📅 2016-yil 21-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 21 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 ноября 2016 г. · Постановления Президента
Официальный текст. Официальный документ. Редакционные примечания не включены.
📅 21 November 2016 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Стоматология соҳасида тиббиёт кадрлари тайёрлашни янада такомиллаштириш чора-тадбирлари тўғрисида
Стоматология соҳасида юқори малакали тиббиёт кадрлари тайёрлаш тизимини янада такомиллаштириш, бўлажак стоматолог-мутахассисларни назарий тайёрлаш сифатини ошириш ҳамда улар томонидан амалий кўникмаларни эгаллаши мақсадида:
1. Ўзбекистон Республикаси Соғлиқни сақлаш вазирлиги, Олий ва ўрта махсус таълим вазирлиги, Иқтисодиёт вазирлиги ва Молия вазирлигининг Тошкент давлат стоматология институтининг Андижон, Бухоро, Самарқанд ва Нукус филиалларини тугатиш ҳамда уларнинг негизида Андижон, Бухоро, Самарқанд тиббиёт институтлари ва Тошкент педиатрия тиббиёт институтининг Нукус филиалида тегишли равишда стоматология факультетларини ташкил этиш тўғрисидаги таклифига қабул қилинсин.
2. Ўзбекистон Республикаси Соғлиқни сақлаш вазирлиги 2016 йилнинг 1 декабригача бўлган муддатда белгиланган тартибда:
Тошкент давлат стоматология институтининг филиалларини тугатиш ва уларнинг негизида Андижон, Бухоро, Самарқанд тиббиёт институтлари ва Тошкент педиатрия тиббиёт институтининг Нукус филиалида стоматология факультетларини ташкил этиш чора-тадбирлари комплекси амалга оширилишини;
тугатилаётган Тошкент давлат стоматология институтининг филиалларида ўқиётган талабалар контингентини тегишли равишда Андижон, Бухоро, Самарқанд тиббиёт институтлари ва Тошкент педиатрия тиббиёт институтининг Нукус филиали стоматология факультетларига ўтказилишини ҳамда улар таълим олаётган, давлат грантлари ёки тўлов-шартнома асосида ўқиш шакллари сақлаб қолинишини;
Андижон, Бухоро, Самарқанд тиббиёт институтлари ва Тошкент педиатрия тиббиёт институтининг Нукус филиали стоматология факультетларини тугатилаётган Тошкент давлат стоматология институти филиалларининг ходимлари ҳисобидан малакали педагог ва бошқа кадрлар билан бутланишини;
тугатилаётган Тошкент давлат стоматология институти филиалларининг бинолари, иншоотлари, ускуналари, анжомлари, ўқув ва методик адабиётлари, ҳужжатлари, бошқа мулк ва активлари тегишли равишда Андижон, Бухоро, Самарқанд тиббиёт институтлари ва Тошкент педиатрия тиббиёт институтининг Нукус филиалига ўтказилишини;
Андижон, Бухоро, Самарқанд тиббиёт институтлари ва Тошкент педиатрия тиббиёт институти Нукус филиалининг 2016 йилги штат жадвали ва харажатлар сметасига тегишли ўзгартиришлар киритилишини таъминласин.
3. Белгилансинки, Андижон, Бухоро, Самарқанд тиббиёт институтлари ва Тошкент педиатрия тиббиёт институтининг Нукус филиали тугатилаётган Тошкент давлат стоматология институтининг Андижон, Бухоро, Самарқанд ва Нукус филиалларининг ҳуқуқлари, шартномалари ва мажбуриятлари бўйича тегишли равишда ҳуқуқий вориси ҳисобланади.
4. Ўзбекистон Республикаси Соғлиқни сақлаш вазирлиги:
стоматология факультетларининг ўқитувчиларини тайёрлаш, қайта тайёрлаш ва малакасини мунтазам ошириб боришни;
замонавий педагогик технологиялар асосида, ахборот ва мультимедия ускуналаридан фойдаланган ҳолда стоматология бўйича ўқув жараёнини самарали ташкил этишни;
стоматология, жағ-юз жарроҳлиги соҳаси ва бошқа тегишли йўналишларда илмий-амалий тадқиқотлар ва ишланмаларни амалга оширишни таъминласин.
5. Ўзбекистон Республикаси Меҳнат вазирлиги Соғлиқни сақлаш вазирлиги, Қорақалпоғистон Республикаси Вазирлар Кенгаши, Андижон, Бухоро ва Самарқанд вилояти ҳокимликлари билан биргаликда тугатилаётган Тошкент давлат стоматология институти филиалларининг ишдан озод этилган ходимларини ишга жойлаштириш бўйича белгиланган тартибда чоралар кўрсинлар.
