📅 2016-yil 13-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 13 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 сентября 2016 г. · Постановления Президента
Официальный текст. Официальный документ. Редакционные примечания не включены.
📅 13 September 2016 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТУЗИЛМАСИ
ТАРКИБИ
Ер қаърини геологик ўрганиш соҳасидаги тадқиқотларни ташкил этишни янада такомиллаштириш чора-тадбирлари тўғрисида
Ер қаърини геологик ўрганиш соҳасида ўтказилаётган тадқиқотларнинг илмий савияси ва самарадорлигини тубдан ошириш, уларнинг республика минерал-хомашё базасини кенгайтиришга йўналтирилган амалий ишланмалар ҳамда геология-қидирув ишларини амалга ошириш билан ўзаро мустаҳкам алоқасини таъминлаш мақсадида:
1. Ўзбекистон Республикаси Фанлар академияси, Иқтисодиёт вазирлиги, Молия вазирлиги ҳамда Давлат геология ва минерал ресурслар қўмитасининг Ҳ.М. Абдуллаев номидаги Геология ва геофизика институтини Ўзбекистон Республикаси Фанлар академияси тизимидан Ўзбекистон Республикаси Давлат геология ва минерал ресурслар қўмитасининг тасарруфига ўтказиш тўғрисидаги таклифи қабул қилинсин,
2. Қуйидагилар Ўзбекистон Республикаси Давлат геология ва минерал ресурслар қўмитаси ҳузуридаги Ҳ.М. Абдуллаев номидаги Геология ва геофизика институти фаолиятининг асосий вазифалари этиб белгилансин:
ер қобиғи геологик тузилиши ва таркибининг чуқур фундаментал тадқиқотларини олиб бориш, республика ҳудудининг теран ер қаъри тузилишини комплекс ўрганиш ва шу асосда уч ўлчовли геологик-геофизик моделларни тузиш;
геологик тадқиқотлар олиб бориш дастурларининг назарий ва методологик асосларини ишлаб чиқиш, ҳудудларнинг ресурс салоҳиятини баҳолаш ҳамда геокимёвий, геофизик ва минералогик тадқиқотларнинг замонавий технологияларини жорий этиш, геологик жараёнларни компьютерда моделлаштириш, шунингдек фойдали қазилмаларни қайта ишлашда илғор технологияларни татбиқ қилиш;
фойдали қазилма конларини геологик таҳлил этиш, прогноз қилиш ва излаш усулларини такомиллаштиришга, геологик ва геофизик тадқиқотлар соҳасида илғор хорижий технологияларни апробация қилиш ва амалиётда жорий этишга қаратилган амалий тадқиқотлар, ишланмалар ва экспериментларни тизимли равишда амалга ошириш;
геология ва геофизика соҳасида чет эл илмий муассасалари ва марказлари билан ҳамкорликни янада ривожлантириш, илмий конференциялар, семинарлар, қўшма тадқиқотлар, лойиҳалар, ходимларнинг малака ошириши (стажировка) ва ўқишини ташкил қилиш;
геология ва турдош тармоқлар соҳасида халқаро стандартлар даражасида юқори малакали кадрлар тайёрлаш, олий таълим муассасалари ўқитувчилари ҳамда мутахассисларни қайта тайёрлаш ва малакасини оширишда иштирок этиш.
3. Ўзбекистон Республикаси Давлат геология ва минерал ресурслар қўмитаси ҳузуридаги Ҳ.М. Абдуллаев номидаги Геология ва геофизика институтининг тузилмаси 1-иловага мувофиқ тасдиқлансин.
Ўзбекистон Республикаси Давлат геология ва минерал ресурслар қўмитасининг раисига, зарур ҳолларда, Геология ва геофизика институти тузилмасига ходимларнинг умумий сони доирасида ўзгартишлар киритиш ҳуқуқи берилсин.
