📅 2016-yil 19-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 19 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 сентября 2016 г. · Постановления Президента
Официальный текст. Официальный документ. Редакционные примечания не включены.
📅 19 September 2016 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ислом Каримов номидаги Тошкент давлат техника университети ҳузурида Ўзбекистон-Япония ёшлар инновация марказини ташкил этиш тўғрисида
Республикамизнинг ёш олимлари ва талабалари жаҳон амалиёти ва халқаро андозаларга мувофиқ илмий тадқиқотлар олиб боришнинг замонавий, илғор усул ва технологияларини эгаллашлари учун қулай шарт-шароитлар яратиш, республика иқтисодиётининг базавий тармоқлари учун Япония илмий ва таълим муассасаларининг олимлари ҳамда етакчи мутахассислари иштирокида юқори малакали мутахассисларни сифатли тайёрлаш мақсадида:
1. Қуйидагилар маълумот учун қабул қилинсин:
2015 йилнинг 25 октябрида Ўзбекистон Республикаси Ҳукумати билан Япония Ҳукумати ўртасида Ислом Каримов номидаги Тошкент давлат техника университети ҳузурида Ўзбекистон-Япония ёшлар инновация марказини (кейинги ўринларда — Марказ) ташкил этиш бўйича ҳамкорлик қилиш тўғрисидаги Меморандум имзоланди;
Япония томонидан Цукуба, Нагоя, Кейо университетлари, Тойохаши Технология университети ва Токио технология институти Марказнинг ҳамкорлари ҳисобланади.
2. Қуйидагилар Марказ фаолиятининг асосий вазифа ва йўналишлари этиб белгилансин:
ёш мутахассислар ва талабаларнинг инновацион фаолиятини ривожлантириш ҳамда уларнинг илмий ва техникавий ғояларини саноат намуналари, ускуналар, технологик жараёнлар ва ечимларда мужассамлаштириш;
энергияни юқори даражада тежаш ва импорт ўрнини босиш вазифасини ҳал этиш хусусиятига эга бўлган, атроф муҳитга минимал таъсир ўтказадиган замонавий юқори технологияли ишлаб чиқаришларни яратиш;
ёш олимларнинг илмий тадқиқот фаолиятини амалга оширишлари учун максимал даражада қулай шарт-шароитларни шакллантириш, улар томонидан ўтказиладиган тадқиқот ишларининг юқори даражада сифатли бўлишини таъминлаш;
маҳаллий ва хорижий ташкилотлардан, илмий ва таълим муассасаларидан келиб тушадиган буюртмалар асосида Марказ фаолиятининг тегишли илмий йўналишлари бўйича қўшма экспериментал ва амалий илмий тадқиқотлар олиб бориш.
3. Белгилаб қўйилсинки, Марказ давлат корхонаси шаклида ташкил қилинади ва мустақил балансга, Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасида шахсий ғазначилик ҳисобварағига, банк ҳисобварағи, шу жумладан валюта ҳисобварақларига, шунингдек Ўзбекистон Республикасининг Давлат герби тасвирланган муҳрга эга бўлади.
5. Қуйидагилар белгилаб қўйилсин:
Марказнинг чет эллик ходимлари таркибини япон томони белгилайди;
Ўзбекистон Республикаси Давлат бюджетининг жорий таъминот учун ажратиладиган маблағлари, Ўзбекистон Республикаси Инновацион ривожланиш агентлиги томонидан ўтказиладиган танловларнинг натижалари бўйича ажратиладиган грантлар, хўжалик фаолиятидан ва шартнома асосида ўтказиладиган тадқиқотлардан тушадиган маблағлар, шунингдек халқаро молия ва бошқа ташкилотларнинг, чет эл ҳукумат ташкилотларининг грантлари, қонун ҳужжатларида тақиқланмаган бошқа манбалар Марказ фаолиятини молиялаштириш манбалари ҳисобланади;
илмий-технологик лойиҳаларни биргаликда ишлаб чиқиш ва илмий-амалий тадқиқотларни ўтказиш учун Марказнинг чет эллик ходимларига иш ҳақи ҳамда бошқа тўловлар миқдори Марказнинг Васийлик кенгаши томонидан Япония илмий ва олий таълим муассасалари ставкалари даражасида тасдиқланади ҳамда уларнинг хоҳишига кўра миллий валютада ёки хориждаги ҳисобварақларига ўтказган ҳолда чет эл валютасида тўланади;
Марказнинг маҳаллий ходимларига Ўзбекистон Республикаси Фанлар академиясининг илмий муассасаларидаги тегишли лавозимларга белгиланган меҳнатга ҳақ тўлаш шартлари татбиқ этилади.
