📅 2016-yil 1-iyul · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 1 июль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 1 июля 2016 г. · Указы Президента
Официальный текст. Официальный документ. Редакционные примечания не включены.
📅 1 July 2016 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
НИЗОМ
ТАВСИФИ
«Ўзбекистон мустақиллигига 25 йил» эсдалик нишонини таъсис этиш тўғрисида
Ватанимиз истиқлолининг 25 йиллигини кенг нишонлаш муносабати билан ҳамда мамлакатимиз мустақиллигини мустаҳкамлаш, унинг иқтисодий, сиёсий, ижтимоий, илмий, маънавий салоҳиятини ва мудофаа қудратини юксалтириш, давлатимиз сарҳадларининг дахлсизлигини таъминлаш, демократик ислоҳотларни амалга ошириш, жамиятимизда ҳукм сураётган миллатлараро дўстлик ва тотувликни, тинчлик ва барқарорликни асраш, миллий маданиятимиз ва санъатимизни ривожлантириш, соғлом ва баркамол авлодни вояга етказиш, ёшларимизни ватанпарварлик ва истиқлол ғояларига садоқат руҳида тарбиялаш ишларига муносиб ҳисса қўшган юртдошларимизни тақдирлаш мақсадида:
1. «Ўзбекистон мустақиллигига 25 йил» эсдалик нишони таъсис этилсин.
2. «Ўзбекистон мустақиллигига 25 йил» эсдалик нишонининг Низоми ва тавсифи 1 , 2-иловаларга мувофиқ тасдиқлансин.
3. Ўзбекистон Республикаси Вазирлар Маҳкамаси (Ш. Мирзиёев) бир ой муддатда «Ўзбекистон мустақиллигига 25 йил» эсдалик нишонлари ва уларнинг гувоҳномаларини белгиланган тартибда тайёрланишини таъминласин.
4. Ушбу Фармоннинг ижросини назорат қилиш Ўзбекистон Республикаси Президентининг Давлат маслаҳатчиси Д. Назармухамедов зиммасига юклансин.
Ўзбекистон Республикаси Президентининг 2016 йил 1 июлдаги ПФ-4807-сонли фармонига 1-ИЛОВА
«Ўзбекистон мустақиллигига 25 йил» эсдалик нишони тўғрисидаги
1. «Ўзбекистон мустақиллигига 25 йил» эсдалик нишони билан мамлакатимиз мустақиллигини мустаҳкамлаш, унинг иқтисодий, сиёсий, ижтимоий, илмий, маънавий салоҳиятини ва мудофаа қудратини юксалтириш, давлатимиз сарҳадларининг дахлсизлигини таъминлаш, демократик ислоҳотларни амалга ошириш, жамиятимизда ҳукм сураётган миллатлараро дўстлик ва тотувликни, тинчлик ва барқарорликни асраш, миллий маданиятимиз ва санъатимизни ривожлантириш, соғлом ва баркамол авлодни вояга етказиш, ёшларимизни ватанпарварлик ва истиқлол ғояларига садоқат руҳида тарбиялаш ишларига муносиб ҳисса қўшиб келаётган ижтимоий-иқтисодий ҳаётимизнинг барча соҳалари вакиллари, меҳнат фахрийлари, ҳарбий хизматчилар ва ҳуқуқни муҳофаза қилувчи органлар ходимлари ҳамда бошқа шахслар тақдирланади.
2. «Ўзбекистон мустақиллигига 25 йил» эсдалик нишони билан Ўзбекистон Республикаси фуқароси бўлмаган шахслар ҳам тақдирланиши мумкин.
3. «Ўзбекистон мустақиллигига 25 йил» эсдалик нишони Ўзбекистон Республикаси Президенти ёки унинг номидан Ўзбекистон Республикаси Олий Мажлиси Сенатининг Раиси, Ўзбекистон Республикаси Олий Мажлиси Қонунчилик палатасининг Спикери, Ўзбекистон Республикасининг Бош вазири, вазирлик, идора ва жамоат бирлашмаларининг республика органлари раҳбарлари, Қорақалпоғистон Республикаси Жўқорғи Кенгеси раиси, вилоятлар ва Тошкент шаҳар ҳокимлари, шунингдек, бунга вакил қилинган бошқа шахслар томонидан тантанали вазиятда топширилади.
Мукофотланганларга эсдалик нишони билан бирга унинг гувоҳномаси берилади.
4. «Ўзбекистон мустақиллигига 25 йил» эсдалик нишони кўкракнинг чап томонига давлат мукофотларидан кейин тақилади.
