UzbekAI

Ўзбекистон Республикаси Вазирлар Маҳкамасининг

қарори

Ўзбекистон Республикаси вакилларининг ўқишини ташкил этиш учун Япония Ҳукумати грантларидан самарали фойдаланиш чора-тадбирлари тўғрисида

Ўзбекистон Республикаси вакилларининг Японияда ўқишини ташкил этиш учун Япония Ҳукуматининг 2016-2017 молия йилларига берилаётган 196 млн Япония иенаси миқдоридаги ҳамда 263 млн Япония иенаси миқдоридаги грантларидан самарали фойдаланиш мақсадида Вазирлар Маҳкамаси қарор қилади:

1. Ўзбекистон Республикаси вакилларининг Япониянинг етакчи университетлари магистратурасида ўқишини ташкил этиш тўғрисида Япония Ҳукуматининг таклифи (кейинги ўринларда лойиҳа деб аталади) қабул қилинсин.

2. Ўқиш учун номзодларни танлаб олиш Япония Халқаро ҳамкорлик агентлиги, Япония Халқаро ҳамкорлик маркази, Ўзбекистон Республикаси Олий ва ўрта махсус таълим вазирлиги ҳамда Ташқи иқтисодий алоқалар, инвестициялар ва савдо вазирлиги томонидан амалга оширилиши маълумот учун қабул қилинсин.

3. Ўзбекистон Республикаси Бош вазирининг ўринбосари А.И. Икрамовга Ўзбекистон Республикаси Ҳукумати номидан айирбошлаш ноталари ва грант битимларини имзолаш ваколати берилсин.

4. Қуйидагиларга:

Ўзбекистон Республикаси Олий ва ўрта махсус таълим вазирлиги ҳамда Ўзбекистон Республикаси Инвестициялар бўйича давлат қўмитасига — лойиҳани амалга ошириш доирасида грантларни олиш ва уларга хизмат кўрсатиш учун Япония томони билан келишган ҳолда барча тартиб-қоидаларни расмийлаштириш;

Ўзбекистон Республикаси Ташқи иқтисодий фаолият миллий банкига — юқорида кўрсатиб ўтилган грантларга ҳисоб-китоб хизмати кўрсатиш;

Ўзбекистон Республикаси Марказий банкига — грантларга ҳисоб-китоб хизмати кўрсатиш юзасидан Япония томонининг воситачилик харажатлари конвертация қилинишини таъминлаш юклансин.

5. Ўзбекистон Республикаси Олий ва ўрта махсус таълим вазирлиги грантларга ҳисоб-китоб хизмати кўрсатилганлиги учун Япония томонининг воситачилик харажатларига Олий таълим муассасаларини ривожлантириш жамғармаси маблағлари ҳисобидан ҳақ тўласин.

6. Ўзбекистон Республикаси Ташқи ишлар вазирлиги Ўзбекистон Республикаси Олий ва ўрта махсус таълим вазирлигининг буюртманомалари бўйича лойиҳани амалга оширишда қатнашадиган хорижий мутахассисларга кириш визалари консуллик йиғимлари ва бошқа йиғимлар ундирилмасдан расмийлаштирилишини таъминласин.

7. Ўзбекистон Республикаси Ички ишлар вазирлиги Ўзбекистон Республикаси Олий ва ўрта махсус таълим вазирлигининг буюртманомалари бўйича лойиҳани амалга оширишда қатнашадиган хорижий мутахассисларга визалар берилиши ва узайтирилишини, шунингдек уларнинг яшаш жойларида давлат божлари ундирилмасдан вақтинча рўйхатдан ўтказилишини ва вақтинча рўйхатдан ўтказиш муддати узайтирилишини таъминласин.

8. Ўзбекистон Республикаси Олий ва ўрта махсус таълим вазирлиги манфаатдор вазирликлар ва идоралар билан биргаликда:

лойиҳани амалга ошириш доирасида Японияда ўқиган Ўзбекистон мутахассисларининг маълумоти тўғрисидаги ҳужжатлар нострификация қилинишига ва уларнинг ишга жойлаштирилишига кўмаклашсин;

уларнинг меҳнат фаолияти юзасидан доимий мониторинг олиб борсин.

