📅 2016-yil 2-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 2 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 2 декабря 2016 г. · Указы Президента
Официальный текст. Официальный документ. Редакционные примечания не включены.
📅 2 December 2016 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикасининг туризм соҳасини жадал ривожлантиришни таъминлаш чора-тадбирлари тўғрисида
Мамлакат иқтисодиётининг стратегик тармоғи сифатида туризмни жадал ривожлантириш учун қулай иқтисодий ва ташкилий-ҳуқуқий шарт-шароитлар яратиш, ҳудудларнинг улкан туризм салоҳиятидан янада тўлиқ ва самарали фойдаланиш, туризм тармоғини бошқаришни тубдан такомиллаштириш, миллий туризм маҳсулотларини яратиш ва уларни жаҳон бозорларида тарғибот қилиш, туризм соҳасида Ўзбекистоннинг ижобий қиёфасини шакллантириш мақсадида:
1. Қуйидагилар ўрта муддатли истиқболда туризм соҳасидаги давлат сиёсатининг мақсадли вазифалари ва устувор йўналишлари этиб белгилансин:
туризмни ривожлантиришнинг яхлит концепциясини шакллантириш ва изчил амалга ошириш, туризмга иқтисодиётнинг стратегик сектори мақомини бериш, ушбу соҳани барча ҳудудларни ва ўзаро боғлиқ тармоқларни комплекс равишда жадал ривожлантиришнинг етакчи кучига айланиши лозим бўлган иқтисодиётни диверсификациялаш, таркибий ўзгартириш ва барқарор ривожланишнинг қудратли воситасига айлантириш, яратиладиган ялпи ички маҳсулотда, маҳаллий бюджет даромадларида туризмнинг улушини кўпайтириш, иш билан бандликни таъминлаш, аҳолининг турмуш даражаси ва сифатини ошириш бўйича тизимли чора-тадбирларни амалга ошириш;
туризм индустрияси субъектлари фаолияти учун қулай шарт-шароитларни шакллантиришга йўналтирилган туризм фаолияти соҳасидаги қонун ҳужжатларини ва норматив-ҳуқуқий базани янада такомиллаштириш, туризмнинг ривожланишидаги барча тўсиқ ва ғовларга барҳам бериш, виза ва рўйхатдан ўтказиш тартиб-таомилларини, паспорт ва божхона назоратини соддалаштириш, туризм соҳасини давлат томонидан бошқариш ва бозорга хос тарзда тартибга солиш механизмини мақбуллаштириш, туризм соҳасида тадбиркорлик фаоллигини рағбатлантириш ва туризм хизматлари бозорида рақобатни ривожлантириш бўйича чора-тадбирларни амалга ошириш, туризм соҳасида статистик ҳисобга олиш тизимини такомиллаштириш;
туризм хизматларини ташкил этишда, энг аввало, туристлар жойлаштириладиган жойларда, овқатланиш пунктларида, республика ҳудуди бўйлаб ҳаракатланишда, туризм объектларига ташрифларни уюштиришда туристлар ва экскурсантларнинг ҳаёти ва соғлиғи хавфсизлигини таъминлаш бўйича комплекс чора-тадбирларни амалга ошириш;
мамлакатда туризмни жадал ривожлантириш, мавжуд улкан туризм салоҳиятидан янада тўлиқ ва самарали фойдаланиш, анъанавий маданий-тарихий туризм билан биргаликда туризмнинг бошқа салоҳиятли турларини — зиёрат қилиш, экологик, маърифий, этнографик, гастрономик, спорт, даволаш-соғломлаштириш, қишлоқ, саноат, ишбилармонлик туризми ва бошқа турларини жадал ривожлантириш, болалар, ўсмирлар ва ёшлар туризмини, оилавий туризмни, кексалар учун ижтимоий туризмни ривожлантириш ҳисобига туризмнинг ижтимоий аҳамиятини кучайтириш, ҳудудларда янги туризм йўналишларини ташкил этиш, уларни паспортлаштириш, туризм йўналишлари ва туризм объектлари бўйича ягона миллий реестрларни шакллантиришга йўналтирилган ички, кириш ва чиқиш туризмини комплекс ривожлантиришнинг миллий ва ҳудудий дастурларини ишлаб чиқиш ва амалга ошириш;
туризм фаолияти соҳасида халқаро ҳамкорликни, биринчи навбатда, БМТнинг Бутунжаҳон туризм ташкилоти (ЮНВТО), хорижий мамлакатларнинг туризм бўйича нуфузли халқаро ва миллий ташкилотлари — туризм хизматлари минтақавий ва жаҳон бозорларининг фаол иштирокчилари билан ҳамкорликни кенгайтириш, Ўзбекистоннинг туризм соҳасида тартибга солувчи универсал халқаро конвенциялар ва битимлардаги иштироки, туризм фаолияти амалиётига халқаро ва давлатлараро стандартлар ва нормаларни жорий этиш;
республиканинг барча минтақаларида замонавий жаҳон стандартларига, туристларнинг эҳтиёжлари ва талабларига жавоб берадиган туризм индустрияси объектларини — меҳмонхоналарни ва жойлаштиришнинг шу каби воситаларини, умумий овқатланиш объектларини, транспорт-логистика тузилмаларини, ахборот марказларини, маданият ва спорт муассасаларини жадал ривожлантириш, асосий туризм йўналишлари бўйича йўл-транспорт ва муҳандислик-коммуникация инфратузилмасини, йўлбўйи инфратузилмасини жадал қуриш ва реконструкция қилиш, ушбу мақсадлар учун хорижий инвесторларни кенг жалб этиш;
халқаро туризм ривожланиши тенденцияларини ва замонавий маркетинг воситалари қўлланилишини ҳисобга олган ҳолда, рақобатбардош туризм маҳсулотлари ва хизматларини ишлаб чиқиш, уларни ички ва халқаро туризм бозорларида тарғибот қилиш бўйича стратегияни ишлаб чиқиш, қулай туризм ахборот муҳитини ташкил этиш ва ривожлантириш, кенг реклама-ахборот фаолиятини амалга ошириш, мамлакат ҳудудларида туризм ахборот марказлари ва чет элда туризм ваколатхоналари очиш, Интернет тармоғидан фаол фойдаланиш, ҳар йили Тошкент халқаро туризм ярмаркасини ўтказиш йўли билан туризм соҳасида мамлакатимизнинг ижобий қиёфасини шакллантириш;
туризм тармоғи учун, айниқса менежмент ва маркетинг соҳасида малакали кадрларни сифатли тайёрлаш тизимини тубдан такомиллаштириш, гидлар (экскурсия етакчилари) тайёрлаш, туризм фаолияти субъектлари ходимларини мунтазам равишда қайта тайёрлаш ва малакасини ошириш.
2. Тугатилаётган «Ўзбектуризм» Миллий компанияси негизида Ўзбекистон Республикаси Туризмни ривожлантириш давлат қўмитаси ташкил этилсин.
Ўзбекистон Республикаси Туризмни ривожлантириш давлат қўмитаси туризм соҳасидаги ваколатли давлат органи этиб белгилансин.