Ўзбекистон Республикаси Президентининг 2016 йил 1 июлдаги ПФ-4807-сонли фармонига 2-ИЛОВА
«Ўзбекистон мустақиллигига 25 йил» эсдалик нишонининг
«Ўзбекистон мустақиллигига 25 йил» эсдалик нишони 0,25 микрон қалинликдаги олтин билан қопланган мис қотишмасидан тайёрланади ва диаметри 34 миллиметрли доира шаклида бўлади.
Эсдалик нишонининг олд томони марказида қуёш нурлари фонида Мустақиллик майдонида жойлашган Мустақиллик ва эзгулик монументида акс эттирилган Бахтиёр она ҳайкали тасвирланган. Эсдалик нишонининг айланаси бўйлаб зарҳал ҳошия билан ўралган оқ эмалли доирада «OʻZBEKISTON MUSTAQILLIGIGA» сўзлари, пастки қисми марказида эса иккита саккиз қиррали юлдуз оралиғида «25 YIL» ёзуви акс этган. Ёзувлар зарҳалланган.
Эсдалик нишонининг орқа томонида Ўзбекистон Республикасининг Давлат герби, пастки қисмининг марказида «2016» ёзуви тасвирланган.
Тасвирлар ва ёзувлар қабариқдир.
Эсдалик нишонининг олд ва орқа томонларининг четлари қабариқ доира билан ўралган.
Эсдалик нишони илгакчалар ва ҳалқача ёрдамида тўғри тўртбурчак шаклидаги қадағич билан туташтирилган. Қадағич Ўзбекистон Республикасининг Давлат байроғи рангларидаги, эни 20 миллиметрли шойи лента билан қопланган.
Қадағичнинг бўйи — 16 миллиметр, эни — 25 миллиметр.
Қадағичнинг орқа томонига эсдалик нишонини кийимга тақиб қўйиш учун тўғноғич кўринишидаги мослама ўрнатилган.
«OʻZBEKISTON MUSTAQILLIGIGA 25 YIL» эсдалик нишони
Ўзбекистон Республикаси Президенти И. КАРИМОВ
Тошкент ш.,
2016 йил 1 июль,
ПФ-4807-сон
Oʻzbekiston Respublikasi Prezidentining
Farmoni
NIZOM
TAVSIFI
“Oʻzbekiston mustaqilligiga 25 yil” esdalik nishonini taʼsis etish toʻgʻrisida
Vatanimiz istiqlolining 25 yilligini keng nishonlash munosabati bilan hamda mamlakatimiz mustaqilligini mustahkamlash, uning iqtisodiy, siyosiy, ijtimoiy, ilmiy, maʼnaviy salohiyatini va mudofaa qudratini yuksaltirish, davlatimiz sarhadlarining daxlsizligini taʼminlash, demokratik islohotlarni amalga oshirish, jamiyatimizda hukm surayotgan millatlararo doʻstlik va totuvlikni, tinchlik va barqarorlikni asrash, milliy madaniyatimiz va sanʼatimizni rivojlantirish, sogʻlom va barkamol avlodni voyaga yetkazish, yoshlarimizni vatanparvarlik va istiqlol gʻoyalariga sadoqat ruhida tarbiyalash ishlariga munosib hissa qoʻshgan yurtdoshlarimizni taqdirlash maqsadida:
1. “Oʻzbekiston mustaqilligiga 25 yil” esdalik nishoni taʼsis etilsin.
2. “Oʻzbekiston mustaqilligiga 25 yil” esdalik nishonining Nizomi va tavsifi 1 , 2-ilovalarga muvofiq tasdiqlansin.
3. Oʻzbekiston Respublikasi Vazirlar Mahkamasi (Sh. Mirziyoyev) bir oy muddatda “Oʻzbekiston mustaqilligiga 25 yil” esdalik nishonlari va ularning guvohnomalarini belgilangan tartibda tayyorlanishini taʼminlasin.
4. Ushbu Farmonning ijrosini nazorat qilish Oʻzbekiston Respublikasi Prezidentining Davlat maslahatchisi D. Nazarmuxamedov zimmasiga yuklansin.
