📅 2017-yil 14-fevral · Prezident farmoyishlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 14 февраль · Президент фармойишлари
Расмий матн. Расмий ҳужжат. Таҳририй изоҳлар киритилмаган.
📅 14 февраля 2017 г. · Распоряжения Президента
Официальный текст. Официальный документ. Редакционные примечания не включены.
📅 14 February 2017 · Presidential orders
Official text. Official document. Editorial notes are not included.
Ўзбекистон Республикаси Президентининг
Фармойиши
ТАРКИБИ
2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини амалга оширишга доир ташкилий чора-тадбирлар тўғрисида
2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида назарда тутилган тадбирларнинг экспертлик ва жамоатчилик муҳокамасини самарали ташкил этиш борасидаги саъй-ҳаракатларни бирлаштириш, уларни ҳар томонлама мукаммаллаштириш ва амалга ошириш, шунингдек фуқаролик жамияти институтларини, экспертлар ва олимларни мамлакатни демократлаштириш ҳамда модернизация қилиш жараёнларига фаол жалб этиш мақсадида:
1. Жойларда сайловчилар билан ўтказилган учрашувлар, долзарб ва аҳолини ўйлантираётган масалалар кенг кўламда ўрганилиши, амалдаги қонун ҳужжатлари ва ҳуқуқни қўллаш амалиёти танқидий таҳлил қилиниши, илғор хорижий тажриба ўрганилиши, шунингдек кенг жамоатчилик муҳокамаси натижасида қуйидаги ҳужжатлар тасдиқланганлиги маълумот учун қабул қилинсин:
2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси (бундан буён матнда Ҳаракатлар стратегияси деб юритилади);
Ҳаракатлар стратегиясини «Халқ билан мулоқот ва инсон манфаатлари йили»да амалга оширишга оид Давлат дастури (бундан буён матнда Дастур деб юритилади).
2. Фуқаролик жамияти шаклланишини мониторинг қилиш мустақил институти, Ўзбекистон Республикаси Президенти ҳузуридаги Амалдаги қонун ҳужжатлари мониторинги институти, Савдо-саноат палатаси, Ўзбекистон адвокатлар палатаси, Ўзбекистон Республикаси Президенти ҳузуридаги Давлат бошқаруви академияси, Ўзбекистон Электрон оммавий ахборот воситалари миллий ассоциацияси, Нодавлат нотижорат ташкилотлар миллий ассоциациясининг муассаса шаклидаги «Тараққиёт стратегияси» маркази (бундан буён матнда Марказ деб юритилади) нодавлат нотижорат ташкилотини ташкил этиш ҳамда унинг асосий вазифалари ва фаолият йўналишлари этиб қуйидагиларни белгилаш тўғрисидаги таклифига розилик берилсин:
Ҳаракатлар стратегиясини амалга ошириш бўйича комиссиялар (бундан буён матнда комиссиялар деб юритилади) билан узвий ҳамкорликда Ҳаракатлар стратегиясида назарда тутилган чора-тадбирларни ахборот-таҳлилий жиҳатдан таъминлаш;
Ҳаракатлар стратегияси ва Дастур доирасида амалга ошириладиган тадбирлар бўйича илғор хорижий тажриба, халқаро стандартлар, шунингдек халқаро ташкилотлар ва экспертларнинг баҳолари, фикр-мулоҳазаларини ўрганиш;
Ҳаракатлар стратегияси ва Дастур доирасидаги амалга ошириладиган тадбирларнинг экспертлар ҳамда жамоатчилик ўртасида кенг муҳокама этилишини ташкил қилиш;
Ҳаракатлар стратегиясини самарали амалга ошириш, шунингдек Дастурда назарда тутилган қонун, қонуности ва бошқа ҳужжатлар лойиҳаларини тайёрлаш юзасидан аниқ чора-тадбирлар бўйича асослантирилган таклифлар ишлаб чиқиш;
халқаро ва хорижий ташкилотлар, илмий-тадқиқот, ахборот-таҳлилий ҳамда таълим муассасалари билан ҳамкорликни йўлга қўйиш;
Ҳаракатлар стратегиясини амалга оширишга доир ҳар йиллик дастурлар лойиҳаларини тайёрлашга кўмаклашиш;
Ҳаракатлар стратегияси ва Дастур доирасида амалга ошириладиган тадбирлар бўйича аҳолининг фикр ва таклифларини тўплаш ва ўрганиш, улар юзасидан асослантирилган таклифлар ишлаб чиқиш;
Ҳаракатлар стратегиясини амалга ошириб борилишининг тизимли жамоатчилик мониторингини ўтказиш, унинг сифатли ва ўз вақтида бажарилиши учун қўшимча чора-тадбирлар юзасидан тавсиялар ишлаб чиқиш;
Ҳаракатлар стратегиясининг амалга ошириб борилиши тўғрисида аҳолини, тадбиркорлик субъектларини, фуқаролик жамияти институтларини ва халқаро жамоатчиликни кенг хабардор қилиш.
