📅 2016-yil 21-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 21 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 декабря 2016 г. · Постановления Президента
Официальный текст. Официальный документ. Редакционные примечания не включены.
📅 21 December 2016 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
2017 — 2019 йилларда тўқимачилик ва тикув-трикотаж саноатини янада ривожлантириш чора-тадбирлари дастури тўғрисида
[Кўчирма]
Келгусида иқтисодиётдаги таркибий ўзгартиришларни давом эттириш, тўқимачилик ва тикув-трикотаж саноатини модернизациялаш, диверсификациялаш ва жадал ривожлантиришни таъминлаш, пахта толаси ва ипак хом ашёсини чуқур қайта ишлаш, хорижий инвестицияларни кенг жалб этиш йўли билан рақобатбардошли, ташқи бозорларда талаб қилинадиган тайёр, экспортга йўналтирилган маҳсулотлар ишлаб чиқариш ҳажмлари ва турларини кенгайтириш мақсадида:
1. 2017 — 2019 йилларда пахта толаси ва ипак хом ашёсини чуқур қайта ишлаш негизида юқори қўшилган қийматли, ташқи бозорларда талаб қилинадиган тайёр тўқимачилик ва тикув-трикотаж маҳсулотлари ишлаб чиқариш топшириғи 1-иловага * мувофиқ белгилансин.
Пахта толаси ва ипак хом ашёсини чуқур қайта ишлаш орқали юқори қўшилган қийматли, ташқи бозорларда талаб юқори бўлган тайёр тўқимачилик ва тикув-трикотаж маҳсулотларини ишлаб чиқариш бўйича 1-иловада назарда тутилган топшириқларнинг белгиланган муддатларда сифатли ва тўлиқ ҳажмда бажарилишини таъминлаш юзасидан шахсий масъулият «Ўзтўкимачиликсаноат» Уюшмаси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари, бошқа акциядорлик жамиятлари ҳамда корхоналар раҳбарлари — масъул ижрочилар зиммасига юклансин.
2. 2016 — 2019 йилларда пахта толаси ва ипак хом ашёсини чуқур қайта ишлаш негизида юқори қўшилган қийматли тайёр, экспортга йўналтирилган тўқимачилик ва тикув-трикотаж маҳсулотларини ишлаб чиқариш бўйича инвестиция лойиҳалари рўйхати 2-иловага * мувофиқ маъқуллансин.
Ушбу рўйхатга киритилган барча инвестиция лойиҳалари «Ўзбекенгилсаноат» АЖ томонидан, салоҳиятли инвесторлар, ишлаб чиқариш майдончалари ва лойиҳаларни молиялаштириш манбалари аниқ белгиланганлигини ҳисобга олган ҳолда Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда тайёрланганлиги маълумот учун қабул қилинсин.
3. «Ўзбекенгилсаноат» АЖ, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Ўзбекистон Республикаси Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги ҳамда бошқа манфаатдор тузилмалар билан биргаликда ушбу қарорнинг 2-иловасида кўрсатилган инвестиция лойиҳаларини амалга оширишнинг тармоқ жадвалларини бир ой муддатда Ўзбекистон Республикаси Вазирлар Маҳкамасига тасдиқлаш учун киритсинлар, уларда лойиҳа ҳужжатларини ишлаб чиқиш ва экспертизадан ўтказиш, замонавий технологик талабларга жавоб берадиган лойиҳа ечимларини танлашнинг аниқ муддатларини назарда тутсинлар.
6. Белгилаб қўйилсинки, очилган кредит линиялари доирасида тижорат банклари билан биргаликда молиялаштириладиган инвестиция лойиҳалари қуйидаги талабларга жавоб бериши керак:
тижорат банклари устав капиталига, шу жумладан шуъба инвестиция компаниялари орқали ёки модернизация қилинаётган ёхуд янгидан ташкил этилаётган корхоналарга қайта молиялаштирилаётган кредитлар бериш орқали лойиҳаларни молиялаштирадилар;
қайта молиялаштириш шартларида лойиҳани амалга оширишда тижорат банкининг иштироки лойиҳа қийматининг кўпи билан 75 фоизини ташкил қилади;
кредит линиялари хорижий валютада берилади, уларга хизмат кўрсатиш ва уларни тўлаш ҳам қайта молиялаштирувчи тижорат банклари ва қарз олган ташкилотлар томонидан ана шу валютада амалга оширилади;
инвестиция лойиҳалари тармоқнинг илмий-техника кенгашида, мажбурий экспертизадан ўтказилади;
8. Ўзбекистон Республикаси Бош вазирининг биринчи ўринбосари А.Ж. Раматов, «Давархитектқурилиш» қўмитаси, «Ўзбекенгилсаноат» АЖ лойиҳалаш ташкилотлари билан биргаликда тўқимачилик ишлаб чиқаришларини лойиҳалаш ва қуришнинг тармоқ нормаларини икки ой муддатда ишлаб чиқсинлар ва киритсинлар, бунда қуйидагиларни назарда тутсинлар:
уларни қурилишнинг халқаро амалиётига ва замонавий технологияларига мувофиқлаштириш;
арзон, биринчи навбатда, мамлакатимизда ишлаб чиқарилган материаллардан (темир-бетон ва металл конструкциялар, сэндвич-панеллар ва бошқалардан) фойдаланиш, ишлаб чиқариш ва ноишлаб чиқариш хоналарининг ортиқчасини чиқариб ташлаган ҳолда оптималлаштириш йўли билан қурилиш-монтаж ишларига харажатларни камайтириш.
