UzbekAI

Ўзбекистон Республикаси Давлат божхона қўмитаси Ўзбекистон Республикаси Ички ишлар вазирлигининг

Қарори

Божхона чегарасидан олиб ўтилаётган автотранспорт воситаларини божхона расмийлаштирувидан ўтказиш тартиби тўғрисида низомга ўзгартиришлар киритиш ҳақида

Ўзбекистон Республикасининг Божхона кодекси ва Ўзбекистон Республикаси Вазирлар Маҳкамасининг 2016 йил 20 июндаги 212-сон «Божхона божлари ва солиқлар тўлашдан шартли озод этиладиган вақтинча олиб кирилаётган айрим товарларнинг рўйхатини, уларни озод этиш шартларини, шунингдек имтиёзларнинг амал қилиш муддатларини тасдиқлаш тўғрисида»ги қарорига мувофиқ Ўзбекистон Республикаси Давлат божхона қўмитаси ва Ички ишлар вазирлиги қарор қилади:

1. Ўзбекистон Республикаси Давлат божхона қўмитаси ва Ички ишлар вазирлигининг 2010 йил 28 октябрдаги 01-02/12-8, 20-сон қарори (рўйхат рақами 2156, 2010 йил 19 ноябрь) (Ўзбекистон Республикаси қонун ҳужжатлари тўплами, 2010 й., 47-сон, 439-модда) билан тасдиқланган Божхона чегарасидан олиб ўтилаётган автотранспорт воситаларини божхона расмийлаштирувидан ўтказиш тартиби тўғрисидаги низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Ўзбекистон Республикаси Давлат божхона қўмитаси ва Ички ишлар вазирлигининг 2017 йил 30 январдаги 01-02/12-2, 1-сон қарорига ИЛОВА

Божхона чегарасидан олиб ўтилаётган автотранспорт воситаларини божхона расмийлаштирувидан ўтказиш тартиби тўғрисида низомга киритилаётган ўзгартиришлар

1. Муқаддима қуйидаги таҳрирда баён этилсин:

«Мазкур Низом Ўзбекистон Республикаси Божхона кодексига, Ўзбекистон Республикаси «Давлат божхона хизмати тўғрисида»ги Қонунининг 6-моддасига, Ўзбекистон Республикаси Вазирлар Маҳкамасининг 1996 йил 21 ноябрдаги 408-сон «Хорижий фуқароларнинг ва фуқаролиги бўлмаган шахсларнинг Ўзбекистон Республикасига келишлари, кетишлари, бу ерда бўлишлари ва транзит ўтишлари тартиби тўғрисида»ги, 2016 йил 20 июндаги 212-сон «Божхона божлари ва солиқлар тўлашдан шартли озод этиладиган вақтинча олиб кирилаётган айрим товарларнинг рўйхатини, уларни озод этиш шартларини, шунингдек имтиёзларнинг амал қилиш муддатларини тасдиқлаш тўғрисида»ги қарорларига мувофиқ божхона чегарасидан олиб ўтилаётган автотранспорт воситаларини божхона расмийлаштирувидан ўтказиш тартибини белгилайди.».

2. 2-бандда :

ўнинчи ва ўн биринчи хатбошилар чиқариб ташлансин;

ўн иккинчи – ўн еттинчи хатбошилар тегишинча ўнинчи – ўн бешинчи хатбошилар деб ҳисоблансин.

3. 14-банддаги «автотранспорт воситасига» деган сўзлар «шахсга» деган сўз билан алмаштирилсин.

4. 15-бандда :

биринчи хатбоши қуйидаги таҳрирда баён этилсин:

«Хорижий автотранспорт воситасининг божхона ҳудудида туришининг умумий муддати календарь йил мобайнида жами тўқсон календарь кундан ошмаслиги лозим, халқаро юк ва йўловчи ташишда қўлланиладиган автотранспорт воситаси бундан мустасно. Мазкур Низомнинг 16-бандида кўрсатилган йиғимни тўлаган ҳолда хорижий автотранспорт воситасини ушбу муддатдан ортиқроқ муддатга вақтинча олиб киришга йўл қўйилади.»;

иккинчи хатбошидаги «уч ойдан» деган сўзлар «олиб кирилган санадан эътиборан тўқсон календарь кундан» деган сўзлар билан алмаштирилсин.

