📅 2016-yil 28-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2016 йил 28 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 28 декабря 2016 г. · Указы Президента
Официальный текст. Официальный документ. Редакционные примечания не включены.
📅 28 December 2016 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон фахрийларни ижтимоий қўллаб-қувватлаш «Нуроний» жамғармаси фаолиятини янада такомиллаштириш чора-тадбирлари тўғрисида
Ўзбекистон фахрийларни ижтимоий қўллаб-қувватлаш «Нуроний» жамғармасининг фаолиятини янада такомиллаштириш, шунингдек кекса ёшдаги фуқароларни давлат томонидан қўллаб-қувватлаш тизими самарадорлигини янада ошириш, уларнинг мамлакат ижтимоий-сиёсий ҳаётида тўла ҳуқуқли иштирок этиши учун зарур шарт-шароитлар яратиш, катта авлоднинг жамият, оилалар ва маҳаллаларда тинчлик ва осойишталикни таъминлаш, шунингдек ёш авлодни халқимизнинг кўп асрлик анъаналарини ҳурмат қилиш руҳида тарбиялаш ишидаги ролини ошириш мақсадида:
1. Ўзбекистон фахрийларни ижтимоий қўллаб-қувватлаш «Нуроний» жамғармаси таъсис мажлисининг Жамғарма номини Ўзбекистон фахрийларининг ижтимоий фаолиятини қўллаб-қувватлаш жамоат бирлашмаси шаклидаги «Нуроний» жамғармаси (кейинги ўринларда «Нуроний» жамғармаси» деб аталади) этиб ўзгартириш ва унга қуйидаги асосий вазифаларни ҳал этишни юклаш ҳақидаги ташаббуси маъқуллансин:
фахрийларнинг Ўзбекистонни янгилаш ва ривожлантиришнинг маънавий-ахлоқий негизларини мустаҳкамлашда, мамлакатнинг ижтимоий- сиёсий ҳаётида фаол иштирок этиши учун зарур шарт-шароитлар яратиш, оқсоқоллар, кекса ёшдагилар ва фахрийларни ёшларни Ватанга муҳаббат, кекса авлод кишиларини ҳурмат қилиш, эзгулик ва раҳмдиллик сингари халқимизнинг кўп асрлик анъаналарини ҳурмат қилиш руҳида тарбиялашга йўналтирилган ижтимоий фаолиятга жалб этиш;
кексаларнинг ҳаёти даражасини ошириш соҳасида давлат сиёсатининг ғоят муҳим устувор йўналишларини амалга оширишда давлатга кўмаклашиш, пенсияга чиққандан кейин уларнинг юқори ижтимоий фаоллигини, шу жумладан уларнинг мамлакат ижтимоий-сиёсий ҳаётидаги иштирокини ва давлат органлари фаолияти устидан жамоатчилик назоратини амалга оширишдаги иштирокини қўллаб-қувватлаш;
кексалар учун назарда тутилган пенсиялар ва имтиёзлар бўйича қонун ҳужжатлари қоидалари ижроси устидан жамоатчилик назоратини таъминлаш, ушбу масалада давлат бошқаруви органларига ва маҳаллий ижро этувчи ҳокимият органларига кўмаклашиш, эҳтиёжманд кексаларни ва аҳолининг бошқа қатламларини ижтимоий қўллаб-қувватлаш ва тиббий ёрдам билан таъминлаш, ушбу мақсадларда ишлаб чиқариш, тижорат, ноширлик, хайрия тадбирларини ва бошқа тадбирларни амалга ошириш;
фуқароларнинг ўзини ўзи бошқариш органлари билан биргаликда оилаларда тинчлик ва хотиржамликни таъминлаш, ёлғиз кишилар ва эҳтиёжманд кексаларни ижтимоий ва моддий қўллаб-қувватлаш, шунингдек уларнинг биринчи навбатдаги эҳтиёжлари қондирилишида ҳар томонлама ёрдам бериш;
кексалар учун уларнинг ёшини ҳисобга олган ҳолда ҳар хил ижтимоий-маданий тадбирлар, телемарафонлар, махсус спорт мусобақалари, кекса ёзувчилар, артистлар, хонандалар, рассомларни ва ижодий зиёлиларнинг бошқа вакилларини таклиф этган ҳолда ижодий кечалар ташкил этиш.
2. Қуйидагилар:
Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармасининг марказий аппарати тузилмаси 1-иловага * мувофиқ;
Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармасининг Қорақалпоғистон Республикаси, вилоятлар ва Тошкент шаҳридаги бўлимлари тузилмаси 2-иловага * мувофиқ;
Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармасининг туманлар (шаҳарлар)даги бўлимлари тузилмаси 3-иловага * мувофиқ тасдиқлансин.
Ўзбекистон Республикаси Адлия вазирлиги замонавий талабларни ва Жамғармага юкланган янги вазифаларни ҳисобга олган ҳолда «Нуроний» жамғармасининг янги таҳрирдаги уставини тайёрлаш ва давлат рўйхатидан ўтказишда Ўзбекистон фахрийларининг ижтимоий фаолиятини қўллаб- қувватлаш «Нуроний» жамғармасига кўмаклашсин.