6. Ўзбекистон Республикаси Молия вазирлиги Соғлиқни сақлаш вазирлигининг асосланган ҳисоб-китоблари бўйича Ўзбекистон Республикаси республика бюджетининг тасдиқланган ажратилган харажатларига ушбу қарордан келиб чиқадиган тегишли ўзгартиришлар киритсин.
7. Ўзбекистон Республикаси Президентининг «Тошкент давлат стоматология институтини ташкил этиш тўғрисида» 2014 йил 22 июлдаги ПҚ-2215-сонли қарорига иловага мувофиқ ўзгартиришлар киритилсин.
8. Ўзбекистон Республикаси Соғлиқни сақлаш вазирлиги, Адлия вазирлиги ва бошқа манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
9. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари Р. Азимов ва Ўзбекистон Республикаси Бош вазирининг ўринбосари А. Икрамов зиммасига юклансин.
Ўзбекистон Республикаси Президентининг 2016 йил 21 ноябрдаги ПҚ-2659-сонли қарорига ИЛОВА
Ўзбекистон Республикаси Президентининг «Тошкент давлат стоматология институтини ташкил этиш тўғрисида» 2014 йил 22 июлдаги ПҚ-2215-сонли қарорига киритиладиган ўзгартиришлар
1. 1-банддаги :
учинчи хатбоши чиқариб ташлансин;
тўртинчи хатбоши учинчи хатбоши деб ҳисоблансин.
2. 2-банднинг тўртинчи хатбошидаги , 9 ва 10-бандлардан «ва унинг филиаллари» сўзлари чиқариб ташлансин.
3. 1-иловада «Андижон филиали», «Бухоро филиали», «Самарқанд филиали» ва «Нукус филиали» блоклари чиқариб ташлансин.
Ўзбекистон Республикаси Президенти вазифасини бажарувчи Ш. МИРЗИЁЕВ
Тошкент ш.,
2016 йил 21 ноябрь,
ПҚ-2659-сон
Oʻzbekiston Respublikasi Prezidentining
Qarori
Stomatologiya sohasida tibbiyot kadrlari tayyorlashni yanada takomillashtirish chora-tadbirlari toʻgʻrisida
Stomatologiya sohasida yuqori malakali tibbiyot kadrlari tayyorlash tizimini yanada takomillashtirish, boʻlajak stomatolog-mutaxassislarni nazariy tayyorlash sifatini oshirish hamda ular tomonidan amaliy koʻnikmalarni egallashi maqsadida:
1. Oʻzbekiston Respublikasi Sogʻliqni saqlash vazirligi, Oliy va oʻrta maxsus taʼlim vazirligi, Iqtisodiyot vazirligi va Moliya vazirligining Toshkent davlat stomatologiya institutining Andijon, Buxoro, Samarqand va Nukus filiallarini tugatish hamda ularning negizida Andijon, Buxoro, Samarqand tibbiyot institutlari va Toshkent pediatriya tibbiyot institutining Nukus filialida tegishli ravishda stomatologiya fakultetlarini tashkil etish toʻgʻrisidagi taklifiga qabul qilinsin.
2. Oʻzbekiston Respublikasi Sogʻliqni saqlash vazirligi 2016-yilning 1-dekabrigacha boʻlgan muddatda belgilangan tartibda:
Toshkent davlat stomatologiya institutining filiallarini tugatish va ularning negizida Andijon, Buxoro, Samarqand tibbiyot institutlari va Toshkent pediatriya tibbiyot institutining Nukus filialida stomatologiya fakultetlarini tashkil etish chora-tadbirlari kompleksi amalga oshirilishini;
tugatilayotgan Toshkent davlat stomatologiya institutining filiallarida oʻqiyotgan talabalar kontingentini tegishli ravishda Andijon, Buxoro, Samarqand tibbiyot institutlari va Toshkent pediatriya tibbiyot institutining Nukus filiali stomatologiya fakultetlariga oʻtkazilishini hamda ular taʼlim olayotgan, davlat grantlari yoki toʻlov-shartnoma asosida oʻqish shakllari saqlab qolinishini;
Andijon, Buxoro, Samarqand tibbiyot institutlari va Toshkent pediatriya tibbiyot institutining Nukus filiali stomatologiya fakultetlarini tugatilayotgan Toshkent davlat stomatologiya instituti filiallarining xodimlari hisobidan malakali pedagog va boshqa kadrlar bilan butlanishini;
tugatilayotgan Toshkent davlat stomatologiya instituti filiallarining binolari, inshootlari, uskunalari, anjomlari, oʻquv va metodik adabiyotlari, hujjatlari, boshqa mulk va aktivlari tegishli ravishda Andijon, Buxoro, Samarqand tibbiyot institutlari va Toshkent pediatriya tibbiyot institutining Nukus filialiga oʻtkazilishini;
Andijon, Buxoro, Samarqand tibbiyot institutlari va Toshkent pediatriya tibbiyot instituti Nukus filialining 2016-yilgi shtat jadvali va xarajatlar smetasiga tegishli oʻzgartirishlar kiritilishini taʼminlasin.
