📅 2016-yil 30-iyul · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 30 июль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 июля 2016 г. · Постановления Кабинета Министров
Официальный текст. Официальный документ. Редакционные примечания не включены.
📅 30 July 2016 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Республика болалар таянч-ҳаракат тизими касалликлари реабилитацияси марказининг даволаш-диагностика корпусини қуриш ва жиҳозлаш» лойиҳасини амалга ошириш чора-тадбирлари тўғрисида
Соғлиқни сақлаш тизимини янада такомиллаштириш, республика даволаш-профилактика муассасаларининг моддий-техника базасини мустаҳкамлаш, таянч-ҳаракатланиш тизими касалликларига чалинган болаларга юқори малакали тиббий ёрдам кўрсатиш сифатини ошириш мақсадида Вазирлар Маҳкамаси қарор қилади:
1. Ўзбекистон Республикаси Соғлиқни сақлаш вазирлиги ва «SYNECTA a.s.» (Словакия) компаниясининг «Республика болалар таянч-ҳаракат тизими касалликлари реабилитацияси марказининг даволаш-диагностика корпусини қуриш ва жиҳозлаш» лойиҳасини (кейинги ўринларда лойиҳа деб аталади) амалга ошириш тўғрисидаги таклифига розилик берилсин.
2. Қуйидагилар маълумот учун қабул қилинсин:
лойиҳа доирасида Тошкент вилояти, Қибрай тумани, Салар посёлкаси, Бобур кўчаси, 4-уй манзилида жойлашган Республика болалар таянч-ҳаракат тизими касалликлари реабилитацияси марказининг 200 ўринли даволаш-диагностика корпусини ва муҳандислик коммуникацияларини қуриш, жиҳозлаш (кейинги ўринларда объект деб аталади) режалаштирилган;
лойиҳа 2017 йил 1 январгача бажарилади ва «SYNECTA a.s.» (Словакия) компанияси томонидан бериладиган беғараз ёрдам маблағлари ҳисобига амалга оширилади, келгусида объект Ўзбекистон Республикаси Соғлиқни сақлаш вазирлигига берилади;
ишлаб чиқилган лойиҳа-смета ҳужжатларига мувофиқ объектни қуриш қиймати 55,0 млрд сўмни, уни жиҳозлаш қиймати эса — 7 млн АҚШ долларини ташкил қилади;
«SYNECTA a.s.» (Словакия) компанияси номидан Ўзбекистон Республикасида норезидентнинг доимий муассасаси функцияси Ўзбекистон Республикасида белгиланган тартибда рўйхатдан ўтказилган «SYNECTA Central Asia» МЧЖга юкланади;
лойиҳа буюртмачиси этиб «SYNECTA a.s.» (Словакия) компанияси белгиланган;
лойиҳанинг бош пудратчиси этиб «SYNECTA Central Asia» МЧЖ белгиланган;
бош лойиҳачи ва лойиҳа бўйича муаллифлик назорати функциясини бажарувчи этиб «Golden Project» ХК белгиланган.
3. Қуйидагилар лойиҳани амалга ошириш доирасида 2017 йил 1 январгача бўлган муддатга:
Ўзбекистон Республикаси Вазирлар Маҳкамаси томонидан тасдиқланган рўйхатлар бўйича, шу жумладан «вақтинчалик олиб кириш» режимида олиб кириладиган асбоб-ускуналар, транспорт воситалари, бутловчи буюмлар, эҳтиёт қисмлар ва материаллар божхона тўловларидан (божхона йиғимларидан ташқари);
бош пудратчи томонидан буюртмачига, субпудратчилар ва етказиб берувчилар (Ўзбекистон Республикаси резидентлари) томонидан бош пудратчига сотиладиган товарлар (ишлар, хизматлар), шунингдек Ўзбекистон Республикаси норезидентлари томонидан бажариладиган ишлар (хизматлар) қўшилган қиймат солиғидан;
«SYNECTA Central Asia» МЧЖ бажариладиган қурилиш-монтаж ишлари ҳажмлари бўйича давлат мақсадли фондларига мажбурий ажратмалардан;
Ўзбекистон Республикаси ҳудудида олинган, ҳам тўлов манбаидан, ҳам доимий муассаса орқали солиққа тортиладиган даромадлар бўйича «SYNECTA a.s.» (Словакия) компанияси, шунингдек субпудратчилар ва етказиб берувчилар (Ўзбекистон Республикаси норезидентлари) юридик шахсларнинг фойда солиғидан;
олиб кириладиган асбоб-ускуналар, транспорт воситалари, бутловчи буюмлар, эҳтиёт қисмлар ва материаллар, бажариладиган ишлар, кўрсатиладиган хизматларни ваколатли давлат органларида сертификатлаштириш бўйича хизматлар тўловидан;
хорижий транспорт ва экспедиторлик компаниялари автотранспорт воситаларининг Ўзбекистон Республикаси ҳудудига кириб келиши ва транзити учун йиғимлар тўлашдан озод этилсин.