3. 2017 йил 1 январдан бошлаб «Нуроний» жамғармаси марказий аппарати ва унинг Қорақалпоғистон Республикаси, вилоятлар ва Тошкент шаҳри, туманлар (шаҳарлар) бўлимларининг штатдаги ходимларини Ўзбекистон Республикаси Давлат бюджети ҳисобидан таъминлаш ва моддий рағбатлантириш тартиби жорий қилинсин.
4. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари 2017 йил 1 сентябргача ҳар бир туман ва шаҳарда, қоидага кўра маданият ва дам олиш истироҳат боғлари ҳудудида «Нуронийлар маскани» мажмуалари фаолият кўрсатишини, уларда «Нуроний» жамғармасининг Қорақалпоғистон Республикаси, вилоятлар ва Тошкент шаҳридаги, туманлардаги (шаҳарлардаги) бўлимларини жойлаштириш учун бинолар ажратилиши ёки қурилишини таъминласинлар.
Мажмуаларни қуришда бой китоб фондига эга бўлган китобхонлар заллари, шахмат, шашка ўйнаш учун дам олиш хоналари, кексалар учун махсус тренажёрлар билан жиҳозланган даволаш жисмоний тарбия заллари, шунингдек ошхона ва тиббий хона ташкил этилиши, уларни зарур мебель, компьютер техникаси ва алоқа воситалари билан жиҳозлаш назарда тутилсин.
Қонун ҳужжатларига мувофиқ «Нуроний» жамғармаси ва унинг бўлимлари солиқлар ва давлатнинг мақсадли жамғармаларига мажбурий ажратмалар тўловчилар ҳисобланмаслиги маълумот учун қабул қилинсин.
5. Ўзбекистон Касаба уюшмалари федерацияси Кенгашининг меҳнаткашларни соғломлаштиришга йўналтирадиган маблағларининг 30 фоизгачасини пенсионерларни, биринчи навбатда 1941 — 1945 йиллардаги уруш ва меҳнат фронти фахрийларини ўз тизимидаги санаторийларда соғломлаштиришга (шу жумладан дори воситалари олиш учун) ҳар йили йўналтириш, шунингдек меҳнаткашларга уларга ажратилган йўлланмаларини ўзларининг ота-оналарини соғломлаштиришга юбориш ҳуқуқини бериш тўғрисидаги ташаббуси қўллаб-қувватлансин.
6. Иқтисодиёт ва ишлаб чиқариш, илм-фан, маданият, таълим, соғлиқни сақлаш, юриспруденция ва бошқа соҳалардаги узоқ йиллик ҳалол меҳнатлари учун меҳнаткашларга, шунингдек ишламайдиган, жамиятда мустаҳкам оилани сақлаб қолган, фарзандларини катталарга ва кичик авлодга ҳурмат, жамият олдидаги масъулият, Ватанга садоқат руҳида тарбиялаб ҳурмат қозонган оналарга тақдим этиладиган «Меҳнат фахрийси» кўкрак нишони (I, II, III даражали) таъсис этилсин.
Кўкрак нишони билан тақдирлаш ва уни топшириш давлат ва нодавлат нотижорат ташкилотларининг, уларнинг ташкилий-ҳуқуқий шаклидан қатъи назар, таклифи билан амалга оширилиши белгилаб қўйилсин.
«Нуроний» жамғармаси Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги билан биргаликда ҳар бир туманда «Меҳнат фахрийси» нишони билан тақдирланган шахслар тўғрисидаги қисқача биографик маълумотномалар акс эттириладиган «Бизнинг фахрийларимиз» китоб-фотоалбомини юритиш ва унинг ҳар йил янгилаб борилишини таъминласин.
Туманлар ва шаҳарлар ҳокимликлари «Меҳнат фахрийси» нишони билан тақдирланган шахслар яшайдиган хонадонлар ва уй-жойлар эшикларида «Бу ерда I, II, III даражали «Меҳнат фахрийси» нишони билан тақдирланган фуқаро (Ф.И.О.) истиқомат қилади» ёзуви бўлган белгиси ўрнатилишини таъминласинлар.
7. Ўзбекистон миллий телерадиокомпанияси бир ой муддатда «Маҳалла» телеканалида ёши катталарга бағишланган ва ҳар куни намойиш қилинадиган «Кексалар даврасида» доимий рубрикасини ташкил этсин, шунингдек «Маҳалла» телеканалида ҳар ойда «Оталар сўзи — ақлнинг кўзи» телекўрсатувининг биттадан янги сериясини тайёрласин ва намойиш этсин.
8. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги:
«Нуроний» жамғармасининг нашриёт бўлими фаолиятини ташкил этишга кўмаклашсин ҳамда ҳар ҳафталик «Нуроний» газетаси ва ҳар ойда бир чиқадиган «Кексалик гашти» журналининг имтиёзли асосда нашр этилишини таъминласин;
«Нуроний» жамғармасининг буюртманомасига биноан «Нуроний» жамғармасининг ҳар бир бўлимини республикада нашр этиладиган камида 10 номдаги газета ва журналлар билан, шунингдек «Нуронийлар маскани» комплекслари ўқув залларининг китоблар билан мунтазам равишда тўлдириб борилишини таъминласин.
9. Жамғармани қўллаб-қувватлаш ва унинг фаолиятини амалга ошириш учун зарур шарт-шароитлар яратиш давлат органлари раҳбарлари, нодавлат нотижорат ташкилотлари, тадбиркорлик субъектлари, бошқа ташкилотлар ва фуқароларнинг кекса авлод олдидаги фуқаролик бурчи ҳисоблансин.