3. Марказ фаолиятига кўмаклашиш бўйича мувофиқлаштирувчи кенгаш таркиби иловага мувофиқ маъқуллансин.
Белгилансинки, Марказ фаолиятига кўмаклашиш бўйича мувофиқлаштирувчи кенгаш Марказнинг давлат органлари билан ўзаро самарали ҳамкорлигини таъминлайди ва унга юклатилган вазифаларнинг бажарилишини ҳар томонлама кўллаб-қувватлайди.
4. Марказ:
ўз зиммасига юклатилган вазифалар доирасида вазирликлар, идоралар, банклар ва бошқа ташкилотлардан зарур норматив, статистик ҳамда таҳлилий ахборотни сўраш ва бепул олиш;
комиссиялар томонидан ташкил этиладиган эксперт гуруҳларига Дастурда назарда тутилган ҳужжатлар лойиҳаларини ишлаб чиқиш бўйича тавсиялар бериш;
давлат бошқаруви органлари, идоралар, банклар мутахассисларини, илмий тадқиқот ва олий таълим муассасаларининг олимлари ва ўқитувчиларини, мустақил экспертларни, шу жумладан хорижий давлатлардан экспертлар сифатида шартнома асосида жалб қилиш;
Ҳаракатлар стратегиясини амалга оширишга доир чора-тадбирларни ишлаб чиқиш учун таклиф этилган миллий ва хорижий экспертлар фаолиятини мувофиқлаштириб бориш ҳуқуқига эга эканлиги белгилаб қўйилсин.
5. Марказни молиялаштириш манбалари қуйидагилардан иборат эканлиги белгилаб қўйилсин:
техник кўмаклашиш маблағлари, халқаро ва хорижий ҳукумат ва ноҳукумат ташкилотларининг грантлари;
вазирликлар, идоралар, банклар ҳамда бошқа ташкилотларнинг тадқиқот ҳамда таҳлиллар ўтказиш учун ажратиладиган маблағлари;
ижтимоий шериклик доирасида нодавлат нотижорат ташкилотларига ажратиладиган давлат грантлари;
қонун ҳужжатларида тақиқланмаган бошқа манбалар.
6. Ўзбекистон Республикаси Адлия вазирлиги икки ҳафта муддатда Марказни қонун ҳужжатларида белгиланган тартибда давлат рўйхатидан ўтказишни таъминласин.
7. Ўзбекистон Республикаси Ташқи ишлар вазирлиги Марказга қуйидаги масалаларни халқаро ва хорижий ташкилотлар билан ҳамкорликда ҳал этишда кўмаклашсин:
Марказ фаолиятини моддий-техник ва ахборот жиҳатдан таъминлаш учун техник кўмаклашиш маблағлари, грантлар жалб этиш;
Ҳаракатлар стратегиясини амалга оширишга доир чора-тадбирларни ишлаб чиқиш учун хорижий экспертларни таклиф этиш;
хорижий тажрибани ўрганиш учун Марказ экспертларининг ривожланган хорижий мамлакатларга сафарларини ташкил этиш.
8. Ўзбекистон Республикаси Инновацион ривожланиш вазирлиги Марказнинг буюртмаларига биноан халқаро ҳамда чет эл ташкилотлари ва фондларидан олинадиган грантлар бўйича Ўзбекистон Республикаси Солиқ кодексининг 179- моддасига мувофиқ белгиланган тартибда хулосалар берилишини таъминласин.
9. Марказ қуйидаги мажбурий жўнатмалар реестрига киритилсин:
Ўзбекистон Республикаси Давлат статистика қўмитаси, Молия, Меҳнат, Ички ишлар вазирликлари, Давлат солиқ қўмитаси, Давлат божхона қўмитаси, Бош прокуратураси, Олий ва Олий хўжалик судларининг статистик маълумотлари;
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигининг Оммавий коммуникациялар масалалари бўйича маркази бюллетенлари ва кундалик маълумотлари тўплами;
Ўзбекистон Республикаси Президентининг иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича маслаҳатчиси бўлинмалари ҳузуридаги Иқтисодий тадқиқотлар марказининг хорижий матбуот шарҳлари ва таҳлилий маълумотномалари, Прогнозлаштириш ва макроиқтисодий тадқиқотлар институтининг таҳлилий материаллари.