6. Ўзбекистон Республикаси Олий ва ўрта махсус таълим вазирлиги, Иқтисодиёт вазирлиги ва Молия вазирлигининг илғор технологияларни татбиқ этишдан манфаатдор бўлган тадбиркорлик фаолияти субъектларининг маблағларини жалб этиш ҳисобига шакллантириладиган Марказни ривожлантириш жамғармасини тузиш тўғрисидаги таклифига розилик берилсин.
Ўзбекистон Республикаси Олий ва ўрта махсус таълим вазирлиги бир ой муддатда Марказни ривожлантириш жамғармаси тўғрисидаги низомни белгиланган тартибда тасдиқласин.
7. Ўзбекистон Республикаси Олий ва ўрта махсус таълим вазирлиги Ислом Каримов номидаги Тошкент давлат техника университети (кейинги ўринларда — ТДТУ) билан биргаликда икки ой муддатда белгиланган тартибда:
Марказнинг устави тасдиқланиши ҳамда унинг давлат рўйхатидан ўтказилишини таъминласин;
Марказга илмий кадрларни танлаб олиш бўйича конкурс ўтказиш тартиби тўғрисидаги низомни ишлаб чиқиб, тасдиқласин ва унинг асосида Марказни раҳбар, илмий ва педагог ходимлар билан тўлдириш учун чет тилларни биладиган ёш ва истиқболли илмий кадрларни танлаб олиш бўйича конкурс ўтказилишини таъминласин.
8. Ўзбекистон Республикаси Олий ва ўрта махсус таълим вазирлиги ҳамда ТДТУ:
Марказнинг Тошкент шаҳар, Университет кўчаси, 2 («Б» блоки) манзилида жойлашган (кейинги ўринларда — Марказ биноси) ТДТУ биносида ижара ҳақи олинмасдан жойлаштирилишини;
2016 йилнинг 1 октябрига қадар Ўзбекистон Республикаси Олий ва ўрта махсус таълим вазирлигининг Олий таълим муассасаларини ривожлантириш жамғармаси маблағлари ҳисобидан Марказ биносининг 2-қавати офис хоналари жойлаштирилган ҳолда мукаммал таъмирланишини, шунингдек уларнинг зарур мебель, компьютерлар, ташкилий техника ва инвентарлар билан жиҳозланишини;
Марказнинг чет эллик ходимларини улар Марказда ишлаб турган даврда ТДТУнинг профилакторийсида истиқомат жойлари билан таъминласин.
9. Ўзбекистон Республикаси Иқтисодиёт ва молия вазирлиги 2016 йилда ва кейинги йилларда Марказ биносини реконструкция қилиш, унга туташ янги лаборатория корпуси қуриш, шунингдек уларни зарур мебель, ташкилий техника ва инвентарлар билан жиҳозлаш учун Ўзбекистон Республикаси Инвестиция дастурининг капитал маблағлари лимитлари доирасида маблағ ажратсин.
10. Ўзбекистон Республикаси Инвестициялар бўйича давлат қўмитаси белгиланган тартибда Марказнинг моддий-техника базасини мустаҳкамлаш, шу жумладан уни зарур илмий-лаборатория ускуналари ва приборлар билан жиҳозлаш учун Япония халқаро ҳамкорлик агентлиги (JICA) грантларини жалб этиш чораларини кўрсин.