10. Вазирлар Маҳкамаси, республика ижро этувчи ҳокимият органлари ҳамда ташкилий-ҳуқуқий шаклидан қатъи назар бошқа ташкилотлар раҳбарлари зиммасига, пенсияга чиқадиган ходимларга доимий ғамхўрлик ва эътибор кўрсатишни, уларга зарур моддий ва ижтимоий кўмак бериш, меҳнат жамоасининг жамият ҳаётида фаол қатнашишини, шунингдек ҳар йили пенсионерлардан, айниқса якка-ёлғизлардан хабар олиш, туғилган кунларида ва байрамларда уларга эсдалик совғалари беришни, уларнинг уй- жой, маиший муаммоларини ҳал этишда кўмаклашишни, санатория-курортда соғломлаштириш ва даволашни ташкил этишни, шунингдек муқаддас жойларга ва зиёратгоҳларга экскурсиялар ташкиллаштиришни ва бошқа ижтимоий аҳамиятли тадбирларни амалга оширишни таъминлаш юзасидан шахсий масъулият юклансин.
Пенсионерлар билан очиқ мулоқотни йўлга қўйиш, уларнинг ҳаётий муҳим муаммоларини муҳокама қилиш ва ҳал этишга ёрдам бериш мақсадида давлат ва хўжалик бошқаруви органлари, корхона ва ташкилотлар раҳбарлари зиммасига пенсияга чиққан ходимларини раҳбарият томонидан қабул қилиш жадвалларини ҳар ойда тасдиқлаш мажбурияти юклансин.
11. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари томонидан ҳар йил икки марта «Маҳалла» фонди, бошқа давлат ва нодавлат нотижорат ташкилотлари вакилларини жалб этган ҳолда «Нуроний» жамғармаси бўлимлари раҳбарлари, уларнинг фаоллари иштирокида кексаларни ижтимоий қўллаб-қувватлаш, ёшларни тарбиялаш, маҳаллаларда тинчлик ва осойишталикни сақлаш, шунингдек «Нуроний» жамғармаси бўлимлари фаолияти тўғрисидаги ҳисоботларни кўриб чиқиш бўйича келгусидаги қўшма чора-тадбирларни муҳокама қилишни ўтказиш амалиётга киритилсин.
12. Республика «Маҳалла» хайрия фонди раҳбариятининг:
жамоатчилик асосида фуқароларнинг ўзини ўзи бошқариш органларида (овуллар, қишлоқлар, маҳаллалар) фуқаролар йиғини раисининг ўринбосари — кексалар ва фахрийлар ишлари бўйича маслаҳатчи лавозимини жорий қилиш;
«Маҳалла» фондига «Наврўз» ва «Мустақиллик» умумхалқ байрамларига бағишлаб ўтказиладиган ҳашарлардан тушадиган маблағларнинг 10 фоизини ҳар йили «Нуроний» жамғармасига ўтказиш тўғрисидаги ташаббуси қўллаб- қувватлансин.
13. Ўзбекистон Республикаси Молия вазирлиги:
2017 йилда Вазирлар Маҳкамасининг захира фондидан «Нуроний» жамғармаси марказий аппарати, унинг бўлинмалари ва нашриёт бўлими моддий-техника базасини мустаҳкамлашга 1,5 млрд сўм ажратсин;
2017 йилдан бошлаб Ўзбекистон Республикаси Давлат бюджети параметрларида ушбу Фармонда назарда тутилган тадбирларни амалга ошириш учун зарур бўлган маблағларни назарда тутсин.
14. Ўзбекистон Республикаси Вазирлар Маҳкамаси ушбу Фармонда назарда тутилган тадбирларни амалга ошириш ва «Меҳнат фахрийси» кўкрак нишони тўғрисидаги низомни тасдиқлаш бўйича бир ой муддатда чора- тадбирлар кўрсин.
15. Ўзбекистон Республикаси Адлия вазирлиги Молия вазирлиги, «Нуроний» жамғармаси ва бошқа манфаатдор вазирликлар ва идоралар билан биргаликда бир ой муддатда қонун ҳужжатларига ушбу Фармондан келиб чиқадиган қўшимча ва ўзгартиришлар бўйича Вазирлар Маҳкамасига таклифлар киритсин.
16. Ўзбекистон Республикаси Президентининг «Ўзбекистон фахрийларни ижтимоий қўллаб-қувватлаш «Нуроний» жамғармаси тўғрисида» 1996 йил 4 декабрдаги ПФ-1655-сон Фармони ўз кучини йўқотган деб ҳисоблансин.
