📅 2017-yil 7-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 7 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 февраля 2017 г. · Постановления Президента
Официальный текст. Официальный документ. Редакционные примечания не включены.
📅 7 February 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Тузилмаси
ТАРКИБИ
Тошкент тўқимачилик ва енгил саноат институти ҳузурида Корея Республикаси Ҳукуматининг беғараз кўмагини жалб этган ҳолда Ўқув-амалий тўқимачилик технопаркини ташкил этиш чора-тадбирлари тўғрисида
Тўқимачилик ва енгил саноат учун юқори малакали кадрлар тайёрлаш тизимини тубдан яхшилаш, унинг жаҳон стандартлари даражасида замонавий ривожланиш талабларига мос келишини таъминлаш, тармоқ муҳандис-техник ходимларини тайёрлаш ва малакасини оширишни такомиллаштириш, шунингдек, Корея Республикаси билан ҳамкорликни янада кенгайтириш мақсадида:
1. Қуйидагилар маълумот учун қабул қилинсин:
Ўзбекистон Республикаси Ташқи иқтисодий алоқалар, инвестициялар ва савдо вазирлиги билан Корея Республикаси савдо, саноат ва энергетика вазирлиги ўртасида ўзаро англашув тўғрисида имзоланган меморандумга мувофиқ Тошкент тўқимачилик ва енгил саноат институти ҳузурида (кейинги ўринларда — ТТЕСИ) Ўзбек-Корея Ўқув-амалий тўқимачилик технопарки (кейинги ўринларда — технопарк) барпо этиш лойиҳаси амалга оширилмоқда;
технопаркни барпо этиш лойиҳасини амалга ошириш учун Корея Республикаси Ҳукуматининг эквиваленти 15,0 миллион АҚШ долларига тенг техник кўмаги маблағлари (гранти) жалб этилмоқда;
технопарк Тошкент шаҳар, Яккасарой тумани, Бобур кўчаси, 30-уйда жойлаштирилади;
Корея томонининг тавсияномасини эътиборга олган ҳолда технопарк қурилишини ҳамда уни зарур илмий-лаборатория ускуналари, приборлар, мебель ва ташкилий техника билан жиҳозлашни ниҳоясига етказиш 2018 йилга белгиланган.
2. Қуйидагилар технопарк фаолиятининг асосий вазифалари ва йўналишлари этиб белгилансин:
талабалар ва ёш олимларни Корея технологияларни ривожлантириш институти, Корея саноат технологиялари институти ва бошқа институтлар ўқитувчилари ҳамда тадқиқотчи олимларининг иштирокида маърузалар, семинарлар ва амалий машғулотлар ўтказиш йўли билан тўқимачилик, тикув-трикотаж, бўяш-пардозлаш ва дизайнерлик соҳаларида амалий илмий-тадқиқотлар олиб бориш методикаси ва амалиётига ўргатишни ташкиллаштириш;
давлат ва халқаро ўқув ҳамда тадқиқот дастурлари асосида, республика ёш олимларини жалб этган ҳолда, мамлакатимиз ва хорижий ташкилотларнинг, шу жумладан илмий ва таълим муассасаларининг буюртманомалари асосида Технопарк фаолиятининг тегишли йўналишлари бўйича илмий тадқиқотлар олиб бориш;
материалшунослик, бўяш-пардозлаш ишлаб чиқариши, газламалар ва кийим-кечакларнинг янги дизайнини яратиш, шу жумладан илғор ахборот-коммуникация технологиялари, энергия ва ресурсларни тежайдиган технологиялардан фойдаланган ҳолда тадқиқот ишлари олиб бориш;
хорижий профессор-ўқитувчилар раҳбарлигида олий малакали илмий ва илмий-педагог кадрлар тайёрлашни таъминлаш;
юқори технологияли буюмлар ишлаб чиқаришни ташкил этиш ҳамда инновацион хизматлар кўрсатиш учун шарт-шароит ва имкониятлар яратиш;
енгил ва тўқимачилик саноати йўналишлари бўйича маҳаллий ва чет эл ташкилотлари муҳандис-техник ходимлари ҳамда мутахассисларининг малакасини ошириш ва уларни қайта тайёрлашда кўмаклашиш;
илғор корейс ҳамда бошқа хорижий инвесторларни жалб этиш ва рағбатлантириш.
3. Белгилаб қўйилсинки, технопарк давлат муассасаси шаклидаги юридик шахс мақомида ташкил этилади, Ўзбекистон Республикаси Олий ва ўрта махсус таълим вазирлиги унинг муассиси ҳисобланади.
4. Қуйидагилар:
Тошкент тўқимачилик ва енгил саноат институти ҳузуридаги Ўзбек-Корея Ўқув-амалий тўқимачилик технопаркининг ходимлари умумий сони 22 нафардан иборат тузилмаси 1-иловага мувофиқ;
Тошкент тўқимачилик ва енгил саноат институти ҳузуридаги Ўзбек-Корея Ўқув-амалий тўқимачилик технопарки Васийлик кенгашининг таркиби 2-иловага мувофиқ тасдиқлансин.