5. 16-банддаги «Ўзбекистон Республикасига олиб кирилишида ушбу автотранспорт воситасига товар сифатида олиб кирилаётган деб қаралади» деган сўзлар «Ўзбекистон Республикасида бўлишига қайтариб олиб чиқиб кетиш муддати ўтган ҳар бир кун учун двигатель ҳажмининг ҳар куб. сантиметридан — 0,01 АҚШ доллари миқдорида йиғимни тўлаш шарти билан йўл қўйилади» деган сўзлар билан алмаштирилсин.

6. 17 ва 18-бандлар қуйидаги таҳрирда баён этилсин:

«17. Вақтинча олиб кириш муддати тугашидан олдин ушбу муддатини узайтириш учун хорижий автотранспорт воситасининг ҳайдовчиси белгиланган муддат тугашидан аввал Ўзбекистон Республикаси Давлат божхона қўмитасининг мазкур хорижий автотранспорт воситаси турган жойдаги ҳудудий бошқармасига муддатни узайтиришни сўраб мурожаат қилиши лозим.

Мурожаатга божхона органларининг ҳисоб рақамига мазкур Низомнинг 16-бандида кўрсатилган йиғим тўланганлигини тасдиқловчи ваколатли банк томонидан берилган ҳужжат нусхаси илова қилинади.

Давлат божхона қўмитасининг тегишли ҳудудий бошқармаси вақтинча олиб кириш муддатини йиғим қанча муддат учун тўланган бўлса, шунча муддатга узайтиради ва «Авто» ЯААТда аввал киритилган муддатни ўзгартиради.

18. Хорижий автотранспорт воситасининг ҳайдовчиси мазкур Низомнинг 17-бандида белгиланган тартибда вақтинча олиб кириш муддатини узайтириш бўйича мурожаат қилмаса, унга нисбатан қонунчиликда белгиланган чоралар кўрилиши билан бир қаторда ушбу Низомнинг 16-бандида кўрсатилган йиғим ундирилади, халқаро юк ва йўловчи ташишда қўлланиладиган автотранспорт воситаси бундан мустасно.».

7. 20-банд қуйидаги таҳрирда баён этилсин:

«20. Хорижий автотранспорт воситасини олиб чиқиш муддатини бузганлик учун тегишли чора кўрилиб, йиғим тўлиқ ундирилгунга қадар автотранспорт воситаси давлат божхона хизматининг ҳудудий органи ёки божхона пости томонидан белгиланадиган жойларда вақтинча сақланиши лозим.

Йиғим қуйидаги ҳолларда тўланмайди:

божхона органлари томонидан белгиланадиган жойларда вақтинча сақлаш даври учун;

агар вақтинча олиб кирилган автотранспорт воситаси хатланган, мусодара қилинган, авария ёки енгиб бўлмас куч таъсири оқибатида фойдаланиш учун яроқсиз ҳолга келиб қолган ва бу ваколатли орган томонидан тасдиқланган бўлса.».

8. III боб , 53 , 58 , 59 , 61 ва 62-бандлар ҳамда 4-илова ўз кучини йўқотган деб топилсин.

9. 50-банддаги «ЮЕБНК ёки ХЙТ китобчаси» деган сўзлар «товарни етказиб беришнинг назорат ҳужжати» деган сўзлар билан алмаштирилсин.

10. 52-банд қуйидаги таҳрирда баён этилсин:

«52. Товар сифатида олиб кирилган автотранспорт воситаси «эркин муомалага чиқариш» ёки «вақтинча олиб кириш» божхона режимига расмийлаштирилгандан сўнг, ТИФ божхона пости томонидан ушбу Низомнинг 5-иловасига мувофиқ Давлат божхона хизматининг ҳудудий органи томонидан ДЙҲХХнинг ҳудудий органларига электрон тарзда тақдим қилинадиган маълумотлар (кейинги ўринларда электрон маълумотлар деб юритилади) ДБҚнинг электрон базаси орқали шакллантирилади ва ДЙҲХХга реал вақт режимида юборилади.

ДЙҲХХнинг ҳудудий органларида рўйхатга олинмайдиган автотранспорт воситаларига электрон маълумотлар юборилмайди.».

