📅 2016-yil 20-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 20 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 мая 2016 г. · Постановления Президента
Официальный текст. Официальный документ. Редакционные примечания не включены.
📅 20 May 2016 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
2016 — 2020 йилларда рангли ва нодир металларни чуқур қайта ишлаш негизида экспортга йўналтирилган тайёр маҳсулотлар ишлаб чиқаришни кўпайтириш чора-тадбирлари тўғрисида
[Кўчирма]
Иқтисодиётдаги таркибий ўзгартиришларни давом эттириш, саноатни модернизациялаш ва диверсификациялаш, рангли ва нодир металларнинг ғоят бой минерал-хом ашё ресурсларини янада чуқур қайта ишлаш, шу мақсадда хорижий инвестицияларни кенг жалб этиш асосида ташқи бозорларда талаб қилинадиган юқори қўшилган қийматли тайёр маҳсулотлар ишлаб чиқариш ва экспорт қилиш ҳажмлари ҳамда турларини кенгайтириш мақсадида:
1. Рангли ва нодир металларни чуқур қайта ишлаш негизида ташқи бозорларда талаб қилинадиган юқори қўшилган қийматли тайёр маҳсулотлар ишлаб чиқариш топшириқлари 1 ва 2-иловаларга * мувофиқ белгилансин.
2. «Олмалиқ КМК» АЖ, «Навоий КМК» давлат корхонаси, «Ўзбекнефтгаз» МХК, «Ўзқурилишматериаллари» АК, «Ўзбекистон лом, рангли металлар парчалари ва чиқиндиларини тайёрлаш ва қайта ишлаш заводи» АЖ, «Ўзметкомбинат» АЖ, «Ўзэлтехсаноат» АК, «Ўзбекистон темир йўллари» АЖ, бошқа акциядорлик жамиятлари ва корхоналар раҳбарлари — масъул бажарувчилар зиммасига 1 ва 2-иловаларда назарда тутилган рангли ва нодир металларни чуқур қайта ишлаш негизида тайёр маҳсулотлар ишлаб чиқариш бўйича топшириқлар белгиланган муддатларда сифатли ва тўлиқ ҳажмда бажарилишини таъминлаш юзасидан шахсий масъулият юклансин.
3. 2016 — 2020 йилларда рангли ва нодир металларни чуқур қайта ишлаш ҳамда экспортга йўналтирилган юқори қўшилган қийматли тайёр маҳсулот ишлаб чиқаришга қаратилган янги корхоналар барпо этиш ҳамда ишлаб турганларини модернизация қилиш бўйича инвестиция лойиҳалари рўйхати 3-иловага * мувофиқ маъқуллансин.
4. Ўзбекистон Республикаси Иқтисодиёт вазирлиги «Олмалиқ КМК» АЖ, «Ўзбекнефтгаз» МХК, «Тошкент темир-терсак, рангли металлар чиқиндиларини тайёрлаш ва қайта ишлаш заводи» АЖ, «Ўзэлтехсаноат» АК, «Ўзметкомбинат» АЖ, «Бектемир металл конструкциялари» ИП МЧЖ ҳамда бошқа манфаатдор тузилмалар билан биргаликда бир ой муддатда 3-иловада кўрсатилган инвестиция лойиҳаларини амалга оширишнинг тармоқ жадвалларини тасдиқлаш учун Ўзбекистон Республикаси Вазирлар Маҳкамасига киритсинлар, уларда лойиҳа ҳужжатларини ишлаб чиқиш ва экспертизадан ўтказишнинг аниқ муддатларини, қурилиш-монтаж ишларини бажариш, замонавий технологик талабларга жавоб берадиган илғор технологияларни танлаш, шунингдек қувватларни белгиланган муддатларда ишга туширишни назарда тутсинлар.
