📅 2016-yil 16-sentabr · Markaziy bank hujjatlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 16 сентябрь · Марказий банк ҳужжатлари
Расмий матн. Расмий ҳужжат. Таҳририй изоҳлар киритилмаган.
📅 16 сентября 2016 г. · Документы Центрального банка
Официальный текст. Официальный документ. Редакционные примечания не включены.
📅 16 September 2016 · Central Bank documents
Official text. Official document. Editorial notes are not included.
Ўзбекистон Республикаси Соғлиқни сақлаш вазирлиги Ўзбекистон Республикаси Молия вазирлиги Ўзбекистон Республикаси Марказий банки бошқарувининг
Қарори
НИЗОМ
Йодланган тузни реализация қилишдан тушган маблағларнинг бир қисмини Ўзбекистон Республикаси Соғлиқни сақлаш вазирлиги ҳузуридаги «Саломатлик-3» лойиҳасини амалга ошириш Марказий бюросининг махсус ҳисоб рақамида жамлаш тартиби тўғрисидаги низомни тасдиқлаш ҳақида
Ўзбекистон Республикаси Вазирлар Маҳкамасининг 2016 йил 24 февралдаги 50-сон «Ўзбекистон Республикаси Ҳукуматининг айрим қарорларига қўшимчалар ва ўзгартириш киритиш тўғрисида (Ўзбекистон Республикаси Вазирлар Маҳкамасининг «2015 — 2020 йиллар даврида Ўзбекистон Республикаси аҳолисининг соғлом овқатланишини таъминлаш Концепциясини ва чора-тадбирлар комплексини тасдиқлаш тўғрисида» 2015 йил 29 августдаги 251-сон қарори)»ги қарорига мувофиқ, Ўзбекистон Республикаси Соғлиқни сақлаш вазирлиги, Молия вазирлиги ва Марказий банки Бошқаруви қарор қилади:
1. Йодланган тузни реализация қилишдан тушган маблағларнинг бир қисмини Ўзбекистон Республикаси Соғлиқни сақлаш вазирлиги ҳузуридаги «Саломатлик-3» лойиҳасини амалга ошириш Марказий бюросининг махсус ҳисоб рақамида жамлаш тартиби тўғрисидаги низом иловага мувофиқ тасдиқлансин.
2. Мазкур қарор расмий эълон қилинган кундан эътиборан уч ойдан кейин кучга киради.
Ўзбекистон Республикаси Соғлиқни сақлаш вазирлиги, Молия вазирлиги, Марказий банк Бошқарувининг 2016 йил 16 сентябрдаги 66, 70, 340-В-сон қарорига ИЛОВА
Йодланган тузни реализация қилишдан тушган маблағларнинг бир қисмини Ўзбекистон Республикаси Соғлиқни сақлаш вазирлиги ҳузуридаги «Саломатлик-3» лойиҳасини амалга ошириш Марказий бюросининг махсус ҳисоб рақамида жамлаш тартиби тўғрисидаги
Ушбу Низом Ўзбекистон Республикасининг « Йод етишмаслиги касалликлари профилактикаси тўғрисида »ги, « Аҳоли ўртасида микронутриент етишмаслиги профилактикаси тўғрисида »ги қонунлари, Ўзбекистон Республикаси Вазирлар Маҳкамасининг 2010 йил 23 ноябрдаги 260-сон « Аҳоли ўртасида микронутриент етишмаслиги профилактикаси тўғрисида»ги Ўзбекистон Республикаси Қонунини амалга ошириш чора-тадбирлари ҳақида »ги, 2013 йил 14 майдаги 129-сон « Аҳоли ўртасидаги микронутриент етишмаслиги профилактикаси тўғрисида»ги Ўзбекистон Республикаси Қонунини амалга оширишга доир қўшимча чора-тадбирлар ҳақида »ги қарорларига мувофиқ, йодланган тузни реализация қилишдан тушган маблағларнинг бир қисмини Ўзбекистон Республикаси Соғлиқни сақлаш вазирлиги ҳузуридаги «Саломатлик-3» лойиҳасини амалга ошириш Марказий бюросининг (бундан буён матнда Марказий бюро деб юритилади) махсус ҳисоб рақамида жамлаш тартибини белгилайди.
1-боб. Умумий қоидалар
1. Ушбу Низомда қуйидаги асосий тушунчалардан фойдаланилади:
микронутриентлар — инсон организмининг нормал ўсиши ва ривожланиши учун зарур бўлган, ўрнини бошқа нарса боса олмайдиган озиқ-овқат моддалари (витаминлар ва минерал моддалар);
қиймат (нарх) — микронутриент бирлиги қийматининг пулдаги ифодаси;
айланма маблағлар — Марказий бюрога тузни йодлаш учун микронутриентларни узлуксиз етказиб бериш жараёнида фойдаланиладиган маблағлар (махсус ҳисоб рақамидаги маблағлар, харид учун бошқа ҳисоб рақамига кўчирилган маблағлар, дебитор қарздорлик маблағлари ва захирадаги микронутриентлар қиймати).