3. Belgilansinki, Andijon, Buxoro, Samarqand tibbiyot institutlari va Toshkent pediatriya tibbiyot institutining Nukus filiali tugatilayotgan Toshkent davlat stomatologiya institutining Andijon, Buxoro, Samarqand va Nukus filiallarining huquqlari, shartnomalari va majburiyatlari boʻyicha tegishli ravishda huquqiy vorisi hisoblanadi.
4. Oʻzbekiston Respublikasi Sogʻliqni saqlash vazirligi:
stomatologiya fakultetlarining oʻqituvchilarini tayyorlash, qayta tayyorlash va malakasini muntazam oshirib borishni;
zamonaviy pedagogik texnologiyalar asosida, axborot va multimediya uskunalaridan foydalangan holda stomatologiya boʻyicha oʻquv jarayonini samarali tashkil etishni;
stomatologiya, jagʻ-yuz jarrohligi sohasi va boshqa tegishli yoʻnalishlarda ilmiy-amaliy tadqiqotlar va ishlanmalarni amalga oshirishni taʼminlasin.
5. Oʻzbekiston Respublikasi Mehnat vazirligi Sogʻliqni saqlash vazirligi, Qoraqalpogʻiston Respublikasi Vazirlar Kengashi, Andijon, Buxoro va Samarqand viloyati hokimliklari bilan birgalikda tugatilayotgan Toshkent davlat stomatologiya instituti filiallarining ishdan ozod etilgan xodimlarini ishga joylashtirish boʻyicha belgilangan tartibda choralar koʻrsinlar.
6. Oʻzbekiston Respublikasi Moliya vazirligi Sogʻliqni saqlash vazirligining asoslangan hisob-kitoblari boʻyicha Oʻzbekiston Respublikasi respublika budjetining tasdiqlangan ajratilgan xarajatlariga ushbu qarordan kelib chiqadigan tegishli oʻzgartirishlar kiritsin.
7. Oʻzbekiston Respublikasi Prezidentining “Toshkent davlat stomatologiya institutini tashkil etish toʻgʻrisida” 2014-yil 22-iyuldagi PQ-2215-sonli qaroriga ilovaga muvofiq oʻzgartirishlar kiritilsin.
8. Oʻzbekiston Respublikasi Sogʻliqni saqlash vazirligi, Adliya vazirligi va boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
9. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R. Azimov va Oʻzbekiston Respublikasi Bosh vazirining oʻrinbosari A. Ikramov zimmasiga yuklansin.
Oʻzbekiston Respublikasi Prezidentining 2016-yil 21-noyabrdagi PQ-2659-sonli qaroriga ILOVA
Oʻzbekiston Respublikasi Prezidentining “Toshkent davlat stomatologiya institutini tashkil etish toʻgʻrisida” 2014-yil 22-iyuldagi PQ-2215-sonli qaroriga kiritiladigan oʻzgartirishlar
1. 1-banddagi :
uchinchi xatboshi chiqarib tashlansin;
toʻrtinchi xatboshi uchinchi xatboshi deb hisoblansin.
2. 2-bandning toʻrtinchi xatboshidagi , 9 va 10-bandlardan “va uning filiallari” soʻzlari chiqarib tashlansin.
3. 1-ilovada “Andijon filiali”, “Buxoro filiali”, “Samarqand filiali” va “Nukus filiali” bloklari chiqarib tashlansin.
Oʻzbekiston Respublikasi Prezidenti vazifasini bajaruvchi Sh. MIRZIYOYEV
Toshkent sh.,
2016-yil 21-noyabr,
PQ-2659-son
Президента Республики Узбекистан
Постановление
О мерах по дальнейшему совершенствованию подготовки медицинских кадров в сфере стоматологии
В целях дальнейшего совершенствования системы подготовки высококвалифицированных медицинских кадров в области стоматологии, повышения качества теоретической подготовки будущих специалистов — стоматологов и овладения ими практическими навыками:
1. Принять предложение Министерства здравоохранения, Министерства высшего и среднего специального образования, Министерства экономики и Министерства финансов Республики Узбекистан об упразднении Андижанского, Бухарского, Самаркандского и Нукусского филиалов Ташкентского государственного стоматологического института с созданием на их базе факультетов стоматологии соответственно в Андижанском, Бухарском и Самаркандском медицинских институтах, в Нукусском филиале Ташкентского педиатрического медицинского института.
