📅 2017-yil 2-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 2 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 февраля 2017 г. · Постановления Президента
Официальный текст. Официальный документ. Редакционные примечания не включены.
📅 2 February 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
ШАРҲ
Иш ҳақи, пенсия, нафақа ва стипендияларни тўлаш механизмини такомиллаштиришга доир қўшимча чора-тадбирлар тўғрисида
Иш ҳақи, пенсия, нафақа ва стипендияларни тўлаш тизимини тубдан такомиллаштириш, пенсионерлар, талабалар ва аҳолининг бошқа ижтимоий эҳтиёжманд қатламлари ҳуқуқ ва қонуний манфаатлари ҳимоясини сўзсиз таъминлаш, уларнинг Ўзбекистон Республикасининг барча ҳудудида харид қиладиган товар ва хизматлар учун тўловларни тўсиқларсиз амалга ошириши учун қулай шароитлар яратиш мақсадида:
1. Ўзбекистон Республикаси Марказий банки, Молия вазирлиги, Молия вазирлиги ҳузуридаги бюджетдан ташқари Пенсия жамғармаси раҳбарларининг эътибори Ўзбекистон Республикаси Президентининг Виртуал қабулхонасига иш ҳақи, пенсия, нафақа ва стипендиялар ўз вақтида тўланмаётгани, тўлов терминаллари ва банк аппаратлари тизими етарли даражада ривожланмаган ҳолда тўловлар пластик карточкаларга асоссиз равишда ўтказилаётгани тўғрисида кўплаб мурожаатлар келиб тушаётганига қаратилсин.
2. Белгилаб қўйилсинки, 2022 йил 1 майдан бошлаб:
барча турдаги пенсия ва нафақа тўловлари нақд шаклда берилади ёки фуқароларнинг розилиги асосида банк картасига ўтказилади;
иловада келтирилган тоғли ва олис туманлардаги бюджет ташкилотлари ходимларига иш ҳақи тўлаш, ижтимоий тўловлар ҳеч қандай чекловларсиз тўлиқ ҳажмда нақд шаклда амалга оширилади;
олий ўқув юртлари талабаларига стипендияларнинг камида 50 фоизи нақд шаклда берилади.
3. Ўзбекистон Республикаси Иқтисодиёт ва молия вазирлиги, Иқтисодиёт ва молия вазирлиги ҳузуридаги бюджетдан ташқари Пенсия жамғармаси, АТ «Халқ банки» пенсиялар мазкур қарорнинг 2-бандига мувофиқ, қонунчиликда белгиланган муддатда, тегишли ойнинг 27 санасидан кечиктирмай тўланишини таъминласин.
4. Ўзбекистон Республикаси Марказий банки:
тижорат банклари билан биргаликда иш ҳақи, пенсия, нафақа ва стипендиялар ҳамда уларга тенглаштирилган тўловларни тўлашда йўл қўйилаётган доимий суиистеъмолликларни сўзсиз бартараф этишга доир чораларни кўрсин, тўловларнинг биринчи талабга биноан хўжалик юритувчи субъектлар ҳисоб рақамларидан ҳеч қандай монеликсиз берилишини таъминласин;
Ўзбекистон Республикаси Молия вазирлиги, Давлат солиқ қўмитаси, тижорат банклари, Қорақалпоғистон Республикаси Вазирлар Кенгаши, вилоятлар ҳокимликлари билан биргаликда бир ой муддатда мавжуд тўлов терминаллари инфратузилмасини ҳисобга олган ҳолда иш ҳақини нақд шаклда ва пластик карталарга ўтказиш йўли билан тўлашни танқидий қайта кўриб чиқсин ва бу борада мақбул нисбатларни белгиласин. Қабул қилинган чора-тадбирлар тўғрисида Ўзбекистон Республикаси Президенти Девонига ахборот берилсин.
5. Ўзбекистон Республикаси Бош прокуратураси бир ой муддатда Ўзбекистон Республикаси Президентининг 2005 йил 5 августдаги ПҚ-147-сонли «Банклардаги депозит ҳисобварақлардан нақд пул тўловларини узлуксиз таъминлаш кафолатлари тўғрисида»ги қарорининг 3- ва 4-бандларида кўзда тутилган нақд пул маблағлари ўз вақтида берилишини таъминламаётган тижорат банклари раҳбарлари ва мансабдор шахсларини жавобгарликка тортиш бўйича нормалар амалда қандай қўлланилаётганини ўргансин.
