📅 2017-yil 14-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 14 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 февраля 2017 г. · Постановления Президента
Официальный текст. Официальный документ. Редакционные примечания не включены.
📅 14 February 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Дори воситаларини ва тиббиёт буюмларини сотиш, фармацевтика фаолиятини лицензиялаш тартибини янада такомиллаштириш чора-тадбирлари тўғрисида
Республикада кейинги йилларда аҳолини арзон сифатли дори-дармон воситалари ва тиббиёт буюмлари билан таъминлашга, ижтимоий аҳамиятга эга дори-дармон воситалари ва тиббиёт буюмларини белгиланган нархларда сотишга, уларга чекланган савдо устамаларини белгилашга, маҳаллий фармацевтика соҳасини ривожлантиришга йўналтирилган комплекс чора-тадбирлар кўрилди.
Шу билан бирга, ўтказилган ўрганиш якунлари дори-дармон воситалари ва тиббиёт буюмларини оширилган нархларда чакана сотиш фактларини профилактика қилиш ҳамда олдини олиш самарадорлиги пастлиги, ижтимоий аҳамиятга эга дори-дармон воситалари ва тиббиёт буюмлари нархининг давлат томонидан белгиланган тартибига риоя этишни таъминлаш бўйича мавжуд имкониятлардан етарли даражада фойдаланилмасдан келинаётганлигидан далолат бермоқда.
Қайд этилганлар дори-дармон воситалари ва тиббиёт буюмларини чакана сотишни лицензиялашнинг сифат жиҳатидан янги тизимини жорий этишни, истеъмолчилар ҳуқуқларини ҳимоя қилишнинг ҳуқуқий механизмини, лицензия талаблари ва шартларига риоя этиш устидан назоратни кучайтиришни талаб этмоқда.
Аҳолининг арзон сифатли дори-дармон воситалари ва тиббиёт буюмлари билан таъминланганлик даражасини янада ошириш, уларнинг нархини белгилаш бўйича ўрнатилган тартибни бузиш фактларини профилактика қилиш ва олдини олиш, фармацевтика фаолиятининг алоҳида турларини лицензиялаш тартибини такомиллаштириш мақсадида:
1. 2017 йил 1 апрелдан фармацевтика фаолиятининг тури — дори воситалари ва тиббиёт буюмларини чакана сотишни лицензиялаш Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан амалга оширилиши белгилансин.
2. Белгилансинки:
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларида дори воситалари ва тиббиёт буюмларини чакана сотиш учун лицензия бериш бўйича ҳудудий комиссиялар (кейинги ўринларда ҳудудий комиссиялар деб аталади) ташкил этилади;
Қорақалпоғистон Республикаси Соғлиқни сақлаш вазирлиги, вилоятлар соғлиқни сақлаш бошқармалари ва Тошкент шаҳри Соғлиқни сақлаш бош бошқармаси ҳудудий комиссияларнинг ишчи органи ҳисобланади.
3. Ўзбекистон Республикаси Соғлиқни сақлаш вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда ҳудудий комиссияларнинг ишчи органлари ишини ташкил этиш ва фаолиятини мувофиқлаштириш бўйича зарур чора-тадбирларни амалга оширсин.
4. Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳамда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти дори-дармон воситалари ва тиббиёт буюмларининг чакана савдоси билан шуғулланувчи ташкилотлар нархнинг давлат томонидан белгиланган тартибига риоя этишини тизимли асосда назорат қилишни таъминласин.
5. Ўзбекистон Республикаси Вазирлар Маҳкамаси 2017 йил 1 апрелга қадар:
Дори воситалари ва тиббиёт буюмларини чакана сотишни лицензиялаш тартиби тўғрисидаги низомни;
Дори воситалари ва тиббиёт буюмларини чакана сотиш учун лицензия бериш бўйича ҳудудий комиссиялар тўғрисидаги низомни;
Дори воситалари ва тиббиёт буюмларини чакана сотиш учун лицензия бериш бўйича ҳудудий комиссияларнинг Намунавий таркибини тасдиқласин.