9. «Ўзстандарт» агентлиги, «Ўзбекенгилсаноат» АЖ Ўзбекистон Республикаси Ташқи иқтисодий алоқалар, инвестициялар ва савдо вазирлиги билан биргаликда тўқимачилик маҳсулотларига стандартларни халқаро нормалар ва асосий бозорлардаги талабларга мувофиқлаштиришга доир комплекс чора-тадбирларни бир ой муддатда ишлаб чиқсинлар ҳамда 2017-2018 йилларда босқичма-босқич амалга оширсинлар.
10. 2017 — 2019 йилларда республиканинг тўқимачилик ва тикув- трикотаж саноатини янада ривожлантириш чора-тадбирлари дастури амалга оширилишини мувофиқлаштириш ва мониторингини олиб бориш бўйича Ишчи гуруҳ 5-иловага * мувофиқ ташкил этилсин.
Ишчи гуруҳ (З. Мирзаев) вазирликлар, идоралар, акциядорлик жамиятлари, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳамда бошқа масъул бажарувчиларнинг Дастурда назарда тутилган инвестиция лойиҳалари ва топшириқларни ўз вақтида ва сифатли амалга ошириш бўйича фаолияти пухта мувофиқлаштирилишини ва мониторинги олиб борилишини таъминласин.
11. Кредит берувчи тижорат банкларига — ушбу Дастур доирасида амалга ошириладиган лойиҳалар бўйича берилган кредитлар юзасидан инвестиция даврида ҳисобланган фоизларни капиталлаштириш ҳуқуқи берилсин.
13. Қуйидагилар божхона тўловларидан (божхонада расмийлаштириш йиғимлари бундан мустасно) 2020 йил 1 январгача бўлган муддатга озод қилинсин:
республикада ишлаб чиқарилмайдиган, ушбу қарорнинг 2-иловасига киритилган инвестиция лойиҳаларини амалга ошириш доирасида Ўзбекистон Республикаси Вазирлар Маҳкамаси томонидан тасдиқланадиган рўйхат бўйича четдан келтириладиган технологик асбоб-ускуналар, бутловчи буюмлар ва эҳтиёт қисмлар;
хўжалик юритувчи субъектлар — Ўзбекистон Республикаси Вазирлар Маҳкамаси томонидан тасдиқланадиган рўйхат бўйича республика ҳудудига четдан келтириладиган тўқимачилик ва тикув-трикотаж тармоғининг ўрнатилган технологик ускуналарига эҳтиёт қисмлар ва бутловчи буюмлар учун.
14. 7-иловага * мувофиқ, тўқимачилик ва тикув-трикотаж тармоғининг ноозиқ-овқат истеъмол товарлари ишлаб чиқаришга ихтисослашган корхоналарига 2020 йилнинг 1 январига қадар қуйидагилардан иборат солиқ ҳамда божхона имтиёзлари ва преференциялари берилсин:
микрофирмалар ва кичик корхоналар учун фойда солиғи ва мулк солиғи тўлашдан, ягона солиқ тўловидан, Республика йўл жамғармасига мажбурий ажратмалар тўлашдан озод қилиш;
ноозиқ-овқат истеъмол товарлари ишлаб чиқаришда фойдаланиладиган, республикада ишлаб чиқарилмайдиган хом ашё ва материаллар, шу жумладан, Ўзбекистон Республикаси Вазирлар Маҳкамаси томонидан тасдиқланадиган рўйхатларга мувофиқ, комиссия шартномалари асосида импорт қилинадиган ускуналар, бутловчи буюмлар учун божхона тўловлари тўлашдан озод қилиш (божхонада расмийлаштириш йиғимлари бундан мустасно);
ноозиқ-овқат истеъмол товарларини ўзида ишлаб чиқариш учун зарур бўлган, Ўзбекистон Республикаси Вазирлар Маҳкамаси томонидан тасдиқланадиган юқоридаги рўйхатга киритилмаган хом ашё, материаллар ва фурнитурани импорт қилишда божхона декларацияси қабул қилинган кундан бошлаб божхона тўловларини 60 кунгача муддатга кечиктириш (божхонада расмийлаштириш йиғимлари бундан мустасно).
7-иловага мувофиқ ноозиқ-овқат истеъмол товарлари ишлаб чиқаришга ихтисослашаётган корхоналар жумласига ҳисобот даври якунлари бўйича умумий сотиш ҳажмида шундай товарларни ишлаб чиқаришдан тушган тушумлар улуши камида 60 фоизни ташкил этадиган корхоналар киради.
