📅 2016-yil 17-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 17 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 октября 2016 г. · Постановления Кабинета Министров
Официальный текст. Официальный документ. Редакционные примечания не включены.
📅 17 October 2016 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Руҳий ҳолати бузилган шахсларни мажбурий даволаш учун Ўзбекистон Республикаси томонидан бериш ва қабул қилиш ишларини ташкил этиш тўғрисида
Руҳий ҳолати бузилган шахсларни мажбурий даволаш учун бериш тўғрисидаги конвенция (Москва, 1997 йил 28 март) қоидаларини ва ушбу соҳада Ўзбекистон Республикасининг бошқа халқаро шартномаларини бажариш бўйича Ўзбекистон Республикаси мажбуриятлари амалга оширилишини таъминлаш мақсадида Вазирлар Маҳкамаси қарор қилади:
1. Руҳий ҳолати бузилган шахсларни мажбурий даволаш учун бериш тўғрисидаги конвенция (Москва, 1997 йил 28 март) қоидалари амалга оширилиши учун масъул бўлган ваколатли орган этиб Ўзбекистон Республикаси Бош прокуратураси белгиланлиги маълумот учун қабул қилинсин.
2. Руҳий ҳолати бузилган шахсларни мажбурий даволаш учун Ўзбекистон Республикаси томонидан бериш ва қабул қилиш тартиби тўғрисидаги низом иловага мувофиқ тасдиқлансин.
3. Ўзбекистон Республикаси Ички ишлар вазирлиги Соғлиқни сақлаш вазирлиги билан биргаликда ушбу қарор билан тасдиқланган низомга мувофиқ руҳий ҳолати бузилган шахслар мажбурий даволаш учун берилиши ва қабул қилинишини таъминласин.
4. Белгилансинки:
Ўзбекистон Республикаси Ички ишлар вазирлиги ва Соғлиқни сақлаш вазирлигининг руҳий ҳолати бузилган шахсларни мажбурий даволаш учун бериш ва қабул қилиш, шу жумладан ички ишлар органлари ва соғлиқни сақлаш ходимларини хорижий давлатларга хизмат сафарига юбориш билан боғлиқ харажатлари ҳар йили Ўзбекистон Республикаси Ички ишлар вазирлиги ва Соғлиқни сақлаш вазирлигига ажратиладиган бюджет маблағлари доирасида қопланади;
руҳий ҳолати бузилган шахсларни мажбурий даволаш учун бериш ва қабул қилиш билан боғлиқ транспорт харажатлари ҳар йили Ўзбекистон Республикаси Ички ишлар вазирлигига ажратиладиган бюджет маблағлари доирасида қопланади.
5. Ўзбекистон Республикаси Ташқи ишлар вазирлиги Ўзбекистон Республикаси Ички ишлар вазирлигининг буюртманомалари бўйича ички ишлар органлари ва соғлиқни сақлаш ходимларига хорижий давлатларга чиқиш визаларини, шунингдек руҳий ҳолати бузилган шахсларнинг мажбурий даволаш учун Ўзбекистон Республикасига қайтиши учун зарур бўлган ҳужжатларни расмийлаштиришда кўмаклашсин.
6. Ўзбекистон Республикаси Марказий банкига ва тижорат банкларига Ўзбекистон Республикаси Ички ишлар вазирлиги ва Соғлиқни сақлаш вазирлигининг буюртманомалари бўйича руҳий ҳолати бузилган шахсларни мажбурий даволаш учун Ўзбекистон Республикасидан бериш ва Ўзбекистон Республикасига қабул қилиш учун зарур бўлган пул маблағларини конвертация қилиш тавсия қилинсин.
7. Вазирликлар ва идоралар бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсинлар.
8. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари, Молия вазири Р.С. Азимов ва Ўзбекистон Республикаси Бош вазирнинг ўринбосари А.И. Икрамов зиммасига юклансин.