6. Ўзбекистон Республикаси Президентининг айрим ҳужжатларига ва Ўзбекистон Республикаси Ҳукуматининг айрим қарорларига иловага мувофиқ ўзгартириш ва қўшимчалар киритилсин.
7. Ўзбекистон Республикаси Соғлиқни сақлаш вазирлиги Хусусийлаштириш, монополиядан чиқариш ва рақобатни ривожлантириш давлат қўмитаси, манфаатдор вазирлик ва идоралар билан биргаликда икки ҳафта муддатда қонун ҳужжатларига ушбу қарордан келиб чиқадиган ўзгартириш ва қўшимчалар юзасидан таклифлар киритсин.
8. Ушбу қарорнинг ижросини назорат қилиш Ўзбекистон Республикасининг Бош вазири А.Н. Арипов ҳамда Ўзбекистон Республикаси Бош прокурори И.Б. Абдуллаев зиммасига юклансин.
Ўзбекистон Республикаси Президентининг 2017 йил 14 февралдаги ПҚ-2773-сон қарорига ИЛОВА
Ўзбекистон Республикаси Президентининг айрим ҳужжатларига ва Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг «Аҳолини дори-дармон воситалари ва тиббиёт буюмлари билан таъминлашни янада яхшилашга доир чора-тадбирлар тўғрисида»ги 2016 йил 31 октябрдаги ПҚ-2647-сон қарорининг 7-банди қуйидаги таҳрирда баён этилсин:
«7. Ўзбекистон Республикаси Хусусийлаштириш, монополиядан чиқариш ва рақобатни ривожлантириш давлат қўмитаси ва унинг ҳудудий бўлимлари зиммасига дори-дармон воситалари ва тиббиёт буюмларининг улгуржи ва чакана савдоси билан шуғулланувчи ташкилотлар улар нархининг давлат томонидан белгиланган тартибга риоя этишини тизимли асосда назорат қилиш вазифаси юклансин.
Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаменти:
фаолиятининг ўзига хос хусусиятини ҳисобга олган ҳолда дори-дармон воситалари ва тиббиёт буюмларининг улгуржи ва чакана савдоси билан шуғулланувчи ташкилотлар улар нархининг давлат томонидан белгиланган тартибига риоя этиши устидан назоратни ташкил этсин ҳамда унинг бузилиши аниқланганда қонун ҳужжатларига мувофиқ чоралар кўриш учун тегишли материалларни, шу жумладан текшириш учун харид қилиш ва назорат остида олиш бўйича материалларни лицензияловчи органга киритиш;
сифатсиз ёки қалбакилаштирилган дори-дармон воситалари ва тиббиёт буюмларини муомалага чиқаришга қарши курашиш бўйича ишларни кучайтирсин».
2. Вазирлар Маҳкамасининг 1994 йил 6 августдаги 404-сон қарори билан тасдиқланган Республика дорихона муассасаларида дори-дармонлар ва тиббий буюмлар сотиш қоидалари қуйидаги мазмундаги 8 1 ва 8 2 -бандлари билан тўлдирилсин:
«8 1 . Дорихона муассасалари идоравий мансублигидан ва мулкчилик шаклидан қатъи назар белгиланган нархлари билан Ижтимоий аҳамиятга эга дори-дармон воситалари ва тиббиёт буюмларининг тасдиқланган рўйхатини давлат ва рус тилларида 12-шрифт ўлчамидан кам бўлмаган ўлчамда кўринадиган жойга осиб қўйишлари шарт.
8 2 . Дори-дармон воситалари ёки тиббиёт буюмлари билан бирга сотиб олувчига идентификацион маълумотлар (номи, дозаси, қадоқлаш, миқдори) билан бирга дори-дармон воситалари ёки тиббиёт буюмларининг номи, уларни берувчи шахсга оид маълумотлар, бериш санаси ва нархи кўрсатилган товар чеки берилади.