6. Ўзбекистон Республикаси Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги акциядорлик компаниялари ва корхоналар — 3-иловага киритилган инвестиция лойиҳаларининг масъул бажарувчилари билан биргаликда инвестиция лойиҳаларини амалга ошириш мақсадида замонавий технологияларга эга бўлган ҳамда ишлаб чиқарилаётган маҳсулотнинг ташқи бозорларга олиб чиқилишини кафолатлайдиган хорижий компанияларни кенг кўламда жалб этиш юзасидан комплекс чора-тадбирларни бир ой муддатда ишлаб чиқсин ва амалга оширилишини таъминласин.
8. Ўзбекистон Республикаси Иқтисодиёт вазирлиги, Инвестициялар бўйича давлат қўмитаси ҳар йили Инвестиция дастурини шакллантиришда ушбу қарорнинг 3-иловасида кўрсатилган лойиҳалар, уларни молиялаштириш ҳажмлари ва манбалари аниқлаштирилган ҳолда белгиланган тартибда унга киритилишини таъминласинлар.
9. Республикада ишлаб чиқарилмайдиган, ушбу қарор билан маъқулланган инвестиция лойиҳаларини амалга ошириш доирасида Ўзбекистон Республикаси Вазирлар Маҳкамаси томонидан тасдиқланадиган рўйхат бўйича четдан келтириладиган технологик ускуналар, бутловчи буюмлар ва эҳтиёт қисмлар 2021 йилнинг 1 январига қадар бўлган муддатда божхона тўловлари тўлашдан озод қилинсин (божхонада расмийлаштириш йиғимлари бундан мустасно).
10. Мазкур қарорнинг ижросини назорат қилиш Ўзбекистон Республикасининг Бош вазири Ш. Мирзиёев зиммасига юклансин.
Ўзбекистон Республикаси Президенти И. КАРИМОВ
Тошкент ш.,
2016 йил 20 май,
ПҚ-2533-сон
Oʻzbekiston Respublikasi Prezidentining
Qarori
2016 — 2020-yillarda rangli va nodir metallarni chuqur qayta ishlash negizida eksportga yoʻnaltirilgan tayyor mahsulotlar ishlab chiqarishni koʻpaytirish chora-tadbirlari toʻgʻrisida
[Koʻchirma]
Iqtisodiyotdagi tarkibiy oʻzgartirishlarni davom ettirish, sanoatni modernizatsiyalash va diversifikatsiyalash, rangli va nodir metallarning gʻoyat boy mineral-xom ashyo resurslarini yanada chuqur qayta ishlash, shu maqsadda xorijiy investitsiyalarni keng jalb etish asosida tashqi bozorlarda talab qilinadigan yuqori qoʻshilgan qiymatli tayyor mahsulotlar ishlab chiqarish va eksport qilish hajmlari hamda turlarini kengaytirish maqsadida:
1. Rangli va nodir metallarni chuqur qayta ishlash negizida tashqi bozorlarda talab qilinadigan yuqori qoʻshilgan qiymatli tayyor mahsulotlar ishlab chiqarish topshiriqlari 1 va 2-ilovalarga * muvofiq belgilansin.
2. “Olmaliq KMK” AJ, “Navoiy KMK” davlat korxonasi, “Oʻzbekneftgaz” MXK, “Oʻzqurilishmateriallari” AK, “Oʻzbekiston lom, rangli metallar parchalari va chiqindilarini tayyorlash va qayta ishlash zavodi” AJ, “Oʻzmetkombinat” AJ, “Oʻzeltexsanoat” AK, “Oʻzbekiston temir yoʻllari” AJ, boshqa aksiyadorlik jamiyatlari va korxonalar rahbarlari — masʼul bajaruvchilar zimmasiga 1 va 2-ilovalarda nazarda tutilgan rangli va nodir metallarni chuqur qayta ishlash negizida tayyor mahsulotlar ishlab chiqarish boʻyicha topshiriqlar belgilangan muddatlarda sifatli va toʻliq hajmda bajarilishini taʼminlash yuzasidan shaxsiy masʼuliyat yuklansin.