9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.И. Икрамов зиммасига юклансин.

Ўзбекистон Республикасининг Бош вазири Ш. МИРЗИЁЕВ

Тошкент ш.,

2016 йил 26 июль,

241-сон

(Ўзбекистон Республикаси қонун ҳужжатлари тўплами, 2016 й., 30-сон, 364-модда; 2017 й., 34-сон, 893-модда)

lex.uz

Oʻzbekiston Respublikasi Vazirlar Mahkamasining

qarori

Oʻzbekiston Respublikasi vakillarining oʻqishini tashkil etish uchun Yaponiya Hukumati grantlaridan samarali foydalanish chora-tadbirlari toʻgʻrisida

Oʻzbekiston Respublikasi vakillarining Yaponiyada oʻqishini tashkil etish uchun Yaponiya Hukumatining 2016-2017 moliya yillariga berilayotgan 196 mln Yaponiya iyenasi miqdoridagi hamda 263 mln Yaponiya iyenasi miqdoridagi grantlaridan samarali foydalanish maqsadida Vazirlar Mahkamasi qaror qiladi:

1. Oʻzbekiston Respublikasi vakillarining Yaponiyaning yetakchi universitetlari magistraturasida oʻqishini tashkil etish toʻgʻrisida Yaponiya Hukumatining taklifi (keyingi oʻrinlarda loyiha deb ataladi) qabul qilinsin.

2. Oʻqish uchun nomzodlarni tanlab olish Yaponiya Xalqaro hamkorlik agentligi, Yaponiya Xalqaro hamkorlik markazi, Oʻzbekiston Respublikasi Oliy va oʻrta maxsus taʼlim vazirligi hamda Tashqi iqtisodiy aloqalar, investitsiyalar va savdo vazirligi tomonidan amalga oshirilishi maʼlumot uchun qabul qilinsin.

3. Oʻzbekiston Respublikasi Bosh vazirining oʻrinbosari A.I. Ikramovga Oʻzbekiston Respublikasi Hukumati nomidan ayirboshlash notalari va grant bitimlarini imzolash vakolati berilsin.

4. Quyidagilarga:

Oʻzbekiston Respublikasi Oliy va oʻrta maxsus taʼlim vazirligi hamda Oʻzbekiston Respublikasi Investitsiyalar boʻyicha davlat qoʻmitasiga — loyihani amalga oshirish doirasida grantlarni olish va ularga xizmat koʻrsatish uchun Yaponiya tomoni bilan kelishgan holda barcha tartib-qoidalarni rasmiylashtirish;

Oʻzbekiston Respublikasi Tashqi iqtisodiy faoliyat milliy bankiga — yuqorida koʻrsatib oʻtilgan grantlarga hisob-kitob xizmati koʻrsatish;

Oʻzbekiston Respublikasi Markaziy bankiga — grantlarga hisob-kitob xizmati koʻrsatish yuzasidan Yaponiya tomonining vositachilik xarajatlari konvertatsiya qilinishini taʼminlash yuklansin.

5. Oʻzbekiston Respublikasi Oliy va oʻrta maxsus taʼlim vazirligi grantlarga hisob-kitob xizmati koʻrsatilganligi uchun Yaponiya tomonining vositachilik xarajatlariga Oliy taʼlim muassasalarini rivojlantirish jamgʻarmasi mablagʻlari hisobidan haq toʻlasin.

6. Oʻzbekiston Respublikasi Tashqi ishlar vazirligi Oʻzbekiston Respublikasi Oliy va oʻrta maxsus taʼlim vazirligining buyurtmanomalari boʻyicha loyihani amalga oshirishda qatnashadigan xorijiy mutaxassislarga kirish vizalari konsullik yigʻimlari va boshqa yigʻimlar undirilmasdan rasmiylashtirilishini taʼminlasin.