Ўзбекистон Республикаси Туризмни ривожлантириш давлат қўмитаси зиммасига қуйидаги функциялар:
туризм туроператорлик фаолиятини лицензиялаш;
Ўзбекистон Республикаси сертификатлаштириш бўйича миллий органи — «Ўзстандарт» агентлиги билан мустаҳкам ўзаро ҳамкорликда туризм фаолияти субъектлари томонидан кўрсатиладиган туроператорлик (туризм маҳсулотлари) хизматлари ва меҳмонхона хизматларини мажбурий сертификатлаш, шу жумладан турли ташкилий-ҳуқуқий шакллардаги меҳмонхоналарнинг (мотелларнинг) таснифини белгилаш;
сертификатланадиган туризм хизматларининг норматив ҳужжатларда белгиланган мажбурий талаблар ва стандартларга мувофиқлиги бўйича инспекция назоратини амалга ошириш юклансин.
Бунда Ўзбекистон Республикаси Миллий сертификатлаш тизимида аккредитация қилинган туризм хизматларини сертификатлаш бўйича органлар ҳам туризм хизматларининг айрим турларини сертификатлаш субъектлари ҳисобланади.
Ўзбекистон Республикаси Туризмни ривожлантириш давлат қўмитасининг ўз ваколатлари доирасида қабул қилган қарорлари давлат ва хўжалик бошқаруви органлари, давлат ҳокимияти ва маҳаллий бошқарув органлари, мулкчилик шакллари ва идоравий бўйсунишидан қатъи назар, хўжалик юритувчи субъектлар томонидан бажарилиши мажбурий ҳисобланади.
Ўзбекистон Республикаси Вазирлар Маҳкамаси бир ҳафта муддатда Ўзбекистон Республикаси Туризмни ривожлантириш давлат қўмитаси фаолиятини ташкил этиш тўғрисида қарор қабул қилсин.
3. Ўзбекистон Республикаси Туризмни ривожлантириш давлат қўмитаси Иқтисодиёт вазирлиги, Молия вазирлиги, Ташқи иқтисодий алоқалар, инвестициялар ва савдо вазирлиги, Ташқи ишлар вазирлиги, Маданият ва спорт ишлари вазирлиги, Адлия вазирлиги, Давлат божхона қўмитаси, Давлат архитектура ва қурилиш қўмитаси, Табиатни муҳофаза қилиш давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, бошқа манфаатдор вазирликлар, идоралар, ташкилотлар билан биргаликда уч ой муддатда ушбу Фармонда белгиланган туризм соҳасидаги давлат сиёсатининг мақсадлари ва устувор вазифаларидан келиб чиқиб, ўрта муддатли истиқболда Ўзбекистон Республикасида туризм соҳасини ривожлантириш концепциясини, шунингдек 2017 — 2021 йилларда Концепцияни амалга оширишга доир аниқ чора-тадбирлар Дастурини Вазирлар Маҳкамасига киритсин.
4. Белгилансинки, 2017 йил 1 январдан бошлаб:
фақат туризм фаолиятини ташкиллаштиришни таъминлайдиган туризм корхоналари — туризм операторлари, туризм агентликлари, экскурсия ташкилотлари, туризм фирмалари туризм фаолиятини амалга ошириш ҳуқуқи юзасидан лицензияланадилар;
туризм фаолиятини амалга ошириш ҳуқуқига лицензия олишда туризм хизматлари сертификати билан тасдиқланган туристлар ва экскурсантларнинг ҳаёти, соғлиғи ва мол-мулки учун хавфсизликни таъминлаш тизимининг мавжудлиги мажбурий лицензия талаби ва шарти ҳисобланади;
меҳмонхоналарда ва жойлаштиришнинг шу каби воситаларида туризм хизматлари кўрсатиш билан боғлиқ фаолиятни амалга оширишга лицензия мавжуд бўлиши бўйича талабни бекор қилган ҳолда, туризм фаолияти билан боғлиқ бўлган субъектлар — меҳмонхоналар, мотеллар, кемпинглар ва жойлаштиришнинг шу каби воситалари томонидан кўрсатиладиган туризм хизматлари мажбурий сертификатланади. Бунда 2018 йил 1 апрелдан бошлаб хорижий туристларга хизмат кўрсатишга ихтисослашган умумий овқатланиш корхоналари ва автотранспорт корхоналарини ихтиёрий сертификатлаш жорий этилади;
гидлар (экскурсия етакчилари), кузатиб борувчи-йўриқчиларнинг хизматлари жисмоний шахслар ёки юридик шахсларнинг ходимлари томонидан фақат улар олий ёки ўрта махсус касб-ҳунар таълим тўғрисидаги диплом ёхуд гидлар (экскурсия етакчилари) йўналиши бўйича давлат намунасидаги қайта тайёрлаш тўғрисидаги гувоҳнома ёки Ўзбекистон Республикаси Туризмни ривожлантириш давлат қўмитаси томонидан бериладиган малака сертификати олгандан кейин амалга оширилиши мумкин;
туризм корхоналари туризм фаолияти субъектлари билан фақат уларда мувофиқлик сертификати мавжуд бўлган тақдирда улар томонидан хорижий туристларга туризм хизматлари кўрсатиш юзасидан шартномалар (битимлар) тузиш ҳуқуқига эга.
5. Хорижий фуқароларнинг Ўзбекистон Республикасига ташрифи учун қулай шарт-шароитлар яратиш ва виза тартиб-таомилларини соддалаштириш мақсадида 2021 йил 1 январдан бошлаб:
55 ёшга тўлган ва туризм мақсадида 30 кундан ортиқ бўлмаган муддатга Ўзбекистон Республикасига келувчи Вьетнамнинг фуқаролари учун виза режими бекор қилинсин;
Кейинчалик рўйхати қайта кўриб чиқилиши мумкин бўлган муайян давлатлар билан виза тартибини соддалаштириш тўғрисидаги масала Ўзбекистон Республикасининг улар билан икки томонлама муносабатларининг ривожланиш даражасидан, жаҳон туризм бозорининг конъюнктураси ҳамда халқаро ва минтақавий хавфсизлик соҳасида содир бўлаётган вазиятдан келиб чиққан ҳолда кўриб чиқилади.
