📅 2017-yil 13-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 13 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 января 2017 г. · Постановления Президента
Официальный текст. Официальный документ. Редакционные примечания не включены.
📅 13 January 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
2017 — 2020 йилларда шаҳарларда арзон кўп квартирали уйларни қуриш ва реконструкция қилиш Дастурини самарали амалга ошириш борасидаги қўшимча чора-тадбирлар тўғрисида
[Кўчирма]
Республика шаҳарларида яшаётган аҳолининг турмуш даражаси ва сифатини янада оширишга йўналтирилган арзон кўп квартирали уйларни қуриш ва реконструкция қилиш борасидаги тадбирларни ўз вақтида ва сифатли амалга ошириш мақсадида:
1. Ўзбекистон Республикаси Давлат архитектура ва қурилиш қўмитаси, Молия вазирлиги, Тикланиш ва тараққиёт жамғармаси, «Ипотека банк» АТИБ, «Ўзметкомбинат» АЖ, «Қизилқумцемент» АЖ ва «Ўзбекинвест» миллий суғурта компаниясининг:
устав капитали 1,0 миллиард сўм миқдорида бўлган масъулияти чекланган жамият шаклидаги «Ўзшаҳар қурилиш инвест» республика ихтисослаштирилган инжиниринг компаниясини (кейинги ўринларда — «Ўзшаҳар қурилиш инвест» ИК деб юритилади) ташкил этиш тўғрисидаги;
1-иловага мувофиқ, компаниянинг устав жамғармасида ўз улуши билан иштирок этувчи Ўзбекистон Республикаси Тикланиш ва тараққиёт жамғармаси, «Ипотека банк» АТИБ, «Ўзметкомбинат» АЖ, «Қизилқумцемент» АЖ ва «Ўзбекинвест» МСКни «Ўзшаҳар қурилиш инвест» инжиниринг компаниясининг муассислари этиб белгилаш тўғрисидаги;
«Ўзшаҳар қурилиш инвест» ИК зиммасига арзон кўп квартирали уйларни тўлиқ тайёр ҳолда фойдаланишга топшириш шарти билан қуриш ва реконструкция қилиш бўйича шартнома асосида буюртмачи функцияларини, шу жумладан молиялаштиришни ташкил қилиш ва қурилишнинг бориши устидан техник назоратни амалга ошириш, кейинчалик қурилган арзон кўп квартирали уйларни бериладиган имтиёзли ипотека кредитлари ҳисобига аҳолига сотиш учун «Ипотека банк» АТИБга топшириш вазифасини юклаш тўғрисидаги таклифларига розилик берилсин.
2. Ўзбекистон Республикаси Тикланиш ва тараққиёт жамғармаси, «Ипотека банк» АТИБ, «Ўзметкомбинат» АЖ, «Қизилқумцемент» АЖ ва «Ўзбекинвест» МСК:
икки ҳафта муддатда «Ўзшаҳар қурилиш инвест» ИКнинг Уставини ишлаб чиқиб, тасдиқласинлар, шунингдек уни белгиланган тартибда давлат рўйхатидан ўтказилишини таъминласинлар;
бир ой муддатда «Ўзшаҳар қурилиш инвест» ИКнинг устав капиталини шакллантирсинлар, унинг фаолияти самарали ташкил этилишини таъминлаш ва компаниянинг зарур моддий-техника базасини яратиш, шунингдек кейинчалик уни малакали мутахассислар билан тўлдириш юзасидан амалий чораларни кўрсинлар.
3. Қорақалпоғистон Республикаси Вазирлар Кенгаши, вилоятлар ҳокимликларининг «Ягона буюртмачи хизмати» инжиниринг компаниялари ҳамда Тошкент шаҳар ҳокимлигининг «Инвестиция дастурлари қурилиши департаменти» ДУК «Ипотека банк» АТИБ билан биргаликда «Ўзшаҳар қурилиш инвест» ИК давлат рўйхатига олинган пайтдан бошлаб икки ҳафта муддатда белгиланган тартибда кредитлар қайта расмийлаштирилишини амалга оширсинлар, арзон кўп квартирали уйларни молиялаштириш бўйича ҳужжатлар, шунингдек бундай уйларни қуриш ҳамда реконструкция қилиш бўйича лойиҳа ва лойиҳадан олдинги ҳужжатларни унга топширсинлар.