6. Ўзбекистон Республикаси Давлат солиқ қўмитаси тижорат банклари, Қорақалпоғистон Республикаси Вазирлар Кенгаши, вилоят, шаҳар ва туманлар ҳокимликлари билан биргаликда нақд пул маблағларининг банкдан ташқари айланмага чиқиб кетишига йўл қўймаслик ҳамда унинг савдо ва хизмат кўрсатиш соҳасидан тижорат банклари кассаларига ўз вақтида қайтарилишини таъминлашга қаратилган аниқ тизимли чора-тадбирлар амалга оширилишини таъминласин.
7. Иш ҳақи, пенсия, нафақа ва стипендияларнинг ўз вақтида ва узлуксиз тўланишини таъминлаш бўйича Ўзбекистон Республикаси Бош прокурори И.Б. Абдуллаев, Ўзбекистон Республикаси Бош вазири ўринбосари Р.С. Азимов ва Марказий банк раиси Ф.М. Муллажонов зиммасига шахсий жавобгарлик юклансин.
8. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2017 йил 2 февралдаги ПҚ-2753-сон қарорига ИЛОВА
Ўзбекистон Республикасининг бюджет ташкилотларда иш ҳақи тўлаш, ижтимоий тўловлар нақд пул шаклида амалга ошириладиган тоғли ва олис туманлари
Қорақалпоғистон Республикаси 1. Қонликўл 2. Қораўзак 3. Кегейли 4. Қўнғирот 5. Мўйноқ 6. Тахтакўпир 7. Чимбой 8. Шуманай Андижон вилояти 1. Булоқбоши 2. Улуғнор 3. Хонобод шаҳри Бухоро вилояти 1. Олот 2. Қоракўл 3. Қоровулбозор 4. Пешку 5. Ромитан Жиззах вилояти 1. Арнасой 2. Бахмал 3. Ғаллаорол 4. Зомин 5. Зарбдор 6. Зафаробод 7. Фориш 8. Янгиобод Қашқадарё вилояти 1. Деҳқонобод 2. Миришкор 3. Муборак 4. Нишон 5. Чироқчи Наманган вилояти 1. Косонсой 2. Мингбулоқ 3. Норин 4. Янгиқўрғон Навоий вилояти 1. Конимех 2. Нурота 3. Томди 4. Учқудуқ Сирдарё вилояти 1. Ховос Самарқанд вилояти 1. Қўшработ 2. Нур обод 3. Пахтачи 4. Ургут Сурхондарё вилояти 1. Бойсун 2. Қизириқ 3. Музработ 4. Сариосиё 5. Узун 6. Шўрчи Тошкент вилояти 1. Бўстонлиқ 2. Бўка 3. Пскент Фарғона вилояти 1. Бешариқ 2. Сўх 3. Ёзёвон Хоразм вилояти 1. Ҳазорасп 2. Шовот 3. Янгиариқ 4. Янгибозор
Ўзбекистон Республикаси Президентининг «Иш ҳақи, пенсия, нафақа ва стипендияларни тўлаш механизмини такомиллаштиришга доир қўшимча чора-тадбирлар тўғрисида»ги қарорига
Ўзбекистон Республикаси Президентининг «Иш ҳақи, пенсия, нафақа ва стипендияларни тўлаш механизмини такомиллаштиришга доир қўшимча чора-тадбирлар тўғрисида»ги қарорида пенсионерлар, талабалар ва аҳолининг бошқа ижтимоий эҳтиёжманд қатламлари ҳуқуқ ва қонуний манфаатларини ишончли ва самарали ҳимоя қилиш, улар Ўзбекистон Республикасининг барча ҳудудида харид қиладиган товар ва хизматлар учун тўловларни тўсиқларсиз амалга ошириши учун қулай шароитлар яратишга доир қатъий чоралар белгиланган. Мазкур қарор мамлакатимиз ҳудудларида иш ҳақи, пенсия, нафақа ва стипендиялар тўлашдаги мавжуд аҳволни танқидий таҳлил қилиш натижасида қабул қилинди. Бундан ташқари, Ўзбекистон Республикаси Президентининг Виртуал қабулхонасига келаётган мурожаатлар таҳлили иш ҳақи, пенсия, нафақа ва стипендияларни ўз вақтида тўламаслик, тўловларни пластик карточкаларга нақдсиз шаклда асоссиз равишда ўтказиш ҳолатлари кўпайгани ҳамда тўлов терминаллари ва банк аппаратлари тизими етарли даражада ривожланмаганини кўрсатмоқда. 