Васийлик кенгашига, зарур ҳолларда, технопарк тузилмасига ходимларнинг тасдиқланган сони доирасида ўзгартиришлар киритиш ҳуқуқи берилсин.
Технопарк зиммасига юкланган вазифаларни бажариш учун унга шартнома асосида мамлакатимиз ҳамда чет эллик етакчи мутахассислар ва экспертларни, илмий ҳамда таълим муассасалари олимлари ва ўқитувчиларини жалб этиш ҳуқуқи берилсин.
5. Қуйидагилар белгилансин:
технопаркда ишлаш учун жалб этиладиган хорижий педагог ва илмий ходимларни Корея томони белгилайди;
технопаркнинг фаолият кўрсатиши учун чет элдан жалб этиладиган педагог ва илмий ходимларнинг иш ҳақи миқдорлари Васийлик кенгаши томонидан Корея университетлари ставкалари даражасида тасдиқланади ҳамда уларнинг хоҳишига кўра миллий валютада ёки хориждаги ҳисобварақларига ўтказган ҳолда чет эл валютасида тўланади.
маҳаллий педагог ва илмий ходимларнинг лавозим маошлари бюджет маблағлари ҳисобига фундаментал, амалий тадқиқотлар ҳамда инновацион ишларнинг давлат илмий-техникавий дастурларини амалга оширишда қатнашаётган илмий-тадқиқот муассасалари илмий ва раҳбар ходимларининг базавий маошлари миқдорларига тенглаштирилади;
технопаркни барпо этиш лойиҳасининг амалга оширилиши учун Корея томонидан Корея технологияларни ривожлантириш институти ҳамда Корея саноат технологиялари институти, Ўзбекистон томонидан эса — «Ўзтўкимачиликсаноат» Уюшмаси ва Тошкент шаҳар ҳокимлиги масъул ижрочи орган ҳисобланади;
технопаркни жорий таъминлаш, уни асбоб-ускуналар, ташкилий техника ва мебель билан жиҳозлаш, шу жумладан Корея томони жалб этадиган бўлимлар ва лабораторияларнинг раҳбарлари, ўқитувчилар ва тадқиқотчи олимларнинг меҳнатига ҳақ тўлаш Корея Республикаси Ҳукуматининг 2019 йилгача беғараз техник кўмаги маблағлари, технопаркнинг тузиладиган шартномаларга мувофиқ тадқиқотлар ўтказишдан олинадиган даромадлари ҳамда қонун ҳужжатларида тақиқланмаган бошқа маблағлар ҳисобидан амалга оширилади.
6. Тошкент шаҳар ҳокимлиги 10 кун муддатда қурилиш майдончасини тайёргарлик ишлари ниҳоясига етказилишини ҳисобга олган ҳолда муҳандислик-коммуникация ва йўл-транспорт инфратузилмаси билан таъминласин, шунингдек технопарк ҳудудидан бошқа объектларга тегишли муҳандислик коммуникациялари демонтаж қилиниб олиб кетилгандан сўнг туташ ҳудудларни ободонлаштирсин ва кўкаламзорлаштирсин.
7. Қуйидагилар:
технопаркни қуриш, объектни технологик ускуналар билан жиҳозлаш, ўқитиш ҳамда бошқа сарф-харажатлар — Корея Республикаси Ҳукуматининг беғараз техник кўмаги маблағлари ҳисобидан;
лойиҳа-смета ҳужжатларини тайёрлаш ва технопарк объектларига тортиб келинаётган муҳандислик тармоқлари устидан техник назорат ўрнатиш бўйича сарф-харажатлар — Ўзбекистон Республикаси Олий ва ўрта махсус таълим вазирлиги ҳузуридаги Олий таълим муассасаларини ривожлантириш жамғармаси маблағлари ҳисобидан молиялаштириш манбалари этиб белгилансин.
8. Ўзбекистон Республикаси Олий ва ўрта махсус таълим вазирлиги, Адлия вазирлиги бир ой муддатда технопарк устави тасдиқланишини ва белгиланган тартибда унинг давлат рўйхатига олинишини таъминласин.
9. «Ўзтўкимачиликсаноат» Уюшмаси ҳамда Ўзбекистон Республикаси Олий ва ўрта махсус таълим вазирлиги:
Ўзбекистон Республикаси Инвестициялар бўйича давлат қўмитаси билан биргаликда Корея Республикаси Ҳукуматининг беғараз техник кўмаги маблағларини жалб этиш учун белгиланган тартибда барча зарур тартиб-таомиллар бажарилишини таъминласин;
икки ҳафта муддатда мазкур лойиҳани амалга ошириш режасини ишлаб чиқсин, унинг амалда бажарилиш ҳолатини, шу жумладан қурилиш, асбоб-ускуналар етказиб бериш ва ўрнатиш, ходимларни ўқитиш борасидаги ҳолатни ҳар чоракда кўриб чиқсин;
Корея Республикаси Ҳукуматининг беғараз кўмаги маблағларидан самарали ва мақсадли фойдаланилишини таъминласин.
