📅 2016-yil 28-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 28 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 сентября 2016 г. · Постановления Президента
Официальный текст. Официальный документ. Редакционные примечания не включены.
📅 28 September 2016 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
2016 — 2020 йилларда углеводород хом ашёсини чуқур қайта ишлаш негизида экспортга йўналтирилган тайёр маҳсулотлар ишлаб чиқаришни кўпайтириш чора-тадбирлари тўғрисида
[Кўчирма]
Иқтисодиётда таркибий ўзгартиришларни амалга оширишни давом эттириш, нефть-газ саноатини модернизациялаш ва диверсификациялаш, бой нефть, табиий газ ва газ конденсати ресурсларини чуқур қайта ишлашни таъминлаш, экспортга йўналтирилган юқори қўшилган қийматли ярим тайёр ва тайёр маҳсулотлар ишлаб чиқариш, ушбу мақсадларда хорижий инвестицияларни кенг жалб этиш мақсадида:
1. 2016 — 2020 йилларда углеводород хом ашёсини чуқур қайта ишлаш негизида ташқи бозорларда талаб қилинадиган юқори қўшилган қийматли тайёр маҳсулотлар ишлаб чиқариш топшириқлари 1-иловага * мувофиқ белгилансин.
«Ўзбекнефтгаз» МХК, «Ўзкимёсаноат» АЖ ҳамда бошқа акциядорлик жамиятлари ва корхоналар раҳбарлари — масъул бажарувчилар зиммасига 1-иловада назарда тутилган углеводород хом ашёсини чуқур қайта ишлаш негизида тайёр маҳсулотлар ишлаб чиқариш бўйича топшириқлар белгиланган муддатларда сифатли ва тўлиқ ҳажмда бажарилишини таъминлаш юзасидан шахсий масъулият юклансин.
2. 2016 — 2020 йилларда углеводород хом ашёсини чуқур қайта ишлаш негизида экспортга йўналтирилган юқори қўшилган қийматли тайёр маҳсулотлар ишлаб чиқариш бўйича инвестиция лойиҳалари рўйхати 2-иловага * мувофиқ маъқуллансин.
3. Ўзбекистон Республикаси Иқтисодиёт вазирлиги «Ўзбекнефтгаз» МХК, «Ўзкимёсаноат» АЖ ва бошқа манфаатдор тузилмалар билан биргаликда бир ой муддатда 2-иловада кўрсатилган инвестиция лойиҳаларини амалга оширишнинг тармоқ жадвалларини тасдиқлаш учун Ўзбекистон Республикаси Вазирлар Маҳкамасига киритсин, уларда лойиҳа ҳужжатларини ишлаб чиқиш ва экспертизадан ўтказишнинг аниқ муддатлари, замонавий технологик талабларга жавоб берадиган илғор технологияларни танлаш, қурилиш-монтаж ишларини бажариш ва қувватларни белгиланган муддатларда ишга тушириш назарда тутилсин.
5. Ўзбекистон Республикаси Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги, Тикланиш ва тараққиёт жамғармаси, «Ўзбекнефтгаз» МХК, «Ўзкимёсаноат» АЖ акциядорлик компаниялари ва корхоналар — 2-иловага киритилган инвестиция лойиҳаларининг масъул бажарувчилари билан биргаликда инвестиция лойиҳаларини амалга ошириш мақсадида замонавий технологияларга эга бўлган ҳамда ишлаб чиқарилаётган маҳсулотнинг ташқи бозорларга олиб чиқилишини кафолатлайдиган хорижий компанияларни кенг жалб этиш юзасидан комплекс чора-тадбирларни бир ой муддатда ишлаб чиқсин ва амалга оширилишини таъминласин.
7. Ўзбекистон Республикаси Иқтисодиёт вазирлиги, Инвестициялар бўйича давлат қўмитаси ҳар йили Ўзбекистон Республикасининг Инвестиция дастурини шакллантиришда ушбу қарорнинг 2-иловасида кўрсатилган инвестиция лойиҳалари, уларни молиялаштириш ҳажмлари ва манбалари аниқлаштирилган ҳолда белгиланган тартибда унга киритилишини таъминласинлар.
8. Республикада ишлаб чиқарилмайдиган, ушбу қарор билан маъқулланган инвестиция лойиҳаларини амалга ошириш доирасида Ўзбекистон Республикаси Вазирлар Маҳкамаси томонидан тасдиқланадиган рўйхатлар бўйича четдан келтириладиган технологик ускуналар, бутловчи буюмлар ва эҳтиёт қисмлар 2021 йилнинг 1 январига қадар муддатда божхона тўловлари тўлашдан озод қилинсин (божхонада расмийлаштириш йиғимлари бундан мустасно).
9. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари Р. Азимов ва Ўзбекистон Республикаси Бош вазирининг ўринбосари Ғ. Ибрагимов зиммасига юклансин.
Ўзбекистон Республикаси Президенти вазифасини бажарувчи Ш. МИРЗИЁЕВ
Тошкент ш.,
2016 йил 28 сентябрь,
ПҚ-2614-сон
Oʻzbekiston Respublikasi Prezidentining
Qarori
2016 — 2020-yillarda uglevodorod xom ashyosini chuqur qayta ishlash negizida eksportga yoʻnaltirilgan tayyor mahsulotlar ishlab chiqarishni koʻpaytirish chora-tadbirlari toʻgʻrisida
[Koʻchirma]
Iqtisodiyotda tarkibiy oʻzgartirishlarni amalga oshirishni davom ettirish, neft-gaz sanoatini modernizatsiyalash va diversifikatsiyalash, boy neft, tabiiy gaz va gaz kondensati resurslarini chuqur qayta ishlashni taʼminlash, eksportga yoʻnaltirilgan yuqori qoʻshilgan qiymatli yarim tayyor va tayyor mahsulotlar ishlab chiqarish, ushbu maqsadlarda xorijiy investitsiyalarni keng jalb etish maqsadida:
1. 2016 — 2020-yillarda uglevodorod xom ashyosini chuqur qayta ishlash negizida tashqi bozorlarda talab qilinadigan yuqori qoʻshilgan qiymatli tayyor mahsulotlar ishlab chiqarish topshiriqlari 1-ilovaga * muvofiq belgilansin.
“Oʻzbekneftgaz” MXK, “Oʻzkimyosanoat” AJ hamda boshqa aksiyadorlik jamiyatlari va korxonalar rahbarlari — masʼul bajaruvchilar zimmasiga 1-ilovada nazarda tutilgan uglevodorod xom ashyosini chuqur qayta ishlash negizida tayyor mahsulotlar ishlab chiqarish boʻyicha topshiriqlar belgilangan muddatlarda sifatli va toʻliq hajmda bajarilishini taʼminlash yuzasidan shaxsiy masʼuliyat yuklansin.
2. 2016 — 2020-yillarda uglevodorod xom ashyosini chuqur qayta ishlash negizida eksportga yoʻnaltirilgan yuqori qoʻshilgan qiymatli tayyor mahsulotlar ishlab chiqarish boʻyicha investitsiya loyihalari roʻyxati 2-ilovaga * muvofiq maʼqullansin.
3. Oʻzbekiston Respublikasi Iqtisodiyot vazirligi “Oʻzbekneftgaz” MXK, “Oʻzkimyosanoat” AJ va boshqa manfaatdor tuzilmalar bilan birgalikda bir oy muddatda 2-ilovada koʻrsatilgan investitsiya loyihalarini amalga oshirishning tarmoq jadvallarini tasdiqlash uchun Oʻzbekiston Respublikasi Vazirlar Mahkamasiga kiritsin, ularda loyiha hujjatlarini ishlab chiqish va ekspertizadan oʻtkazishning aniq muddatlari, zamonaviy texnologik talablarga javob beradigan ilgʻor texnologiyalarni tanlash, qurilish-montaj ishlarini bajarish va quvvatlarni belgilangan muddatlarda ishga tushirish nazarda tutilsin.
5. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Tiklanish va taraqqiyot jamgʻarmasi, “Oʻzbekneftgaz” MXK, “Oʻzkimyosanoat” AJ aksiyadorlik kompaniyalari va korxonalar — 2-ilovaga kiritilgan investitsiya loyihalarining masʼul bajaruvchilari bilan birgalikda investitsiya loyihalarini amalga oshirish maqsadida zamonaviy texnologiyalarga ega boʻlgan hamda ishlab chiqarilayotgan mahsulotning tashqi bozorlarga olib chiqilishini kafolatlaydigan xorijiy kompaniyalarni keng jalb etish yuzasidan kompleks chora-tadbirlarni bir oy muddatda ishlab chiqsin va amalga oshirilishini taʼminlasin.
7. Oʻzbekiston Respublikasi Iqtisodiyot vazirligi, Investitsiyalar boʻyicha davlat qoʻmitasi har yili Oʻzbekiston Respublikasining Investitsiya dasturini shakllantirishda ushbu qarorning 2-ilovasida koʻrsatilgan investitsiya loyihalari, ularni moliyalashtirish hajmlari va manbalari aniqlashtirilgan holda belgilangan tartibda unga kiritilishini taʼminlasinlar.