2016 йил 27 сентябрда Ўзбекистон Республикаси Президентининг Виртуал қабулхонаси ишга тушганидан буён 7 мингдан ортиқ шундай мазмундаги мурожаатлар келиб тушган. Ушбу салбий ҳолатларга барҳам бериш мақсадида қарорда 2017 йил февраль ойидан бошлаб: биринчидан, барча турдаги пенсияларни тўлаш ҳеч қандай чекловларсиз тўлиқ ҳажмда нақд шаклда амалга оширилиши; иккинчидан, 58 тоғли ва олис туманларда жойлашган бюджет ташкилотлари ходимларига иш ҳақи тўлаш, шунингдек, ушбу туманлар аҳолисига ижтимоий тўловлар ҳам ҳеч қандай чекловларсиз тўлиқ ҳажмда нақд шаклда амалга оширилиши; учинчидан, олий ўқув юртлари талабаларига стипендия тўлаш 50 фоиздан кам бўлмаган миқдорда нақд шаклда амалга оширилиши белгиланган. Шу билан бирга, Молия вазирлиги, Пенсия жамғармаси ва почта хизмати ташкилотларига пенсияларнинг узлуксиз, тегишли ойнинг 27 санасидан кечиктирмай тўланишини таъминлашга доир қатъий топшириқ берилган. Бундан ташқари, ҳудудларда шаклланган иш ҳақини нақд шаклда ҳамда пластик карталарга ўтказиш йўли билан тўлашдаги нисбатлар танқидий қайта кўриб чиқилади. Бу жараёнда одамлар ўз иш ҳақидан фойдаланишда муаммоларга дуч келмаслиги ва ўзларига керакли товар ва хизматларни эркин харид қилишлари учун мавжуд тўлов терминаллари инфратузилмаси ҳисобга олинади. Марказий банк тижорат банкларининг иш ҳақи, пенсия, нафақа ва стипендиялар ҳамда уларга тенглаштирилган тўловларни тўлашда йўл қўйилаётган қоидабузарликлар ва камчиликларни қисқа муддатда бартараф этишга доир ишларини ташкил этиши лозим. Биринчи талабга биноан пул маблағлари хўжалик юритувчи субъектлар ҳисобварақларидан ҳеч қандай монеликсиз берилишини таъминлаши зарур. Иш ҳақи, пенсия, нафақа ва стипендияларнинг ўз вақтида ва тўлиқ тўланиши Бош прокуратура томонидан қатъий назоратга олинади. Шунингдек, Бош прокуратура тижорат банклари мансабдор шахсларининг белгиланган тартибни бузганлик учун жавобгарликка тортилиши тўғрисидаги қонунчилик нормаларининг амалда қўлланилишини ўрганади. Шу билан бир қаторда, қарорда тижорат банкларини иш ҳақи, пенсиялар ва бошқа ижтимоий тўловларни тўлаш учун керакли нақд пул маблағлари билан таъминлаш мақсадида пул маблағларининг савдо ва хизмат кўрсатиш соҳасидан тўлиқ ва ўз вақтида тижорат банклари кассаларига топширилишини таъминлашга қаратилган ҳамда бозор иқтисодиёти тамойилларига мос келадиган тизимли комплекс чора-тадбирлар ишлаб чиқиш ва амалга ошириш кўзда тутилган. Президентимиз қарори ижросини таъминлаш иш ҳақи, пенсия, нафақа ва стипендиялар ҳамда уларга тенглаштирилган тўловларни амалга ошириш билан боғлиқ вазиятни тубдан яхшилаш ва фуқароларнинг ўз пул маблағларини ўзларига қулай шаклда олиш бўйича қонуний ҳуқуқларини тўла таъминлашга хизмат қилади.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 2 февраль,
ПҚ-2753-сон
Oʻzbekiston Respublikasi Prezidentining
Qarori
ROʻYXATI
SHARH
Ish haqi, pensiya, nafaqa va stipendiyalarni toʻlash mexanizmini takomillashtirishga doir qoʻshimcha chora-tadbirlar toʻgʻrisida
Ish haqi, pensiya, nafaqa va stipendiyalarni toʻlash tizimini tubdan takomillashtirish, pensionerlar, talabalar va aholining boshqa ijtimoiy ehtiyojmand qatlamlari huquq va qonuniy manfaatlari himoyasini soʻzsiz taʼminlash, ularning Oʻzbekiston Respublikasining barcha hududida xarid qiladigan tovar va xizmatlar uchun toʻlovlarni toʻsiqlarsiz amalga oshirishi uchun qulay sharoitlar yaratish maqsadida:
1. Oʻzbekiston Respublikasi Markaziy banki, Moliya vazirligi, Moliya vazirligi huzuridagi budjetdan tashqari Pensiya jamgʻarmasi rahbarlarining eʼtibori Oʻzbekiston Respublikasi Prezidentining Virtual qabulxonasiga ish haqi, pensiya, nafaqa va stipendiyalar oʻz vaqtida toʻlanmayotgani, toʻlov terminallari va bank apparatlari tizimi yetarli darajada rivojlanmagan holda toʻlovlar plastik kartochkalarga asossiz ravishda oʻtkazilayotgani toʻgʻrisida koʻplab murojaatlar kelib tushayotganiga qaratilsin.