Oʻzbekiston Respublikasi Prezidentining 2016-yil 1-iyuldagi PF-4807-sonli farmoniga 1-ILOVA
“Oʻzbekiston mustaqilligiga 25 yil” esdalik nishoni toʻgʻrisidagi
1. “Oʻzbekiston mustaqilligiga 25 yil” esdalik nishoni bilan mamlakatimiz mustaqilligini mustahkamlash, uning iqtisodiy, siyosiy, ijtimoiy, ilmiy, maʼnaviy salohiyatini va mudofaa qudratini yuksaltirish, davlatimiz sarhadlarining daxlsizligini taʼminlash, demokratik islohotlarni amalga oshirish, jamiyatimizda hukm surayotgan millatlararo doʻstlik va totuvlikni, tinchlik va barqarorlikni asrash, milliy madaniyatimiz va sanʼatimizni rivojlantirish, sogʻlom va barkamol avlodni voyaga yetkazish, yoshlarimizni vatanparvarlik va istiqlol gʻoyalariga sadoqat ruhida tarbiyalash ishlariga munosib hissa qoʻshib kelayotgan ijtimoiy-iqtisodiy hayotimizning barcha sohalari vakillari, mehnat faxriylari, harbiy xizmatchilar va huquqni muhofaza qiluvchi organlar xodimlari hamda boshqa shaxslar taqdirlanadi.
2. “Oʻzbekiston mustaqilligiga 25 yil” esdalik nishoni bilan Oʻzbekiston Respublikasi fuqarosi boʻlmagan shaxslar ham taqdirlanishi mumkin.
3. “Oʻzbekiston mustaqilligiga 25 yil” esdalik nishoni Oʻzbekiston Respublikasi Prezidenti yoki uning nomidan Oʻzbekiston Respublikasi Oliy Majlisi Senatining Raisi, Oʻzbekiston Respublikasi Oliy Majlisi Qonunchilik palatasining Spikeri, Oʻzbekiston Respublikasining Bosh vaziri, vazirlik, idora va jamoat birlashmalarining respublika organlari rahbarlari, Qoraqalpogʻiston Respublikasi Joʻqorgʻi Kengesi raisi, viloyatlar va Toshkent shahar hokimlari, shuningdek, bunga vakil qilingan boshqa shaxslar tomonidan tantanali vaziyatda topshiriladi.
Mukofotlanganlarga esdalik nishoni bilan birga uning guvohnomasi beriladi.
4. “Oʻzbekiston mustaqilligiga 25 yil” esdalik nishoni koʻkrakning chap tomoniga davlat mukofotlaridan keyin taqiladi.
Oʻzbekiston Respublikasi Prezidentining 2016-yil 1-iyuldagi PF-4807-sonli farmoniga 2-ILOVA
“Oʻzbekiston mustaqilligiga 25 yil” esdalik nishonining
“Oʻzbekiston mustaqilligiga 25 yil” esdalik nishoni 0,25 mikron qalinlikdagi oltin bilan qoplangan mis qotishmasidan tayyorlanadi va diametri 34 millimetrli doira shaklida boʻladi.
Esdalik nishonining old tomoni markazida quyosh nurlari fonida Mustaqillik maydonida joylashgan Mustaqillik va ezgulik monumentida aks ettirilgan Baxtiyor ona haykali tasvirlangan. Esdalik nishonining aylanasi boʻylab zarhal hoshiya bilan oʻralgan oq emalli doirada “OʻZBEKISTON MUSTAQILLIGIGA” soʻzlari, pastki qismi markazida esa ikkita sakkiz qirrali yulduz oraligʻida “25 YIL” yozuvi aks etgan. Yozuvlar zarhallangan.
Esdalik nishonining orqa tomonida Oʻzbekiston Respublikasining Davlat gerbi, pastki qismining markazida “2016” yozuvi tasvirlangan.
Tasvirlar va yozuvlar qabariqdir.
Esdalik nishonining old va orqa tomonlarining chetlari qabariq doira bilan oʻralgan.
Esdalik nishoni ilgakchalar va halqacha yordamida toʻgʻri toʻrtburchak shaklidagi qadagʻich bilan tutashtirilgan. Qadagʻich Oʻzbekiston Respublikasining Davlat bayrogʻi ranglaridagi, eni 20 millimetrli shoyi lenta bilan qoplangan.
Qadagʻichning boʻyi — 16 millimetr, eni — 25 millimetr.