Вазирлар Маҳкамасининг 2016 йил 17 октябрдаги 346-сон қарорига ИЛОВА
Руҳий ҳолати бузилган шахсларни мажбурий даволаш учун Ўзбекистон Республикаси томонидан бериш ва қабул қилиш тартиби тўғрисида
1-боб. Умумий қоидалар
1. Ушбу Низом Руҳий ҳолати бузилган шахсларни мажбурий даволаш учун бериш тўғрисидаги конвенция (Москва, 1997 йил 28 март) ва ушбу соҳада Ўзбекистон Республикасининг бошқа халқаро шартномалари асосида руҳий ҳолати бузилган шахсларни мажбурий даволаш учун (кейинги ўринларда руҳий ҳолати бузилган шахс деб аталади) Ўзбекистон Республикасидан хорижий давлатга бериш ва хорижий давлатдан Ўзбекистон Республикасига қабул қилиш тартибини белгилайди.
2. Руҳий ҳолати бузилган шахсларни Ўзбекистон Республикасидан хорижий давлатга бериш ва хорижий давлатдан Ўзбекистон Республикасига қабул қилиш Ўзбекистон Республикаси Ички ишлар вазирлиги томонидан Бош прокуратуранинг қарори асосида Соғлиқни сақлаш вазирлиги билан биргаликда амалга оширилади.
2-боб. Руҳий ҳолати бузилган шахсларни бериш ва қабул қилиш тартиби
3. Ўзбекистон Республикаси Соғлиқни сақлаш вазирлиги Бош прокуратуранинг сўрови бўйича 15 иш куни мобайнида:
руҳий ҳолати бузилган шахсни зарур тарзда даволашни ва хавфсизликнинг тегишли чораларини таъминлаш имконияти тўғрисида хулоса беради;
руҳий ҳолати бузилган шахсни мажбурий даволаш учун Ўзбекистон Республикаси ҳудудида психиатрия муассасасини белгилайди;
Руҳий ҳолати бузилган шахсларни мажбурий даволаш учун бериш тўғрисидаги конвенцияда (Москва, 1997 йил 28 март) ва ушбу соҳада Ўзбекистон Республикасининг бошқа халқаро шартномаларида назарда тутилган ҳужжатларни ҳамда бошқа ҳужжатларни тақдим этади.
4. Ўзбекистон Республикаси Ички ишлар вазирлиги Бош прокуратуранинг руҳий ҳолати бузилган шахсни бериш ёки қабул қилиш тўғрисидаги қарори олингандан кейин:
15 иш куни мобайнида Соғлиқни сақлаш вазирлиги билан биргаликда руҳий ҳолати бузилган шахсларни транспортда олиб юриш шароитларини, бериш ёки қабул қилиш жойи, вақти ва тартибини белгилайди ҳамда хорижий давлатнинг ваколатли органи билан келишиш учун улар тўғрисида Ўзбекистон Республикаси Бош прокуратурасига маълум қилади;
руҳий ҳолати бузилган шахсни бериш жойидан Ўзбекистон Республикаси ҳудудида психиатрия муассасасигача ҳамда Ўзбекистон Республикаси ҳудудидаги психиатрия муассасасидан хорижий давлатга бериш жойигача транспортда олиб юради ва уларга ҳамроҳлик қилади;
руҳий ҳолати бузилган шахсни транспортда олиб юриш хавфсизлигини таъминлайди.
5. Руҳий ҳолати бузилган шахсни транспортда олиб юриш вақтида фавқулодда ҳодисалар юз берганда Ички ишлар вазирлиги дарҳол Ўзбекистон Республикаси Бош прокуратурасига маълум қилади.