10. Тошкент шаҳар ҳокимлиги Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси билан биргаликда икки ҳафта муддатда Марказни жойлаштириш, шунингдек унинг зарур замонавий компьютерлар, ташкилий техника, мебель ва инвентарлар билан жиҳозланишини таъминласин.
11. Ўзбекистон Республикаси Ахборот технологиялари ва коммуникацияларини ривожлантириш вазирлиги:
Марказнинг кенг қамровли Интернет тармоғи билан жиҳозланишини;
Ўзбекистон Миллий кутубхонаси билан биргаликда Марказнинг Ўзбекистон Миллий кутубхонасининг ахборот-кутубхона фондига ва етакчи хорижий лицензияга эга ахборот-кутубхона ресурслари фондларига доимий равишда электрон уланишини таъминласин.
12. Ўзбекистон Республикаси Ташқи ишлар вазирлиги Марказнинг буюртмаларига биноан Марказ фаолиятига жалб қилинаётган чет эл фуқароларига консуллик ва бошқа йиғимларни ундирмаган ҳолда кириш визаларини белгиланган тартибда расмийлаштирилишини таъминласин.
13. Ўзбекистон Республикаси Ички ишлар вазирлиги Марказнинг буюртмаларига биноан Марказ фаолиятига жалб қилинаётган чет эл фуқароларига давлат божини ундирмаган ҳолда кўп марталик визалар берилишини ва уларнинг муддати узайтирилишини, шунингдек уларнинг Ўзбекистон Республикасида вақтинча рўйхатдан ўтказилишини ва унинг муддати узайтирилишини таъминласин.
14. Ушбу Фармойишнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси вазифасини бажарувчи О.Б. Муродов зиммасига юклансин.
Ўзбекистон Республикаси Президентининг 2017 йил 14 февралдаги Ф-4849-сон Фармойишига ИЛОВА
«Тараққиёт стратегияси» маркази фаолиятига кўмаклашиш бўйича мувофиқлаштирувчи кенгаш
Муродов О.Б. — Ўзбекистон Республикаси Президентининг Давлат маслаҳатчиси вазифасини бажарувчи, Мувофиқлаштирувчи кенгаш раҳбари Давлетов Р.К. — Ўзбекистон Республикаси Президенти Давлат маслаҳатчисининг биринчи ўринбосари, Мувофиқлаштирувчи кенгаш раҳбари ўринбосари Истамов М.Ш. — Ўзбекистон Республикаси Президенти девони шуъба мудири Рихсиев А.Г. — Ўзбекистон Республикаси Президенти девони бош инспектори Рустамбеков Н.М. — Ўзбекистон Республикаси Президенти девони бош инспектори Ханаев У.У. — Ўзбекистон Республикаси Президенти девони бош консультанти Мавлонов Б.М. — Ўзбекистон Республикаси Президенти девони етакчи инспектори Неъматов А.И. — Ўзбекистон Республикаси Президенти девони етакчи консультанти Кучкаров Б.Т. — Ўзбекистон Республикаси Вазирлар Маҳкамаси аппарати бошқарувчиси ўринбосари Шерматов Ш.Х. — Ўзбекистон Республикаси Ахборот технологиялари ва коммуникацияларини ривожлантириш вазири вазифасини бажарувчи Абдукаримов Г.О. — Фуқаролик жамияти шаклланишини мониторинг қилиш мустақил институти директори Ахмедов Р.Т. — Ўзбекистон Адвокатлар палатаси раиси Шайхов А.Э. — Ўзбекистон Савдо-саноат палатаси раиси Абдухаликов Ф.Ф. — Электрон оммавий ахборот воситалари миллий ассоциацияси раиси Кучкаров Ж.А. — Ўзбекистон Республикаси молия вазирининг биринчи ўринбосари Бекенов С.Х. — Ўзбекистон Республикаси иқтисодиёт вазирининг биринчи ўринбосари Жўраев Н.С. — Ўзбекистон Республикаси адлия вазирининг ўринбосари Шоахмедов Ш.Ш. — Ўзбекистон Республикаси Марказий банки раисининг ўринбосари
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 14 февраль,
Ф-4849-сон
Oʻzbekiston Respublikasi Prezidentining
Farmoyishi
TARKIBI
2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini amalga oshirishga doir tashkiliy chora-tadbirlar toʻgʻrisida