6. Ўзбекистон Республикаси Ташқи ишлар вазирлиги Туризмни ривожлантириш давлат қўмитаси, Молия вазирлиги, Ахборот технологиялари ва коммуникацияларини ривожлантириш вазирлиги, Меҳнат вазирлиги, бошқа манфаатдор вазирликлар ва идоралар билан биргаликда:
а) 2017 йилнинг 1 январига қадар муддатда:
барча мамлакатлар учун 30 кун муддатга бериладиган ягона туризм визаларини жорий этиш;
хорижий мутахассисларнинг Ўзбекистон Республикасида туризм соҳасида меҳнат фаолиятини амалга ошириш учун рухсатномалар олиш тартиб-таомилини соддалаштириш ҳамда уларга жисмоний шахсларнинг даромадларидан солиқ тўлаш бўйича имтиёзлар бериш;
б) 2021 йилнинг 1 январига қадар муддатда:
халқаро аэропортларда ва Ўзбекистон Республикасининг Давлат чегараси орқали ўтказиш пунктларида визалар олиш, шу жумладан транзит визалари олиш тартибини сезиларли равишда соддалаштириш;
визаларни расмийлаштириш ва бериш жараёнида замонавий ахборот-коммуникация технологияларидан фойдаланишни, шу жумладан, Ташқи ишлар вазирлигининг консуллик бошқармасига ва Ўзбекистон Республикасининг чет элдаги дипломатик ваколатхоналарига ташриф буюрмасдан виза олишга ҳужжатларни топшириш ва сўровномаларни тўлдиришда «он-лайн» тизимдан фойдаланиш, шунингдек 2021 йилдан бошлаб жорий этиладиган электрон визалар тизимидан фойдаланишни кенгайтириш бўйича таклифларни тасдиқлаш учун Вазирлар Маҳкамасига киритсин.
7. Ўзбекистон Республикаси Ташқи ишлар вазирлиги ҳамда Инвестициялар бўйича давлат қўмитаси Ўзбекистоннинг чет эллардаги элчихоналари ҳузуридаги савдо-иқтисодий масалалар бўйича маслаҳатчилар зиммасига миллий туризм маҳсулотларини тарғибот қилиш ва Ўзбекистон Республикасига туристлар оқими кўпайишида кўмаклашиш мажбуриятини юкласинлар.
8. «Ўзбекистон ҳаво йўллари» МАК, «Ўзбекистон темир йўллари» АЖ Ўзбекистон Республикаси Давлат хавфсизлик хизматининг чегара қўшинлари ва Давлат божхона қўмитаси, Туризмни ривожлантириш давлат қўмитаси билан биргаликда:
2021 йилнинг 1 январигача бўлган муддатда Тошкент, Самарқанд, Бухоро ва Урганч шаҳарларининг халқаро аэропортларида республикага келувчи (кетувчи) хорижий туристлар учун «яшил йўлак» божхона назорати тизимини, паспорт ва божхона назоратидан ўтишнинг, багажни олишнинг, транспорт хизмати кўрсатишнинг соддалаштирилган тартиб-таомилини жорий этиш юзасидан зарур чора-тадбирлар кўрсинлар;
2021 йилнинг 1 январидан республика аэропортлари ва вокзалларида хорижий фуқароларга қўшимча қулайликлар яратиш ҳамда паспорт назоратидан ўтиш жараёнини тезлаштириш мақсадида резидентлар ва норезидентлар томонидан ушбу тартиб-таомилдан алоҳида-алоҳида ўтишни ташкил этсинлар;
хорижий туристларни кутиб олувчи ёки кузатувчи туризм фаолияти субъектлари ходимларига режим ва қўриқлаш чоралари талабларига риоя этган ҳолда белгиланган тартибда берилган махсус рухсатномалар бўйича аэропортлар ва вокзаллар биноларига кириш ҳуқуқини берсинлар;
аэропортларда ва темир йўл вокзалларида қулай туризм ахборот маконини, шу жумладан туризм-ахборот пунктлари фаолиятини, туризм навигация тизимини, йўналиш олиш белгиларини ўрнатиш ва бошқа шу каби тадбирларни ташкил этиш ва ривожлантириш ҳисобига йўловчиларга, шу жумладан бепул асосда кўрсатиладиган хизматлар даражаси ва сифатини ошириш чора-тадбирларини тизимли равишда амалга оширсинлар.
9. Ўзбекистон Республикаси Туризмни ривожлантириш давлат қўмитаси Ахборот технологиялари ва коммуникацияларини ривожлантириш вазирлиги ҳамда Ички ишлар вазирлиги билан биргаликда бир ой муддатда меҳмонхоналарда ва бошқа жойлаштириш жойларида яшовчиларни электрон шаклда Интернет тармоғи орқали ҳисобга олишнинг автоматлаштирилган махсус электрон дастурини яратсин.
10. Белгилаб қуйилсинки, туристларни қабул қиладиган туризм операторлари, шунингдек уларнинг ходимлари туристлар томонидан Ўзбекистон Республикаси қонунчилиги бузилганлиги учун жавобгарликдан озод қилинади, хорижий фуқаролар ва фуқаролиги бўлмаган шахсларнинг Ўзбекистон Республикаси ҳудудида бўлишига доир тегишли норматив-ҳуқуқий ҳужжатларда белгиланган қоидалар бундан мустасно.
11. Ўзбекистон Республикаси Марказий банкига тижорат банклари билан биргаликда Ўзбекистон Республикаси Туризмни ривожлантириш давлат қўмитаси тавсия қиладиган туризм инфратузилмаси объектларининг валюта тўловларини қабул қилиш терминаллари билан жиҳозланишини таъминлаш тавсия этилсин.
12. Юридик шахслар:
белгиланган тартибда сертификатланган камида 4 юлдузли даражадаги меҳмонхона ва мотелларни фойдаланишга топширилган санасидан бошлаб улар юридик шахсларнинг фойда солиғи, ер солиғи ва мол-мулк солиғи, шунингдек юридик шахсларнинг ягона солиқ тўлови;
белгиланган тартибда шакллантириладиган рўйхатларга кўра меҳмонхона ва бошқа жойлаштириш воситаларини қуриш, реконструкция қилиш ва жиҳозлаш учун асбоб-ускуналар, техника, хом ашё, бутловчи буюмлар ва эҳтиёт қисмлар, қурилиш ва бошқа материалларни (шужумладан мебель ва инвентарь) олиб кириш учун божхона тўловлари (божхона расмийлаштируви учун йиғимлардан ташқари) тўлашдан 5 йил муддатга озод қилинсин.
Белгилансинки, Ўзбекистон Республикасига олиб кириладиган, туризм фаолияти субъектлари томонидан туристларни ташиш учун мўлжалланган, сиғими 9 кишидан ортиқ бўлган янги сотиб олинган транспорт воситаларини 2022 йил 1 январга қадар Ички ишлар вазирлиги органларида рўйхатдан ўтказишда автотранспорт йиғими ундирилмайди.
13. Ўзбекистон Республикаси Президентининг «Ўзбектуризм» Миллий компаниясини ташкил этиш тўғрисида» 1992 йил 27 июлдаги ПФ-447-сон Фармони ўз кучини йўқотган деб ҳисоблансин.
Ўзбекистон Республикаси Туризмни ривожлантириш давлат қўмитаси Ўзбекистон Республикаси Адлия вазирлиги ҳамда бошқа манфаатдор вазирликлар ва идоралар билан биргаликда икки ой муддатда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
14. Мазкур Фармоннинг бажарилишини назорат қилиш Ўзбекистон Республикаси Бош вазирининг биринчи ўринбосари Р. Азимов зиммасига юклансин.