Қонун ҳужжатларида белгиланган тартибда ҳуқуқни муҳофаза қилувчи органлар томонидан ўтказилган текшириш учун харид қилиш ёки назорат остида олиш натижалари бўйича олинган дори-дармон воситалари ва тиббиёт буюмларининг нархини белгилаш бўйича тартибни бузиш фактини тасдиқловчи товар ва касса чеклари дорихона муассасасининг лицензиясини тўхтатиб туриш ёки тугатиш учун асослардан бири бўлиб хизмат қилади».
3. Вазирлар Маҳкамасининг 2010 йил 13 майдаги 91-сон қарори билан тасдиқланган Фармацевтика фаолиятини лицензиялаш тартиби тўғрисидаги низомда (Ўзбекистон Республикаси ҚТ, 2010 й., 5-сон, 21-модда):
а) қуйидаги мазмундаги 7 1 -банди билан тўлдирилсин:
«7 1 . Лицензияловчи орган қонун ҳужжатларини бузиши, шу жумладан дори-дармон воситалари ва тиббиёт буюмларининг нархини белгилаш тартиби қўпол бузилганлиги оқибатида лицензияси тугатилган дорихона муассасаларининг манзиллар реестри ва ходимлар реестрини (кейинги ўринларда манзиллар реестри ва ходимлар реестри деб юритилади) шакллантиради.
Манзиллар реестри ва ходимлар реестрига киритилган маълумотлар улар киритилган вақтдан эътиборан уч йил ўтганидан сўнг чиқариб ташланади»;
б) 8-банд қуйидаги мазмунда баён этилсин:
«8. Фармацевтика фаолиятини амалга оширишда лицензиат қуйидагиларга мажбур:
фармацевтика фаолияти тўғрисидаги қонун ҳужжатларига, шу жумладан дори-дармон воситалари ва тиббиёт буюмлари нархининг давлат томонидан белгиланган тартибига риоя этиш;
ходимлар реестрига киритилмаган шахслардан ходимлар таркибини шакллантириш;
фаолиятни лицензияда кўрсатилган доирада, шунингдек лицензия битимига мувофиқ манзил (манзиллар) бўйича амалга ошириш, манзиллар реестрига киритилган манзиллар бундан мустасно;
лицензияланаётган фаолиятни амалга ошириш учун мўлжалланган, ўзига мулк ҳуқуқи билан ёки бошқа қонуний асосда тегишли бўлган ҳамда санитария қоидалари ва нормаларига мувофиқ хоналарга эга бўлиш;
лицензияланадиган аниқ фаолият турини амалга ошириш учун шарт- шароитлар яратиш, шу жумладан тегишли моддий-техник базадан, асбоб-ускуналардан, бошқа техник воситалардан фойдаланиш;
дори-дармон воситалари ва тиббиёт буюмларини ишлаб чиқариш, тайёрлаш ва сотиш бўйича Ўзбекистон Республикаси Соғлиқни сақлаш вазирлиги томонидан тасдиқланган норматив ҳужжатлар талабларига риоя қилиш;
экология ҳамда санитария-гигиена нормалари ва қоидаларига риоя этиш.
Дори-дармон воситаларини тайёрлашда лицензиат, шунингдек дори-дармон воситаларини анализ қилиш учун ваколатли назорат-таҳлил лабораторияси билан шартнома тузиши шарт».