2. Belgilab qoʻyilsinki, 2022-yil 1-maydan boshlab:
barcha turdagi pensiya va nafaqa toʻlovlari naqd shaklda beriladi yoki fuqarolarning roziligi asosida bank kartasiga oʻtkaziladi;
ilovada keltirilgan togʻli va olis tumanlardagi budjet tashkilotlari xodimlariga ish haqi toʻlash, ijtimoiy toʻlovlar hech qanday cheklovlarsiz toʻliq hajmda naqd shaklda amalga oshiriladi;
oliy oʻquv yurtlari talabalariga stipendiyalarning kamida 50 foizi naqd shaklda beriladi.
3. Oʻzbekiston Respublikasi Iqtisodiyot va moliya vazirligi, Iqtisodiyot va moliya vazirligi huzuridagi budjetdan tashqari Pensiya jamgʻarmasi, AT “Xalq banki” pensiyalar mazkur qarorning 2-bandiga muvofiq, qonunchilikda belgilangan muddatda, tegishli oyning 27 sanasidan kechiktirmay toʻlanishini taʼminlasin.
4. Oʻzbekiston Respublikasi Markaziy banki:
tijorat banklari bilan birgalikda ish haqi, pensiya, nafaqa va stipendiyalar hamda ularga tenglashtirilgan toʻlovlarni toʻlashda yoʻl qoʻyilayotgan doimiy suiisteʼmolliklarni soʻzsiz bartaraf etishga doir choralarni koʻrsin, toʻlovlarning birinchi talabga binoan xoʻjalik yurituvchi subyektlar hisob raqamlaridan hech qanday moneliksiz berilishini taʼminlasin;
Oʻzbekiston Respublikasi Moliya vazirligi, Davlat soliq qoʻmitasi, tijorat banklari, Qoraqalpogʻiston Respublikasi Vazirlar Kengashi, viloyatlar hokimliklari bilan birgalikda bir oy muddatda mavjud toʻlov terminallari infratuzilmasini hisobga olgan holda ish haqini naqd shaklda va plastik kartalarga oʻtkazish yoʻli bilan toʻlashni tanqidiy qayta koʻrib chiqsin va bu borada maqbul nisbatlarni belgilasin. Qabul qilingan chora-tadbirlar toʻgʻrisida Oʻzbekiston Respublikasi Prezidenti Devoniga axborot berilsin.
5. Oʻzbekiston Respublikasi Bosh prokuraturasi bir oy muddatda Oʻzbekiston Respublikasi Prezidentining 2005-yil 5-avgustdagi PQ-147-sonli “Banklardagi depozit hisobvaraqlardan naqd pul toʻlovlarini uzluksiz taʼminlash kafolatlari toʻgʻrisida”gi qarorining 3- va 4-bandlarida koʻzda tutilgan naqd pul mablagʻlari oʻz vaqtida berilishini taʼminlamayotgan tijorat banklari rahbarlari va mansabdor shaxslarini javobgarlikka tortish boʻyicha normalar amalda qanday qoʻllanilayotganini oʻrgansin.
6. Oʻzbekiston Respublikasi Davlat soliq qoʻmitasi tijorat banklari, Qoraqalpogʻiston Respublikasi Vazirlar Kengashi, viloyat, shahar va tumanlar hokimliklari bilan birgalikda naqd pul mablagʻlarining bankdan tashqari aylanmaga chiqib ketishiga yoʻl qoʻymaslik hamda uning savdo va xizmat koʻrsatish sohasidan tijorat banklari kassalariga oʻz vaqtida qaytarilishini taʼminlashga qaratilgan aniq tizimli chora-tadbirlar amalga oshirilishini taʼminlasin.