11 . 55-банддаги «берилган гувоҳномада» деган сўзлар «шакллантирилган электрон маълумотларда» деган сўзлар билан алмаштирилсин.

12. 56-банддаги «гувоҳнома расмийлаштирилмайди» деган сўзлар «электрон маълумотлар юборилмайди» деган сўзлар билан алмаштирилсин.

13. 57-банд қуйидаги таҳрирда баён этилсин:

«57. Юридик ва жисмоний шахслар томонидан товар сифатида олиб кирилаётган автотранспорт воситаларини ДЙҲХХнинг ҳудудий органларида рўйхатдан ўтказиш учун асос электрон маълумотлар ҳамда БЮД ҳисобланади.

Ваколатли идоралар томонидан мусодара қилинган автотранспорт воситаларини ДЙҲХХнинг ҳудудий органларида рўйхатдан ўтказиш учун Давлат божхона хизматининг ҳудудий органи томонидан ДЙҲХХнинг ҳудудий органларига электрон тарзда тақдим қилинадиган маълумотлар ва БЮД талаб этилмайди.

«Эркин муомалага чиқариш» божхона режимига расмийлаштирилган автотранспорт воситалари учун шакллантирилган электрон маълумотлар 3 йил давомида, «вақтинча олиб кириш» божхона режимига расмийлаштирилган автотранспорт воситалари учун шакллантирилган электрон маълумотлар эса вақтинча олиб кириш муддати тугагандан сўнг 3 йил давомида божхона органларининг маълумотлар базасида сақланади.

ДЙҲХХнинг ҳудудий органларида автотранспорт воситаларини қайд этиш ва бошқа ўзгартиришлар киритиш учун асос бўлиб хизмат қилган ҳужжатлар (маълумотлар) тўплами 5 йил давомида сақланади.

«Вақтинча олиб кириш» божхона режимига расмийлаштирилган автотранспорт воситаларини ўзга шахсга фойдаланишга, эгалик қилишга бериш ёки ўзгача равишда ўтказиш электрон маълумотлар қайта расмийлаштирилгандан сўнг амалга оширилади.».

14. 5-илова мазкур ўзгартиришларнинг иловасига мувофиқ таҳрирда баён этилсин.

Божхона чегарасидан олиб ўтилаётган автотранспорт воситаларини божхона расмийлаштирувидан ўтказиш тартиби тўғрисидаги низомга киритилаётган ўзгартиришларга ИЛОВА

«Божхона чегарасидан олиб ўтилаётган автотранспорт воситаларини божхона расмийлаштирувидан ўтказиш тартиби тўғрисида низомга 5-ИЛОВА

Давлат божхона хизматининг ҳудудий органи томонидан ДЙҲХХнинг ҳудудий органларига электрон тарзда тақдим қилинадиган маълумотлар

1. Божхона органи номи.

2. БЮД рақами ва санаси.

3. Автотранспорт воситаси расмийлаштирилган божхона режимининг номи.

4. Автотранспорт тўғрисида маълумот:

тури, русуми;

ишлаб чиқарилган йили;

кузов рақами;

двигатель рақами;

шасси рақами.

5. Автотранспорт воситаси эгаси тўғрисидаги маълумотлар:

жисмоний шахс учун — унинг фамилияси, исми, отасининг исми ва доимий яшаш манзили, телефон рақами ҳамда шахсини тасдиқловчи ҳужжат ҳақидаги маълумотлар;

юридик шахс учун — унинг қисқача номи ва жойлашган ери (юридик манзили), телефон рақами ҳамда электрон почта манзили (мавжуд бўлса).

6. Автотранспорт воситаси вақтинча олиб кирилганда вақтинча олиб киришнинг якуний муддати.».

Давлат божхона қўмитаси раиси М. ТОХИРИЙ

Ички ишлар вазири А. АЗИЗОВ

Тошкент ш.,

2017 йил 30 январь,

Тошкент ш.,

2017 йил 30 январь,

01-02/12-2-сон

1-сон

(Ўзбекистон Республикаси қонун ҳужжатлари тўплами, 2017 й., 7-сон, 102-модда)

lex.uz

Oʻzbekiston Respublikasi Davlat bojxona qoʻmitasi Oʻzbekiston Respublikasi Ichki ishlar vazirligining