17. Мазкур Фармоннинг бажарилишини назорат қилиш Ўзбекистон Республикасининг Бош вазири А. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2016 йил 28 декабрь,
ПФ-4906-сон
Oʻzbekiston Respublikasi Prezidentining
Farmoni
Oʻzbekiston faxriylarni ijtimoiy qoʻllab-quvvatlash “Nuroniy” jamgʻarmasi faoliyatini yanada takomillashtirish chora-tadbirlari toʻgʻrisida
Oʻzbekiston faxriylarni ijtimoiy qoʻllab-quvvatlash “Nuroniy” jamgʻarmasining faoliyatini yanada takomillashtirish, shuningdek keksa yoshdagi fuqarolarni davlat tomonidan qoʻllab-quvvatlash tizimi samaradorligini yanada oshirish, ularning mamlakat ijtimoiy-siyosiy hayotida toʻla huquqli ishtirok etishi uchun zarur shart-sharoitlar yaratish, katta avlodning jamiyat, oilalar va mahallalarda tinchlik va osoyishtalikni taʼminlash, shuningdek yosh avlodni xalqimizning koʻp asrlik anʼanalarini hurmat qilish ruhida tarbiyalash ishidagi rolini oshirish maqsadida:
1. Oʻzbekiston faxriylarni ijtimoiy qoʻllab-quvvatlash “Nuroniy” jamgʻarmasi taʼsis majlisining Jamgʻarma nomini Oʻzbekiston faxriylarining ijtimoiy faoliyatini qoʻllab-quvvatlash jamoat birlashmasi shaklidagi “Nuroniy” jamgʻarmasi (keyingi oʻrinlarda “Nuroniy” jamgʻarmasi” deb ataladi) etib oʻzgartirish va unga quyidagi asosiy vazifalarni hal etishni yuklash haqidagi tashabbusi maʼqullansin:
faxriylarning Oʻzbekistonni yangilash va rivojlantirishning maʼnaviy-axloqiy negizlarini mustahkamlashda, mamlakatning ijtimoiy- siyosiy hayotida faol ishtirok etishi uchun zarur shart-sharoitlar yaratish, oqsoqollar, keksa yoshdagilar va faxriylarni yoshlarni Vatanga muhabbat, keksa avlod kishilarini hurmat qilish, ezgulik va rahmdillik singari xalqimizning koʻp asrlik anʼanalarini hurmat qilish ruhida tarbiyalashga yoʻnaltirilgan ijtimoiy faoliyatga jalb etish;
keksalarning hayoti darajasini oshirish sohasida davlat siyosatining gʻoyat muhim ustuvor yoʻnalishlarini amalga oshirishda davlatga koʻmaklashish, pensiyaga chiqqandan keyin ularning yuqori ijtimoiy faolligini, shu jumladan ularning mamlakat ijtimoiy-siyosiy hayotidagi ishtirokini va davlat organlari faoliyati ustidan jamoatchilik nazoratini amalga oshirishdagi ishtirokini qoʻllab-quvvatlash;
keksalar uchun nazarda tutilgan pensiyalar va imtiyozlar boʻyicha qonun hujjatlari qoidalari ijrosi ustidan jamoatchilik nazoratini taʼminlash, ushbu masalada davlat boshqaruvi organlariga va mahalliy ijro etuvchi hokimiyat organlariga koʻmaklashish, ehtiyojmand keksalarni va aholining boshqa qatlamlarini ijtimoiy qoʻllab-quvvatlash va tibbiy yordam bilan taʼminlash, ushbu maqsadlarda ishlab chiqarish, tijorat, noshirlik, xayriya tadbirlarini va boshqa tadbirlarni amalga oshirish;
fuqarolarning oʻzini oʻzi boshqarish organlari bilan birgalikda oilalarda tinchlik va xotirjamlikni taʼminlash, yolgʻiz kishilar va ehtiyojmand keksalarni ijtimoiy va moddiy qoʻllab-quvvatlash, shuningdek ularning birinchi navbatdagi ehtiyojlari qondirilishida har tomonlama yordam berish;
keksalar uchun ularning yoshini hisobga olgan holda har xil ijtimoiy-madaniy tadbirlar, telemarafonlar, maxsus sport musobaqalari, keksa yozuvchilar, artistlar, xonandalar, rassomlarni va ijodiy ziyolilarning boshqa vakillarini taklif etgan holda ijodiy kechalar tashkil etish.
2. Quyidagilar:
Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasining markaziy apparati tuzilmasi 1-ilovaga * muvofiq;
Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasining Qoraqalpogʻiston Respublikasi, viloyatlar va Toshkent shahridagi boʻlimlari tuzilmasi 2-ilovaga * muvofiq;
Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasining tumanlar (shaharlar)dagi boʻlimlari tuzilmasi 3-ilovaga * muvofiq tasdiqlansin.
Oʻzbekiston Respublikasi Adliya vazirligi zamonaviy talablarni va Jamgʻarmaga yuklangan yangi vazifalarni hisobga olgan holda “Nuroniy” jamgʻarmasining yangi tahrirdagi ustavini tayyorlash va davlat roʻyxatidan oʻtkazishda Oʻzbekiston faxriylarining ijtimoiy faoliyatini qoʻllab- quvvatlash “Nuroniy” jamgʻarmasiga koʻmaklashsin.
3. 2017-yil 1-yanvardan boshlab “Nuroniy” jamgʻarmasi markaziy apparati va uning Qoraqalpogʻiston Respublikasi, viloyatlar va Toshkent shahri, tumanlar (shaharlar) boʻlimlarining shtatdagi xodimlarini Oʻzbekiston Respublikasi Davlat budjeti hisobidan taʼminlash va moddiy ragʻbatlantirish tartibi joriy qilinsin.
4. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari 2017-yil 1-sentabrgacha har bir tuman va shaharda, qoidaga koʻra madaniyat va dam olish istirohat bogʻlari hududida “Nuroniylar maskani” majmualari faoliyat koʻrsatishini, ularda “Nuroniy” jamgʻarmasining Qoraqalpogʻiston Respublikasi, viloyatlar va Toshkent shahridagi, tumanlardagi (shaharlardagi) boʻlimlarini joylashtirish uchun binolar ajratilishi yoki qurilishini taʼminlasinlar.
Majmualarni qurishda boy kitob fondiga ega boʻlgan kitobxonlar zallari, shaxmat, shashka oʻynash uchun dam olish xonalari, keksalar uchun maxsus trenajyorlar bilan jihozlangan davolash jismoniy tarbiya zallari, shuningdek oshxona va tibbiy xona tashkil etilishi, ularni zarur mebel, kompyuter texnikasi va aloqa vositalari bilan jihozlash nazarda tutilsin.
Qonun hujjatlariga muvofiq “Nuroniy” jamgʻarmasi va uning boʻlimlari soliqlar va davlatning maqsadli jamgʻarmalariga majburiy ajratmalar toʻlovchilar hisoblanmasligi maʼlumot uchun qabul qilinsin.
5. Oʻzbekiston Kasaba uyushmalari federatsiyasi Kengashining mehnatkashlarni sogʻlomlashtirishga yoʻnaltiradigan mablagʻlarining 30 foizgachasini pensionerlarni, birinchi navbatda 1941 — 1945-yillardagi urush va mehnat fronti faxriylarini oʻz tizimidagi sanatoriylarda sogʻlomlashtirishga (shu jumladan dori vositalari olish uchun) har yili yoʻnaltirish, shuningdek mehnatkashlarga ularga ajratilgan yoʻllanmalarini oʻzlarining ota-onalarini sogʻlomlashtirishga yuborish huquqini berish toʻgʻrisidagi tashabbusi qoʻllab-quvvatlansin.
6. Iqtisodiyot va ishlab chiqarish, ilm-fan, madaniyat, taʼlim, sogʻliqni saqlash, yurisprudensiya va boshqa sohalardagi uzoq yillik halol mehnatlari uchun mehnatkashlarga, shuningdek ishlamaydigan, jamiyatda mustahkam oilani saqlab qolgan, farzandlarini kattalarga va kichik avlodga hurmat, jamiyat oldidagi masʼuliyat, Vatanga sadoqat ruhida tarbiyalab hurmat qozongan onalarga taqdim etiladigan “Mehnat faxriysi” koʻkrak nishoni (I, II, III darajali) taʼsis etilsin.
Koʻkrak nishoni bilan taqdirlash va uni topshirish davlat va nodavlat notijorat tashkilotlarining, ularning tashkiliy-huquqiy shaklidan qatʼi nazar, taklifi bilan amalga oshirilishi belgilab qoʻyilsin.
“Nuroniy” jamgʻarmasi Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi bilan birgalikda har bir tumanda “Mehnat faxriysi” nishoni bilan taqdirlangan shaxslar toʻgʻrisidagi qisqacha biografik maʼlumotnomalar aks ettiriladigan “Bizning faxriylarimiz” kitob-fotoalbomini yuritish va uning har yil yangilab borilishini taʼminlasin.
Tumanlar va shaharlar hokimliklari “Mehnat faxriysi” nishoni bilan taqdirlangan shaxslar yashaydigan xonadonlar va uy-joylar eshiklarida “Bu erda I, II, III darajali “Mehnat faxriysi” nishoni bilan taqdirlangan fuqaro (F.I.O.) istiqomat qiladi” yozuvi boʻlgan belgisi oʻrnatilishini taʼminlasinlar.
7. Oʻzbekiston milliy teleradiokompaniyasi bir oy muddatda “Mahalla” telekanalida yoshi kattalarga bagʻishlangan va har kuni namoyish qilinadigan “Keksalar davrasida” doimiy rubrikasini tashkil etsin, shuningdek “Mahalla” telekanalida har oyda “Otalar soʻzi — aqlning koʻzi” telekoʻrsatuvining bittadan yangi seriyasini tayyorlasin va namoyish etsin.
8. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi:
“Nuroniy” jamgʻarmasining nashriyot boʻlimi faoliyatini tashkil etishga koʻmaklashsin hamda har haftalik “Nuroniy” gazetasi va har oyda bir chiqadigan “Keksalik gashti” jurnalining imtiyozli asosda nashr etilishini taʼminlasin;
“Nuroniy” jamgʻarmasining buyurtmanomasiga binoan “Nuroniy” jamgʻarmasining har bir boʻlimini respublikada nashr etiladigan kamida 10 nomdagi gazeta va jurnallar bilan, shuningdek “Nuroniylar maskani” komplekslari oʻquv zallarining kitoblar bilan muntazam ravishda toʻldirib borilishini taʼminlasin.
9. Jamgʻarmani qoʻllab-quvvatlash va uning faoliyatini amalga oshirish uchun zarur shart-sharoitlar yaratish davlat organlari rahbarlari, nodavlat notijorat tashkilotlari, tadbirkorlik subyektlari, boshqa tashkilotlar va fuqarolarning keksa avlod oldidagi fuqarolik burchi hisoblansin.