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 14 февраль,
ПҚ-2773-сон
Oʻzbekiston Respublikasi Prezidentining
Qarori
Dori vositalarini va tibbiyot buyumlarini sotish, farmatsevtika faoliyatini litsenziyalash tartibini yanada takomillashtirish chora-tadbirlari toʻgʻrisida
Respublikada keyingi yillarda aholini arzon sifatli dori-darmon vositalari va tibbiyot buyumlari bilan taʼminlashga, ijtimoiy ahamiyatga ega dori-darmon vositalari va tibbiyot buyumlarini belgilangan narxlarda sotishga, ularga cheklangan savdo ustamalarini belgilashga, mahalliy farmatsevtika sohasini rivojlantirishga yoʻnaltirilgan kompleks chora-tadbirlar koʻrildi.
Shu bilan birga, oʻtkazilgan oʻrganish yakunlari dori-darmon vositalari va tibbiyot buyumlarini oshirilgan narxlarda chakana sotish faktlarini profilaktika qilish hamda oldini olish samaradorligi pastligi, ijtimoiy ahamiyatga ega dori-darmon vositalari va tibbiyot buyumlari narxining davlat tomonidan belgilangan tartibiga rioya etishni taʼminlash boʻyicha mavjud imkoniyatlardan yetarli darajada foydalanilmasdan kelinayotganligidan dalolat bermoqda.
Qayd etilganlar dori-darmon vositalari va tibbiyot buyumlarini chakana sotishni litsenziyalashning sifat jihatidan yangi tizimini joriy etishni, isteʼmolchilar huquqlarini himoya qilishning huquqiy mexanizmini, litsenziya talablari va shartlariga rioya etish ustidan nazoratni kuchaytirishni talab etmoqda.
Aholining arzon sifatli dori-darmon vositalari va tibbiyot buyumlari bilan taʼminlanganlik darajasini yanada oshirish, ularning narxini belgilash boʻyicha oʻrnatilgan tartibni buzish faktlarini profilaktika qilish va oldini olish, farmatsevtika faoliyatining alohida turlarini litsenziyalash tartibini takomillashtirish maqsadida:
1. 2017-yil 1-apreldan farmatsevtika faoliyatining turi — dori vositalari va tibbiyot buyumlarini chakana sotishni litsenziyalash Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan amalga oshirilishi belgilansin.
2. Belgilansinki:
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarida dori vositalari va tibbiyot buyumlarini chakana sotish uchun litsenziya berish boʻyicha hududiy komissiyalar (keyingi oʻrinlarda hududiy komissiyalar deb ataladi) tashkil etiladi;
Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahri Sogʻliqni saqlash bosh boshqarmasi hududiy komissiyalarning ishchi organi hisoblanadi.
3. Oʻzbekiston Respublikasi Sogʻliqni saqlash vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda hududiy komissiyalarning ishchi organlari ishini tashkil etish va faoliyatini muvofiqlashtirish boʻyicha zarur chora-tadbirlarni amalga oshirsin.
4. Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi hamda Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti dori-darmon vositalari va tibbiyot buyumlarining chakana savdosi bilan shugʻullanuvchi tashkilotlar narxning davlat tomonidan belgilangan tartibiga rioya etishini tizimli asosda nazorat qilishni taʼminlasin.
5. Oʻzbekiston Respublikasi Vazirlar Mahkamasi 2017-yil 1-aprelga qadar:
Dori vositalari va tibbiyot buyumlarini chakana sotishni litsenziyalash tartibi toʻgʻrisidagi nizomni;
Dori vositalari va tibbiyot buyumlarini chakana sotish uchun litsenziya berish boʻyicha hududiy komissiyalar toʻgʻrisidagi nizomni;
Dori vositalari va tibbiyot buyumlarini chakana sotish uchun litsenziya berish boʻyicha hududiy komissiyalarning Namunaviy tarkibini tasdiqlasin.
6. Oʻzbekiston Respublikasi Prezidentining ayrim hujjatlariga va Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.
7. Oʻzbekiston Respublikasi Sogʻliqni saqlash vazirligi Xususiylashtirish, monopoliyadan chiqarish va raqobatni rivojlantirish davlat qoʻmitasi, manfaatdor vazirlik va idoralar bilan birgalikda ikki hafta muddatda qonun hujjatlariga ushbu qarordan kelib chiqadigan oʻzgartirish va qoʻshimchalar yuzasidan takliflar kiritsin.