4. Лойиҳани амалга ошириш доирасида «SYNECTA a.s.» (Словакия) компаниясининг доимий муассасасига қуйидагилар юзасидан рухсат берилсин:
олиб кириладиган асбоб-ускуналар, транспорт воситалари, бутловчи буюмлар, эҳтиёт қисмлар ва материаллар, бажариладиган ишлар, шу жумладан қурилиш-монтаж ишлари, кўрсатиладиган хизматлар учун «SYNECTA a.s.» (Словакия) компанияси, етказиб берувчилар (Ўзбекистон Республикаси норезидентлари) фойдасига тўловни хорижий валютада амалга ошириш;
субпудратчилар ва етказиб берувчилар (Ўзбекистон Республикаси резидентлари) томонидан ишларни бажариш ва хизматлар кўрсатиш учун тўловни, шу жумладан бош пудрат шартномаси бўйича тўловни Ўзбекистон Республикаси миллий валютасида амалга ошириш;
5. Ўзбекистон Республикаси Соғлиқни сақлаш вазирлиги, Ўзбекистон Республикаси Давлат архитектура ва қурилиш қўмитаси, «Ўзстандарт» агентлиги ва Тошкент вилояти ҳокимлиги қурилиш-монтаж ишларини амалга оширишга тегишли рухсатномаларнинг ўз вақтида, белгиланган тартибда берилишини, шунингдек олиб кириладиган асбоб-ускуналар, транспорт воситалари, бутловчи буюмлар, эҳтиёт қисмлар ва материаллар сертификатланишини таъминласинлар.
6. Ўзбекистон Республикаси Иқтисодиёт вазирлиги лойиҳани амалга ошириш доирасида бош лойиҳа ташкилоти томонидан берилган асосланган ҳисоб-китоблар бўйича объект қурилиши учун металл прокати, цемент ва қурилиш ойнасининг тартибга солинадиган нархлар бўйича ажратилишини таъминласин.
7. «Ўзбекистон ҳаво йўллари» миллий авиакомпанияси ва «Ўзбекистон темир йўллари» акциядорлик жамияти лойиҳани амалга ошириш доирасида келтириладиган асбоб-ускуналар, транспорт воситалари, бутловчи буюмлар, эҳтиёт қисмлар ва материалларни юклаш, тушириш ва тахлаш ишларини, кўрсатиб ўтилган юкларни республиканинг аэропортларида ва темир йўл станцияларида сақлашнинг бутун даври мобайнида юкларга ишлов бериш ва уларни сақлаш учун тўлов ундирмасдан таъминласинлар.
8. Ўзбекистон Республикаси Ташқи ишлар вазирлиги Ўзбекистон Республикаси Соғлиқни сақлаш вазирлигининг буюртманомаларига биноан, лойиҳани амалга ошириш даврида жалб этиладиган хорижий мутахассислар учун кириш визаларининг консуллик ва бошқа тўловлар ундирилмасдан расмийлаштирилишини таъминласин.
9. Ўзбекистон Республикаси Ички ишлар вазирлиги Ўзбекистон Республикаси Соғлиқни сақлаш вазирлигининг буюртманомаларига биноан, лойиҳа амалга ошириладиган даврда жалб этиладиган хорижий мутахассисларга яшаш жойи бўйича кўп марталик визаларнинг берилишини ва муддати узайтирилишини, шунингдек вақтинчалик прописка қилинишини ва унинг муддати узайтирилишини давлат божлари ундирмасдан таъминласин.