10. Vazirlar Mahkamasi, respublika ijro etuvchi hokimiyat organlari hamda tashkiliy-huquqiy shaklidan qatʼi nazar boshqa tashkilotlar rahbarlari zimmasiga, pensiyaga chiqadigan xodimlarga doimiy gʻamxoʻrlik va eʼtibor koʻrsatishni, ularga zarur moddiy va ijtimoiy koʻmak berish, mehnat jamoasining jamiyat hayotida faol qatnashishini, shuningdek har yili pensionerlardan, ayniqsa yakka-yolgʻizlardan xabar olish, tugʻilgan kunlarida va bayramlarda ularga esdalik sovgʻalari berishni, ularning uy- joy, maishiy muammolarini hal etishda koʻmaklashishni, sanatoriya-kurortda sogʻlomlashtirish va davolashni tashkil etishni, shuningdek muqaddas joylarga va ziyoratgohlarga ekskursiyalar tashkillashtirishni va boshqa ijtimoiy ahamiyatli tadbirlarni amalga oshirishni taʼminlash yuzasidan shaxsiy masʼuliyat yuklansin.
Pensionerlar bilan ochiq muloqotni yoʻlga qoʻyish, ularning hayotiy muhim muammolarini muhokama qilish va hal etishga yordam berish maqsadida davlat va xoʻjalik boshqaruvi organlari, korxona va tashkilotlar rahbarlari zimmasiga pensiyaga chiqqan xodimlarini rahbariyat tomonidan qabul qilish jadvallarini har oyda tasdiqlash majburiyati yuklansin.
11. Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari tomonidan har yil ikki marta “Mahalla” fondi, boshqa davlat va nodavlat notijorat tashkilotlari vakillarini jalb etgan holda “Nuroniy” jamgʻarmasi boʻlimlari rahbarlari, ularning faollari ishtirokida keksalarni ijtimoiy qoʻllab-quvvatlash, yoshlarni tarbiyalash, mahallalarda tinchlik va osoyishtalikni saqlash, shuningdek “Nuroniy” jamgʻarmasi boʻlimlari faoliyati toʻgʻrisidagi hisobotlarni koʻrib chiqish boʻyicha kelgusidagi qoʻshma chora-tadbirlarni muhokama qilishni oʻtkazish amaliyotga kiritilsin.
12. Respublika “Mahalla” xayriya fondi rahbariyatining:
jamoatchilik asosida fuqarolarning oʻzini oʻzi boshqarish organlarida (ovullar, qishloqlar, mahallalar) fuqarolar yigʻini raisining oʻrinbosari — keksalar va faxriylar ishlari boʻyicha maslahatchi lavozimini joriy qilish;
“Mahalla” fondiga “Navroʻz” va “Mustaqillik” umumxalq bayramlariga bagʻishlab oʻtkaziladigan hasharlardan tushadigan mablagʻlarning 10 foizini har yili “Nuroniy” jamgʻarmasiga oʻtkazish toʻgʻrisidagi tashabbusi qoʻllab- quvvatlansin.
13. Oʻzbekiston Respublikasi Moliya vazirligi:
2017-yilda Vazirlar Mahkamasining zaxira fondidan “Nuroniy” jamgʻarmasi markaziy apparati, uning boʻlinmalari va nashriyot boʻlimi moddiy-texnika bazasini mustahkamlashga 1,5 mlrd soʻm ajratsin;
2017-yildan boshlab Oʻzbekiston Respublikasi Davlat budjeti parametrlarida ushbu Farmonda nazarda tutilgan tadbirlarni amalga oshirish uchun zarur boʻlgan mablagʻlarni nazarda tutsin.
14. Oʻzbekiston Respublikasi Vazirlar Mahkamasi ushbu Farmonda nazarda tutilgan tadbirlarni amalga oshirish va “Mehnat faxriysi” koʻkrak nishoni toʻgʻrisidagi nizomni tasdiqlash boʻyicha bir oy muddatda chora- tadbirlar koʻrsin.
15. Oʻzbekiston Respublikasi Adliya vazirligi Moliya vazirligi, “Nuroniy” jamgʻarmasi va boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu Farmondan kelib chiqadigan qoʻshimcha va oʻzgartirishlar boʻyicha Vazirlar Mahkamasiga takliflar kiritsin.
16. Oʻzbekiston Respublikasi Prezidentining “Oʻzbekiston faxriylarni ijtimoiy qoʻllab-quvvatlash “Nuroniy” jamgʻarmasi toʻgʻrisida” 1996-yil 4-dekabrdagi PF-1655-son Farmoni oʻz kuchini yoʻqotgan deb hisoblansin.