15. Ўзбекистон Республикаси Ташқи иқтисодий алоқалар, инвестициялар ва савдо вазирлиги, Иқтисодиёт вазирлиги ҳамда «Ўзбекенгилсаноат» АЖнинг «Ўзбекенгилсаноат» АЖ таркибида «Ўзтўқимачиликэкспорт» МЧЖ ихтисослаштирилган ташқи савдо ташкилотини (кейинги ўринларда «Ўзтўқимачиликэкспорт» МЧЖ ИТСТ деб аталади) ташкил этиш тўғрисидаги таклифи қабул қилинсин, қуйидагилар унинг асосий вазифалари ва фаолият йўналишлари этиб белгилансин:
енгил саноат корхоналарига, шу жумладан кичик бизнес ва хусусий тадбиркорлик субъектларига маркетинг, ахборот ва консалтинг хизматлари кўрсатиш, кўргазмаларда ва матбуот нашрларида реклама тадбирларини амалга ошириш, экспорт салоҳиятини кенг ёритиш ҳисобига енгил саноат маҳсулотларини экспортга йўналтириш;
тўғридан-тўғри контрактлар бўйича, шунингдек хорижда ташкил этилаётган савдо уйлари орқали маҳсулотларни экспортга сотишда енгил саноат корхоналарига тизимли асосда кўмаклашиш;
республикада ишлаб чиқарилмаётган технологик ускуналар, эҳтиёт қисмлар, бутловчи буюмлар, хом ашё ва материаллар, аксессуарлар ва фурнитураларни етказиб беришда (импорт қилишда), шунингдек тайёр маҳсулот ишлаб чиқариш ва экспорт қилиш учун зарур бўлган тўқимачилик ярим тайёр маҳсулотлари билан таъминлаш ҳисобига тармоқ ичидаги кооперацияни ривожлантиришда кўмаклашиш.
16. Ўзбекистон Республикаси Иқтисодиёт вазирлиги, Молия вазирлиги, Инвестициялар бўйича давлат қўмитаси ҳар йили Ўзбекистон Республикасининг Инвестиция дастурини шакллантиришда ушбу қарорнинг 2-иловасида кўрсатилган инвестиция лойиҳалари, уларнинг параметрлари, молиялаштириш ҳажмлари ва манбалари аниқлаштирилган ҳолда белгиланган тартибда унга киритилишини таъминласинлар.
17. Ўзбекистон Республикаси Вазирлар Маҳкамаси ҳузуридаги Халқаро молиявий институтлар, ташкилотлар ва донор мамлакатлар билан ҳамкорлик қилиш, йирик ва стратегик муҳим инвестиция лойиҳаларини амалга ошириш масалалари бўйича Идоралараро кенгаш экспортга йўналтирилган тайёр тўқимачилик ва тикув-трикотаж маҳсулотлари ишлаб чиқариш бўйича 2-иловага киритилган инвестиция лойиҳаларига тайёрланган ва келишилган лойиҳа ҳужжатларининг мавжудлигини ҳисобга олган ҳолда, зарурат бўлганда, тузатишлар ва қўшимчалар киритилишини таъминласин.
18. Ўзбекистон Республикаси Президентининг ва Ўзбекистон Республикаси Вазирлар Маҳкамасининг айрим қарорларига 8-иловага * мувофиқ ўзгартиш ва қўшимчалар киритилсин.
19. Мазкур қарорнинг бажарилишини назорат қилиш Ўзбекистон Республикасининг Бош вазири А. Арипов зиммасига юклансин.
Ўзбекистон Республикаси Президентининг 2016 йил 21 декабрдаги ПҚ-2687-сон қарорига 7-ИЛОВА
Ишлаб чиқаришда солиқ ҳамда божхона имтиёзлари тақдим этиладиган тўқимачилик ва тикув-трикотаж тармоғининг ноозиқ-овқат истеъмол товарлари гуруҳлари
1. Тайёр пахта ип-газламалари (чит ва сатиндан ташқари)
2. Тайёр аралаш газламалар
3. Тайёр ипак газламалар (атласдан ташқари)
4. Тайёр тикув буюмлари, тайёр кийим-кечак (тикув, трикотаж ва чарм буюмлари)
5. Бош кийимлар (миллий бош кийимлардан ташқари)
6. Чулки-пайпоқ маҳсулотлари
7. Тўқимачилик атторлик моллари
8. Тикув-тўқимачилик саноати учун фурнитура ва аксессуарлар
Ўзбекистон Республикаси Президентининг 2016 йил 21 декабрдаги ПҚ-2687-сон қарорига 8-ИЛОВА
Ўзбекистон Республикаси Президенти ва Ўзбекистон Республикаси Вазирлар Маҳкамасининг айрим қарорларига киритилаётган ўзгартириш ва қўшимчалар
5. Ўзбекистон Республикаси Вазирлар Маҳкамасининг 2000 йил 29 июндаги «Биржадан ташқари валюта бозорини янада ривожлантириш ва мустаҳкамлаш чора-тадбирлари тўғрисида»ги 245-сон қарорининг 1-иловаси :
4-банднинг в) кичик бандидаги «экспорт қилинадиган маҳсулотни ишлаб чиқариш учун зарур бўлган» сўзлари чиқариб ташлансин;
10-банд қуйидаги мазмундаги янги хатбоши билан тўлдирилсин:
«Тўқимачилик ва тикув-трикотаж тармоғининг ноозиқ-овқат истеъмол товарларини экспорт қилишдан олинган хорижий валютадаги тушум тижорат банкларига мажбурий сотилмайди».
6. Ўзбекистон Республикаси Вазирлар Маҳкамасининг 2004 йил 25 мартдаги 141-сон қарорининг 5-банди «чиқиндиларини,» сўзидан кейин «аксессуарлар ва фурнитурани» сўзлари билан тўлдирилсин, кейинги ўринлар матн бўйича давом этиб кетсин.