2. Министерству здравоохранения Республики Узбекистан до 1 декабря 2016 года в установленном порядке обеспечить:
реализацию комплекса мер по упразднению филиалов Ташкентского государственного стоматологического института и организации на их базе стоматологических факультетов Андижанского, Бухарского и Самаркандского медицинских институтов, Нукусского филиала Ташкентского педиатрического медицинского института;
перевод контингента обучающихся студентов упраздняемых филиалов Ташкентского государственного стоматологического института соответственно на стоматологические факультеты Андижанского, Бухарского и Самаркандского медицинских институтов, Нукусского филиала Ташкентского педиатрического медицинского института с сохранением формы обучения на основе государственных грантов или платно-контрактной основе, по которой они обучались;
укомплектование стоматологических факультетов Андижанского, Бухарского и Самаркандского медицинских институтов, Нукусского филиала Ташкентского педиатрического медицинского института квалифицированными педагогическими и другими кадрами из числа работников упраздняемых филиалов Ташкентского государственного стоматологического института;
передачу зданий, сооружений, оборудования, инвентаря, учебной и методической литературы, документации, иного имущества и активов упраздняемых филиалов Ташкентского государственного стоматологического института соответственно Андижанскому, Бухарскому и Самаркандскому медицинским институтам, Нукусскому филиалу Ташкентского педиатрического медицинского института;
внесение соответствующих изменений в штатные расписания и сметы расходов Андижанского, Бухарского и Самаркандского медицинских институтов, Нукусского филиала Ташкентского педиатрического медицинского института на 2016 год.
3. Установить, что Андижанский, Бухарский и Самаркандский медицинские институты, Нукусский филиал Ташкентского педиатрического медицинского института являются, соответственно, правопреемниками по правам, договорам и обязательствам упраздняемых Андижанского, Бухарского, Самаркандского и Нукусского филиалов Ташкентского государственного стоматологического института.
4. Министерству здравоохранения Республики Узбекистан обеспечить:
проведение на регулярной основе подготовки, переподготовки и повышения квалификации преподавателей стоматологических факультетов;
эффективную организацию учебного процесса по стоматологии на основе современных педагогических технологий, использования информационного и мультимедийного оборудования;
осуществление научно-практических исследований и разработок в сфере стоматологии, челюстно-лицевой хирургии и других соответствующих направлениях.
5. Министерству труда совместно с Министерством здравоохранения Республики Узбекистан, Советом Министров Республики Каракалпакстан, хокимиятами Андижанской, Бухарской и Самаркандской областей принять в установленном порядке меры по трудоустройству высвобождаемых работников упраздняемых филиалов Ташкентского государственного стоматологического института.
6. Министерству финансов Республики Узбекистан по обоснованным расчетам Министерства здравоохранения Республики Узбекистан внести соответствующие изменения в утвержденную роспись расходов республиканского бюджета Республики Узбекистан, вытекающие из настоящего постановления.
7. Внести изменения в постановление Президента Республики Узбекистан от 22 июля 2014 года № ПП-2215 «Об образовании Ташкентского государственного стоматологического института» согласно приложению .
8. Министерству здравоохранения совместно с Министерством юстиции Республики Узбекистан и другими заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
9. Контроль за исполнением настоящего постановления возложить на первого заместителя Премьер-министра Республики Узбекистан Р.С. Азимова и заместителя Премьер-министра Республики Узбекистан А.И. Икрамова.
ПРИЛОЖЕНИЕ к постановлению Президента Республики Узбекистан от 21 ноября 2016 года № ПП-2659
Изменения, вносимые в постановление Президента Республики Узбекистан от 22 июля 2014 г. № ПП-2215 «Об образовании Ташкентского государственного стоматологического института»
1. В пункте 1 :
абзац третий исключить;
абзац четвертый считать абзацем третьим.
2. Из абзаца четвертого пункта 2, пунктов 9 и 10 слова «и его филиалов» исключить.
3. Из приложения № 1 блоки «Андижанский филиал», «Бухарский филиал», «Самаркандский филиал» и «Нукусский филиал» исключить.
Исполняющий обязанности Президента Республики Узбекистан Ш. МИРЗИЁЕВ
г. Ташкент,
21 ноября 2016 г.,
№ ПП-2659