📅 2016-yil 16-sentabr · Vazirlik va idoralar hujjatlari · Davlat bojxona qoʻmitasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 16 сентябрь · Вазирлик ва идоралар ҳужжатлари · Давлат божхона қўмитаси
Расмий матн. Расмий ҳужжат. Таҳририй изоҳлар киритилмаган.
📅 16 сентября 2016 г. · Документы министерств и ведомств · Государственного таможенного комитета
Официальный текст. Официальный документ. Редакционные примечания не включены.
📅 16 September 2016 · Ministry and agency documents · Davlat bojxona qoʻmitasi
Official text. Official document. Editorial notes are not included.
Ўзбекистон Республикаси Давлат божхона қўмитасининг
Қарори
Йўловчи божхона декларациясини тўлдириш ва расмийлаштириш тартиби тўғрисидаги йўриқномага ўзгартиришлар ва қўшимча киритиш ҳақида
Ўзбекистон Республикасининг Божхона кодекси , Ўзбекистон Республикаси «Давлат божхона хизмати тўғрисида»ги Қонунининг 6-моддаси ва Ўзбекистон Республикаси Президентининг 2015 йил 24 августдаги ПФ-4747-сон «Товарлар (ишлар, хизматлар) экспортини кенгайтиришга оид қўшимча чора-тадбирлар тўғрисида»ги Фармонига асосан Ўзбекистон Республикаси Давлат божхона қўмитаси қарор қилади:
1. Ўзбекистон Республикаси Давлат божхона қўмитасининг 2014 йил 4 июлдаги 01-02/12-13-сон қарори (рўйхат рақами 2606, 2014 йил 5 август) (Ўзбекистон Республикаси қонун ҳужжатлари тўплами, 2014 й., 32-сон, 411-модда) билан тасдиқланган Йўловчи божхона декларациясини тўлдириш ва расмийлаштириш тартиби тўғрисидаги йўриқномага иловага мувофиқ ўзгартиришлар ва қўшимча киритилсин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Давлат божхона қўмитасининг 2016 йил 16 сентябрдаги 01-02/12-59-сон қарорига ИЛОВА
Йўловчи божхона декларациясини тўлдириш ва расмийлаштириш тартиби тўғрисидаги йўриқномага киритилаётган ўзгартиришлар ва қўшимча
1. 2-банд қуйидаги таҳрирда баён этилсин:
«2. Декларация:
жисмоний шахсларнинг нотижорат мақсадлардаги, қиймати ва миқдори қонун ҳужжатларида белгиланган божсиз олиб кириш нормаларидан ва акциз солиғи солинмайдиган товарларни олиб кириш нормаларидан ошадиган товарларга;
жисмоний шахснинг яшаш жойи ўзгарганда (аввалги яшаш жойидан ҳисобдан чиқарилганлиги тўғрисида қайд мавжуд бўлган ҳолда) унинг шахсий мол-мулки бўлган товарларга, бундан автотранспорт воситалари мустасно;
Ўзбекистон Республикаси Божхона кодексининг 158 ва 160-моддаларида кўрсатилган ҳолларда, жисмоний шахсларнинг нотижорат мақсадлардаги транспорт воситаларига;
Ўзбекистон Республикаси миллий валютаси ва валюта бойликларига;
қонун ҳужжатларига мувофиқ тегишли тақиқлар ва (ёки) чекловлар белгиланган товарларга тўлдирилади.».
2. Қуйидаги мазмундаги 3 1 -банд билан тўлдирилсин:
«3 1 . Декларация божхона органларида расмийлаштирилган йилдан кейинги йилдан эътиборан уч йил давомида сақланади.».
3. 4-банддаги «қимматбаҳо буюмлар» деган сўзлар «ҳар қандай кўринишдаги ва ҳолатдаги қимматбаҳо металлар ва қимматбаҳо тошлардан ясалган буюмлар (бундан буён матнда қимматбаҳо буюмлар деб юритилади)» деган сўзлар билан алмаштирсин.
