📅 2016-yil 31-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 31 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 31 октября 2016 г. · Постановления Президента
Официальный текст. Официальный документ. Редакционные примечания не включены.
📅 31 October 2016 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Аҳолини дори-дармон воситалари ва тиббиёт буюмлари билан таъминлашни янада яхшилашга доир чора-тадбирлар тўғрисида
Аҳоли ва тиббиёт муассасаларининг арзон ва сифатли дори-дармон воситалари ҳамда тиббиёт буюмлари билан таъминланганлик даражасини янада ошириш, уларнинг нархини белгилаш бўйича очиқ-ошкора механизмни жорий этиш, мамлакатимизда арзон ва сифатли препаратлар бўлишига қарамасдан ташхис қўйиш ва даволаш стандартларида кўзда тутилмаган ҳамда асосан қиммат импорт дори-дармон воситаларини тавсия этиш каби номақбул амалиётнинг олдини олиш ва келгусида бундай ҳолатларга йўл қўймаслик мақсадида:
6. Ўзбекистон Республикаси Соғлиқни сақлаш вазирлиги:
энг илғор халқаро амалиётни ҳисобга олган ҳолда асосий касалликларга ташхис қўйиш, уларни даволаш ва клиник протоколлар стандартларини қайта кўриб чиқиш жадвалини икки ҳафта муддатда тасдиқласин, бунда уч ой муддатда ташхис қўйиш, даволаш ва клиник протоколларнинг янгиланган стандартлари тасдиқланишини, шунингдек, зарур ҳолларда амалдаги ташхис қўйиш, даволаш ҳамда клиник протоколларни қайта кўриб чиқишни назарда тутсин;
ташхис қўйиш, даволаш ва клиник протоколларнинг янгиланган стандартларини барча тиббиёт муассасаларига, жумладан, фойдаланиш учун очиқ бўлган ахборот тизимлари орқали ўз вақтида етказишни таъминласин ҳамда уларга риоя этилишини қатъий назорат қилсин;
бир ой муддатда энг муҳим дори-дармон воситалари ва тиббиёт буюмларининг барча дорихоналар учун мажбурий янгиланган минимал рўйхати, шунингдек, шифокор рецептисиз бериладиган дори-дармон воситалари рўйхатини тасдиқласин, унга зарурат туғилганда белгиланган тартибда ҳар йили ўзгартиш ва қўшимчалар киритсин;
юридик шахслар томонидан дори-дармон воситалари ва тиббиёт буюмларига нарх белгилаш тартиби қўпол бузилганлиги учун лицензияни бекор қилиш шартлари, шунингдек, минимал рўйхат бўйича мажбурий талабларни назарда тутган ҳолда, бир ой муддатда Фармацевтика фаолияти тўғрисидаги лицензия шартномасига қўшимчалар киритсин;
шифокорларнинг дори-дармон воситаларини тавсия этиш ва дорихоналарда дори-дармон воситаларини бериш тартиби тўғрисидаги низом лойиҳасини икки ой муддатда Ўзбекистон Республикаси Вазирлар Маҳкамасига тасдиқлаш учун киритсин ва унда белгиланган тартиб бузилишига йўл қўйган шахсларга нисбатан қатъий жавобгарлик чораларини назарда тутсин;
7. Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ва унинг ҳудудий бошқармалари зиммасига дори-дармон воситалари ва тиббиёт буюмларининг улгуржи ва чакана савдоси билан шуғулланувчи ташкилотлар улар нархини давлат томонидан тартибга солишнинг белгиланган тартибига риоя этишини тизимли асосда назорат қилиш вазифаси юклансин.
Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти:
фаолиятининг ўзига хос хусусиятини ҳисобга олган ҳолда дори-дармон воситалари ва тиббиёт буюмларининг улгуржи ва чакана савдоси билан шуғулланувчи ташкилотлар улар нархининг давлат томонидан белгиланган тартибига риоя этиши устидан назоратни ташкил этсин ҳамда унинг бузилиши аниқланганда қонун ҳужжатларига мувофиқ чоралар кўриш учун тегишли материалларни, шу жумладан текшириш учун харид қилиш ва назорат остида олиш бўйича материалларни лицензияловчи органга киритиш;
сифатсиз ёки қалбакилаштирилган дори-дармон воситалари ва тиббиёт буюмларини муомалага чиқаришга қарши курашиш бўйича ишларни кучайтирсин.
10. Ўзбекистон Республикаси Вазирлар Маҳкамасининг 1999 йил 14 январдаги « Дори-дармон воситалари ва тиббиёт буюмлари сотишни тартибга солиш тўғрисида »ги 19- ва 2000 йил 5 августдаги « Ички бозорни дори-дармон воситалари ва тиббиёт буюмлари билан таъминлашга доир қўшимча чора-тадбирлар тўғрисида »ги 307-сонли қарорлари 2017 йилнинг 1 январидан ўз кучини йўқотган деб ҳисоблансин.