4. Белгилаб қўйилсинки:
Ўзбекистон Республикаси Давлат геология ва минерал ресурслар қўмитаси ҳузуридаги Геология ва геофизика институти Ўзбекистон Республикаси Фанлар академиясининг Геология ва геофизика институтининг амалдаги шартномалари бўйича ҳуқуқий вориси ҳисобланади, меҳнат шартномалари бундан мустасно;
Ўзбекистон Республикаси Фанлар академияси илмий-тадқиқот муассасаларининг тегишли лавозимлари учун назарда тутилган меҳнатга ҳақ тўлаш ва моддий рағбатлантириш шартлари Институт ходимларига жорий этилади;
Минерал-хом ашё базани ривожлантириш ва такрор ишлаб чиқариш ҳар йиллик давлат дастурлари доирасида Давлат геология қўмитасига йўналтириладиган Ўзбекистон Республикаси Давлат бюджети маблағлари, Ўзбекистон Республикаси Инновацион ривожланиш вазирлиги томонидан ўтказиладиган танлов натижалари бўйича ажратиладиган грантлар, хўжалик фаолиятидан тушумлар, халқаро ташкилотлар грантлари, шунингдек, қонун ҳужжатларида тақиқланмаган бошқа манбалар Х.М. Абдуллаев номидаги Геология ва геофизика институтини молиялаштириш манбаи ҳисобланади.
5. Ўзбекистон Республикаси Фанлар академиясининг қайта ташкил этилаётган Ҳ.М. Абдуллаев номидаги Геология ва геофизика институти илмий ва муҳандис ходимларини аттестациядан ўтказиш бўйича 2-иловага мувофиқ таркибда Комиссия тузилсин.
Комиссия (Ғ.И. Ибрагимов) бир ой муддатда илмий ва муҳандис ходимларни аттестациядан ўтказсин ва унинг натижаларига кўра Ўзбекистон Республикаси Давлат геология ва минерал ресурслар қўмитаси ҳузуридаги Геология ва геофизика институтини юқори малакали мутахассислар ҳамда истиқболли ёш кадрлар билан тўлдириш чораларини кўрсин.
6. Ўзбекистон Республикаси Давлат геология ва минерал ресурслар қўмитаси:
бир ой муддатда Геология ва геофизика институтининг уставини белгиланган тартибда тасдиқласин ва унинг давлат рўйхатидан ўтказилишини таъминласин;
Геология ва геофизика институти Тошкент шаҳар, Олимлар кўчаси, 49-уй манзилида жойлаштирилсин, институт биносини реконструкция қилиш ҳамда уни ва институтга бириктирилган бошқа объектларни замонавий асбоб-ускуналар билан жиҳозлаш юзасидан зарур чора-тадбирларни амалга оширсин;
бир ой муддатда институтнинг илмий-техникавий лойиҳалари, конструктор-технологик ишланмалари, ускуналари ва бошқа мол-мулкининг талаб мавжудлигини ва кейинчалик амалга ошириш ва фойдаланиш мақсадга мувофиқлигини аниқлаш учун уларни танқидий таҳлил қилиб, тўлиқ инвентаризациядан ўтказсин;
икки ой муддатда геология ва геофизика институтининг 2017 — 2019 йилларга мўлжалланган истиқболли тадқиқотлар дастурини тасдиқласин ва бунда Ер тўғрисида жаҳон илм-фанининг ҳозирги замон даражасига эришишга алоҳида эътибор қаратсин;
Фанлар академияси билан биргаликда бир ой муддатда Тошкент шаҳар, Олимлар кўчаси, 49-уйда жойлашган бинони ҳамда Ўзбекистон Республикаси Фанлар академияси Геология ва геофизика институтининг бошқа объектларини Ўзбекистон Республикаси Давлат геология ва минерал ресурслар қўмитасига оператив бошқариш ҳуқуқи билан топширишни таъминласин.
7. Ўзбекистон Республикаси Давлат геология ва минерал ресурслар қўмитаси ҳузуридаги Геология ва геофизика институти Адлия вазирлиги ҳамда бошқа манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
8. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ғ.И. Ибрагимов зиммасига юклансин.