Qarori

Bojxona chegarasidan olib oʻtilayotgan avtotransport vositalarini bojxona rasmiylashtiruvidan oʻtkazish tartibi toʻgʻrisida nizomga oʻzgartirishlar kiritish haqida

Oʻzbekiston Respublikasining Bojxona kodeksi va Oʻzbekiston Respublikasi Vazirlar Mahkamasining 2016-yil 20-iyundagi 212-son “Bojxona bojlari va soliqlar toʻlashdan shartli ozod etiladigan vaqtincha olib kirilayotgan ayrim tovarlarning roʻyxatini, ularni ozod etish shartlarini, shuningdek imtiyozlarning amal qilish muddatlarini tasdiqlash toʻgʻrisida”gi qaroriga muvofiq Oʻzbekiston Respublikasi Davlat bojxona qoʻmitasi va Ichki ishlar vazirligi qaror qiladi:

1. Oʻzbekiston Respublikasi Davlat bojxona qoʻmitasi va Ichki ishlar vazirligining 2010-yil 28-oktabrdagi 01-02/12-8, 20-son qarori (roʻyxat raqami 2156, 2010-yil 19-noyabr) (Oʻzbekiston Respublikasi qonun hujjatlari toʻplami, 2010-y., 47-son, 439-modda) bilan tasdiqlangan Bojxona chegarasidan olib oʻtilayotgan avtotransport vositalarini bojxona rasmiylashtiruvidan oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston Respublikasi Davlat bojxona qoʻmitasi va Ichki ishlar vazirligining 2017-yil 30-yanvardagi 01-02/12-2, 1-son qaroriga ILOVA

Bojxona chegarasidan olib oʻtilayotgan avtotransport vositalarini bojxona rasmiylashtiruvidan oʻtkazish tartibi toʻgʻrisida nizomga kiritilayotgan oʻzgartirishlar

1. Muqaddima quyidagi tahrirda bayon etilsin:

“Mazkur Nizom Oʻzbekiston Respublikasi Bojxona kodeksiga, Oʻzbekiston Respublikasi “Davlat bojxona xizmati toʻgʻrisida”gi Qonunining 6-moddasiga, Oʻzbekiston Respublikasi Vazirlar Mahkamasining 1996-yil 21-noyabrdagi 408-son “Xorijiy fuqarolarning va fuqaroligi boʻlmagan shaxslarning Oʻzbekiston Respublikasiga kelishlari, ketishlari, bu erda boʻlishlari va tranzit oʻtishlari tartibi toʻgʻrisida”gi, 2016-yil 20-iyundagi 212-son “Bojxona bojlari va soliqlar toʻlashdan shartli ozod etiladigan vaqtincha olib kirilayotgan ayrim tovarlarning roʻyxatini, ularni ozod etish shartlarini, shuningdek imtiyozlarning amal qilish muddatlarini tasdiqlash toʻgʻrisida”gi qarorlariga muvofiq bojxona chegarasidan olib oʻtilayotgan avtotransport vositalarini bojxona rasmiylashtiruvidan oʻtkazish tartibini belgilaydi.”.

2. 2-bandda :

oʻninchi va oʻn birinchi xatboshilar chiqarib tashlansin;

oʻn ikkinchi – oʻn yettinchi xatboshilar tegishincha oʻninchi – oʻn beshinchi xatboshilar deb hisoblansin.

3. 14-banddagi “avtotransport vositasiga” degan soʻzlar “shaxsga” degan soʻz bilan almashtirilsin.

4. 15-bandda :

birinchi xatboshi quyidagi tahrirda bayon etilsin:

“Xorijiy avtotransport vositasining bojxona hududida turishining umumiy muddati kalendar yil mobaynida jami toʻqson kalendar kundan oshmasligi lozim, xalqaro yuk va yoʻlovchi tashishda qoʻllaniladigan avtotransport vositasi bundan mustasno. Mazkur Nizomning 16-bandida koʻrsatilgan yigʻimni toʻlagan holda xorijiy avtotransport vositasini ushbu muddatdan ortiqroq muddatga vaqtincha olib kirishga yoʻl qoʻyiladi.”;

ikkinchi xatboshidagi “uch oydan” degan soʻzlar “olib kirilgan sanadan eʼtiboran toʻqson kalendar kundan” degan soʻzlar bilan almashtirilsin.