4. Илованинг Йўловчи божхона декларацияси намунасининг эслатма қисмида:
а) 2-банднинг «б» кичик банди қуйидаги таҳрирда баён этилсин:
«б) дон (буғдой, сули, арпа, гуруч, маккажўхори, гречиха); нон-булка маҳсулотлари (ўзи ишлаб чиқарган, хамирдан тайёрланган қандолат маҳсулотлари, пирожнийлар, печеньелар, сухари, қовурилган бурда нон ва шунга ўхшаш қовурилган маҳсулотлардан ташқари); ун, ёрмалар; уй ҳайвонлари, паррандалар; гўшт ва истеъмолбоп гўштли қўшимча маҳсулотлар, уй паррандасининг истеьмолбоп маҳсулотлари (товуқ панжаларидан ташқари); шакар; ўсимлик ёғлари; тери хом ашёси (ностандарт терилар ҳам), тери-мўйна, шу жумладан қоракўл териси (ностандарт терилар ҳам) хом ашёси; рангли металл парчалари ва чиқиндилари; чуватиш имкони бўлган пилла, хом ипак (эшилмагани), ипак чиқиндилари (шу жумладан чуватиш имкони бўлмаган пилла, пилла ипи чиқиндилари ва юмшатилган чиқиндилари); полиэтилентерефталат (ПЭТ) чиқитлари, қийқиндилари ва скрап (қиринди)лари, шунингдек, қонун ҳужжатларида белгиланган рўйхатга асосан республикадан олиб чиқиб кетилиши мумкин бўлмаган биологик объектлар.»;
б) 6-банддан «Қиймати 1000 АҚШ доллари эквивалентигача бўлган товарлар (тижорат мақсадида олиб чиқилаётган товарлар бундан мустасно) Ўзбекистон Республикаси божхона ҳудудидан олиб чиқилаётганда Декларациянинг 6-бандида кўрсатилади. Товарларнинг қиймати 1000 АҚШ долларидан ошадиган бўлса, божхона юк декларацияси расмийлаштирилиши лозим.» деган сўзлар чиқариб ташлансин.
5. Мазкур ўзгартиришлар ва қўшимча Ўзбекистон Республикаси Давлат статистика қўмитаси билан келишилган.
Раис З. ДУСАНОВ
Давлат статистика қўмитаси раиси Б. ТУРАЕВ
Тошкент ш.,
2016 йил 16 сентябрь,
2016 йил 16 сентябрь
01-02/12-59-сон
Oʻzbekiston Respublikasi Davlat bojxona qoʻmitasining
Qarori
Yoʻlovchi bojxona deklaratsiyasini toʻldirish va rasmiylashtirish tartibi toʻgʻrisidagi yoʻriqnomaga oʻzgartirishlar va qoʻshimcha kiritish haqida
Oʻzbekiston Respublikasining Bojxona kodeksi , Oʻzbekiston Respublikasi “Davlat bojxona xizmati toʻgʻrisida”gi Qonunining 6-moddasi va Oʻzbekiston Respublikasi Prezidentining 2015-yil 24-avgustdagi PF-4747-son “Tovarlar (ishlar, xizmatlar) eksportini kengaytirishga oid qoʻshimcha chora-tadbirlar toʻgʻrisida”gi Farmoniga asosan Oʻzbekiston Respublikasi Davlat bojxona qoʻmitasi qaror qiladi:
1. Oʻzbekiston Respublikasi Davlat bojxona qoʻmitasining 2014-yil 4-iyuldagi 01-02/12-13-son qarori (roʻyxat raqami 2606, 2014-yil 5-avgust) (Oʻzbekiston Respublikasi qonun hujjatlari toʻplami, 2014-y., 32-son, 411-modda) bilan tasdiqlangan Yoʻlovchi bojxona deklaratsiyasini toʻldirish va rasmiylashtirish tartibi toʻgʻrisidagi yoʻriqnomaga ilovaga muvofiq oʻzgartirishlar va qoʻshimcha kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Davlat bojxona qoʻmitasining 2016-yil 16-sentabrdagi 01-02/12-59-son qaroriga ILOVA
Yoʻlovchi bojxona deklaratsiyasini toʻldirish va rasmiylashtirish tartibi toʻgʻrisidagi yoʻriqnomaga kiritilayotgan oʻzgartirishlar va qoʻshimcha
1. 2-band quyidagi tahrirda bayon etilsin:
“2. Deklaratsiya:
jismoniy shaxslarning notijorat maqsadlardagi, qiymati va miqdori qonun hujjatlarida belgilangan bojsiz olib kirish normalaridan va aksiz soligʻi solinmaydigan tovarlarni olib kirish normalaridan oshadigan tovarlarga;
jismoniy shaxsning yashash joyi oʻzgarganda (avvalgi yashash joyidan hisobdan chiqarilganligi toʻgʻrisida qayd mavjud boʻlgan holda) uning shaxsiy mol-mulki boʻlgan tovarlarga, bundan avtotransport vositalari mustasno;
Oʻzbekiston Respublikasi Bojxona kodeksining 158 va 160-moddalarida koʻrsatilgan hollarda, jismoniy shaxslarning notijorat maqsadlardagi transport vositalariga;
Oʻzbekiston Respublikasi milliy valyutasi va valyuta boyliklariga;
qonun hujjatlariga muvofiq tegishli taqiqlar va (yoki) cheklovlar belgilangan tovarlarga toʻldiriladi.”.