Ўзбекистон Республикаси Соғлиқни сақлаш вазирлиги Адлия вазирлиги, бошқа манфаатдор вазирлик ва идоралар билан биргаликда бир ой муддатда Вазирлар Маҳкамасига қонунчиликка мазкур қарордан келиб чиқадиган ўзгартиш ва қўшимчалар тўғрисида таклифлар киритсин.
11. Ушбу қарорнинг ижросини назорат қилиш Ўзбекистон Республикаси Бош вазирининг биринчи ўринбосари Р. Азимов ва Бош вазир ўринбосари А. Икромов зиммасига юклансин.
Ўзбекистон Республикаси Президенти вазифасини бажарувчи Ш. МИРЗИЁЕВ
Тошкент ш.,
2016 йил 31 октябрь,
ПҚ-2647-сон
Oʻzbekiston Respublikasi Prezidentining
Qarori
Aholini dori-darmon vositalari va tibbiyot buyumlari bilan taʼminlashni yanada yaxshilashga doir chora-tadbirlar toʻgʻrisida
Aholi va tibbiyot muassasalarining arzon va sifatli dori-darmon vositalari hamda tibbiyot buyumlari bilan taʼminlanganlik darajasini yanada oshirish, ularning narxini belgilash boʻyicha ochiq-oshkora mexanizmni joriy etish, mamlakatimizda arzon va sifatli preparatlar boʻlishiga qaramasdan tashxis qoʻyish va davolash standartlarida koʻzda tutilmagan hamda asosan qimmat import dori-darmon vositalarini tavsiya etish kabi nomaqbul amaliyotning oldini olish va kelgusida bunday holatlarga yoʻl qoʻymaslik maqsadida:
6. Oʻzbekiston Respublikasi Sogʻliqni saqlash vazirligi:
eng ilgʻor xalqaro amaliyotni hisobga olgan holda asosiy kasalliklarga tashxis qoʻyish, ularni davolash va klinik protokollar standartlarini qayta koʻrib chiqish jadvalini ikki hafta muddatda tasdiqlasin, bunda uch oy muddatda tashxis qoʻyish, davolash va klinik protokollarning yangilangan standartlari tasdiqlanishini, shuningdek, zarur hollarda amaldagi tashxis qoʻyish, davolash hamda klinik protokollarni qayta koʻrib chiqishni nazarda tutsin;
tashxis qoʻyish, davolash va klinik protokollarning yangilangan standartlarini barcha tibbiyot muassasalariga, jumladan, foydalanish uchun ochiq boʻlgan axborot tizimlari orqali oʻz vaqtida yetkazishni taʼminlasin hamda ularga rioya etilishini qatʼiy nazorat qilsin;
bir oy muddatda eng muhim dori-darmon vositalari va tibbiyot buyumlarining barcha dorixonalar uchun majburiy yangilangan minimal roʻyxati, shuningdek, shifokor retseptisiz beriladigan dori-darmon vositalari roʻyxatini tasdiqlasin, unga zarurat tugʻilganda belgilangan tartibda har yili oʻzgartish va qoʻshimchalar kiritsin;
yuridik shaxslar tomonidan dori-darmon vositalari va tibbiyot buyumlariga narx belgilash tartibi qoʻpol buzilganligi uchun litsenziyani bekor qilish shartlari, shuningdek, minimal roʻyxat boʻyicha majburiy talablarni nazarda tutgan holda, bir oy muddatda Farmatsevtika faoliyati toʻgʻrisidagi litsenziya shartnomasiga qoʻshimchalar kiritsin;
shifokorlarning dori-darmon vositalarini tavsiya etish va dorixonalarda dori-darmon vositalarini berish tartibi toʻgʻrisidagi nizom loyihasini ikki oy muddatda Oʻzbekiston Respublikasi Vazirlar Mahkamasiga tasdiqlash uchun kiritsin va unda belgilangan tartib buzilishiga yoʻl qoʻygan shaxslarga nisbatan qatʼiy javobgarlik choralarini nazarda tutsin;
7. Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi va uning hududiy boshqarmalari zimmasiga dori-darmon vositalari va tibbiyot buyumlarining ulgurji va chakana savdosi bilan shugʻullanuvchi tashkilotlar ular narxini davlat tomonidan tartibga solishning belgilangan tartibiga rioya etishini tizimli asosda nazorat qilish vazifasi yuklansin.
Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti:
faoliyatining oʻziga xos xususiyatini hisobga olgan holda dori-darmon vositalari va tibbiyot buyumlarining ulgurji va chakana savdosi bilan shugʻullanuvchi tashkilotlar ular narxining davlat tomonidan belgilangan tartibiga rioya etishi ustidan nazoratni tashkil etsin hamda uning buzilishi aniqlanganda qonun hujjatlariga muvofiq choralar koʻrish uchun tegishli materiallarni, shu jumladan tekshirish uchun xarid qilish va nazorat ostida olish boʻyicha materiallarni litsenziyalovchi organga kiritish;
sifatsiz yoki qalbakilashtirilgan dori-darmon vositalari va tibbiyot buyumlarini muomalaga chiqarishga qarshi kurashish boʻyicha ishlarni kuchaytirsin.