7. Ish haqi, pensiya, nafaqa va stipendiyalarning oʻz vaqtida va uzluksiz toʻlanishini taʼminlash boʻyicha Oʻzbekiston Respublikasi Bosh prokurori I.B. Abdullayev, Oʻzbekiston Respublikasi Bosh vaziri oʻrinbosari R.S. Azimov va Markaziy bank raisi F.M. Mullajonov zimmasiga shaxsiy javobgarlik yuklansin.
8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2017-yil 2-fevraldagi PQ-2753-son qaroriga ILOVA
Oʻzbekiston Respublikasining budjet tashkilotlarda ish haqi toʻlash, ijtimoiy toʻlovlar naqd pul shaklida amalga oshiriladigan togʻli va olis tumanlari
Qoraqalpogʻiston Respublikasi 1. Qonlikoʻl 2. Qoraoʻzak 3. Kegeyli 4. Qoʻngʻirot 5. Moʻynoq 6. Taxtakoʻpir 7. Chimboy 8. Shumanay Andijon viloyati 1. Buloqboshi 2. Ulugʻnor 3. Xonobod shahri Buxoro viloyati 1. Olot 2. Qorakoʻl 3. Qorovulbozor 4. Peshku 5. Romitan Jizzax viloyati 1. Arnasoy 2. Baxmal 3. Gʻallaorol 4. Zomin 5. Zarbdor 6. Zafarobod 7. Forish 8. Yangiobod Qashqadaryo viloyati 1. Dehqonobod 2. Mirishkor 3. Muborak 4. Nishon 5. Chiroqchi Namangan viloyati 1. Kosonsoy 2. Mingbuloq 3. Norin 4. Yangiqoʻrgʻon Navoiy viloyati 1. Konimex 2. Nurota 3. Tomdi 4. Uchquduq Sirdaryo viloyati 1. Xovos Samarqand viloyati 1. Qoʻshrabot 2. Nur obod 3. Paxtachi 4. Urgut Surxondaryo viloyati 1. Boysun 2. Qiziriq 3. Muzrabot 4. Sariosiyo 5. Uzun 6. Shoʻrchi Toshkent viloyati 1. Boʻstonliq 2. Boʻka 3. Pskent Fargʻona viloyati 1. Beshariq 2. Soʻx 3. Yozyovon Xorazm viloyati 1. Hazorasp 2. Shovot 3. Yangiariq 4. Yangibozor
Oʻzbekiston Respublikasi Prezidentining “Ish haqi, pensiya, nafaqa va stipendiyalarni toʻlash mexanizmini takomillashtirishga doir qoʻshimcha chora-tadbirlar toʻgʻrisida”gi qaroriga
Oʻzbekiston Respublikasi Prezidentining “Ish haqi, pensiya, nafaqa va stipendiyalarni toʻlash mexanizmini takomillashtirishga doir qoʻshimcha chora-tadbirlar toʻgʻrisida”gi qarorida pensionerlar, talabalar va aholining boshqa ijtimoiy ehtiyojmand qatlamlari huquq va qonuniy manfaatlarini ishonchli va samarali himoya qilish, ular Oʻzbekiston Respublikasining barcha hududida xarid qiladigan tovar va xizmatlar uchun toʻlovlarni toʻsiqlarsiz amalga oshirishi uchun qulay sharoitlar yaratishga doir qatʼiy choralar belgilangan. Mazkur qaror mamlakatimiz hududlarida ish haqi, pensiya, nafaqa va stipendiyalar toʻlashdagi mavjud ahvolni tanqidiy tahlil qilish natijasida qabul qilindi. Bundan tashqari, Oʻzbekiston Respublikasi Prezidentining Virtual qabulxonasiga kelayotgan murojaatlar tahlili ish haqi, pensiya, nafaqa va stipendiyalarni oʻz vaqtida toʻlamaslik, toʻlovlarni plastik kartochkalarga naqdsiz shaklda asossiz ravishda oʻtkazish holatlari koʻpaygani hamda toʻlov terminallari va bank apparatlari tizimi yetarli darajada rivojlanmaganini koʻrsatmoqda. 2016-yil 27-sentabrda Oʻzbekiston Respublikasi Prezidentining Virtual qabulxonasi ishga tushganidan buyon 7 mingdan ortiq shunday mazmundagi murojaatlar kelib tushgan. Ushbu salbiy holatlarga barham berish maqsadida qarorda 2017-yil fevral oyidan boshlab: birinchidan, barcha turdagi pensiyalarni toʻlash hech qanday cheklovlarsiz toʻliq hajmda naqd shaklda amalga oshirilishi; ikkinchidan, 58 togʻli va olis tumanlarda joylashgan budjet tashkilotlari xodimlariga ish haqi toʻlash, shuningdek, ushbu tumanlar aholisiga ijtimoiy toʻlovlar ham hech qanday cheklovlarsiz toʻliq hajmda naqd shaklda amalga oshirilishi; uchinchidan, oliy