📅 2016-yil 10-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 10 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 10 июня 2016 г. · Постановления Кабинета Министров
Официальный текст. Официальный документ. Редакционные примечания не включены.
📅 10 June 2016 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Вазирлар Маҳкамасининг «Ўзбекистон Республикасида чакана савдо қоидаларини ҳамда Ўзбекистон Республикасида умумий овқатланиш маҳсулотларини (хизматларни) ишлаб чиқариш ва сотиш қоидаларини тасдиқлаш тўғрисида» 2003 йил 13 февралдаги 75-сон қарорига ўзгартириш ва қўшимчалар киритиш тўғрисида
«Алкоголь ва тамаки маҳсулотларининг тарқатилиши ҳамда истеъмол қилинишини чеклаш тўғрисида»ги Ўзбекистон Республикаси Қонунига ҳамда Вазирлар Маҳкамасининг «2015 — 2020 йиллар даврида Ўзбекистон Республикаси аҳолисининг соғлом овқатланишини таъминлаш Концепциясини ва чора-тадбирлар комплексини тасдиқлаш тўғрисида» 2015 йил 29 августдаги 251-сон қарорига мувофиқ, шунингдек фуқароларнинг, энг аввало йигирма ёшга тўлмаган фуқароларнинг соғлиғи алкоголли маҳсулотлар ва тамаки маҳсулотларининг зарарли таъсиридан ҳимоя қилинишини таъминлаш ҳамда алкоголли маҳсулотлар ва тамаки маҳсулотлари билан чакана савдо қилишни янада тартибга солиш мақсадида Вазирлар Маҳкамаси қарор қилади:
1. Вазирлар Маҳкамасининг «Ўзбекистон Республикасида чакана савдо қоидаларини ҳамда Ўзбекистон Республикасида умумий овқатланиш маҳсулотларини (хизматларни) ишлаб чиқариш ва сотиш қоидаларини тасдиқлаш тўғрисида» 2003 йил 13 февралдаги 75-сон қарорига (Ўзбекистон Республикаси ҚТ, 2003 й., 2-сон, 15-модда) иловага мувофиқ ўзгартириш ва қўшимчалар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов ва Ўзбекистон Республикаси Бош вазирининг ўринбосари А.И. Икрамов зиммасига юклансин.
Вазирлар Маҳкамасининг 2016 йил 10 июндаги 199-сон қарорига ИЛОВА
Вазирлар Маҳкамасининг «Ўзбекистон Республикасида чакана савдо қоидаларини ҳамда Ўзбекистон Республикасида умумий овқатланиш маҳсулотларини (хизматларни) ишлаб чиқариш ва сотиш қоидаларини тасдиқлаш тўғрисида» 2003 йил 13 февралдаги 75-сон қарорига киритилаётган ўзгартириш ва қўшимчалар
1. Ўзбекистон Республикасида чакана савдо қоидаларида :
а) 60-бандга қуйидаги мазмундаги иккинчи — тўртинчи хатбошилар қўшилсин:
«болалар ўйинчоқлари, конфетлар ёки болалар ассортименти бошқа товарлари кўринишида;
сотиш жойларида алкоголли ичимликлар йигирма ёшга тўлмаган шахсларга сотилмаслиги, шунингдек алкоголли маҳсулотлар ва тамаки маҳсулотларининг инсон соғлиғига салбий таъсири тўғрисида огоҳлантирувчи ёзувлар бўлмаганда;
алкоголли маҳсулот идишида ёки тамаки маҳсулоти қутисида (ўрамида) алкоголли маҳсулотлар ва тамаки маҳсулотларини истеъмол қилишнинг инсон соғлиғига салбий таъсири тўғрисидаги матн ва (ёки) расм шаклидаги тиббий огоҳлантириш мавжуд бўлмаганда»;
иккинчи — ўн бешинчи хатбошилар тегишли равишда бешинчи — ўн саккизинчи хатбошилар деб ҳисоблансин;
б) қуйидаги мазмундаги 60 1 -банд қўшилсин:
«60 1 . Алкоголли маҳсулотларни ва тамаки маҳсулотларини сотаётган сотувчи кўриниши йигирма ёшдан кичик кўринган харидордан унинг ёшини тасдиқловчи ҳужжатни кўрсатишни талаб қилиши, ҳужжат мавжуд бўлмаган тақдирда эса алкоголли маҳсулотларни ва тамаки маҳсулотларини сотишни рад этиши шарт».