10. Ўзбекистон Республикаси Меҳнат вазирлиги Ўзбекистон Республикаси Соғлиқни сақлаш вазирлигининг буюртманомаларига биноан, лойиҳани амалга ошириш даврида жалб этиладиган хорижий мутахассисларни Ўзбекистон Республикасига жалб этишга рухсатномалар беришни (муддати узайтирилишини), шунингдек уларга Ўзбекистон Республикаси ҳудудидаги меҳнат фаолияти ҳуқуқига тасдиқномалар беришни (муддати узайтирилишини) таъминласин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.И. Икрамов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2016 йил 30 июль,
247-сон
Oʻzbekiston Respublikasi Vazirlar Mahkamasining
qarori
“Respublika bolalar tayanch-harakat tizimi kasalliklari reabilitatsiyasi markazining davolash-diagnostika korpusini qurish va jihozlash” loyihasini amalga oshirish chora-tadbirlari toʻgʻrisida
Sogʻliqni saqlash tizimini yanada takomillashtirish, respublika davolash-profilaktika muassasalarining moddiy-texnika bazasini mustahkamlash, tayanch-harakatlanish tizimi kasalliklariga chalingan bolalarga yuqori malakali tibbiy yordam koʻrsatish sifatini oshirish maqsadida Vazirlar Mahkamasi qaror qiladi:
1. Oʻzbekiston Respublikasi Sogʻliqni saqlash vazirligi va “SYNECTA a.s.” (Slovakiya) kompaniyasining “Respublika bolalar tayanch-harakat tizimi kasalliklari reabilitatsiyasi markazining davolash-diagnostika korpusini qurish va jihozlash” loyihasini (keyingi oʻrinlarda loyiha deb ataladi) amalga oshirish toʻgʻrisidagi taklifiga rozilik berilsin.
2. Quyidagilar maʼlumot uchun qabul qilinsin:
loyiha doirasida Toshkent viloyati, Qibray tumani, Salar posyolkasi, Bobur koʻchasi, 4-uy manzilida joylashgan Respublika bolalar tayanch-harakat tizimi kasalliklari reabilitatsiyasi markazining 200 oʻrinli davolash-diagnostika korpusini va muhandislik kommunikatsiyalarini qurish, jihozlash (keyingi oʻrinlarda obyekt deb ataladi) rejalashtirilgan;
loyiha 2017-yil 1-yanvargacha bajariladi va “SYNECTA a.s.” (Slovakiya) kompaniyasi tomonidan beriladigan begʻaraz yordam mablagʻlari hisobiga amalga oshiriladi, kelgusida obyekt Oʻzbekiston Respublikasi Sogʻliqni saqlash vazirligiga beriladi;
ishlab chiqilgan loyiha-smeta hujjatlariga muvofiq obyektni qurish qiymati 55,0 mlrd soʻmni, uni jihozlash qiymati esa — 7 mln AQSh dollarini tashkil qiladi;
“SYNECTA a.s.” (Slovakiya) kompaniyasi nomidan Oʻzbekiston Respublikasida norezidentning doimiy muassasasi funksiyasi Oʻzbekiston Respublikasida belgilangan tartibda roʻyxatdan oʻtkazilgan “SYNECTA Central Asia” MChJga yuklanadi;
loyiha buyurtmachisi etib “SYNECTA a.s.” (Slovakiya) kompaniyasi belgilangan;
loyihaning bosh pudratchisi etib “SYNECTA Central Asia” MChJ belgilangan;
bosh loyihachi va loyiha boʻyicha mualliflik nazorati funksiyasini bajaruvchi etib “Golden Project” XK belgilangan.