4. Ўзбекистон Республикаси Президентининг «2017 — 2020 йилларда шаҳарларда арзон кўп квартирали уйларни қуриш ва реконструкция қилиш Дастурини амалга ошириш чора-тадбирлари тўғрисида» 2016 йил 22 ноябрдаги ПҚ-2660-сонли қарорига 2-иловага мувофиқ ўзгартиш ва қўшимчалар киритилсин.
6. Ўзбекистон Республикаси Давлат архитектура ва қурилиш қўмитаси Иқтисодиёт вазирлиги ва Адлия вазирлиги билан, шунингдек бошқа манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
7. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» акциядорлик жамияти бошқарувининг раиси А.Ж. Раматов зиммасига юклансин.
Ўзбекистон Республикаси Президентининг 2017 йил 13 январдаги ПҚ-2728-сон қарорига 1-ИЛОВА
«Ўзшаҳар қурилиш инвест» инжиниринг компаниясининг таъсисчилари
Т/р Таъсисчининг номланиши Устав жамғармасидаги иштироки сумма (млн.сўм) улуш (фоизда) 1. Ўзбекистон Республикаси Тикланиш ва тараққиёт жамғармаси 610 61% 2. «Ўзметкомбинат» АЖ 100 10% 3. «Кизилқумцемент» АЖ 100 10% 4. «Ўзбекинвест» МСК 100 10% 5. «Ипотека-банк» АТИБ 90 9% Жами: 1 000 100%
Ўзбекистон Республикаси Президентининг 2017 йил 13 январдаги ПҚ-2728-сонли қарорига 2-ИЛОВА
Ўзбекистон Республикаси Президентининг «2017 — 2020 йилларда шаҳарларда арзон кўп квартирали уйларни қуриш ва реконструкция қилиш Дастурини амалга ошириш чора- тадбирлари тўғрисида» 2016 йил 22 ноябрдаги ПҚ-2660-сонли қарорига киритилаётган ўзгартиш ва қўшимчалар
1. 3-бандининг учинчи хатбоши қуйидаги таҳрирда баён этилсин:
«кўп квартирали арзон уйлар массивларини қуриш ва реконструкция қилиш бўйича зарур лойиҳа-смета ҳужжатларини, намунавий лойиҳаларни расмийлаштириш, қурилиш ва реконструкция қилиш ишларининг ўз вақтида ва сифатли бажарилишини техник назорат қилиш, шунингдек маблағлардан мақсадли ва самарали фойдаланилиши устидан назоратни амалга ошириш функциялари зиммасига юкланган «Ўзшаҳар қурилиш инвест» ИК — буюртмачи этиб».
2. 4-бандида:
а) иккинчи хатбошидаги «буюртмачиларга» сўзи «Ўзшаҳар қурилиш инвест» инжиниринг компаниясига» сўзлари билан алмаштирилсин;
б) учинчи хатбоши қуйидаги таҳрирда баён этилсин:
«Ўзшаҳар қурилиш инвевст» ИКнинг кредитлар бўйича мажбуриятлари таъминоти сифатида аҳолига квартиралар сотилгунга қадар кўп квартирали уйлардаги хоналарни кейинчалик сотишдан тушадиган маблағларни гаровга қабул қилсин»;
в) бешинчи хатбошидаги «буюртмачиларга» ва «уларга» сўзлари тегишли равишда «Ўзшаҳар қурилиш инвест» ИКга» ва «унга» сўзлари билан алмаштирилсин.
3. 6-бандидаги «буюртмачиларнинг» сўзи «буюртмачи — «Ўзшаҳар қурилиш инвест» ИКнинг» сўзлари билан алмаштирилсин.
4. 7-бандининг иккинчи хатбоши қуйидаги таҳрирда баён этилсин.
«буюртмачига кредит ва Дастурни амалга оширишда қатнашувчи жисмоний шахсларга ипотека кредити бериш учун АК «Халқ банки» томонидан «Ипотека банк» АТИБнинг, жумладан, 5 йиллик имтиёзли давр билан йилига 6,5 фоиз ставка бўйича миллий валютада банклараро депозит ҳисобварағига берилган буюртмалари асосида 20 йил муддатга бериладиган 672,8 миллиард сўм миқдоридаги маблағлар».
5. 8-банди қуйидаги мазмундаги хатбоши билан тўлдирилсин:
«арзон кўп квартирали уйларнинг массивларини қуриш учун пудрат ташкилотларига марказлаштирилган тартибда етказиб бериладиган асосий қурилиш материаллари ва ускуналарнинг энг яхшиларини танлаб олиш натижалари бўйича тендер савдоларини ўтказмаган ҳолда «Ўзшаҳар қурилиш инвест» ИК томонидан сотиб олиш».