Ўзбекистон Республикаси Президенти вазифасини бажарувчи Ш. МИРЗИЁЕВ
Тошкент ш.,
2016 йил 2 декабрь,
ПФ-4861-сон
Oʻzbekiston Respublikasi Prezidentining
Farmoni
Oʻzbekiston Respublikasining turizm sohasini jadal rivojlantirishni taʼminlash chora-tadbirlari toʻgʻrisida
Mamlakat iqtisodiyotining strategik tarmogʻi sifatida turizmni jadal rivojlantirish uchun qulay iqtisodiy va tashkiliy-huquqiy shart-sharoitlar yaratish, hududlarning ulkan turizm salohiyatidan yanada toʻliq va samarali foydalanish, turizm tarmogʻini boshqarishni tubdan takomillashtirish, milliy turizm mahsulotlarini yaratish va ularni jahon bozorlarida targʻibot qilish, turizm sohasida Oʻzbekistonning ijobiy qiyofasini shakllantirish maqsadida:
1. Quyidagilar oʻrta muddatli istiqbolda turizm sohasidagi davlat siyosatining maqsadli vazifalari va ustuvor yoʻnalishlari etib belgilansin:
turizmni rivojlantirishning yaxlit konsepsiyasini shakllantirish va izchil amalga oshirish, turizmga iqtisodiyotning strategik sektori maqomini berish, ushbu sohani barcha hududlarni va oʻzaro bogʻliq tarmoqlarni kompleks ravishda jadal rivojlantirishning yetakchi kuchiga aylanishi lozim boʻlgan iqtisodiyotni diversifikatsiyalash, tarkibiy oʻzgartirish va barqaror rivojlanishning qudratli vositasiga aylantirish, yaratiladigan yalpi ichki mahsulotda, mahalliy budjet daromadlarida turizmning ulushini koʻpaytirish, ish bilan bandlikni taʼminlash, aholining turmush darajasi va sifatini oshirish boʻyicha tizimli chora-tadbirlarni amalga oshirish;
turizm industriyasi subyektlari faoliyati uchun qulay shart-sharoitlarni shakllantirishga yoʻnaltirilgan turizm faoliyati sohasidagi qonun hujjatlarini va normativ-huquqiy bazani yanada takomillashtirish, turizmning rivojlanishidagi barcha toʻsiq va gʻovlarga barham berish, viza va roʻyxatdan oʻtkazish tartib-taomillarini, pasport va bojxona nazoratini soddalashtirish, turizm sohasini davlat tomonidan boshqarish va bozorga xos tarzda tartibga solish mexanizmini maqbullashtirish, turizm sohasida tadbirkorlik faolligini ragʻbatlantirish va turizm xizmatlari bozorida raqobatni rivojlantirish boʻyicha chora-tadbirlarni amalga oshirish, turizm sohasida statistik hisobga olish tizimini takomillashtirish;
turizm xizmatlarini tashkil etishda, eng avvalo, turistlar joylashtiriladigan joylarda, ovqatlanish punktlarida, respublika hududi boʻylab harakatlanishda, turizm obyektlariga tashriflarni uyushtirishda turistlar va ekskursantlarning hayoti va sogʻligʻi xavfsizligini taʼminlash boʻyicha kompleks chora-tadbirlarni amalga oshirish;
mamlakatda turizmni jadal rivojlantirish, mavjud ulkan turizm salohiyatidan yanada toʻliq va samarali foydalanish, anʼanaviy madaniy-tarixiy turizm bilan birgalikda turizmning boshqa salohiyatli turlarini — ziyorat qilish, ekologik, maʼrifiy, etnografik, gastronomik, sport, davolash-sogʻlomlashtirish, qishloq, sanoat, ishbilarmonlik turizmi va boshqa turlarini jadal rivojlantirish, bolalar, oʻsmirlar va yoshlar turizmini, oilaviy turizmni, keksalar uchun ijtimoiy turizmni rivojlantirish hisobiga turizmning ijtimoiy ahamiyatini kuchaytirish, hududlarda yangi turizm yoʻnalishlarini tashkil etish, ularni pasportlashtirish, turizm yoʻnalishlari va turizm obyektlari boʻyicha yagona milliy reyestrlarni shakllantirishga yoʻnaltirilgan ichki, kirish va chiqish turizmini kompleks rivojlantirishning milliy va hududiy dasturlarini ishlab chiqish va amalga oshirish;
turizm faoliyati sohasida xalqaro hamkorlikni, birinchi navbatda, BMTning Butunjahon turizm tashkiloti (YUNVTO), xorijiy mamlakatlarning turizm boʻyicha nufuzli xalqaro va milliy tashkilotlari — turizm xizmatlari mintaqaviy va jahon bozorlarining faol ishtirokchilari bilan hamkorlikni kengaytirish, Oʻzbekistonning turizm sohasida tartibga soluvchi universal xalqaro konvensiyalar va bitimlardagi ishtiroki, turizm faoliyati amaliyotiga xalqaro va davlatlararo standartlar va normalarni joriy etish;
respublikaning barcha mintaqalarida zamonaviy jahon standartlariga, turistlarning ehtiyojlari va talablariga javob beradigan turizm industriyasi obyektlarini — mehmonxonalarni va joylashtirishning shu kabi vositalarini, umumiy ovqatlanish obyektlarini, transport-logistika tuzilmalarini, axborot markazlarini, madaniyat va sport muassasalarini jadal rivojlantirish, asosiy turizm yoʻnalishlari boʻyicha yoʻl-transport va muhandislik-kommunikatsiya infratuzilmasini, yoʻlboʻyi infratuzilmasini jadal qurish va rekonstruksiya qilish, ushbu maqsadlar uchun xorijiy investorlarni keng jalb etish;
xalqaro turizm rivojlanishi tendensiyalarini va zamonaviy marketing vositalari qoʻllanilishini hisobga olgan holda, raqobatbardosh turizm mahsulotlari va xizmatlarini ishlab chiqish, ularni ichki va xalqaro turizm bozorlarida targʻibot qilish boʻyicha strategiyani ishlab chiqish, qulay turizm axborot muhitini tashkil etish va rivojlantirish, keng reklama-axborot faoliyatini amalga oshirish, mamlakat hududlarida turizm axborot markazlari va chet elda turizm vakolatxonalari ochish, Internet tarmogʻidan faol foydalanish, har yili Toshkent xalqaro turizm yarmarkasini oʻtkazish yoʻli bilan turizm sohasida mamlakatimizning ijobiy qiyofasini shakllantirish;
turizm tarmogʻi uchun, ayniqsa menejment va marketing sohasida malakali kadrlarni sifatli tayyorlash tizimini tubdan takomillashtirish, gidlar (ekskursiya yetakchilari) tayyorlash, turizm faoliyati subyektlari xodimlarini muntazam ravishda qayta tayyorlash va malakasini oshirish.
2. Tugatilayotgan “Oʻzbekturizm” Milliy kompaniyasi negizida Oʻzbekiston Respublikasi Turizmni rivojlantirish davlat qoʻmitasi tashkil etilsin.
Oʻzbekiston Respublikasi Turizmni rivojlantirish davlat qoʻmitasi turizm sohasidagi vakolatli davlat organi etib belgilansin.