8. Ushbu qarorning ijrosini nazorat qilish Oʻzbekiston Respublikasining Bosh vaziri A.N. Aripov hamda Oʻzbekiston Respublikasi Bosh prokurori I.B. Abdullayev zimmasiga yuklansin.
Oʻzbekiston Respublikasi Prezidentining 2017-yil 14-fevraldagi PQ-2773-son qaroriga ILOVA
Oʻzbekiston Respublikasi Prezidentining ayrim hujjatlariga va Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining “Aholini dori-darmon vositalari va tibbiyot buyumlari bilan taʼminlashni yanada yaxshilashga doir chora-tadbirlar toʻgʻrisida”gi 2016-yil 31-oktabrdagi PQ-2647-son qarorining 7-bandi quyidagi tahrirda bayon etilsin:
“7. Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi va uning hududiy boʻlimlari zimmasiga dori-darmon vositalari va tibbiyot buyumlarining ulgurji va chakana savdosi bilan shugʻullanuvchi tashkilotlar ular narxining davlat tomonidan belgilangan tartibga rioya etishini tizimli asosda nazorat qilish vazifasi yuklansin.
Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti:
faoliyatining oʻziga xos xususiyatini hisobga olgan holda dori-darmon vositalari va tibbiyot buyumlarining ulgurji va chakana savdosi bilan shugʻullanuvchi tashkilotlar ular narxining davlat tomonidan belgilangan tartibiga rioya etishi ustidan nazoratni tashkil etsin hamda uning buzilishi aniqlanganda qonun hujjatlariga muvofiq choralar koʻrish uchun tegishli materiallarni, shu jumladan tekshirish uchun xarid qilish va nazorat ostida olish boʻyicha materiallarni litsenziyalovchi organga kiritish;
sifatsiz yoki qalbakilashtirilgan dori-darmon vositalari va tibbiyot buyumlarini muomalaga chiqarishga qarshi kurashish boʻyicha ishlarni kuchaytirsin”.
2. Vazirlar Mahkamasining 1994-yil 6-avgustdagi 404-son qarori bilan tasdiqlangan Respublika dorixona muassasalarida dori-darmonlar va tibbiy buyumlar sotish qoidalari quyidagi mazmundagi 8 1 va 8 2 -bandlari bilan toʻldirilsin:
“8 1 . Dorixona muassasalari idoraviy mansubligidan va mulkchilik shaklidan qatʼi nazar belgilangan narxlari bilan Ijtimoiy ahamiyatga ega dori-darmon vositalari va tibbiyot buyumlarining tasdiqlangan roʻyxatini davlat va rus tillarida 12-shrift oʻlchamidan kam boʻlmagan oʻlchamda koʻrinadigan joyga osib qoʻyishlari shart.
8 2 . Dori-darmon vositalari yoki tibbiyot buyumlari bilan birga sotib oluvchiga identifikatsion maʼlumotlar (nomi, dozasi, qadoqlash, miqdori) bilan birga dori-darmon vositalari yoki tibbiyot buyumlarining nomi, ularni beruvchi shaxsga oid maʼlumotlar, berish sanasi va narxi koʻrsatilgan tovar cheki beriladi.
Qonun hujjatlarida belgilangan tartibda huquqni muhofaza qiluvchi organlar tomonidan oʻtkazilgan tekshirish uchun xarid qilish yoki nazorat ostida olish natijalari boʻyicha olingan dori-darmon vositalari va tibbiyot buyumlarining narxini belgilash boʻyicha tartibni buzish faktini tasdiqlovchi tovar va kassa cheklari dorixona muassasasining litsenziyasini toʻxtatib turish yoki tugatish uchun asoslardan biri boʻlib xizmat qiladi”.