2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida nazarda tutilgan tadbirlarning ekspertlik va jamoatchilik muhokamasini samarali tashkil etish borasidagi saʼy-harakatlarni birlashtirish, ularni har tomonlama mukammallashtirish va amalga oshirish, shuningdek fuqarolik jamiyati institutlarini, ekspertlar va olimlarni mamlakatni demokratlashtirish hamda modernizatsiya qilish jarayonlariga faol jalb etish maqsadida:
1. Joylarda saylovchilar bilan oʻtkazilgan uchrashuvlar, dolzarb va aholini oʻylantirayotgan masalalar keng koʻlamda oʻrganilishi, amaldagi qonun hujjatlari va huquqni qoʻllash amaliyoti tanqidiy tahlil qilinishi, ilgʻor xorijiy tajriba oʻrganilishi, shuningdek keng jamoatchilik muhokamasi natijasida quyidagi hujjatlar tasdiqlanganligi maʼlumot uchun qabul qilinsin:
2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasi (bundan buyon matnda Harakatlar strategiyasi deb yuritiladi);
Harakatlar strategiyasini “Xalq bilan muloqot va inson manfaatlari yili”da amalga oshirishga oid Davlat dasturi (bundan buyon matnda Dastur deb yuritiladi).
2. Fuqarolik jamiyati shakllanishini monitoring qilish mustaqil instituti, Oʻzbekiston Respublikasi Prezidenti huzuridagi Amaldagi qonun hujjatlari monitoringi instituti, Savdo-sanoat palatasi, Oʻzbekiston advokatlar palatasi, Oʻzbekiston Respublikasi Prezidenti huzuridagi Davlat boshqaruvi akademiyasi, Oʻzbekiston Elektron ommaviy axborot vositalari milliy assotsiatsiyasi, Nodavlat notijorat tashkilotlar milliy assotsiatsiyasining muassasa shaklidagi “Taraqqiyot strategiyasi” markazi (bundan buyon matnda Markaz deb yuritiladi) nodavlat notijorat tashkilotini tashkil etish hamda uning asosiy vazifalari va faoliyat yoʻnalishlari etib quyidagilarni belgilash toʻgʻrisidagi taklifiga rozilik berilsin:
Harakatlar strategiyasini amalga oshirish boʻyicha komissiyalar (bundan buyon matnda komissiyalar deb yuritiladi) bilan uzviy hamkorlikda Harakatlar strategiyasida nazarda tutilgan chora-tadbirlarni axborot-tahliliy jihatdan taʼminlash;
Harakatlar strategiyasi va Dastur doirasida amalga oshiriladigan tadbirlar boʻyicha ilgʻor xorijiy tajriba, xalqaro standartlar, shuningdek xalqaro tashkilotlar va ekspertlarning baholari, fikr-mulohazalarini oʻrganish;
Harakatlar strategiyasi va Dastur doirasidagi amalga oshiriladigan tadbirlarning ekspertlar hamda jamoatchilik oʻrtasida keng muhokama etilishini tashkil qilish;
Harakatlar strategiyasini samarali amalga oshirish, shuningdek Dasturda nazarda tutilgan qonun, qonunosti va boshqa hujjatlar loyihalarini tayyorlash yuzasidan aniq chora-tadbirlar boʻyicha asoslantirilgan takliflar ishlab chiqish;
xalqaro va xorijiy tashkilotlar, ilmiy-tadqiqot, axborot-tahliliy hamda taʼlim muassasalari bilan hamkorlikni yoʻlga qoʻyish;
Harakatlar strategiyasini amalga oshirishga doir har yillik dasturlar loyihalarini tayyorlashga koʻmaklashish;
Harakatlar strategiyasi va Dastur doirasida amalga oshiriladigan tadbirlar boʻyicha aholining fikr va takliflarini toʻplash va oʻrganish, ular yuzasidan asoslantirilgan takliflar ishlab chiqish;
Harakatlar strategiyasini amalga oshirib borilishining tizimli jamoatchilik monitoringini oʻtkazish, uning sifatli va oʻz vaqtida bajarilishi uchun qoʻshimcha chora-tadbirlar yuzasidan tavsiyalar ishlab chiqish;
Harakatlar strategiyasining amalga oshirib borilishi toʻgʻrisida aholini, tadbirkorlik subyektlarini, fuqarolik jamiyati institutlarini va xalqaro jamoatchilikni keng xabardor qilish.