Oʻzbekiston Respublikasi Turizmni rivojlantirish davlat qoʻmitasi zimmasiga quyidagi funksiyalar:
turizm turoperatorlik faoliyatini litsenziyalash;
Oʻzbekiston Respublikasi sertifikatlashtirish boʻyicha milliy organi — “Oʻzstandart” agentligi bilan mustahkam oʻzaro hamkorlikda turizm faoliyati subyektlari tomonidan koʻrsatiladigan turoperatorlik (turizm mahsulotlari) xizmatlari va mehmonxona xizmatlarini majburiy sertifikatlash, shu jumladan turli tashkiliy-huquqiy shakllardagi mehmonxonalarning (motellarning) tasnifini belgilash;
sertifikatlanadigan turizm xizmatlarining normativ hujjatlarda belgilangan majburiy talablar va standartlarga muvofiqligi boʻyicha inspeksiya nazoratini amalga oshirish yuklansin.
Bunda Oʻzbekiston Respublikasi Milliy sertifikatlash tizimida akkreditatsiya qilingan turizm xizmatlarini sertifikatlash boʻyicha organlar ham turizm xizmatlarining ayrim turlarini sertifikatlash subyektlari hisoblanadi.
Oʻzbekiston Respublikasi Turizmni rivojlantirish davlat qoʻmitasining oʻz vakolatlari doirasida qabul qilgan qarorlari davlat va xoʻjalik boshqaruvi organlari, davlat hokimiyati va mahalliy boshqaruv organlari, mulkchilik shakllari va idoraviy boʻysunishidan qatʼi nazar, xoʻjalik yurituvchi subyektlar tomonidan bajarilishi majburiy hisoblanadi.
Oʻzbekiston Respublikasi Vazirlar Mahkamasi bir hafta muddatda Oʻzbekiston Respublikasi Turizmni rivojlantirish davlat qoʻmitasi faoliyatini tashkil etish toʻgʻrisida qaror qabul qilsin.
3. Oʻzbekiston Respublikasi Turizmni rivojlantirish davlat qoʻmitasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi, Tashqi ishlar vazirligi, Madaniyat va sport ishlari vazirligi, Adliya vazirligi, Davlat bojxona qoʻmitasi, Davlat arxitektura va qurilish qoʻmitasi, Tabiatni muhofaza qilish davlat qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, boshqa manfaatdor vazirliklar, idoralar, tashkilotlar bilan birgalikda uch oy muddatda ushbu Farmonda belgilangan turizm sohasidagi davlat siyosatining maqsadlari va ustuvor vazifalaridan kelib chiqib, oʻrta muddatli istiqbolda Oʻzbekiston Respublikasida turizm sohasini rivojlantirish konsepsiyasini, shuningdek 2017 — 2021-yillarda Konsepsiyani amalga oshirishga doir aniq chora-tadbirlar Dasturini Vazirlar Mahkamasiga kiritsin.
4. Belgilansinki, 2017-yil 1-yanvardan boshlab:
faqat turizm faoliyatini tashkillashtirishni taʼminlaydigan turizm korxonalari — turizm operatorlari, turizm agentliklari, ekskursiya tashkilotlari, turizm firmalari turizm faoliyatini amalga oshirish huquqi yuzasidan litsenziyalanadilar;
turizm faoliyatini amalga oshirish huquqiga litsenziya olishda turizm xizmatlari sertifikati bilan tasdiqlangan turistlar va ekskursantlarning hayoti, sogʻligʻi va mol-mulki uchun xavfsizlikni taʼminlash tizimining mavjudligi majburiy litsenziya talabi va sharti hisoblanadi;
mehmonxonalarda va joylashtirishning shu kabi vositalarida turizm xizmatlari koʻrsatish bilan bogʻliq faoliyatni amalga oshirishga litsenziya mavjud boʻlishi boʻyicha talabni bekor qilgan holda, turizm faoliyati bilan bogʻliq boʻlgan subyektlar — mehmonxonalar, motellar, kempinglar va joylashtirishning shu kabi vositalari tomonidan koʻrsatiladigan turizm xizmatlari majburiy sertifikatlanadi. Bunda 2018-yil 1-apreldan boshlab xorijiy turistlarga xizmat koʻrsatishga ixtisoslashgan umumiy ovqatlanish korxonalari va avtotransport korxonalarini ixtiyoriy sertifikatlash joriy etiladi;
gidlar (ekskursiya yetakchilari), kuzatib boruvchi-yoʻriqchilarning xizmatlari jismoniy shaxslar yoki yuridik shaxslarning xodimlari tomonidan faqat ular oliy yoki oʻrta maxsus kasb-hunar taʼlim toʻgʻrisidagi diplom yoxud gidlar (ekskursiya yetakchilari) yoʻnalishi boʻyicha davlat namunasidagi qayta tayyorlash toʻgʻrisidagi guvohnoma yoki Oʻzbekiston Respublikasi Turizmni rivojlantirish davlat qoʻmitasi tomonidan beriladigan malaka sertifikati olgandan keyin amalga oshirilishi mumkin;
turizm korxonalari turizm faoliyati subyektlari bilan faqat ularda muvofiqlik sertifikati mavjud boʻlgan taqdirda ular tomonidan xorijiy turistlarga turizm xizmatlari koʻrsatish yuzasidan shartnomalar (bitimlar) tuzish huquqiga ega.
5. Xorijiy fuqarolarning Oʻzbekiston Respublikasiga tashrifi uchun qulay shart-sharoitlar yaratish va viza tartib-taomillarini soddalashtirish maqsadida 2021-yil 1-yanvardan boshlab:
55 yoshga toʻlgan va turizm maqsadida 30 kundan ortiq boʻlmagan muddatga Oʻzbekiston Respublikasiga keluvchi Vyetnamning fuqarolari uchun viza rejimi bekor qilinsin;
Keyinchalik roʻyxati qayta koʻrib chiqilishi mumkin boʻlgan muayyan davlatlar bilan viza tartibini soddalashtirish toʻgʻrisidagi masala Oʻzbekiston Respublikasining ular bilan ikki tomonlama munosabatlarining rivojlanish darajasidan, jahon turizm bozorining konyunkturasi hamda xalqaro va mintaqaviy xavfsizlik sohasida sodir boʻlayotgan vaziyatdan kelib chiqqan holda koʻrib chiqiladi.