2. Марказий бюро йодланган туз ишлаб чиқарувчиларнинг (бундан буён матнда корхона деб юритилади) эҳтиёжларини инобатга олган ҳолда улар учун микронутриентлар харид қилади ҳамда фойда олишни назарда тутмаган ҳолда корхоналарни микронутриентлар билан таъминлайди.
3. Микронутриентларни узлуксиз етказиб бериш учун айланма маблағлар ҳажми корхоналарнинг уч йиллик эҳтиёжидан келиб чиқиб белгиланади.
Микронутриентлар бўйича айланма маблағлар ҳисоби Марказий бюро томонидан АҚШ долларида юритилади.
4. Тузни йодлашда қўлланиладиган микронутриентларни харид қилиш учун зарур маблағларни, шу жумладан чет эл валюта маблағларни жамлаш мақсадида Марказий бюрога хизмат кўрсатувчи банкда 22604 — «Мижозларнинг бошқа депозитлари — Жамғарма — Мақсадли» махсус ҳисоб рақамлари очилади.
5. Тузни йодлашда қўлланиладиган микронутриентларни харид қилиш учун зарур айланма маблағлар қуйидаги манбалар ҳисобидан шакллантирилади:
дастлабки маблағлар — бойитилган 1-навли буғдой унини сотишдан тушган жамланган маблағлар ҳисобидан;
кейинчалик — корхоналардан йодланган тузни реализация қилишдан тушган маблағларнинг бир қисми ҳисобидан.
2-боб. Дастлабки айланма маблағларни шакллантириш
6. Йодланган туз ишлаб чиқариш учун микронутриентларни харид қилиш мақсадида дастлабки айланма маблағлар Ун ишлаб чиқарувчи корхоналарнинг бойитилган унни сотишдан тушган маблағларининг бир қисмини аккумуляция қилиш тартиби тўғрисидаги низомга (рўйхат рақами 1522, 2005 йил 19 ноябрь) мувофиқ, Марказий бюронинг хизмат кўрсатувчи банкдаги махсус ҳисоб рақамига бойитилган 1-навли буғдой унини сотишдан тушган маблағлар ҳисобидан, йодланган туз ишлаб чиқариш учун микронутриентларни харид қилиш мақсадида очилган махсус ҳисоб рақамга фоизсиз муддатли қарз сифатида ўтказилади.
7. Дастлабки айланма маблағлар ҳажми ҳам корхоналарнинг микронутриентларга бўлган уч йиллик эҳтиёжидан келиб чиқиб белгиланади. Ушбу маблағлар бўйича Марказий бюро томонидан ўзаро ҳисоб-китоблар улар йодланган туз ишлаб чиқаришга микронутриентларни харид қилиш учун махсус ҳисоб рақамга кўчирилган санада Ўзбекистон Республикаси Марказий банки томонидан хорижий валютанинг сўмга нисбатан белгиланган курси (бундан буён матнда белгиланган курс деб аталади) бўйича юритилади.
8. Дастлабки айланма маблағларни шакллантириш учун олинган фоизсиз муддатли қарз маблағларини қайтариш ушбу маблағлар кўчирилган санадан бошлаб уч йилдан кейин бошланади. Муддатли қарз маблағлари йодланган тузни реализация қилишдан тушадиган маблағлар ҳисобидан 10 йил давомида, йилига 10 фоиз доирасидаги ҳажмда (пул ўтказилган кундаги белгиланган курс бўйича АҚШ доллари эквивалентида) ҳар йилнинг 31 декабригача бойитилган 1-навли буғдой унини сотишдан тушадиган маблағлар махсус ҳисоб рақамига қайтарилади.
3-боб. Жорий йил учун айланма маблағларни шакллантириш
9. Жорий йил учун айланма маблағлар уни қўшимча молиялаштиришга ажратиладиган маблағлар ҳамда корхоналардан микронутриентлар учун девальвация даражасини ҳисобга олган ҳолда ўтказиладиган маблағлардан иборат.
10. Жорий йил учун айланма маблағлар ҳажми 1 январь ҳолатига қуйидаги формула орқали аниқланади ва Марказий бюро томонидан хар йили тасдиқланади:
ЖАМ = (М х 3) х (МҚ/БК) ,
бунда:
ЖАМ — жорий йил учун айланма маблағлар ҳажми (АҚШ долларида);
М — корхоналарга берилган микронутриентларнинг йиллик ўртача ҳажми (кг);
МҚ — бир килограмм микронутриентнинг амалдаги қиймати (нархи) (сўм).
БК — белгиланган курс (сўм).