17. Mazkur Farmonning bajarilishini nazorat qilish Oʻzbekiston Respublikasining Bosh vaziri A. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2016-yil 28-dekabr,
PF-4906-son
Президента Республики Узбекистан
Указ
СТРУКТУРА
СТРУКТУРА
ТИПОВАЯ СТРУКТУРА
О мерах по дальнейшему совершенствованию деятельности Фонда «Нуроний» по социальной поддержке ветеранов Узбекистана
В целях дальнейшего совершенствования деятельности Фонда «Нуроний» по социальной поддержке ветеранов Узбекистана, повышения эффективности системы оказания государственной поддержки престарелым гражданам, создания необходимых условий для полноправного участия их в общественно- политической жизни страны, повышения роли старшего поколения в обеспечении мира и спокойствия в обществе, семьях и махаллях, а также в деле воспитания молодого поколения в духе почитания многовековых традиций нашего народа:
1. Одобрить инициативу учредительного собрания Фонда «Нуроний» по социальной поддержке ветеранов Узбекистана о его переименовании в Фонд по поддержке общественной деятельности ветеранов Узбекистана «Нуроний» в форме общественного объединения (далее — Фонд «Нуроний») и возложении на него решения следующих основных задач:
создание необходимых условий для активного участия ветеранов в укреплении духовно-нравственных основ обновления и развития Узбекистана, в общественно-политической жизни страны, вовлечение аксакалов, пожилых лиц и ветеранов в общественную деятельность, направленную на воспитание молодежи в духе почитания многовековых традиций нашего народа, таких как любовь к Родине, уважение к людям старшего поколения, проявление доброты и милосердия;
оказание содействия государству в реализации важнейших приоритетов государственной политики в области повышения качества жизни пожилых граждан, поддержания их высокой социальной активности после выхода на пенсию, включая их участие в общественно-политической жизни страны и осуществлении общественного контроля за деятельностью государственных органов;
осуществление общественного контроля за исполнением положений законодательства по пенсиям и льготам, предусмотренным для престарелых, оказание в этом вопросе содействия органам государственного управления и органам исполнительной власти на местах, обеспечение социальной поддержки и медицинской помощи престарелым и другим слоям населения, нуждающимся в ней, с реализацией в этих целях производственных, коммерческих, издательских, благотворительных и других мероприятий;
обеспечение совместно с органами самоуправления граждан мира и спокойствия в семьях, оказание социальной и материальной поддержки одиноким и нуждающимся престарелым, а также всемерного содействия в удовлетворении их первоочередных нужд;
организация различных социально-культурных мероприятий для престарелых, телемарафонов, специальных спортивных состязаний с учетом их возраста, творческих вечеров с приглашением пожилых писателей, артистов, певцов, художников и других представителей творческой интеллигенции.
2. Одобрить:
структуру центрального аппарата Фонда по поддержке общественной деятельности ветеранов Узбекистана «Нуроний» согласно приложению № 1 ;
структуру отделений Фонда по поддержке общественной деятельности ветеранов Узбекистана «Нуроний» в Республике Каракалпакстан, областях и г.Ташкенте согласно приложению № 2 ;
структуру отделений Фонда по поддержке общественной деятельности ветеранов Узбекистана «Нуроний» в районах (городах) согласно приложению № 3 .
Министерству юстиции Республики Узбекистан оказать содействие Фонду по поддержке общественной деятельности ветеранов Узбекистана «Нуроний» в подготовке и государственной регистрации в новой редакции устава Фонда «Нуроний» с учетом современных требований и новых задач, возложенных на Фонд.
3. Ввести с 1 января 2017 года порядок содержания и материального стимулирования за счет средств Государственного бюджета Республики Узбекистан штатной численности работников центрального аппарата Фонда «Нуроний» и его отделений в Республике Каракалпакстан, областях, г.Ташкенте, районах (городах).
4. Совету Министров Республики Каракалпакстан, хокимиятам областей и г.Ташкента обеспечить до 1 сентября 2017 года функционирование в каждом районе и городе, как правило на территории парков культуры и отдыха, комплексов «Нуронийлар маскани», с выделением или строительством зданий для размещения в них отделений Фонда «Нуроний» в Республике Каракалпакстан, областях, г.Ташкенте, районах (городах).
При строительстве комплексов предусмотреть организацию в них читальных залов с богатым книжным фондом, комнат досуга для игры в шахматы, шашки, залов лечебной физкультуры со специальными тренажерами для престарелых, а также столовую и медицинский кабинет, оснастив их необходимой мебелью, компьютерной техникой и средствами связи.
Принять к сведению, что в соответствии с законодательством Фонд «Нуроний» и его отделения не являются плательщиками налогов и обязательных отчислений в государственные целевые фонды.
5. Поддержать инициативу Совета федерации профсоюзов Узбекистана об ежегодном направлении до 30 процентов средств, используемых на оздоровление трудящихся, на оздоровление (включая приобретение лекарственных средств) пенсионеров, прежде всего ветеранов войны и трудового фронта 1941 — 1945 годов, в находящихся в его системе санаториях, а также предоставлении права трудящимся передавать свои путевки на оздоровление своих родителей.
6. Учредить нагрудной знак «Мехнат фахрийси» (I, II, III степени), вручаемый трудящимся за долголетний добросовестный труд в области экономики и производства, науки, культуры, образования, здравоохранения, юриспруденции и других отраслях, а также неработающим матерям, снискавшим уважение в обществе за сохранение крепкой семьи, воспитавшим детей в духе уважения к старшему и младшему поколению, ответственности перед обществом, преданных Родине.
Определить, что награждение и вручение нагрудного знака осуществляется по предложению государственных и негосударственных некоммерческих организаций независимо от их организационно-правовой формы.
Фонду «Нуроний» совместно с Агентством информации и массовых коммуникаций при Администрации Президента Республики Узбекистан обеспечить в каждом районе ведение и ежегодное обновление книги-фотоальбома «Бизнинг фахрийларимиз», где будут отражены краткие биографические справки о лицах, награжденных знаком «Мехнат фахрийси».
