📅 2017-yil 15-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 15 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 февраля 2017 г. · Постановления Президента
Официальный текст. Официальный документ. Редакционные примечания не включены.
📅 15 February 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Пул муомаласини янада такомиллаштириш ва банк пластик карточкаларидан фойдаланган ҳолда ҳисоб-китобларни ривожлантириш чора-тадбирлари тўғрисида
Қайд этиб ўтилсинки, кўрилаётган чораларга қарамай, жойларда назорат-касса машиналари ва ҳисоб-китоб терминаллари ишлатилмаётганлиги сабабли чакана савдодан ва хизматлар кўрсатиш соҳасидан тижорат банкларининг кассаларига нақд пул маблағлари тушиши даражаси ҳамон пастлигича қолмоқда. Натижада нақд пул тушумининг каттагина қисми банкдан ташқари айланмага чиқиб кетмоқда.
Чакана савдо ва аҳолига пуллик хизматлар кўрсатиш соҳасида нақдсиз ҳисоб-китоблар тизимини янада такомиллаштириш, нақд пул маблағлари тўлиқ ҳисобга олиниши ва банк айланмасига жалб этилишини, истеъмолчиларнинг ҳуқуқ ва манфаатларига сўзсиз риоя этилишини таъминлаш мақсадида:
1. Шундай тартиб ўрнатилсинки, унга мувофиқ 2017 йилнинг 1 мартидан бошлаб чакана савдо ва аҳолига пуллик хизматлар кўрсатиш соҳасидаги тадбиркорлик субъектлари, шу жумладан якка тартибдаги тадбиркорлар аҳолидан тўловлар пластик карточкалар ёрдамида қабул қилинишини таъминлайдиган, ўрнатиш мажбурий бўлган ҳисоб-китоб терминалларини ўрнатмаган тақдирда ўз фаолиятларини амалга ошириш ҳуқуқига эга бўлмайдилар.
Товар ва хизматларни электрон тижорат, шу жумладан интернет-дўкон ва электрон савдо майдончалари орқали реализация қилувчи электрон тижорат субъектлари ўз фаолиятларини электрон чек ёки ҳақ олинганлигини тасдиқловчи бошқа ҳужжат юборишни таъминлайдиган виртуал терминалларни (E-POS) кўллаган ҳолда амалга ошириш ҳуқуқига эгадирлар;
Ўзбекистон Республикаси Давлат солиқ қўмитаси тижорат банклари, Ўзбекистон Банклар уюшмаси ва Ягона умумреспублика процессинг маркази билан биргаликда:
ўн кун муддатда чакана савдо ва пуллик хизматлар кўрсатиш объектларини ҳисоб-китоб терминаллари мавжудлиги бўйича инвентаризациядан ўтказсин;
инвентаризация якунларига кўра, жуда қисқа муддатларда зарур миқдордаги ҳисоб-китоб терминаллари ўрнатилишини, зарур ҳолларда, улар узлуксиз электр таъминотининг техник воситалари билан жиҳозланишини таъминласин;
тадбиркорлик субъектидан буюртманома тушган кундан бошлаб узоғи билан уч кун ичида янги ўрнатилаётган ҳисоб-китоб терминаллари рўйхатга олинишини таъминласин.
Шу билан бирга, доимий савдо жойларига эга бўлмаган ва вақтинчалик жойларда савдо қилувчи ҳунармандлар томонидан касса аппаратлари ва савдо терминалларидан фойдаланиш, шунингдек савдодан тушган нақд пул тушумини тижорат банкларига инкассация қилиш ихтиёрий тартибда амалга оширилади.
2. Белгилансинки:
чакана савдо ва хизматлар кўрсатиш соҳасидаги тадбиркорлик субъектлари сотилаётган товарлар нархини ҳамда кўрсатилаётган хизматлар ҳақини нақд пул маблағлари ёки пластик карточкалар бўйича тўлаш шаклига қараб уларни сунъий равишда оширган ёки пасайтирган тақдирда, бундай хатти-ҳаракатлар пластик карточкалар бўйича тўловларни қабул қилишда ҳисоб-китоб терминалларидан фойдаланиш борасида ўрнатилган тартибни бузиш ҳисобланади ва уларга нисбатан базавий ҳисоблаш миқдорининг 30 баравари миқдорида жарима солинади;
Ўзбекистон Республикаси Давлат солиқ қўмитаси тадбиркорлик субъектларини нақд пул маблағлари ёки пластик карточкалар бўйича тўлов шаклига қараб нархларни сунъий равишда ошириш ёки пасайтириш, назорат-касса машиналарини, ҳисоб-китоб терминалларини ишлатиш, шунингдек ўрнатилган тартибда талон ва чеклар бериш, нақд тушумни инкассация қилиш (банкларга топшириш) масалалари юзасидан, белгиланган тартибга мувофиқ, биринчи навбатда савдо комплексларида, чакана савдо ва хизматлар кўрсатиш ташкилотларида доимий асосда текширувларни ўтказиб турсин.