3. Vazirlar Mahkamasining 2010-yil 13-maydagi 91-son qarori bilan tasdiqlangan Farmatsevtika faoliyatini litsenziyalash tartibi toʻgʻrisidagi nizomda (Oʻzbekiston Respublikasi QT, 2010-y., 5-son, 21-modda):
a) quyidagi mazmundagi 7 1 -bandi bilan toʻldirilsin:
“7 1 . Litsenziyalovchi organ qonun hujjatlarini buzishi, shu jumladan dori-darmon vositalari va tibbiyot buyumlarining narxini belgilash tartibi qoʻpol buzilganligi oqibatida litsenziyasi tugatilgan dorixona muassasalarining manzillar reyestri va xodimlar reyestrini (keyingi oʻrinlarda manzillar reyestri va xodimlar reyestri deb yuritiladi) shakllantiradi.
Manzillar reyestri va xodimlar reyestriga kiritilgan maʼlumotlar ular kiritilgan vaqtdan eʼtiboran uch yil oʻtganidan soʻng chiqarib tashlanadi”;
b) 8-band quyidagi mazmunda bayon etilsin:
“8. Farmatsevtika faoliyatini amalga oshirishda litsenziat quyidagilarga majbur:
farmatsevtika faoliyati toʻgʻrisidagi qonun hujjatlariga, shu jumladan dori-darmon vositalari va tibbiyot buyumlari narxining davlat tomonidan belgilangan tartibiga rioya etish;
xodimlar reyestriga kiritilmagan shaxslardan xodimlar tarkibini shakllantirish;
faoliyatni litsenziyada koʻrsatilgan doirada, shuningdek litsenziya bitimiga muvofiq manzil (manzillar) boʻyicha amalga oshirish, manzillar reyestriga kiritilgan manzillar bundan mustasno;
litsenziyalanayotgan faoliyatni amalga oshirish uchun moʻljallangan, oʻziga mulk huquqi bilan yoki boshqa qonuniy asosda tegishli boʻlgan hamda sanitariya qoidalari va normalariga muvofiq xonalarga ega boʻlish;
litsenziyalanadigan aniq faoliyat turini amalga oshirish uchun shart- sharoitlar yaratish, shu jumladan tegishli moddiy-texnik bazadan, asbob-uskunalardan, boshqa texnik vositalardan foydalanish;
dori-darmon vositalari va tibbiyot buyumlarini ishlab chiqarish, tayyorlash va sotish boʻyicha Oʻzbekiston Respublikasi Sogʻliqni saqlash vazirligi tomonidan tasdiqlangan normativ hujjatlar talablariga rioya qilish;
ekologiya hamda sanitariya-gigiyena normalari va qoidalariga rioya etish.
Dori-darmon vositalarini tayyorlashda litsenziat, shuningdek dori-darmon vositalarini analiz qilish uchun vakolatli nazorat-tahlil laboratoriyasi bilan shartnoma tuzishi shart”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 14-fevral,
PQ-2773-son
Президента Республики Узбекистан
Постановление
О мерах по дальнейшему совершенствованию порядка реализации лекарственных средств и изделий медицинского назначения, лицензирования фармацевтической деятельности
В республике за последние годы приняты комплексные меры, направленные на обеспечение населения доступными качественными лекарственными средствами и изделиями медицинского назначения, установление предельных торговых надбавок, фиксированных цен на социально значимые лекарственные средства и изделия медицинского назначения, развитие отечественной фармацевтической отрасли.
Вместе с тем итоги проведенного изучения свидетельствуют о низкой эффективности профилактики и предупреждения фактов розничной реализации лекарственных средств и изделий медицинского назначения по завышенной стоимости, недостаточном использовании имеющихся возможностей по обеспечению соблюдения установленного порядка государственного регулирования цен на социально значимые лекарственные средства и изделия медицинского назначения.
