📅 2016-yil 26-oktabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 26 октябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 26 октября 2016 г. · Указы Президента
Официальный текст. Официальный документ. Редакционные примечания не включены.
📅 26 October 2016 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Эркин иқтисодий зоналар фаолиятини фаоллаштириш ва кенгайтиришга доир қўшимча чора-тадбирлар тўғрисида
Мамлакатимизда юқори технологияли янги ишлаб чиқариш қувватларини ташкил этиш, ҳудудларни рақобатдош ва экспортга йўналтирилган замонавий саноат маҳсулотлари ишлаб чиқаришни ўзлаштиришга янада фаол жалб қилиш, ишлаб чиқариш, муҳандислик-коммуникация, йўл-транспорт, ижтимоий инфратузилма ва логистика хизматларини жадал ривожлантиришни таъминлаш учун тўғридан-тўғри хорижий инвестицияларни жалб этишни кенгайтиришнинг энг муҳим омили сифатида эркин иқтисодий зоналарни изчил ривожлантириш борасида янада қулай шарт-шароитлар яратиш мақсадида:
1. Ўзбекистон Республикаси Иқтисодиёт вазирлиги, Ташқи иқтисодий алоқалар, инвестициялар ва савдо вазирлигининг «Навоий» эркин индустриал-иқтисодий зонаси, «Ангрен» ва «Жиззах» махсус индустриал зоналари номини бирхиллаштириш мақсадида уларни «Навоий», «Ангрен» ва «Жиззах» эркин иқтисодий зоналар деб аташ тўғрисидаги таклифи қабул қилинсин.
2. Қуйидагилар «Навоий», «Ангрен» ва «Жиззах» эркин иқтисодий зоналари (кейинги ўринда — эркин иқтисодий зоналар) фаолиятини янада ривожлантиришнинг асосий йўналишлари этиб белгилансин:
хорижий инвесторларга мамлакатимиз иқтисодиётининг реал секторларига инвестиция киритиши учун янада қулай шароитлар яратиш мақсадида эркин иқтисодий зоналар учун ягона ҳуқуқий режимни белгилаш, солиқ ва божхона имтиёзлари, преференцияларни бирхиллаштириш;
маҳаллий минерал-хом ашё ресурсларини чуқур қайта ишлайдиган ва юқори қўшимча қийматга эга рақобатдош маҳсулотлар ишлаб чиқарадиган юқори технологияли ва маҳаллийлаштириладиган замонавий корхоналарни ташкил қилиш учун тўғридан-тўғри инвестицияларни, авваламбор, хорижий инвестицияларни фаол жалб этиш, эркин иқтисодий зоналарнинг муайян соҳага ихтисослашувини қўллаб-қувватлаш ва уларда саноат кооперациясини ривожлантириш;
эркин иқтисодий зоналарда «ягона дарча» тамойили асосида барча турдаги давлат хизматларини кўрсатишга, жумладан, рухсат бериш тартиб-таомилларига босқичма-босқич ўтиш;
ишлаб чиқариш, муҳандислик-коммуникация, йўл-транспорт ва ижтимоий инфратузилмани жадал ривожлантириш, шунингдек, сифатли логистика хизматлари кўрсатиш бўйича замонавий инфратузилмани шакллантириш;
олий, ўрта махсус касб-ҳунар таълими муассасаларида эркин иқтисодий зоналарнинг соҳа кадрларига бўлган ҳозирги ва истиқболдаги эҳтиёжларидан келиб чиқиб, уларнинг эркин иқтисодий зоналарда жойлашган корхоналарда ишлаб чиқариш амалиётини ўташини назарда тутган ҳолда, юқори малакали мутахассисларни тайёрлашни ташкил этиш.
3. Махсус иқтисодий зоналар иштирокчиларига Ўзбекистон Республикаси Солиқ кодекси ва Ўзбекистон Республикасининг «Махсус иқтисодий зоналар тўғрисида»ги Қонунида белгиланган тартибда алоҳида солиқлар, шунингдек, божхона тўловлари бўйича имтиёзларни қўллашнинг ўзига хос хусусиятлари назарда тутилади.