3. 2016 — 2020-yillarda rangli va nodir metallarni chuqur qayta ishlash hamda eksportga yoʻnaltirilgan yuqori qoʻshilgan qiymatli tayyor mahsulot ishlab chiqarishga qaratilgan yangi korxonalar barpo etish hamda ishlab turganlarini modernizatsiya qilish boʻyicha investitsiya loyihalari roʻyxati 3-ilovaga * muvofiq maʼqullansin.
4. Oʻzbekiston Respublikasi Iqtisodiyot vazirligi “Olmaliq KMK” AJ, “Oʻzbekneftgaz” MXK, “Toshkent temir-tersak, rangli metallar chiqindilarini tayyorlash va qayta ishlash zavodi” AJ, “Oʻzeltexsanoat” AK, “Oʻzmetkombinat” AJ, “Bektemir metall konstruksiyalari” IP MCHJ hamda boshqa manfaatdor tuzilmalar bilan birgalikda bir oy muddatda 3-ilovada koʻrsatilgan investitsiya loyihalarini amalga oshirishning tarmoq jadvallarini tasdiqlash uchun Oʻzbekiston Respublikasi Vazirlar Mahkamasiga kiritsinlar, ularda loyiha hujjatlarini ishlab chiqish va ekspertizadan oʻtkazishning aniq muddatlarini, qurilish-montaj ishlarini bajarish, zamonaviy texnologik talablarga javob beradigan ilgʻor texnologiyalarni tanlash, shuningdek quvvatlarni belgilangan muddatlarda ishga tushirishni nazarda tutsinlar.
6. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi aksiyadorlik kompaniyalari va korxonalar — 3-ilovaga kiritilgan investitsiya loyihalarining masʼul bajaruvchilari bilan birgalikda investitsiya loyihalarini amalga oshirish maqsadida zamonaviy texnologiyalarga ega boʻlgan hamda ishlab chiqarilayotgan mahsulotning tashqi bozorlarga olib chiqilishini kafolatlaydigan xorijiy kompaniyalarni keng koʻlamda jalb etish yuzasidan kompleks chora-tadbirlarni bir oy muddatda ishlab chiqsin va amalga oshirilishini taʼminlasin.
8. Oʻzbekiston Respublikasi Iqtisodiyot vazirligi, Investitsiyalar boʻyicha davlat qoʻmitasi har yili Investitsiya dasturini shakllantirishda ushbu qarorning 3-ilovasida koʻrsatilgan loyihalar, ularni moliyalashtirish hajmlari va manbalari aniqlashtirilgan holda belgilangan tartibda unga kiritilishini taʼminlasinlar.
9. Respublikada ishlab chiqarilmaydigan, ushbu qaror bilan maʼqullangan investitsiya loyihalarini amalga oshirish doirasida Oʻzbekiston Respublikasi Vazirlar Mahkamasi tomonidan tasdiqlanadigan roʻyxat boʻyicha chetdan keltiriladigan texnologik uskunalar, butlovchi buyumlar va ehtiyot qismlar 2021-yilning 1-yanvariga qadar boʻlgan muddatda bojxona toʻlovlari toʻlashdan ozod qilinsin (bojxonada rasmiylashtirish yigʻimlari bundan mustasno).
10. Mazkur qarorning ijrosini nazorat qilish Oʻzbekiston Respublikasining Bosh vaziri Sh. Mirziyoyev zimmasiga yuklansin.