Ўзбекистон Республикаси Президенти Ш. МИРЗИЁЕВ
Тошкент ш.,
2016 йил 21 декабрь,
ПҚ-2687-сон
Oʻzbekiston Respublikasi Prezidentining
Qarori
ROʻYXATI
2017 — 2019-yillarda toʻqimachilik va tikuv-trikotaj sanoatini yanada rivojlantirish chora-tadbirlari dasturi toʻgʻrisida
[Koʻchirma]
Kelgusida iqtisodiyotdagi tarkibiy oʻzgartirishlarni davom ettirish, toʻqimachilik va tikuv-trikotaj sanoatini modernizatsiyalash, diversifikatsiyalash va jadal rivojlantirishni taʼminlash, paxta tolasi va ipak xom ashyosini chuqur qayta ishlash, xorijiy investitsiyalarni keng jalb etish yoʻli bilan raqobatbardoshli, tashqi bozorlarda talab qilinadigan tayyor, eksportga yoʻnaltirilgan mahsulotlar ishlab chiqarish hajmlari va turlarini kengaytirish maqsadida:
1. 2017 — 2019-yillarda paxta tolasi va ipak xom ashyosini chuqur qayta ishlash negizida yuqori qoʻshilgan qiymatli, tashqi bozorlarda talab qilinadigan tayyor toʻqimachilik va tikuv-trikotaj mahsulotlari ishlab chiqarish topshirigʻi 1-ilovaga * muvofiq belgilansin.
Paxta tolasi va ipak xom ashyosini chuqur qayta ishlash orqali yuqori qoʻshilgan qiymatli, tashqi bozorlarda talab yuqori boʻlgan tayyor toʻqimachilik va tikuv-trikotaj mahsulotlarini ishlab chiqarish boʻyicha 1-ilovada nazarda tutilgan topshiriqlarning belgilangan muddatlarda sifatli va toʻliq hajmda bajarilishini taʼminlash yuzasidan shaxsiy masʼuliyat “Oʻztoʻkimachiliksanoat” Uyushmasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, boshqa aksiyadorlik jamiyatlari hamda korxonalar rahbarlari — masʼul ijrochilar zimmasiga yuklansin.
2. 2016 — 2019-yillarda paxta tolasi va ipak xom ashyosini chuqur qayta ishlash negizida yuqori qoʻshilgan qiymatli tayyor, eksportga yoʻnaltirilgan toʻqimachilik va tikuv-trikotaj mahsulotlarini ishlab chiqarish boʻyicha investitsiya loyihalari roʻyxati 2-ilovaga * muvofiq maʼqullansin.
Ushbu roʻyxatga kiritilgan barcha investitsiya loyihalari “Oʻzbekyengilsanoat” AJ tomonidan, salohiyatli investorlar, ishlab chiqarish maydonchalari va loyihalarni moliyalashtirish manbalari aniq belgilanganligini hisobga olgan holda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda tayyorlanganligi maʼlumot uchun qabul qilinsin.
3. “Oʻzbekyengilsanoat” AJ, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi hamda boshqa manfaatdor tuzilmalar bilan birgalikda ushbu qarorning 2-ilovasida koʻrsatilgan investitsiya loyihalarini amalga oshirishning tarmoq jadvallarini bir oy muddatda Oʻzbekiston Respublikasi Vazirlar Mahkamasiga tasdiqlash uchun kiritsinlar, ularda loyiha hujjatlarini ishlab chiqish va ekspertizadan oʻtkazish, zamonaviy texnologik talablarga javob beradigan loyiha yechimlarini tanlashning aniq muddatlarini nazarda tutsinlar.
6. Belgilab qoʻyilsinki, ochilgan kredit liniyalari doirasida tijorat banklari bilan birgalikda moliyalashtiriladigan investitsiya loyihalari quyidagi talablarga javob berishi kerak:
tijorat banklari ustav kapitaliga, shu jumladan shuʼba investitsiya kompaniyalari orqali yoki modernizatsiya qilinayotgan yoxud yangidan tashkil etilayotgan korxonalarga qayta moliyalashtirilayotgan kreditlar berish orqali loyihalarni moliyalashtiradilar;
qayta moliyalashtirish shartlarida loyihani amalga oshirishda tijorat bankining ishtiroki loyiha qiymatining koʻpi bilan 75 foizini tashkil qiladi;
kredit liniyalari xorijiy valyutada beriladi, ularga xizmat koʻrsatish va ularni toʻlash ham qayta moliyalashtiruvchi tijorat banklari va qarz olgan tashkilotlar tomonidan ana shu valyutada amalga oshiriladi;
investitsiya loyihalari tarmoqning ilmiy-texnika kengashida, majburiy ekspertizadan oʻtkaziladi;
8. Oʻzbekiston Respublikasi Bosh vazirining birinchi oʻrinbosari A.J. Ramatov, “Davarxitektqurilish” qoʻmitasi, “Oʻzbekyengilsanoat” AJ loyihalash tashkilotlari bilan birgalikda toʻqimachilik ishlab chiqarishlarini loyihalash va qurishning tarmoq normalarini ikki oy muddatda ishlab chiqsinlar va kiritsinlar, bunda quyidagilarni nazarda tutsinlar:
ularni qurilishning xalqaro amaliyotiga va zamonaviy texnologiyalariga muvofiqlashtirish;
arzon, birinchi navbatda, mamlakatimizda ishlab chiqarilgan materiallardan (temir-beton va metall konstruksiyalar, sendvich-panellar va boshqalardan) foydalanish, ishlab chiqarish va noishlab chiqarish xonalarining ortiqchasini chiqarib tashlagan holda optimallashtirish yoʻli bilan qurilish-montaj ishlariga xarajatlarni kamaytirish.