Ўзбекистон Республикаси Президентининг 2016 йил 13 сентябрдаги ПҚ-2589-сон қарорига 1-ИЛОВА
Ўзбекистон Республикаси Давлат геология ва минерал ресурслар қўмитаси ҳузуридаги Ҳ.М. Абдуллаев номидаги Геология ва геофизика институтининг
Директор Илм-ф ан бўйича директор ўринбосари Умумий масалалар б ў йича директор ў ринбосари Литосфера тузил иши б ўлими 11 Рудалар ҳосил бўлиши жараёнларини ўрганиш бўлими 11 Бухгалтерия 3 Канцелярия 1 Литология ва чўкма жинсларни таҳлил қилиш бўлими 7 Геофизика лабораторияси 9 Кадр лар бўлими 1 Геологи я архив и 1 Геологик тузилиш ва жараёнларни компьютерда мод е ллаштириш лабораторияси 4 Биринчи бўлим 1 Гляциал геология б ў лими 3 Геологи я музей и 2 Юрисконсульт 1 Геодинамик а ва геотектоник а бўлими 6 Геот ехнологиялар, тад қ и қ от лар нинг физик ва ким ёвий усуллари лабораторияси 10 К ў ктерак тажриба полигон и Чот қ ол тажриба полигони
Ўзбекистон Республикаси Президентининг 2016 йил 13 сентябрдаги ПҚ-2589-сон қарорига 2-ИЛОВА
Геология ва геофизика институти ходимларини аттестациядан ўтказиш бўйича комиссия
Ғ .И. Ибрагимов — Ўзбекистон Республикаси Бош вазири ўринбосари, комиссия раиси И.Б. Турамуратов — Ўзбекистон Республикаси Давлат геология ва минерал ресурслар қўмитаси раиси, комиссия раиси ўринбосари Ш.Н. Файзуллаев — иқтисодиёт вазири ўринбосари О.Р. Парпиев — Фан ва технологияларни ривожлантиришни мувофиқлаштириш қўмитаси ижрочи директори М.М. Мирзаев — молия вазири ўринбосари Б.М. Низомов — меҳнат вазири ўринбосари B.С. Руднев — «Навоий КМК» ДК бош геологи У.С . Оруджев — «Олмалиқ КМК» АЖ тоғ-кон ишлари бўйича бош муҳандисининг тоғ-кон ишлари бўйича ўринбосари Б.Ф. Исламов — Ўзбекистон Республикаси Давлат геология ва минерал ресурслар қўмитаси нинг Минерал ресурслар илмий-тадқиқот институти директори Б.Д. Абдуллаев — Ўзбекистон Республикаси Давлат геология ва минерал ресурслар қўмитаси нинг Гидрогеология ва муҳандислик геологияси институти директори Р.M. Мамадалиев — Вазирлар Маҳкамасининг Геология, ёқилғи-энергетика комплекси, кимё, нефть-кимё ва металлургия саноати масалалари б ў йича АТД мудири, комиссия котиби
Ўзбекистон Республикаси Президенти вазифасини бажарувчи Ш. МИРЗИЁЕВ
Тошкент ш.,
2016 йил 13 сентябрь,
ПҚ-2589-сон
Oʻzbekiston Respublikasi Prezidentining
Qarori
TUZILMASI
TARKIBI
Yer qaʼrini geologik oʻrganish sohasidagi tadqiqotlarni tashkil etishni yanada takomillashtirish chora-tadbirlari toʻgʻrisida
Yer qaʼrini geologik oʻrganish sohasida oʻtkazilayotgan tadqiqotlarning ilmiy saviyasi va samaradorligini tubdan oshirish, ularning respublika mineral-xomashyo bazasini kengaytirishga yoʻnaltirilgan amaliy ishlanmalar hamda geologiya-qidiruv ishlarini amalga oshirish bilan oʻzaro mustahkam aloqasini taʼminlash maqsadida:
1. Oʻzbekiston Respublikasi Fanlar akademiyasi, Iqtisodiyot vazirligi, Moliya vazirligi hamda Davlat geologiya va mineral resurslar qoʻmitasining H.M. Abdullayev nomidagi Geologiya va geofizika institutini Oʻzbekiston Respublikasi Fanlar akademiyasi tizimidan Oʻzbekiston Respublikasi Davlat geologiya va mineral resurslar qoʻmitasining tasarrufiga oʻtkazish toʻgʻrisidagi taklifi qabul qilinsin,
2. Quyidagilar Oʻzbekiston Respublikasi Davlat geologiya va mineral resurslar qoʻmitasi huzuridagi H.M. Abdullayev nomidagi Geologiya va geofizika instituti faoliyatining asosiy vazifalari etib belgilansin:
yer qobigʻi geologik tuzilishi va tarkibining chuqur fundamental tadqiqotlarini olib borish, respublika hududining teran yer qaʼri tuzilishini kompleks oʻrganish va shu asosda uch oʻlchovli geologik-geofizik modellarni tuzish;
geologik tadqiqotlar olib borish dasturlarining nazariy va metodologik asoslarini ishlab chiqish, hududlarning resurs salohiyatini baholash hamda geokimyoviy, geofizik va mineralogik tadqiqotlarning zamonaviy texnologiyalarini joriy etish, geologik jarayonlarni kompyuterda modellashtirish, shuningdek foydali qazilmalarni qayta ishlashda ilgʻor texnologiyalarni tatbiq qilish;
foydali qazilma konlarini geologik tahlil etish, prognoz qilish va izlash usullarini takomillashtirishga, geologik va geofizik tadqiqotlar sohasida ilgʻor xorijiy texnologiyalarni aprobatsiya qilish va amaliyotda joriy etishga qaratilgan amaliy tadqiqotlar, ishlanmalar va eksperimentlarni tizimli ravishda amalga oshirish;
geologiya va geofizika sohasida chet el ilmiy muassasalari va markazlari bilan hamkorlikni yanada rivojlantirish, ilmiy konferensiyalar, seminarlar, qoʻshma tadqiqotlar, loyihalar, xodimlarning malaka oshirishi (stajirovka) va oʻqishini tashkil qilish;
geologiya va turdosh tarmoqlar sohasida xalqaro standartlar darajasida yuqori malakali kadrlar tayyorlash, oliy taʼlim muassasalari oʻqituvchilari hamda mutaxassislarni qayta tayyorlash va malakasini oshirishda ishtirok etish.
3. Oʻzbekiston Respublikasi Davlat geologiya va mineral resurslar qoʻmitasi huzuridagi H.M. Abdullayev nomidagi Geologiya va geofizika institutining tuzilmasi 1-ilovaga muvofiq tasdiqlansin.
Oʻzbekiston Respublikasi Davlat geologiya va mineral resurslar qoʻmitasining raisiga, zarur hollarda, Geologiya va geofizika instituti tuzilmasiga xodimlarning umumiy soni doirasida oʻzgartishlar kiritish huquqi berilsin.
4. Belgilab qoʻyilsinki:
Oʻzbekiston Respublikasi Davlat geologiya va mineral resurslar qoʻmitasi huzuridagi Geologiya va geofizika instituti Oʻzbekiston Respublikasi Fanlar akademiyasining Geologiya va geofizika institutining amaldagi shartnomalari boʻyicha huquqiy vorisi hisoblanadi, mehnat shartnomalari bundan mustasno;
Oʻzbekiston Respublikasi Fanlar akademiyasi ilmiy-tadqiqot muassasalarining tegishli lavozimlari uchun nazarda tutilgan mehnatga haq toʻlash va moddiy ragʻbatlantirish shartlari Institut xodimlariga joriy etiladi;
Mineral-xom ashyo bazani rivojlantirish va takror ishlab chiqarish har yillik davlat dasturlari doirasida Davlat geologiya qoʻmitasiga yoʻnaltiriladigan Oʻzbekiston Respublikasi Davlat budjeti mablagʻlari, Oʻzbekiston Respublikasi Innovatsion rivojlanish vazirligi tomonidan oʻtkaziladigan tanlov natijalari boʻyicha ajratiladigan grantlar, xoʻjalik faoliyatidan tushumlar, xalqaro tashkilotlar grantlari, shuningdek, qonun hujjatlarida taqiqlanmagan boshqa manbalar X.M. Abdullayev nomidagi Geologiya va geofizika institutini moliyalashtirish manbai hisoblanadi.
5. Oʻzbekiston Respublikasi Fanlar akademiyasining qayta tashkil etilayotgan H.M. Abdullayev nomidagi Geologiya va geofizika instituti ilmiy va muhandis xodimlarini attestatsiyadan oʻtkazish boʻyicha 2-ilovaga muvofiq tarkibda Komissiya tuzilsin.
Komissiya (Gʻ.I. Ibragimov) bir oy muddatda ilmiy va muhandis xodimlarni attestatsiyadan oʻtkazsin va uning natijalariga koʻra Oʻzbekiston Respublikasi Davlat geologiya va mineral resurslar qoʻmitasi huzuridagi Geologiya va geofizika institutini yuqori malakali mutaxassislar hamda istiqbolli yosh kadrlar bilan toʻldirish choralarini koʻrsin.