3. Ўзбекистон Республикаси Марказий банки ва тижорат банклари бир ой муддатда:
ҳисоб-китоб терминаллари билан жиҳозлаш ва улардан амалда фойдаланишни кенгайтириш учун янада қулай шарт-шароитлар яратишни назарда тутган ҳолда ҳисоб-китоб терминалларини тадбиркорлик субъектларига ижарага бериш ва уларга мулк сифатида сотиш механизмини қайта кўриб чиқсин;
тадбиркорлик субъектларининг истеъмол эҳтиёжи ва ишлаб чиқариш фаолиятини рағбатлантириш, шунингдек нақдсиз ҳисоб-китоблар тизимини янада ривожлантириш мақсадида пластик карточкалардан фойдаланган ҳолда аҳолини истеъмол соҳасида қисқа муддатли кредитлашнинг халқаро амалиётда қўлланиладиган замонавий механизмларини кенгайтириш юзасидан комплекс чора-тадбирларни ишлаб чиқсин ва тасдиқласин.
4. Тижорат банкларига, истисно тариқасида, 2017-2018 йиллар мобайнида Процессинг марказларининг техник тавсифномаларига мувофиқ, ҳисоб-китоб тўлов терминаллари, инфокиосклар, банкоматлар ва бошқа тегишли ускуналарга тендер-танлов савдоларини ўтказмасдан шартномалар тузиш ҳуқуқи берилсин.
5. Ўзбекистон Республикаси Ахборот технологиялари ва коммуникацияларини ривожлантириш вазирлиги «Ўзбекэнерго» АЖ билан биргаликда республиканинг тоғли ва олис ҳудудларига алоҳида эътибор берган ҳолда, тўловларни пластик карточкалар ёрдамида қабул қилиш бўйича ҳисоб-китоб терминаллари билан жиҳозланган чакана савдо ва хизматлар кўрсатиш объектларини сифатли ва узлуксиз алоқа билан таъминласин.
6. Ўзбекистон Республикаси Президентининг кадрлар бўйича маслаҳатчиси бўлинмалари:
Ўзбекистон Республикаси Президентининг Халқ қабулхоналари ва Виртуал қабулхонасига юридик ва жисмоний шахслардан банклардаги ҳисобварақлардан нақд маблағларни беришда ва пластик карточкалардан фойдаланиб, тўловларни амалга оширишда қоидабузарлик фактлари бўйича келиб тушган мурожаатларни кўриб чиқиш устидан тизимли мониторинг ва назоратни амалга оширсин;
Ўзбекистон Республикаси Марказий банки ва Солиқ қўмитаси билан биргаликда, мурожаатларда кўрсатилган фактлар тасдиқланган ҳолларда, уч кун муддатда уларни бартараф этиш ва айбдор шахсларни қонун ҳужжатларида ўрнатилган тартибда жавобгарликка тортиш юзасидан аниқ чоралар кўрсин.
7. Ўзбекистон Республикаси Давлат солиқ қўмитаси мунтазам асосда тадбиркорлик субъектлари орасида назорат-касса машиналарисиз ҳамда тўловларни пластик карточкалар орқали қабул қилиш бўйича ҳисоб-китоб терминалларисиз фаолиятни амалга оширганлик учун жавобгарлик чоралари тўғрисида, шу жумладан оммавий ахборот воситалари орқали тушунтириш ишларини олиб борсин.
8. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Ўзбекистон Матбуот ва ахборот агентлиги, Ўзбекистон Миллий телерадиокомпанияси, Давлат солиқ қўмитаси, Хусусийлаштириш, монополиядан чиқариш ва рақобатни ривожлантириш давлат қўмитаси, Савдо-саноат палатаси билан биргаликда бир ҳафта муддатда товарларни сотиш ва хизматлар ҳақини тўлашнинг ушбу қарордан келиб чиқадиган нормалари ва қоидаларини оммавий ахборот воситаларида ёритиш ҳамда бевосита аҳолига тушунтириш жадвалларини ишлаб чиқсин.