6. Oʻzbekiston Respublikasi Tashqi ishlar vazirligi Turizmni rivojlantirish davlat qoʻmitasi, Moliya vazirligi, Axborot texnologiyalari va kommunikatsiyalarini rivojlantirish vazirligi, Mehnat vazirligi, boshqa manfaatdor vazirliklar va idoralar bilan birgalikda:
a) 2017-yilning 1-yanvariga qadar muddatda:
barcha mamlakatlar uchun 30 kun muddatga beriladigan yagona turizm vizalarini joriy etish;
xorijiy mutaxassislarning Oʻzbekiston Respublikasida turizm sohasida mehnat faoliyatini amalga oshirish uchun ruxsatnomalar olish tartib-taomilini soddalashtirish hamda ularga jismoniy shaxslarning daromadlaridan soliq toʻlash boʻyicha imtiyozlar berish;
b) 2021-yilning 1-yanvariga qadar muddatda:
xalqaro aeroportlarda va Oʻzbekiston Respublikasining Davlat chegarasi orqali oʻtkazish punktlarida vizalar olish, shu jumladan tranzit vizalari olish tartibini sezilarli ravishda soddalashtirish;
vizalarni rasmiylashtirish va berish jarayonida zamonaviy axborot-kommunikatsiya texnologiyalaridan foydalanishni, shu jumladan, Tashqi ishlar vazirligining konsullik boshqarmasiga va Oʻzbekiston Respublikasining chet eldagi diplomatik vakolatxonalariga tashrif buyurmasdan viza olishga hujjatlarni topshirish va soʻrovnomalarni toʻldirishda “on-layn” tizimdan foydalanish, shuningdek 2021-yildan boshlab joriy etiladigan elektron vizalar tizimidan foydalanishni kengaytirish boʻyicha takliflarni tasdiqlash uchun Vazirlar Mahkamasiga kiritsin.
7. Oʻzbekiston Respublikasi Tashqi ishlar vazirligi hamda Investitsiyalar boʻyicha davlat qoʻmitasi Oʻzbekistonning chet ellardagi elchixonalari huzuridagi savdo-iqtisodiy masalalar boʻyicha maslahatchilar zimmasiga milliy turizm mahsulotlarini targʻibot qilish va Oʻzbekiston Respublikasiga turistlar oqimi koʻpayishida koʻmaklashish majburiyatini yuklasinlar.
8. “Oʻzbekiston havo yoʻllari” MAK, “Oʻzbekiston temir yoʻllari” AJ Oʻzbekiston Respublikasi Davlat xavfsizlik xizmatining chegara qoʻshinlari va Davlat bojxona qoʻmitasi, Turizmni rivojlantirish davlat qoʻmitasi bilan birgalikda:
2021-yilning 1-yanvarigacha boʻlgan muddatda Toshkent, Samarqand, Buxoro va Urganch shaharlarining xalqaro aeroportlarida respublikaga keluvchi (ketuvchi) xorijiy turistlar uchun “yashil yoʻlak” bojxona nazorati tizimini, pasport va bojxona nazoratidan oʻtishning, bagajni olishning, transport xizmati koʻrsatishning soddalashtirilgan tartib-taomilini joriy etish yuzasidan zarur chora-tadbirlar koʻrsinlar;
2021-yilning 1-yanvaridan respublika aeroportlari va vokzallarida xorijiy fuqarolarga qoʻshimcha qulayliklar yaratish hamda pasport nazoratidan oʻtish jarayonini tezlashtirish maqsadida rezidentlar va norezidentlar tomonidan ushbu tartib-taomildan alohida-alohida oʻtishni tashkil etsinlar;
xorijiy turistlarni kutib oluvchi yoki kuzatuvchi turizm faoliyati subyektlari xodimlariga rejim va qoʻriqlash choralari talablariga rioya etgan holda belgilangan tartibda berilgan maxsus ruxsatnomalar boʻyicha aeroportlar va vokzallar binolariga kirish huquqini bersinlar;
aeroportlarda va temir yoʻl vokzallarida qulay turizm axborot makonini, shu jumladan turizm-axborot punktlari faoliyatini, turizm navigatsiya tizimini, yoʻnalish olish belgilarini oʻrnatish va boshqa shu kabi tadbirlarni tashkil etish va rivojlantirish hisobiga yoʻlovchilarga, shu jumladan bepul asosda koʻrsatiladigan xizmatlar darajasi va sifatini oshirish chora-tadbirlarini tizimli ravishda amalga oshirsinlar.
9. Oʻzbekiston Respublikasi Turizmni rivojlantirish davlat qoʻmitasi Axborot texnologiyalari va kommunikatsiyalarini rivojlantirish vazirligi hamda Ichki ishlar vazirligi bilan birgalikda bir oy muddatda mehmonxonalarda va boshqa joylashtirish joylarida yashovchilarni elektron shaklda Internet tarmogʻi orqali hisobga olishning avtomatlashtirilgan maxsus elektron dasturini yaratsin.
10. Belgilab quyilsinki, turistlarni qabul qiladigan turizm operatorlari, shuningdek ularning xodimlari turistlar tomonidan Oʻzbekiston Respublikasi qonunchiligi buzilganligi uchun javobgarlikdan ozod qilinadi, xorijiy fuqarolar va fuqaroligi boʻlmagan shaxslarning Oʻzbekiston Respublikasi hududida boʻlishiga doir tegishli normativ-huquqiy hujjatlarda belgilangan qoidalar bundan mustasno.
11. Oʻzbekiston Respublikasi Markaziy bankiga tijorat banklari bilan birgalikda Oʻzbekiston Respublikasi Turizmni rivojlantirish davlat qoʻmitasi tavsiya qiladigan turizm infratuzilmasi obyektlarining valyuta toʻlovlarini qabul qilish terminallari bilan jihozlanishini taʼminlash tavsiya etilsin.
12. Yuridik shaxslar:
belgilangan tartibda sertifikatlangan kamida 4 yulduzli darajadagi mehmonxona va motellarni foydalanishga topshirilgan sanasidan boshlab ular yuridik shaxslarning foyda soligʻi, yer soligʻi va mol-mulk soligʻi, shuningdek yuridik shaxslarning yagona soliq toʻlovi;
belgilangan tartibda shakllantiriladigan roʻyxatlarga koʻra mehmonxona va boshqa joylashtirish vositalarini qurish, rekonstruksiya qilish va jihozlash uchun asbob-uskunalar, texnika, xom ashyo, butlovchi buyumlar va ehtiyot qismlar, qurilish va boshqa materiallarni (shujumladan mebel va inventar) olib kirish uchun bojxona toʻlovlari (bojxona rasmiylashtiruvi uchun yigʻimlardan tashqari) toʻlashdan 5 yil muddatga ozod qilinsin.
Belgilansinki, Oʻzbekiston Respublikasiga olib kiriladigan, turizm faoliyati subyektlari tomonidan turistlarni tashish uchun moʻljallangan, sigʻimi 9 kishidan ortiq boʻlgan yangi sotib olingan transport vositalarini 2022-yil 1-yanvarga qadar Ichki ishlar vazirligi organlarida roʻyxatdan oʻtkazishda avtotransport yigʻimi undirilmaydi.
13. Oʻzbekiston Respublikasi Prezidentining “Oʻzbekturizm” Milliy kompaniyasini tashkil etish toʻgʻrisida” 1992-yil 27-iyuldagi PF-447-son Farmoni oʻz kuchini yoʻqotgan deb hisoblansin.