6. Oʻzbekiston Respublikasi Davlat geologiya va mineral resurslar qoʻmitasi:
bir oy muddatda Geologiya va geofizika institutining ustavini belgilangan tartibda tasdiqlasin va uning davlat roʻyxatidan oʻtkazilishini taʼminlasin;
Geologiya va geofizika instituti Toshkent shahar, Olimlar koʻchasi, 49-uy manzilida joylashtirilsin, institut binosini rekonstruksiya qilish hamda uni va institutga biriktirilgan boshqa obyektlarni zamonaviy asbob-uskunalar bilan jihozlash yuzasidan zarur chora-tadbirlarni amalga oshirsin;
bir oy muddatda institutning ilmiy-texnikaviy loyihalari, konstruktor-texnologik ishlanmalari, uskunalari va boshqa mol-mulkining talab mavjudligini va keyinchalik amalga oshirish va foydalanish maqsadga muvofiqligini aniqlash uchun ularni tanqidiy tahlil qilib, toʻliq inventarizatsiyadan oʻtkazsin;
ikki oy muddatda geologiya va geofizika institutining 2017 — 2019-yillarga moʻljallangan istiqbolli tadqiqotlar dasturini tasdiqlasin va bunda Yer toʻgʻrisida jahon ilm-fanining hozirgi zamon darajasiga erishishga alohida eʼtibor qaratsin;
Fanlar akademiyasi bilan birgalikda bir oy muddatda Toshkent shahar, Olimlar koʻchasi, 49-uyda joylashgan binoni hamda Oʻzbekiston Respublikasi Fanlar akademiyasi Geologiya va geofizika institutining boshqa obyektlarini Oʻzbekiston Respublikasi Davlat geologiya va mineral resurslar qoʻmitasiga operativ boshqarish huquqi bilan topshirishni taʼminlasin.
7. Oʻzbekiston Respublikasi Davlat geologiya va mineral resurslar qoʻmitasi huzuridagi Geologiya va geofizika instituti Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
8. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov zimmasiga yuklansin.
Oʻzbekiston Respublikasi Prezidentining 2016-yil 13-sentabrdagi PQ-2589-son qaroriga 1-ILOVA
Oʻzbekiston Respublikasi Davlat geologiya va mineral resurslar qoʻmitasi huzuridagi H.M. Abdullayev nomidagi Geologiya va geofizika institutining
Direktor Ilm-f an boʻyicha direktor oʻrinbosari Umumiy masalalar b oʻ yicha direktor oʻ rinbosari Litosfera tuzil ishi b oʻlimi 11 Rudalar hosil boʻlishi jarayonlarini oʻrganish boʻlimi 11 Buxgalteriya 3 Kanselyariya 1 Litologiya va choʻkma jinslarni tahlil qilish boʻlimi 7 Geofizika laboratoriyasi 9 Kadr lar boʻlimi 1 Geologi ya arxiv i 1 Geologik tuzilish va jarayonlarni kompyuterda mod e llashtirish laboratoriyasi 4 Birinchi boʻlim 1 Glyatsial geologiya b oʻ limi 3 Geologi ya muzey i 2 Yuriskonsult 1 Geodinamik a va geotektonik a boʻlimi 6 Geot yexnologiyalar, tad q i q ot lar ning fizik va kim yoviy usullari laboratoriyasi 10 K oʻ kterak tajriba poligon i Chot q ol tajriba poligoni
Oʻzbekiston Respublikasi Prezidentining 2016-yil 13-sentabrdagi PQ-2589-son qaroriga 2-ILOVA
Geologiya va geofizika instituti xodimlarini attestatsiyadan oʻtkazish boʻyicha komissiya
Gʻ .I. Ibragimov — Oʻzbekiston Respublikasi Bosh vaziri oʻrinbosari, komissiya raisi I.B. Turamuratov — Oʻzbekiston Respublikasi Davlat geologiya va mineral resurslar qoʻmitasi raisi, komissiya raisi oʻrinbosari Sh.N. Fayzullayev — iqtisodiyot vaziri oʻrinbosari O.R. Parpiyev — Fan va texnologiyalarni rivojlantirishni muvofiqlashtirish qoʻmitasi ijrochi direktori M.M. Mirzayev — moliya vaziri oʻrinbosari B.M. Nizomov — mehnat vaziri oʻrinbosari B.S. Rudnev — “Navoiy KMK” DK bosh geologi U.S . Orudjev — “Olmaliq KMK” AJ togʻ-kon ishlari boʻyicha bosh muhandisining togʻ-kon ishlari boʻyicha oʻrinbosari B.F. Islamov — Oʻzbekiston Respublikasi Davlat geologiya va mineral resurslar qoʻmitasi ning Mineral resurslar ilmiy-tadqiqot instituti direktori B.D. Abdullayev — Oʻzbekiston Respublikasi Davlat geologiya va mineral resurslar qoʻmitasi ning Gidrogeologiya va muhandislik geologiyasi instituti direktori R.M. Mamadaliyev — Vazirlar Mahkamasining Geologiya, yoqilgʻi-energetika kompleksi, kimyo, neft-kimyo va metallurgiya sanoati masalalari b oʻ yicha ATD mudiri, komissiya kotibi
Oʻzbekiston Respublikasi Prezidenti vazifasini bajaruvchi Sh. MIRZIYOYEV