2. Ўзбекистон Республикасида умумий овқатланиш маҳсулотларини (хизматларни) ишлаб чиқариш ва сотиш қоидаларида :
а) 19-банд қуйидаги таҳрирда баён қилинсин:
«Умумий овқатланиш корхоналарида хизмат кўрсатиш жараёнида тайёр маҳсулотлар ва харид қилинган товарлар истеъмолчининг хоҳишига кўра тегишли идишда ва ўрамда олиб чиқиб кетилиши мумкин, алкоголли ичимликлар бундан мустасно.
Алкоголли ичимликларни олиб чиқиб кетиш учун сотишга йўл қўйилмайди»;
б) 20-бандга қуйидаги мазмундаги хатбоши қўшилсин:
«Алкоголли маҳсулотларни сотиш жойларида уларнинг йигирма ёшга тўлмаган шахсларга сотилмаслиги, шунингдек алкоголли маҳсулотларнинг инсон соғлиғига салбий таъсири тўғрисидаги огоҳлантирувчи ёзув бўлиши лозим».
в) қуйидаги мазмундаги 20 1 -банд қўшилсин:
«20 1 . Алкоголли маҳсулотларни:
савдо автоматлари орқали;
болалар ўйинчоқлари, конфетлар ёки болалар ассортименти бошқа товарлари кўринишида;
сотиш жойларида алкоголли ичимликлар йигирма ёшга тўлмаган шахсларга сотилмаслиги, шунингдек алкоголли маҳсулотларнинг инсон соғлиғига салбий таъсири тўғрисидаги огоҳлантирувчи ёзувлар бўлмаганда;
алкоголли маҳсулот идишида алкоголли маҳсулотларни истеъмол қилиш инсон соғлиғига салбий таъсир кўрсатиши тўғрисидаги матн ва (ёки) расм шаклидаги тиббий огоҳлантириш мавжуд бўлмаганда;
йигирма ёшга тўлмаган шахсларга сотиш тақиқланади.
Алкоголли маҳсулотларни сотаётган сотувчи кўриниши йигирма ёшдан кичик кўринган харидордан унинг ёшини тасдиқловчи ҳужжатни кўрсатишни талаб қилиши, ҳужжат мавжуд бўлмаган тақдирда эса алкоголли маҳсулотларни сотишни рад этиши шарт».
Ўзбекистон Республикасининг Бош вазири Ш. МИРЗИЁЕВ
Тошкент ш.,
2016 йил 10 июнь,
199-сон
Oʻzbekiston Respublikasi Vazirlar Mahkamasining
qarori
Vazirlar Mahkamasining “Oʻzbekiston Respublikasida chakana savdo qoidalarini hamda Oʻzbekiston Respublikasida umumiy ovqatlanish mahsulotlarini (xizmatlarni) ishlab chiqarish va sotish qoidalarini tasdiqlash toʻgʻrisida” 2003-yil 13-fevraldagi 75-son qaroriga oʻzgartirish va qoʻshimchalar kiritish toʻgʻrisida
“Alkogol va tamaki mahsulotlarining tarqatilishi hamda isteʼmol qilinishini cheklash toʻgʻrisida”gi Oʻzbekiston Respublikasi Qonuniga hamda Vazirlar Mahkamasining “2015 — 2020-yillar davrida Oʻzbekiston Respublikasi aholisining sogʻlom ovqatlanishini taʼminlash Konsepsiyasini va chora-tadbirlar kompleksini tasdiqlash toʻgʻrisida” 2015-yil 29-avgustdagi 251-son qaroriga muvofiq, shuningdek fuqarolarning, eng avvalo yigirma yoshga toʻlmagan fuqarolarning sogʻligʻi alkogolli mahsulotlar va tamaki mahsulotlarining zararli taʼsiridan himoya qilinishini taʼminlash hamda alkogolli mahsulotlar va tamaki mahsulotlari bilan chakana savdo qilishni yanada tartibga solish maqsadida Vazirlar Mahkamasi qaror qiladi:
1. Vazirlar Mahkamasining “Oʻzbekiston Respublikasida chakana savdo qoidalarini hamda Oʻzbekiston Respublikasida umumiy ovqatlanish mahsulotlarini (xizmatlarni) ishlab chiqarish va sotish qoidalarini tasdiqlash toʻgʻrisida” 2003-yil 13-fevraldagi 75-son qaroriga (Oʻzbekiston Respublikasi QT, 2003-y., 2-son, 15-modda) ilovaga muvofiq oʻzgartirish va qoʻshimchalar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.
