📅 2016-yil 16-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 16 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 сентября 2016 г. · Постановления Президента
Официальный текст. Официальный документ. Редакционные примечания не включены.
📅 16 September 2016 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
2016-2020 йилларда республика фармацевтика саноатини янада ривожлантириш чора-тадбирлари дастури тўғрисида
[Кўчирма]
Республиканинг фармацевтика саноатини жадал ва барқарор ривожлантиришни таъминлаш, ички бозорни ўзимизда ишлаб чиқарилган сифатли ва хавфсиз дори-дармон воситалари билан тўлдириш, маҳаллий хом ашё базасини кенгайтириш ва импорт ўрнини босадиган дори-дармонларни ишлаб чиқаришни кўпайтириш, бунинг учун хорижий инвестицияларни кенг жалб этиш мақсадида:
1. 2016 — 2020 йилларда ўсимлик, минерал, кимёвий ва биологик хом ашё негизида ишланган, қўшилган қиймати юқори бўлган, ташқи бозорларда харидоргир тайёр фармацевтика маҳсулотлари ишлаб чиқариш бўйича топшириқлар 1-иловага * мувофиқ белгилансин.
«Ўзфармсаноат» АК, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, акциядорлик жамиятлари ва корхоналарнинг раҳбарлари — масъул ижрочилар зиммасига 1-иловада назарда тутилган, ўсимлик, минерал, кимёвий ва биологик хом ашё негизида ишлаб чиқарилган, юқори қўшилган қийматли, ташқи бозорларда харидоргир тайёр фармацевтика маҳсулотлари ишлаб чиқариш бўйича топшириқлар белгиланган муддатларда сифатли ва тўла ҳажмда бажарилишини таъминлаш юзасидан шахсий масъулият юклансин.
2. 2016 — 2020 йилларда ўсимлик, минерал, кимёвий ва биологик хом ашё негизида ишлаб чиқарилган, юқори қўшилган қийматли, экспортга мўлжалланган тайёр фармацевтика маҳсулотлари ишлаб чиқариш бўйича инвестиция лойиҳалари рўйхати 2-иловага * мувофиқ маъқуллансин.
3. Ўзбекистон Республикаси Иқтисодиёт вазирлиги «Ўзфармсаноат» АК, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлар ҳамда бошқа манфаатдор идора ва ташкилотлар билан биргаликда бир ой муддатда ушбу қарорнинг 2-иловасида кўрсатилган инвестиция лойиҳаларини амалга оширишнинг тармоқ жадвалларини тасдиқлаш учун Ўзбекистон Республикаси Вазирлар Маҳкамасига тақдим этсин, бунда лойиҳа ҳужжатларини ишлаб чиқиш ва экспертизадан ўтказишнинг аниқ муддатлари, қурилиш-монтаж ишларининг замонавий технологик талабларга жавоб берадиган технологияларини танлаб олиш ҳамда қувватларни белгиланган муддатларда ишга тушириш назарда тутилсин.
5. Ўзбекистон Республикаси Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги, «Ўзфармсаноат» АК, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бошқа акциядорлик жамиятлари ва корхоналар — 2-иловага киритилган инвестиция лойиҳаларининг масъул ижрочилари билан биргаликда бир ой муддатда замонавий технологияларга эга бўлган ҳамда ишлаб чиқарилаётган маҳсулотнинг ташқи бозорларга чиқарилишини кафолатлайдиган хорижий компанияларни инвестиция лойиҳаларини амалга оширишга кенг кўламда жалб этиш чора-тадбирлари комплексини ишлаб чиқсин ва амалга оширилишини таъминласин.
7. Ўзбекистон Республикаси Иқтисодиёт вазирлиги, Молия вазирлиги, Инвестициялар бўйича давлат қўмитаси ҳар йили Ўзбекистон Республикасининг Инвестиция дастурини шакллантиришда унга ушбу қарорнинг 2-иловасида кўрсатилган инвестиция лойиҳалари молиялаштириш ҳажми ва манбалари аниқланган ҳолда белгиланган тартибда киритилишини таъминласин.
8. 2021 йилнинг 1 январига қадар:
дори-дармон воситалари ишлаб чиқаришга ихтисослашган, ана шу товарларни ишлаб чиқаришдан тушган маблағлар улуши ҳисобот даври якунлари бўйича камида 60 фоизни ташкил этувчи ташкилотлар фойда солиғи ва мулк солиғи, микрофирма ва кичик корхоналар ягона солиқ тўлови тўлашдан, Республика йўл жамғармасига мажбурий ажратмалар тўлашдан;
ушбу қарорнинг 2-иловасида кўрсатилган инвестиция лойиҳаларини амалга ошириш доирасида Ўзбекистон Республикаси Вазирлар Маҳкамаси томонидан тасдиқланадиган рўйхатлар бўйича олиб кириладиган, республикада ишлаб чиқарилмайдиган технологик ускуналар, бутловчи буюм ва эҳтиёт қисмлар божхона тўловларидан озод қилинсин (божхона расмийлаштируви учун йиғимлар бундан мустасно).
10. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари А. Икрамов зиммасига юклансин.
Ўзбекистон Республикаси Президенти вазифасини бажарувчи Ш. МИРЗИЁЕВ
Тошкент ш.,
2016 йил 16 сентябрь,
ПҚ-2595-сон
Oʻzbekiston Respublikasi Prezidentining
Qarori
2016-2020-yillarda respublika farmatsevtika sanoatini yanada rivojlantirish chora-tadbirlari dasturi toʻgʻrisida
[Koʻchirma]
Respublikaning farmatsevtika sanoatini jadal va barqaror rivojlantirishni taʼminlash, ichki bozorni oʻzimizda ishlab chiqarilgan sifatli va xavfsiz dori-darmon vositalari bilan toʻldirish, mahalliy xom ashyo bazasini kengaytirish va import oʻrnini bosadigan dori-darmonlarni ishlab chiqarishni koʻpaytirish, buning uchun xorijiy investitsiyalarni keng jalb etish maqsadida:
1. 2016 — 2020-yillarda oʻsimlik, mineral, kimyoviy va biologik xom ashyo negizida ishlangan, qoʻshilgan qiymati yuqori boʻlgan, tashqi bozorlarda xaridorgir tayyor farmatsevtika mahsulotlari ishlab chiqarish boʻyicha topshiriqlar 1-ilovaga * muvofiq belgilansin.
“Oʻzfarmsanoat” AK, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, aksiyadorlik jamiyatlari va korxonalarning rahbarlari — masʼul ijrochilar zimmasiga 1-ilovada nazarda tutilgan, oʻsimlik, mineral, kimyoviy va biologik xom ashyo negizida ishlab chiqarilgan, yuqori qoʻshilgan qiymatli, tashqi bozorlarda xaridorgir tayyor farmatsevtika mahsulotlari ishlab chiqarish boʻyicha topshiriqlar belgilangan muddatlarda sifatli va toʻla hajmda bajarilishini taʼminlash yuzasidan shaxsiy masʼuliyat yuklansin.
2. 2016 — 2020-yillarda oʻsimlik, mineral, kimyoviy va biologik xom ashyo negizida ishlab chiqarilgan, yuqori qoʻshilgan qiymatli, eksportga moʻljallangan tayyor farmatsevtika mahsulotlari ishlab chiqarish boʻyicha investitsiya loyihalari roʻyxati 2-ilovaga * muvofiq maʼqullansin.
3. Oʻzbekiston Respublikasi Iqtisodiyot vazirligi “Oʻzfarmsanoat” AK, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklar hamda boshqa manfaatdor idora va tashkilotlar bilan birgalikda bir oy muddatda ushbu qarorning 2-ilovasida koʻrsatilgan investitsiya loyihalarini amalga oshirishning tarmoq jadvallarini tasdiqlash uchun Oʻzbekiston Respublikasi Vazirlar Mahkamasiga taqdim etsin, bunda loyiha hujjatlarini ishlab chiqish va ekspertizadan oʻtkazishning aniq muddatlari, qurilish-montaj ishlarining zamonaviy texnologik talablarga javob beradigan texnologiyalarini tanlab olish hamda quvvatlarni belgilangan muddatlarda ishga tushirish nazarda tutilsin.
5. Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, “Oʻzfarmsanoat” AK, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari boshqa aksiyadorlik jamiyatlari va korxonalar — 2-ilovaga kiritilgan investitsiya loyihalarining masʼul ijrochilari bilan birgalikda bir oy muddatda zamonaviy texnologiyalarga ega boʻlgan hamda ishlab chiqarilayotgan mahsulotning tashqi bozorlarga chiqarilishini kafolatlaydigan xorijiy kompaniyalarni investitsiya loyihalarini amalga oshirishga keng koʻlamda jalb etish chora-tadbirlari kompleksini ishlab chiqsin va amalga oshirilishini taʼminlasin.
7. Oʻzbekiston Respublikasi Iqtisodiyot vazirligi, Moliya vazirligi, Investitsiyalar boʻyicha davlat qoʻmitasi har yili Oʻzbekiston Respublikasining Investitsiya dasturini shakllantirishda unga ushbu qarorning 2-ilovasida koʻrsatilgan investitsiya loyihalari moliyalashtirish hajmi va manbalari aniqlangan holda belgilangan tartibda kiritilishini taʼminlasin.