Oʻzbekiston Respublikasi Prezidenti I. KARIMOV
Toshkent sh.,
2016-yil 20-may,
PQ-2533-son
Президента Республики Узбекистан
Постановление
О мерах по увеличению производства готовой экспортоориентированной продукции на основе глубокой переработки цветных и редких металлов на 2016 — 2020 годы
[Извлечение]
В целях осуществления дальнейших структурных преобразований в экономике, модернизации и диверсификации промышленности, расширения объемов и номенклатуры производства и экспорта востребованной на внешних рынках готовой продукции с высокой добавленной стоимостью на основе более глубокой переработки богатейших минерально-сырьевых ресурсов цветных и редких металлов, широкого привлечения для этих целей иностранных инвестиций:
1. Установить задания по производству востребованной на внешних рынках готовой продукции с высокой добавленной стоимостью на базе глубокой переработки цветных и редких металлов согласно приложениям № 1 и 2 * .
2. Возложить на руководителей АО «Алмалыкский ГМК», ГП «Навоийский ГМК», НХК «Узбекнефтегаз», АК «Узстройматериалы», АО «Узбекский завод по заготовке и переработке лома, отходов цветных металлов», АО «Узметкомбинат», АК «Узэлтехсаноат», АО «Узбекистон темир йуллари», других акционерных обществ и предприятий — ответственных исполнителей персональную ответственность за обеспечение качественного и в полном объеме выполнения в установленные сроки заданий по производству готовой продукции на базе глубокой переработки цветных и редких металлов, предусмотренных в приложениях № 1 и 2.
3. Одобрить Перечень инвестиционных проектов по созданию новых и модернизации действующих производств, направленных на глубокую переработку цветных и редких металлов и выпуску экспортоориентированной готовой продукции с высокой добавленной стоимостью на 2016 — 2020 годы, согласно приложению № 3 * .
4. Министерству экономики Республики Узбекистан совместно с АО «Алмалыкский ГМК», НХК «Узбекнефтегаз», АО «Ташкентский завод по заготовке и переработке лома, отходов цветных металлов», АК «Узэлтехсаноат», АО «Узметкомбинат», ИП ООО «Бектемир металл конструкциялари» и другими заинтересованными структурами в месячный срок внести на утверждение в Кабинет Министров Республики Узбекистан сетевые графики реализации инвестиционных проектов, указанных в приложении № 3, предусмотрев в них конкретные сроки разработки и экспертизы проектной документации, выполнение строительно-монтажных работ, выбор передовых технологий, отвечающих современным технологическим требованиям, а также ввод мощностей в эксплуатацию в установленные сроки.
6. Министерству экономики, Министерству внешних экономических связей, инвестиций и торговли Республики Узбекистан совместно с акционерными компаниями и предприятиями — ответственными исполнителями инвестиционных проектов, включенных в приложение № 3, в месячный срок разработать и обеспечить реализацию комплекса мер по широкому привлечению к осуществлению инвестиционных проектов иностранных компаний, обладающих современными технологиями и гарантирующих продвижение производимой продукции на внешние рынки.
8. Министерству экономики, Государственному комитету Республики Узбекистан по инвестициям ежегодно при формировании Инвестиционной программы в установленном порядке включать в нее проекты, указанные в приложении № 3 к настоящему постановлению, с уточнением объемов и источников их финансирования.
9. Освободить сроком до 1 января 2021 года от таможенных платежей (за исключением сборов за таможенное оформление) технологическое оборудование, комплектующие изделия и запасные части, не производимые в республике, ввозимые в рамках реализации инвестиционных проектов, одобренных настоящим постановлением, по перечням, утверждаемым Кабинетом Министров Республики Узбекистан.
9 1 . Предоставить право Кабинету Министров Республики Узбекистан вносить при необходимости, по обоснованным предложениям Министерства экономики Республики Узбекистан, изменения и дополнения в установленное задание по производству готовой продукции на базе глубокой переработки цветных и редких металлов, предусмотренных в приложениях №1 и 2, а также в перечень и параметры инвестиционных проектов, включенных в приложение № 3 * к настоящему постановлению.
10. Контроль за исполнением настоящего постановления возложить на Премьер-министра Республики Узбекистан Ш.М. Мирзиёева.
Президент Республики Узбекистан И. КАРИМОВ
г. Ташкент,
20 мая 2016 г.,
№ ПП-2533