4. Белгилаб қўйилсинки, Фармоннинг 3-бандида кўзда тутилган солиқ имтиёзлари киритилган инвестициялар ҳажмига қараб 3 йилдан 10 йил муддатгача, жумладан:
300 минг АҚШ долларидан 3 миллион АҚШ долларигача ҳажмдаги инвестициялар — 3 йил муддатга;
3 миллион АҚШ долларидан 5 миллион АҚШ долларигача ҳажмдаги инвестициялар — 5 йил муддатга;
5 миллион АҚШ долларидан 10 миллион АҚШ долларигача ҳажмдаги инвестициялар — 7 йил муддатга;
10 миллион АҚШ доллари ва ундан юқори — 10 йил муддатга берилади.
8. Ўзбекистон Республикаси Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги бошқа манфаатдор вазирлик ва идоралар, акциядорлик компаниялари ва уюшмалар билан биргаликда бир ой муддатда Ўзбекистон Республикаси Вазирлар Маҳкамасига:
эркин иқтисодий зоналар Маъмурий кенгаши тўғрисидаги низомни;
«Навоий», «Ангрен» ва «Жиззах» эркин иқтисодий зоналари фаолиятини янада такомиллаштириш ва кенгайтириш бўйича қонунчиликни такомиллаштириш, ишлаб чиқариш, муҳандислик-коммуникация ва транспорт инфратузилмасини ва ушбу зоналарни ривожлантиришнинг бошқа масалаларига тааллуқли аниқ тадбирлар кўзда тутилган чора-тадбирлар дастурини тасдиқлаш учун тақдим этсин.
9. Ўзбекистон Республикаси Ташқи иқтисодий алоқалар, инвестициялар ва савдо вазирлиги Адлия вазирлиги ҳамда бошқа манфаатдор вазирлик ва идоралар билан биргаликда қонун ҳужжатларига ушбу Фармондан келиб чиқувчи ўзгартиш ва қўшимчалар тўғрисида икки ой муддатда Ўзбекистон Республикаси Вазирлар Маҳкамасига таклифлар киритсин.
10. Мазкур Фармоннинг ижросини назорат қилиш Ўзбекистон Республикаси Бош вазирининг биринчи ўринбосари Р. Азимов зиммасига юклансин.
Ўзбекистон Республикаси Президенти вазифасини бажарувчи Ш. МИРЗИЁЕВ
Тошкент ш.,
2016 йил 26 октябрь,
ПФ-4853-сон
Oʻzbekiston Respublikasi Prezidentining
Farmoni
Erkin iqtisodiy zonalar faoliyatini faollashtirish va kengaytirishga doir qoʻshimcha chora-tadbirlar toʻgʻrisida
Mamlakatimizda yuqori texnologiyali yangi ishlab chiqarish quvvatlarini tashkil etish, hududlarni raqobatdosh va eksportga yoʻnaltirilgan zamonaviy sanoat mahsulotlari ishlab chiqarishni oʻzlashtirishga yanada faol jalb qilish, ishlab chiqarish, muhandislik-kommunikatsiya, yoʻl-transport, ijtimoiy infratuzilma va logistika xizmatlarini jadal rivojlantirishni taʼminlash uchun toʻgʻridan-toʻgʻri xorijiy investitsiyalarni jalb etishni kengaytirishning eng muhim omili sifatida erkin iqtisodiy zonalarni izchil rivojlantirish borasida yanada qulay shart-sharoitlar yaratish maqsadida:
1. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligining “Navoiy” erkin industrial-iqtisodiy zonasi, “Angren” va “Jizzax” maxsus industrial zonalari nomini birxillashtirish maqsadida ularni “Navoiy”, “Angren” va “Jizzax” erkin iqtisodiy zonalar deb atash toʻgʻrisidagi taklifi qabul qilinsin.