11. Айланма маблағларни қўшимча молиялаштириш ҳажми қуйидаги формула орқали аниқланади:
ҚМ = ЖАМ — ЎАМ,
бунда:
ҚМ — қўшимча молиялаштириш ҳажми (АҚШ долларида);
ЖАМ — жорий йил учун айланма маблағлар ҳажми (АҚШ долларида);
ЎАМ — ўтган йилги айланма маблағлар ҳажми (АҚШ долларида).
Қўшимча молиялаштириш ҳажми ўтган йилги айланма маблағлар ҳажмининг 0 — 10 фоизи оралиғида белгиланади.
4-боб. Микронутриентларнинг корхоналарга бериладиган қиймати (нархи)ни шакллантириш
12. Марказий бюро томонидан микронутриентларнинг қиймати (нархи)ни шакллантиришда фойда олиш назарда тутилмайди.
13. Корхоналарга бериладиган микронутриентнинг қиймати (нархи) қуйидаги формула асосида ҳар ойнинг биринчи санасига аниқланади ва мазкур Низомнинг иловасига мувофиқ Ўзбекистон Республикаси Соғлиқни сақлаш вазирлиги томонидан тасдиқланади:
МҚ = ( ЖАМ — (Дт — Кт + ҲР + МБО) ________________________________ УС +Н) х БК
бунда:
МҚ — бир килограмм микронутриентнинг қиймати (нархи) (сўм);
ЖАМ — жорий йил учун айланма маблағлар ҳажми (АҚШ долларида);
Дт — тузни йодловчи микронутриентлар бўйича дебитор қарздорлик (АҚШ долларида);
Кт — тузни йодловчи микронутриентлар бўйича кредитор қарздорлик (АҚШ долларида);
ҲР — микронутриентлар харид қилиш учун очилган махсус ҳисоб рақамдаги ҳамда уларни харид қилиш учун бошқа ҳисоб рақамга кўчирилган маблағларнинг умумий қиймати (АҚШ долларида);
МБО — Марказий бюро омборидаги тузни йодловчи микронутриентларнинг қиймати (АҚШ долларида);
УС — Марказий бюро омборидаги тузни йодловчи микронутриентларнинг миқдори (кг);
Н — етказиб берувчи билан тузилган сўнги шартномадаги бир килограмм микронутриентнинг нархи (АҚШ долларида).
БК — белгиланган курс (сўм);
Формуладаги кўрсаткичлар қийматининг АҚШ долларидаги эквиваленти шу санага белгиланган курс бўйича қайта ҳисоблаш йўли билан аниқланади.
14. Ўзбекистон Республикаси Вазирлар Маҳкамасининг 2013 йил 14 майдаги 129-сон «Аҳоли ўртасида микронутриент етишмаслиги профилактикаси тўғрисида»ги Ўзбекистон Республикаси Қонунини амалга оширишга доир қўшимча чора-тадбирлар ҳақида»ги қарорига мувофиқ, Марказий бюро ҳузуридаги Озиқ-овқат маҳсулотларини бойитиш дастурини амалга ошириш гуруҳини сақлаш харажатлари микронутриентлар харид қилиш учун жамланаётган маблағлар ҳажмининг 5 фоизидан ортиқ бўлмаган миқдорда белгиланади.
5-боб. Марказий бюронинг корхоналар билан муносабатлари
15. Марказий бюро томонидан корхоналарга микронутриентларни етказиб бериш тегишли шартномалар асосида, олдиндан ҳақ тўланмасдан амалга оширилади.
16. Корхоналар йодланган тузни реализация қилишдан тушган тушумнинг олинган микронутриентлар қийматига тенг бўлган қисмини микронутриентларни харид қилишни узлуксиз таъминлаш учун Марказий бюронинг махсус ҳисоб рақамига ўтказади. Бунда олинган микронутриентнинг қиймати (нархи) миқдоридаги сумма икки банк иш куни давомида корхоналарнинг тўлов топшириқномалари асосида, Марказий бюронинг махсус 22604 ҳисоб рақамига кўчирилади.
17. Корхоналар ва Марказий бюро раҳбарлари жамғарилган маблағлар юзасидан ҳар чоракда солиштирма далолатномалар тузиш ва улар асосида йодланган туз сотишда ҳақиқатда тушган маблағлар ва ишлатилган микронутриентлар миқдорига асосан тўловларни мувофиқлаштиришни таъминлайди.
18. Корхоналар томонидан Марказий бюродан олинган микронутрентлар учун тўловлар белгиланган муддатда амалга оширилмаган тақдирда, Марказий бюро ушбу маблағларни қонунчилик ҳужжатларида белгиланган тартибда ундириб олиш чораларини кўради.
6-боб. Якуний қоидалар
19. Мазкур Низом талабларига мувофиқ ҳисоб-китобларни тўғри юритиш ва тўловларни ўз вақтида амалга ошириш учун жавобгарлик корхоналар раҳбарлари ҳамда бош бухгалтерлари (бухгалтерлари) зиммасига юклатилади.
