📅 2016-yil 29-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 29 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 29 декабря 2016 г. · Указы Президента
Официальный текст. Официальный документ. Редакционные примечания не включены.
📅 29 December 2016 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Фанлар академиясининг академиклари фаолиятини янада такомиллаштириш ва рағбатлантириш чора-тадбирлари тўғрисида
Республиканинг илмий салоҳиятини янада ривожлантириш ва мустаҳкамлаш, мамлакатни ижтимоий-иқтисодий ривожлантиришда илм-фаннинг ролини кучайтириш, Ўзбекистон Республикаси Фанлар академияси академикларининг илмий фаолиятини ҳар томонлама қўллаб-қувватлаш ва рағбатлантириш, шунингдек юқори малакали илмий кадрлар тайёрлаш сифатини ошириш мақсадида:
1. Ўзбекистон Республикаси Фанлар академияси, Олий ва ўрта махсус таълим вазирлигининг 2017 йил 1 январдан Ўзбекистон Республикаси Фанлар академиясининг ҳақиқий аъзоларини Ўзбекистон Республикаси Фанлар академияси Ҳайъати ва тегишли фан ихтисосликлари бўйича фаолият кўрсатаётган ҳақиқий аъзоларининг тавсиясига асосан Ўзбекистон Республикаси Президенти томонидан тасдиқланиши тартибини жорий этиш ҳақидаги таклифи маъқуллансин.
3. Шундай тартиб белгилансинки, унга мувофиқ Ўзбекистон Республикаси Фанлар академиясининг ҳақиқий аъзолари бир нафар кузатувчи билан бирга бир йилда бир марта ўзлари учун мақбул бўлган муддатда Ўзбекистон Республикаси Соғлиқни сақлаш вазирлиги, Ўзбекистон Касаба уюшмалари федерацияси Кенгаши, республика давлат ва хўжалик бошқаруви органларининг санаторий-соғломлаштириш муассасаларида ҳамда Ялта ва Кисловодск шаҳарларидаги «Ўзбекистон» курорт-соғломлаштириш акциядорлик жамиятининг санаторийларида соғломлаштириш курсидан бепул фойдаланиш ҳуқуқига эгадирлар.
Белгилаб қўйилсинки, Ўзбекистон Республикаси Фанлар академиясининг ҳақиқий аъзолари ва кузатувчи бир нафар шахс учун санаторий-соғломлаштириш муассасаларига йўлланмалар қиймати Ўзбекистон Республикаси Давлат бюджети маблағлари ҳисобидан қопланади.
4. Ўзбекистон Республикаси Фанлар академияси, Иқтисодиёт вазирлиги, Молия вазирлиги, Олий ва ўрта махсус таълим вазирлиги, Халқ таълими вазирлиги манфаатдор вазирликлар ва идоралар билан биргаликда бир ой муддатда:
Ўзбекистон Республикаси Фанлар академиясининг ҳақиқий аъзоларини фан-таълим ва ишлаб чиқариш жараёнларига фаол жалб этиш, фан, таълим ва ишлаб чиқариш интеграциясини чуқурлаштиришда, шунингдек, юқори малакали кадрлар тайёрлашда уларнинг ролини кучайтириш механизмини жорий этиш;
Фанлар академияси ҳақиқий аъзоларининг фан-таълим муассасаларида ва саноат корхоналарида самарали ишлаши учун зарур шарт-шароитлар яратиш бўйича таклифларни ишлаб чиқсинлар ва Вазирлар Маҳкамасига киритсинлар.
5. Ўзбекистон Республикаси Фанлар академияси бир ой муддатда:
Ўзбекистон Республикаси Фанлар академиясининг янгиланган таҳрирдаги Уставини;
Адлия вазирлиги ҳамда бошқа манфаатдор вазирликлар ва идоралар билан биргаликда қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисидаги таклифларни тасдиқлаш учун Вазирлар Маҳкамасига киритсин.
6. Ушбу Фармоннинг ижросини назорат қилиш Ўзбекистон Республикасининг Бош вазири А. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2016 йил 29 декабрь,
ПФ-4907-сон
Oʻzbekiston Respublikasi Prezidentining
Farmoni
Oʻzbekiston Respublikasi Fanlar akademiyasining akademiklari faoliyatini yanada takomillashtirish va ragʻbatlantirish chora-tadbirlari toʻgʻrisida
Respublikaning ilmiy salohiyatini yanada rivojlantirish va mustahkamlash, mamlakatni ijtimoiy-iqtisodiy rivojlantirishda ilm-fanning rolini kuchaytirish, Oʻzbekiston Respublikasi Fanlar akademiyasi akademiklarining ilmiy faoliyatini har tomonlama qoʻllab-quvvatlash va ragʻbatlantirish, shuningdek yuqori malakali ilmiy kadrlar tayyorlash sifatini oshirish maqsadida:
1. Oʻzbekiston Respublikasi Fanlar akademiyasi, Oliy va oʻrta maxsus taʼlim vazirligining 2017-yil 1-yanvardan Oʻzbekiston Respublikasi Fanlar akademiyasining haqiqiy aʼzolarini Oʻzbekiston Respublikasi Fanlar akademiyasi Hayʼati va tegishli fan ixtisosliklari boʻyicha faoliyat koʻrsatayotgan haqiqiy aʼzolarining tavsiyasiga asosan Oʻzbekiston Respublikasi Prezidenti tomonidan tasdiqlanishi tartibini joriy etish haqidagi taklifi maʼqullansin.