7. Oʻzbekiston Respublikasi Ichki ishlar vazirligi Oʻzbekiston Respublikasi Oliy va oʻrta maxsus taʼlim vazirligining buyurtmanomalari boʻyicha loyihani amalga oshirishda qatnashadigan xorijiy mutaxassislarga vizalar berilishi va uzaytirilishini, shuningdek ularning yashash joylarida davlat bojlari undirilmasdan vaqtincha roʻyxatdan oʻtkazilishini va vaqtincha roʻyxatdan oʻtkazish muddati uzaytirilishini taʼminlasin.

8. Oʻzbekiston Respublikasi Oliy va oʻrta maxsus taʼlim vazirligi manfaatdor vazirliklar va idoralar bilan birgalikda:

loyihani amalga oshirish doirasida Yaponiyada oʻqigan Oʻzbekiston mutaxassislarining maʼlumoti toʻgʻrisidagi hujjatlar nostrifikatsiya qilinishiga va ularning ishga joylashtirilishiga koʻmaklashsin;

ularning mehnat faoliyati yuzasidan doimiy monitoring olib borsin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2016-yil 26-iyul,

241-son

(Oʻzbekiston Respublikasi qonun hujjatlari toʻplami, 2016-y., 30-son, 364-modda; 2017-y., 34-son, 893-modda)

lex.uz

Кабинета Министров Республики Узбекистан

Постановление

О мерах по эффективному использованию грантов Правительства Японии для организации обучения представителей Республики Узбекистан

В целях эффективного использования грантов Правительства Японии в размере 196 млн. японских йен и 263 млн. японских йен, предоставляемых на 2016-2017 финансовые годы для организации обучения представителей Республики Узбекистан в Японии, Кабинет Министров постановляет:

1. Принять предложение Правительства Японии об организации обучения представителей Республики Узбекистан в магистратуре ведущих университетов Японии (далее — проект).

2. Принять к сведению, что отбор кандидатур на обучение будет осуществляться Японским Агентством международного сотрудничества, Японским Центром международного сотрудничества, Министерством высшего и среднего специального образования и Министерством внешних экономических связей, инвестиций и торговли Республики Узбекистан.

3. Уполномочить заместителя Премьер-министра Республики Узбекистан Икрамова А.И. подписать обменные ноты и грантовые соглашения от имени Правительства Республики Узбекистан.

4. Возложить на:

Министерство высшего и среднего специального образования Республики Узбекистан и Государственный комитет Республики Узбекистан по инвестициям — оформление, по согласованию с японской стороной, всех процедур для получения и обслуживания грантов в рамках реализации проекта;

Национальный банк внешнеэкономической деятельности Республики Узбекистан — расчетное обслуживание вышеуказанных грантов;

Центральный банк Республики Узбекистан — обеспечение конвертации комиссионных расходов японской стороны за расчетное обслуживание грантов.

5. Министерству высшего и среднего специального образования Республики Узбекистан осуществлять оплату комиссионных расходов японской стороне за расчетное обслуживание грантов за счет средств Фонда развития высших образовательных учреждений.

6. Министерству иностранных дел по заявкам Министерства высшего и среднего специального образования Республики Узбекистан обеспечить оформление въездных виз иностранным специалистам, участвующим в реализации проекта, без взимания консульских и иных сборов.

7. Министерству внутренних дел по заявкам Министерства высшего и среднего специального образования Республики Узбекистан обеспечить выдачу и продление виз, а также временную прописку и продление временной прописки по месту жительства иностранных специалистов, участвующих в реализации проекта, без взимания государственных пошлин.

8. Министерству высшего и среднего специального образования Республики Узбекистан совместно с заинтересованными министерствами и ведомствами:

оказывать содействие в нострификации документов об образовании и трудоустройстве специалистов из Узбекистана, проходивших обучение в Японии в рамках реализации проекта;

осуществлять постоянный мониторинг за их трудовой деятельностью.

9. Контроль за исполнением настоящего постановления возложить на заместителя Премьер-министра Республики Узбекистан А.И. Икрамова

Премьер-министр Республики Узбекистан Ш. МИРЗИЁЕВ

г. Ташкент,

26 июля 2016 г.,

№ 241

(Собрание законодательства Республики Узбекистан, 2016 г., № 30, ст. 364; 2017 г., № 34, ст. 893)

lex.uz