3. Markaz faoliyatiga koʻmaklashish boʻyicha muvofiqlashtiruvchi kengash tarkibi ilovaga muvofiq maʼqullansin.
Belgilansinki, Markaz faoliyatiga koʻmaklashish boʻyicha muvofiqlashtiruvchi kengash Markazning davlat organlari bilan oʻzaro samarali hamkorligini taʼminlaydi va unga yuklatilgan vazifalarning bajarilishini har tomonlama koʻllab-quvvatlaydi.
4. Markaz:
oʻz zimmasiga yuklatilgan vazifalar doirasida vazirliklar, idoralar, banklar va boshqa tashkilotlardan zarur normativ, statistik hamda tahliliy axborotni soʻrash va bepul olish;
komissiyalar tomonidan tashkil etiladigan ekspert guruhlariga Dasturda nazarda tutilgan hujjatlar loyihalarini ishlab chiqish boʻyicha tavsiyalar berish;
davlat boshqaruvi organlari, idoralar, banklar mutaxassislarini, ilmiy tadqiqot va oliy taʼlim muassasalarining olimlari va oʻqituvchilarini, mustaqil ekspertlarni, shu jumladan xorijiy davlatlardan ekspertlar sifatida shartnoma asosida jalb qilish;
Harakatlar strategiyasini amalga oshirishga doir chora-tadbirlarni ishlab chiqish uchun taklif etilgan milliy va xorijiy ekspertlar faoliyatini muvofiqlashtirib borish huquqiga ega ekanligi belgilab qoʻyilsin.
5. Markazni moliyalashtirish manbalari quyidagilardan iborat ekanligi belgilab qoʻyilsin:
texnik koʻmaklashish mablagʻlari, xalqaro va xorijiy hukumat va nohukumat tashkilotlarining grantlari;
vazirliklar, idoralar, banklar hamda boshqa tashkilotlarning tadqiqot hamda tahlillar oʻtkazish uchun ajratiladigan mablagʻlari;
ijtimoiy sheriklik doirasida nodavlat notijorat tashkilotlariga ajratiladigan davlat grantlari;
qonun hujjatlarida taqiqlanmagan boshqa manbalar.
6. Oʻzbekiston Respublikasi Adliya vazirligi ikki hafta muddatda Markazni qonun hujjatlarida belgilangan tartibda davlat roʻyxatidan oʻtkazishni taʼminlasin.
7. Oʻzbekiston Respublikasi Tashqi ishlar vazirligi Markazga quyidagi masalalarni xalqaro va xorijiy tashkilotlar bilan hamkorlikda hal etishda koʻmaklashsin:
Markaz faoliyatini moddiy-texnik va axborot jihatdan taʼminlash uchun texnik koʻmaklashish mablagʻlari, grantlar jalb etish;
Harakatlar strategiyasini amalga oshirishga doir chora-tadbirlarni ishlab chiqish uchun xorijiy ekspertlarni taklif etish;
xorijiy tajribani oʻrganish uchun Markaz ekspertlarining rivojlangan xorijiy mamlakatlarga safarlarini tashkil etish.
8. Oʻzbekiston Respublikasi Innovatsion rivojlanish vazirligi Markazning buyurtmalariga binoan xalqaro hamda chet el tashkilotlari va fondlaridan olinadigan grantlar boʻyicha Oʻzbekiston Respublikasi Soliq kodeksining 179- moddasiga muvofiq belgilangan tartibda xulosalar berilishini taʼminlasin.
9. Markaz quyidagi majburiy joʻnatmalar reyestriga kiritilsin:
Oʻzbekiston Respublikasi Davlat statistika qoʻmitasi, Moliya, Mehnat, Ichki ishlar vazirliklari, Davlat soliq qoʻmitasi, Davlat bojxona qoʻmitasi, Bosh prokuraturasi, Oliy va Oliy xoʻjalik sudlarining statistik maʼlumotlari;
Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligining Ommaviy kommunikatsiyalar masalalari boʻyicha markazi byulletenlari va kundalik maʼlumotlari toʻplami;
Oʻzbekiston Respublikasi Prezidentining iqtisodiyot sohalarini rivojlantirish, investitsiya va tashqi savdo siyosatini amalga oshirish masalalari boʻyicha maslahatchisi boʻlinmalari huzuridagi Iqtisodiy tadqiqotlar markazining xorijiy matbuot sharhlari va tahliliy maʼlumotnomalari, Prognozlashtirish va makroiqtisodiy tadqiqotlar institutining tahliliy materiallari.