Vazirlar Mahkamasining 2016-yil 10-iyundagi 199-son qaroriga ILOVA
Vazirlar Mahkamasining “Oʻzbekiston Respublikasida chakana savdo qoidalarini hamda Oʻzbekiston Respublikasida umumiy ovqatlanish mahsulotlarini (xizmatlarni) ishlab chiqarish va sotish qoidalarini tasdiqlash toʻgʻrisida” 2003-yil 13-fevraldagi 75-son qaroriga kiritilayotgan oʻzgartirish va qoʻshimchalar
1. Oʻzbekiston Respublikasida chakana savdo qoidalarida :
a) 60-bandga quyidagi mazmundagi ikkinchi — toʻrtinchi xatboshilar qoʻshilsin:
“bolalar oʻyinchoqlari, konfetlar yoki bolalar assortimenti boshqa tovarlari koʻrinishida;
sotish joylarida alkogolli ichimliklar yigirma yoshga toʻlmagan shaxslarga sotilmasligi, shuningdek alkogolli mahsulotlar va tamaki mahsulotlarining inson sogʻligʻiga salbiy taʼsiri toʻgʻrisida ogohlantiruvchi yozuvlar boʻlmaganda;
alkogolli mahsulot idishida yoki tamaki mahsuloti qutisida (oʻramida) alkogolli mahsulotlar va tamaki mahsulotlarini isteʼmol qilishning inson sogʻligʻiga salbiy taʼsiri toʻgʻrisidagi matn va (yoki) rasm shaklidagi tibbiy ogohlantirish mavjud boʻlmaganda”;
ikkinchi — oʻn beshinchi xatboshilar tegishli ravishda beshinchi — oʻn sakkizinchi xatboshilar deb hisoblansin;
b) quyidagi mazmundagi 60 1 -band qoʻshilsin:
“60 1 . Alkogolli mahsulotlarni va tamaki mahsulotlarini sotayotgan sotuvchi koʻrinishi yigirma yoshdan kichik koʻringan xaridordan uning yoshini tasdiqlovchi hujjatni koʻrsatishni talab qilishi, hujjat mavjud boʻlmagan taqdirda esa alkogolli mahsulotlarni va tamaki mahsulotlarini sotishni rad etishi shart”.
2. Oʻzbekiston Respublikasida umumiy ovqatlanish mahsulotlarini (xizmatlarni) ishlab chiqarish va sotish qoidalarida :
a) 19-band quyidagi tahrirda bayon qilinsin:
“Umumiy ovqatlanish korxonalarida xizmat koʻrsatish jarayonida tayyor mahsulotlar va xarid qilingan tovarlar isteʼmolchining xohishiga koʻra tegishli idishda va oʻramda olib chiqib ketilishi mumkin, alkogolli ichimliklar bundan mustasno.
Alkogolli ichimliklarni olib chiqib ketish uchun sotishga yoʻl qoʻyilmaydi”;
b) 20-bandga quyidagi mazmundagi xatboshi qoʻshilsin:
“Alkogolli mahsulotlarni sotish joylarida ularning yigirma yoshga toʻlmagan shaxslarga sotilmasligi, shuningdek alkogolli mahsulotlarning inson sogʻligʻiga salbiy taʼsiri toʻgʻrisidagi ogohlantiruvchi yozuv boʻlishi lozim”.
v) quyidagi mazmundagi 20 1 -band qoʻshilsin:
“20 1 . Alkogolli mahsulotlarni:
savdo avtomatlari orqali;
bolalar oʻyinchoqlari, konfetlar yoki bolalar assortimenti boshqa tovarlari koʻrinishida;
sotish joylarida alkogolli ichimliklar yigirma yoshga toʻlmagan shaxslarga sotilmasligi, shuningdek alkogolli mahsulotlarning inson sogʻligʻiga salbiy taʼsiri toʻgʻrisidagi ogohlantiruvchi yozuvlar boʻlmaganda;
alkogolli mahsulot idishida alkogolli mahsulotlarni isteʼmol qilish inson sogʻligʻiga salbiy taʼsir koʻrsatishi toʻgʻrisidagi matn va (yoki) rasm shaklidagi tibbiy ogohlantirish mavjud boʻlmaganda;
yigirma yoshga toʻlmagan shaxslarga sotish taqiqlanadi.