2. Quyidagi mazmundagi 3 1 -band bilan toʻldirilsin:
“3 1 . Deklaratsiya bojxona organlarida rasmiylashtirilgan yildan keyingi yildan eʼtiboran uch yil davomida saqlanadi.”.
3. 4-banddagi “qimmatbaho buyumlar” degan soʻzlar “har qanday koʻrinishdagi va holatdagi qimmatbaho metallar va qimmatbaho toshlardan yasalgan buyumlar (bundan buyon matnda qimmatbaho buyumlar deb yuritiladi)” degan soʻzlar bilan almashtirsin.
4. Ilovaning Yoʻlovchi bojxona deklaratsiyasi namunasining eslatma qismida:
a) 2-bandning “b” kichik bandi quyidagi tahrirda bayon etilsin:
“b) don (bugʻdoy, suli, arpa, guruch, makkajoʻxori, grechixa); non-bulka mahsulotlari (oʻzi ishlab chiqargan, xamirdan tayyorlangan qandolat mahsulotlari, pirojniylar, pechenyelar, suxari, qovurilgan burda non va shunga oʻxshash qovurilgan mahsulotlardan tashqari); un, yormalar; uy hayvonlari, parrandalar; goʻsht va isteʼmolbop goʻshtli qoʻshimcha mahsulotlar, uy parrandasining istemolbop mahsulotlari (tovuq panjalaridan tashqari); shakar; oʻsimlik yogʻlari; teri xomashyosi (nostandart terilar ham), teri-moʻyna, shu jumladan qorakoʻl terisi (nostandart terilar ham) xomashyosi; rangli metall parchalari va chiqindilari; chuvatish imkoni boʻlgan pilla, xom ipak (eshilmagani), ipak chiqindilari (shu jumladan chuvatish imkoni boʻlmagan pilla, pilla ipi chiqindilari va yumshatilgan chiqindilari); polietilentereftalat (PET) chiqitlari, qiyqindilari va skrap (qirindi)lari, shuningdek, qonun hujjatlarida belgilangan roʻyxatga asosan respublikadan olib chiqib ketilishi mumkin boʻlmagan biologik obyektlar.”;
b) 6-banddan “Qiymati 1000 AQSh dollari ekvivalentigacha boʻlgan tovarlar (tijorat maqsadida olib chiqilayotgan tovarlar bundan mustasno) Oʻzbekiston Respublikasi bojxona hududidan olib chiqilayotganda Deklaratsiyaning 6-bandida koʻrsatiladi. Tovarlarning qiymati 1000 AQSh dollaridan oshadigan boʻlsa, bojxona yuk deklaratsiyasi rasmiylashtirilishi lozim.” degan soʻzlar chiqarib tashlansin.
5. Mazkur oʻzgartirishlar va qoʻshimcha Oʻzbekiston Respublikasi Davlat statistika qoʻmitasi bilan kelishilgan.
Rais Z. DUSANOV
Davlat statistika qoʻmitasi raisi B. TURAYEV
Toshkent sh.,
2016-yil 16-sentabr,
2016-yil 16-sentabr
01-02/12-59-son