Toshkent sh.,
2016-yil 13-sentabr,
PQ-2589-son
Президента Республики Узбекистан
Постановление
СТРУКТУРА
СОСТАВ
О мерах по дальнейшему совершенствованию организации исследований в области геологического изучения недр
В целях кардинального повышения научного уровня и эффективности проводимых исследований в области геологического изучения недр, обеспечения их тесной взаимосвязи с прикладными разработками и осуществлением геологоразведочных работ, направленных на расширение минерально-сырьевой базы республики:
1. Принять предложение Академии наук, Министерства экономики, Министерства финансов и Государственного комитета Республики Узбекистан по геологии и минеральным ресурсам о передаче Института геологии и геофизики им. Х.М. Абдуллаева из системы Академии наук Республики Узбекистан в ведение Государственного комитета Республики Узбекистан по геологии и минеральным ресурсам.
2. Определить основными задачами деятельности Института геологии и геофизики им. Х.М. Абдуллаева при Государственном комитете Республики Узбекистан по геологии и минеральным ресурсам:
проведение глубоких фундаментальных исследований геологического строения и состава земной коры, комплексное изучение глубинного строения территории республики и построение на этой основе трехмерных геолого-геофизических моделей;
разработку теоретических и методологических основ программ проведения геологических исследований, оценки ресурсного потенциала территорий и внедрение современных технологий геохимических, геофизических и минералогических исследований, компьютерного моделирования геологических процессов, а также передовых технологий переработки полезных ископаемых;
системное осуществление прикладных исследований, разработок и экспериментов, направленных на совершенствование методов геологического анализа, прогноза и поисков месторождений полезных ископаемых, апробацию и внедрение в практику передовых зарубежных технологий в сфере геологических и геофизических исследований;
дальнейшее развитие сотрудничества с зарубежными научными учреждениями и центрами в сфере геологии и геофизики, организацию научных конференций, семинаров, совместных исследований, проектов, стажировок и обучения работников;
участие в подготовке высококвалифицированных кадров, переподготовке и повышении квалификации преподавателей высших образовательных учреждений и специалистов в сфере геологии и смежных отраслей на уровне международных стандартов.
3. Утвердить структуру Института геологии и геофизики им. Х.М. Абдуллаева при Государственном комитете Республики Узбекистан по геологии и минеральным ресурсам согласно приложению № 1 .
Предоставить председателю Государственного комитета Республики Узбекистан по геологии и минеральным ресурсам право вносить, при необходимости, изменения в структуру Института геологии и геофизики в пределах общей численности работников.
4. Установить, что:
Институт геологии и геофизики при Государственном комитете Республики Узбекистан по геологии и минеральным ресурсам является правопреемником Института геологии и геофизики Академии наук Республики Узбекистан по действующим договорам, за исключением трудовых договоров;
на работников Института распространяются условия оплаты и материального стимулирования труда, установленные для соответствующих должностей научно-исследовательских учреждений Академии наук Республики Узбекистан;
источником финансирования деятельности Института геологии и геофизики имени Х.М. Абдуллаева являются средства Государственного бюджета Республики Узбекистан, направляемые Госкомгеологии в рамках ежегодных Государственных программ развития и воспроизводства минерально-сырьевой базы, гранты, выделяемые по результатам конкурсов, проводимых Министерством инновационного развития Республики Узбекистан, поступления от хозяйственной деятельности, гранты международных организаций, а также иные источники, не запрещенные законодательством.