9. Ўзбекистон Республикаси Давлат солиқ қўмитаси, Марказий банки, Молия вазирлиги, Адлия вазирлиги манфаатдор вазирликлар ва идоралар билан биргаликда икки ҳафта муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Марказий банки раиси Ф.М. Муллажонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 15 февраль,
ПҚ-2777-сон
Oʻzbekiston Respublikasi Prezidentining
Qarori
Pul muomalasini yanada takomillashtirish va bank plastik kartochkalaridan foydalangan holda hisob-kitoblarni rivojlantirish chora-tadbirlari toʻgʻrisida
Qayd etib oʻtilsinki, koʻrilayotgan choralarga qaramay, joylarda nazorat-kassa mashinalari va hisob-kitob terminallari ishlatilmayotganligi sababli chakana savdodan va xizmatlar koʻrsatish sohasidan tijorat banklarining kassalariga naqd pul mablagʻlari tushishi darajasi hamon pastligicha qolmoqda. Natijada naqd pul tushumining kattagina qismi bankdan tashqari aylanmaga chiqib ketmoqda.
Chakana savdo va aholiga pullik xizmatlar koʻrsatish sohasida naqdsiz hisob-kitoblar tizimini yanada takomillashtirish, naqd pul mablagʻlari toʻliq hisobga olinishi va bank aylanmasiga jalb etilishini, isteʼmolchilarning huquq va manfaatlariga soʻzsiz rioya etilishini taʼminlash maqsadida:
1. Shunday tartib oʻrnatilsinki, unga muvofiq 2017-yilning 1-martidan boshlab chakana savdo va aholiga pullik xizmatlar koʻrsatish sohasidagi tadbirkorlik subyektlari, shu jumladan yakka tartibdagi tadbirkorlar aholidan toʻlovlar plastik kartochkalar yordamida qabul qilinishini taʼminlaydigan, oʻrnatish majburiy boʻlgan hisob-kitob terminallarini oʻrnatmagan taqdirda oʻz faoliyatlarini amalga oshirish huquqiga ega boʻlmaydilar.
Tovar va xizmatlarni elektron tijorat, shu jumladan internet-doʻkon va elektron savdo maydonchalari orqali realizatsiya qiluvchi elektron tijorat subyektlari oʻz faoliyatlarini elektron chek yoki haq olinganligini tasdiqlovchi boshqa hujjat yuborishni taʼminlaydigan virtual terminallarni (E-POS) koʻllagan holda amalga oshirish huquqiga egadirlar;
Oʻzbekiston Respublikasi Davlat soliq qoʻmitasi tijorat banklari, Oʻzbekiston Banklar uyushmasi va Yagona umumrespublika protsessing markazi bilan birgalikda:
oʻn kun muddatda chakana savdo va pullik xizmatlar koʻrsatish obyektlarini hisob-kitob terminallari mavjudligi boʻyicha inventarizatsiyadan oʻtkazsin;
inventarizatsiya yakunlariga koʻra, juda qisqa muddatlarda zarur miqdordagi hisob-kitob terminallari oʻrnatilishini, zarur hollarda, ular uzluksiz elektr taʼminotining texnik vositalari bilan jihozlanishini taʼminlasin;
tadbirkorlik subyektidan buyurtmanoma tushgan kundan boshlab uzogʻi bilan uch kun ichida yangi oʻrnatilayotgan hisob-kitob terminallari roʻyxatga olinishini taʼminlasin.
Shu bilan birga, doimiy savdo joylariga ega boʻlmagan va vaqtinchalik joylarda savdo qiluvchi hunarmandlar tomonidan kassa apparatlari va savdo terminallaridan foydalanish, shuningdek savdodan tushgan naqd pul tushumini tijorat banklariga inkassatsiya qilish ixtiyoriy tartibda amalga oshiriladi.
2. Belgilansinki:
chakana savdo va xizmatlar koʻrsatish sohasidagi tadbirkorlik subyektlari sotilayotgan tovarlar narxini hamda koʻrsatilayotgan xizmatlar haqini naqd pul mablagʻlari yoki plastik kartochkalar boʻyicha toʻlash shakliga qarab ularni sunʼiy ravishda oshirgan yoki pasaytirgan taqdirda, bunday xatti-harakatlar plastik kartochkalar boʻyicha toʻlovlarni qabul qilishda hisob-kitob terminallaridan foydalanish borasida oʻrnatilgan tartibni buzish hisoblanadi va ularga nisbatan bazaviy hisoblash miqdorining 30 baravari miqdorida jarima solinadi;
Oʻzbekiston Respublikasi Davlat soliq qoʻmitasi tadbirkorlik subyektlarini naqd pul mablagʻlari yoki plastik kartochkalar boʻyicha toʻlov shakliga qarab narxlarni sunʼiy ravishda oshirish yoki pasaytirish, nazorat-kassa mashinalarini, hisob-kitob terminallarini ishlatish, shuningdek oʻrnatilgan tartibda talon va cheklar berish, naqd tushumni inkassatsiya qilish (banklarga topshirish) masalalari yuzasidan, belgilangan tartibga muvofiq, birinchi navbatda savdo komplekslarida, chakana savdo va xizmatlar koʻrsatish tashkilotlarida doimiy asosda tekshiruvlarni oʻtkazib tursin.