10. Toshkent shahar hokimligi Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi bilan birgalikda ikki hafta muddatda Markazni joylashtirish, shuningdek uning zarur zamonaviy kompyuterlar, tashkiliy texnika, mebel va inventarlar bilan jihozlanishini taʼminlasin.
11. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi:
Markazning keng qamrovli Internet tarmogʻi bilan jihozlanishini;
Oʻzbekiston Milliy kutubxonasi bilan birgalikda Markazning Oʻzbekiston Milliy kutubxonasining axborot-kutubxona fondiga va yetakchi xorijiy litsenziyaga ega axborot-kutubxona resurslari fondlariga doimiy ravishda elektron ulanishini taʼminlasin.
12. Oʻzbekiston Respublikasi Tashqi ishlar vazirligi Markazning buyurtmalariga binoan Markaz faoliyatiga jalb qilinayotgan chet el fuqarolariga konsullik va boshqa yigʻimlarni undirmagan holda kirish vizalarini belgilangan tartibda rasmiylashtirilishini taʼminlasin.
13. Oʻzbekiston Respublikasi Ichki ishlar vazirligi Markazning buyurtmalariga binoan Markaz faoliyatiga jalb qilinayotgan chet el fuqarolariga davlat bojini undirmagan holda koʻp martalik vizalar berilishini va ularning muddati uzaytirilishini, shuningdek ularning Oʻzbekiston Respublikasida vaqtincha roʻyxatdan oʻtkazilishini va uning muddati uzaytirilishini taʼminlasin.
14. Ushbu Farmoyishning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining Davlat maslahatchisi vazifasini bajaruvchi O.B. Murodov zimmasiga yuklansin.
Oʻzbekiston Respublikasi Prezidentining 2017-yil 14-fevraldagi F-4849-son Farmoyishiga ILOVA
“Taraqqiyot strategiyasi” markazi faoliyatiga koʻmaklashish boʻyicha muvofiqlashtiruvchi kengash
Murodov O.B. — Oʻzbekiston Respublikasi Prezidentining Davlat maslahatchisi vazifasini bajaruvchi, Muvofiqlashtiruvchi kengash rahbari Davletov R.K. — Oʻzbekiston Respublikasi Prezidenti Davlat maslahatchisining birinchi oʻrinbosari, Muvofiqlashtiruvchi kengash rahbari oʻrinbosari Istamov M.Sh. — Oʻzbekiston Respublikasi Prezidenti devoni shuʼba mudiri Rixsiyev A.G. — Oʻzbekiston Respublikasi Prezidenti devoni bosh inspektori Rustambekov N.M. — Oʻzbekiston Respublikasi Prezidenti devoni bosh inspektori Xanayev U.U. — Oʻzbekiston Respublikasi Prezidenti devoni bosh konsultanti Mavlonov B.M. — Oʻzbekiston Respublikasi Prezidenti devoni yetakchi inspektori Neʼmatov A.I. — Oʻzbekiston Respublikasi Prezidenti devoni yetakchi konsultanti Kuchkarov B.T. — Oʻzbekiston Respublikasi Vazirlar Mahkamasi apparati boshqaruvchisi oʻrinbosari Shermatov Sh.X. — Oʻzbekiston Respublikasi Axborot texnologiyalari va kommunikatsiyalarini rivojlantirish vaziri vazifasini bajaruvchi Abdukarimov G.O. — Fuqarolik jamiyati shakllanishini monitoring qilish mustaqil instituti direktori Axmedov R.T. — Oʻzbekiston Advokatlar palatasi raisi Shayxov A.E. — Oʻzbekiston Savdo-sanoat palatasi raisi Abduxalikov F.F. — Elektron ommaviy axborot vositalari milliy assotsiatsiyasi raisi Kuchkarov J.A. — Oʻzbekiston Respublikasi moliya vazirining birinchi oʻrinbosari Bekenov S.X. — Oʻzbekiston Respublikasi iqtisodiyot vazirining birinchi oʻrinbosari Joʻrayev N.S. — Oʻzbekiston Respublikasi adliya vazirining oʻrinbosari Shoaxmedov Sh.Sh. — Oʻzbekiston Respublikasi Markaziy banki raisining oʻrinbosari
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 14-fevral,
F-4849-son
Президента Республики Узбекистан
Распоряжение
СОСТАВ
Об организационных мерах по реализации Стратегии действий по пяти приоритетным направлениям развития Республики Узбекистан в 2017— 2021 годах
В целях консолидации усилий по эффективной организации экспертного и общественного обсуждения, всесторонней проработки и реализации мероприятий, предусмотренных Стратегией действий по пяти приоритетным направлениям развития Республики Узбекистан в 2017 — 2021 годах, а также активного привлечения представителей институтов гражданского общества, экспертов и ученых в процессы демократизации и модернизации страны:
1. Принять к сведению, что по итогам встреч с населением в регионах, всеобъемлющего изучения актуальных и волнующих граждан вопросов, критического анализа действующего законодательства и правоприменительной практики, изучения передового зарубежного опыта, а также широкого общественного обсуждения приняты:
Стратегия действий по пяти приоритетным направлениям развития Республики Узбекистан в 2017 — 2021 годах (далее — Стратегия действий);
Государственная программа по реализации Стратегии действий в «Год диалога с народом и интересов человека» (далее — Программа).