6. 11-бандининг иккинчи хатбошидаги «буюртмачиларга» сўзи «буюртмачига» сўзи билан алмаштирилсин.
7. 17-бандида:
а) олтинчи хатбошидаги «буюртмачилар» сўзи «буюртмачи» сўзи билан алмаштирилсин.
в) қуйидаги мазмундаги хатбоши билан тўлдирилсин:
«Ўзшаҳар қурилиш инвест» ИК — Ўзбекистон Республикаси Молия вазирлиги ҳузуридаги Республика йўл жамғармасига ҳамда бюджетдан ташқари умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасига барча турдаги солиқлар ҳамда мажбурий тўловларни тўлашдан».
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 13 январь,
ПҚ-2728-сон
Oʻzbekiston Respublikasi Prezidentining
Qarori
TARKIBI
2017 — 2020-yillarda shaharlarda arzon koʻp kvartirali uylarni qurish va rekonstruksiya qilish Dasturini samarali amalga oshirish borasidagi qoʻshimcha chora-tadbirlar toʻgʻrisida
[Koʻchirma]
Respublika shaharlarida yashayotgan aholining turmush darajasi va sifatini yanada oshirishga yoʻnaltirilgan arzon koʻp kvartirali uylarni qurish va rekonstruksiya qilish borasidagi tadbirlarni oʻz vaqtida va sifatli amalga oshirish maqsadida:
1. Oʻzbekiston Respublikasi Davlat arxitektura va qurilish qoʻmitasi, Moliya vazirligi, Tiklanish va taraqqiyot jamgʻarmasi, “Ipoteka bank” ATIB, “Oʻzmetkombinat” AJ, “Qizilqumsement” AJ va “Oʻzbekinvest” milliy sugʻurta kompaniyasining:
ustav kapitali 1,0 milliard soʻm miqdorida boʻlgan masʼuliyati cheklangan jamiyat shaklidagi “Oʻzshahar qurilish invest” respublika ixtisoslashtirilgan injiniring kompaniyasini (keyingi oʻrinlarda — “Oʻzshahar qurilish invest” IK deb yuritiladi) tashkil etish toʻgʻrisidagi;
1-ilovaga muvofiq, kompaniyaning ustav jamgʻarmasida oʻz ulushi bilan ishtirok etuvchi Oʻzbekiston Respublikasi Tiklanish va taraqqiyot jamgʻarmasi, “Ipoteka bank” ATIB, “Oʻzmetkombinat” AJ, “Qizilqumsement” AJ va “Oʻzbekinvest” MSKni “Oʻzshahar qurilish invest” injiniring kompaniyasining muassislari etib belgilash toʻgʻrisidagi;
“Oʻzshahar qurilish invest” IK zimmasiga arzon koʻp kvartirali uylarni toʻliq tayyor holda foydalanishga topshirish sharti bilan qurish va rekonstruksiya qilish boʻyicha shartnoma asosida buyurtmachi funksiyalarini, shu jumladan moliyalashtirishni tashkil qilish va qurilishning borishi ustidan texnik nazoratni amalga oshirish, keyinchalik qurilgan arzon koʻp kvartirali uylarni beriladigan imtiyozli ipoteka kreditlari hisobiga aholiga sotish uchun “Ipoteka bank” ATIBga topshirish vazifasini yuklash toʻgʻrisidagi takliflariga rozilik berilsin.
2. Oʻzbekiston Respublikasi Tiklanish va taraqqiyot jamgʻarmasi, “Ipoteka bank” ATIB, “Oʻzmetkombinat” AJ, “Qizilqumsement” AJ va “Oʻzbekinvest” MSK:
ikki hafta muddatda “Oʻzshahar qurilish invest” IKning Ustavini ishlab chiqib, tasdiqlasinlar, shuningdek uni belgilangan tartibda davlat roʻyxatidan oʻtkazilishini taʼminlasinlar;
bir oy muddatda “Oʻzshahar qurilish invest” IKning ustav kapitalini shakllantirsinlar, uning faoliyati samarali tashkil etilishini taʼminlash va kompaniyaning zarur moddiy-texnika bazasini yaratish, shuningdek keyinchalik uni malakali mutaxassislar bilan toʻldirish yuzasidan amaliy choralarni koʻrsinlar.