20. Марказий бюро томонидан микронутриентларни харид қилиш ва махсус ҳисоб рақамга тушган маблағларнинг мақсадли ишлатилиши устидан назорат Ўзбекистон Республикаси Иқтисодиёт ва молия вазирлиги томонидан амалга оширилади.
21. Мазкур Низом Ўзбекистон Республикаси Савдо-саноат палатаси ва Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси билан келишилган.
Йодланган тузни реализация қилишдан тушган маблағларнинг бир қисмини Ўзбекистон Республикаси Соғлиқни сақлаш вазирлиги ҳузуридаги «Саломатлик-3» лойиҳасини амалга ошириш Марказий бюросининг махсус ҳисоб рақамида жамлаш тартиби тўғрисидаги Низомга ИЛОВА
«ТАСДИҚЛАЙМАН» ______________________________ (лавозими, Ф.И.О., имзо) 20___ йил «___» _______________ Микронутриент қиймати (нархи)ни аниқлаш ҲИСОБ-КИТОБИ * _______________________________________________________ (микронутриент номи) Сана: 20___ йил «___» _____________________ Т/р Кўрсаткичлар Сатр коди Ўлчов бирлиги Суммаси 1. Бир килограмм микронутриентнинг қиймати (нархи) (((02 сатр — (03 сатр — 06 сатр + 09 сатр + 15 сатр)) / 16 сатр)+18 сатр) x 19 сатр 01 сўм. 2. Жорий йил учун айланма маблағлар ҳажми 02 АҚШ долл. 3. Тузни йодловчи микронутриентлар бўйича дебитор қарздорлик (04 сатр + 05 сатр) 03 АҚШ долл. 3.1. ишлаб чиқарувчи корхоналардан 04 АҚШ долл. 3.2. микронутриент етказиб берувчилардан 05 АҚШ долл. 4. Тузни йодловчи микронутриентлар бўйича кредитор қарздорлик (07 сатр + 08 сатр) 06 АҚШ долл. 4.1. ишлаб чиқарувчи корхоналардан 07 АҚШ долл. 4.2. микронутриент етказиб берувчилардан 08 АҚШ долл. 5. Микронутриентлар харид қилиш учун очилган махсус ҳисоб рақамдаги ҳамда уларни харид қилиш учун бошқа ҳисоб рақамга кўчирилган маблағларнинг умумий қиймати (10 сатр + 11 сатр + 12 сатр + 13 сатр+ 14 сатр) 09 АҚШ долл. 5.1. 22604 — мижозларнинг бошқа депозитлари — Жамғарма — Мақсадли 10 АҚШ долл. 5.2. 29801 — мижозлар билан ҳисоб-китоблар 11 АҚШ долл. 5.3. 22614 — мижозларнинг валюта бозорида конвертация қилинган маблағлари 12 АҚШ долл. 5.4. 22602 — мижозларнинг аккредитивлар бўйича депозитлари 13 АҚШ долл. 5.5. микронутриентлар харид қилиш учун бошқа ҳисоб рақамга кўчирилган маблағлар 14 АҚШ долл. 6. Марказий бюро омборидаги тузни йодловчи микронутриентларнинг қиймати (16 сатр * 17 сатр) 15 АҚШ долл. 6.1. марказий бюро омборидаги тузни йодловчи микронутриентларнинг миқдори 16 кг 6.2. марказий бюро омборидаги тузни йодловчи микронутриентларнинг бир килограмми нархи 17 АҚШ долл. 7. Етказиб берувчи билан тузилган сўнги шартномадаги бир килограмм микронутриентнинг нархи 18 АҚШ долл. 8. Ўзбекистон Республикаси Марказий банки томонидан АҚШ долларининг сўмга нисбатан белгиланган курси 19 сўм
Марказий бюро раҳбари ________________________ (имзо) _____________________________________________________________ (Ф.И.О.) Бош ҳисобчи ________________________ (имзо) _____________________________________________________________ (Ф.И.О.)
