📅 2016-yil 10-iyun · Vazirlik va idoralar hujjatlari · Davlat soliq qoʻmitasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 10 июнь · Вазирлик ва идоралар ҳужжатлари · Давлат солиқ қўмитаси
Расмий матн. Расмий ҳужжат. Таҳририй изоҳлар киритилмаган.
📅 10 июня 2016 г. · Документы министерств и ведомств · Государственного налогового комитета
Официальный текст. Официальный документ. Редакционные примечания не включены.
📅 10 June 2016 · Ministry and agency documents · Davlat soliq qoʻmitasi
Official text. Official document. Editorial notes are not included.
Ўзбекистон Республикаси Давлат солиқ қўмитасининг
Қарори
НИЗОМ
Молиявий ва солиқ ҳисоботларини алоқанинг телекоммуникация каналлари воситасида давлат солиқ хизмати органларига тақдим этиш тартиби тўғрисидаги низомни тасдиқлаш ҳақида
Ўзбекистон Республикасининг Солиқ кодекси , Ўзбекистон Республикасининг « Давлат солиқ хизмати тўғрисида »ги, « Электрон рақамли имзо тўғрисида »ги, « Электрон ҳужжат айланиши тўғрисида »ги қонунларига мувофиқ Ўзбекистон Республикаси Давлат солиқ қўмитаси қарор қилади:
1. Молиявий ва солиқ ҳисоботларини алоқанинг телекоммуникация каналлари воситасида давлат солиқ хизмати органларига тақдим этиш тартиби тўғрисидаги низом иловага мувофиқ тасдиқлансин.
2. Қуйидагилар ўз кучини йўқотган деб ҳисоблансин:
Ўзбекистон Республикаси Давлат солиқ қўмитасининг 2007 йил 18 декабрдаги 2007-65-сон «Молиявий ҳисоботлар ва солиқ ҳисоб-китобларини алмаштириладиган магнит (электрон, оптик) манбаларда ёки алоқанинг телекоммуникация каналлари воситасида тақдим этишнинг тартиби тўғрисидаги вақтинчалик низомни тасдиқлаш ҳақида»ги қарори (рўйхат рақами 1756, 2008 йил 3 январь) (Ўзбекистон Республикаси қонун ҳужжатлари тўплами, 2008 й., 1-2-сон, 3-модда);
Ўзбекистон Республикаси Давлат солиқ қўмитасининг 2013 йил 18 мартдаги 2013-14-сон «Молиявий ҳисоботлар ва солиқ ҳисоб-китобларини алмаштириладиган магнит (электрон, оптик) манбаларда ёки алоқанинг телекоммуникация каналлари воситасида тақдим этишнинг тартиби тўғрисида»ги Вақтинчалик низомга ўзгартириш киритиш ҳақида»ги қарори (рўйхат рақами 1756-1, 2013 йил 1 апрель) (Ўзбекистон Республикаси қонун ҳужжатлари тўплами, 2013 й., 14-сон, 186-модда).
3. Мазкур қарор расмий эълон қилинган кундан эътиборан кучга киради.
Ўзбекистон Республикаси Давлат солиқ қўмитасининг 2016 йил 10 июндаги 2016-21-сон қарорига ИЛОВА
Молиявий ва солиқ ҳисоботларини алоқанинг телекоммуникация каналлари воситасида давлат солиқ хизмати органларига тақдим этишнинг тартиби тўғрисидаги
Ушбу Низом молиявий ва солиқ ҳисоботларини (бундан буён матнда ҳисобот деб юритилади) алоқанинг телекоммуникация каналлари воситасида давлат солиқ хизмати органларига тақдим этиш тартибини белгилайди.
1-боб. Умумий қоидалар
1. Ушбу Низомни амалда қўллаш мақсадида қуйидаги асосий тушунчалардан фойдаланилади:
электрон рақамли имзо — электрон ҳужжатдаги мазкур электрон ҳужжат ахборотини электрон рақамли имзонинг ёпиқ калитидан фойдаланган ҳолда махсус ўзгартириш натижасида ҳосил қилинган ҳамда электрон рақамли имзонинг очиқ калити ёрдамида электрон ҳужжатдаги ахборотда хатолик йўқлигини аниқлаш ва электрон рақамли имзо ёпиқ калитининг эгасини идентификация қилиш имкониятини берадиган имзо;
электрон ҳужжат — электрон шаклда қайд этилган, электрон рақамли имзо билан тасдиқланган ҳамда электрон ҳужжатнинг уни идентификация қилиш имконини берадиган бошқа реквизитларига эга бўлган ахборот.
