📅 2016-yil 8-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 8 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 8 июля 2016 г. · Постановления Кабинета Министров
Официальный текст. Официальный документ. Редакционные примечания не включены.
📅 8 July 2016 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ижро ҳужжатлари бўйича ундирувни Ўзбекистон Республикасининг Давлат бюджети маблағларига ва бюджет ташкилотларининг молиявий мажбуриятларига қаратиш тартиби тўғрисидаги низомга қўшимчалар киритиш ҳақида
«Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» Ўзбекистон Республикасининг 2015 йил 29 декабрдаги ЎРҚ-396-сон Қонунига мувофиқ, Ижро варақалари ёки суд буйруқлари бўйича ундирувни Ўзбекистон Республикасининг Давлат бюджети маблағларига ва бюджет ташкилотларининг молиявий мажбуриятларига қаратиш тартибини такомиллаштириш мақсадида Вазирлар Маҳкамаси қарор қилади:
1. Вазирлар Маҳкамасининг 2014 йил 13 майдаги 120-сон қарори (Ўзбекистон Республикаси ҚТ, 2014 й., 5-сон, 46-модда) билан тасдиқланган Ижро ҳужжатлари бўйича ундирувни Ўзбекистон Республикасининг Давлат бюджети маблағларига ва бюджет ташкилотларининг молиявий мажбуриятларига қаратиш тартиби тўғрисидаги низомга иловага мувофиқ қўшимчалар киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.
Вазирлар Маҳкамасининг 2016 йил 8 июлдаги 229-сон қарорига ИЛОВА
Ижро ҳужжатлари бўйича ундирувни Ўзбекистон Республикасининг Давлат бюджети маблағларига ва бюджет ташкилотларининг молиявий мажбуриятларига қаратиш тартиби тўғрисидаги низомга киритилаётган қўшимчалар
1. 7-бандга қуйидаги мазмундаги хатбоши қўшилсин:
«Ижро варақаси ёки суд буйруғи судьянинг электрон рақамли имзоси билан тасдиқланган электрон ҳужжат тарзида ахборот тизими орқали юборилиши мумкин».
2. 8-банднинг иккинчи хатбошига қуйидаги мазмундаги жумла қўшилсин:
«Агар ижро варақаси ёки суд буйруғи судьянинг электрон рақамли имзоси билан тасдиқланган электрон ҳужжат тарзида ахборот тизими орқали юборилган бўлса, унинг асл нусхасини илова қилиш талаб этилмайди».
Ўзбекистон Республикасининг Бош вазири Ш. МИРЗИЁЕВ
Тошкент ш.,
2016 йил 8 июль,
229-сон
Oʻzbekiston Respublikasi Vazirlar Mahkamasining
qarori
Ijro hujjatlari boʻyicha undiruvni Oʻzbekiston Respublikasining Davlat budjeti mablagʻlariga va budjet tashkilotlarining moliyaviy majburiyatlariga qaratish tartibi toʻgʻrisidagi nizomga qoʻshimchalar kiritish haqida
“Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” Oʻzbekiston Respublikasining 2015-yil 29-dekabrdagi OʻRQ-396-son Qonuniga muvofiq, Ijro varaqalari yoki sud buyruqlari boʻyicha undiruvni Oʻzbekiston Respublikasining Davlat budjeti mablagʻlariga va budjet tashkilotlarining moliyaviy majburiyatlariga qaratish tartibini takomillashtirish maqsadida Vazirlar Mahkamasi qaror qiladi:
1. Vazirlar Mahkamasining 2014-yil 13-maydagi 120-son qarori (Oʻzbekiston Respublikasi QT, 2014-y., 5-son, 46-modda) bilan tasdiqlangan Ijro hujjatlari boʻyicha undiruvni Oʻzbekiston Respublikasining Davlat budjeti mablagʻlariga va budjet tashkilotlarining moliyaviy majburiyatlariga qaratish tartibi toʻgʻrisidagi nizomga ilovaga muvofiq qoʻshimchalar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Vazirlar Mahkamasining 2016-yil 8-iyuldagi 229-son qaroriga ILOVA
Ijro hujjatlari boʻyicha undiruvni Oʻzbekiston Respublikasining Davlat budjeti mablagʻlariga va budjet tashkilotlarining moliyaviy majburiyatlariga qaratish tartibi toʻgʻrisidagi nizomga kiritilayotgan qoʻshimchalar
1. 7-bandga quyidagi mazmundagi xatboshi qoʻshilsin:
“Ijro varaqasi yoki sud buyrugʻi sudyaning elektron raqamli imzosi bilan tasdiqlangan elektron hujjat tarzida axborot tizimi orqali yuborilishi mumkin”.
2. 8-bandning ikkinchi xatboshiga quyidagi mazmundagi jumla qoʻshilsin:
“Agar ijro varaqasi yoki sud buyrugʻi sudyaning elektron raqamli imzosi bilan tasdiqlangan elektron hujjat tarzida axborot tizimi orqali yuborilgan boʻlsa, uning asl nusxasini ilova qilish talab etilmaydi”.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2016-yil 8-iyul,
229-son
Кабинета Министров Республики Узбекистан
Постановление
О внесении дополнений в Положение о порядке обращения взыскания по исполнительным документам на средства Государственного бюджета Республики Узбекистан и на финансовые обязательства бюджетных организаций
В соответствии с Законом Республики Узбекистан от 29 декабря 2015 года № ЗРУ-396 «О внесении изменений и дополнений в некоторые законодательные акты Республики Узбекистан», в целях совершенствования порядка обращения взыскания на средства Государственного бюджета Республики Узбекистан и бюджетных организаций по исполнительным листам или судебным приказам, Кабинет Министров постановляет:
1. Внести дополнения в Положение о порядке обращения взыскания по исполнительным документам на средства Государственного бюджета Республики Узбекистан и на финансовые обязательства бюджетных организаций, утвержденное постановлением Кабинета Министров от 13 мая 2014 г. № 120 (СП Республики Узбекистан, 2014 г., № 5, ст. 46), согласно приложению .
2. Контроль за исполнением настоящего постановления возложить на первого заместителя Премьер-министра Республики Узбекистан Р.С. Азимова.
ПРИЛОЖЕНИЕ к постановлению Кабинета Министров от 8 июля 2016 года № 229
Дополнения, вносимые в Положение о порядке обращения взыскания по исполнительным документам на средства Государственного бюджета Республики Узбекистан и на финансовые обязательства бюджетных организаций
1. Пункт 7 дополнить абзацем следующего содержания:
«Исполнительный лист или судебный приказ может быть представлен в виде электронного документа, подтвержденного электронной цифровой подписью судьи, через информационную систему».
2. Абзац второй пункта 8 дополнить предложением следующего содержания:
«Если исполнительный лист или судебный приказ представлен в виде электронного документа, подтвержденного электронной цифровой подписью судьи, через информационную систему, то приложение его подлинника не требуется».
Премьер-министр Республики Узбекистан Ш. МИРЗИЁЕВ
г. Ташкент,
8 июля 2016 г.,
№ 229