6. Ўзбекистон Республикаси Соғлиқни сақлаш вазирлиги Бош прокуратуранинг руҳий ҳолати бузилган шахсни бериш ёки қабул қилиш тўғрисидаги қарори олингандан кейин:
15 иш куни мобайнида руҳий ҳолати бузилган шахсни транспортда олиб юришга монеликларни ўрганади. Транспортда олиб юришга монеликлар аниқланган тақдирда руҳий ҳолати бузилган шахсни бериш ёки қабул қилишни кечиктириш тўғрисида Ўзбекистон Республикаси Бош прокуратурасига ва Ички ишлар вазирлигига асосланган таклиф юборади;
руҳий ҳолати бузилган шахсни бериш жойидан Ўзбекистон Республикаси ҳудудида психиатрия муассасасигача ҳамда Ўзбекистон Республикаси ҳудудидаги психиатрия муассасасидан хорижий давлатга бериш жойигача ҳамкорлик қилади ва ушбу мақсадлар учун зарур тиббиёт ходимларини ажратади;
15 иш куни мобайнида руҳий ҳолати бузилган шахсга ҳамроҳлик қилиш даврида зарур бўладиган дори воситалари ва тиббиёт буюмлари рўйхатини белгиланган тартибда тасдиқлайди;
зарур ҳолларда руҳий ҳолати бузилган шахсни транспортда олиб юриш учун махсус транспорт ажратади.
7. Руҳий ҳолати бузилган шахснинг соғайиши ёки руҳий ҳолати ўзгариши ҳисобга олинган ҳолда тиббий йўсиндаги мажбурлов чоралари бекор қилинган ёки ўзгарган тақдирда Соғлиқни сақлаш вазирлиги қабул қилинган қарор тўғрисида дарҳол Ўзбекистон Республикаси Бош прокуратурасини хабардор қилади.
8. Руҳий ҳолати бузилган шахсни бериш ёки қабул қилиш, шунингдек унга тегишли буюмлар, пул ва қимматбаҳо нарсалар икки нусхада тузиладиган ҳамда бераётган ва қабул қилаётган тарафларнинг вакиллари томонидан имзоланадиган далолатнома билан тасдиқланади.
3-боб. Якунловчи қоида
9. Ушбу Низом талаблари бузилишида айбдор бўлган шахслар қонунчиликда белгиланган тартибда жавоб берадилар.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2016 йил 17 октябрь,
346-сон
Oʻzbekiston Respublikasi Vazirlar Mahkamasining
qarori
NIZOM
Ruhiy holati buzilgan shaxslarni majburiy davolash uchun Oʻzbekiston Respublikasi tomonidan berish va qabul qilish ishlarini tashkil etish toʻgʻrisida
Ruhiy holati buzilgan shaxslarni majburiy davolash uchun berish toʻgʻrisidagi konvensiya (Moskva, 1997-yil 28-mart) qoidalarini va ushbu sohada Oʻzbekiston Respublikasining boshqa xalqaro shartnomalarini bajarish boʻyicha Oʻzbekiston Respublikasi majburiyatlari amalga oshirilishini taʼminlash maqsadida Vazirlar Mahkamasi qaror qiladi:
1. Ruhiy holati buzilgan shaxslarni majburiy davolash uchun berish toʻgʻrisidagi konvensiya (Moskva, 1997-yil 28-mart) qoidalari amalga oshirilishi uchun masʼul boʻlgan vakolatli organ etib Oʻzbekiston Respublikasi Bosh prokuraturasi belgilanligi maʼlumot uchun qabul qilinsin.
2. Ruhiy holati buzilgan shaxslarni majburiy davolash uchun Oʻzbekiston Respublikasi tomonidan berish va qabul qilish tartibi toʻgʻrisidagi nizom ilovaga muvofiq tasdiqlansin.
3. Oʻzbekiston Respublikasi Ichki ishlar vazirligi Sogʻliqni saqlash vazirligi bilan birgalikda ushbu qaror bilan tasdiqlangan nizomga muvofiq ruhiy holati buzilgan shaxslar majburiy davolash uchun berilishi va qabul qilinishini taʼminlasin.