5. Образовать Комиссию по проведению аттестации научных и инженерных сотрудников реорганизуемого Института геологии и геофизики им. Х.М. Абдуллаева Академии наук Республики Узбекистан в составе, согласно приложению № 2 .
Комиссии (Г.И. Ибрагимов) в месячный срок провести аттестацию научных и инженерных сотрудников и по ее результатам принять меры по укомплектованию Института геологии и геофизики при Государственном комитете Республики Узбекистан по геологии и минеральным ресурсам высококвалифицированными специалистами и перспективными молодыми кадрами.
6. Государственному комитету Республики Узбекистана по геологии и минеральным ресурсам:
в месячный срок утвердить в установленном порядке устав Института геологии и геофизики и обеспечить его государственную регистрацию;
разместить Институт геологии и геофизики по адресу: г. Ташкент, ул. Олимлар, 49, приняв необходимые меры по реконструкции здания института и оснащению его современным оборудованием, а также других объектов, закрепленных за институтом;
в месячный срок провести полную инвентаризацию и критический анализ тематики научно-технических проектов, конструкторско-технологических разработок, оборудования и другого имущества Института на предмет их востребованности и целесообразности дальнейшей реализации и использования;
в двухмесячный срок утвердить Программу перспективных исследований Института геологии и геофизики на 2017 — 2019 годы, обратив особое внимание на достижение современного уровня мировых наук о Земле;
совместно с Академией наук в месячный срок обеспечить прием-передачу на праве оперативного управления здания, расположенного по адресу: г. Ташкент, ул. Олимлар, 49, и другие объекты Института геологии и геофизики Академии наук Республики Узбекистан Государственному комитету Республики Узбекистан по геологии и минеральным ресурсам.
7. Государственному комитету Республики Узбекистан по геологии и минеральным ресурсам совместно с Министерством юстиции и другими заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
8. Контроль за исполнением настоящего постановления возложить на заместителя Премьер-министра Республики Узбекистан Г.И. Ибрагимова.
ПРИЛОЖЕНИЕ № 1 к постановлению Президента Республики Узбекистан от 13 сентября 2016 года № ПП-2589
Института геологии и геофизики им. Х.М. Абдуллаева при Государственном комитете Республики Узбекистан по геологии и минеральным ресурсам
ПРИЛОЖЕНИЕ № 2 к постановлению Президента Республики Узбекистан от 13 сентября 2016 года № ПП-2589
Комиссии по проведению аттестации работников Института геологии и геофизики
Ибрагимов Г.И. — заместитель Премьер-министра Республики Узбекистан, председатель комиссии Турамуратов И.Б. — председатель Государственного комитета Республики Узбекистан по геологии и минеральным ресурсам, заместитель председателя комиссии Файзуллаев Ш.Н. — заместитель министра экономики Парпиев О.Р. — исполнительный директор Комитета по координации развития Науки и технологий Мирзаев М.М. — заместитель министра финансов Низомов Б.М. — заместитель министра труда Руднев B.С. — главный геолог ГП «Навоийский ГМК» Оруджев У.С — заместитель главного инженера АО «Алмалыкский ГМК» по горным работам Исламов Б.Ф. — директор Научно-исследователького института минеральных ресурсов Государственного комитета Республики Узбекистан по геологии и минеральным ресурсам Абдуллаев Б.Д. — директор Института гидрогеологии и инженерной геологии Государственного комитета Республики Узбекистан по геологии и минеральным ресурсам Мамадалиев Р.M. — заведующий Информационно-аналитическим департаментом по вопросам геологии, топливно-энергетического комплекса, химической, нефтехимичечской и металлургической промышленности Кабинета Министров, секретарь комиссии.
Исполняющий обязанности Президента Республики Узбекистан Ш. МИРЗИЁЕВ
г. Ташкент,
13 сентября 2016 г.,
№ ПП-2589