10. Технопарк қурилиши бўйича:
Корея томонидан Корея саноат технологиялари институти, Ўзбекистон томонидан — Тошкент шаҳар ҳокимлигининг «Ягона буюртмачи хизмати» инжиниринг компанияси» ДУК — буюртмачи этиб;
Кореянинг «KIOНEON ARCНITECTURE» (Корея Республикаси) лойиҳа компанияси «URBAN ARCНITECTURE» (Тошкент шаҳри) лойиҳа ташкилоти билан ҳамкорликда — бош лойиҳа ташкилоти этиб;
«IL KWANG Engineering & Construction Co.Ltd» (Корея Республикаси) компанияси — бош пудрат ташкилоти этиб белгилансин.
11. Қуйидагилар 2023 йилнинг 1 январигача:
технопарк — барча турдаги солиқлар ва давлат мақсадли жамғармаларига мажбурий ажратмалар тўлашдан;
лойиҳани амалга оширишда иштирок этувчи корейс норезидент- компаниялари — юридик шахсларнинг фойда солиғи тўлашдан;
лойиҳани амалга оширишда иштирок этувчи хорижий норезидент мутахассислар — технопарк фаолияти доирасида олинган даромадлар бўйича жисмоний шахсларнинг даромад солиғини тўлашдан озод қилинсин.
12. Маълумот учун қабул қилинсинки, қонун ҳужжатларига мувофиқ лойиҳани амалга ошириш доирасида беғараз техник кўмак маблағлари ҳисобига олиб келинадиган ҳамда сотиб олинадиган ускуналар, материаллар, адабиётлар, ишлар ва хизматлар божхона тўловлари тўлашдан (божхонада расмийлаштириш учун йиғимлардан ташқари), шунингдек қўшилган қиймат солиғидан озод қилинади.
13. Ўзбекистон Республикаси Ташқи ишлар вазирлиги «Ўзтўкимачиликсаноат» Уюшмаси ҳамда Олий ва ўрта махсус таълим вазирлигининг буюртманомаларига биноан технопаркдаги ишларга жалб этиладиган хорижий мутахассисларга консуллик ва бошқа йиғимларни ундирмаган ҳолда кириш визаларини расмийлаштиришни таъминласин.
14. Ўзбекистон Республикаси Ички ишлар вазирлиги «Ўзтўкимачиликсаноат» Уюшмаси ҳамда Олий ва ўрта махсус таълим вазирлигининг буюртманомаларига биноан технопаркдаги ишларга жалб этиладиган хорижий мутахассисларга давлат божи ундирмасдан кўп марталик визалар берилишини ва уларнинг муддати узайтирилишини, шунингдек уларнинг Ўзбекистон Республикасида вақтинча рўйхатдан ўтказилишини ва унинг муддати узайтирилишини таъминласин.
15. Ўзбекистон Республикаси Меҳнат вазирлиги «Ўзтўкимачиликсаноат» Уюшмаси ҳамда Олий ва ўрта махсус таълим вазирлигининг буюртманомаларига биноан лойиҳани амалга оширишда иштирок этувчи юқори малакали хорижий мутахассисларни белгиланган тартибда Ўзбекистон Республикасига жалб этишга рухсатномалар беришни (узайтиришни), шунингдек мазкур хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқига тасдиқнома беришни (узайтиришни) таъминласин.
16. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2017 йил 7 февралдаги ПҚ-2759-сон қарорига 1-ИЛОВА
Тошкент тўқимачилик ва енгил саноат институти ҳузуридаги Ўзбек-Корея Ўкув-амалий тўқимачилик технопаркининг
Ўзбекистон Республикаси Президентининг 2017 йил 7 февралдаги ПҚ-2759-сон қарорига 2-ИЛОВА
Тошкент тўқимачилик ва енгил саноат институти ҳузуридаги Ўзбек-Корея Ўкув-амалий тўқимачилик технопарки Васийлик кенгашининг
1. И.У. Хайдаров — «Ўзтўкимачиликсаноат» Уюшмаси раиси, Васийлик кенгаши раиси 2. Р.С. Касимов — олий ва ўрта махсус таълим вазири, Васийлик кенгаши раиси ўринбосари 3. Ли Сунг Ил (Lee Sung IL) — Корея саноат технологиялари институти (KITECН) президенти 4. С.З. Юнусов — Тошкент т ўқимачилик ва енгил саноат инсти т ути ректор и 5. А.А. Султонов — «Ў зпахтасаноат » АЖ бошқаруви раисининг ўринбосари 6. Ж.Т. Мирзамахмудов — «Ў з кимёсаноат» АЖ бошқарув раиси ўринбосари 7. Ш.Ш. Шералиев — «Ў збекчармпойабзали » уюшмаси бошқарув раиси ўринбосари 8. Р.А. Гуляев — « Пахтасаноат илмий маркази » АЖ бош директори
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 7 февраль,
ПҚ-2759-сон
Oʻzbekiston Respublikasi Prezidentining
Qarori
Tuzilmasi
TARKIBI
Toshkent toʻqimachilik va yengil sanoat instituti huzurida Koreya Respublikasi Hukumatining begʻaraz koʻmagini jalb etgan holda Oʻquv-amaliy toʻqimachilik texnoparkini tashkil etish chora-tadbirlari toʻgʻrisida
