществ, лекарственные вещества (субстанции), лекарственные препараты, разрешенные к применению в медицинской практике для профилактики, диагностики и лечения заболеваний, а также для изменения состояния и функций организма человека;
товары для личного пользования — товары, предназначенные для личных, семейных, домашних и иных, не связанных с осуществлением предпринимательской деятельности, нужд физических лиц, перемещаемые через таможенную границу;
изделия медицинского назначения — изделия, разрешенные к применению в медицинской практике для профилактики, диагностики и лечения заболеваний, а также для изменения состояний и функций организма человека;
лекарственные препараты — дозированные, упакованные лекарственные средства, готовые к применению;
ввоз, вывоз лекарственных средств и изделий медицинского назначения для личного пользования — перемещение лекарственных средств и изделий медицинского назначения, в том числе наркотических средств и психотропных веществ, с территории другого государства на территорию Республики Узбекистан или с территории Республики Узбекистан на территорию другого государства;
гомеопатические лекарственные средства — одно — или много — компонентные препараты, содержащие, как правило, микродозы активных соединений, производимые по специальной технологии и предназначенные для перорального, инъекционного или местного применения, в виде различных лекарственных форм;
раствор — жидкая лекарственная форма, полученная растворением жидких, твердых или газообразных веществ в соответствующем растворителе, используемая для внутреннего и наружного применения, а также для инъекций;
инфузионные растворы — жидкие растворы, предназначенные для введения в организм через кровеносный сосуд;
растворы для инъекций — стерильные водные или неводные растворы лекарственных веществ в соответствующем растворителе;
наружные лекарства — мази, эмульсии, линименты, лосьоны, желе, гели, пены, пасты, растворы, болтушки, порошки, настойки, аэрозоли и другие формы лекарств, предназначенные для наружного применения.
II. Порядок ввоза и вывоза лекарственных средств и изделий медицинского назначения физическими лицами для личного пользования
3. Разрешается ввоз и вывоз лекарственных средств и изделий медицинского назначения без государственной регистрации и без таможенного оформления, если они предназначены для:
личного пользования физическими лицами в период пребывания в стране;
лечения больного, проживающего в Республике Узбекистан и за ее пределами, на основании медицинского показания, подтвержденного медицинским учреждением, в пределах курса лечения;
личного пользования дипломатического и административно-технического персонала дипломатических и приравненных к ним представительств, включая членов их семей, проживающих вместе с ними;
оказания первой медицинской помощи пассажирам транспортного средства, прибывающего на территорию или выбывающего с территории Республики Узбекистан, и включены в состав медицинской аптечки;
лечения участников международных научных, культурных, спортивных мероприятий, проводимых в Республике Узбекистан и за его пределами, а также участников международных экспедиций.
4. Лекарственные средства и изделия медицинского назначения при ввозе и вывозе физическими лицами для личного пользования в случаях, предусмотренных пунктом 3 настоящего Положения, должны использоваться исключительно для оказания медицинской помощи указанным лицам и не могут быть переданы или реализованы другим лицам.
5. Без представления документа, выданного медицинским учреждением страны проживания или пребывания, физическими лицами для личного пользования, осуществляется ввоз и вывоз:
лекарственных средств в количестве до 10 лекарственных препаратов различного наименования и не более 5 упаковок лекарственных средств каждого из них;
изделий медицинского назначения в количестве не более 5 единиц.
При этом одна упаковка должна содержать:
для твердых (таблетки, драже, гранулы, порошки, капсулы) лекарственных форм — не более 100 единиц;
для порошков, применяемых для приготовления раствора — не более 500 г;
для гомеопатических лекарственных средств в форме гранул — не более 50 г;
для инфузионных растворов и растворов, принимаемых орально — не более 500 мл;
растворы для инъекций — не более 10 ампул или не более 10 флаконов;
для наружных лекарств — не более 200 мл или 200 г.
Лекарственные средства и изделия медицинского назначения должны быть в упаковке производителя.
При этом при перевозке лекарственных средств, указанных в настоящем пункте, учитывается назначение лекарственных средств, перемещаемых физическими лицами через таможенную границу, то есть их количество, повторяемость перевозки, цель поездки и ее продолжительность.
6. При ввозе физическими лицами через таможенную границу лекарственных средств в количестве, превышающем норму, указанную в пункте 5 настоящего Положения, пассажир вместе с таможенной декларацией направляет в таможенные органы наименование лекарственного средства, предназначенного для пациента, из медицинского учреждения страны пребывания или проживания для лекарственных средств., на биологически активные добавки, превышающие норму, разрешенную к ввозу без получения разрешения в соответствии с законодательством, необходимо предоставить документ с указанием лекарственной формы и рекомендуемого количества на курс лечения, а также соответствующее разрешение Минздрава.
7. Ввоз и вывоз ограниченных количеств наркотических средств и психотропных веществ в медицинских аптечках на морских (речных) судах, самолетах международного сообщения для оказания первой медицинской помощи осуществляются без лицензии с соблюдением мер контроля, определенных законодательством государства, где зарегистрированы соответствующие транспортные средства.
8. Ввоз и вывоз лекарственных средств, содержащих наркотические средства и психотропные вещества, физическими лицами для личного пользования осуществляются в соответствии со списками, утвержденными постановлением Кабинета Министров от 12 ноября 2015 года № 330.
9. Разрешается вывоз наркотических средств в количествах, не превышающих 7 — суточной потребности, при наличии заключения врачебно-консультационной комиссии (ВКК) медицинского учреждения, заверенного печатью.
10. Разрешается ввоз наркотических средств в количествах, не превышающих 7 — суточной потребности, при наличии документов, выданных медицинским учреждением страны проживания или пребывания, подтверждающих рекомендуемое количество на курс лечения.
11. Разрешается ввоз и вывоз психотропных веществ физическими лицами для личного пользования без представления документа, выданного медицинским учреждением страны проживания или пребывания, в количестве до 5 лекарственных препаратов различного наименования и не более двух упаковок каждого из них, в пределах курса лечения.
12. При пересечении таможенной границы в пунктах пропуска физические лица обязаны декларировать наличие у них наркотических средств и психотропных веществ, при этом для наркотических средств — представить таможенному органу документ, выданный медицинским учреждением страны проживания или пребывания физического лица, с указанием наименования лекарственного средства, его лекарственной формы и рекомендуемого количества на курс лечения.
13. Таможенные органы Республики Узбекистан в установленном порядке контролируют наличие документов, выданных медицинским учреждением, и соответствие указанных в них сведений наименованиям и количествам находящихся у физического лица наркотических средств и психотропных веществ.
14. В случае превышения физическими лицами наименований и количества наркотических средств и психотропных веществ, указанных в документе, выданного медицинским учреждением, и заявленных таможенному органу, излишек подлежит изъятию и уничтожению в установленном порядке.
III. Заключительное положение
15. Физические лица несут ответственность за достоверность представленных сведений при осуществлении ввоза и вывоза лекарственных средств и изделий медицинского назначения физическими лицами для личного пользования, в том числе наркотических средств и психотропных веществ.
Премьер-министр Республики Узбекистан Ш. МИРЗИЁЕВ
г. Ташкент,
8 июня 2016 г.,
№ 191