Oʻzbekiston Respublikasi Turizmni rivojlantirish davlat qoʻmitasi Oʻzbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
14. Mazkur Farmonning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R. Azimov zimmasiga yuklansin.
Oʻzbekiston Respublikasi Prezidenti vazifasini bajaruvchi Sh. MIRZIYOYEV
Toshkent sh.,
2016-yil 2-dekabr,
PF-4861-son
Президента Республики Узбекистан
Указ
О мерах по обеспечению ускоренного развития туристской отрасли Республики Узбекистан
В целях создания благоприятных экономических и организационно-правовых условий для интенсивного развития туризма как стратегической отрасли экономики страны, наиболее полного и эффективного использования огромного туристского потенциала регионов, кардинального совершенствования управления туристской отраслью, создания и продвижения на мировые рынки национального туристского продукта, формирования положительного имиджа Узбекистана в сфере туризма:
1. Определить целевыми задачами и приоритетами государственной политики в сфере туризма на среднесрочную перспективу:
формирование и последовательную реализацию целостной концепции развития туризма, придание туризму статуса стратегического сектора экономики, превращение этой отрасли в мощный инструмент устойчивого развития, структурных преобразований и диверсификации экономики, который должен стать локомотивом для ускоренного комплексного развития всех регионов и сопряженных отраслей, осуществление системных мер по увеличению вклада туризма в создаваемом валовом внутреннем продукте, доходах местных бюджетов, обеспечению занятости, повышению уровня и качества жизни населения;
дальнейшее совершенствование законодательства и нормативно-правовой базы в сфере туристской деятельности, направленное на формирование благоприятных условий для деятельности субъектов туристской индустрии, снятие всех преград и барьеров, препятствующих развитию туризма, упрощение визовых и регистрационных процедур, паспортного и таможенного контроля, оптимизацию механизма государственного и рыночного регулирования отрасли туризма, реализацию мер по стимулированию предпринимательской активности в сфере туризма и развитию конкуренции на рынке туристских услуг, совершенствование системы статистического учета в сфере туризма;
реализацию комплекса мер по обеспечению безопасности жизни и здоровья туристов и экскурсантов при организации туристских услуг, прежде всего в местах их размещения, пунктах питания, во время передвижения по территории республики, организации посещения туристских объектов;
разработку и реализацию национальной и региональных программ комплексного развития внутреннего, въездного и выездного туризма, направленных на интенсивное развитие туризма в стране и наиболее полное и эффективное использование имеющегося огромного туристского потенциала, ускоренное развитие, наряду с традиционным культурно-историческим туризмом, других потенциальных видов туризма — паломнического, экологического, познавательного, этнографического, гастрономического, спортивного, лечебно-оздоровительного, сельского, промышленного, делового и иных видов туризма, усиление социальной роли туризма за счет развития детского, юношеского и молодежного, семейного туризма, социального туризма для лиц пожилого возраста, создание новых туристских маршрутов в регионах, проведение их паспортизации, формирование единых национальных реестров по туристским маршрутам и туристским объектам;
расширение международного сотрудничества в сфере туристской деятельности, в первую очередь с Всемирной туристской организацией ООН (ЮНВТО), авторитетными международными и национальными организациями по туризму зарубежных стран — активных участников региональных и мировых рынков туристских услуг, участие Узбекистана в универсальных международных конвенциях и соглашениях, регламентирующих сферу туризма, внедрение в практику туристской деятельности международных и межгосударственных стандартов и норм;
ускоренное развитие во всех регионах республики объектов туристской индустрии, отвечающих современным мировым стандартам, потребностям и требованиям туристов, — гостиниц и аналогичных средств размещения, объектов общественного питания, транспортно-логистических структур, информационных центров, учреждений культуры и спорта, опережающее строительство и реконструкцию дорожно-транспортной и инженерно-коммуникационной инфраструктуры, придорожной инфраструктуры по основным туристским маршрутам, широкое привлечение для этих целей иностранных инвестиций;
разработку, с учетом тенденций развития международного туризма и применения современных маркетинговых инструментов, конкурентоспособных туристских продуктов и услуг, выработку стратегии по их продвижению на внутреннем и международном туристских рынках, формированию положительного имиджа страны в сфере туризма путем создания и развития комфортной информационной туристской среды, осуществления широкой рекламно-информационной деятельности, открытия туристских информационных центров в регионах страны и туристских представительств за рубежом, активного использования сети «Интернет», ежегодного проведения Ташкентской международной туристской ярмарки;
коренное совершенствование системы качественной подготовки квалифицированных кадров для туристской отрасли, особенно в области менеджмента и маркетинга, подготовки гидов (экскурсоводов), регулярной переподготовки и повышения квалификации работников субъектов туристской деятельности.
2. Создать Государственный комитет Республики Узбекистан по развитию туризма на базе упраздняемой Национальной компании «Узбектуризм».
Определить Государственный комитет Республики Узбекистан по развитию туризма уполномоченным государственным органом в сфере туризма.
Возложить на Государственный комитет Республики Узбекистан по развитию туризма функции по:
лицензированию туристской туроператорской деятельности;
проведению, в тесном взаимодействии с национальным органом по сертификации Республики Узбекистан — Агентством «Узстандарт», обязательной сертификации туроператорских (туристские продукты) услуг и гостиничных услуг, оказываемых субъектами туристской деятельности, включая установление классификации гостиниц (мотелей) различных организационно-правовых форм;
осуществлению инспекционного контроля за соответствием сертифицируемых туристских услуг обязательным требованиям и стандартам, установленным в нормативных документах.
При этом субъектами сертификации отдельных видов туристских услуг являются также органы по сертификации туристских услуг, аккредитованные в Национальной системе сертификации Республики Узбекистан.
Решения Государственного комитета Республики Узбекистан по развитию туризма, принятые в пределах его полномочий, являются обязательными для исполнения органами государственного и хозяйственного управления, органами государственной власти и управления на местах, хозяйствующими субъектами независимо от форм собственности и ведомственной подчиненности.
Кабинету Министров Республики Узбекистан в недельный срок принять постановление об организации деятельности Государственного комитета Республики Узбекистан по развитию туризма.
3. Государственному комитету Республики Узбекистан по развитию туризма совместно с Министерством экономики, Министерством финансов, Министерством внешних экономических связей, инвестиций и торговли, Министерством иностранных дел, Министерством по делам культуры и спорта, Министерством юстиции, Государственным таможенным комитетом, Государственным комитетом Республики Узбекистан по архитектуре и строительству, Государственным комитетом Республики Узбекистан по охране природы, Советом Министров Республики Каракалпакстан, хокимиятами областей и города Ташкента, другими заинтересованными министерствами, ведомствами, организациями в трехмесячный срок внести в Кабинет Министров Концепцию развития туристской отрасли Республики Узбекистан на среднесрочную перспективу, исходя из определенных настоящим Указом целей и приоритетов государственной политики в сфере туризма, а также Программу конкретных мер по реализации Концепции в 2017—2021 годах.