Соғлиқни сақлаш вазири А. АЛИМОВ
Молия вазири Р. АЗИМОВ
Марказий банк раиси Ф. МУЛЛАЖОНОВ
Савдо-саноат палатаси раиси А. ШАЙХОВ
Хусусийлаштириш, монополиядан чиқариш ва рақобатни ривожлантириш давлат қўмитаси раиси Д. ХИДОЯТОВ
Тошкент ш.,
2016 йил 16 сентябрь,
Тошкент ш.,
2016 йил 16 сентябрь,
Тошкент ш.,
2016 йил 16 сентябрь,
2016 йил 16 сентябрь
2016 йил 16 сентябрь
66-сон
70-сон
340-В-сон
Oʻzbekiston Respublikasi Sogʻliqni saqlash vazirligi Oʻzbekiston Respublikasi Moliya vazirligi Oʻzbekiston Respublikasi Markaziy banki boshqaruvining
Qarori
NIZOM
Yodlangan tuzni realizatsiya qilishdan tushgan mablagʻlarning bir qismini Oʻzbekiston Respublikasi Sogʻliqni saqlash vazirligi huzuridagi “Salomatlik-3” loyihasini amalga oshirish Markaziy byurosining maxsus hisob raqamida jamlash tartibi toʻgʻrisidagi nizomni tasdiqlash haqida
Oʻzbekiston Respublikasi Vazirlar Mahkamasining 2016-yil 24-fevraldagi 50-son “Oʻzbekiston Respublikasi Hukumatining ayrim qarorlariga qoʻshimchalar va oʻzgartirish kiritish toʻgʻrisida (Oʻzbekiston Respublikasi Vazirlar Mahkamasining “2015 — 2020-yillar davrida Oʻzbekiston Respublikasi aholisining sogʻlom ovqatlanishini taʼminlash Konsepsiyasini va chora-tadbirlar kompleksini tasdiqlash toʻgʻrisida” 2015-yil 29-avgustdagi 251-son qarori)”gi qaroriga muvofiq, Oʻzbekiston Respublikasi Sogʻliqni saqlash vazirligi, Moliya vazirligi va Markaziy banki Boshqaruvi qaror qiladi:
1. Yodlangan tuzni realizatsiya qilishdan tushgan mablagʻlarning bir qismini Oʻzbekiston Respublikasi Sogʻliqni saqlash vazirligi huzuridagi “Salomatlik-3” loyihasini amalga oshirish Markaziy byurosining maxsus hisob raqamida jamlash tartibi toʻgʻrisidagi nizom ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran uch oydan keyin kuchga kiradi.
Oʻzbekiston Respublikasi Sogʻliqni saqlash vazirligi, Moliya vazirligi, Markaziy bank Boshqaruvining 2016-yil 16-sentabrdagi 66, 70, 340-V-son qaroriga ILOVA
Yodlangan tuzni realizatsiya qilishdan tushgan mablagʻlarning bir qismini Oʻzbekiston Respublikasi Sogʻliqni saqlash vazirligi huzuridagi “Salomatlik-3” loyihasini amalga oshirish Markaziy byurosining maxsus hisob raqamida jamlash tartibi toʻgʻrisidagi
Ushbu Nizom Oʻzbekiston Respublikasining “ Yod yetishmasligi kasalliklari profilaktikasi toʻgʻrisida ”gi, “ Aholi oʻrtasida mikronutriyent yetishmasligi profilaktikasi toʻgʻrisida ”gi qonunlari, Oʻzbekiston Respublikasi Vazirlar Mahkamasining 2010-yil 23-noyabrdagi 260-son “ Aholi oʻrtasida mikronutriyent yetishmasligi profilaktikasi toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida ”gi, 2013-yil 14-maydagi 129-son “ Aholi oʻrtasidagi mikronutriyent yetishmasligi profilaktikasi toʻgʻrisida”gi Oʻzbekiston Respublikasi Qonunini amalga oshirishga doir qoʻshimcha chora-tadbirlar haqida ”gi qarorlariga muvofiq, yodlangan tuzni realizatsiya qilishdan tushgan mablagʻlarning bir qismini Oʻzbekiston Respublikasi Sogʻliqni saqlash vazirligi huzuridagi “Salomatlik-3” loyihasini amalga oshirish Markaziy byurosining (bundan buyon matnda Markaziy byuro deb yuritiladi) maxsus hisob raqamida jamlash tartibini belgilaydi.
1-bob. Umumiy qoidalar
1. Ushbu Nizomda quyidagi asosiy tushunchalardan foydalaniladi:
mikronutriyentlar — inson organizmining normal oʻsishi va rivojlanishi uchun zarur boʻlgan, oʻrnini boshqa narsa bosa olmaydigan oziq-ovqat moddalari (vitaminlar va mineral moddalar);
qiymat (narx) — mikronutriyent birligi qiymatining puldagi ifodasi;
aylanma mablagʻlar — Markaziy byuroga tuzni yodlash uchun mikronutriyentlarni uzluksiz yetkazib berish jarayonida foydalaniladigan mablagʻlar (maxsus hisob raqamidagi mablagʻlar, xarid uchun boshqa hisob raqamiga koʻchirilgan mablagʻlar, debitor qarzdorlik mablagʻlari va zaxiradagi mikronutriyentlar qiymati).
2. Markaziy byuro yodlangan tuz ishlab chiqaruvchilarning (bundan buyon matnda korxona deb yuritiladi) ehtiyojlarini inobatga olgan holda ular uchun mikronutriyentlar xarid qiladi hamda foyda olishni nazarda tutmagan holda korxonalarni mikronutriyentlar bilan taʼminlaydi.