Toʻqimachilik va yengil sanoat uchun yuqori malakali kadrlar tayyorlash tizimini tubdan yaxshilash, uning jahon standartlari darajasida zamonaviy rivojlanish talablariga mos kelishini taʼminlash, tarmoq muhandis-texnik xodimlarini tayyorlash va malakasini oshirishni takomillashtirish, shuningdek, Koreya Respublikasi bilan hamkorlikni yanada kengaytirish maqsadida:
1. Quyidagilar maʼlumot uchun qabul qilinsin:
Oʻzbekiston Respublikasi Tashqi iqtisodiy aloqalar, investitsiyalar va savdo vazirligi bilan Koreya Respublikasi savdo, sanoat va energetika vazirligi oʻrtasida oʻzaro anglashuv toʻgʻrisida imzolangan memorandumga muvofiq Toshkent toʻqimachilik va yengil sanoat instituti huzurida (keyingi oʻrinlarda — TTESI) Oʻzbek-Koreya Oʻquv-amaliy toʻqimachilik texnoparki (keyingi oʻrinlarda — texnopark) barpo etish loyihasi amalga oshirilmoqda;
texnoparkni barpo etish loyihasini amalga oshirish uchun Koreya Respublikasi Hukumatining ekvivalenti 15,0 million AQSh dollariga teng texnik koʻmagi mablagʻlari (granti) jalb etilmoqda;
texnopark Toshkent shahar, Yakkasaroy tumani, Bobur koʻchasi, 30-uyda joylashtiriladi;
Koreya tomonining tavsiyanomasini eʼtiborga olgan holda texnopark qurilishini hamda uni zarur ilmiy-laboratoriya uskunalari, priborlar, mebel va tashkiliy texnika bilan jihozlashni nihoyasiga yetkazish 2018-yilga belgilangan.
2. Quyidagilar texnopark faoliyatining asosiy vazifalari va yoʻnalishlari etib belgilansin:
talabalar va yosh olimlarni Koreya texnologiyalarni rivojlantirish instituti, Koreya sanoat texnologiyalari instituti va boshqa institutlar oʻqituvchilari hamda tadqiqotchi olimlarining ishtirokida maʼruzalar, seminarlar va amaliy mashgʻulotlar oʻtkazish yoʻli bilan toʻqimachilik, tikuv-trikotaj, boʻyash-pardozlash va dizaynerlik sohalarida amaliy ilmiy-tadqiqotlar olib borish metodikasi va amaliyotiga oʻrgatishni tashkillashtirish;
davlat va xalqaro oʻquv hamda tadqiqot dasturlari asosida, respublika yosh olimlarini jalb etgan holda, mamlakatimiz va xorijiy tashkilotlarning, shu jumladan ilmiy va taʼlim muassasalarining buyurtmanomalari asosida Texnopark faoliyatining tegishli yoʻnalishlari boʻyicha ilmiy tadqiqotlar olib borish;
materialshunoslik, boʻyash-pardozlash ishlab chiqarishi, gazlamalar va kiyim-kechaklarning yangi dizaynini yaratish, shu jumladan ilgʻor axborot-kommunikatsiya texnologiyalari, energiya va resurslarni tejaydigan texnologiyalardan foydalangan holda tadqiqot ishlari olib borish;
xorijiy professor-oʻqituvchilar rahbarligida oliy malakali ilmiy va ilmiy-pedagog kadrlar tayyorlashni taʼminlash;
yuqori texnologiyali buyumlar ishlab chiqarishni tashkil etish hamda innovatsion xizmatlar koʻrsatish uchun shart-sharoit va imkoniyatlar yaratish;
yengil va toʻqimachilik sanoati yoʻnalishlari boʻyicha mahalliy va chet el tashkilotlari muhandis-texnik xodimlari hamda mutaxassislarining malakasini oshirish va ularni qayta tayyorlashda koʻmaklashish;
ilgʻor koreys hamda boshqa xorijiy investorlarni jalb etish va ragʻbatlantirish.
3. Belgilab qoʻyilsinki, texnopark davlat muassasasi shaklidagi yuridik shaxs maqomida tashkil etiladi, Oʻzbekiston Respublikasi Oliy va oʻrta maxsus taʼlim vazirligi uning muassisi hisoblanadi.
4. Quyidagilar:
Toshkent toʻqimachilik va yengil sanoat instituti huzuridagi Oʻzbek-Koreya Oʻquv-amaliy toʻqimachilik texnoparkining xodimlari umumiy soni 22 nafardan iborat tuzilmasi 1-ilovaga muvofiq;
Toshkent toʻqimachilik va yengil sanoat instituti huzuridagi Oʻzbek-Koreya Oʻquv-amaliy toʻqimachilik texnoparki Vasiylik kengashining tarkibi 2-ilovaga muvofiq tasdiqlansin.
Vasiylik kengashiga, zarur hollarda, texnopark tuzilmasiga xodimlarning tasdiqlangan soni doirasida oʻzgartirishlar kiritish huquqi berilsin.