9. “Oʻzstandart” agentligi, “Oʻzbekyengilsanoat” AJ Oʻzbekiston Respublikasi Tashqi iqtisodiy aloqalar, investitsiyalar va savdo vazirligi bilan birgalikda toʻqimachilik mahsulotlariga standartlarni xalqaro normalar va asosiy bozorlardagi talablarga muvofiqlashtirishga doir kompleks chora-tadbirlarni bir oy muddatda ishlab chiqsinlar hamda 2017-2018-yillarda bosqichma-bosqich amalga oshirsinlar.
10. 2017 — 2019-yillarda respublikaning toʻqimachilik va tikuv- trikotaj sanoatini yanada rivojlantirish chora-tadbirlari dasturi amalga oshirilishini muvofiqlashtirish va monitoringini olib borish boʻyicha Ishchi guruh 5-ilovaga * muvofiq tashkil etilsin.
Ishchi guruh (Z. Mirzayev) vazirliklar, idoralar, aksiyadorlik jamiyatlari, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari hamda boshqa masʼul bajaruvchilarning Dasturda nazarda tutilgan investitsiya loyihalari va topshiriqlarni oʻz vaqtida va sifatli amalga oshirish boʻyicha faoliyati puxta muvofiqlashtirilishini va monitoringi olib borilishini taʼminlasin.
11. Kredit beruvchi tijorat banklariga — ushbu Dastur doirasida amalga oshiriladigan loyihalar boʻyicha berilgan kreditlar yuzasidan investitsiya davrida hisoblangan foizlarni kapitallashtirish huquqi berilsin.
13. Quyidagilar bojxona toʻlovlaridan (bojxonada rasmiylashtirish yigʻimlari bundan mustasno) 2020-yil 1-yanvargacha boʻlgan muddatga ozod qilinsin:
respublikada ishlab chiqarilmaydigan, ushbu qarorning 2-ilovasiga kiritilgan investitsiya loyihalarini amalga oshirish doirasida Oʻzbekiston Respublikasi Vazirlar Mahkamasi tomonidan tasdiqlanadigan roʻyxat boʻyicha chetdan keltiriladigan texnologik asbob-uskunalar, butlovchi buyumlar va ehtiyot qismlar;
xoʻjalik yurituvchi subyektlar — Oʻzbekiston Respublikasi Vazirlar Mahkamasi tomonidan tasdiqlanadigan roʻyxat boʻyicha respublika hududiga chetdan keltiriladigan toʻqimachilik va tikuv-trikotaj tarmogʻining oʻrnatilgan texnologik uskunalariga ehtiyot qismlar va butlovchi buyumlar uchun.
14. 7-ilovaga * muvofiq, toʻqimachilik va tikuv-trikotaj tarmogʻining nooziq-ovqat isteʼmol tovarlari ishlab chiqarishga ixtisoslashgan korxonalariga 2020-yilning 1-yanvariga qadar quyidagilardan iborat soliq hamda bojxona imtiyozlari va preferensiyalari berilsin:
mikrofirmalar va kichik korxonalar uchun foyda soligʻi va mulk soligʻi toʻlashdan, yagona soliq toʻlovidan, Respublika yoʻl jamgʻarmasiga majburiy ajratmalar toʻlashdan ozod qilish;
nooziq-ovqat isteʼmol tovarlari ishlab chiqarishda foydalaniladigan, respublikada ishlab chiqarilmaydigan xom ashyo va materiallar, shu jumladan, Oʻzbekiston Respublikasi Vazirlar Mahkamasi tomonidan tasdiqlanadigan roʻyxatlarga muvofiq, komissiya shartnomalari asosida import qilinadigan uskunalar, butlovchi buyumlar uchun bojxona toʻlovlari toʻlashdan ozod qilish (bojxonada rasmiylashtirish yigʻimlari bundan mustasno);
nooziq-ovqat isteʼmol tovarlarini oʻzida ishlab chiqarish uchun zarur boʻlgan, Oʻzbekiston Respublikasi Vazirlar Mahkamasi tomonidan tasdiqlanadigan yuqoridagi roʻyxatga kiritilmagan xom ashyo, materiallar va furniturani import qilishda bojxona deklaratsiyasi qabul qilingan kundan boshlab bojxona toʻlovlarini 60 kungacha muddatga kechiktirish (bojxonada rasmiylashtirish yigʻimlari bundan mustasno).
7-ilovaga muvofiq nooziq-ovqat isteʼmol tovarlari ishlab chiqarishga ixtisoslashayotgan korxonalar jumlasiga hisobot davri yakunlari boʻyicha umumiy sotish hajmida shunday tovarlarni ishlab chiqarishdan tushgan tushumlar ulushi kamida 60 foizni tashkil etadigan korxonalar kiradi.
15. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Iqtisodiyot vazirligi hamda “Oʻzbekyengilsanoat” AJning “Oʻzbekyengilsanoat” AJ tarkibida “Oʻztoʻqimachilikeksport” MCHJ ixtisoslashtirilgan tashqi savdo tashkilotini (keyingi oʻrinlarda “Oʻztoʻqimachilikeksport” MCHJ ITST deb ataladi) tashkil etish toʻgʻrisidagi taklifi qabul qilinsin, quyidagilar uning asosiy vazifalari va faoliyat yoʻnalishlari etib belgilansin:
yengil sanoat korxonalariga, shu jumladan kichik biznes va xususiy tadbirkorlik subyektlariga marketing, axborot va konsalting xizmatlari koʻrsatish, koʻrgazmalarda va matbuot nashrlarida reklama tadbirlarini amalga oshirish, eksport salohiyatini keng yoritish hisobiga yengil sanoat mahsulotlarini eksportga yoʻnaltirish;
toʻgʻridan-toʻgʻri kontraktlar boʻyicha, shuningdek xorijda tashkil etilayotgan savdo uylari orqali mahsulotlarni eksportga sotishda yengil sanoat korxonalariga tizimli asosda koʻmaklashish;
respublikada ishlab chiqarilmayotgan texnologik uskunalar, ehtiyot qismlar, butlovchi buyumlar, xom ashyo va materiallar, aksessuarlar va furnituralarni yetkazib berishda (import qilishda), shuningdek tayyor mahsulot ishlab chiqarish va eksport qilish uchun zarur boʻlgan toʻqimachilik yarim tayyor mahsulotlari bilan taʼminlash hisobiga tarmoq ichidagi kooperatsiyani rivojlantirishda koʻmaklashish.
16. Oʻzbekiston Respublikasi Iqtisodiyot vazirligi, Moliya vazirligi, Investitsiyalar boʻyicha davlat qoʻmitasi har yili Oʻzbekiston Respublikasining Investitsiya dasturini shakllantirishda ushbu qarorning 2-ilovasida koʻrsatilgan investitsiya loyihalari, ularning parametrlari, moliyalashtirish hajmlari va manbalari aniqlashtirilgan holda belgilangan tartibda unga kiritilishini taʼminlasinlar.
17. Oʻzbekiston Respublikasi Vazirlar Mahkamasi huzuridagi Xalqaro moliyaviy institutlar, tashkilotlar va donor mamlakatlar bilan hamkorlik qilish, yirik va strategik muhim investitsiya loyihalarini amalga oshirish masalalari boʻyicha Idoralararo kengash eksportga yoʻnaltirilgan tayyor toʻqimachilik va tikuv-trikotaj mahsulotlari ishlab chiqarish boʻyicha 2-ilovaga kiritilgan investitsiya loyihalariga tayyorlangan va kelishilgan loyiha hujjatlarining mavjudligini hisobga olgan holda, zarurat boʻlganda, tuzatishlar va qoʻshimchalar kiritilishini taʼminlasin.
18. Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining ayrim qarorlariga 8-ilovaga * muvofiq oʻzgartish va qoʻshimchalar kiritilsin.
19. Mazkur qarorning bajarilishini nazorat qilish Oʻzbekiston Respublikasining Bosh vaziri A. Aripov zimmasiga yuklansin.
Oʻzbekiston Respublikasi Prezidentining 2016-yil 21-dekabrdagi PQ-2687-son qaroriga 7-ILOVA
Ishlab chiqarishda soliq hamda bojxona imtiyozlari taqdim etiladigan toʻqimachilik va tikuv-trikotaj tarmogʻining nooziq-ovqat isteʼmol tovarlari guruhlari
1. Tayyor paxta ip-gazlamalari (chit va satindan tashqari)
2. Tayyor aralash gazlamalar
3. Tayyor ipak gazlamalar (atlasdan tashqari)
4. Tayyor tikuv buyumlari, tayyor kiyim-kechak (tikuv, trikotaj va charm buyumlari)
5. Bosh kiyimlar (milliy bosh kiyimlardan tashqari)
6. Chulki-paypoq mahsulotlari
7. Toʻqimachilik attorlik mollari
8. Tikuv-toʻqimachilik sanoati uchun furnitura va aksessuarlar
Oʻzbekiston Respublikasi Prezidentining 2016-yil 21-dekabrdagi PQ-2687-son qaroriga 8-ILOVA
Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining ayrim qarorlariga kiritilayotgan oʻzgartirish va qoʻshimchalar
5. Oʻzbekiston Respublikasi Vazirlar Mahkamasining 2000-yil 29-iyundagi “Birjadan tashqari valyuta bozorini yanada rivojlantirish va mustahkamlash chora-tadbirlari toʻgʻrisida”gi 245-son qarorining 1-ilovasi :
4-bandning v) kichik bandidagi “eksport qilinadigan mahsulotni ishlab chiqarish uchun zarur boʻlgan” soʻzlari chiqarib tashlansin;
10-band quyidagi mazmundagi yangi xatboshi bilan toʻldirilsin:
“Toʻqimachilik va tikuv-trikotaj tarmogʻining nooziq-ovqat isteʼmol tovarlarini eksport qilishdan olingan xorijiy valyutadagi tushum tijorat banklariga majburiy sotilmaydi”.
6. Oʻzbekiston Respublikasi Vazirlar Mahkamasining 2004-yil 25-martdagi 141-son qarorining 5-bandi “chiqindilarini,” soʻzidan keyin “aksessuarlar va furniturani” soʻzlari bilan toʻldirilsin, keyingi oʻrinlar matn boʻyicha davom etib ketsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2016-yil 21-dekabr,
PQ-2687-son
Президента Республики Узбекистан
Постановление
ПЕРЕЧЕНЬ
О Программе мер по дальнейшему развитию текстильной и швейно-трикотажной промышленности на 2017 — 2019 годы
[Извлечение]
В целях обеспечения дальнейших структурных преобразований в экономике, модернизации, диверсификации и динамичного развития текстильной и швейно-трикотажной промышленности, расширения объемов и ассортимента производства конкурентоспособной, востребованной на внешних рынках готовой экспортоориентированной продукции путем глубокой переработки хлопкового волокна и шелкового сырья, широкого привлечения иностранных инвестиций:
1. Установить задание по производству востребованной на внешних рынках готовой текстильной и швейно-трикотажной продукции с высокой добавленной стоимостью на базе углубленной переработки хлопкового волокна и шелкового сырья на 2017 — 2019 годы согласно приложению № 1 * .