oʻquv yurtlari talabalariga stipendiya toʻlash 50 foizdan kam boʻlmagan miqdorda naqd shaklda amalga oshirilishi belgilangan. Shu bilan birga, Moliya vazirligi, Pensiya jamgʻarmasi va pochta xizmati tashkilotlariga pensiyalarning uzluksiz, tegishli oyning 27 sanasidan kechiktirmay toʻlanishini taʼminlashga doir qatʼiy topshiriq berilgan. Bundan tashqari, hududlarda shakllangan ish haqini naqd shaklda hamda plastik kartalarga oʻtkazish yoʻli bilan toʻlashdagi nisbatlar tanqidiy qayta koʻrib chiqiladi. Bu jarayonda odamlar oʻz ish haqidan foydalanishda muammolarga duch kelmasligi va oʻzlariga kerakli tovar va xizmatlarni erkin xarid qilishlari uchun mavjud toʻlov terminallari infratuzilmasi hisobga olinadi. Markaziy bank tijorat banklarining ish haqi, pensiya, nafaqa va stipendiyalar hamda ularga tenglashtirilgan toʻlovlarni toʻlashda yoʻl qoʻyilayotgan qoidabuzarliklar va kamchiliklarni qisqa muddatda bartaraf etishga doir ishlarini tashkil etishi lozim. Birinchi talabga binoan pul mablagʻlari xoʻjalik yurituvchi subyektlar hisobvaraqlaridan hech qanday moneliksiz berilishini taʼminlashi zarur. Ish haqi, pensiya, nafaqa va stipendiyalarning oʻz vaqtida va toʻliq toʻlanishi Bosh prokuratura tomonidan qatʼiy nazoratga olinadi. Shuningdek, Bosh prokuratura tijorat banklari mansabdor shaxslarining belgilangan tartibni buzganlik uchun javobgarlikka tortilishi toʻgʻrisidagi qonunchilik normalarining amalda qoʻllanilishini oʻrganadi. Shu bilan bir qatorda, qarorda tijorat banklarini ish haqi, pensiyalar va boshqa ijtimoiy toʻlovlarni toʻlash uchun kerakli naqd pul mablagʻlari bilan taʼminlash maqsadida pul mablagʻlarining savdo va xizmat koʻrsatish sohasidan toʻliq va oʻz vaqtida tijorat banklari kassalariga topshirilishini taʼminlashga qaratilgan hamda bozor iqtisodiyoti tamoyillariga mos keladigan tizimli kompleks chora-tadbirlar ishlab chiqish va amalga oshirish koʻzda tutilgan. Prezidentimiz qarori ijrosini taʼminlash ish haqi, pensiya, nafaqa va stipendiyalar hamda ularga tenglashtirilgan toʻlovlarni amalga oshirish bilan bogʻliq vaziyatni tubdan yaxshilash va fuqarolarning oʻz pul mablagʻlarini oʻzlariga qulay shaklda olish boʻyicha qonuniy huquqlarini toʻla taʼminlashga xizmat qiladi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 2-fevral,
PQ-2753-son
Президента Республики Узбекистан
Постановление
ПЕРЕЧЕНЬ
КОММЕНТАРИЙ
О дополнительных мерах по совершенствованию механизма выплаты заработной платы, пенсий, пособий и стипендий
В целях коренного совершенствования системы выплаты заработной платы, пенсий, пособий и стипендий, обеспечения безусловной защиты прав и законных интересов пенсионеров, студентов и других социально уязвимых слоев населения, создания благоприятных условий для беспрепятственного осуществления платежей за приобретаемые ими товары и услуги на всей территории Республики Узбекистан:
1.Обратить внимание руководителей Центрального банка, Министерства финансов, внебюджетного Пенсионного фонда при Министерстве финансов Республики Узбекистан на наличие многочисленных заявлений, поступающих в Виртуальную приемную Президента Республики Узбекистан о несвоевременной выплате заработной платы, пенсий, пособий и стипендий, а также о необоснованном переводе выплат в безналичную форму на пластиковые карточки при недостаточном уровне развития системы платежных терминалов и банковских аппаратов.