Хокимиятам районов и городов обеспечить установку на дверях квартир и жилых домов лиц, удостоенных знака «Мехнат фахрийси», именных табличек с надписью «Здесь проживает гражданин (Ф.И.О.), удостоенный знака «Мехнат фахрийси» (I, II, III степени)».
7. Национальной телерадиокомпании Узбекистана в месячный срок создать на телеканале «Махалла» постоянную рубрику, посвященную престарелым («Кексалар даврасида»), с ежедневным вещанием, а также подготовку и показ на телеканале «Махалла» ежемесячно по одной новой серии телепередачи «Оталар сузи — аклнинг кузи».
8. Агентству информации и массовых коммуникаций при Администрации Президента Республики Узбекистан:
оказать содействие в организации деятельности издательского отдела Фонда «Нуроний» и обеспечить издание еженедельной газеты «Нуроний» и ежемесячного журнала «Кексалик гашти» на льготных условиях;
по заявкам Фонда «Нуроний» обеспечивать каждое отделение Фонда «Нуроний» не менее 10 наименованиями газет и журналов, издаваемых в республике, а также периодическое пополнение книгами читальных залов комплексов «Нуронийлар маскани».
9. Считать, что поддержка и создание всех необходимых условий для осуществления деятельности Фонда «Нуроний» являются гражданским долгом руководителей государственных органов, негосударственных некоммерческих организаций, субъектов предпринимательства, других организаций и граждан нашей страны перед старшим поколением.
10. Возложить на руководителей Кабинета Министров, республиканских органов исполнительной власти и других организаций независимо от организационно-правовой формы, персональную ответственность за обеспечение постоянной заботой и вниманием выходящих на пенсию работников, оказания им необходимой материальной и социальной поддержки, активного участия их в общественной жизни трудового коллектива, а также ежегодную реализацию мероприятий по посещению пенсионеров, особенно одиноких, вручению им памятных подарков на дни рождения и праздники, оказанию содействия в решении жилищно-бытовых проблем, организации санаторно-курортного оздоровления и лечения, экскурсий к святым местам и достопримечательностям, осуществлению других социально значимых мер.
В целях налаживания открытого диалога с пенсионерами для обсуждения и решения их жизненно важных проблем обязать руководителей органов государственного и хозяйственного управления, предприятий и организаций утверждать на ежемесячной основе графики приема руководством работников, вышедших на пенсию.
11. Ввести в практику проведение председателем Совета Министров Республики Каракалпакстан, хокимами областей и г. Ташкента два раза в год отчетных собраний с участием руководителей отделений Фонда «Нуроний», их активистами с привлечением представителей Фонда «Махалла», других государственных и негосударственных некоммерческих организаций для обсуждения дальнейших совместных мер по социальной поддержке престарелых, воспитанию молодежи, поддержанию мира и спокойствия в махаллях, а также рассмотрению отчетов о деятельности отделений Фонда «Нуроний».
12. Поддержать инициативу руководства Республиканского благотворительного фонда «Махалла» о:
введении, на общественных началах, в органах самоуправления граждан должности заместителя председателя схода граждан (аулов, кишлаков, махаллей) — консультанта по делам престарелых и ветеранов;
ежегодном перечислении Фонду «Нуроний» 10% от поступающих в Фонд «Махалла» средств от благотворительных хашаров, проводимых в честь общенародных праздников «Навруз» и «Мустакиллик».
13. Министерству финансов Республики Узбекистан:
выделить в 2017 году из резервного фонда Кабинета Министров 1,5 млрд. сум на укрепление материально-технической базы центрального аппарата, его отделений и издательского отдела Фонда «Нуроний»;
начиная с 2017 года, предусматривать в параметрах Государственного бюджета Республики Узбекистан необходимые средства на реализацию мер, предусмотренных настоящим Указом.
14. Кабинету Министров Республики Узбекистан в месячный срок принять меры по реализации предусмотренных настоящим Указом мероприятий и утверждению положения о нагрудном знаке «Мехнат фахрийси».
15. Министерству юстиции совместно с Министерством финансов Республики Узбекистан, Фондом «Нуроний» и другими заинтересованными министерствами и ведомствами в месячный срок внести в Кабинет Министров предложения по изменениям и дополнениям в законодательство, вытекающим из настоящего Указа.
16. Признать утратившим силу Указ Президента Республики Узбекистан от 4 декабря 1996 года № УП-1655 «О Фонде «Нуроний» по социальной поддержке ветеранов Узбекистана».
17. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к Указу Президента Республики Узбекистан от 28 декабря 2016 года № УП-4906
центрального аппарата Фонда по поддержке общественной деятельности ветеранов Узбекистана «Нуроний»
ПРИЛОЖЕНИЕ № 2 к Указу Президента Республики Узбекистан от 28 декабря 2016 года № УП-4906
отделений Фонда по поддержке общественной деятельности ветеранов Узбекистана «Нуроний» в Республике Каракалпакстан, областях и г. Ташкенте
ПРИЛОЖЕНИЕ № 3 к Указу Президента Республики Узбекистан от 28 декабря 2016 года № УП-4906
отделений Фонда «Нуроний» по поддержке общественной деятельности ветеранов Узбекистана в районах (городах)
Президент Республики Узбекистан Ш. МИРЗИЁЕВ
г. Ташкент,
28 декабря 2016 г.,
№ УП-4906