Texnopark zimmasiga yuklangan vazifalarni bajarish uchun unga shartnoma asosida mamlakatimiz hamda chet ellik yetakchi mutaxassislar va ekspertlarni, ilmiy hamda taʼlim muassasalari olimlari va oʻqituvchilarini jalb etish huquqi berilsin.
5. Quyidagilar belgilansin:
texnoparkda ishlash uchun jalb etiladigan xorijiy pedagog va ilmiy xodimlarni Koreya tomoni belgilaydi;
texnoparkning faoliyat koʻrsatishi uchun chet eldan jalb etiladigan pedagog va ilmiy xodimlarning ish haqi miqdorlari Vasiylik kengashi tomonidan Koreya universitetlari stavkalari darajasida tasdiqlanadi hamda ularning xohishiga koʻra milliy valyutada yoki xorijdagi hisobvaraqlariga oʻtkazgan holda chet el valyutasida toʻlanadi.
mahalliy pedagog va ilmiy xodimlarning lavozim maoshlari budjet mablagʻlari hisobiga fundamental, amaliy tadqiqotlar hamda innovatsion ishlarning davlat ilmiy-texnikaviy dasturlarini amalga oshirishda qatnashayotgan ilmiy-tadqiqot muassasalari ilmiy va rahbar xodimlarining bazaviy maoshlari miqdorlariga tenglashtiriladi;
texnoparkni barpo etish loyihasining amalga oshirilishi uchun Koreya tomonidan Koreya texnologiyalarni rivojlantirish instituti hamda Koreya sanoat texnologiyalari instituti, Oʻzbekiston tomonidan esa — “Oʻztoʻkimachiliksanoat” Uyushmasi va Toshkent shahar hokimligi masʼul ijrochi organ hisoblanadi;
texnoparkni joriy taʼminlash, uni asbob-uskunalar, tashkiliy texnika va mebel bilan jihozlash, shu jumladan Koreya tomoni jalb etadigan boʻlimlar va laboratoriyalarning rahbarlari, oʻqituvchilar va tadqiqotchi olimlarning mehnatiga haq toʻlash Koreya Respublikasi Hukumatining 2019-yilgacha begʻaraz texnik koʻmagi mablagʻlari, texnoparkning tuziladigan shartnomalarga muvofiq tadqiqotlar oʻtkazishdan olinadigan daromadlari hamda qonun hujjatlarida taqiqlanmagan boshqa mablagʻlar hisobidan amalga oshiriladi.
6. Toshkent shahar hokimligi 10 kun muddatda qurilish maydonchasini tayyorgarlik ishlari nihoyasiga yetkazilishini hisobga olgan holda muhandislik-kommunikatsiya va yoʻl-transport infratuzilmasi bilan taʼminlasin, shuningdek texnopark hududidan boshqa obyektlarga tegishli muhandislik kommunikatsiyalari demontaj qilinib olib ketilgandan soʻng tutash hududlarni obodonlashtirsin va koʻkalamzorlashtirsin.
7. Quyidagilar:
texnoparkni qurish, obyektni texnologik uskunalar bilan jihozlash, oʻqitish hamda boshqa sarf-xarajatlar — Koreya Respublikasi Hukumatining begʻaraz texnik koʻmagi mablagʻlari hisobidan;
loyiha-smeta hujjatlarini tayyorlash va texnopark obyektlariga tortib kelinayotgan muhandislik tarmoqlari ustidan texnik nazorat oʻrnatish boʻyicha sarf-xarajatlar — Oʻzbekiston Respublikasi Oliy va oʻrta maxsus taʼlim vazirligi huzuridagi Oliy taʼlim muassasalarini rivojlantirish jamgʻarmasi mablagʻlari hisobidan moliyalashtirish manbalari etib belgilansin.
8. Oʻzbekiston Respublikasi Oliy va oʻrta maxsus taʼlim vazirligi, Adliya vazirligi bir oy muddatda texnopark ustavi tasdiqlanishini va belgilangan tartibda uning davlat roʻyxatiga olinishini taʼminlasin.
9. “Oʻztoʻkimachiliksanoat” Uyushmasi hamda Oʻzbekiston Respublikasi Oliy va oʻrta maxsus taʼlim vazirligi:
Oʻzbekiston Respublikasi Investitsiyalar boʻyicha davlat qoʻmitasi bilan birgalikda Koreya Respublikasi Hukumatining begʻaraz texnik koʻmagi mablagʻlarini jalb etish uchun belgilangan tartibda barcha zarur tartib-taomillar bajarilishini taʼminlasin;
ikki hafta muddatda mazkur loyihani amalga oshirish rejasini ishlab chiqsin, uning amalda bajarilish holatini, shu jumladan qurilish, asbob-uskunalar yetkazib berish va oʻrnatish, xodimlarni oʻqitish borasidagi holatni har chorakda koʻrib chiqsin;
Koreya Respublikasi Hukumatining begʻaraz koʻmagi mablagʻlaridan samarali va maqsadli foydalanilishini taʼminlasin.
