📅 2017-yil 6-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 6 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 6 января 2017 г. · Постановления Президента
Официальный текст. Официальный документ. Редакционные примечания не включены.
📅 6 January 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Экскаваторлар ва гусеницали техникани таъмирлаш заводини Қуриш» инвестиция лойиҳасини оптималлаштириш чора-тадбирлари тўғрисида
Сирдарё вилоятининг ишлаб чиқариш салоҳиятини янада ошириш ҳамда «Экскаваторлар ва гусеницали техникани таъмирлаш заводини қуриш» инвестиция лойиҳасини самарали амалга ошириш ва оптимал жойлаштиришни таъминлаш мақсадида:
1. «Ўзбекистон темир йўллари» акциядорлик жамиятининг «Ўзтемирйўлмаштаъмир» унитар корхонасининг Сирдарё вилояти Сирдарё шаҳрида жойлашган вагон-ғилдирак устахоналари негизида экскаваторлар ва гусеницали техникани таъмирлаш заводини қуриш таклифи маъқуллансин.
2. Ўзбекистон Республикаси Президентининг «Экскаваторлар ва гусеницали техникани таъмирлаш заводини қуриш тўғрисида» 2016 йил 3 июндаги ПҚ-2543-сонли қарорига иловага мувофиқ ўзгартиш ва қўшимчалар киритилсин.
3. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А. Раматов зиммасига юклансин.
Ўзбекистон Республикаси Президентининг 2017 йил 6 январдаги ПҚ-2719-сонли қарорига ИЛОВА
Ўзбекистон Республикаси Президентининг «Экскаваторлар ва гусеницали техникани таъмирлаш заводини қуриш тўғрисида» 2016 йил 3 июндаги ПҚ-2543-сонли қарорига киритилаётган ўзгартиш ва қўшимчалар
1. 1-бандида «2016-2017 йилларда «Ўзбекистон темир йўллари» АЖнинг Сирдарё вилояти Янгиер шаҳрида жойлашган тепловоз депоси негизида экскаваторлар ва гусеницали техникани таъмирлаш заводини қуриш инвестиция лойиҳасини амалга ошириш» сўзлари «2017-2018 йилларда «Ўзбекистон темир йўллари» акциядорлик жамиятининг «Ўзтемирйўлмаштаъмир» УКнинг Сирдарё шаҳрида жойлашган вагон-ғилдирак устахоналари негизида экскаваторлар ва гусеницали техникани таъмирлаш заводини қуриш инвестиция лойиҳасини амалга ошириш» сўзлари билан алмаштирилсин.
2. 4-бандида «2016 йил 1 декабрига қадар муддатда» сўзлари «2017 йил 1 апрелига қадар муддатда» сўзлари билан алмаштирилсин.
3. 5-бандининг иккинчи хатбоши куйидаги таҳрирда баён этилсин:
«2017 йил 1 июлга қадар экскаваторлар ва гусеницали техникани таъмирлаш заводи қурилишини лойиҳа-смета ҳужжатларини ишлаб чиқиш билан бир вақтда амалга оширишга;».
4. 8-бандида :
иккинчи хатбошидаги «АЖ бўлинмалари» сўзларидан кейин «ва Ўзбекистон Республикасининг норезидентлари» сўзлари ёзилсин;
қуйидаги хатбоши билан тўлдирилсин:
«Белгилаб қўйилсинки, инвестиция лойиҳасини амалга ошириш доирасида «Ўзбекистон темир йўллари» АЖ билан унинг бўлинмалари ўртасида бепул асосда топширилаётган мол-мулк қўшилган қиймат солиғи, юридик шахсларнинг фойда солиғи ҳамда ободонлаштириш ва ижтимоий инфратузилмани ривожлантириш солиғи бўйича солиққа тортиш объекти ҳисобланмайди».
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 6 январь,
ПҚ-2719-сон
Oʻzbekiston Respublikasi Prezidentining
Qarori
“Ekskavatorlar va gusenitsali texnikani taʼmirlash zavodini Qurish” investitsiya loyihasini optimallashtirish chora-tadbirlari toʻgʻrisida
Sirdaryo viloyatining ishlab chiqarish salohiyatini yanada oshirish hamda “Ekskavatorlar va gusenitsali texnikani taʼmirlash zavodini qurish” investitsiya loyihasini samarali amalga oshirish va optimal joylashtirishni taʼminlash maqsadida:
1. “Oʻzbekiston temir yoʻllari” aksiyadorlik jamiyatining “Oʻztemiryoʻlmashtaʼmir” unitar korxonasining Sirdaryo viloyati Sirdaryo shahrida joylashgan vagon-gʻildirak ustaxonalari negizida ekskavatorlar va gusenitsali texnikani taʼmirlash zavodini qurish taklifi maʼqullansin.
2. Oʻzbekiston Respublikasi Prezidentining “Ekskavatorlar va gusenitsali texnikani taʼmirlash zavodini qurish toʻgʻrisida” 2016-yil 3-iyundagi PQ-2543-sonli qaroriga ilovaga muvofiq oʻzgartish va qoʻshimchalar kiritilsin.
3. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A. Ramatov zimmasiga yuklansin.