4. Установить, что с 1 января 2017 года:
лицензированию на право осуществления туристской деятельности подлежат только туристские предприятия, обеспечивающие организацию туристской деятельности, — туристские операторы, туристские агентства, экскурсионные организации, туристские фирмы;
при получении лицензии на право осуществления туристской деятельности обязательным лицензионным требованием и условием является наличие системы по обеспечению безопасности для жизни, здоровья и имущества туристов и экскурсантов, подтвержденной сертификатом туристских услуг;
обязательной сертификации подлежат туристские услуги, оказываемые субъектами, связанными с туристской деятельностью, — гостиницы, мотели, кемпинги и аналогичные средства размещения, с отменой требования наличия у гостиниц и аналогичных средств размещения лицензии на осуществление деятельности, связанной с предоставлением туристских услуг. При этом, с 1 апреля 2018 года вводится добровольная сертификация для предприятий общественного питания и автотранспортных предприятий, специализирующихся на обслуживании иностранных туристов;
услуги гидов (экскурсоводов), инструкторов-проводников могут осуществляться физическими лицами или работниками юридических лиц только после получения ими диплома о высшем или среднем специальном профессиональном образовании либо свидетельства о переподготовке государственного образца по профилю «гид (экскурсовод)» или квалификационного сертификата, выдаваемого Государственным комитетом Республики Узбекистан по развитию туризма;
туристские предприятия имеют право заключать договоры (контракты) с субъектами туристской деятельности на оказание с их стороны туристских услуг иностранным туристам только при наличии у них сертификата соответствия.
5. В целях упрощения визовых процедур и создания благоприятных условий для посещения иностранными гражданами Республики Узбекистан отменить с 1 января 2021 года визовый режим:
для граждан Вьетнама, достигших возраста 55 лет и въезжающих в Республику Узбекистан в туристских целях на срок не более 30 дней;
В последующем вопрос об упрощении визового режима с конкретными государствами, перечень которых может быть пересмотрен, рассматривать исходя из динамики развития с ними двусторонних отношений Республики Узбекистан, конъюнктуры мирового рынка туризма и складывающейся обстановки в сфере международной и региональной безопасности.
6. Министерству иностранных дел совместно с Государственным комитетом Республики Узбекистан по развитию туризма, Министерством финансов, Министерством по развитию информационных технологий и коммуникаций, Министерством труда Республики Узбекистан, другими заинтересованными министерствами и ведомствами внести на утверждение в Кабинет Министров:
а) в срок до 1 января 2017 года предложения по:
введению единых туристских виз для всех стран, выдаваемых сроком на 30 дней;
упрощению процедуры получения разрешений на осуществление иностранными специалистами трудовой деятельности в Республике Узбекистан в сфере туризма, а также предоставление им льгот по уплате налога на доходы физических лиц;
б) в срок до 1 января 2021 года предложения по:
существенному упрощению порядка получения виз, в том числе транзитных виз, в международных аэропортах и пунктах пропуска через Государственную границу Республики Узбекистан;
расширению использования современных информационно-коммуникационных технологий в процессе оформления и выдачи виз, в том числе с использованием системы «он-лайн» заполнения анкет и подачи документов на получение визы без посещения дипломатических представительств Республики Узбекистан за рубежом и консульского управления Министерства иностранных дел, а также внедрением с 2021 года системы электронных виз.
7. Министерству иностранных дел и Государственному комитету Республики Узбекистан по инвестициям возложить на советников по торгово-экономическим вопросам при посольствах Республики Узбекистан за рубежом обязанности по продвижению национального туристского продукта и оказанию содействия в увеличении туристского потока в Республику Узбекистан.
8. НАК «Узбекистон хаво йуллари», АО «Узбекистон темир йуллари» совместно с пограничными войсками Службы государственной безопасности и Государственным таможенным комитетом Республики Узбекистан, Государственным комитетом Республики Узбекистан по развитию туризма:
в срок до 1 января 2021 года принять необходимые меры по внедрению в международных аэропортах городов Ташкент, Самарканд, Бухара и Ургенч системы таможенного контроля «зеленый коридор» для иностранных туристов, прибывающих (убывающих) в республику, с упрощенной процедурой прохождения паспортного и таможенного контроля, получения багажа, транспортного обслуживания;
с 1 января 2021 года организовать в аэропортах и вокзалах республики раздельное прохождение паспортного контроля резидентами и нерезидентами с целью создания дополнительных удобств иностранным гражданам и ускорения процесса прохождения данной процедуры;
предоставить работникам субъектов туристской деятельности, встречающим или провожающим иностранных туристов, право доступа в здания аэропортов и вокзалов по выданным в установленном порядке специальным пропускам с соблюдением требований режимных и охранных мер;
осуществлять на системной основе меры по повышению уровня и качества услуг, предоставляемых пассажирам, в том числе на бесплатной основе, за счет создания и развития в аэропортах и железнодорожных вокзалах комфортной туристской информационной среды, включая деятельность туристско-информационных пунктов, систему туристской навигации, установление знаков ориентирования и др.
9. Государственному комитету Республики Узбекистан по развитию туризма совместно с Министерством по развитию информационных технологий и коммуникаций, Министерству внутренних дел Республики Узбекистан в месячный срок создать специализированную электронную автоматизированную программу ведения учета постояльцев в гостиницах и других средствах размещения в электронной форме через сеть Интернет.
10. Установить, что туристские операторы, принимающие туристов, а также их работники освобождаются от ответственности за нарушение туристами законодательства Республики Узбекистан, за исключением правил пребывания иностранных граждан и лиц без гражданства на территории Республики Узбекистан, установленных соответствующими нормативно-правовыми актами.
11. Рекомендовать Центральному банку Республики Узбекистан совместно с коммерческими банками обеспечить оснащение объектов туристской инфраструктуры, рекомендуемых Государственным комитетом Республики Узбекистан по развитию туризма, терминалами по приему валютных платежей.
12. Освободить сроком на 5 лет юридических лиц от уплаты:
налога на прибыль юридических лиц, земельного налога и налога на имущество, а также единого налогового платежа юридических лиц с даты ввода ими в эксплуатацию гостиниц и мотелей уровня не менее 4-х звезд, сертифицированных в установленном порядке;
таможенных платежей (кроме сборов за таможенное оформление) за ввозимые оборудование, технику, сырье, комплектующие изделия и запасные части, строительные и другие материалы (в том числе мебель и инвентарь) для строительства, реконструкции и оснащения гостиниц и других средств размещения по перечням, формируемым в установленном порядке.
Установить, что автотранспортный сбор не взимается сроком до 1 января 2022 года при регистрации в органах Министерства внутренних дел ввозимых в Республику Узбекистан приобретенных субъектами туристской деятельности новых транспортных средств, предназначенных для перевозки туристов вместимостью свыше 9 человек.
13. Признать утратившим силу Указ Президента Республики Узбекистан от 27 июля 1992 года №УП-447 «Об образовании Национальной компании «Узбектуризм».
Государственному комитету Республики Узбекистан по развитию туризма совместно с Министерством юстиции Республики Узбекистан и другими заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего Указа.
14. Контроль за исполнением настоящего Указа возложить на первого заместителя Премьер-министра Республики Узбекистан Р. Азимова.
Исполняющий обязанности Президента Республики Узбекистан Ш. МИРЗИЁЕВ
г. Ташкент,
2 декабря 2016 г.,
№ УП-4861