10. Texnopark qurilishi boʻyicha:
Koreya tomonidan Koreya sanoat texnologiyalari instituti, Oʻzbekiston tomonidan — Toshkent shahar hokimligining “Yagona buyurtmachi xizmati” injiniring kompaniyasi” DUK — buyurtmachi etib;
Koreyaning “KIONEON ARCNITECTURE” (Koreya Respublikasi) loyiha kompaniyasi “URBAN ARCNITECTURE” (Toshkent shahri) loyiha tashkiloti bilan hamkorlikda — bosh loyiha tashkiloti etib;
“IL KWANG Engineering & Construction Co.Ltd” (Koreya Respublikasi) kompaniyasi — bosh pudrat tashkiloti etib belgilansin.
11. Quyidagilar 2023-yilning 1-yanvarigacha:
texnopark — barcha turdagi soliqlar va davlat maqsadli jamgʻarmalariga majburiy ajratmalar toʻlashdan;
loyihani amalga oshirishda ishtirok etuvchi koreys norezident- kompaniyalari — yuridik shaxslarning foyda soligʻi toʻlashdan;
loyihani amalga oshirishda ishtirok etuvchi xorijiy norezident mutaxassislar — texnopark faoliyati doirasida olingan daromadlar boʻyicha jismoniy shaxslarning daromad soligʻini toʻlashdan ozod qilinsin.
12. Maʼlumot uchun qabul qilinsinki, qonun hujjatlariga muvofiq loyihani amalga oshirish doirasida begʻaraz texnik koʻmak mablagʻlari hisobiga olib kelinadigan hamda sotib olinadigan uskunalar, materiallar, adabiyotlar, ishlar va xizmatlar bojxona toʻlovlari toʻlashdan (bojxonada rasmiylashtirish uchun yigʻimlardan tashqari), shuningdek qoʻshilgan qiymat soligʻidan ozod qilinadi.
13. Oʻzbekiston Respublikasi Tashqi ishlar vazirligi “Oʻztoʻkimachiliksanoat” Uyushmasi hamda Oliy va oʻrta maxsus taʼlim vazirligining buyurtmanomalariga binoan texnoparkdagi ishlarga jalb etiladigan xorijiy mutaxassislarga konsullik va boshqa yigʻimlarni undirmagan holda kirish vizalarini rasmiylashtirishni taʼminlasin.
14. Oʻzbekiston Respublikasi Ichki ishlar vazirligi “Oʻztoʻkimachiliksanoat” Uyushmasi hamda Oliy va oʻrta maxsus taʼlim vazirligining buyurtmanomalariga binoan texnoparkdagi ishlarga jalb etiladigan xorijiy mutaxassislarga davlat boji undirmasdan koʻp martalik vizalar berilishini va ularning muddati uzaytirilishini, shuningdek ularning Oʻzbekiston Respublikasida vaqtincha roʻyxatdan oʻtkazilishini va uning muddati uzaytirilishini taʼminlasin.
15. Oʻzbekiston Respublikasi Mehnat vazirligi “Oʻztoʻkimachiliksanoat” Uyushmasi hamda Oliy va oʻrta maxsus taʼlim vazirligining buyurtmanomalariga binoan loyihani amalga oshirishda ishtirok etuvchi yuqori malakali xorijiy mutaxassislarni belgilangan tartibda Oʻzbekiston Respublikasiga jalb etishga ruxsatnomalar berishni (uzaytirishni), shuningdek mazkur xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqiga tasdiqnoma berishni (uzaytirishni) taʼminlasin.
16. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2017-yil 7-fevraldagi PQ-2759-son qaroriga 1-ILOVA
Toshkent toʻqimachilik va yengil sanoat instituti huzuridagi Oʻzbek-Koreya Oʻkuv-amaliy toʻqimachilik texnoparkining
Oʻzbekiston Respublikasi Prezidentining 2017-yil 7-fevraldagi PQ-2759-son qaroriga 2-ILOVA
Toshkent toʻqimachilik va yengil sanoat instituti huzuridagi Oʻzbek-Koreya Oʻkuv-amaliy toʻqimachilik texnoparki Vasiylik kengashining
1. I.U. Xaydarov — “Oʻztoʻkimachiliksanoat” Uyushmasi raisi, Vasiylik kengashi raisi 2. R.S. Kasimov — oliy va oʻrta maxsus taʼlim vaziri, Vasiylik kengashi raisi oʻrinbosari 3. Li Sung Il (Lee Sung IL) — Koreya sanoat texnologiyalari instituti (KITECN) prezidenti 4. S.Z. Yunusov — Toshkent t oʻqimachilik va yengil sanoat insti t uti rektor i 5. A.A. Sultonov — “Oʻ zpaxtasanoat ” AJ boshqaruvi raisining oʻrinbosari 6. J.T. Mirzamaxmudov — “Oʻ z kimyosanoat” AJ boshqaruv raisi oʻrinbosari 7. Sh.Sh. Sheraliyev — “Oʻ zbekcharmpoyabzali ” uyushmasi boshqaruv raisi oʻrinbosari 8. R.A. Gulyayev — “ Paxtasanoat ilmiy markazi ” AJ bosh direktori
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 7-fevral,
PQ-2759-son
Президента Республики Узбекистан
Постановление
Структура
СОСТАВ
О мерах по организации Учебно-практического текстильного технопарка при Ташкентском институте текстильной и легкой промышленности с привлечением безвозмездного содействия Правительства Республики Корея
В целях кардинального улучшения системы подготовки высококвалифицированных кадров для текстильной и легкой промышленности, обеспечения ее соответствия современным требованиям развития на уровне мировых стандартов, совершенствования подготовки и повышения квалификации инженерно-технических работников отрасли, а также дальнейшего расширения сотрудничества с Республикой Корея:
1. Принять к сведению, что:
в соответствии с подписанным между Министерством внешних экономических связей, инвестиций и торговли Республики Узбекистан и Министерством торговли, промышленности и энергетики Республики Корея меморандумом о взаимопонимании реализуется проект по созданию при Ташкентском институте текстильной и легкой промышленности (далее — ТИТЛП) Узбекско-Корейского Учебно-практического текстильного технопарка (далее — технопарк);
для реализации проекта по созданию технопарка привлекаются средства технического содействия (грант) Правительства Республики Корея на сумму в эквиваленте 15,0 млн. долларов США;
технопарк будет размещен по адресу: г. Ташкент, Яккасарайский район, ул. Бабура, дом 30;
завершение строительства технопарка и оснащения необходимым научно-лабораторным оборудованием, приборами, мебелью и оргтехникой с учетом рекомендации корейской стороны определено на 2018 год.