3. Quyidagilar loyihani amalga oshirish doirasida 2017-yil 1-yanvargacha boʻlgan muddatga:
Oʻzbekiston Respublikasi Vazirlar Mahkamasi tomonidan tasdiqlangan roʻyxatlar boʻyicha, shu jumladan “vaqtinchalik olib kirish” rejimida olib kiriladigan asbob-uskunalar, transport vositalari, butlovchi buyumlar, ehtiyot qismlar va materiallar bojxona toʻlovlaridan (bojxona yigʻimlaridan tashqari);
bosh pudratchi tomonidan buyurtmachiga, subpudratchilar va yetkazib beruvchilar (Oʻzbekiston Respublikasi rezidentlari) tomonidan bosh pudratchiga sotiladigan tovarlar (ishlar, xizmatlar), shuningdek Oʻzbekiston Respublikasi norezidentlari tomonidan bajariladigan ishlar (xizmatlar) qoʻshilgan qiymat soligʻidan;
“SYNECTA Central Asia” MChJ bajariladigan qurilish-montaj ishlari hajmlari boʻyicha davlat maqsadli fondlariga majburiy ajratmalardan;
Oʻzbekiston Respublikasi hududida olingan, ham toʻlov manbaidan, ham doimiy muassasa orqali soliqqa tortiladigan daromadlar boʻyicha “SYNECTA a.s.” (Slovakiya) kompaniyasi, shuningdek subpudratchilar va yetkazib beruvchilar (Oʻzbekiston Respublikasi norezidentlari) yuridik shaxslarning foyda soligʻidan;
olib kiriladigan asbob-uskunalar, transport vositalari, butlovchi buyumlar, ehtiyot qismlar va materiallar, bajariladigan ishlar, koʻrsatiladigan xizmatlarni vakolatli davlat organlarida sertifikatlashtirish boʻyicha xizmatlar toʻlovidan;
xorijiy transport va ekspeditorlik kompaniyalari avtotransport vositalarining Oʻzbekiston Respublikasi hududiga kirib kelishi va tranziti uchun yigʻimlar toʻlashdan ozod etilsin.
4. Loyihani amalga oshirish doirasida “SYNECTA a.s.” (Slovakiya) kompaniyasining doimiy muassasasiga quyidagilar yuzasidan ruxsat berilsin:
olib kiriladigan asbob-uskunalar, transport vositalari, butlovchi buyumlar, ehtiyot qismlar va materiallar, bajariladigan ishlar, shu jumladan qurilish-montaj ishlari, koʻrsatiladigan xizmatlar uchun “SYNECTA a.s.” (Slovakiya) kompaniyasi, yetkazib beruvchilar (Oʻzbekiston Respublikasi norezidentlari) foydasiga toʻlovni xorijiy valyutada amalga oshirish;
subpudratchilar va yetkazib beruvchilar (Oʻzbekiston Respublikasi rezidentlari) tomonidan ishlarni bajarish va xizmatlar koʻrsatish uchun toʻlovni, shu jumladan bosh pudrat shartnomasi boʻyicha toʻlovni Oʻzbekiston Respublikasi milliy valyutasida amalga oshirish;
5. Oʻzbekiston Respublikasi Sogʻliqni saqlash vazirligi, Oʻzbekiston Respublikasi Davlat arxitektura va qurilish qoʻmitasi, “Oʻzstandart” agentligi va Toshkent viloyati hokimligi qurilish-montaj ishlarini amalga oshirishga tegishli ruxsatnomalarning oʻz vaqtida, belgilangan tartibda berilishini, shuningdek olib kiriladigan asbob-uskunalar, transport vositalari, butlovchi buyumlar, ehtiyot qismlar va materiallar sertifikatlanishini taʼminlasinlar.
6. Oʻzbekiston Respublikasi Iqtisodiyot vazirligi loyihani amalga oshirish doirasida bosh loyiha tashkiloti tomonidan berilgan asoslangan hisob-kitoblar boʻyicha obyekt qurilishi uchun metall prokati, sement va qurilish oynasining tartibga solinadigan narxlar boʻyicha ajratilishini taʼminlasin.