Возложить на руководителей Ассоциации «Узтекстильпром», Совета Министров Республики Каракалпакстан, хокимиятов областей и г.Ташкента, других акционерных обществ и предприятий — ответственных исполнителей персональную ответственность за обеспечение качественного и в полном объеме выполнения в установленные сроки заданий по производству востребованной на внешних рынках готовой текстильной и швейно-трикотажной продукции с высокой добавленной стоимостью на базе углубленной переработки хлопкового волокна и шелкового сырья, предусмотренных в приложении № 1.
2. Одобрить перечень инвестиционных проектов по производству готовой экспортоориентированной текстильной и швейно-трикотажной продукции с высокой добавленной стоимостью на базе углубленной переработки хлопкового волокна и шелкового сырья на 2016 — 2019 годы согласно приложению № 2 * .
Принять к сведению, что все инвестиционные проекты, включенные в перечень, подготовлены АО «Узбекенгилсаноат» совместно с Советом Министров Республики Каракалпакстан, хокимиятами областей и г.Ташкента с учетом конкретного определения потенциальных инвесторов, производственных площадок и источников финансирования проектов.
3. АО «Узбекенгилсаноат», Совету Министров Республики Каракалпакстан, хокимиятам областей и г. Ташкента совместно с Министерством экономики, Министерством внешних экономических связей, инвестиций и торговли Республики Узбекистан и другими заинтересованными структурами в месячный срок внести на утверждение в Кабинет Министров Республики Узбекистан сетевые графики реализации инвестиционных проектов, указанных в приложении № 2 к настоящему постановлению, предусмотрев в них конкретные сроки разработки и экспертизы проектной документации, выбор проектных решений, отвечающих современным технологическим требованиям.
6. Установить, что инвестиционные проекты, софинансируемые коммерческими банками в рамках открытых кредитных линий, должны отвечать следующим требованиям:
коммерческие банки осуществляют финансирование проектов путем вклада в уставной капитал, в том числе через дочерние инвестиционные компании, или предоставления рефинансируемых кредитов модернизируемым или вновь создаваемым предприятиям;
участие коммерческого банка в реализации проекта на условиях рефинансирования составляет не более 75 процентов от его стоимости;
кредитные линии предоставляются в иностранной валюте, их обслуживание и погашение рефинансирующими коммерческими банками и организациями-заемщиками осуществляются в той же валюте;
инвестиционные проекты подлежат обязательной экспертизе в отраслевом научно-техническом совете, а импортные контракты, заключаемые в рамках их реализации, — в Государственном комитете Республики Узбекистан по инвестициям;
8. Первому заместителю Премьер-министра Республики Узбекистан Раматову А.Ж., Госархитектстрою, АО «Узбекенгилсаноат» совместно с проектными организациями в двухмесячный срок разработать и ввести отраслевые нормы проектирования и строительства текстильных производств, имея в виду:
приведение их в соответствие с международной практикой и современными технологиями строительства;
снижение расходов на строительно-монтажные работы путем использования доступных, в первую очередь отечественного производства, материалов (железобетонные и металлоконструкции, сэндвич-панели и другие), оптимизации производственных и непроизводственных помещений, с исключением излишних.
9. Агентству «Узстандарт», АО «Узбекенгилсаноат» совместно с Министерством внешних экономических связей, инвестиций и торговли Республики Узбекистан в месячный срок разработать и поэтапно в 2017-2018 годах реализовать комплекс мер по приведению стандартов на текстильную продукцию в соответствие с международными нормами и требованиями на основных рынках сбыта.
10. Образовать Рабочую группу по координации и мониторингу реализации Программы мер по дальнейшему развитию текстильной и швейно-трикотажной промышленности республики на 2017 — 2019 годы в составе согласно приложению № 5 * .
Рабочей группе (Мирзаев З.Т.) обеспечить четкую координацию и мониторинг деятельности министерств, ведомств, акционерных обществ, Совета Министров Республики Каракалпакстан, хокимиятов областей и г.Ташкента и других ответственных исполнителей по своевременной и качественной реализации инвестиционных проектов и заданий, предусмотренных в Программе мер.
11. Предоставить коммерческим банкам — кредиторам право осуществлять по предоставленным кредитам капитализацию процентов, начисленных в инвестиционном периоде по проектам, реализуемым в рамках одобренной Программы мер.
13. Освободить сроком до 1 января 2020 года от таможенных платежей (за исключением сборов за таможенное оформление):
технологическое оборудование, комплектующие изделия и запасные части, не производимые в республике, ввозимые в рамках реализации инвестиционных проектов, включенных в приложение № 2 к настоящему постановлению, по перечням, утверждаемым Кабинетом Министров Республики Узбекистан;
хозяйствующие субъекты за ввозимые на территорию республики запасные части и комплектующие к установленному технологическому оборудованию текстильной и швейно-трикотажной отрасли по перечню, утверждаемому Кабинетом Министров Республики Узбекистан.