11. Ўзбекистон Республикаси Иқтисодиёт ва молия вазирлиги:
2016 йилда ва 2017 йилдан бошлаб, Ўзбекистон Республикаси Давлат бюджетининг харажатлар параметрида Марказни таъминлаш ва унинг зиммасига юкланган вазифаларни бажариш билан боғлиқ харажатларга «Фан» тармоғи бўйича ажратиладиган маблағлар доирасида зарур бюджет маблағлари ажратилишини назарда тутсин;
2 та автотранспорт воситасининг, шу жумладан битта шахсий хизмат кўрсатадиган ва битта махсус автотранспортнинг таъминотига лимит ажратсин.
12. 2025 йилнинг 1 январига қадар:
Марказ барча солиқларни, шунингдек давлат мақсадли жамғармаларига мажбурий ажратмаларни тўлашдан;
Марказнинг чет эллик ходимлари Марказдаги фаолият доирасида олинган даромадлар бўйича жисмоний шахсларнинг даромадларидан олинадиган солиқ тўлашдан;
Марказ — Ўзбекистон Республикасининг норезидентларига кўрсатиладиган хизматлар бўйича қўшилган қиймат солиғи тўлашдан;
Ўзбекистон Республикаси Вазирлар Маҳкамаси томонидан тасдиқланадиган рўйхат бўйича Марказ фаолияти учун олиб кириладиган илмий-лаборатория ускуналари, экспериментал тадқиқотларда фойдаланиладиган кимёвий реагентлар ва сарфланадиган материаллар, маҳсулотнинг янги турларини ишлаб чиқариш учун бутловчи буюмлар, адабиётлар, приборлар, компьютерлар ва ташкилий техника, мультимедиа маҳсулотлари, автотранспорт воситалари божхона тўловлари тўлашдан (божхона расмийлаштируви йиғимларидан ташқари) озод қилинсин.
13. Ўзбекистон Республикаси Ташқи ишлар вазирлиги Олий таълим, фан ва инновациялар вазирлигининг буюртманомаларига биноан Марказнинг чет эллик ходимларига консуллик ва бошқа йиғимларни ундирмаган ҳолда кириш визаларини белгиланган тартибда расмийлаштиришни таъминласин.
14. Ўзбекистон Республикаси Ички ишлар вазирлиги Олий таълим, фан ва инновациялар вазирлигининг буюртманомаларига биноан Марказнинг чет эллик ходимларига белгиланган тартибда консуллик ва бошқа йиғимлар ундирмасдан кўп марталик визалар берилишини ва уларнинг муддати узайтирилишини, шунингдек уларнинг Ўзбекистон Республикасида турган жойи бўйича рўйхатдан ўтказилишини ва унинг муддати узайтирилишини таъминласин.
15. Ўзбекистон Республикаси Камбағалликни қисқартириш ва бандлик вазирлиги Олий таълим, фан ва инновациялар вазирлигининг талабномаларига биноан Марказнинг чет эллик ходимларини жамлаш учун белгиланган тартибда хорижий ишчи кучини жалб этишга рухсатномалар беришни (узайтиришни), шунингдек мазкур шахсларга Ўзбекистон Республикаси ҳудудида меҳнат фаолияти билан шуғулланиш ҳуқуқига тасдиқнома беришни (узайтиришни) таъминласин.
17. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари Р. Азимов ва Ўзбекистон Республикаси Бош вазирининг ўринбосари А. Арипов зиммасига юклансин.