2. Quyidagilar “Navoiy”, “Angren” va “Jizzax” erkin iqtisodiy zonalari (keyingi oʻrinda — erkin iqtisodiy zonalar) faoliyatini yanada rivojlantirishning asosiy yoʻnalishlari etib belgilansin:
xorijiy investorlarga mamlakatimiz iqtisodiyotining real sektorlariga investitsiya kiritishi uchun yanada qulay sharoitlar yaratish maqsadida erkin iqtisodiy zonalar uchun yagona huquqiy rejimni belgilash, soliq va bojxona imtiyozlari, preferensiyalarni birxillashtirish;
mahalliy mineral-xom ashyo resurslarini chuqur qayta ishlaydigan va yuqori qoʻshimcha qiymatga ega raqobatdosh mahsulotlar ishlab chiqaradigan yuqori texnologiyali va mahalliylashtiriladigan zamonaviy korxonalarni tashkil qilish uchun toʻgʻridan-toʻgʻri investitsiyalarni, avvalambor, xorijiy investitsiyalarni faol jalb etish, erkin iqtisodiy zonalarning muayyan sohaga ixtisoslashuvini qoʻllab-quvvatlash va ularda sanoat kooperatsiyasini rivojlantirish;
erkin iqtisodiy zonalarda “yagona darcha” tamoyili asosida barcha turdagi davlat xizmatlarini koʻrsatishga, jumladan, ruxsat berish tartib-taomillariga bosqichma-bosqich oʻtish;
ishlab chiqarish, muhandislik-kommunikatsiya, yoʻl-transport va ijtimoiy infratuzilmani jadal rivojlantirish, shuningdek, sifatli logistika xizmatlari koʻrsatish boʻyicha zamonaviy infratuzilmani shakllantirish;
oliy, oʻrta maxsus kasb-hunar taʼlimi muassasalarida erkin iqtisodiy zonalarning soha kadrlariga boʻlgan hozirgi va istiqboldagi ehtiyojlaridan kelib chiqib, ularning erkin iqtisodiy zonalarda joylashgan korxonalarda ishlab chiqarish amaliyotini oʻtashini nazarda tutgan holda, yuqori malakali mutaxassislarni tayyorlashni tashkil etish.
3. Maxsus iqtisodiy zonalar ishtirokchilariga Oʻzbekiston Respublikasi Soliq kodeksi va Oʻzbekiston Respublikasining “Maxsus iqtisodiy zonalar toʻgʻrisida”gi Qonunida belgilangan tartibda alohida soliqlar, shuningdek, bojxona toʻlovlari boʻyicha imtiyozlarni qoʻllashning oʻziga xos xususiyatlari nazarda tutiladi.
4. Belgilab qoʻyilsinki, Farmonning 3-bandida koʻzda tutilgan soliq imtiyozlari kiritilgan investitsiyalar hajmiga qarab 3 yildan 10 yil muddatgacha, jumladan:
300 ming AQSH dollaridan 3 million AQSH dollarigacha hajmdagi investitsiyalar — 3 yil muddatga;
3 million AQSH dollaridan 5 million AQSH dollarigacha hajmdagi investitsiyalar — 5 yil muddatga;
5 million AQSH dollaridan 10 million AQSH dollarigacha hajmdagi investitsiyalar — 7 yil muddatga;
10 million AQSH dollari va undan yuqori — 10 yil muddatga beriladi.
8. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi boshqa manfaatdor vazirlik va idoralar, aksiyadorlik kompaniyalari va uyushmalar bilan birgalikda bir oy muddatda Oʻzbekiston Respublikasi Vazirlar Mahkamasiga:
erkin iqtisodiy zonalar Maʼmuriy kengashi toʻgʻrisidagi nizomni;
“Navoiy”, “Angren” va “Jizzax” erkin iqtisodiy zonalari faoliyatini yanada takomillashtirish va kengaytirish boʻyicha qonunchilikni takomillashtirish, ishlab chiqarish, muhandislik-kommunikatsiya va transport infratuzilmasini va ushbu zonalarni rivojlantirishning boshqa masalalariga taalluqli aniq tadbirlar koʻzda tutilgan chora-tadbirlar dasturini tasdiqlash uchun taqdim etsin.
9. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi Adliya vazirligi hamda boshqa manfaatdor vazirlik va idoralar bilan birgalikda qonun hujjatlariga ushbu Farmondan kelib chiquvchi oʻzgartish va qoʻshimchalar toʻgʻrisida ikki oy muddatda Oʻzbekiston Respublikasi Vazirlar Mahkamasiga takliflar kiritsin.
10. Mazkur Farmonning ijrosini nazorat qilish Oʻzbekiston Respublikasi Bosh vazirining birinchi oʻrinbosari R. Azimov zimmasiga yuklansin.