10. Oʻzbekiston Respublikasi Vazirlar Mahkamasining 1999-yil 14-yanvardagi “ Dori-darmon vositalari va tibbiyot buyumlari sotishni tartibga solish toʻgʻrisida ”gi 19- va 2000-yil 5-avgustdagi “ Ichki bozorni dori-darmon vositalari va tibbiyot buyumlari bilan taʼminlashga doir qoʻshimcha chora-tadbirlar toʻgʻrisida ”gi 307-sonli qarorlari 2017-yilning 1-yanvaridan oʻz kuchini yoʻqotgan deb hisoblansin.
Oʻzbekiston Respublikasi Sogʻliqni saqlash vazirligi Adliya vazirligi, boshqa manfaatdor vazirlik va idoralar bilan birgalikda bir oy muddatda Vazirlar Mahkamasiga qonunchilikka mazkur qarordan kelib chiqadigan oʻzgartish va qoʻshimchalar toʻgʻrisida takliflar kiritsin.
11. Ushbu qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R. Azimov va Bosh vazir oʻrinbosari A. Ikromov zimmasiga yuklansin.
Oʻzbekiston Respublikasi Prezidenti vazifasini bajaruvchi Sh. MIRZIYOYEV
Toshkent sh.,
2016-yil 31-oktabr,
PQ-2647-son
Президента Республики Узбекистан
Постановление
О мерах по дальнейшему улучшению обеспечения населения лекарственными средствами и изделиями медицинского назначения
В целях дальнейшего повышения уровня обеспеченности населения и медицинских учреждений доступными, качественными лекарственными средствами и изделиями медицинского назначения, внедрения гибкого и прозрачного механизма их ценообразования, пресечения и дальнейшего недопущения неприемлемой практики назначения не предусмотренных стандартами диагностики и лечения, а также преимущественно дорогостоящих импортных лекарственных средств при наличии более доступных и качественных отечественных аналогичных препаратов:
6. Министерству здравоохранения Республики Узбекистан:
в двухнедельный срок утвердить график пересмотра стандартов диагностики, лечения и клинических протоколов основных заболеваний с учетом лучшей международной практики, предусмотрев утверждение в трехмесячный срок обновленных стандартов диагностики, лечения и клинических протоколов, а также при необходимости пересматривать и переутверждать действующие стандарты диагностики, лечения и клинические протоколы;
обеспечить своевременное доведение обновляемых стандартов диагностики и лечения и клинических протоколов до всех медицинских учреждений, в том числе через информационные системы с открытым доступом, а также строгий контроль за их соблюдением;
в месячный срок утвердить обновленный минимальный перечень лекарственных средств и изделий медицинского назначения первой необходимости, обязательный для всех аптек, а также перечень лекарственных средств, отпускаемых без рецепта врача, с внесением в него, при необходимости, ежегодных изменений и дополнений в установленном порядке;
в месячный срок внести дополнение в лицензионное соглашение о фармацевтической деятельности, предусмотрев условия прекращения действия лицензии за грубое нарушение юридическими лицами порядка ценообразования лекарственных средств и изделий медицинского назначения, а также обязательного требования по минимальному перечню;
в двухмесячный срок внести на утверждение в Кабинет Министров Республики Узбекистан проект Положения о порядке назначения лекарственных средств врачами и отпуска из аптек лекарственных средств, предусмотрев в нем, в том числе, строгие меры ответственности лиц, допустивших нарушение указанного порядка;
7. Возложить на Комитет по развитию конкуренции и защите прав потребителей Республики Узбекистан и его территориальные управления ответственность по осуществлению системного контроля за соблюдением оптовыми и розничными организациями, реализующими лекарственные средства и изделия медицинского назначения, установленного порядка государственного регулирования цен на них.
Департаменту по борьбе с экономическими преступлениями при Генеральной прокуратуре Республики Узбекистан:
с учетом специфики деятельности организовать контроль за соблюдением оптовыми и розничными организациями, реализующими лекарственные средства и изделия медицинского назначения, установленного порядка государственного регулирования цен на них, и при выявлении нарушений вносить в лицензирующий орган соответствующие материалы, в том числе проверочных закупок и контролируемых приобретений, для принятия мер в соответствии с законодательством;
усилить работу по борьбе с оборотом недоброкачественных либо фальсифицированных лекарственных средств и изделий медицинского назначения.
10. Признать утратившими силу с 1 января 2017 года постановления Кабинета Министров Республики Узбекистан от 14 января 1999 года № 19 « Об упорядочении реализации лекарственных средств и изделий медицинского назначения » и от 5 августа 2000 года № 307 « О дополнительных мерах по обеспечению внутреннего рынка лекарственными средствами и изделиями медицинского назначения ».
Министерству здравоохранения Республики Узбекистан совместно с Министерством юстиции, другими заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на первого заместителя Премьер-министра Республики Узбекистан Р.С. Азимова и заместителя Премьер-министра Республики Узбекистан А.И. Икрамова.
Исполняющий обязанности Президента Республики Узбекистан Ш. МИРЗИЁЕВ
г. Ташкент,
31 октября 2016 г.,
№ ПП-2647