3. Qoraqalpogʻiston Respublikasi Vazirlar Kengashi, viloyatlar hokimliklarining “Yagona buyurtmachi xizmati” injiniring kompaniyalari hamda Toshkent shahar hokimligining “Investitsiya dasturlari qurilishi departamenti” DUK “Ipoteka bank” ATIB bilan birgalikda “Oʻzshahar qurilish invest” IK davlat roʻyxatiga olingan paytdan boshlab ikki hafta muddatda belgilangan tartibda kreditlar qayta rasmiylashtirilishini amalga oshirsinlar, arzon koʻp kvartirali uylarni moliyalashtirish boʻyicha hujjatlar, shuningdek bunday uylarni qurish hamda rekonstruksiya qilish boʻyicha loyiha va loyihadan oldingi hujjatlarni unga topshirsinlar.
4. Oʻzbekiston Respublikasi Prezidentining “2017 — 2020-yillarda shaharlarda arzon koʻp kvartirali uylarni qurish va rekonstruksiya qilish Dasturini amalga oshirish chora-tadbirlari toʻgʻrisida” 2016-yil 22-noyabrdagi PQ-2660-sonli qaroriga 2-ilovaga muvofiq oʻzgartish va qoʻshimchalar kiritilsin.
6. Oʻzbekiston Respublikasi Davlat arxitektura va qurilish qoʻmitasi Iqtisodiyot vazirligi va Adliya vazirligi bilan, shuningdek boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” aksiyadorlik jamiyati boshqaruvining raisi A.J. Ramatov zimmasiga yuklansin.
Oʻzbekiston Respublikasi Prezidentining 2017-yil 13-yanvardagi PQ-2728-son qaroriga 1-ILOVA
“Oʻzshahar qurilish invest” injiniring kompaniyasining taʼsischilari
T/r Taʼsischining nomlanishi Ustav jamgʻarmasidagi ishtiroki summa (mln.soʻm) ulush (foizda) 1. Oʻzbekiston Respublikasi Tiklanish va taraqqiyot jamgʻarmasi 610 61% 2. “Oʻzmetkombinat” AJ 100 10% 3. “Kizilqumsement” AJ 100 10% 4. “Oʻzbekinvest” MSK 100 10% 5. “Ipoteka-bank” ATIB 90 9% Jami: 1 000 100%
Oʻzbekiston Respublikasi Prezidentining 2017-yil 13-yanvardagi PQ-2728-sonli qaroriga 2-ILOVA
Oʻzbekiston Respublikasi Prezidentining “2017 — 2020-yillarda shaharlarda arzon koʻp kvartirali uylarni qurish va rekonstruksiya qilish Dasturini amalga oshirish chora- tadbirlari toʻgʻrisida” 2016-yil 22-noyabrdagi PQ-2660-sonli qaroriga kiritilayotgan oʻzgartish va qoʻshimchalar
1. 3-bandining uchinchi xatboshi quyidagi tahrirda bayon etilsin:
“koʻp kvartirali arzon uylar massivlarini qurish va rekonstruksiya qilish boʻyicha zarur loyiha-smeta hujjatlarini, namunaviy loyihalarni rasmiylashtirish, qurilish va rekonstruksiya qilish ishlarining oʻz vaqtida va sifatli bajarilishini texnik nazorat qilish, shuningdek mablagʻlardan maqsadli va samarali foydalanilishi ustidan nazoratni amalga oshirish funksiyalari zimmasiga yuklangan “Oʻzshahar qurilish invest” IK — buyurtmachi etib”.
2. 4-bandida:
a) ikkinchi xatboshidagi “buyurtmachilarga” soʻzi “Oʻzshahar qurilish invest” injiniring kompaniyasiga” soʻzlari bilan almashtirilsin;
b) uchinchi xatboshi quyidagi tahrirda bayon etilsin:
“Oʻzshahar qurilish invevst” IKning kreditlar boʻyicha majburiyatlari taʼminoti sifatida aholiga kvartiralar sotilgunga qadar koʻp kvartirali uylardagi xonalarni keyinchalik sotishdan tushadigan mablagʻlarni garovga qabul qilsin”;
v) beshinchi xatboshidagi “buyurtmachilarga” va “ularga” soʻzlari tegishli ravishda “Oʻzshahar qurilish invest” IKga” va “unga” soʻzlari bilan almashtirilsin.