8. Respublikada ishlab chiqarilmaydigan, ushbu qaror bilan maʼqullangan investitsiya loyihalarini amalga oshirish doirasida Oʻzbekiston Respublikasi Vazirlar Mahkamasi tomonidan tasdiqlanadigan roʻyxatlar boʻyicha chetdan keltiriladigan texnologik uskunalar, butlovchi buyumlar va ehtiyot qismlar 2021-yilning 1-yanvariga qadar muddatda bojxona toʻlovlari toʻlashdan ozod qilinsin (bojxonada rasmiylashtirish yigʻimlari bundan mustasno).
9. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R. Azimov va Oʻzbekiston Respublikasi Bosh vazirining oʻrinbosari Gʻ. Ibragimov zimmasiga yuklansin.
Oʻzbekiston Respublikasi Prezidenti vazifasini bajaruvchi Sh. MIRZIYOYEV
Toshkent sh.,
2016-yil 28-sentabr,
PQ-2614-son
Президента Республики Узбекистан
Постановление
О мерах по увеличению производства готовой экспортоориентированной продукции на основе глубокой переработки углеводородного сырья на 2016 — 2020 годы
[Извлечение]
В целях осуществления дальнейших структурных преобразований в экономике, модернизации и диверсификации нефтегазовой промышленности, обеспечения глубокой переработки богатых ресурсов нефти, природного газа и газового конденсата в полуфабрикаты и готовую экспортоориентированную продукцию с высокой добавленной стоимостью, широкого привлечения для этих целей иностранных инвестиций:
1. Установить задания по производству востребованной на внешних рынках готовой продукции с высокой добавленной стоимостью на базе глубокой переработки углеводородного сырья на 2016 — 2020 годы согласно приложению № 1 * .
Возложить на руководителей НХК «Узбекнефтегаз», АО «Узкимёсаноат», других акционерных обществ и предприятий — ответственных исполнителей персональную ответственность за обеспечение качественного и в полном объеме выполнения в установленные сроки заданий по производству готовой продукции на базе глубокой переработки углеводородного сырья, предусмотренных в приложении № 1.
2. Одобрить перечень инвестиционных проектов по производству готовой экспортоориентированной продукции с высокой добавленной стоимостью на базе глубокой переработки углеводородного сырья на 2016 — 2020 годы согласно приложению № 2 * .
3. Министерству экономики Республики Узбекистан совместно с НХК «Узбекнефтегаз», АО «Узкимёсаноат» и другими заинтересованными структурами в месячный срок внести на утверждение в Кабинет Министров Республики Узбекистан сетевые графики реализации инвестиционных проектов, указанных в приложении № 2 к настоящему постановлению, предусмотрев в них конкретные сроки разработки и экспертизы проектной документации, выбор передовых технологий, отвечающих современным технологическим требованиям, выполнение строительно-монтажных работ и ввод мощностей в эксплуатацию в установленные сроки.
5. Министерству экономики, Министерству внешних экономических связей, инвестиций и торговли, Фонду реконструкции и развития Республики Узбекистан, НХК «Узбекнефтегаз», АО «Узкимёсаноат» совместно с акционерными компаниями и предприятиями — ответственными исполнителями инвестиционных проектов, включенных в приложение № 2, в месячный срок разработать и обеспечить реализацию комплекса мер по широкому привлечению к осуществлению инвестиционных проектов иностранных компаний, обладающих современными технологиями и гарантирующих продвижение производимой продукции на внешние рынки.
7. Министерству экономики, Государственному комитету Республики Узбекистан по инвестициям ежегодно при формировании Инвестиционной программы Республики Узбекистан включать в установленном порядке в нее инвестиционные проекты, указанные в приложении № 2 к настоящему постановлению, с уточнением объемов и источников финансирования.
8. Освободить сроком до 1 января 2021 года от таможенных платежей (за исключением сборов за таможенное оформление) технологическое оборудование, комплектующие изделия и запасные части, не производимые в республике, ввозимые в рамках реализации инвестиционных проектов, одобренных настоящим постановлением, по перечням, утверждаемым Кабинетом Министров Республики Узбекистан.
9. Контроль за исполнением настоящего постановления возложить на первого заместителя Премьер-министра Республики Узбекистан Р.С. Азимова и заместителя Премьер-министра Республики Узбекистан Г.И. Ибрагимова.
Исполняющий обязанности Президента Республики Узбекистан Ш. МИРЗИЁЕВ
г. Ташкент,
28 сентября 2016 г.,
№ ПП-2614