Qadagʻichning orqa tomoniga esdalik nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
“OʻZBEKISTON MUSTAQILLIGIGA 25 YIL” esdalik nishoni
Oʻzbekiston Respublikasi Prezidenti I. KARIMOV
Toshkent sh.,
2016-yil 1-iyul,
PF-4807-son
Президента Республики Узбекистан
Указ
ПОЛОЖЕНИЕ
ОПИСАНИЕ
Об учреждении памятного знака «Ўзбекистон мустақиллигига 25 йил»
В связи с широким празднованием 25-летия независимости нашей Родины и в целях поощрения соотечественников, внесших достойный вклад в дело укрепления независимости, повышения экономического, политического, социального, научного, духовного потенциала и оборонной мощи страны, обеспечения неприкосновенности государственных границ, осуществления демократических реформ, сохранения межнациональной дружбы и согласия, мира и стабильности, царящих в нашем обществе, развития национальной культуры и искусства, формирования здорового и гармонично развитого молодого поколения, воспитания молодежи в духе патриотизма и верности идеям независимости:
1. Учредить памятный знак «Узбекистон мустакиллигига 25 йил».
2. Утвердить Положение и описание памятного знака «Узбекистон мустакиллигига 25 йил» согласно приложениям № 1 , 2 .
3. Кабинету Министров Республики Узбекистан (Ш. Мирзиёев) в месячный срок обеспечить в установленном порядке изготовление памятных знаков «Узбекистон мустакиллигига 25 йил» и удостоверений к ним.
4. Контроль за выполнением настоящего Указа возложить на Государственного советника Президента Республики Узбекистан Д. Назармухамедова.
ПРИЛОЖЕНИЕ № 1 к Указу Президента Республики Узбекистан от 1 июля 2016 года № УП-4807
о памятном знаке «Узбекистон мустакиллигига 25 йил»
1. Памятным знаком «Узбекистон мустакиллигига 25 йил» награждаются представители всех сфер социально-экономической жизни республики, ветераны труда, военнослужащие, сотрудники правоохранительных органов и другие лица, внесшие достойный вклад в дело укрепления независимости, повышения экономического, политического, социального, научного, духовного потенциала и оборонной мощи страны, обеспечения неприкосновенности государственных границ, осуществления демократических реформ, сохранения межнациональной дружбы и согласия, мира и стабильности, царящих в нашем обществе, развития национальной культуры и искусства, формирования здорового и гармонично развитого молодого поколения, воспитания молодежи в духе патриотизма и верности идеям независимости.
2. Памятным знаком «Узбекистон мустакиллигига 25 йил» могут награждаться и лица, не являющиеся гражданами Республики Узбекистан.
3. Вручение памятного знака «Узбекистон мустакиллигига 25 йил» производится в торжественной обстановке Президентом Республики Узбекистан или от его имени Председателем Сената Олий Мажлиса Республики Узбекистан, Спикером Законодательной палаты Олий Мажлиса Республики Узбекистан, Премьер-министром Республики Узбекистан, руководителями республиканских органов министерств, ведомств и общественных объединений, Председателем Жокаргы Кенеса Республики Каракалпакстан, хокимами областей и города Ташкента, другими уполномоченными на то лицами.
Вместе с памятным знаком награжденным вручается удостоверение.
4. Памятный знак «Узбекистон мустакиллигига 25 йил» носится на левой стороне груди после государственных наград.
ПРИЛОЖЕНИЕ № 2 к Указу Президента Республики Узбекистан от 1 июля 2016 года № УП-4807
памятного знака «Узбекистон мустакиллигига 25 йил»
Памятный знак «Узбекистон мустакиллигига 25 йил» изготавливается из медного сплава, покрытого золотом толщиной 0,25 микрона, и имеет форму круга диаметром 34 миллиметра.
На лицевой стороне памятного знака в центре на фоне солнечных лучей изображен памятник Счастливой матери монумента Независимости и гуманизма, расположенного на площади Независимости. По окружности памятного знака на белом эмалевом поясе с позолоченной окантовкой имеется надпись «ОʻZBEKIST0N MUSTAQILLIGIGA», а внизу по центру между двумя восьмиконечными звездочками — «25 YIL». Надписи позолоченные.
На оборотной стороне памятного знака изображен Государственный герб Республики Узбекистан, снизу по центру надпись «2016».
Изображения и надписи — выпуклые.
Края лицевой и оборотной сторон памятного знака окаймлены бортиком.
Памятный знак при помощи ушка и кольца соединяется с прямоугольной колодкой, покрытой шелковой лентой шириной 20 миллиметров цветов Государственного флага Республики Узбекистан.
Высота колодки — 16 миллиметров, ширина — 25 миллиметров.
На оборотной стороне колодки имеется приспособление в виде булавки для крепления памятного знака к одежде.
Памятный знак «ОʻZBEKIST0N MUSTAQILLIGIGA 25 YIL»
Президент Республики Узбекистан И. КАРИМОВ
г. Ташкент,
1 июля 2016 г.,
№ УП-4807