2. Согласиться с предложением Независимого института по мониторингу формирования гражданского общества, Института мониторинга действующего законодательства при Президенте Республики Узбекистан, Торгово-промышленной палаты, Палаты адвокатов Узбекистана, Академии государственного управления при Президенте Республики Узбекистан, Национальной ассоциации электронных средств массовой информации, Национальной ассоциации негосударственных некоммерческих организаций Узбекистана о создании негосударственной некоммерческой организации — Центра «Стратегия развития» (далее — Центр) в форме учреждения со следующими основными задачами и направлениями деятельности:
информационно-аналитическое сопровождение мероприятий, предусмотренных Стратегией действий , в тесном взаимодействии с комиссиями по реализации Стратегии действий (далее — Комиссии);
изучение передового зарубежного опыта, международных стандартов, а также оценок, мнений международных организаций и экспертов по мероприятиям, реализуемым в рамках Стратегии действий и Программы;
организация широкого экспертного и общественного обсуждения мероприятий, реализуемых в рамках Стратегии действий и Программы;
выработка обоснованных предложений о конкретных мерах по эффективной реализации Стратегии действий , в том числе по подготовке проектов законов, подзаконных и других актов, предусмотренных Программой;
налаживание сотрудничества с международными и иностранными организациями, научно-исследовательскими, информационно-аналитическими и образовательными учреждениями;
оказание содействия в подготовке проектов ежегодных программ по реализации Стратегии действий ;
сбор и изучение мнения и предложений населения по мероприятиям, реализуемым в рамках Стратегии действий и Программы, выработка обоснованных предложений по ним;
осуществление системного общественного мониторинга хода реализации Стратегии действий , выработка рекомендаций по принятию дополнительных мер для ее качественного и своевременного выполнения;
широкое информирование населения, субъектов предпринимательства, институтов гражданского общества и международной общественности о ходе реализации Стратегии действий .
3. Одобрить состав Координационного совета по оказанию содействия деятельности Центра согласно приложению .
Определить, что Координационный совет обеспечивает эффективное взаимодействие Центра с государственными органами и оказывает всемерную поддержку исполнению возложенных на него задач.
4. Установить, что Центр имеет право:
запрашивать и получать бесплатно необходимую нормативную, статистическую и аналитическую информацию от министерств, ведомств, банков и других организаций в рамках исполнения возложенных на него задач;
давать экспертным группам, создаваемым комиссиями, рекомендации по проектам актов, предусмотренных Программой;
привлекать в качестве экспертов на контрактной основе специалистов государственных органов, ведомств, банков, ученых и преподавателей научно-исследовательских и высших образовательных учреждений, независимых экспертов, в том числе из зарубежных стран;
координировать деятельность национальных и зарубежных экспертов, приглашенных для выработки мер по реализации Стратегии действий .
5. Определить, что источниками финансирования Центра являются:
средства технического содействия, гранты международных и иностранных правительственных, неправительственных организаций;
средства министерств, ведомств, банков и иных организаций, выделяемые на проведение изучений и анализов;
государственные гранты, выделяемые негосударственным некоммерческим организациям в рамках социального партнерства;
иные источники, не запрещенные законодательством.
6. Министерству юстиции Республики Узбекистан в двухнедельный срок обеспечить государственную регистрацию Центра в порядке, установленном законодательством.
7. Министерству иностранных дел Республики Узбекистан оказать содействие Центру в проработке совместно с международными и иностранными организациями вопросов:
привлечения средств технического содействия, грантов для материально-технического и информационного обеспечения деятельности Центра;
приглашения иностранных экспертов для выработки мер по реализации Стратегии действий ;
организации изучения экспертами Центра передового международного опыта с выездом в зарубежные страны.