Ўзбекистон Республикаси Президенти вазифасини бажарувчи Ш. МИРЗИЁЕВ
Тошкент ш.,
2016 йил 19 сентябрь,
ПҚ-2602-сон
Oʻzbekiston Respublikasi Prezidentining
Qarori
Islom Karimov nomidagi Toshkent davlat texnika universiteti huzurida Oʻzbekiston-Yaponiya yoshlar innovatsiya markazini tashkil etish toʻgʻrisida
Respublikamizning yosh olimlari va talabalari jahon amaliyoti va xalqaro andozalarga muvofiq ilmiy tadqiqotlar olib borishning zamonaviy, ilgʻor usul va texnologiyalarini egallashlari uchun qulay shart-sharoitlar yaratish, respublika iqtisodiyotining bazaviy tarmoqlari uchun Yaponiya ilmiy va taʼlim muassasalarining olimlari hamda yetakchi mutaxassislari ishtirokida yuqori malakali mutaxassislarni sifatli tayyorlash maqsadida:
1. Quyidagilar maʼlumot uchun qabul qilinsin:
2015-yilning 25-oktabrida Oʻzbekiston Respublikasi Hukumati bilan Yaponiya Hukumati oʻrtasida Islom Karimov nomidagi Toshkent davlat texnika universiteti huzurida Oʻzbekiston-Yaponiya yoshlar innovatsiya markazini (keyingi oʻrinlarda — Markaz) tashkil etish boʻyicha hamkorlik qilish toʻgʻrisidagi Memorandum imzolandi;
Yaponiya tomonidan Sukuba, Nagoya, Keyo universitetlari, Toyoxashi Texnologiya universiteti va Tokio texnologiya instituti Markazning hamkorlari hisoblanadi.
2. Quyidagilar Markaz faoliyatining asosiy vazifa va yoʻnalishlari etib belgilansin:
yosh mutaxassislar va talabalarning innovatsion faoliyatini rivojlantirish hamda ularning ilmiy va texnikaviy gʻoyalarini sanoat namunalari, uskunalar, texnologik jarayonlar va yechimlarda mujassamlashtirish;
energiyani yuqori darajada tejash va import oʻrnini bosish vazifasini hal etish xususiyatiga ega boʻlgan, atrof muhitga minimal taʼsir oʻtkazadigan zamonaviy yuqori texnologiyali ishlab chiqarishlarni yaratish;
yosh olimlarning ilmiy tadqiqot faoliyatini amalga oshirishlari uchun maksimal darajada qulay shart-sharoitlarni shakllantirish, ular tomonidan oʻtkaziladigan tadqiqot ishlarining yuqori darajada sifatli boʻlishini taʼminlash;
mahalliy va xorijiy tashkilotlardan, ilmiy va taʼlim muassasalaridan kelib tushadigan buyurtmalar asosida Markaz faoliyatining tegishli ilmiy yoʻnalishlari boʻyicha qoʻshma eksperimental va amaliy ilmiy tadqiqotlar olib borish.
3. Belgilab qoʻyilsinki, Markaz davlat korxonasi shaklida tashkil qilinadi va mustaqil balansga, Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida shaxsiy gʻaznachilik hisobvaragʻiga, bank hisobvaragʻi, shu jumladan valyuta hisobvaraqlariga, shuningdek Oʻzbekiston Respublikasining Davlat gerbi tasvirlangan muhrga ega boʻladi.
5. Quyidagilar belgilab qoʻyilsin:
Markazning chet ellik xodimlari tarkibini yapon tomoni belgilaydi;
Oʻzbekiston Respublikasi Davlat budjetining joriy taʼminot uchun ajratiladigan mablagʻlari, Oʻzbekiston Respublikasi Innovatsion rivojlanish agentligi tomonidan oʻtkaziladigan tanlovlarning natijalari boʻyicha ajratiladigan grantlar, xoʻjalik faoliyatidan va shartnoma asosida oʻtkaziladigan tadqiqotlardan tushadigan mablagʻlar, shuningdek xalqaro moliya va boshqa tashkilotlarning, chet el hukumat tashkilotlarining grantlari, qonun hujjatlarida taqiqlanmagan boshqa manbalar Markaz faoliyatini moliyalashtirish manbalari hisoblanadi;
ilmiy-texnologik loyihalarni birgalikda ishlab chiqish va ilmiy-amaliy tadqiqotlarni oʻtkazish uchun Markazning chet ellik xodimlariga ish haqi hamda boshqa toʻlovlar miqdori Markazning Vasiylik kengashi tomonidan Yaponiya ilmiy va oliy taʼlim muassasalari stavkalari darajasida tasdiqlanadi hamda ularning xohishiga koʻra milliy valyutada yoki xorijdagi hisobvaraqlariga oʻtkazgan holda chet el valyutasida toʻlanadi;
Markazning mahalliy xodimlariga Oʻzbekiston Respublikasi Fanlar akademiyasining ilmiy muassasalaridagi tegishli lavozimlarga belgilangan mehnatga haq toʻlash shartlari tatbiq etiladi.