Вышеуказанное требует внедрения качественно новой системы лицензирования розничной реализации лекарственных средств и изделий медицинского назначения, усиления правовых механизмов защиты прав потребителей и контроля за соблюдением лицензионных требований и условий.
В целях дальнейшего повышения уровня обеспеченности населения доступными качественными лекарственными средствами и изделиями медицинского назначения, профилактики и предупреждения фактов нарушения установленного порядка ценообразования на них, совершенствования порядка лицензирования отдельных видов фармацевтической деятельности:
1. Установить, что с 1 апреля 2017 года лицензирование вида фармацевтической деятельности — розничная реализация лекарственных средств и изделий медицинского назначения осуществляется Советом Министров Республики Каракалпакстан, хокимиятами областей и г. Ташкента.
2. Определить что:
в Совете Министров Республики Каракалпакстан, хокимиятах областей и г. Ташкента образуются территориальные комиссии по выдаче лицензий на розничную реализацию лекарственных средств и изделий медицинского назначения (далее — территориальные комиссии);
рабочими органами территориальных комиссий являются Министерство здравоохранения Республики Каракалпакстан, территориальные управления здравоохранения и Главное управление здравоохранения г. Ташкента.
3. Министерству здравоохранения Республики Узбекистан совместно с Советом Министров Республики Каракалпакстан, хокимиятами областей и г. Ташкента осуществить необходимые мероприятия по организации работы и координации деятельности рабочих органов территориальных комиссий.
4. Комитету по развитию конкуренции и защите прав потребителей Республики Узбекистан и Департаменту по борьбе с экономическими преступлениями при Генеральной прокуратуре Республики Узбекистан обеспечить системный контроль за соблюдением установленного порядка государственного регулирования цен розничными организациями, реализующими лекарственные средства и изделия медицинского назначения.
5. Кабинету Министров Республики Узбекистан в срок до 1 апреля 2017 года утвердить:
Положение о порядке лицензирования розничной реализации лекарственных средств и изделий медицинского назначения;
Положение о территориальной комиссии по лицензированию розничной реализации лекарственных средств и изделий медицинского назначения;
Типовой состав территориальной комиссии по лицензированию розничной реализации лекарственных средств и изделий медицинского назначения.
6. Внести изменения и дополнения в некоторые акты Президента Республики Узбекистан и решения Правительства Республики Узбекистан согласно приложению .
7. Министерству здравоохранения Республики Узбекистан совместно с Государственным комитетом Республики Узбекистан по приватизации, демонополизации и развитию конкуренции, заинтересованными министерствами и ведомствами в двухнедельный срок внести предложения по внесению изменений и дополнений в законодательство, вытекающих из настоящего постановления.
8. Контроль за исполнением настоящего постановления возложить на Премьер-министра Республики Узбекистан А.Н. Арипова и Генерального прокурора Республики Узбекистан И.Б. Абдуллаева.
ПРИЛОЖЕНИЕ к постановлению Президента Республики Узбекистан от 14 февраля 2017 года № ПП-2773
Изменения и дополнения, вносимые в некоторые акты Президента Республики Узбекистан и решения Правительства Республики Узбекистан
1. Пункт 7 постановления Президента Республики Узбекистан от 31 октября 2016 года № ПП-2647 «О мерах по дальнейшему улучшению обеспечения населения лекарственными средствами и изделиями медицинского назначения» изложить в следующей редакции:
«7. Возложить на Государственный комитет Республики Узбекистан по приватизации, демонополизации и развитию конкуренции и его территориальные подразделения ответственность по осуществлению системного контроля за соблюдением оптовыми и розничными организациями, реализующими лекарственные средства и изделия медицинского назначения, установленного порядка государственного регулирования цен на них.