ахборот воситачиси — электрон ҳужжат айланиши билан боғлиқ хизматларни шартнома асосида кўрсатувчи юридик ёки жисмоний шахс.
солиқ тўловчининг шахсий кабинети — Ўзбекистон Республикаси Солиқ қўмитасининг расмий веб-сайтига жойлаштирилган, солиқ тўловчилар ва давлат солиқ хизмати органларининг солиқ тўғрисидаги қонунчилик ҳужжатларида назарда тутилган ҳуқуқ ва мажбуриятлари амалга оширилиши билан боғлиқ бўлган ўзаро муносабатларни электрон тарзда амалга оширишни таъминлайдиган ахборот ресурси.
2. Ҳисоботни электрон ҳужжат тарзида тақдим этишда электрон ҳужжат айланишининг иштирокчилари бўлиб қуйидагилар ҳисобланади:
солиқ тўловчи — ҳисоботни электрон ҳужжат тарзида жўнатувчи;
ҳисоботни электрон ҳужжат тарзида қабул қилувчи ва уларга ишлов берувчи давлат солиқ хизмати органлари — ҳисоботни қабул қилувчи.
Электрон ҳужжат айланишида ахборот воситачилари ҳам иштирок этишлари мумкин.
3. Ҳисоботни электрон ҳужжат тарзида тақдим этиш солиқ тўловчининг хоҳишига кўра тегишли дастурий таъминотдан фойдаланган ҳолда амалга оширилади.
Бунда, тадбиркорлик субъектлари ҳисоботни телекоммуникация каналлари орқали электрон ҳужжат тарзида тақдим этади.
4. Ҳисоботни электрон ҳужжат тарзида тақдим этмайдиган солиқ тўловчилар учун ҳисоботни қоғозда тақдим этиш тартиби сақланиб қолади.
Электрон ҳужжат тарзидаги тақдим этилган ҳисобот, солиқ тўловчининг электрон рақамли имзоси билан тасдиқланади.
5. Ҳисоботни электрон ҳужжат тарзида тақдим этишда тегишли дастурий таъминот:
давлат солиқ хизмати органига жўнатиш учун ҳисоботни электрон ҳужжат тарзида шакллантириш;
ҳисоботни электрон ҳужжат тарзида жўнатишда шифрлаш ва қабул қилиб олишда шифрдан ечиш;
электрон рақамли имзони шакллантириш ва уни қабул қилиб олишда электрон рақамли имзо воситалари ёрдамида текшириш;
ҳисоботни электрон ҳужжат тарзида телекоммуникация каналлари орқали жўнатиш имкониятига эга бўлиши керак.
6. Ҳисоботни электрон ҳужжат тарзида тақдим этишга:
молиявий ва солиқ ҳисоботининг мажбурий реквизитлари мавжуд бўлганда;
электрон ҳужжат тарзидаги ҳисоботларда электрон рақамли имзо мавжуд бўлганда;
электрон ҳужжат тарзидаги ҳисоботлар белгиланган шаклда тақдим этилганда рухсат берилади.
7. Электрон ҳужжат тарзидаги ҳисоботдаги ахборотларни муҳофаза қилиш мақсадида ахборотни узатишда электрон ҳужжат айланишининг иштирокчилари ахборотни криптографик муҳофаза қилиш воситаларини қўллайдилар.
8. Ҳисобот электрон ҳужжат тарзида қабул қилиб олинганда, давлат солиқ хизмати органларининг дастурий-аппарат воситалари ҳисоботни автоматик тарзда қабул қилинишини, шунингдек солиқ тўловчига электрон тарзидаги ҳисобот қабул қилиб олинганлиги тўғрисида тасдиқномани юборилишини таъминлайди.
Солиқ органи солиқ тўловчи томонидан белгиланган шаклда тақдим этилган ҳисоботини қабул қилишни рад этишга ҳақли эмас.
9. Ҳисобот электрон ҳужжат тарзида тақдим этилганда, солиқ тўловчи ва давлат солиқ хизмати органлари уни қонунчиликда белгиланган тартиб ва муддатларда электрон кўринишда сақланишини таъминлайдилар.