6. Oʻzbekiston Respublikasi Oliy va oʻrta maxsus taʼlim vazirligi, Iqtisodiyot vazirligi va Moliya vazirligining ilgʻor texnologiyalarni tatbiq etishdan manfaatdor boʻlgan tadbirkorlik faoliyati subyektlarining mablagʻlarini jalb etish hisobiga shakllantiriladigan Markazni rivojlantirish jamgʻarmasini tuzish toʻgʻrisidagi taklifiga rozilik berilsin.
Oʻzbekiston Respublikasi Oliy va oʻrta maxsus taʼlim vazirligi bir oy muddatda Markazni rivojlantirish jamgʻarmasi toʻgʻrisidagi nizomni belgilangan tartibda tasdiqlasin.
7. Oʻzbekiston Respublikasi Oliy va oʻrta maxsus taʼlim vazirligi Islom Karimov nomidagi Toshkent davlat texnika universiteti (keyingi oʻrinlarda — TDTU) bilan birgalikda ikki oy muddatda belgilangan tartibda:
Markazning ustavi tasdiqlanishi hamda uning davlat roʻyxatidan oʻtkazilishini taʼminlasin;
Markazga ilmiy kadrlarni tanlab olish boʻyicha konkurs oʻtkazish tartibi toʻgʻrisidagi nizomni ishlab chiqib, tasdiqlasin va uning asosida Markazni rahbar, ilmiy va pedagog xodimlar bilan toʻldirish uchun chet tillarni biladigan yosh va istiqbolli ilmiy kadrlarni tanlab olish boʻyicha konkurs oʻtkazilishini taʼminlasin.
8. Oʻzbekiston Respublikasi Oliy va oʻrta maxsus taʼlim vazirligi hamda TDTU:
Markazning Toshkent shahar, Universitet koʻchasi, 2 (“B” bloki) manzilida joylashgan (keyingi oʻrinlarda — Markaz binosi) TDTU binosida ijara haqi olinmasdan joylashtirilishini;
2016-yilning 1-oktabriga qadar Oʻzbekiston Respublikasi Oliy va oʻrta maxsus taʼlim vazirligining Oliy taʼlim muassasalarini rivojlantirish jamgʻarmasi mablagʻlari hisobidan Markaz binosining 2-qavati ofis xonalari joylashtirilgan holda mukammal taʼmirlanishini, shuningdek ularning zarur mebel, kompyuterlar, tashkiliy texnika va inventarlar bilan jihozlanishini;
Markazning chet ellik xodimlarini ular Markazda ishlab turgan davrda TDTUning profilaktoriysida istiqomat joylari bilan taʼminlasin.
9. Oʻzbekiston Respublikasi Iqtisodiyot va moliya vazirligi 2016-yilda va keyingi yillarda Markaz binosini rekonstruksiya qilish, unga tutash yangi laboratoriya korpusi qurish, shuningdek ularni zarur mebel, tashkiliy texnika va inventarlar bilan jihozlash uchun Oʻzbekiston Respublikasi Investitsiya dasturining kapital mablagʻlari limitlari doirasida mablagʻ ajratsin.
10. Oʻzbekiston Respublikasi Investitsiyalar boʻyicha davlat qoʻmitasi belgilangan tartibda Markazning moddiy-texnika bazasini mustahkamlash, shu jumladan uni zarur ilmiy-laboratoriya uskunalari va priborlar bilan jihozlash uchun Yaponiya xalqaro hamkorlik agentligi (JICA) grantlarini jalb etish choralarini koʻrsin.