2. Определить основными задачами и направлениями деятельности технопарка:
организацию обучения студентов и молодых ученых методике и практике проведения прикладных научных исследований в текстильной, швейно-трикотажной, красильно-отделочной и дизайнерской сферах посредством организации проведения лекций, семинаров и практических занятий с участием преподавателей и ученых-исследователей Корейского института по развитию технологий, Корейского института промышленных технологий и др.;
проведение на основе государственных и международных учебных и исследовательских программ, с привлечением молодых ученых республики, научных исследований по соответствующим направлениям деятельности Технопарка на основании заказов отечественных и иностранных организаций, в том числе, научных и образовательных учреждений;
проведение исследовательских работ в области материаловедения, красильно-отделочного производства, создания нового дизайна тканей и одежды, в том числе с использованием передовых информационно-коммуникационных, энерго- и ресурсосберегающих технологий;
обеспечение подготовки научных и научно-педагогических кадров высшей квалификации под руководством иностранного профессорско-преподавательского состава;
создание условий и возможностей для организации производства высокотехнологических изделий и оказания инновационных услуг;
содействие в повышении квалификации и переподготовке инженерно- технических работников и специалистов местных и зарубежных организаций по направлениям легкой и текстильной промышленности;
привлечение и стимулирование передовых корейских и других иностранных инвесторов.
3. Определить, что технопарк создается со статусом юридического лица в форме государственного учреждения, учредителем которого является Министерство высшего и среднего специального образования Республики Узбекистан.
4. Утвердить:
структуру Узбекско-Корейского Учебно-практического текстильного технопарка при Ташкентском институте текстильной и легкой промышленности с общей численностью персонала в количестве 22 единиц согласно приложению № 1 ;
состав Попечительского совета Учебно-практического текстильного технопарка при Ташкентском институте текстильной и легкой промышленности согласно приложению № 2 .
Предоставить право Попечительскому совету, при необходимости, вносить изменения в структуру технопарка в пределах утвержденной численности работников.
Для выполнения возложенных задач, технопарку предоставить право привлекать, на договорной основе, ведущих отечественных и зарубежных специалистов и экспертов, ученых и преподавателей научных и образовательных учреждений.
5. Установить, что:
иностранные педагогические и научные работники, привлекаемые для работы в технопарке, определяются корейской стороной;
размеры заработной платы педагогических и научных работников, привлекаемых из-за рубежа для деятельности технопарка, утверждаются Попечительским советом на уровне ставок университетов Кореи и выплачиваются по их желанию в национальной валюте или иностранной валюте путем перевода средств на их зарубежные счета.
должностные оклады местных педагогических и научных работников приравниваются к размерам базовых окладов научных и руководящих работников научно-исследовательских учреждений, участвующих в реализации государственных научно-технических программ фундаментальных, прикладных исследований и инновационных работ за счет бюджетных ассигнований;
в качестве исполнительных органов, ответственных за реализацию проекта по созданию технопарка, от корейской стороны выступают Корейский институт по развитию технологий и Корейский институт промышленных технологий, с узбекской стороны — Ассоциации «Узтекстильпром» и хокимият города Ташкента;
текущее содержание технопарка, его оснащение оборудованием, оргтехникой и мебелью, в том числе оплата труда привлекаемых корейской стороной руководителей отделов и лабораторий, преподавателей и ученых- исследователей осуществляется за счет средств безвозмездного технического содействия Правительства Республики Корея до 2019 года, доходов технопарка, получаемых от проведения исследований в соответствии с заключаемыми договорами, и других средств, не запрещенных законодательством.
6. Хокимияту г. Ташкента в 10-дневный срок обеспечить строительную площадку инженерно-коммуникационной и дорожно-транспортной инфраструктурой с учетом завершения подготовительных работ, а также благоустройство и озеленение прилегающей территории с выполнением демонтажа и переноса с территории технопарка инженерных коммуникаций, относящихся к другим объектам.