3. 6-bandidagi “buyurtmachilarning” soʻzi “buyurtmachi — “Oʻzshahar qurilish invest” IKning” soʻzlari bilan almashtirilsin.
4. 7-bandining ikkinchi xatboshi quyidagi tahrirda bayon etilsin.
“buyurtmachiga kredit va Dasturni amalga oshirishda qatnashuvchi jismoniy shaxslarga ipoteka krediti berish uchun AK “Xalq banki” tomonidan “Ipoteka bank” ATIBning, jumladan, 5 yillik imtiyozli davr bilan yiliga 6,5 foiz stavka boʻyicha milliy valyutada banklararo depozit hisobvaragʻiga berilgan buyurtmalari asosida 20 yil muddatga beriladigan 672,8 milliard soʻm miqdoridagi mablagʻlar”.
5. 8-bandi quyidagi mazmundagi xatboshi bilan toʻldirilsin:
“arzon koʻp kvartirali uylarning massivlarini qurish uchun pudrat tashkilotlariga markazlashtirilgan tartibda yetkazib beriladigan asosiy qurilish materiallari va uskunalarning eng yaxshilarini tanlab olish natijalari boʻyicha tender savdolarini oʻtkazmagan holda “Oʻzshahar qurilish invest” IK tomonidan sotib olish”.
6. 11-bandining ikkinchi xatboshidagi “buyurtmachilarga” soʻzi “buyurtmachiga” soʻzi bilan almashtirilsin.
7. 17-bandida:
a) oltinchi xatboshidagi “buyurtmachilar” soʻzi “buyurtmachi” soʻzi bilan almashtirilsin.
v) quyidagi mazmundagi xatboshi bilan toʻldirilsin:
“Oʻzshahar qurilish invest” IK — Oʻzbekiston Respublikasi Moliya vazirligi huzuridagi Respublika yoʻl jamgʻarmasiga hamda budjetdan tashqari umumtaʼlim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal taʼmirlash va jihozlash jamgʻarmasiga barcha turdagi soliqlar hamda majburiy toʻlovlarni toʻlashdan”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 13-yanvar,
PQ-2728-son
Президента Республики Узбекистан
Постановление
СОСТАВ
О дополнительных мерах по эффективной реализации Программы по строительству и реконструкции доступных многоквартирных домов в городах на 2017-2020 годы
[Извлечение]
В целях своевременного и качественного осуществления мероприятий по строительству и реконструкции доступных многоквартирных домов, направленных на дальнейшее повышение уровня и качества жизни населения, проживающего в городах республики:
1. Согласиться с предложениями Государственного комитета Республики Узбекистан по архитектуре и строительству, Министерства финансов, Фонда реконструкции и развития Республики Узбекистан, АКИБ «Ипотека банк», АО «Узметкомбинат», АО «Кызылкумцемент» и НСК «Узбекинвест»:
о создании республиканской специализированной инжиниринговой компании в форме общества с ограниченной ответственностью «Узшахар курилиш инвест» (далее — ИК «Узшахар курилиш инвест») с уставным капиталом в размере 1,0 млрд. сум;
об определении Фонда реконструкции и развития Республики Узбекистан, АКИБ «Ипотека банк», АО «Узметкомбинат», АО «Кызылкумцемент» и НСК «Узбекинвест» учредителями ИК «Узшахар курилиш инвест» с долевым их участием в уставном фонде компании согласно приложению № 1 ;
о возложении на ИК «Узшахар курилиш инвест» выполнение на договорной основе функций заказчика по строительству и реконструкции доступных многоквартирных домов на условиях «под ключ», включая организацию финансирования и осуществление технического надзора за ходом строительства, с последующей передачей построенных доступных многоквартирных домов АКИБ «Ипотека банк» для реализации населению за счет предоставляемых льготных ипотечных кредитов.
2. Фонду реконструкции и развития Республики Узбекистан, АКИБ «Ипотека банк», АО «Узметкомбинат», АО «Кызылкумцемент» и НСК «Узбекинвест»:
в двухнедельный срок разработать и утвердить Устав ИК «Узшахар курилиш инвест», а также осуществить его государственную регистрацию в установленном порядке;
в месячный срок сформировать уставный капитал ИК «Узшахар курилиш инвест», с принятием практических мер для обеспечения эффективной организации ее деятельности и создания необходимой материально-технической базы компании, а также с последующим ее укомплектованием квалифицированными специалистами.
