📅 2016-yil 11-avgust · Vazirlik va idoralar hujjatlari · Moliya vazirligi Davlat soliq qoʻmitasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 11 август · Вазирлик ва идоралар ҳужжатлари · Молия вазирлиги Давлат солиқ қўмитаси
Расмий матн. Расмий ҳужжат. Таҳририй изоҳлар киритилмаган.
📅 11 августа 2016 г. · Документы министерств и ведомств · Министерства финансов Государственного налогового комитета
Официальный текст. Официальный документ. Редакционные примечания не включены.
📅 11 August 2016 · Ministry and agency documents · Moliya vazirligi Davlat soliq qoʻmitasi
Official text. Official document. Editorial notes are not included.
Ўзбекистон Республикаси Молия вазирлиги Ўзбекистон Республикаси Давлат солиқ қўмитасининг
Қарори
«Ишлаб чиқариладиган табиий газга акциз солиғини тўлаш тартиби тўғрисидаги низомни тасдиқлаш ҳақида»ги қарорга ўзгартиришлар киритиш тўғрисида
Ўзбекистон Республикаси Солиқ кодекси ва Ўзбекистон Республикаси Президентининг 2015 йил 22 декабрдаги ПҚ-2455-сон «Ўзбекистон Республикасининг 2016 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги қарорига мувофиқ Ўзбекистон Республикаси Молия вазирлиги ва Давлат солиқ қўмитаси қарор қилади:
1. Ўзбекистон Республикаси Молия вазирлиги ва Давлат солиқ қўмитасининг 2011 йил 12 декабрдаги 79, 2011-37-сон «Ишлаб чиқариладиган табиий газга акциз солиғини тўлаш тартиби тўғрисидаги низомни тасдиқлаш ҳақида»ги қарорига (рўйхат рақами 2310, 2012 йил 9 январь) (Ўзбекистон Республикаси қонун ҳужжатлари тўплами, 2012 й., 2-сон, 20-модда) иловага мувофиқ ўзгартиришлар киритилсин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Молия вазирлиги ва Давлат солиқ қўмитасининг 2016 йил 11 августдаги 56 ва 2016-27-сон қарорига ИЛОВА
«Ишлаб чиқариладиган табиий газга акциз солиғини тўлаш тартиби тўғрисидаги низомни тасдиқлаш ҳақида»ги қарорга киритилаётган ўзгартиришлар
1. Қарорнинг муқаддимаси қуйидаги таҳрирда баён этилсин:
«Ўзбекистон Республикаси Солиқ кодекси ва Ўзбекистон Республикаси Президентининг 2015 йил 22 декабрдаги ПҚ–2455-сон «Ўзбекистон Республикасининг 2016 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги қарорига мувофиқ Ўзбекистон Республикаси Молия вазирлиги ва Давлат солиқ қўмитаси қарор қилади:».
2. Низомда :
а) муқаддима қуйидаги таҳрирда баён этилсин:
«Мазкур Низом Ўзбекистон Республикаси Солиқ кодекси ва Ўзбекистон Республикаси Президентининг 2015 йил 22 декабрдаги ПҚ–2455-сон «Ўзбекистон Республикасининг 2016 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги қарорига мувофиқ Ўзбекистон Республикасида ишлаб чиқариладиган табиий газга акциз солиғини ҳисоблаб чиқариш ва тўлаш тартибини белгилайди.»;
б) 2-банд қуйидаги таҳрирда баён этилсин:
«2. Ўзбекистон Республикаси Президентининг 2015 йил 22 декабрдаги ПҚ-2455-сон «Ўзбекистон Республикасининг 2016 йилги асосий макроиқтисодий кўрсаткичлари прогнози ва Давлат бюджети параметрлари тўғрисида»ги қарорининг 13-1-иловасига мувофиқ республикада ишлаб чиқариладиган табиий газ реализациясига, шу жумладан экспортига акциз солиғи солинади.
Бунда, аҳолига реализация қилинадиган, табиий газнинг нархида назарда тутилган табиий газга ҳисобланган акциз солиғи суммаси, инвестиция лойиҳаларини молиялаштиришга мақсадли равишда йўналтириш учун «Ўзтрансгаз» АК тасарруфида қолдирилади.
«Ўзтрансгаз» АК тасарруфида қолдириладиган, аҳолига реализация қилинадиган табиий газ бўйича акциз солиғи суммасини аниқлаш билан боғлиқ операцияларни бухгалтерия ҳисобида акс эттириш тартиби Юридик шахсларга солиқлар, божхона ва мажбурий тўловларни бюджетга тўлаш бўйича берилган имтиёзларни расмийлаштириш ва бухгалтерлик ҳисобида акс эттириш тартиби тўғрисидаги низом (рўйхат рақами 1463, 2005 йил 2 апрель) билан тартибга солинади.»;
в) 10-банддаги «йилнинг ҳар чорагида, ҳисобот чорагидан кейинги ойнинг 25-кунидан кечиктирмай» деган сўзлар «ҳар ойда, солиқ давридан кейинги ойнинг 10-кунидан кечиктирмай» деган сўзлар билан алмаштирилсин;
г) 11-банд қуйидаги таҳрирда баён этилсин:
«11. Акциз солиғини тўлаш ҳисоб-китобларни топшириш муддатларидан кечиктирмай амалга оширилади.».