11. Oʻzbekiston Respublikasi Iqtisodiyot va moliya vazirligi:
2016-yilda va 2017-yildan boshlab, Oʻzbekiston Respublikasi Davlat budjetining xarajatlar parametrida Markazni taʼminlash va uning zimmasiga yuklangan vazifalarni bajarish bilan bogʻliq xarajatlarga “Fan” tarmogʻi boʻyicha ajratiladigan mablagʻlar doirasida zarur budjet mablagʻlari ajratilishini nazarda tutsin;
2 ta avtotransport vositasining, shu jumladan bitta shaxsiy xizmat koʻrsatadigan va bitta maxsus avtotransportning taʼminotiga limit ajratsin.
12. 2025-yilning 1-yanvariga qadar:
Markaz barcha soliqlarni, shuningdek davlat maqsadli jamgʻarmalariga majburiy ajratmalarni toʻlashdan;
Markazning chet ellik xodimlari Markazdagi faoliyat doirasida olingan daromadlar boʻyicha jismoniy shaxslarning daromadlaridan olinadigan soliq toʻlashdan;
Markaz — Oʻzbekiston Respublikasining norezidentlariga koʻrsatiladigan xizmatlar boʻyicha qoʻshilgan qiymat soligʻi toʻlashdan;
Oʻzbekiston Respublikasi Vazirlar Mahkamasi tomonidan tasdiqlanadigan roʻyxat boʻyicha Markaz faoliyati uchun olib kiriladigan ilmiy-laboratoriya uskunalari, eksperimental tadqiqotlarda foydalaniladigan kimyoviy reagentlar va sarflanadigan materiallar, mahsulotning yangi turlarini ishlab chiqarish uchun butlovchi buyumlar, adabiyotlar, priborlar, kompyuterlar va tashkiliy texnika, multimedia mahsulotlari, avtotransport vositalari bojxona toʻlovlari toʻlashdan (bojxona rasmiylashtiruvi yigʻimlaridan tashqari) ozod qilinsin.
13. Oʻzbekiston Respublikasi Tashqi ishlar vazirligi Oliy taʼlim, fan va innovatsiyalar vazirligining buyurtmanomalariga binoan Markazning chet ellik xodimlariga konsullik va boshqa yigʻimlarni undirmagan holda kirish vizalarini belgilangan tartibda rasmiylashtirishni taʼminlasin.
14. Oʻzbekiston Respublikasi Ichki ishlar vazirligi Oliy taʼlim, fan va innovatsiyalar vazirligining buyurtmanomalariga binoan Markazning chet ellik xodimlariga belgilangan tartibda konsullik va boshqa yigʻimlar undirmasdan koʻp martalik vizalar berilishini va ularning muddati uzaytirilishini, shuningdek ularning Oʻzbekiston Respublikasida turgan joyi boʻyicha roʻyxatdan oʻtkazilishini va uning muddati uzaytirilishini taʼminlasin.
15. Oʻzbekiston Respublikasi Kambagʻallikni qisqartirish va bandlik vazirligi Oliy taʼlim, fan va innovatsiyalar vazirligining talabnomalariga binoan Markazning chet ellik xodimlarini jamlash uchun belgilangan tartibda xorijiy ishchi kuchini jalb etishga ruxsatnomalar berishni (uzaytirishni), shuningdek mazkur shaxslarga Oʻzbekiston Respublikasi hududida mehnat faoliyati bilan shugʻullanish huquqiga tasdiqnoma berishni (uzaytirishni) taʼminlasin.
17. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R. Azimov va Oʻzbekiston Respublikasi Bosh vazirining oʻrinbosari A. Aripov zimmasiga yuklansin.