8. Министерству инновационного развития Республики Узбекистан обеспечить по заявкам Центра выдачу в установленном порядке заключений по грантам, получаемым от международных и зарубежных организаций и фондов в соответствии со статьей 179 Налогового кодекса Республики Узбекистан.
9. Включить Центр в реестр обязательной рассылки:
статистической информации Государственного комитета по статистике, министерств финансов, труда, внутренних дел, Государственного налогового комитета, Государственного таможенного комитета, Генеральной прокуратуры, Верховного и Высшего хозяйственного судов Республики Узбекистан;
бюллетеней и ежедневных сводок Центра по вопросам массовых коммуникаций Агентства информации и массовых коммуникаций при Администрации Президента Республики Узбекистан;
обзоров зарубежной прессы и аналитических докладов Центра экономических исследований при подразделениях советника Президента Республики Узбекистан по вопросам развития отраслей экономики, реализации инвестиционной и внешнеторговой политики, аналитических материалов Института прогнозирования и макроэкономических исследований.
10. Хокимияту г. Ташкента совместно с Государственным комитетом Республики Узбекистан по приватизации, демонополизации и развитию конкуренции в двухнедельный срок обеспечить размещение Центра, а также его оснащение необходимыми современными компьютерами, оргтехникой, мебелью и инвентарем.
11. Министерству по развитию информационных технологий и коммуникаций Республики Узбекистан обеспечить:
широкополосный доступ Центра к сети Интернет;
совместно с Национальной библиотекой Узбекистана постоянный электронный доступ Центра к информационно-библиотечному фонду Национальной библиотеки Узбекистана и фондам ведущих зарубежных лицензионных информационно-библиотечных ресурсов.
12. Министерству иностранных дел Республики Узбекистан по заявкам Центра обеспечить оформление в установленном порядке въездных виз иностранным гражданам, привлекаемым к деятельности Центра, без взимания консульских и иных сборов;
13. Министерству внутренних дел Республики Узбекистан по заявкам Центра обеспечить выдачу и продление многократных виз, а также временную прописку и продление временной прописки в Республике Узбекистан иностранным гражданам, привлекаемым к деятельности Центра, без взимания государственных пошлин.
14. Контроль за исполнением настоящего распоряжения возложить на Премьер-министра Республики Узбекистан А.Н. Арипова и исполняющего обязанности Государственного советника Президента Республики Узбекистан О.Б. Муродова.
ПРИЛОЖЕНИЕ к Распоряжению Президента Республики Узбекистан от 14 февраля 2017 года № Р-4849
Координационного совета по оказанию содействия деятельности Центра «Стратегия развития»
Муродов О.Б. — и.о.Государственного советника Президента Республики Узбекистан, руководитель Координационного совета Давлетов Р.К. — первый заместитель Государственного советника Президента Республики Узбекистан, заместитель руководителя Координационного совета Истамов М.Ш. — заведующий сектором аппарата Президента Республики Узбекистан Рихсиев А.Г. — главный инспектор аппарата Президента Республики Узбекистан Рустамбеков Н.М. — главный инспектор аппарата Президента Республики Узбекистан Ханаев У.У. — главный консультант аппарата Президента Республики Узбекистан Мавлонов Б.М. — ведущий инспектор аппарата Президента Республики Узбекистан Неъматов А.И. — ведущий консультант аппарата Президента Республики Узбекистан Кучкаров Б.Т. — заместитель управляющего аппарата Кабинета Министров Республики Узбекистан Шерматов Ш.Х. — исполняющий обязанности министра по развитию информационных технологий и коммуникаций Республики Узбекистан Абдукаримов Г.О. — директор Независимого института по мониторингу формирования гражданского общества Ахмедов Р.Т. — председатель Палаты адвокатов Узбекистана Шайхов А.Э. — председатель Торгово-промышленной палаты Узбекистана Абдухаликов Ф.Ф. — председатель правления Национальной ассоциации электронных средств массовой информации Кучкаров Ж.А. — первый заместитель министра финансов Республики Узбекистан Бекенов С.Х. — первый заместитель министра экономики Республики Узбекистан Жураев Н.С. — заместитель министра юстиции Республики Узбекистан Шоахмедов Ш.Ш. — заместитель председателя Центрального банка Республики Узбекистан
Президент Республики Узбекистан Ш. МИРЗИЁЕВ
г. Ташкент,
14 февраля 2017 г.,
№ Р-4849