2. Установить, что начиная с 1 мая 2022 года:
выплата всех видов пенсий и пособий производится в наличной форме или на основании согласия граждан зачисляется на банковскую карту;
выплата заработной платы работникам бюджетных организаций, социальных выплат и платежей в горных и отдаленных районах, согласно приложению , осуществляется в наличной форме в полном объеме без ограничений;
выплата стипендий студентам высших учебных заведений производится не менее, чем на 50 процентов, в наличной форме.
3. Министерству экономики и финансов, внебюджетному Пенсионному фонду при Министерстве экономики и финансов Республики Узбекистан, АК «Халк банки» обеспечивать выплату пенсий в соответствии с пунктом 2 настоящего постановления, в установленные законодательством сроки, не позднее 27 числа соответствующего месяца.
4. Центральному банку Республики Узбекистан совместно с:
коммерческими банками принять безотлагательные меры по устранению злоупотреблений, систематически допускаемых при выплате заработной платы, пенсий, пособий и стипендий и приравненных к ним платежей, обеспечив бесперебойную их выдачу со счетов хозяйствующих субъектов по их первому требованию;
Министерством финансов, Государственным налоговым комитетом Республики Узбекистан, коммерческими банками, Советом Министров Республики Каракалпакстан, хокимиятами областей в месячный срок критически пересмотреть и, с учетом реально созданной инфраструктуры платежных терминалов, определить оптимальные пропорции по выплате заработной платы в наличной форме и путем зачисления на пластиковые карточки. О принятых мерах доложить в Аппарат Президента Республики Узбекистан.
5. Генеральной прокуратуре Республики Узбекистан в месячный срок изучить практическое применение норм по привлечению к ответственности руководителей и должностных лиц коммерческих банков, не обеспечивающих своевременную выдачу наличных средств, предусмотренных пунктами 3 и 4 постановления Президента Республики Узбекистан от 5 августа 2005 года № ПП-147 «О гарантиях бесперебойного обеспечения выдачи наличных выплат с депозитных счетов в банках».
6. Государственному налоговому комитету Республики Узбекистан совместно с коммерческими банками, Советом Министров Республики Каракалпакстан, хокимиятами областей, городов и районов обеспечить на системной основе реализацию конкретных мер, направленных на недопущение оттока наличной денежной массы во внебанковский оборот и своевременный возврат ее из сферы торговли и услуг в кассы коммерческих банков.
7. Возложить персональную ответственность за обеспечение своевременной и бесперебойной выплаты заработной платы, пенсий, пособий и стипендий на Генерального прокурора Республики Узбекистан И.Б. Абдуллаева, заместителя Премьер-министра Республики Узбекистан Р.С. Азимова и Председателя Центрального банка Ф.М. Муллажанова.
8. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 2 февраля 2017 года № ПП-2753
горных и отдаленных районов Республики Узбекистан, в которых заработная плата бюджетных организаций, а также социальные выплаты и платежи осуществляются в наличной форме
Республика Каракалпакстан
1. Канлыкульский
2. Караузякский
3. Кегейлийский
4. Кунградский
5. Муйнакский
6. Тахтакупырский
7. Чимбайский
8. Шуманайский
Андижанская область
1. Булакбашинский
2. Улугнорский
3. г. Ханабад
Бухарская область
1. Алатский
2. Каракульский
3. Караулбазарский
4. Пешкунский
5. Ромитанский
Джизакская область
1. Арнасайский
2. Бахмальский
3. Галляаральский
4. Зааминский
5. Зарбдорский
6. Зафарабадский
7. Фаришский
8. Янгиабадский
Кашкадарьинская область
1. Дехканабадский
2. Миришкорский
3. Мубарекский
4. Нишанский
5. Чиракчинский
Наманганская область
1. Касансайский
2. Мингбулакский
3. Нарынский
4. Янгикурганский
Навоийская область
1. Канимехский
2. Нуратинский
3. Тамдынский
4. Учкудукский
Сырдарьинская область
1. Хавастский
Самаркандская область
1. Кушрабадский
2. Нурабадский
3. Пахтачийский
4. Ургутский
Сурхандарьинская область
1. Байсунский
2. Кызырыкский
3. Музрабадский
4. Сариасийский
5. Узунский
6. Шурчинский
Ташкентская область
1. Бостанлыкский
2. Букинский
3. Пскентский
Ферганская область
1. Бешарыкский
2. Сохский
3. Язъяванский
Хорезмская область
1. Хазараспский
2. Шаватский
3. Янгиарыкский
4. Янгибазарский.