Oʻzbekiston Respublikasi Prezidentining 2017-yil 6-yanvardagi PQ-2719-sonli qaroriga ILOVA
Oʻzbekiston Respublikasi Prezidentining “Ekskavatorlar va gusenitsali texnikani taʼmirlash zavodini qurish toʻgʻrisida” 2016-yil 3-iyundagi PQ-2543-sonli qaroriga kiritilayotgan oʻzgartish va qoʻshimchalar
1. 1-bandida “2016-2017-yillarda “Oʻzbekiston temir yoʻllari” AJning Sirdaryo viloyati Yangiyer shahrida joylashgan teplovoz deposi negizida ekskavatorlar va gusenitsali texnikani taʼmirlash zavodini qurish investitsiya loyihasini amalga oshirish” soʻzlari “2017-2018-yillarda “Oʻzbekiston temir yoʻllari” aksiyadorlik jamiyatining “Oʻztemiryoʻlmashtaʼmir” UKning Sirdaryo shahrida joylashgan vagon-gʻildirak ustaxonalari negizida ekskavatorlar va gusenitsali texnikani taʼmirlash zavodini qurish investitsiya loyihasini amalga oshirish” soʻzlari bilan almashtirilsin.
2. 4-bandida “2016-yil 1-dekabriga qadar muddatda” soʻzlari “2017-yil 1-apreliga qadar muddatda” soʻzlari bilan almashtirilsin.
3. 5-bandining ikkinchi xatboshi kuyidagi tahrirda bayon etilsin:
“2017-yil 1-iyulga qadar ekskavatorlar va gusenitsali texnikani taʼmirlash zavodi qurilishini loyiha-smeta hujjatlarini ishlab chiqish bilan bir vaqtda amalga oshirishga;”.
4. 8-bandida :
ikkinchi xatboshidagi “AJ boʻlinmalari” soʻzlaridan keyin “va Oʻzbekiston Respublikasining norezidentlari” soʻzlari yozilsin;
quyidagi xatboshi bilan toʻldirilsin:
“Belgilab qoʻyilsinki, investitsiya loyihasini amalga oshirish doirasida “Oʻzbekiston temir yoʻllari” AJ bilan uning boʻlinmalari oʻrtasida bepul asosda topshirilayotgan mol-mulk qoʻshilgan qiymat soligʻi, yuridik shaxslarning foyda soligʻi hamda obodonlashtirish va ijtimoiy infratuzilmani rivojlantirish soligʻi boʻyicha soliqqa tortish obyekti hisoblanmaydi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 6-yanvar,
PQ-2719-son
Президента Республики Узбекистан
Постановление
О мерах по оптимизации инвестиционного проекта «Строительство завода по ремонту экскаваторов и гусеничной техники»
В целях обеспечения эффективной реализации и оптимизации размещения инвестиционного проекта «Строительство завода по ремонту экскаваторов и гусеничной техники» и дальнейшего повышения производственного потенциала Сырдарьинской области:
1. Одобрить предложение АО «Узбекистон темир йуллари» о строительстве завода по ремонту экскаваторов и гусеничной техники на базе вагонно-колесных мастерских УП «Узтемирйулмаштаъмир», расположенных в г. Сырдарье Сырдарьинской области.
2. Внести изменения и дополнения в постановление Президента Республики Узбекистан от 3 июня 2016 года № ПП-2543 «О строительстве завода по ремонту экскаваторов и гусеничной техники» согласно приложению .
3. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова.
ПРИЛОЖЕНИЕ к постановлению Президента Республики Узбекистан от 6 января 2017 года № ПП-2719
Изменения и дополнения, вносимые в постановление Президента Республики Узбекистан от 3 июня 2016 года № ПП-2543 «О строительстве завода по ремонту экскаваторов и гусеничной техники»
1. В пункте 1 слова «реализации в 2016-2017 годах инвестиционного проекта по строительству завода по ремонту экскаваторов и гусеничной техники на базе тепловозного депо АО «Узбекистон темир йуллари», расположенного в г. Янгиере» заменить словами «реализации в 2017-2018 годах инвестиционного проекта по строительству завода по ремонту экскаваторов и гусеничной техники на базе вагонно-колесных мастерских УП «Узтемирйулмаштаъмир», расположенных в г. Сырдарье».
2. В пункте 4 слова «в срок до 1 декабря 2016 года» заменить словами «в срок до 1 апреля 2017 года».
3. Абзац второй пункта 5 изложить в следующей редакции:
«до 1 июля 2017 года осуществлять строительство завода по ремонту экскаваторов и гусеничной техники одновременно с разработкой проектно-сметной документации».
4. В пункте 8 :
абзац второй дополнить словами «и нерезидентами Республики Узбекистан»;
дополнить абзацем следующего содержания:
«Установить, что имущество, передаваемое в рамках реализации инвестиционного проекта на безвозмездной основе между АО «Узбекистон темир йуллари» и его структурными подразделениями, не является объектом налогообложения по налогу на добавленную стоимость, налогу на прибыль юридических лиц, а также по налогу на благоустройство и развитие социальной инфраструктуры».
Президент Республики Узбекистан Ш. МИРЗИЁЕВ
г. Ташкент,
6 января 2017 г.,
№ ПП-2719