8. 2021-yilning 1-yanvariga qadar:
dori-darmon vositalari ishlab chiqarishga ixtisoslashgan, ana shu tovarlarni ishlab chiqarishdan tushgan mablagʻlar ulushi hisobot davri yakunlari boʻyicha kamida 60 foizni tashkil etuvchi tashkilotlar foyda soligʻi va mulk soligʻi, mikrofirma va kichik korxonalar yagona soliq toʻlovi toʻlashdan, Respublika yoʻl jamgʻarmasiga majburiy ajratmalar toʻlashdan;
ushbu qarorning 2-ilovasida koʻrsatilgan investitsiya loyihalarini amalga oshirish doirasida Oʻzbekiston Respublikasi Vazirlar Mahkamasi tomonidan tasdiqlanadigan roʻyxatlar boʻyicha olib kiriladigan, respublikada ishlab chiqarilmaydigan texnologik uskunalar, butlovchi buyum va ehtiyot qismlar bojxona toʻlovlaridan ozod qilinsin (bojxona rasmiylashtiruvi uchun yigʻimlar bundan mustasno).
10. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari A. Ikramov zimmasiga yuklansin.
Oʻzbekiston Respublikasi Prezidenti vazifasini bajaruvchi Sh. MIRZIYOYEV
Toshkent sh.,
2016-yil 16-sentabr,
PQ-2595-son
Президента Республики Узбекистан
Постановление
О Программе мер по дальнейшему развитию фармацевтической промышленности республики на 2016-2020 годы
[Извлечение]
В целях обеспечения динамичного и устойчивого развития фармацевтической промышленности республики, насыщения внутреннего рынка качественными и безопасными отечественными лекарственными средствами, расширения отечественной сырьевой базы и производства импортозамещающих лекарственных препаратов, широкого привлечения для этих целей иностранных инвестиций:
1. Установить задание по производству востребованной на внешних рынках готовой фармацевтической продукции с высокой добавленной стоимостью на базе растительного, минерального, химического и биологического сырья на 2016 — 2020 годы согласно приложению № 1 * .
Возложить на руководителей АК «Узфармпром», Совета Министров Республики Каракалпакстан, хокимиятов областей и г.Ташкента, акционерных обществ и предприятий — ответственных исполнителей персональную ответственность за обеспечение качественного и в полном объеме выполнения в установленные сроки заданий по производству востребованной на внешних рынках готовой фармацевтической продукции с высокой добавленной стоимостью на базе растительного, минерального, химического и биологического сырья, предусмотренных в приложении № 1.
2. Одобрить перечень инвестиционных проектов по производству готовой экспортоориентированной фармацевтической продукции с высокой добавленной стоимостью на базе растительного, минерального, химического и биологического сырья на 2016-2020 годы согласно приложению № 2 * .
3. Министерству экономики Республики Узбекистан совместно с АК «Узфармпром», Советом Министров Республики Каракалпакстан, хокимиятами областей и г.Ташкента, другими заинтересованными структурами в месячный срок внести на утверждение в Кабинет Министров Республики Узбекистан сетевые графики реализации инвестиционных проектов, указанных в приложении № 2 к настоящему постановлению, предусмотрев в них конкретные сроки разработки и экспертизы проектной документации, выбор передовых технологий, отвечающих современным технологическим требованиям выполнения строительно-монтажных работ и ввода мощностей в эксплуатацию в установленные сроки.
5. Министерству экономики, Министерству внешних экономических связей, инвестиций и торговли Республики Узбекистан, АК «Узфармпром», Совету Министров Республики Каракалпакстан, хокимиятам областей и г.Ташкента совместно с другими акционерными обществами и предприятиями — ответственными исполнителями инвестиционных проектов, включенных в приложение № 2, в месячный срок разработать и обеспечить реализацию комплекса мер по широкому привлечению к осуществлению инвестиционных проектов иностранных компаний, обладающих современными технологиями и гарантирующих продвижение производимой продукции на внешние рынки.
7. Министерству экономики, Министерству финансов, Государственному комитету Республики Узбекистан по инвестициям ежегодно при формировании Инвестиционной программы Республики Узбекистан обеспечить в установленном порядке включение в нее инвестиционных проектов, указанных в приложении № 2 к настоящему постановлению, с уточнением объемов и источников финансирования.
8. Освободить сроком до 1 января 2021 года:
организации, специализирующиеся на выпуске лекарственных средств, у которых доля выручки от производства этих товаров составляет не менее 60 процентов по итогам отчетного периода, от уплаты налога на прибыль и налога на имущество, единого налогового платежа для микрофирм и малых предприятий, уплаты обязательных отчислений в Республиканский дорожный фонд;
от таможенных платежей (за исключением сборов за таможенное оформление) технологическое оборудование, комплектующие изделия и запасные части, не производимые в республике, ввозимые в рамках реализации инвестиционных проектов, указанных в приложении № 2 к настоящему постановлению, по перечням, утверждаемым Кабинетом Министров Республики Узбекистан.
10. Контроль за исполнением настоящего постановления возложить на заместителя Премьер-министра Республики Узбекистан А.И. Икрамова.
Исполняющий обязанности Президента Республики Узбекистан Ш. МИРЗИЁЕВ
г. Ташкент,
16 сентября 2016 г.,
№ ПП-2595