3. Mikronutriyentlarni uzluksiz yetkazib berish uchun aylanma mablagʻlar hajmi korxonalarning uch yillik ehtiyojidan kelib chiqib belgilanadi.
Mikronutriyentlar boʻyicha aylanma mablagʻlar hisobi Markaziy byuro tomonidan AQSH dollarida yuritiladi.
4. Tuzni yodlashda qoʻllaniladigan mikronutriyentlarni xarid qilish uchun zarur mablagʻlarni, shu jumladan chet el valyuta mablagʻlarni jamlash maqsadida Markaziy byuroga xizmat koʻrsatuvchi bankda 22604 — “Mijozlarning boshqa depozitlari — Jamgʻarma — Maqsadli” maxsus hisob raqamlari ochiladi.
5. Tuzni yodlashda qoʻllaniladigan mikronutriyentlarni xarid qilish uchun zarur aylanma mablagʻlar quyidagi manbalar hisobidan shakllantiriladi:
dastlabki mablagʻlar — boyitilgan 1-navli bugʻdoy unini sotishdan tushgan jamlangan mablagʻlar hisobidan;
keyinchalik — korxonalardan yodlangan tuzni realizatsiya qilishdan tushgan mablagʻlarning bir qismi hisobidan.
2-bob. Dastlabki aylanma mablagʻlarni shakllantirish
6. Yodlangan tuz ishlab chiqarish uchun mikronutriyentlarni xarid qilish maqsadida dastlabki aylanma mablagʻlar Un ishlab chiqaruvchi korxonalarning boyitilgan unni sotishdan tushgan mablagʻlarining bir qismini akkumulyatsiya qilish tartibi toʻgʻrisidagi nizomga (roʻyxat raqami 1522, 2005-yil 19-noyabr) muvofiq, Markaziy byuroning xizmat koʻrsatuvchi bankdagi maxsus hisob raqamiga boyitilgan 1-navli bugʻdoy unini sotishdan tushgan mablagʻlar hisobidan, yodlangan tuz ishlab chiqarish uchun mikronutriyentlarni xarid qilish maqsadida ochilgan maxsus hisob raqamga foizsiz muddatli qarz sifatida oʻtkaziladi.
7. Dastlabki aylanma mablagʻlar hajmi ham korxonalarning mikronutriyentlarga boʻlgan uch yillik ehtiyojidan kelib chiqib belgilanadi. Ushbu mablagʻlar boʻyicha Markaziy byuro tomonidan oʻzaro hisob-kitoblar ular yodlangan tuz ishlab chiqarishga mikronutriyentlarni xarid qilish uchun maxsus hisob raqamga koʻchirilgan sanada Oʻzbekiston Respublikasi Markaziy banki tomonidan xorijiy valyutaning soʻmga nisbatan belgilangan kursi (bundan buyon matnda belgilangan kurs deb ataladi) boʻyicha yuritiladi.
8. Dastlabki aylanma mablagʻlarni shakllantirish uchun olingan foizsiz muddatli qarz mablagʻlarini qaytarish ushbu mablagʻlar koʻchirilgan sanadan boshlab uch yildan keyin boshlanadi. Muddatli qarz mablagʻlari yodlangan tuzni realizatsiya qilishdan tushadigan mablagʻlar hisobidan 10 yil davomida, yiliga 10 foiz doirasidagi hajmda (pul oʻtkazilgan kundagi belgilangan kurs boʻyicha AQSH dollari ekvivalentida) har yilning 31-dekabrigacha boyitilgan 1-navli bugʻdoy unini sotishdan tushadigan mablagʻlar maxsus hisob raqamiga qaytariladi.
3-bob. Joriy yil uchun aylanma mablagʻlarni shakllantirish
9. Joriy yil uchun aylanma mablagʻlar uni qoʻshimcha moliyalashtirishga ajratiladigan mablagʻlar hamda korxonalardan mikronutriyentlar uchun devalvatsiya darajasini hisobga olgan holda oʻtkaziladigan mablagʻlardan iborat.
10. Joriy yil uchun aylanma mablagʻlar hajmi 1-yanvar holatiga quyidagi formula orqali aniqlanadi va Markaziy byuro tomonidan xar yili tasdiqlanadi:
JAM = (M x 3) x (MQ/BK) ,
bunda:
JAM — joriy yil uchun aylanma mablagʻlar hajmi (AQSH dollarida);
M — korxonalarga berilgan mikronutriyentlarning yillik oʻrtacha hajmi (kg);
MQ — bir kilogramm mikronutriyentning amaldagi qiymati (narxi) (soʻm).
BK — belgilangan kurs (soʻm).
11. Aylanma mablagʻlarni qoʻshimcha moliyalashtirish hajmi quyidagi formula orqali aniqlanadi:
QM = JAM — OʻAM,
bunda:
QM — qoʻshimcha moliyalashtirish hajmi (AQSH dollarida);
JAM — joriy yil uchun aylanma mablagʻlar hajmi (AQSH dollarida);
OʻAM — oʻtgan yilgi aylanma mablagʻlar hajmi (AQSH dollarida).