4. Belgilansinki:
Oʻzbekiston Respublikasi Ichki ishlar vazirligi va Sogʻliqni saqlash vazirligining ruhiy holati buzilgan shaxslarni majburiy davolash uchun berish va qabul qilish, shu jumladan ichki ishlar organlari va sogʻliqni saqlash xodimlarini xorijiy davlatlarga xizmat safariga yuborish bilan bogʻliq xarajatlari har yili Oʻzbekiston Respublikasi Ichki ishlar vazirligi va Sogʻliqni saqlash vazirligiga ajratiladigan budjet mablagʻlari doirasida qoplanadi;
ruhiy holati buzilgan shaxslarni majburiy davolash uchun berish va qabul qilish bilan bogʻliq transport xarajatlari har yili Oʻzbekiston Respublikasi Ichki ishlar vazirligiga ajratiladigan budjet mablagʻlari doirasida qoplanadi.
5. Oʻzbekiston Respublikasi Tashqi ishlar vazirligi Oʻzbekiston Respublikasi Ichki ishlar vazirligining buyurtmanomalari boʻyicha ichki ishlar organlari va sogʻliqni saqlash xodimlariga xorijiy davlatlarga chiqish vizalarini, shuningdek ruhiy holati buzilgan shaxslarning majburiy davolash uchun Oʻzbekiston Respublikasiga qaytishi uchun zarur boʻlgan hujjatlarni rasmiylashtirishda koʻmaklashsin.
6. Oʻzbekiston Respublikasi Markaziy bankiga va tijorat banklariga Oʻzbekiston Respublikasi Ichki ishlar vazirligi va Sogʻliqni saqlash vazirligining buyurtmanomalari boʻyicha ruhiy holati buzilgan shaxslarni majburiy davolash uchun Oʻzbekiston Respublikasidan berish va Oʻzbekiston Respublikasiga qabul qilish uchun zarur boʻlgan pul mablagʻlarini konvertatsiya qilish tavsiya qilinsin.
7. Vazirliklar va idoralar bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsinlar.
8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari, Moliya vaziri R.S. Azimov va Oʻzbekiston Respublikasi Bosh vazirning oʻrinbosari A.I. Ikramov zimmasiga yuklansin.
Vazirlar Mahkamasining 2016-yil 17-oktabrdagi 346-son qaroriga ILOVA
Ruhiy holati buzilgan shaxslarni majburiy davolash uchun Oʻzbekiston Respublikasi tomonidan berish va qabul qilish tartibi toʻgʻrisida
1-bob. Umumiy qoidalar
1. Ushbu Nizom Ruhiy holati buzilgan shaxslarni majburiy davolash uchun berish toʻgʻrisidagi konvensiya (Moskva, 1997-yil 28-mart) va ushbu sohada Oʻzbekiston Respublikasining boshqa xalqaro shartnomalari asosida ruhiy holati buzilgan shaxslarni majburiy davolash uchun (keyingi oʻrinlarda ruhiy holati buzilgan shaxs deb ataladi) Oʻzbekiston Respublikasidan xorijiy davlatga berish va xorijiy davlatdan Oʻzbekiston Respublikasiga qabul qilish tartibini belgilaydi.
2. Ruhiy holati buzilgan shaxslarni Oʻzbekiston Respublikasidan xorijiy davlatga berish va xorijiy davlatdan Oʻzbekiston Respublikasiga qabul qilish Oʻzbekiston Respublikasi Ichki ishlar vazirligi tomonidan Bosh prokuraturaning qarori asosida Sogʻliqni saqlash vazirligi bilan birgalikda amalga oshiriladi.