3. Инжиниринговым компаниям «Служба единого заказчика» Совета Министров Республики Каракалпакстан, хокимиятов областей и ГУП «Департамент строительства инвестиционных программ» хокимията г.Ташкента совместно с АКИБ «Ипотека банк» в двухнедельный срок, с момента государственной регистрации ИК «Узшахар курилиш инвест», в установленном порядке осуществить переоформление кредитов, передачу ей документов по финансированию, а также проектной и предпроектной документации по строительству и реконструкции доступных многоквартирных домов.
4. Внести изменения и дополнения в постановление Президента Республики Узбекистан от 22 ноября 2016 года № ПП-2660 «О мерах по реализации Программы по строительству и реконструкции доступных многоквартирных домов в городах на 2017 — 2020 годы» согласно приложению № 2 .
6. Государственному комитету Республики Узбекистан по архитектуре и строительству совместно с Министерством экономики и Министерством юстиции Республики Узбекистан, а также другими заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
7. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова.
ПРИЛОЖЕНИЕ № 1 к постановлению Президента Республики Узбекистан от 13 января 2017 года № ПП-2728
учредителей инжиниринговой компании «Узшахар курилиш инвест»
№ Наименование учредителей Участие в уставном фонде сумма (млн. сум) доля (в процентах) 1. Фонд реконструкции и развития Республики Узбекистан 610 61% 2. АО «Узметкомбинат» 100 10% 3. АО «Кызылкумцемент» 100 10% 4. НСК «Узбекинвест» 100 10% 5. АКИБ «Ипотека-банк» 90 9% Всего: 1 000 100%
ПРИЛОЖЕНИЕ № 2 к постановлению Президента Республики Узбекистан от 13 января 2017 года № ПП-2728
Изменения и дополнения, вносимые в постановление Президента Республики Узбекистан от 22 ноября 2016 года № ПП-2660 «О мерах по реализации Программы по строительству и реконструкции доступных многоквартирных домов в городах на 2017-2020 годы»
1. Абзац третий пункта 3 изложить в следующей редакции:
«заказчиком — ИК «Узшахар курилиш инвест» с функциями по оформлению необходимой проектно-сметной документации по реконструкции и строительству массивов доступных многоквартирных домов, типовых проектов, осуществлению технического надзора за своевременным и качественным выполнением работ по строительству и реконструкции, а также по целевому и эффективному использованию средств (далее — заказчик)».
2. В пункте 4 :
а) в абзаце втором слово «заказчикам» заменить словами «ИК «Узшахар курилиш инвест»»;
б) абзац третий изложить в следующей редакции:
«принимать в качестве обеспечения обязательств ИК «Узшахар курилиш инвест» по кредитам на период до реализации квартир населению залог средств, поступающих от будущей продажи квартир в многоквартирных домах»;
в) в абзаце пятом слова «заказчикам» и «им» заменить соответственно словами «ИК «Узшахар курилиш инвест»» и «ей».
3. В пункте 6 слово «заказчиков» заменить словами «заказчика — ИК «Узшахар курилиш инвест»».
4. Абзац второй пункта 7 изложить в следующей редакции:
«средства в сумме 672,8 млрд. сум, предоставляемые со стороны АК «Халк банки» на основании заявок АКИБ «Ипотека банк» на межбанковский депозитный счет в национальной валюте сроком на 20 лет, в том числе с 5-летним льготным периодом, по ставке 6,5 процента годовых, для кредитования заказчика и ипотечного кредитования физических лиц, участвующих в реализации Программы».
5. Пункт 8 дополнить абзацем следующего содержания:
«приобретение ИК «Узшахар курилиш инвест», без проведения тендерных торгов, по результатам отбора наилучших предложений основных строительных материалов и оборудования, поставляемых в централизованном порядке подрядным организациям для строительства массивов доступных многоквартирных домов».
6. В абзаце втором пункта 11 слово «заказчикам» заменить словом «заказчику».
7. В пункте 17 :
а) в абзаце шестом слово «заказчиками» заменить словом «заказчиком»;
б) дополнить абзацем следующего содержания:
«ИК «Узшахар курилиш инвест» — от уплаты всех видов налогов и обязательных отчислений в Республиканский дорожный фонд и во внебюджетный Фонд реконструкции, капитального ремонта и оснащения общеобразовательных школ, профессиональных колледжей, академических лицеев и медицинских учреждений при Министерстве финансов Республики Узбекистан».
Президент Республики Узбекистан Ш. МИРЗИЁЕВ
г. Ташкент,
13 января 2017 г.,
№ ПП-2728