10. Ҳисоботни электрон ҳужжат тарзида сақлашда электрон ҳужжат айланишининг иштирокчилари томонидан ҳисоботнинг қоғоз нусхаларини бериш ва улардан фойдалана олиш имкониятлари кўзда тутилган бўлиши лозим.
11. Ҳисоботнинг электрон ҳужжат тарзида сақланиш муддатлари қоғоздаги ҳисоботлар учун ўрнатилган муддатлардан кам бўлмаслиги лозим.
2-боб. Электрон ҳужжат айланиши иштирокчиларининг электрон ҳужжат тарзидаги ҳисоботни тақдим этишдаги ўзаро муносабатлари
12. Солиқ тўловчи электрон ҳужжат тарзидаги ҳисоботни қонунчиликда белгиланган муддатларда тақдим этади.
13. Электрон ҳужжат тарзидаги ҳисоботни қабул қилиб олишда, Ўзбекистон Республикаси Солиқ қўмитасининг дастурий-аппарат воситалари мазкур ҳисоботни қабул қилиб олганлиги тўғрисида, қабул қилиб олинган санаси кўрсатилган ҳолда, автоматик тарзда тасдиқланишни таъминлайди.
14. Электрон ҳужжат тарзидаги ҳисобот, агар у бевосита солиқ тўловчи томонидан ёки унинг ахборот воситачиси орқали жўнатилган бўлса, жўнатилган деб ҳисобланади.
15. Электрон ҳужжат тарзидаги ҳисоботни тақдим этиш санаси электрон ҳужжатнинг давлат солиқ хизмати органининг электрон манзилига келиб тушган санаси ҳисобланади.
17. Ҳисоботни электрон ҳужжат тарзида жўнатишда электрон рақамли имзодан фойдаланиш тартиби Республика ижро этувчи ҳокимият органлари ва хўжалик бошқаруви органлари, маҳаллий ижро этувчи ҳокимият органлари ҳамда тижорат банклари томонидан кўрсатиладиган барча турдаги хизматларда электрон рақамли имзодан фойдаланиш қоидалари (рўйхат рақами 2727, 2015 йил 13 ноябрь) билан тартибга солинади.
3-боб. Электрон ҳужжат айланиши иштирокчиларининг жавобгарлиги
18. Ҳисоботни электрон ҳужжат тарзида тақдим этувчи солиқ тўловчи ҳисоботдаги маълумотларнинг ўз вақтида ва тўла тақдим этилишига жавобгар ҳисобланади.
19. Электрон ҳужжат тарзидаги ҳисоботни қабул қилувчи ва унга ишлов берувчи давлат солиқ хизмати органларининг мансабдор шахслари кейинги фойдаланиш учун қабул қилиниб олинаётган ахборотга ўз вақтида ишлов берилишига шахсан жавобгардирлар.
4-боб. Якуний қоида
20. Мазкур Низом Ўзбекистон Республикаси Ахборот технологиялари ва коммуникацияларини ривожлантириш вазирлиги ва Молия вазирлиги билан келишилган.
Давлат солиқ қўмитаси раиси Б. ПАРПИЕВ
Ахборот технологиялари ва коммуникацияларини ривожлантириш вазири Х. МИРЗАХИДОВ
Молия вазири Р. АЗИМОВ
Тошкент ш.,
2016 йил 10 июнь,
2016 йил 10 июнь
2016 йил 10 июнь
2016-21-сон
Oʻzbekiston Respublikasi Davlat soliq qoʻmitasining
Qarori
NIZOM
Moliyaviy va soliq hisobotlarini aloqaning telekommunikatsiya kanallari vositasida davlat soliq xizmati organlariga taqdim etish tartibi toʻgʻrisidagi nizomni tasdiqlash haqida
Oʻzbekiston Respublikasining Soliq kodeksi , Oʻzbekiston Respublikasining “ Davlat soliq xizmati toʻgʻrisida ”gi, “ Elektron raqamli imzo toʻgʻrisida ”gi, “ Elektron hujjat aylanishi toʻgʻrisida ”gi qonunlariga muvofiq Oʻzbekiston Respublikasi Davlat soliq qoʻmitasi qaror qiladi:
1. Moliyaviy va soliq hisobotlarini aloqaning telekommunikatsiya kanallari vositasida davlat soliq xizmati organlariga taqdim etish tartibi toʻgʻrisidagi nizom ilovaga muvofiq tasdiqlansin.
