📅 2017-yil 17-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 17 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 17 января 2017 г. · Указы Президента
Официальный текст. Официальный документ. Редакционные примечания не включены.
📅 17 January 2017 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
ТАДБИРКОРЛИК МАҚСАДЛАРИДА ФОЙДАЛАНИШ УЧУН ДАВЛАТ МУЛКИ ОБЪЕКТЛАРИНИ СОТИШНИ ЖАДАЛЛАШТИРИШ ВА УНИНГ ТАРТИБ-ТАОМИЛЛАРИНИ ЯНАДА СОДДАЛАШТИРИШ ЧОРА-ТАДБИРЛАРИ ТЎҒРИСИДА
Хусусий тадбиркорликни ривожлантириш учун қулай шарт-шароитлар яратиш, давлат мулки объектларини сотиш тартиб-таомилларини янада соддалаштириш ва бу жараённи жадаллаштириш, уларни хусусийлаштиришда бюрократик тўсиқларни бартараф этиш, хусусий мулк қилиб сотилган объектларда рақобатбардош товарлар ишлаб чиқариш ва хизматлар кўрсатишни ташкил этиш мақсадида:
1. Шундай тартиб ўрнатилсинки, унга мувофиқ:
Қорақалпоғистон Республикаси Вазирлар Кенгашининг Раисига, вилоятлар ва Тошкент шаҳри ҳокимларига қонун ҳужжатларида белгиланган тартибда муниципал мулкни сотиш тўғрисида қарорлар қабул қилиш ҳуқуқи берилади;
2017 йилнинг 1 июлидан бошлаб давлат мулки объектларини баҳолаш активлар қийматига таъсир қилувчи бозорнинг жорий конъюнктурасини ва объектив омиллар йиғиндисини ҳисобга олувчи янгиланган миллий стандартлар асосида амалга оширилади;
Қурилиш ва уй-жой коммунал хўжалиги соҳасида назорат қилиш ҳудудий инспекциялари хулосасига мувофиқ яроқсиз деб топилган давлат кўчмас мулк объектларини бузиш тўғрисидаги қарорлар Қорақалпоғистон Республикаси Вазирлар Кенгашининг Раиси, вилоятлар ва Тошкент шаҳри ҳокимлари, шунингдек, Давлат активларини бошқариш агентлиги ҳузуридаги Давлат мулки объектларидан самарали фойдаланиш маркази ва унинг ҳудудий бошқармалари томонидан қабул қилинади.
2. Қуйидагилар тақиқлансин:
Ўзбекистон Республикасининг талабгор резидентларидан танлов савдоларида давлат мулки объектларини сотиш вақтида буюртманома ва бизнес-режадан бошқа ҳужжатларни талаб қилиш, давлат мулкининг стратегик объектларини сотиш ҳоллари бундан мустасно;
давлат органлари, шу жумладан назорат, ҳуқуқни муҳофаза қилиш органлари ва судлар томонидан хусусийлаштириш натижаларини, шу жумладан, объектлар қийматини баҳолаш натижаларини қайта кўриб чиқиш ва бекор қилиш масалаларини ўртага қўйиш.
3. Давлат мулки объектларини сотишда халқаро амалиётда кенг фойдаланилаётган қуйидаги шакллар жорий этилсин:
фонд биржасида аҳолига ва тадбиркорлик фаолияти субъектларига акцияларни бирламчи (IPO) ва иккиламчи (SPO) ошкора таклиф этиш;
ихтисослаштирилган ташкилотлар томонидан электрон шаклда ўтказиладиган танлов ва аукцион.
Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси манфаатдор вазирликлар ва идоралар билан биргаликда 2017 йилнинг 1 апрелига қадар акциядорлик жамиятларининг рўйхати ҳамда уларнинг акцияларини халқаро амалиётга мувофиқ аҳолига ва тадбиркорлик фаолияти субъектларига бирламчи (IPO) ва иккиламчи (SPO) ошкора таклиф этиш тартиби юзасидан таклифларни Вазирлар Маҳкамасига киритсин.
4. Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси ҳамда давлат мулки объектларини сотиш бўйича ҳудудий танлов комиссиялари зиммасига:
Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда фойдаланилмаётган давлат мулки объектларини ўз вақтида топиш ва рўйхатини аниқлаш ҳамда уларни танлов савдоларига тезкорлик билан қўйиш;
фойдаланилмаётган давлат мулки объектларининг оммавий ахборот воситаларида, Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг расмий веб-сайтларида албатта эълон қилинишини таъминлаш;
аниқ белгиланган мезонларга, шу жумладан, инвестицияларнинг ҳажмлари ва янги иш ўринлари яратиш шартларига риоя этилган ҳолда савдолар ўтказилиши тўғрисидаги эълонлар расмий нашр этилган кундан бошлаб 60 кундан ошмаган муддатда давлат мулки объектларини сотиш бўйича танлов ўтказишни ташкил қилиш вазифаси юклансин.
5. Маълумот учун қабул қилинсинки, Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси томонидан республика минтақаларида ўтказилган ёппасига хатлов натижалари бўйича хусусий мулк қилиб, шу жумладан «ноль» харид қиймати бўйича сотиш учун 600 тадан кўпроқ фойдаланилмаётган давлат мулки объектлари аниқланди.
Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси манфаатдор вазирликлар ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда бир ой муддатда хатлов натижаларига кўра аниқланган давлат мулки объектларини хусусий мулк қилиб, шу жумладан «ноль» харид қийматида сотиш бўйича Ўзбекистон Республикаси Президентининг қарори лойиҳаси Ўзбекистон Республикасининг Вазирлар Маҳкамасига тақдим этилишини таъминласин.
6. Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси Иқтисодиёт вазирлиги ва Молия вазирлиги билан биргаликда бир ой муддатда:
давлат мулки стратегик объектларининг ягона рўйхатини;
Қорақалпоғистон Республикаси Вазирлар Кенгашининг раиси, вилоятлар ва Тошкент шаҳри ҳокимлари томонидан хусусийлаштириш тўғрисидаги қарорлар қабул қилинадиган давлат мулки объектларини аниқлаш мезонларини Ўзбекистон Республикаси Вазирлар Маҳкамасига тақдим этсин.
8. Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси Адлия вазирлиги ҳамда бошқа манфаатдор вазирликлар ва идоралар билан биргаликда икки ой муддатда қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
9. Мазкур Фармоннинг бажарилишини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 17 январь,
ПФ-4933-сон
Oʻzbekiston Respublikasi Prezidentining
Farmoni
TADBIRKORLIK MAQSADLARIDA FOYDALANISH UCHUN DAVLAT MULKI OBYEKTLARINI SOTISHNI JADALLASHTIRISH VA UNING TARTIB-TAOMILLARINI YANADA SODDALASHTIRISH CHORA-TADBIRLARI TOʻGʻRISIDA
Xususiy tadbirkorlikni rivojlantirish uchun qulay shart-sharoitlar yaratish, davlat mulki obyektlarini sotish tartib-taomillarini yanada soddalashtirish va bu jarayonni jadallashtirish, ularni xususiylashtirishda byurokratik toʻsiqlarni bartaraf etish, xususiy mulk qilib sotilgan obyektlarda raqobatbardosh tovarlar ishlab chiqarish va xizmatlar koʻrsatishni tashkil etish maqsadida:
1. Shunday tartib oʻrnatilsinki, unga muvofiq:
Qoraqalpogʻiston Respublikasi Vazirlar Kengashining Raisiga, viloyatlar va Toshkent shahri hokimlariga qonun hujjatlarida belgilangan tartibda munitsipal mulkni sotish toʻgʻrisida qarorlar qabul qilish huquqi beriladi;
2017-yilning 1-iyulidan boshlab davlat mulki obyektlarini baholash aktivlar qiymatiga taʼsir qiluvchi bozorning joriy konyunkturasini va obyektiv omillar yigʻindisini hisobga oluvchi yangilangan milliy standartlar asosida amalga oshiriladi;
Qurilish va uy-joy kommunal xoʻjaligi sohasida nazorat qilish hududiy inspeksiyalari xulosasiga muvofiq yaroqsiz deb topilgan davlat koʻchmas mulk obyektlarini buzish toʻgʻrisidagi qarorlar Qoraqalpogʻiston Respublikasi Vazirlar Kengashining Raisi, viloyatlar va Toshkent shahri hokimlari, shuningdek, Davlat aktivlarini boshqarish agentligi huzuridagi Davlat mulki obyektlaridan samarali foydalanish markazi va uning hududiy boshqarmalari tomonidan qabul qilinadi.