5. 16-banddagi “Oʻzbekiston Respublikasiga olib kirilishida ushbu avtotransport vositasiga tovar sifatida olib kirilayotgan deb qaraladi” degan soʻzlar “Oʻzbekiston Respublikasida boʻlishiga qaytarib olib chiqib ketish muddati oʻtgan har bir kun uchun dvigatel hajmining har kub. santimetridan — 0,01 AQSh dollari miqdorida yigʻimni toʻlash sharti bilan yoʻl qoʻyiladi” degan soʻzlar bilan almashtirilsin.

6. 17 va 18-bandlar quyidagi tahrirda bayon etilsin:

“17. Vaqtincha olib kirish muddati tugashidan oldin ushbu muddatini uzaytirish uchun xorijiy avtotransport vositasining haydovchisi belgilangan muddat tugashidan avval Oʻzbekiston Respublikasi Davlat bojxona qoʻmitasining mazkur xorijiy avtotransport vositasi turgan joydagi hududiy boshqarmasiga muddatni uzaytirishni soʻrab murojaat qilishi lozim.

Murojaatga bojxona organlarining hisob raqamiga mazkur Nizomning 16-bandida koʻrsatilgan yigʻim toʻlanganligini tasdiqlovchi vakolatli bank tomonidan berilgan hujjat nusxasi ilova qilinadi.

Davlat bojxona qoʻmitasining tegishli hududiy boshqarmasi vaqtincha olib kirish muddatini yigʻim qancha muddat uchun toʻlangan boʻlsa, shuncha muddatga uzaytiradi va “Avto” YaAATda avval kiritilgan muddatni oʻzgartiradi.

18. Xorijiy avtotransport vositasining haydovchisi mazkur Nizomning 17-bandida belgilangan tartibda vaqtincha olib kirish muddatini uzaytirish boʻyicha murojaat qilmasa, unga nisbatan qonunchilikda belgilangan choralar koʻrilishi bilan bir qatorda ushbu Nizomning 16-bandida koʻrsatilgan yigʻim undiriladi, xalqaro yuk va yoʻlovchi tashishda qoʻllaniladigan avtotransport vositasi bundan mustasno.”.

7. 20-band quyidagi tahrirda bayon etilsin:

“20. Xorijiy avtotransport vositasini olib chiqish muddatini buzganlik uchun tegishli chora koʻrilib, yigʻim toʻliq undirilgunga qadar avtotransport vositasi davlat bojxona xizmatining hududiy organi yoki bojxona posti tomonidan belgilanadigan joylarda vaqtincha saqlanishi lozim.

Yigʻim quyidagi hollarda toʻlanmaydi:

bojxona organlari tomonidan belgilanadigan joylarda vaqtincha saqlash davri uchun;

agar vaqtincha olib kirilgan avtotransport vositasi xatlangan, musodara qilingan, avariya yoki yengib boʻlmas kuch taʼsiri oqibatida foydalanish uchun yaroqsiz holga kelib qolgan va bu vakolatli organ tomonidan tasdiqlangan boʻlsa.”.

8. III bob , 53 , 58 , 59 , 61 va 62-bandlar hamda 4-ilova oʻz kuchini yoʻqotgan deb topilsin.

9. 50-banddagi “YUYEBNK yoki XYT kitobchasi” degan soʻzlar “tovarni yetkazib berishning nazorat hujjati” degan soʻzlar bilan almashtirilsin.

10. 52-band quyidagi tahrirda bayon etilsin:

“52. Tovar sifatida olib kirilgan avtotransport vositasi “erkin muomalaga chiqarish” yoki “vaqtincha olib kirish” bojxona rejimiga rasmiylashtirilgandan soʻng, TIF bojxona posti tomonidan ushbu Nizomning 5-ilovasiga muvofiq Davlat bojxona xizmatining hududiy organi tomonidan DYHXXning hududiy organlariga elektron tarzda taqdim qilinadigan maʼlumotlar (keyingi oʻrinlarda elektron maʼlumotlar deb yuritiladi) DBQning elektron bazasi orqali shakllantiriladi va DYHXXga real vaqt rejimida yuboriladi.

DYHXXning hududiy organlarida roʻyxatga olinmaydigan avtotransport vositalariga elektron maʼlumotlar yuborilmaydi.”.