3. Мазкур ўзгартиришлар «Ўзбекнефтегаз» МХК билан келишилган.
Молия вазири Р. АЗИМОВ
Давлат солиқ қўмитаси раиси Б. ПАРПИЕВ
«Ўзбекнефтегаз» МХК раиси А. СУЛТАНОВ
Тошкент ш.,
2016 йил 11 август,
Тошкент ш.,
2016 йил 11 август,
2016 йил 11 август
56-сон
2016-27-сон
Oʻzbekiston Respublikasi Moliya vazirligi Oʻzbekiston Respublikasi Davlat soliq qoʻmitasining
Qarori
“Ishlab chiqariladigan tabiiy gazga aksiz soligʻini toʻlash tartibi toʻgʻrisidagi nizomni tasdiqlash haqida”gi qarorga oʻzgartirishlar kiritish toʻgʻrisida
Oʻzbekiston Respublikasi Soliq kodeksi va Oʻzbekiston Respublikasi Prezidentining 2015-yil 22-dekabrdagi PQ-2455-son “Oʻzbekiston Respublikasining 2016-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qaroriga muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladi:
1. Oʻzbekiston Respublikasi Moliya vazirligi va Davlat soliq qoʻmitasining 2011-yil 12-dekabrdagi 79, 2011-37-son “Ishlab chiqariladigan tabiiy gazga aksiz soligʻini toʻlash tartibi toʻgʻrisidagi nizomni tasdiqlash haqida”gi qaroriga (roʻyxat raqami 2310, 2012-yil 9-yanvar) (Oʻzbekiston Respublikasi qonun hujjatlari toʻplami, 2012-y., 2-son, 20-modda) ilovaga muvofiq oʻzgartirishlar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Moliya vazirligi va Davlat soliq qoʻmitasining 2016-yil 11-avgustdagi 56 va 2016-27-son qaroriga ILOVA
“Ishlab chiqariladigan tabiiy gazga aksiz soligʻini toʻlash tartibi toʻgʻrisidagi nizomni tasdiqlash haqida”gi qarorga kiritilayotgan oʻzgartirishlar
1. Qarorning muqaddimasi quyidagi tahrirda bayon etilsin:
“Oʻzbekiston Respublikasi Soliq kodeksi va Oʻzbekiston Respublikasi Prezidentining 2015-yil 22-dekabrdagi PQ–2455-son “Oʻzbekiston Respublikasining 2016-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qaroriga muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladi:”.
2. Nizomda :
a) muqaddima quyidagi tahrirda bayon etilsin:
“Mazkur Nizom Oʻzbekiston Respublikasi Soliq kodeksi va Oʻzbekiston Respublikasi Prezidentining 2015-yil 22-dekabrdagi PQ–2455-son “Oʻzbekiston Respublikasining 2016-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qaroriga muvofiq Oʻzbekiston Respublikasida ishlab chiqariladigan tabiiy gazga aksiz soligʻini hisoblab chiqarish va toʻlash tartibini belgilaydi.”;
b) 2-band quyidagi tahrirda bayon etilsin:
“2. Oʻzbekiston Respublikasi Prezidentining 2015-yil 22-dekabrdagi PQ-2455-son “Oʻzbekiston Respublikasining 2016-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qarorining 13-1-ilovasiga muvofiq respublikada ishlab chiqariladigan tabiiy gaz realizatsiyasiga, shu jumladan eksportiga aksiz soligʻi solinadi.
Bunda, aholiga realizatsiya qilinadigan, tabiiy gazning narxida nazarda tutilgan tabiiy gazga hisoblangan aksiz soligʻi summasi, investitsiya loyihalarini moliyalashtirishga maqsadli ravishda yoʻnaltirish uchun “Oʻztransgaz” AK tasarrufida qoldiriladi.
“Oʻztransgaz” AK tasarrufida qoldiriladigan, aholiga realizatsiya qilinadigan tabiiy gaz boʻyicha aksiz soligʻi summasini aniqlash bilan bogʻliq operatsiyalarni buxgalteriya hisobida aks ettirish tartibi Yuridik shaxslarga soliqlar, bojxona va majburiy toʻlovlarni budjetga toʻlash boʻyicha berilgan imtiyozlarni rasmiylashtirish va buxgalterlik hisobida aks ettirish tartibi toʻgʻrisidagi nizom (roʻyxat raqami 1463, 2005-yil 2-aprel) bilan tartibga solinadi.”;
v) 10-banddagi “yilning har choragida, hisobot choragidan keyingi oyning 25-kunidan kechiktirmay” degan soʻzlar “har oyda, soliq davridan keyingi oyning 10-kunidan kechiktirmay” degan soʻzlar bilan almashtirilsin;
g) 11-band quyidagi tahrirda bayon etilsin:
“11. Aksiz soligʻini toʻlash hisob-kitoblarni topshirish muddatlaridan kechiktirmay amalga oshiriladi.”.