7. Определить источником финансирования расходов по:
строительству технопарка, оснащению объекта технологическим оборудованием, обучению и прочих расходов — средства безвозмездного технического содействия Правительства Республики Корея;
подготовке проектно-сметной документации и техническому надзору над подводящими инженерными сетями объектов технопарка — средства Фонда развития высших образовательных учреждений при Министерстве высшего и среднего специального образования Республики Узбекистан.
8. Министерству высшего и среднего специального образования, Министерству юстиции Республики Узбекистан в месячный срок обеспечить утверждение устава технопарка и его государственную регистрацию в установленном порядке.
9. Ассоциации «Узтекстильпром» и Министерству высшего и среднего специального образования Республики Узбекистан:
совместно с Государственным комитетом Республики Узбекистан по инвестициям обеспечить в установленном порядке выполнение всех необходимых процедур для привлечения средств безвозмездного технического содействия Правительства Республики Корея;
в двухнедельный срок разработать план реализации указанного проекта с ежеквартальным рассмотрением состояния его практического исполнения, в том числе в части строительства, поставки и установки оборудования, обучения персонала;
обеспечить эффективное и целевое использование средств безвозмездного содействия Правительства Республики Корея.
10. Определить по строительству технопарка:
заказчиком — с корейской стороны Корейский институт промышленных технологий, с узбекской стороны — ГУП «Инжиниринговая компания «Служба единого заказчика»« хокимията города Ташкента;
генеральной проектной организацией — Корейскую проектную компанию «KIOНEON ARCНITECTURE» (Республика Корея) в сотрудничестве с проектной организацией «URBAN ARCНITECTURE» (г. Ташкент);
генеральной подрядной организацией — компанию «IL KWANG Engineering & Construction Co. Ltd» (Республика Корея).
11. Освободить сроком до 1 января 2023 года:
технопарк от всех видов налогов и обязательных отчислений в государственные целевые фонды;
корейские компании-нерезидентов, участвующих в реализации проекта, — от налога на прибыль юридических лиц;
иностранных специалистов-нерезидентов, участвующих в реализации проекта, — от уплаты налога на доходы физических лиц по доходам, полученным в рамках деятельности технопарка.
12. Принять к сведению, что в соответствии с законодательством в рамках реализации проекта оборудование, материалы, литература, работы и услуги, ввозимые и приобретаемые за счет средств безвозмездного технического содействия, освобождаются от таможенных платежей (кроме сборов за таможенное оформление), а также налога на добавленную стоимость.
13. Министерству иностранных дел Республики Узбекистан по заявкам Ассоциации «Узтекстильпром» и Министерства высшего и среднего специального образования Республики Узбекистан обеспечить оформление въездных виз иностранным специалистам, привлекаемым для работы в технопарке, без взимания консульских и иных сборов.
14. Министерству внутренних дел по заявкам Ассоциации «Узтекстильпром» и Министерства высшего и среднего специального образования Республики Узбекистан обеспечивать выдачу и продление многократных виз, а также временную прописку и продление временной прописки в Республике Узбекистан иностранных специалистов, привлекаемых для работы в технопарке, без взимания государственных пошлин.
15. Министерству труда обеспечить по заявкам Ассоциации «Узтекстильпром» и Министерства высшего и среднего специального образования Республики Узбекистан выдачу (продление) в установленном порядке разрешений на привлечение в Республику Узбекистан высококвалифицированных иностранных специалистов, участвующих в реализации проекта, а также выдачу (продление) указанным иностранным гражданам подтверждения на право трудовой деятельности на территории Республики Узбекистан.
16. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 7 февраля 2017 года № ПП-2759
Узбекско-Корейского Учебно-практического текстильного технопарка при Ташкентском институте текстильной и лёгкой промышленности
ПРИЛОЖЕНИЕ № 2 к постановлению Президента Республики Узбекистан от 7 февраля 2017 года № ПП-2759
Попечительского совета Узбекско-Корейского Учебно-практического текстильного технопарка при Ташкентском институте текстильной и легкой промышленности
1. Хайдаров И.У. — председатель Ассоциации «Узтекстильпром», председатель Попечительского совета 2. Касимов Р.С. — министр высшего и среднего специального образования, заместитель председателя Попечительского совета 3. Ли Сунг Ил (Lee Sung IL) — Президент Корейского института по промышленным технологиям (KITECН) 4. Юнусов С.З. — ректор Ташкентского института текстильной и легкой промышленности 5. Султонов А.А. — заместитель председателя правления АО «Узпахтасаноат» 6. Мирзамахмудов Ж.Т. — заместитель председателя правления АО «Узкимёсаноат» 7. Шералиев Ш.Ш. — заместитель председателя правления Ассоциации «Узбекчармпойабзали» 8. Гуляев Р.А. — генеральный директор АО «Пахтасаноатилмий маркази»
Президент Республики Узбекистан Ш. МИРЗИЁЕВ
г. Ташкент,
7 февраля 2017 г.,
№ ПП-2759