Alkogolli mahsulotlarni sotayotgan sotuvchi koʻrinishi yigirma yoshdan kichik koʻringan xaridordan uning yoshini tasdiqlovchi hujjatni koʻrsatishni talab qilishi, hujjat mavjud boʻlmagan taqdirda esa alkogolli mahsulotlarni sotishni rad etishi shart”.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2016-yil 10-iyun,
199-son
Кабинета Министров Республики Узбекистан
Постановление
О внесении изменений и дополнений в постановление Кабинета Министров от 13 февраля 2003 г. № 75 «Об утверждении Правил розничной торговли в Республике Узбекистан и Правил производства и реализации продукции (услуг) общественного питания в Республике Узбекистан»
В соответствии с Законом Республики Узбекистан «Об ограничении распространения и употребления алкогольной и табачной продукции» и постановлением Кабинета Министров Республики Узбекистан от 29 августа 2015 г. № 251 «Об утверждении Концепции и Комплекса мер по обеспечению здорового питания населения Республики Узбекистан на период 2015 — 2020 годы», а также в целях обеспечения защиты здоровья граждан, прежде всего, не достигших двадцатилетнего возраста, от вредного воздействия алкогольной и табачной продукции и дальнейшего упорядочения розничной торговли алкогольной и табачной продукции Кабинет Министров постановляет:
1. Внести изменения и дополнения в постановление Кабинета Министров от 13 февраля 2003 г. № 75 «Об утверждении Правил розничной торговли в Республике Узбекистан и Правил производства и реализации продукции (услуг) общественного питания в Республике Узбекистан» (СП Республики Узбекистан, 2003 г., № 2, ст. 15) согласно приложению .
2. Контроль за исполнением настоящего постановления возложить на первого заместителя Премьер-министра Республики Узбекистан Р.С. Азимова и заместителя Премьер-министра Республики Узбекистан А.И. Икрамова.
ПРИЛОЖЕНИЕ к постановлению Кабинета Министров от 10 июня 2016 года № 199
Изменения и дополнения, вносимые в постановление Кабинета Министров от 13 февраля 2003 года № 75 «Об утверждении Правил розничной торговли в Республике Узбекистан и Правил производства и реализации продукции (услуг) общественного питания в Республике Узбекистан»
1. В Правилах розничной торговли в Республике Узбекистан:
а) пункт 60 дополнить абзацами вторым — четвертым следующего содержания:
«имитирующие детские игрушки, конфеты или другие товары детского ассортимента;
при отсутствии в местах продажи предупреждающих надписей о недопущении ее реализации лицам, не достигшим двадцатилетнего возраста, а также о негативном воздействии алкогольной и табачной продукции на здоровье человека;
при отсутствии на таре алкогольной продукции или пачке (упаковке) табачной продукции медицинского предупреждения в виде текстовой надписи и (или) рисунка о негативном воздействии употребления алкогольной и табачной продукции на здоровье человека»;
абзацы второй — пятнадцатый считать соответственно абзацами пятым — восемнадцатым.
б) дополнить пунктом 60 1 следующего содержания:
«60 1 . Продавец, осуществляющий реализацию алкогольной и табачной продукции, обязан потребовать от покупателя, выглядящего моложе двадцати лет, предъявления документа, удостоверяющего его возраст, а в случае отсутствия документа — отказать в реализации алкогольной и табачной продукции».
2. В Правилах производства и реализации продукции (услуг) общественного питания в Республике Узбекистан:
а) пункт 19 изложить в следующей редакции:
«В процессе обслуживания на предприятиях общественного питания по желанию потребителя готовая продукция и покупные товары, кроме алкогольных напитков, могут отпускаться на вынос в соответствующей таре и упаковке.
Не допускается продажа алкогольных напитков на вынос»;
б) пункт 20 дополнить абзацем следующего содержания:
«Места продажи алкогольной продукции должны иметь предупреждающую надпись о недопущении ее реализации лицам, не достигшим двадцатилетнего возраста, а также о негативном воздействии алкогольной продукции на здоровье человека»;
в) дополнить пунктом 20 1 следующего содержания:
«20 1 . Запрещается реализация алкогольной продукции:
через торговые автоматы;
имитирующие детские игрушки, конфеты или другие товары детского ассортимента;
при отсутствии в местах продажи предупреждающих надписей о недопущении ее реализации лицам, не достигшим двадцатилетнего возраста, а также о негативном воздействии алкогольной продукции на здоровье человека;
при отсутствии на таре алкогольной продукции медицинского предупреждения в виде надписи и (или) рисунка о негативном воздействии употребления алкогольной продукции на здоровье человека;
лицам, не достигшим двадцатилетнего возраста.
Продавец, осуществляющий реализацию алкогольной продукции, обязан потребовать от покупателя, выглядящего моложе двадцати лет, предъявления документа, удостоверяющего его возраст, а в случае отсутствия документа — отказать в реализации алкогольной продукции».
Премьер-министр Республики Узбекистан Ш. МИРЗИЁЕВ
г. Ташкент,
10 июня 2016 г.,
№ 199