Oʻzbekiston Respublikasi Prezidenti vazifasini bajaruvchi Sh. MIRZIYOYEV
Toshkent sh.,
2016-yil 26-oktabr,
PF-4853-son
Президента Республики Узбекистан
Указ
О дополнительных мерах по активизации и расширению деятельности свободных экономических зон
В целях создания максимально благоприятных условий для дальнейшего развития в республике свободных экономических зон как важнейшего фактора расширения привлечения прямых иностранных инвестиций для создания новых высокотехнологичных производств, более активного вовлечения регионов республики в освоение производства современной конкурентоспособной экспортоориентированной готовой промышленной продукции, обеспечения ускоренного развития производственной, инженерно-коммуникационной, дорожно-транспортной, социальной инфраструктуры и услуг логистики:
1. Принять предложение Министерства экономики и Министерства внешних экономических связей, инвестиций и торговли Республики Узбекистан об унификации наименований свободной индустриально-экономической зоны «Навои» и специальных индустриальных зон «Ангрен» и «Джизак» с их переименованием, соответственно, в свободные экономические зоны «Навои», «Ангрен» и «Джизак».
2. Определить основными направлениями дальнейшего развития деятельности свободных экономических зон «Навои», «Ангрен» и «Джизак» (далее — свободные экономические зоны):
установление единого правового режима для свободных экономических зон, унификацию налоговых и таможенных льгот, преференций с целью создания для иностранных инвесторов наиболее благоприятных условий инвестирования в реальные сектора экономики республики;
активное привлечение прямых инвестиций, прежде всего иностранных, для создания современных высокотехнологичных и локализующих производств, обеспечивающих глубокую переработку местных минерально-сырьевых ресурсов и выпуск конкурентоспособной продукции с высокой добавленной стоимостью, стимулирование отраслевой специализации свободных экономических зон и развития в них промышленной кооперации;
поэтапный переход к оказанию в свободных экономических зонах всех видов государственных услуг, в том числе разрешительных процедур, по принципу «одно окно»;
опережающее развитие производственной, инженерно-коммуникационной, дорожно-транспортной и социальной инфраструктуры, а также формирование современной инфраструктуры по оказанию качественных услуг логистики;
организацию подготовки в высших и средних специальных, профессиональных образовательных учреждениях высококвалифицированных специалистов, исходя из текущих и перспективных потребностей свободных экономических зон в профильных кадрах, предусмотрев прохождение ими производственной практики на действующих предприятиях, расположенных в свободных экономических зонах.
3. Участникам специальных экономических зон предусматриваются особенности применения льгот по отдельным налогам, а также таможенным платежам в порядке, установленном Налоговым кодексом Республики Узбекистан и Законом Республики Узбекистан «О специальных экономических зонах».
4. Определить, что налоговые льготы, предусмотренные пунктом 3 настоящего Указа, предоставляются на срок от 3 до 10 лет в зависимости от объема внесенных инвестиций, в том числе в эквиваленте:
от 300 тыс. долларов США до 3 млн. долларов США — сроком на 3 года;
от 3 млн. долларов США до 5 млн. долларов США — сроком на 5 лет;
от 5 млн. долларов США до 10 млн. долларов США — сроком на 7 лет;
от 10 млн долларов США и выше — сроком на 10 лет.
8. Министерству экономики, Министерству внешних экономических связей, инвестиций и торговли Республики Узбекистан совместно с другими заинтересованными министерствами, ведомствами, акционерными компаниями и ассоциациями в месячный срок внести в Кабинет Министров Республики Узбекистан на утверждение:
Положение об Административном совете свободных экономических зон;
Программу мер по дальнейшему совершенствованию и расширению деятельности свободных экономических зон «Навои», «Ангрен» и «Джизак», предусмотрев в ней конкретные мероприятия по совершенствованию законодательства, развитию производственной, инженерно-коммуникационной и транспортной инфраструктуры и другим вопросам развития свободных экономических зон.
9. Министерству внешних экономических связей, инвестиций и торговли совместно с Министерством юстиции Республики Узбекистан и другими заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
10. Контроль за исполнением настоящего Указа возложить на первого заместителя Премьер-министра Республики Узбекистан Р.С. Азимова.
Исполняющий обязанности Президента Республики Узбекистан Ш. МИРЗИЁЕВ
г. Ташкент,
26 октября 2016 г.,
№ УП-4853