к постановлению Президента Республики Узбекистан «О дополнительных мерах по совершенствованию механизма выплаты заработной платы, пенсий, пособий и стипендий»
Принятое постановление Президента Республики Узбекистан «О дополнительных мерах по совершенствованию механизма выплаты заработной платы, пенсий, пособий и стипендий» предусматривает беспрецедентные меры, направленные на обеспечение надежной и эффективной защиты прав и законных интересов пенсионеров, студентов и других социально уязвимых слоев населения, создание благоприятных условий для беспрепятственного осуществления платежей за приобретаемые ими товары и услуги на всей территории Республики Узбекистан. Данное постановление принято по итогам критического анализа существующего положения дел в регионах республики по выплате заработной платы, пенсий, пособий и стипендий. Кроме того, анализ заявлений, поступающих в Виртуальную приемную Президента Республики Узбекистан, свидетельствует об участившихся случаях несвоевременной выплаты заработной платы, пенсий, пособий и стипендий, необоснованном переводе выплат в безналичную форму на пластиковые карточки, а также недостаточном уровне развития системы платежных терминалов и банковских аппаратов. Только с момента создания Виртуальной приемной Президента Республики Узбекистан (27 сентября 2016 года) таких заявлений поступило свыше 7 тысяч. В целях устранения указанных негативных явлений постановлением предусмотрено, что, начиная с февраля 2017 года: Первое. Выплата всех пенсий должна осуществляться в наличной форме в полном объеме без каких-либо ограничений. Второе. Выплата заработной платы работникам бюджетных организаций, расположенных в 58 горных и отдаленных районах, а также социальные выплаты и платежи жителям этих районов осуществляются в наличной форме в полном объеме без ограничений. Третье. Стипендии студентам высших учебных заведений будут выплачиваться не менее, чем на 50 процентов в наличной форме. При этом дано жесткое поручение Министерству финансов, Пенсионному фонду и почтовым организациям обеспечить регулярную выплату пенсий не позднее 27 числа соответствующего месяца. Кроме того, будут критически пересмотрены сложившиеся в регионах пропорции по выплате заработной платы в наличной форме и путем зачисления на пластиковые карточки. При проведении этой работы должна быть учтена реально созданная инфраструктура платежных терминалов с тем, чтобы у людей не возникало проблем с использованием их заработной платы и они могли свободно приобрести нужные им товары и услуги. В ближайшее время Центральный банк должен организовать работу коммерческих банков по скорейшему устранению имеющихся нарушений и недостатков, допускаемых при выплате заработной платы, пенсий, пособий и стипендий и приравненных к ним платежей. Необходимо обеспечить бесперебойную выдачу денежных средств со счетов хозяйствующих субъектов по их первому требованию. Обеспечение своевременной и полной выплаты заработной платы, пенсий, пособий и стипендий будет находиться под строгим контролем Генеральной прокуратуры, которая будет также изучать практическое применение норм по привлечению к ответственности должностных лиц коммерческих банков за нарушение установленного порядка. Одновременно постановлением предусматривается разработка и реализация широкого комплекса системных мер, соответствующих принципам рыночной экономики, направленных на своевременное и полное поступление в кассы коммерческих банков наличных денежных средств из сферы торговли и услуг с тем, чтобы обеспечить коммерческие банки необходимой наличностью для осуществления выплаты заработной платы, пенсий и других социальных платежей. Реализация принятого постановления Президента нашей страны позволит кардинально исправить ситуацию с выплатами заработной платы, пенсий, пособий и стипендий и приравненных к ним платежей и будет способствовать обеспечению полноценной реализации законных прав граждан на получение своих денежных средств в удобной для них форме.
Президент Республики Узбекистан Ш. МИРЗИЁЕВ
г. Ташкент,
2 февраля 2017 г.,
№ ПП-2753