2. Quyidagilar taqiqlansin:
Oʻzbekiston Respublikasining talabgor rezidentlaridan tanlov savdolarida davlat mulki obyektlarini sotish vaqtida buyurtmanoma va biznes-rejadan boshqa hujjatlarni talab qilish, davlat mulkining strategik obyektlarini sotish hollari bundan mustasno;
davlat organlari, shu jumladan nazorat, huquqni muhofaza qilish organlari va sudlar tomonidan xususiylashtirish natijalarini, shu jumladan, obyektlar qiymatini baholash natijalarini qayta koʻrib chiqish va bekor qilish masalalarini oʻrtaga qoʻyish.
3. Davlat mulki obyektlarini sotishda xalqaro amaliyotda keng foydalanilayotgan quyidagi shakllar joriy etilsin:
fond birjasida aholiga va tadbirkorlik faoliyati subyektlariga aksiyalarni birlamchi (IPO) va ikkilamchi (SPO) oshkora taklif etish;
ixtisoslashtirilgan tashkilotlar tomonidan elektron shaklda oʻtkaziladigan tanlov va auksion.
Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi manfaatdor vazirliklar va idoralar bilan birgalikda 2017-yilning 1-apreliga qadar aksiyadorlik jamiyatlarining roʻyxati hamda ularning aksiyalarini xalqaro amaliyotga muvofiq aholiga va tadbirkorlik faoliyati subyektlariga birlamchi (IPO) va ikkilamchi (SPO) oshkora taklif etish tartibi yuzasidan takliflarni Vazirlar Mahkamasiga kiritsin.
4. Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi hamda davlat mulki obyektlarini sotish boʻyicha hududiy tanlov komissiyalari zimmasiga:
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda foydalanilmayotgan davlat mulki obyektlarini oʻz vaqtida topish va roʻyxatini aniqlash hamda ularni tanlov savdolariga tezkorlik bilan qoʻyish;
foydalanilmayotgan davlat mulki obyektlarining ommaviy axborot vositalarida, Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining rasmiy veb-saytlarida albatta eʼlon qilinishini taʼminlash;
aniq belgilangan mezonlarga, shu jumladan, investitsiyalarning hajmlari va yangi ish oʻrinlari yaratish shartlariga rioya etilgan holda savdolar oʻtkazilishi toʻgʻrisidagi eʼlonlar rasmiy nashr etilgan kundan boshlab 60 kundan oshmagan muddatda davlat mulki obyektlarini sotish boʻyicha tanlov oʻtkazishni tashkil qilish vazifasi yuklansin.
5. Maʼlumot uchun qabul qilinsinki, Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi tomonidan respublika mintaqalarida oʻtkazilgan yoppasiga xatlov natijalari boʻyicha xususiy mulk qilib, shu jumladan “nol” xarid qiymati boʻyicha sotish uchun 600 tadan koʻproq foydalanilmayotgan davlat mulki obyektlari aniqlandi.
Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi manfaatdor vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda bir oy muddatda xatlov natijalariga koʻra aniqlangan davlat mulki obyektlarini xususiy mulk qilib, shu jumladan “nol” xarid qiymatida sotish boʻyicha Oʻzbekiston Respublikasi Prezidentining qarori loyihasi Oʻzbekiston Respublikasining Vazirlar Mahkamasiga taqdim etilishini taʼminlasin.
6. Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi Iqtisodiyot vazirligi va Moliya vazirligi bilan birgalikda bir oy muddatda:
davlat mulki strategik obyektlarining yagona roʻyxatini;
Qoraqalpogʻiston Respublikasi Vazirlar Kengashining raisi, viloyatlar va Toshkent shahri hokimlari tomonidan xususiylashtirish toʻgʻrisidagi qarorlar qabul qilinadigan davlat mulki obyektlarini aniqlash mezonlarini Oʻzbekiston Respublikasi Vazirlar Mahkamasiga taqdim etsin.
8. Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi Adliya vazirligi hamda boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
9. Mazkur Farmonning bajarilishini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 17-yanvar,
PF-4933-son
Президента Республики Узбекистан
Указ
О мерах по дальнейшему упрощению процедур и ускорению реализации объектов государственной собственности для использования в предпринимательских целях
В целях создания благоприятных условий для развития частного предпринимательства, дальнейшего упрощения процедур и ускорения процесса реализации объектов государственной собственности, устранения бюрократических барьеров при их приватизации, организации на реализованных в частную собственность объектах производства конкурентоспособных товаров и услуг:
1. Установить порядок, в соответствии с которым:
Председателю Совета Министров Республики Каракалпакстан, хокимам областей и города Ташкента предоставляется право принимать решения о продаже муниципальной собственности в порядке, установленном в законодательных актах;
с 1 июля 2017 года оценка объектов государственной собственности осуществляется на основе обновленных национальных стандартов, учитывающих текущую конъюнктуру рынка и совокупность объективных факторов, влияющих на стоимость активов;
решения о сносе государственных объектов недвижимого имущества, признанных негодными согласно заключению территориальных инспекций по контролю в сфере строительства и жилищно-коммунального хозяйства, принимаются Председателем Совета Министров Республики Каракалпакстан, хокимами областей и города Ташкента, а также Центром по эффективному использованию объектов государственной собственности при Агентстве по управлению государственными активами и его территориальными управлениями.
2. Запретить:
истребование от соискателей-резидентов Республики Узбекистан иных документов, кроме заявки и бизнес-плана, при продаже на конкурсных торгах объектов государственной собственности, за исключением случаев реализации стратегических объектов государственной собственности;
инициирование вопросов по пересмотру и отмене результатов приватизации, включая результаты оценки стоимости объектов, со стороны государственных, в том числе контролирующих, правоохранительных органов и судов.
3. Внедрить следующие широко используемые в международной практике формы реализации объектов государственной собственности:
первичное (IPO) и вторичное (SPO) публичное предложение акций населению и субъектам предпринимательской деятельности, проводимые на фондовой бирже;
конкурс и аукцион, проводимые в электронной форме специализированными организациями.
Государственному комитету Республики Узбекистан по приватизации, демонополизации и развитию конкуренции совместно с заинтересованными министерствами и ведомствами в срок до 1 апреля 2017 года внести в Кабинет Министров Республики Узбекистан предложения по перечню акционерных обществ и порядку проведения первичного (IPO) и вторичного (SPO) публичного предложения их акций населению и субъектам предпринимательской деятельности в соответствии с международной практикой.
4. Возложить на Государственный комитет Республики Узбекистан по содействию приватизированным предприятиям и развитию конкуренции и территориальные конкурсные комиссии по реализации объектов государственной собственности:
своевременное выявление и определение, совместно с Госкомземгеодезкадастром Республики Узбекистан, перечня неиспользуемых объектов государственной собственности и их оперативное выставление на конкурсные торги;
обеспечение обязательной публикации перечня неиспользуемых объектов государственной собственности в средствах массовой информации, на официальных веб-сайтах Государственного комитета Республики Узбекистан по содействию приватизированным предприятиям и развитию конкуренции, Совета Министров Республики Каракалпакстан, хокимиятов областей и г. Ташкента;
организацию проведения конкурса по реализации объектов государственной собственности в срок не более 60 дней со дня официальной публикации объявления о проведении торгов, с соблюдением четко определенных критериев, включая условия по объемам инвестиций и созданию новых рабочих мест.
5. Принять к сведению, что по результатам проведенной Государственным комитетом Республики Узбекистан по приватизации, демонополизации и развитию конкуренции сплошной инвентаризации в регионах республики выявлены более 600 неиспользуемых объектов государственной собственности для реализации в частную собственность, в том числе по «нулевой» выкупной стоимости.
Государственному комитету Республики Узбекистан по приватизации, демонополизации и развитию конкуренции совместно с заинтересованными министерствами и ведомствами, Советом Министров Республики Каракалпакстан, хокимиятами областей и г. Ташкента в месячный срок обеспечить внесение в Кабинет Министров Республики Узбекистан проекта постановления Президента Республики Узбекистан по реализации в частную собственность выявленных по результатам инвентаризации объектов государственной собственности, в том числе по «нулевой» выкупной стоимости.
6. Государственному комитету Республики Узбекистан по приватизации, демонополизации и развитию конкуренции совместно с Министерством экономики и Министерством финансов Республики Узбекистан в месячный срок внести в Кабинет Министров Республики Узбекистан:
единый перечень стратегических объектов государственной собственности;
критерии определения объектов государственной собственности, решения о приватизации которых принимаются Председателем Совета Министров Республики Каракалпакстан, хокимами областей и г. Ташкента.
8. Государственному комитету Республики Узбекистан по приватизации, демонополизации и развитию конкуренции совместно с Министерством юстиции Республики Узбекистан и другими заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
9. Контроль за исполнением настоящего Указа возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
17 января 2017 г.,
№ УП-4933