2-bob. Ruhiy holati buzilgan shaxslarni berish va qabul qilish tartibi
3. Oʻzbekiston Respublikasi Sogʻliqni saqlash vazirligi Bosh prokuraturaning soʻrovi boʻyicha 15 ish kuni mobaynida:
ruhiy holati buzilgan shaxsni zarur tarzda davolashni va xavfsizlikning tegishli choralarini taʼminlash imkoniyati toʻgʻrisida xulosa beradi;
ruhiy holati buzilgan shaxsni majburiy davolash uchun Oʻzbekiston Respublikasi hududida psixiatriya muassasasini belgilaydi;
Ruhiy holati buzilgan shaxslarni majburiy davolash uchun berish toʻgʻrisidagi konvensiyada (Moskva, 1997-yil 28-mart) va ushbu sohada Oʻzbekiston Respublikasining boshqa xalqaro shartnomalarida nazarda tutilgan hujjatlarni hamda boshqa hujjatlarni taqdim etadi.
4. Oʻzbekiston Respublikasi Ichki ishlar vazirligi Bosh prokuraturaning ruhiy holati buzilgan shaxsni berish yoki qabul qilish toʻgʻrisidagi qarori olingandan keyin:
15 ish kuni mobaynida Sogʻliqni saqlash vazirligi bilan birgalikda ruhiy holati buzilgan shaxslarni transportda olib yurish sharoitlarini, berish yoki qabul qilish joyi, vaqti va tartibini belgilaydi hamda xorijiy davlatning vakolatli organi bilan kelishish uchun ular toʻgʻrisida Oʻzbekiston Respublikasi Bosh prokuraturasiga maʼlum qiladi;
ruhiy holati buzilgan shaxsni berish joyidan Oʻzbekiston Respublikasi hududida psixiatriya muassasasigacha hamda Oʻzbekiston Respublikasi hududidagi psixiatriya muassasasidan xorijiy davlatga berish joyigacha transportda olib yuradi va ularga hamrohlik qiladi;
ruhiy holati buzilgan shaxsni transportda olib yurish xavfsizligini taʼminlaydi.
5. Ruhiy holati buzilgan shaxsni transportda olib yurish vaqtida favqulodda hodisalar yuz berganda Ichki ishlar vazirligi darhol Oʻzbekiston Respublikasi Bosh prokuraturasiga maʼlum qiladi.
6. Oʻzbekiston Respublikasi Sogʻliqni saqlash vazirligi Bosh prokuraturaning ruhiy holati buzilgan shaxsni berish yoki qabul qilish toʻgʻrisidagi qarori olingandan keyin:
15 ish kuni mobaynida ruhiy holati buzilgan shaxsni transportda olib yurishga moneliklarni oʻrganadi. Transportda olib yurishga moneliklar aniqlangan taqdirda ruhiy holati buzilgan shaxsni berish yoki qabul qilishni kechiktirish toʻgʻrisida Oʻzbekiston Respublikasi Bosh prokuraturasiga va Ichki ishlar vazirligiga asoslangan taklif yuboradi;
ruhiy holati buzilgan shaxsni berish joyidan Oʻzbekiston Respublikasi hududida psixiatriya muassasasigacha hamda Oʻzbekiston Respublikasi hududidagi psixiatriya muassasasidan xorijiy davlatga berish joyigacha hamkorlik qiladi va ushbu maqsadlar uchun zarur tibbiyot xodimlarini ajratadi;
15 ish kuni mobaynida ruhiy holati buzilgan shaxsga hamrohlik qilish davrida zarur boʻladigan dori vositalari va tibbiyot buyumlari roʻyxatini belgilangan tartibda tasdiqlaydi;
zarur hollarda ruhiy holati buzilgan shaxsni transportda olib yurish uchun maxsus transport ajratadi.
7. Ruhiy holati buzilgan shaxsning sogʻayishi yoki ruhiy holati oʻzgarishi hisobga olingan holda tibbiy yoʻsindagi majburlov choralari bekor qilingan yoki oʻzgargan taqdirda Sogʻliqni saqlash vazirligi qabul qilingan qaror toʻgʻrisida darhol Oʻzbekiston Respublikasi Bosh prokuraturasini xabardor qiladi.