14. Предоставить на период до 1 января 2020 года предприятиям, специализирующимся на выпуске непродовольственных потребительских товаров текстильной и швейно-трикотажной отрасли, согласно приложению № 7 , налоговые и таможенные льготы и преференции в виде:
освобождения от уплаты налога на прибыль и налога на имущество, единого налогового платежа для микрофирм и малых предприятий, уплаты обязательных отчислений в Республиканский дорожный фонд;
освобождения от уплаты таможенных платежей (кроме сборов за таможенное оформление) за импортируемые оборудования, комплектующие изделия, не производимые в республике сырье и материалы, в том числе на основании договоров комиссии, используемые для производства непродовольственных потребительских товаров, согласно перечням, утверждаемым Кабинетом Министров Республики Узбекистан;
отсрочки по уплате таможенных платежей (кроме сборов за таможенное оформление) сроком до 60 дней со дня принятия таможенной декларации при импорте сырья, материалов и фурнитуры, необходимых для собственного производства непродовольственных потребительских товаров, не включенных в вышеуказанные перечни, утверждаемые Кабинетом Министров Республики Узбекистан.
К предприятиям, специализирующимся на выпуске непродовольственных потребительских товаров согласно приложению № 7 , относятся предприятия, у которых доля выручки от производства этих товаров в общем объеме реализации составляет не менее 60% по итогам отчетного периода.
15. Принять предложение Министерства внешних экономических связей, инвестиций и торговли, Министерства экономики Республики Узбекистан и АО «Узбекенгилсаноат» о создании в структуре АО «Узбекенгилсаноат» специализированной внешнеторговой организации ООО «Узтекстильэкспорт» с возложением на нее следующих основных задач и направлений деятельности:
оказание предприятиям легкой промышленности, включая субъекты малого бизнеса и частного предпринимательства, маркетинговых, информационных и консалтинговых услуг, продвижение продукции легкой промышленности на экспорт за счет проведения рекламных мероприятий, широкого представления экспортного потенциала на выставках и в печатных изданиях;
осуществление на системной основе содействия предприятиям легкой промышленности в реализации продукции на экспорт по прямым контрактам, а также через создаваемые торговые дома за рубежом;
оказание содействия в поставке (импорт) не производимых в республике технологического оборудования, запасных частей, комплектующих, сырья и материалов, аксессуаров и фурнитуры, а также в развитии внутриотраслевой кооперации за счет обеспечения в текстильных полуфабрикатах необходимых для производства и экспорта готовой продукции.
16. Министерству экономики, Министерству финансов, Государственному комитету Республики Узбекистан по инвестициям ежегодно при формировании Инвестиционной программы Республики Узбекистан обеспечить в установленном порядке включение в нее инвестиционных проектов, указанных в приложении № 2 к настоящему постановлению, с уточнением параметров, объемов и источников финансирования.
17. Межведомственному совету по вопросам сотрудничества с международными финансовыми институтами, организациями и странами- донорами, реализации крупных и стратегически важных инвестиционных проектов при Кабинете Министров обеспечить внесение, при необходимости, корректировок и дополнений в инвестиционные проекты по производству готовой экспортоориентированной текстильной и швейно-трикотажной продукции, включенных в приложение № 2, с учетом наличия подготовленной и согласованной проектной документации.
18. Внести изменения и дополнения, в некоторые решения Президента Республики Узбекистан и Кабинета Министров Республики Узбекистан согласно приложению № 8 .
19. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 7 к постановлению Президента Республики Узбекистан от 21 декабря 2016 года № ПП-2687
товарных групп непродовольственных потребительских товаров текстильной и швейно-трикотажной отрасли, при производстве которых предоставляются налоговые и таможенные льготы
1. Готовые хлопчатобумажные ткани (кроме ситцевых и сатиновых)
2. Готовые смесовые ткани
3. Готовые шелковые ткани (кроме атласных)
4. Готовые швейные изделия, готовая одежда (швейные, трикотажные и кожаные изделия)
5. Головные уборы (кроме национальных головных уборов)
6. Чулочно-носочные изделия
7. Текстильная галантерея
8. Фурнитура и аксессуары для швейно-трикотажной промышленности
ПРИЛОЖЕНИЕ № 8 к постановлению Президента Республики Узбекистан от 21 декабря 2016 года № ПП-2687
Изменения и дополнения, вносимые в некоторые решения Президента Республики Узбекистан и Кабинета Министров Республики Узбекистан
5. В приложении № 1 к постановлению Кабинета Министров Республики Узбекистан от 29 июня 2000 года № 245 «О мерах по дальнейшему развитию и укреплению внебиржевого валютного рынка»:
в подпункте в) пункта 4 слова «необходимых для производства экспортируемой продукции» исключить;
пункт 10 дополнить новым абзацем следующего содержания:
«Обязательной продаже уполномоченным банкам не подлежит выручка в иностранной валюте, полученная от экспорта непродовольственных потребительских товаров текстильной и швейно-трикотажной отрасли».
6. Пункт 5 постановления Кабинета Министров Республики Узбекистан от 25 марта 2004 года № 141 после слов «отходы хлопкопрядения» дополнить словами «, аксессуары и фурнитуру», далее по тексту.
Президент Республики Узбекистан Ш. МИРЗИЁЕВ
г. Ташкент,
21 декабря 2016 г.,
№ ПП-2687