Oʻzbekiston Respublikasi Prezidenti vazifasini bajaruvchi Sh. MIRZIYOYEV
Toshkent sh.,
2016-yil 19-sentabr,
PQ-2602-son
Президента Республики Узбекистан
Постановление
О создании Узбекско-Японского молодежного центра инноваций при Ташкентском государственном техническом университете имени Ислам Каримов
В целях создания благоприятных условий для овладения молодыми учеными и студентами республики современными, передовыми методами и технологиями проведения научных исследований в соответствии с мировой практикой и международными стандартами, качественной подготовки высококвалифицированных специалистов для базовых отраслей экономики республики с участием ученых и ведущих специалистов научных и образовательных учреждений Японии:
1. Принять к сведению, что:
25 октября 2015 года между Правительством Республики Узбекистан и Правительством Японии подписан Меморандум о сотрудничестве по созданию Узбекско-Японского молодежного центра инноваций при Ташкентском государственном техническом университете имени Ислам Каримов (далее — Центр);
в качестве партнеров Центра с Японской стороны выступают университеты Цукуба, Нагоя, Кейо, Технологический университет Тойохаши и Токийский технологический институт.
2. Определить основными задачами и направлениями деятельности Центра:
развитие инновационной деятельности молодых специалистов и студентов с воплощением их научных и технических идей в промышленные образцы, оборудование, технологические процессы и решения;
создание современных высокотехнологичных производств с минимальным воздействием на окружающую среду, имеющих высокие параметры энергосбережения и решающих задачу импортозамещения;
формирование максимально благоприятных условий для осуществления молодыми учеными научно-исследовательской деятельности, обеспечение высокого уровня качества проводимых ими исследовательских работ;
проведение совместных экспериментальных и прикладных научных исследований по соответствующим научным направлениям деятельности Центра на основе заказов, поступающих от отечественных и зарубежных организаций, научных и образовательных учреждений.
3. Определить, что Центр создается в форме государственного предприятия и имеет самостоятельный баланс, казначейские лицевые счета в Комитете казначейской службы при Министерстве экономики и финансов Республики Узбекистан, банковские счета, в том числе валютные, а также печать с изображением Государственного герба Республики Узбекистан.
5. Установить, что:
состав иностранного персонала Центра определяется японской стороной;
источниками финансирования деятельности Центра являются средства Государственного бюджета Республики Узбекистан, выделяемые на текущее содержание, гранты, выделяемые по результатам конкурсов, проводимых Агентством инновационного развития Республики Узбекистан, поступления от хозяйственной деятельности и проведения исследований на договорной основе, а также гранты международных финансовых и других организаций, иностранных правительственных организаций, иные источники, не запрещенные законодательством;
размеры заработной платы и иных выплат иностранному персоналу Центра для совместной разработки научно-технологических проектов и проведения научно-прикладных исследований утверждаются Попечительским советом Центра на уровне ставок научных и высших образовательных учреждений Японии и выплачиваются по их желанию в национальной валюте или иностранной валюте путем перевода средств на их зарубежные счета;
на местных работников Центра распространяются условия оплаты труда, установленные для соответствующих должностей научно-исследовательских учреждений Академии наук Республики Узбекистан.
6. Согласиться с предложением Министерства высшего и среднего специального образования, Министерства экономики и Министерства финансов Республики Узбекистан о создании Фонда развития Центра, формируемого за счет привлечения средств субъектов предпринимательской деятельности, заинтересованных во внедрении передовых технологий.
Министерству высшего и среднего специального образования Республики Узбекистан в месячный срок в установленном порядке утвердить Положение о Фонде развития Центра.
7. Министерству высшего и среднего специального образования Республики Узбекистан совместно с Ташкентским государственным техническим университетом имени Ислам Каримов (далее — ТГТУ) в установленном порядке в двухмесячный срок:
обеспечить утверждение устава Центра, а также его государственную регистрацию;
разработать и утвердить Положение о порядке проведения конкурса по отбору научных кадров в Центр и на его основе обеспечить проведение конкурса по отбору молодых и перспективных научных кадров, владеющих иностранными языками, для укомплектования Центра руководящим, научным и научно-педагогическим персоналом.