7. “Oʻzbekiston havo yoʻllari” milliy aviakompaniyasi va “Oʻzbekiston temir yoʻllari” aksiyadorlik jamiyati loyihani amalga oshirish doirasida keltiriladigan asbob-uskunalar, transport vositalari, butlovchi buyumlar, ehtiyot qismlar va materiallarni yuklash, tushirish va taxlash ishlarini, koʻrsatib oʻtilgan yuklarni respublikaning aeroportlarida va temir yoʻl stansiyalarida saqlashning butun davri mobaynida yuklarga ishlov berish va ularni saqlash uchun toʻlov undirmasdan taʼminlasinlar.
8. Oʻzbekiston Respublikasi Tashqi ishlar vazirligi Oʻzbekiston Respublikasi Sogʻliqni saqlash vazirligining buyurtmanomalariga binoan, loyihani amalga oshirish davrida jalb etiladigan xorijiy mutaxassislar uchun kirish vizalarining konsullik va boshqa toʻlovlar undirilmasdan rasmiylashtirilishini taʼminlasin.
9. Oʻzbekiston Respublikasi Ichki ishlar vazirligi Oʻzbekiston Respublikasi Sogʻliqni saqlash vazirligining buyurtmanomalariga binoan, loyiha amalga oshiriladigan davrda jalb etiladigan xorijiy mutaxassislarga yashash joyi boʻyicha koʻp martalik vizalarning berilishini va muddati uzaytirilishini, shuningdek vaqtinchalik propiska qilinishini va uning muddati uzaytirilishini davlat bojlari undirmasdan taʼminlasin.
10. Oʻzbekiston Respublikasi Mehnat vazirligi Oʻzbekiston Respublikasi Sogʻliqni saqlash vazirligining buyurtmanomalariga binoan, loyihani amalga oshirish davrida jalb etiladigan xorijiy mutaxassislarni Oʻzbekiston Respublikasiga jalb etishga ruxsatnomalar berishni (muddati uzaytirilishini), shuningdek ularga Oʻzbekiston Respublikasi hududidagi mehnat faoliyati huquqiga tasdiqnomalar berishni (muddati uzaytirilishini) taʼminlasin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2016-yil 30-iyul,
247-son
Кабинета Министров Республики Узбекистан
Постановление
О мерах по реализации проекта «Строительство и оснащение лечебно-диагностического корпуса Республиканского детского реабилитационного центра заболеваний опорно-двигательной системы»
В целях дальнейшего совершенствования системы здравоохранения, укрепления материально-технической базы лечебно-профилактических учреждений республики, повышения качества оказания высококвалифицированной медицинской помощи детям с заболеваниями опорно-двигательной системы Кабинет Министров постановляет:
1. Согласиться с предложением Министерства здравоохранения Республики Узбекистан и компании «SYNECTA a.s.» (Словакия) о реализации проекта «Строительство и оснащение лечебно-диагностического корпуса Республиканского детского реабилитационного центра заболеваний опорно-двигательной системы» (далее — проект).
2. Принять к сведению, что:
в рамках проекта запланировано строительство, оснащение лечебно-диагностического корпуса на 200 коек и инженерных коммуникаций Республиканского детского реабилитационного центра заболеваний опорно-двигательной системы, расположенного по адресу: Ташкентская область, Кибрайский район, поселок Салар, ул. Бобура, 4 (далее — объект);
проект реализуется до 1 января 2017 года и будет осуществляться за счет средств безвозмездной помощи, предоставляемой компанией «SYNECTA a.s.» (Словакия), с последующей передачей объекта Министерству здравоохранения Республики Узбекистан;
согласно разработанной проектно-сметной документации стоимость строительства объекта составляет 55,0 млрд. сумов, а стоимость его оснащения — 7 млн. долл. США;
от имени компании «SYNECTA a.s.» (Словакия) функции постоянного учреждения нерезидента в Республике Узбекистан возлагаются на ООО «SYNECTA Central Asia», зарегистрированное в Республике Узбекистан в установленном порядке;
заказчиком проекта определена компания «SYNECTA a.s.» (Словакия);
генеральным подрядчиком проекта определено ООО «SYNECTA Central Asia»;
генеральным проектировщиком и выполняющей функции авторского надзора по проекту определено ЧП «Golden Project».