3. Mazkur oʻzgartirishlar “Oʻzbekneftegaz” MXK bilan kelishilgan.
Moliya vaziri R. AZIMOV
Davlat soliq qoʻmitasi raisi B. PARPIYEV
“Oʻzbekneftegaz” MXK raisi A. SULTANOV
Toshkent sh.,
2016-yil 11-avgust,
Toshkent sh.,
2016-yil 11-avgust,
2016-yil 11-avgust
56-son
2016-27-son
Министерства финансов Республики Узбекистан Государственного налогового комитета Республики Узбекистан
Постановление
О внесении изменений в постановление «Об утверждении Положения о порядке уплаты акцизного налога на производимый природный газ»
В соответствии с Налоговым кодексом Республики Узбекистан и постановлением Президента Республики Узбекистан от 22 декабря 2015 года № ПП-2455 «О прогнозе основных макроэкономических показателей и параметрах Государственного бюджета Республики Узбекистан на 2016 год» Министерство финансов и Государственный налоговый комитет Республики Узбекистан постановляют:
1. Внести изменения в постановление Министерства финансов и Государственного налогового комитета Республики Узбекистан от 12 декабря 2011 года №№ 79, 2011-37 «Об утверждении Положения о порядке уплаты акцизного налога на производимый природный газ» (рег. № 2310 от 9 января 2012 года) (Собрание законодательства Республики Узбекистан, 2012 г., № 2, ст. 20), согласно приложению .
2. Настоящее постановление вступает в силу со дня его официального опубликования.
ПРИЛОЖЕНИЕ к постановлению Министерства финансов и Государственного налогового комитета Республики Узбекистан от 11 августа 2016 года №№ 56 и 2016-27
Изменения, вносимые в постановление «Об утверждении Положения о порядке уплаты акцизного налога на производимый природный газ»
1. Преамбулу постановления изложить в следующей редакции:
«В соответствии с Налоговым кодексом Республики Узбекистан и постановлением Президента Республики Узбекистан от 22 декабря 2015 года № ПП–2455 «О прогнозе основных макроэкономических показателей и параметрах Государственного бюджета Республики Узбекистан на 2016 год» Министерство финансов и Государственный налоговый комитет Республики Узбекистан постановляют:».
2. В Положении :
а) преамбулу изложить в следующей редакции:
«Настоящее Положение в соответствии с Налоговым кодексом Республики Узбекистан и постановлением Президента Республики Узбекистан от 22 декабря 2015 года № ПП-2455 «О прогнозе основных макроэкономических показателей и параметрах Государственного бюджета Республики Узбекистан на 2016 год» определяет порядок исчисления и уплаты акцизного налога на природный газ, производимый в Республике Узбекистан.»;
б) пункт 2 изложить в следующей редакции:
«2. В соответствии с приложением № 13-1 к постановлению Президента Республики Узбекистан от 22 декабря 2015 года № ПП–2455 «О прогнозе основных макроэкономических показателей и параметрах Государственного бюджета Республики Узбекистан на 2016 год» реализация производимого в республике природного газа, в том числе на экспорт, облагается акцизным налогом.
При этом начисленная сумма акцизного налога на природный газ, реализуемый населению, предусмотренная в цене природного газа, остается в распоряжении АК «Узтрансгаз» с целевым направлением на финансирование инвестиционных проектов.
Порядок отражения в бухгалтерском учете операций, связанных с определением суммы акцизного налога по природному газу, реализуемому населению, остающейся в распоряжении АК «Узтрансгаз», регулируется Положением о порядке оформления и отражения в бухгалтерском учете льгот, предоставленных юридическим лицам по налогам, таможенным и обязательным платежам в бюджет (рег. № 1463 от 2 апреля 2005 года)»;
в) в пункте 10 слова «ежеквартально не позднее 25 числа месяца, следующего за отчетным кварталом» заменить словами «ежемесячно не позднее 10 числа месяца, следующего за налоговым периодом»;
г) пункт 11 изложить в следующей редакции:
«11. Уплата акцизного налога производится не позднее сроков сдачи расчетов».
3. Настоящие изменения согласованы с НХК «Узбекнефтегаз».
Министр финансов Р. АЗИМОВ
Председатель Государственного налогового комитета Б. ПАРПИЕВ
Председатель НХК «Узбекнефтегаз» А. СУЛТАНОВ
г. Ташкент,
11 августа 2016 г.,
г. Ташкент,
11 августа 2016 г.,
11 августа 2016 г.
№ 56
№ 2016-27