8. Министерству высшего и среднего специального образования Республики Узбекистан и ТГТУ обеспечить:
размещение Центра по нулевой ставке арендной платы в здании ТГТУ, расположенном по адресу — г. Ташкент, ул. Университетская, 2 (Блок «Б») (далее — здание Центра);
в срок до 1 октября 2016 года за счет средств Фонда развития высших образовательных учреждений Министерства высшего и среднего специального образования Республики Узбекистан проведение капитального ремонта 2-го этажа здания Центра с размещением офисных помещений, а также их оснащение необходимой мебелью, компьютерами, оргтехникой и инвентарем;
местами проживания иностранного персонала Центра на период их работы в Центре в профилактории ТГТУ.
9. Министерству экономики и финансов Республики Узбекистан выделить в 2016 г. и последующих годах средства в пределах лимитов капитальных вложений Инвестиционной программы Республики Узбекистан для проведения реконструкции здания Центра с пристройкой нового лабораторного корпуса, а также их оснащения необходимой мебелью, оргтехникой и инвентарем.
10. Государственному комитету Республики Узбекистан по инвестициям в установленном порядке принять меры по привлечению гранта Японского агентства международного сотрудничества (JICA) для укрепления материально-технической базы Центра, включая оснащение его необходимым научно-лабораторным оборудованием и приборами.
11. Министерству экономики и финансов Республики Узбекистан:
в 2016 году и, начиная с 2017 года, предусматривать в параметрах расходов Государственного бюджета Республики Узбекистан выделение необходимых бюджетных ассигнований на расходы, связанные с содержанием Центра и выполнением возложенных на него задач, в пределах средств, выделяемых по отрасли «Наука»;
выделить лимит на содержание 2-х единиц автотранспортных средств, в том числе 1-й единицы персонального и 1-й единицы специального автотранспорта.
12. Освободить сроком до 1 января 2025 года:
Центр от уплаты всех налогов, а также обязательных отчислений в государственные целевые фонды;
иностранный персонал Центра от уплаты налога на доходы физических лиц по доходам, полученным в рамках деятельности Центра;
Центр от налога на добавленную стоимость по услугам, оказываемым нерезидентами Республики Узбекистан;
от таможенных платежей (кроме таможенных сборов) научно-лабораторное оборудование, химические реагенты и расходные материалы, используемые в экспериментальных исследованиях, комплектующие для выпуска новых видов продукции, литературу, приборы, компьютеры и оргтехнику, мультимедийную продукцию, автотранспортные средства, ввозимые для деятельности Центра, по перечню, утверждаемому Кабинетом Министров Республики Узбекистан.
13. Министерству иностранных дел по заявкам Министерства высшего образования, науки и инноваций Республики Узбекистан обеспечить в установленном порядке оформление въездных виз иностранному персоналу Центра, без взимания консульских и иных сборов.
14. Министерству внутренних дел по заявкам Министерства высшего образования, науки и инноваций Республики Узбекистан обеспечить выдачу и продление многократных виз, а также регистрацию по месту пребывания и продление ее срока в Республике Узбекистан иностранному персоналу Центра, без взимания государственных пошлин.
15. Министерству занятости и сокращения бедности обеспечить по заявкам Министерства высшего образования, науки и инноваций Республики Узбекистан выдачу (продление) в установленном порядке разрешений на привлечение иностранной рабочей силы для формирования иностранного персонала Центра, а также выдачу (продление) указанным лицам подтверждения на право трудовой деятельности на территории Республики Узбекистан.
17. Контроль за исполнением настоящего постановления возложить на первого заместителя Премьер-министра Республики Узбекистан Р.С. Азимова и заместителя Премьер-министра Республики Узбекистан А.Н. Арипова.
Исполняющий обязанности Президента Республики Узбекистан Ш. МИРЗИЁЕВ
г. Ташкент,
19 сентября 2016 г.,
№ ПП-2602