Qoʻshimcha moliyalashtirish hajmi oʻtgan yilgi aylanma mablagʻlar hajmining 0 — 10 foizi oraligʻida belgilanadi.
4-bob. Mikronutriyentlarning korxonalarga beriladigan qiymati (narxi)ni shakllantirish
12. Markaziy byuro tomonidan mikronutriyentlarning qiymati (narxi)ni shakllantirishda foyda olish nazarda tutilmaydi.
13. Korxonalarga beriladigan mikronutriyentning qiymati (narxi) quyidagi formula asosida har oyning birinchi sanasiga aniqlanadi va mazkur Nizomning ilovasiga muvofiq Oʻzbekiston Respublikasi Sogʻliqni saqlash vazirligi tomonidan tasdiqlanadi:
MQ = ( JAM — (Dt — Kt + HR + MBO) ________________________________ US +N) x BK
bunda:
MQ — bir kilogramm mikronutriyentning qiymati (narxi) (soʻm);
JAM — joriy yil uchun aylanma mablagʻlar hajmi (AQSH dollarida);
Dt — tuzni yodlovchi mikronutriyentlar boʻyicha debitor qarzdorlik (AQSH dollarida);
Kt — tuzni yodlovchi mikronutriyentlar boʻyicha kreditor qarzdorlik (AQSH dollarida);
HR — mikronutriyentlar xarid qilish uchun ochilgan maxsus hisob raqamdagi hamda ularni xarid qilish uchun boshqa hisob raqamga koʻchirilgan mablagʻlarning umumiy qiymati (AQSH dollarida);
MBO — Markaziy byuro omboridagi tuzni yodlovchi mikronutriyentlarning qiymati (AQSH dollarida);
US — Markaziy byuro omboridagi tuzni yodlovchi mikronutriyentlarning miqdori (kg);
N — yetkazib beruvchi bilan tuzilgan soʻngi shartnomadagi bir kilogramm mikronutriyentning narxi (AQSH dollarida).
BK — belgilangan kurs (soʻm);
Formuladagi koʻrsatkichlar qiymatining AQSH dollaridagi ekvivalenti shu sanaga belgilangan kurs boʻyicha qayta hisoblash yoʻli bilan aniqlanadi.
14. Oʻzbekiston Respublikasi Vazirlar Mahkamasining 2013-yil 14-maydagi 129-son “Aholi oʻrtasida mikronutriyent yetishmasligi profilaktikasi toʻgʻrisida”gi Oʻzbekiston Respublikasi Qonunini amalga oshirishga doir qoʻshimcha chora-tadbirlar haqida”gi qaroriga muvofiq, Markaziy byuro huzuridagi Oziq-ovqat mahsulotlarini boyitish dasturini amalga oshirish guruhini saqlash xarajatlari mikronutriyentlar xarid qilish uchun jamlanayotgan mablagʻlar hajmining 5 foizidan ortiq boʻlmagan miqdorda belgilanadi.
5-bob. Markaziy byuroning korxonalar bilan munosabatlari
15. Markaziy byuro tomonidan korxonalarga mikronutriyentlarni yetkazib berish tegishli shartnomalar asosida, oldindan haq toʻlanmasdan amalga oshiriladi.
16. Korxonalar yodlangan tuzni realizatsiya qilishdan tushgan tushumning olingan mikronutriyentlar qiymatiga teng boʻlgan qismini mikronutriyentlarni xarid qilishni uzluksiz taʼminlash uchun Markaziy byuroning maxsus hisob raqamiga oʻtkazadi. Bunda olingan mikronutriyentning qiymati (narxi) miqdoridagi summa ikki bank ish kuni davomida korxonalarning toʻlov topshiriqnomalari asosida, Markaziy byuroning maxsus 22604 hisob raqamiga koʻchiriladi.
17. Korxonalar va Markaziy byuro rahbarlari jamgʻarilgan mablagʻlar yuzasidan har chorakda solishtirma dalolatnomalar tuzish va ular asosida yodlangan tuz sotishda haqiqatda tushgan mablagʻlar va ishlatilgan mikronutriyentlar miqdoriga asosan toʻlovlarni muvofiqlashtirishni taʼminlaydi.
18. Korxonalar tomonidan Markaziy byurodan olingan mikronutrentlar uchun toʻlovlar belgilangan muddatda amalga oshirilmagan taqdirda, Markaziy byuro ushbu mablagʻlarni qonunchilik hujjatlarida belgilangan tartibda undirib olish choralarini koʻradi.
6-bob. Yakuniy qoidalar
19. Mazkur Nizom talablariga muvofiq hisob-kitoblarni toʻgʻri yuritish va toʻlovlarni oʻz vaqtida amalga oshirish uchun javobgarlik korxonalar rahbarlari hamda bosh buxgalterlari (buxgalterlari) zimmasiga yuklatiladi.