2. Quyidagilar oʻz kuchini yoʻqotgan deb hisoblansin:
Oʻzbekiston Respublikasi Davlat soliq qoʻmitasining 2007-yil 18-dekabrdagi 2007-65-son “Moliyaviy hisobotlar va soliq hisob-kitoblarini almashtiriladigan magnit (elektron, optik) manbalarda yoki aloqaning telekommunikatsiya kanallari vositasida taqdim etishning tartibi toʻgʻrisidagi vaqtinchalik nizomni tasdiqlash haqida”gi qarori (roʻyxat raqami 1756, 2008-yil 3-yanvar) (Oʻzbekiston Respublikasi qonun hujjatlari toʻplami, 2008-y., 1-2-son, 3-modda);
Oʻzbekiston Respublikasi Davlat soliq qoʻmitasining 2013-yil 18-martdagi 2013-14-son “Moliyaviy hisobotlar va soliq hisob-kitoblarini almashtiriladigan magnit (elektron, optik) manbalarda yoki aloqaning telekommunikatsiya kanallari vositasida taqdim etishning tartibi toʻgʻrisida”gi Vaqtinchalik nizomga oʻzgartirish kiritish haqida”gi qarori (roʻyxat raqami 1756-1, 2013-yil 1-aprel) (Oʻzbekiston Respublikasi qonun hujjatlari toʻplami, 2013-y., 14-son, 186-modda).
3. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Davlat soliq qoʻmitasining 2016-yil 10-iyundagi 2016-21-son qaroriga ILOVA
Moliyaviy va soliq hisobotlarini aloqaning telekommunikatsiya kanallari vositasida davlat soliq xizmati organlariga taqdim etishning tartibi toʻgʻrisidagi
Ushbu Nizom moliyaviy va soliq hisobotlarini (bundan buyon matnda hisobot deb yuritiladi) aloqaning telekommunikatsiya kanallari vositasida davlat soliq xizmati organlariga taqdim etish tartibini belgilaydi.
1-bob. Umumiy qoidalar
1. Ushbu Nizomni amalda qoʻllash maqsadida quyidagi asosiy tushunchalardan foydalaniladi:
elektron raqamli imzo — elektron hujjatdagi mazkur elektron hujjat axborotini elektron raqamli imzoning yopiq kalitidan foydalangan holda maxsus oʻzgartirish natijasida hosil qilingan hamda elektron raqamli imzoning ochiq kaliti yordamida elektron hujjatdagi axborotda xatolik yoʻqligini aniqlash va elektron raqamli imzo yopiq kalitining egasini identifikatsiya qilish imkoniyatini beradigan imzo;
elektron hujjat — elektron shaklda qayd etilgan, elektron raqamli imzo bilan tasdiqlangan hamda elektron hujjatning uni identifikatsiya qilish imkonini beradigan boshqa rekvizitlariga ega boʻlgan axborot.
axborot vositachisi — elektron hujjat aylanishi bilan bogʻliq xizmatlarni shartnoma asosida koʻrsatuvchi yuridik yoki jismoniy shaxs.
soliq toʻlovchining shaxsiy kabineti — Oʻzbekiston Respublikasi Soliq qoʻmitasining rasmiy veb-saytiga joylashtirilgan, soliq toʻlovchilar va davlat soliq xizmati organlarining soliq toʻgʻrisidagi qonunchilik hujjatlarida nazarda tutilgan huquq va majburiyatlari amalga oshirilishi bilan bogʻliq boʻlgan oʻzaro munosabatlarni elektron tarzda amalga oshirishni taʼminlaydigan axborot resursi.
2. Hisobotni elektron hujjat tarzida taqdim etishda elektron hujjat aylanishining ishtirokchilari boʻlib quyidagilar hisoblanadi:
soliq toʻlovchi — hisobotni elektron hujjat tarzida joʻnatuvchi;
hisobotni elektron hujjat tarzida qabul qiluvchi va ularga ishlov beruvchi davlat soliq xizmati organlari — hisobotni qabul qiluvchi.
Elektron hujjat aylanishida axborot vositachilari ham ishtirok etishlari mumkin.
3. Hisobotni elektron hujjat tarzida taqdim etish soliq toʻlovchining xohishiga koʻra tegishli dasturiy taʼminotdan foydalangan holda amalga oshiriladi.
Bunda, tadbirkorlik subyektlari hisobotni telekommunikatsiya kanallari orqali elektron hujjat tarzida taqdim etadi.