8. Ruhiy holati buzilgan shaxsni berish yoki qabul qilish, shuningdek unga tegishli buyumlar, pul va qimmatbaho narsalar ikki nusxada tuziladigan hamda berayotgan va qabul qilayotgan taraflarning vakillari tomonidan imzolanadigan dalolatnoma bilan tasdiqlanadi.
3-bob. Yakunlovchi qoida
9. Ushbu Nizom talablari buzilishida aybdor boʻlgan shaxslar qonunchilikda belgilangan tartibda javob beradilar.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2016-yil 17-oktabr,
346-son
Кабинета Министров Республики Узбекистан
Постановление
ПОЛОЖЕНИЕ
Об организации работы по передаче и принятию Республикой Узбекистан лиц, страдающих психическими расстройствами, для проведения принудительного лечения
В целях обеспечения реализации обязательств Республики Узбекистан по выполнению положений Конвенции о передаче лиц, страдающих психическими расстройствами, для проведения принудительного лечения (Москва, 28 марта 1997 года) и других международных договоров Республики Узбекистан в данной сфере Кабинет Министров постановляет:
1. Принять к сведению, что компетентным органом, ответственным за реализацию положений Конвенции о передаче лиц, страдающих психическими расстройствами, для проведения принудительного лечения (Москва, 28 марта 1997 года), определена Генеральная прокуратура Республики Узбекистан.
2. Утвердить Положение о порядке передачи и принятия Республикой Узбекистан лиц, страдающих психическими расстройствами, для проведения принудительного лечения согласно приложению .
3. Министерству внутренних дел совместно с Министерством здравоохранения Республики Узбекистан обеспечить передачу и принятие лиц, страдающих психическими расстройствами, для проведения принудительного лечения в соответствии с Положением, утвержденным настоящим постановлением.
4. Установить, что:
расходы Министерства внутренних дел и Министерства здравоохранения Республики Узбекистан, связанные с передачей и принятием лиц, страдающих психическими расстройствами, для проведения принудительного лечения, в том числе командированием работников органов внутренних дел и здравоохранения в иностранные государства, покрываются в пределах бюджетных ассигнований, ежегодно выделяемых Министерству внутренних дел и Министерству здравоохранения Республики Узбекистан;
транспортные расходы лиц, страдающих психическими расстройствами, связанные с их передачей и принятием для проведения принудительного лечения, покрываются в пределах бюджетных ассигнований, ежегодно выделяемых Министерству внутренних дел Республики Узбекистан.
5. Министерству иностранных дел Республики Узбекистан оказывать содействие в оформлении въездных виз в иностранные государства работникам органов внутренних дел и здравоохранения по заявкам Министерства внутренних дел Республики Узбекистан, а также документов, необходимых для возвращения в Республику Узбекистан лиц, страдающих психическими расстройствами, для проведения принудительного лечения.
6. Рекомендовать Центральному банку Республики Узбекистан и уполномоченным банкам по заявкам Министерства внутренних дел и Министерства здравоохранения Республики Узбекистан осуществлять конвертацию денежных средств, необходимых для передачи из Республики Узбекистан и принятия в Республику Узбекистан лиц, страдающих психическими расстройствами, для проведения принудительного лечения.
7. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
8. Контроль за исполнением настоящего постановления возложить на первого заместителя Премьер-министра, министра финансов Республики Узбекистан Р.С. Азимова и заместителя Премьер-министра Республики Узбекистан А.И. Икрамова.
ПРИЛОЖЕНИЕ к постановлению Кабинета Министров от 17 октября 2016 года № 346
о порядке передачи и принятия Республикой Узбекистан лиц, страдающих психическими расстройствами, для проведения принудительного лечения
Глава 1. Общие положения
1. Настоящее Положение определяет порядок передачи Республикой Узбекистан иностранному государству и принятия Республикой Узбекистан от иностранного государства лиц, страдающих психическими расстройствами, для проведения принудительного лечения (далее — лицо, страдающее психическим расстройством) на основе Конвенции о передаче лиц, страдающих психическими расстройствами, для проведения принудительного лечения (Москва, 28 марта 1997 года) и других международных договоров Республики Узбекистан в данной сфере.