20. Markaziy byuro tomonidan mikronutriyentlarni xarid qilish va maxsus hisob raqamga tushgan mablagʻlarning maqsadli ishlatilishi ustidan nazorat Oʻzbekiston Respublikasi Iqtisodiyot va moliya vazirligi tomonidan amalga oshiriladi.
21. Mazkur Nizom Oʻzbekiston Respublikasi Savdo-sanoat palatasi va Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi bilan kelishilgan.
Yodlangan tuzni realizatsiya qilishdan tushgan mablagʻlarning bir qismini Oʻzbekiston Respublikasi Sogʻliqni saqlash vazirligi huzuridagi “Salomatlik-3” loyihasini amalga oshirish Markaziy byurosining maxsus hisob raqamida jamlash tartibi toʻgʻrisidagi Nizomga ILOVA
“TASDIQLAYMAN” ______________________________ (lavozimi, F.I.O., imzo) 20___ yil “___” _______________ Mikronutriyent qiymati (narxi)ni aniqlash HISOB-KITOBI * _______________________________________________________ (mikronutriyent nomi) Sana: 20___ yil “___” _____________________ T/r Koʻrsatkichlar Satr kodi Oʻlchov birligi Summasi 1. Bir kilogramm mikronutriyentning qiymati (narxi) (((02 satr — (03 satr — 06 satr + 09 satr + 15 satr)) / 16 satr)+18 satr) x 19 satr 01 soʻm. 2. Joriy yil uchun aylanma mablagʻlar hajmi 02 AQSH doll. 3. Tuzni yodlovchi mikronutriyentlar boʻyicha debitor qarzdorlik (04 satr + 05 satr) 03 AQSH doll. 3.1. ishlab chiqaruvchi korxonalardan 04 AQSH doll. 3.2. mikronutriyent yetkazib beruvchilardan 05 AQSH doll. 4. Tuzni yodlovchi mikronutriyentlar boʻyicha kreditor qarzdorlik (07 satr + 08 satr) 06 AQSH doll. 4.1. ishlab chiqaruvchi korxonalardan 07 AQSH doll. 4.2. mikronutriyent yetkazib beruvchilardan 08 AQSH doll. 5. Mikronutriyentlar xarid qilish uchun ochilgan maxsus hisob raqamdagi hamda ularni xarid qilish uchun boshqa hisob raqamga koʻchirilgan mablagʻlarning umumiy qiymati (10 satr + 11 satr + 12 satr + 13 satr+ 14 satr) 09 AQSH doll. 5.1. 22604 — mijozlarning boshqa depozitlari — Jamgʻarma — Maqsadli 10 AQSH doll. 5.2. 29801 — mijozlar bilan hisob-kitoblar 11 AQSH doll. 5.3. 22614 — mijozlarning valyuta bozorida konvertatsiya qilingan mablagʻlari 12 AQSH doll. 5.4. 22602 — mijozlarning akkreditivlar boʻyicha depozitlari 13 AQSH doll. 5.5. mikronutriyentlar xarid qilish uchun boshqa hisob raqamga koʻchirilgan mablagʻlar 14 AQSH doll. 6. Markaziy byuro omboridagi tuzni yodlovchi mikronutriyentlarning qiymati (16 satr * 17 satr) 15 AQSH doll. 6.1. markaziy byuro omboridagi tuzni yodlovchi mikronutriyentlarning miqdori 16 kg 6.2. markaziy byuro omboridagi tuzni yodlovchi mikronutriyentlarning bir kilogrammi narxi 17 AQSH doll. 7. Yetkazib beruvchi bilan tuzilgan soʻngi shartnomadagi bir kilogramm mikronutriyentning narxi 18 AQSH doll. 8. Oʻzbekiston Respublikasi Markaziy banki tomonidan AQSH dollarining soʻmga nisbatan belgilangan kursi 19 soʻm
Markaziy byuro rahbari ________________________ (imzo) _____________________________________________________________ (F.I.O.) Bosh hisobchi ________________________ (imzo) _____________________________________________________________ (F.I.O.)
Sogʻliqni saqlash vaziri A. ALIMOV
Moliya vaziri R. AZIMOV
Markaziy bank raisi F. MULLAJONOV
Savdo-sanoat palatasi raisi A. SHAYXOV
Xususiylashtirish, monopoliyadan chiqarish va raqobatni rivojlantirish davlat qoʻmitasi raisi D. XIDOYATOV
Toshkent sh.,
2016-yil 16-sentabr,
Toshkent sh.,
2016-yil 16-sentabr,
Toshkent sh.,
2016-yil 16-sentabr,
2016-yil 16-sentabr
2016-yil 16-sentabr
66-son
70-son
340-V-son