4. Hisobotni elektron hujjat tarzida taqdim etmaydigan soliq toʻlovchilar uchun hisobotni qogʻozda taqdim etish tartibi saqlanib qoladi.
Elektron hujjat tarzidagi taqdim etilgan hisobot, soliq toʻlovchining elektron raqamli imzosi bilan tasdiqlanadi.
5. Hisobotni elektron hujjat tarzida taqdim etishda tegishli dasturiy taʼminot:
davlat soliq xizmati organiga joʻnatish uchun hisobotni elektron hujjat tarzida shakllantirish;
hisobotni elektron hujjat tarzida joʻnatishda shifrlash va qabul qilib olishda shifrdan yechish;
elektron raqamli imzoni shakllantirish va uni qabul qilib olishda elektron raqamli imzo vositalari yordamida tekshirish;
hisobotni elektron hujjat tarzida telekommunikatsiya kanallari orqali joʻnatish imkoniyatiga ega boʻlishi kerak.
6. Hisobotni elektron hujjat tarzida taqdim etishga:
moliyaviy va soliq hisobotining majburiy rekvizitlari mavjud boʻlganda;
elektron hujjat tarzidagi hisobotlarda elektron raqamli imzo mavjud boʻlganda;
elektron hujjat tarzidagi hisobotlar belgilangan shaklda taqdim etilganda ruxsat beriladi.
7. Elektron hujjat tarzidagi hisobotdagi axborotlarni muhofaza qilish maqsadida axborotni uzatishda elektron hujjat aylanishining ishtirokchilari axborotni kriptografik muhofaza qilish vositalarini qoʻllaydilar.
8. Hisobot elektron hujjat tarzida qabul qilib olinganda, davlat soliq xizmati organlarining dasturiy-apparat vositalari hisobotni avtomatik tarzda qabul qilinishini, shuningdek soliq toʻlovchiga elektron tarzidagi hisobot qabul qilib olinganligi toʻgʻrisida tasdiqnomani yuborilishini taʼminlaydi.
Soliq organi soliq toʻlovchi tomonidan belgilangan shaklda taqdim etilgan hisobotini qabul qilishni rad etishga haqli emas.
9. Hisobot elektron hujjat tarzida taqdim etilganda, soliq toʻlovchi va davlat soliq xizmati organlari uni qonunchilikda belgilangan tartib va muddatlarda elektron koʻrinishda saqlanishini taʼminlaydilar.
10. Hisobotni elektron hujjat tarzida saqlashda elektron hujjat aylanishining ishtirokchilari tomonidan hisobotning qogʻoz nusxalarini berish va ulardan foydalana olish imkoniyatlari koʻzda tutilgan boʻlishi lozim.
11. Hisobotning elektron hujjat tarzida saqlanish muddatlari qogʻozdagi hisobotlar uchun oʻrnatilgan muddatlardan kam boʻlmasligi lozim.
2-bob. Elektron hujjat aylanishi ishtirokchilarining elektron hujjat tarzidagi hisobotni taqdim etishdagi oʻzaro munosabatlari
12. Soliq toʻlovchi elektron hujjat tarzidagi hisobotni qonunchilikda belgilangan muddatlarda taqdim etadi.
13. Elektron hujjat tarzidagi hisobotni qabul qilib olishda, Oʻzbekiston Respublikasi Soliq qoʻmitasining dasturiy-apparat vositalari mazkur hisobotni qabul qilib olganligi toʻgʻrisida, qabul qilib olingan sanasi koʻrsatilgan holda, avtomatik tarzda tasdiqlanishni taʼminlaydi.
14. Elektron hujjat tarzidagi hisobot, agar u bevosita soliq toʻlovchi tomonidan yoki uning axborot vositachisi orqali joʻnatilgan boʻlsa, joʻnatilgan deb hisoblanadi.
15. Elektron hujjat tarzidagi hisobotni taqdim etish sanasi elektron hujjatning davlat soliq xizmati organining elektron manziliga kelib tushgan sanasi hisoblanadi.
17. Hisobotni elektron hujjat tarzida joʻnatishda elektron raqamli imzodan foydalanish tartibi Respublika ijro etuvchi hokimiyat organlari va xoʻjalik boshqaruvi organlari, mahalliy ijro etuvchi hokimiyat organlari hamda tijorat banklari tomonidan koʻrsatiladigan barcha turdagi xizmatlarda elektron raqamli imzodan foydalanish qoidalari (roʻyxat raqami 2727, 2015-yil 13-noyabr) bilan tartibga solinadi.