2. Передача Республикой Узбекистан иностранному государству и принятие Республикой Узбекистан от иностранного государства лиц, страдающих психическим расстройством, осуществляется Министерством внутренних дел совместно с Министерством здравоохранения, на основании решения Генеральной прокуратуры Республики Узбекистан.
Глава 2. Порядок передачи и принятия лица, страдающего психическим расстройством
3. Министерство здравоохранения по запросу Генеральной прокуратуры Республики Узбекистан в течение 15 рабочих дней:
дает заключение о возможности обеспечить необходимое лечение и соответствующие меры безопасности лица, страдающего психическим расстройством;
определяет психиатрическое учреждение на территории Республики Узбекистан для лица, страдающего психическим расстройством;
представляет документы, предусмотренные Конвенцией о передаче лиц, страдающих психическими расстройствами, для проведения принудительного лечения (Москва, 28 марта 1997 года) и другими международными договорами Республики Узбекистан в данной сфере, а также иные необходимые документы.
4. Министерство внутренних дел после получения решения Генеральной прокуратуры Республики Узбекистан о передаче или принятии лица, страдающего психическим расстройством:
в течение 15 рабочих дней совместно с Министерством здравоохранения определяет условия транспортировки, место, время и порядок передачи или принятия лица, страдающего психическим расстройством, и сообщает о них в Генеральную прокуратуру Республики Узбекистан для согласования с компетентным органом иностранного государства;
осуществляет транспортировку и сопровождение лица, страдающего психическим расстройством, от места передачи до психиатрического учреждения на территории Республики Узбекистан, а также от психиатрического учреждения на территории Республики Узбекистан до места передачи иностранному государству;
обеспечивает безопасность транспортировки лица, страдающего психическим расстройством.
5. При возникновении чрезвычайных ситуаций во время транспортировки лица, страдающего психическим расстройством, Министерство внутренних дел незамедлительно извещает Генеральную прокуратуру Республики Узбекистан.
6. Министерство здравоохранения после получения решения Генеральной прокуратуры Республики Узбекистан о передаче или принятии лица, страдающего психическим расстройством:
в течение 15 рабочих дней изучает противопоказания к транспортировке лица, страдающего психическим расстройством. При выявлении противопоказаний к транспортировке направляет обоснованное предложение об отсрочке передачи или принятия лица, страдающего психическим расстройством, в Генеральную прокуратуру и Министерство внутренних дел Республики Узбекистан;
осуществляет сопровождение лица, страдающего психическим расстройством, от места передачи до психиатрического учреждения на территории Республики Узбекистан, а также от психиатрического учреждения на территории Республики Узбекистан до места передачи иностранному государству и выделяет для этих целей необходимый медицинский персонал;
в течение 15 рабочих дней утверждает в установленном порядке перечень лекарственных средств и изделий медицинского назначения, необходимых на период сопровождения лица, страдающего психическим расстройством;
в необходимых случаях выделяет специальный транспорт для транспортировки лица, страдающего психическим расстройством.
7. В случае отмены или изменения принудительной меры медицинского характера с учетом выздоровления или изменения психического состояния лица, страдающего психическим расстройством, Министерство здравоохранения незамедлительно извещает Генеральную прокуратуру Республики Узбекистан о принятом решении.
8. Факт передачи или принятия лица, страдающего психическим расстройством, а также принадлежащих ему вещей, денег и ценностей удостоверяется актом, который составляется в двух экземплярах и подписывается представителями передающей и принимающей сторон.
Глава 3. Заключительное положение
9. Лица, виновные в нарушении требований настоящего Положения, несут ответственность в установленном законодательством порядке.
Премьер-министр Республики Узбекистан Ш. МИРЗИЁЕВ
г. Ташкент,
17 октября 2016 г.,
№ 346