11 . 55-banddagi “berilgan guvohnomada” degan soʻzlar “shakllantirilgan elektron maʼlumotlarda” degan soʻzlar bilan almashtirilsin.

12. 56-banddagi “guvohnoma rasmiylashtirilmaydi” degan soʻzlar “elektron maʼlumotlar yuborilmaydi” degan soʻzlar bilan almashtirilsin.

13. 57-band quyidagi tahrirda bayon etilsin:

“57. Yuridik va jismoniy shaxslar tomonidan tovar sifatida olib kirilayotgan avtotransport vositalarini DYHXXning hududiy organlarida roʻyxatdan oʻtkazish uchun asos elektron maʼlumotlar hamda BYuD hisoblanadi.

Vakolatli idoralar tomonidan musodara qilingan avtotransport vositalarini DYHXXning hududiy organlarida roʻyxatdan oʻtkazish uchun Davlat bojxona xizmatining hududiy organi tomonidan DYHXXning hududiy organlariga elektron tarzda taqdim qilinadigan maʼlumotlar va BYuD talab etilmaydi.

“Erkin muomalaga chiqarish” bojxona rejimiga rasmiylashtirilgan avtotransport vositalari uchun shakllantirilgan elektron maʼlumotlar 3 yil davomida, “vaqtincha olib kirish” bojxona rejimiga rasmiylashtirilgan avtotransport vositalari uchun shakllantirilgan elektron maʼlumotlar esa vaqtincha olib kirish muddati tugagandan soʻng 3 yil davomida bojxona organlarining maʼlumotlar bazasida saqlanadi.

DYHXXning hududiy organlarida avtotransport vositalarini qayd etish va boshqa oʻzgartirishlar kiritish uchun asos boʻlib xizmat qilgan hujjatlar (maʼlumotlar) toʻplami 5 yil davomida saqlanadi.

“Vaqtincha olib kirish” bojxona rejimiga rasmiylashtirilgan avtotransport vositalarini oʻzga shaxsga foydalanishga, egalik qilishga berish yoki oʻzgacha ravishda oʻtkazish elektron maʼlumotlar qayta rasmiylashtirilgandan soʻng amalga oshiriladi.”.

14. 5-ilova mazkur oʻzgartirishlarning ilovasiga muvofiq tahrirda bayon etilsin.

Bojxona chegarasidan olib oʻtilayotgan avtotransport vositalarini bojxona rasmiylashtiruvidan oʻtkazish tartibi toʻgʻrisidagi nizomga kiritilayotgan oʻzgartirishlarga ILOVA

“Bojxona chegarasidan olib oʻtilayotgan avtotransport vositalarini bojxona rasmiylashtiruvidan oʻtkazish tartibi toʻgʻrisida nizomga 5-ILOVA

Davlat bojxona xizmatining hududiy organi tomonidan DYHXXning hududiy organlariga elektron tarzda taqdim qilinadigan maʼlumotlar

1. Bojxona organi nomi.

2. BYuD raqami va sanasi.

3. Avtotransport vositasi rasmiylashtirilgan bojxona rejimining nomi.

4. Avtotransport toʻgʻrisida maʼlumot:

turi, rusumi;

ishlab chiqarilgan yili;

kuzov raqami;

dvigatel raqami;

shassi raqami.

5. Avtotransport vositasi egasi toʻgʻrisidagi maʼlumotlar:

jismoniy shaxs uchun — uning familiyasi, ismi, otasining ismi va doimiy yashash manzili, telefon raqami hamda shaxsini tasdiqlovchi hujjat haqidagi maʼlumotlar;

yuridik shaxs uchun — uning qisqacha nomi va joylashgan yeri (yuridik manzili), telefon raqami hamda elektron pochta manzili (mavjud boʻlsa).

6. Avtotransport vositasi vaqtincha olib kirilganda vaqtincha olib kirishning yakuniy muddati.”.

Davlat bojxona qoʻmitasi raisi M. TOXIRIY

Ichki ishlar vaziri A. AZIZOV

Toshkent sh.,

2017-yil 30-yanvar,

Toshkent sh.,

2017-yil 30-yanvar,

01-02/12-2-son

1-son

(Oʻzbekiston Respublikasi qonun hujjatlari toʻplami, 2017-y., 7-son, 102-modda)

lex.uz