3-bob. Elektron hujjat aylanishi ishtirokchilarining javobgarligi
18. Hisobotni elektron hujjat tarzida taqdim etuvchi soliq toʻlovchi hisobotdagi maʼlumotlarning oʻz vaqtida va toʻla taqdim etilishiga javobgar hisoblanadi.
19. Elektron hujjat tarzidagi hisobotni qabul qiluvchi va unga ishlov beruvchi davlat soliq xizmati organlarining mansabdor shaxslari keyingi foydalanish uchun qabul qilinib olinayotgan axborotga oʻz vaqtida ishlov berilishiga shaxsan javobgardirlar.
4-bob. Yakuniy qoida
20. Mazkur Nizom Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi va Moliya vazirligi bilan kelishilgan.
Davlat soliq qoʻmitasi raisi B. PARPIYEV
Axborot texnologiyalari va kommunikatsiyalarini rivojlantirish vaziri X. MIRZAXIDOV
Moliya vaziri R. AZIMOV
Toshkent sh.,
2016-yil 10-iyun,
2016-yil 10-iyun
2016-yil 10-iyun
2016-21-son
Государственного налогового комитета Республики Узбекистан
Постановление
ПОЛОЖЕНИЕ
Об утверждении Положения о порядке представления финансовой и налоговой отчетности посредством телекоммуникационных каналов связи в органы государственной налоговой службы
В соответствии с Налоговым кодексом Республики Узбекистан, законами Республики Узбекистан « О государственной налоговой службе », « Об электронной цифровой подписи », « Об электронном документообороте » Государственный налоговый комитет Республики Узбекистан постановляет:
1. Утвердить Положение о порядке представления финансовой и налоговой отчетности посредством телекоммуникационных каналов связи в органы государственной налоговой службы согласно приложению .
2. Признать утратившими силу:
постановление Государственного налогового комитета Республики Узбекистан от 18 декабря 2007 года № 2007-65 «Об утверждении Временного положения о порядке представления финансовой отчетности и налоговых расчетов на сменных магнитных (электронных, оптических) носителях или посредством телекоммуникационных каналов связи» (рег. № 1756 от 3 января 2008 года) (Собрание законодательства Республики Узбекистан, 2008 г., № 1-2, ст. 3);
постановление Государственного налогового комитета Республики Узбекистан от 18 марта 2013 года № 2013-14 «О внесении изменения во Временное положение о порядке представления финансовой отчетности налоговых расчетов на сменных магнитных (электронных, оптических) носителях или посредством телекоммуникационных каналов связи» (рег. № 1756-1 от 1 апреля 2013 года) (Собрание законодательства Республики Узбекистан, 2013 г., № 14, ст. 186).
3. Настоящее постановление вступает в силу со дня его официального опубликования.
ПРИЛОЖЕНИЕ к постановлению Государственного налогового комитета Республики Узбекистан от 10 июня 2016 года № 2016-21
о порядке представления финансовой и налоговой отчетности посредством телекоммуникационных каналов связи в органы государственной налоговой службы
Настоящее Положение определяет порядок представления налогоплательщиками финансовой и налоговой отчетности по телекоммуникационным каналам связи в органы государственной налоговой службы (далее — отчетность).
Глава 1. Общие положения
1. В целях применения настоящего Положения используются следующие основные понятия:
электронная цифровая подпись — подпись в электронном документе, полученная в результате специальных преобразований информации данного электронного документа с использованием закрытого ключа электронной цифровой подписи и позволяющая при помощи открытого ключа электронной цифровой подписи установить отсутствие искажения информации в электронном документе и идентифицировать владельца закрытого ключа электронной цифровой подписи;
электронный документ — информация, зафиксированная в электронной форме, подтвержденная электронной цифровой подписью и имеющая другие реквизиты электронного документа, позволяющие его идентифицировать;
информационный посредник — юридическое или физическое лицо, которое на договорной основе оказывает услуги, связанные с оборотом электронных документов.
персональный кабинет налогоплательщика — информационный ресурс, размещенный на официальном веб-сайте Налогового комитета Республики Узбекистан, обеспечивающий осуществление в электронном виде взаимоотношений, связанных с осуществлением прав и обязанностей налогоплательщиков и органов государственной налоговой службы, предусмотренных налоговым законодательством.