3. Освободить в рамках реализации проекта сроком до 1 января 2017 года:
от таможенных платежей (за исключением таможенных сборов) оборудование, транспортные средства, комплектующие изделия, запасные части и материалы, ввозимые, в том числе в режиме «временный ввоз», по перечням, утверждаемым Кабинетом Министров Республики Узбекистан;
от налога на добавленную стоимость товары (работы, услуги), реализуемые генеральным подрядчиком заказчику, субподрядчиками и поставщиками (резидентами Республики Узбекистан) генеральному подрядчику, а также работы (услуги), выполняемые нерезидентами Республики Узбекистан;
от обязательных отчислений в государственные целевые фонды ООО «SYNECTA Central Asia» по объемам выполняемых строительно-монтажных работ;
от налога на прибыль юридических лиц компанию «SYNECTA a.s.» (Словакия), а также субподрядчиков и поставщиков (нерезидентов Республики Узбекистан) по доходам, полученным на территории Республики Узбекистан, подлежащим обложению, как у источника выплаты, так и через постоянное учреждение;
от оплаты услуг по сертификации в уполномоченных государственных органах ввозимого оборудования, транспортных средств, комплектующих изделий, запасных частей и материалов, выполняемых работ, оказываемых услуг;
от уплаты сборов за въезд и транзит по территории Республики Узбекистан автотранспортных средств иностранные транспортные и экспедиторские компании.
4. Разрешить в рамках реализации проекта постоянному учреждению компании «SYNECTA a.s.» (Словакия):
производить оплату в иностранной валюте в пользу компании «SYNECTA a.s.» (Словакия), поставщиков (нерезидентов Республики Узбекистан) за ввозимое оборудование, транспортные средства, комплектующие изделия, запасные части и материалы, выполняемые работы, в том числе строительно-монтажные работы, оказываемые услуги;
производить оплату за выполнение работ и оказание услуг субподрядчиками и поставщиками (резидентами Республики Узбекистан), включая оплату по договору генерального подряда, в национальной валюте Республики Узбекистан;
5. Министерству здравоохранения Республики Узбекистан, Государственному комитету Республики Узбекистан по архитектуре и строительству, агентству «Узстандарт» и хокимияту Ташкентской области обеспечить в установленном порядке своевременную выдачу соответствующих разрешений на производство строительно-монтажных работ, а также сертификацию ввозимого оборудования, транспортных средств, комплектующих изделий, запасных частей и материалов.
6. Министерству экономики Республики Узбекистан обеспечить в рамках реализации проекта по обоснованным расчетам, представленным генеральной проектной организацией, выделение для строительства объекта металлопроката, цемента и строительного стекла по регулируемым ценам.
7. НАК «Узбекистон хаво йуллари» и АО «Узбекистон темир йуллари» обеспечить погрузочно-разгрузочные работы и складирование оборудования, транспортных средств, комплектующих изделий, запасных частей и материалов, поступающих в рамках реализации проекта, в течение всего периода содержания указанных грузов в аэропортах и на железнодорожных станциях республики без взимания оплаты за обработку грузов и их хранение.
8. Министерству иностранных дел Республики Узбекистан обеспечить по заявкам Министерства здравоохранения Республики Узбекистан оформление въездных виз для иностранных специалистов, привлекаемых на период реализации проекта, без взимания консульских и иных сборов.
9. Министерству внутренних дел Республики Узбекистан обеспечить по заявкам Министерства здравоохранения Республики Узбекистан выдачу и продление многократных виз, а также временную прописку и ее продление по месту проживания иностранных специалистов, привлекаемых на период реализации проекта, без взимания государственных пошлин.
10. Министерству труда Республики Узбекистан обеспечить по заявкам Министерства здравоохранения Республики Узбекистан выдачу (продление) разрешений на привлечение в Республику Узбекистан иностранных специалистов, привлекаемых на период реализации проекта, а также выдачу (продление) им подтверждений на право трудовой деятельности на территории Республики Узбекистан.
11. Контроль за исполнением настоящего постановления возложить на заместителя Премьер-министра Республики Узбекистан А.И. Икрамова.
Премьер-министр Республики Узбекистан Ш. МИРЗИЁЕВ
г. Ташкент,
30 июля 2016 г.,
№ 247