3. Shunday tartib belgilansinki, unga muvofiq Oʻzbekiston Respublikasi Fanlar akademiyasining haqiqiy aʼzolari bir nafar kuzatuvchi bilan birga bir yilda bir marta oʻzlari uchun maqbul boʻlgan muddatda Oʻzbekiston Respublikasi Sogʻliqni saqlash vazirligi, Oʻzbekiston Kasaba uyushmalari federatsiyasi Kengashi, respublika davlat va xoʻjalik boshqaruvi organlarining sanatoriy-sogʻlomlashtirish muassasalarida hamda Yalta va Kislovodsk shaharlaridagi “Oʻzbekiston” kurort-sogʻlomlashtirish aksiyadorlik jamiyatining sanatoriylarida sogʻlomlashtirish kursidan bepul foydalanish huquqiga egadirlar.
Belgilab qoʻyilsinki, Oʻzbekiston Respublikasi Fanlar akademiyasining haqiqiy aʼzolari va kuzatuvchi bir nafar shaxs uchun sanatoriy-sogʻlomlashtirish muassasalariga yoʻllanmalar qiymati Oʻzbekiston Respublikasi Davlat budjeti mablagʻlari hisobidan qoplanadi.
4. Oʻzbekiston Respublikasi Fanlar akademiyasi, Iqtisodiyot vazirligi, Moliya vazirligi, Oliy va oʻrta maxsus taʼlim vazirligi, Xalq taʼlimi vazirligi manfaatdor vazirliklar va idoralar bilan birgalikda bir oy muddatda:
Oʻzbekiston Respublikasi Fanlar akademiyasining haqiqiy aʼzolarini fan-taʼlim va ishlab chiqarish jarayonlariga faol jalb etish, fan, taʼlim va ishlab chiqarish integratsiyasini chuqurlashtirishda, shuningdek, yuqori malakali kadrlar tayyorlashda ularning rolini kuchaytirish mexanizmini joriy etish;
Fanlar akademiyasi haqiqiy aʼzolarining fan-taʼlim muassasalarida va sanoat korxonalarida samarali ishlashi uchun zarur shart-sharoitlar yaratish boʻyicha takliflarni ishlab chiqsinlar va Vazirlar Mahkamasiga kiritsinlar.
5. Oʻzbekiston Respublikasi Fanlar akademiyasi bir oy muddatda:
Oʻzbekiston Respublikasi Fanlar akademiyasining yangilangan tahrirdagi Ustavini;
Adliya vazirligi hamda boshqa manfaatdor vazirliklar va idoralar bilan birgalikda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisidagi takliflarni tasdiqlash uchun Vazirlar Mahkamasiga kiritsin.
6. Ushbu Farmonning ijrosini nazorat qilish Oʻzbekiston Respublikasining Bosh vaziri A. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2016-yil 29-dekabr,
PF-4907-son
Президента Республики Узбекистан
Указ
О мерах по дальнейшему совершенствованию и стимулированию деятельности академиков Академии наук Республики Узбекистан
В целях дальнейшего развития и укрепления научного потенциала республики, усиления роли науки в социально-экономическом развитии страны, оказания всесторонней поддержки и поощрения научной деятельности академиков Академии наук Республики Узбекистан, а также стимулирования повышения качества подготовки высококвалифицированных научных кадров:
1. Принять предложение Академии наук, Министерства высшего и среднего специального образования Республики Узбекистан о введении с 1 января 2017 года порядка, в соответствии с которым утверждение действительных членов Академии наук Республики Узбекистан осуществляется Президентом Республики Узбекистан по рекомендации Президиума и действующих действительных членов Академии наук Республики Узбекистан по соответствующим научным специальностям.
3. Определить порядок, в соответствии с которым действительные члены Академии наук Республики Узбекистан вместе с одним сопровождающим лицом имеют право один раз в году в приемлемые для них сроки бесплатно получить курс оздоровления в санаторно-оздоровительных учреждениях Министерства здравоохранения Республики Узбекистан, Совета Федерации профсоюзов Узбекистана и органов государственного и хозяйственного управления республики, а также в санаториях Курортно-оздоровительного АО «Узбекистон» в городах Ялта и Кисловодск.
Установить, что стоимость путевки для действительных членов Академии наук Республики Узбекистан и одного сопровождающего лица в санаторно-оздоровительных учреждениях покрывается за счет средств Государственного бюджета Республики Узбекистан.
4. Академии наук, Министерству экономики, Министерству финансов, Министерству высшего и среднего специального образования, Министерству народного образования Республики Узбекистан совместно с заинтересованными министерствами и ведомствами в месячный срок разработать и внести в Кабинет Министров предложения по:
внедрению механизма активного вовлечения действительных членов Академии наук Республики Узбекистан в научно-образовательные и производственные процессы, усилению их роли в углублении интеграции науки, образования и производства, а также подготовке высококвалифицированных кадров;
созданию необходимых условий для плодотворной работы действительных членов Академии наук Республики Узбекистан в научно-образовательных учреждениях и промышленных предприятиях республики.
5. Академии наук Республики Узбекистан в месячный срок внести на утверждение в Кабинет Министров:
Устав Академии наук Республики Узбекистан в новой редакции;
совместно с Министерством юстиции и другими заинтересованными министерствами и ведомствами предложения об изменениях и дополнениях в законодательство, вытекающих из настоящего Указа.
6. Контроль за исполнением настоящего Указа возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
29 декабря 2016 г.,
№ УП-4907