2. Участниками электронного документооборота при представлении отчетности в виде электронного документа являются:
налогоплательщик — отправитель отчетности в виде электронного документа;
органы государственной налоговой службы, осуществляющие прием и обработку отчетности в виде электронного документа — получатель отчетности.
В электронном документообороте могут участвовать и информационные посредники.
3. Представление отчетности в виде электронного документа осуществляется налогоплательщиком по его усмотрению с использованием соответствующего программного обеспечения.
При этом, субъекты предпринимательства представляют отчетность в виде электронного документа по телекоммуникационным каналам.
4. За налогоплательщиками, не представляющими отчетность в виде электронного документа, сохраняется порядок представления отчетности на бумажном носителе.
Отчетность в виде электронного документа подтверждается электронной цифровой подписью налогоплательщика.
5. При представлении отчетности в виде электронного документа, соответствующее программное обеспечение, должно позволять:
формирование отчетности в виде электронного документа для ее передачи органу государственной налоговой службы;
шифрование отчетности в виде электронного документа при ее отправке и расшифровку при ее получении;
формирование электронной цифровой подписи и ее проверку при получении с использованием средств электронной цифровой подписи;
передачу отчетности в виде электронного документа по телекоммуникационным каналам.
6. Представление отчетности в виде электронного документа допускается при:
наличии обязательных реквизитов финансовой и налоговой отчетности;
наличии электронной цифровой подписи в отчетности в виде электронного документа;
представлении отчетности в виде электронного документа по установленной форме.
7. С целью защиты информации, содержащейся в отчетности в виде электронного документа, при ее передаче участниками электронного документооборота применяются средства криптографической защиты информации.
8. При принятии отчетности в виде электронного документа программно-аппаратные средства органов государственной налоговой службы обеспечивают ее автоматическое принятие, а также передачу налогоплательщику подтверждения о приеме отчетности в электронном виде.
Налоговый орган не вправе отказать в принятии налоговой отчетности, представленной налогоплательщиком по установленной форме.
9. При представлении отчетности в виде электронного документа налогоплательщик и органы государственной налоговой службы обеспечивают хранение ее в электронном виде в порядке и сроках, установленных законодательством.
10. При хранении отчетности в виде электронного документа участниками электронного документооборота должна быть предусмотрена возможность выдачи и использования копий отчетности на бумажном носителе.
11. Сроки хранения отчетности в виде электронного документа не должны быть меньше сроков, установленных для отчетов на бумажных носителях.
Глава 2. Взаимодействие участников электронного документооборота при представлении отчетности в виде электронного документа
12. Налогоплательщик представляет отчетность в виде электронного документа в сроки, установленные законодательством.
13. При получении отчетности в виде электронного документа программно-аппаратные средства Налогового комитета Республики Узбекистан обеспечивают автоматическое подтверждение ее получения с указанием даты получения.
14. Отчетность в виде электронного документа считается отправленной, если она отправлена непосредственно налогоплательщиком или через его информационного посредника.
15. Датой представления отчетности в виде электронного документа является дата получения электронного документа на электронный адрес органа государственной налоговой службы.
17. Порядок использования электронной цифровой подписи при представлении отчетности в виде электронного документа регламентируется Правилами использования электронной цифровой подписи во всех видах услуг, оказываемых республиканскими органами исполнительной власти и органами хозяйственного управления, местными органами исполнительной власти, а также коммерческими банками (рег. № 2727 от 13 ноября 2015 года).
Глава 3. Ответственность участников электронного документооборота
18. Налогоплательщик, представляющий отчетность в виде электронного документа, несет ответственность за своевременность представления и полноту данных отчетности в виде электронного документа.
19. Должностные лица органов государственной налоговой службы, осуществляющие прием и обработку отчетности в виде электронного документа, несут персональную ответственность за своевременную обработку получаемой информации для дальнейшего использования.
Глава 4. Заключительное положение
20. Настоящее Положение согласовано с Министерством по развитию информационных технологий и коммуникаций и Министерством финансов Республики Узбекистан.
Председатель Государственного налогового комитета Б. ПАРПИЕВ
Министр по развитию информационных технологий и коммуникаций Х. МИРЗАХИДОВ
Министр финансов Р. АЗИМОВ
г. Ташкент,
10 июня 2016 г.,
10 июня 2016 г.
10 июня 2016 г.
№ 2016-21