Департаменту по борьбе с налоговыми, валютными преступлениями и легализацией преступных доходов при Генеральной прокуратуре Республики Узбекистан:
с учетом специфики деятельности организовать контроль за соблюдением оптовыми и розничными организациями, реализующими лекарственные средства и изделия медицинского назначения, установленного порядка государственного регулирования цен на них, и при выявлении нарушений вносить в лицензирующий орган соответствующие материалы, в том числе проверочных закупок и контролируемых приобретений, для принятия мер в соответствии с законодательством;
усилить работу по борьбе с оборотом недоброкачественных либо фальсифицированных лекарственных средств и изделий медицинского назначения».
2. Правила реализации лекарственных средств и изделий медицинского назначения в аптечных учреждениях республики, утвержденные постановлением Кабинета Министров от 6 августа 1994 г. № 404, дополнить пунктами 8 1 и 8 2 следующего содержания:
«8 1 . Аптечные учреждения независимо от ведомственной принадлежности и формы собственности обязаны размещать на видном месте утвержденный Перечень социально значимых лекарственных средств и изделий медицинского назначения с фиксированными ценами на государственном и русском языках, размером шрифта не менее 12.
8 2 . Вместе с лекарственным средством или изделием медицинского назначения покупателю, наряду с кассовым чеком, выдается товарный чек, в котором указываются наименование лекарственного средства или изделия медицинского назначения с идентификационными сведениями (наименование, дозировка, расфасовка, количество), данные лица, осуществляющего его отпуск, дата отпуска и цена.
Товарный и кассовый чеки, полученные по результатам проверочной закупки или контролируемого приобретения, проведенного правоохранительными органами в установленном законодательством порядке, удостоверяющие факт реализации лекарственного средства или изделия медицинского назначения с нарушением порядка ценообразования, могут служить одним из оснований для приостановления или прекращения действия лицензии аптечного учреждения».
3. Положение о порядке лицензирования фармацевтической деятельности, утвержденное постановлением Кабинета Министров от 13 мая 2010 г. № 91 (СП Республики Узбекистан, 2010 г., № 5, ст. 21):
а) дополнить пунктом 7 1 следующего содержания:
«7 1 . Лицензирующий орган формирует реестр адресов и реестр работников аптечных учреждений, действие лицензии которых было прекращено вследствие выявленных нарушений законодательства (далее — реестр адресов и реестр работников), в том числе за грубое нарушение порядка ценообразования лекарственных средств и изделий медицинского назначения.
Сведения, внесенные в реестр адресов и реестр работников, исключаются из них по истечении трех лет с момента их внесения»;
б) пункт 8 изложить в следующей редакции:
«8. При осуществлении фармацевтической деятельности лицензиат обязан:
соблюдать законодательство о фармацевтической деятельности, в том числе установленный порядок государственного регулирования цен на лекарственные средства и изделия медицинского назначения;
формировать персонал из лиц, не включенных в реестр работников;
осуществлять деятельность в пределах указанной в лицензии, а также по адресу (адресам) в соответствии с лицензионным соглашением, за исключением адресов, включенных в реестр адресов;
иметь предназначенные для выполнения лицензируемой деятельности помещения, принадлежащие ему на праве собственности или ином законном основании и соответствующие санитарным правилам и нормам;
создавать условия осуществления конкретного лицензируемого вида деятельности, включая использование соответствующей материально- технической базы, оборудования, иных технических средств;
соблюдать требования нормативных документов, утвержденных Министерством здравоохранения Республики Узбекистан по производству, изготовлению и реализации лекарственных средств и изделий медицинского назначения;
соблюдать экологические и санитарно-гигиенические нормы и правила.
При изготовлении лекарственных средств лицензиат также обязан заключить договор на проведение анализов лекарственных средств с уполномоченной контрольно-аналитической лабораторией».
Президент Республики Узбекистан Ш. МИРЗИЁЕВ
г. Ташкент,
14 февраля 2017 г.,
№ ПП-2773