3. Oʻzbekiston Respublikasi Markaziy banki va tijorat banklari bir oy muddatda:
hisob-kitob terminallari bilan jihozlash va ulardan amalda foydalanishni kengaytirish uchun yanada qulay shart-sharoitlar yaratishni nazarda tutgan holda hisob-kitob terminallarini tadbirkorlik subyektlariga ijaraga berish va ularga mulk sifatida sotish mexanizmini qayta koʻrib chiqsin;
tadbirkorlik subyektlarining isteʼmol ehtiyoji va ishlab chiqarish faoliyatini ragʻbatlantirish, shuningdek naqdsiz hisob-kitoblar tizimini yanada rivojlantirish maqsadida plastik kartochkalardan foydalangan holda aholini isteʼmol sohasida qisqa muddatli kreditlashning xalqaro amaliyotda qoʻllaniladigan zamonaviy mexanizmlarini kengaytirish yuzasidan kompleks chora-tadbirlarni ishlab chiqsin va tasdiqlasin.
4. Tijorat banklariga, istisno tariqasida, 2017-2018-yillar mobaynida Protsessing markazlarining texnik tavsifnomalariga muvofiq, hisob-kitob toʻlov terminallari, infokiosklar, bankomatlar va boshqa tegishli uskunalarga tender-tanlov savdolarini oʻtkazmasdan shartnomalar tuzish huquqi berilsin.
5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi “Oʻzbekenergo” AJ bilan birgalikda respublikaning togʻli va olis hududlariga alohida eʼtibor bergan holda, toʻlovlarni plastik kartochkalar yordamida qabul qilish boʻyicha hisob-kitob terminallari bilan jihozlangan chakana savdo va xizmatlar koʻrsatish obyektlarini sifatli va uzluksiz aloqa bilan taʼminlasin.
6. Oʻzbekiston Respublikasi Prezidentining kadrlar boʻyicha maslahatchisi boʻlinmalari:
Oʻzbekiston Respublikasi Prezidentining Xalq qabulxonalari va Virtual qabulxonasiga yuridik va jismoniy shaxslardan banklardagi hisobvaraqlardan naqd mablagʻlarni berishda va plastik kartochkalardan foydalanib, toʻlovlarni amalga oshirishda qoidabuzarlik faktlari boʻyicha kelib tushgan murojaatlarni koʻrib chiqish ustidan tizimli monitoring va nazoratni amalga oshirsin;
Oʻzbekiston Respublikasi Markaziy banki va Soliq qoʻmitasi bilan birgalikda, murojaatlarda koʻrsatilgan faktlar tasdiqlangan hollarda, uch kun muddatda ularni bartaraf etish va aybdor shaxslarni qonun hujjatlarida oʻrnatilgan tartibda javobgarlikka tortish yuzasidan aniq choralar koʻrsin.
7. Oʻzbekiston Respublikasi Davlat soliq qoʻmitasi muntazam asosda tadbirkorlik subyektlari orasida nazorat-kassa mashinalarisiz hamda toʻlovlarni plastik kartochkalar orqali qabul qilish boʻyicha hisob-kitob terminallarisiz faoliyatni amalga oshirganlik uchun javobgarlik choralari toʻgʻrisida, shu jumladan ommaviy axborot vositalari orqali tushuntirish ishlarini olib borsin.
8. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Oʻzbekiston Matbuot va axborot agentligi, Oʻzbekiston Milliy teleradiokompaniyasi, Davlat soliq qoʻmitasi, Xususiylashtirish, monopoliyadan chiqarish va raqobatni rivojlantirish davlat qoʻmitasi, Savdo-sanoat palatasi bilan birgalikda bir hafta muddatda tovarlarni sotish va xizmatlar haqini toʻlashning ushbu qarordan kelib chiqadigan normalari va qoidalarini ommaviy axborot vositalarida yoritish hamda bevosita aholiga tushuntirish jadvallarini ishlab chiqsin.
9. Oʻzbekiston Respublikasi Davlat soliq qoʻmitasi, Markaziy banki, Moliya vazirligi, Adliya vazirligi manfaatdor vazirliklar va idoralar bilan birgalikda ikki hafta muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Markaziy banki raisi F.M. Mullajonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 15-fevral,
PQ-2777-son
Президента Республики Узбекистан
Постановление
О мерах по дальнейшему совершенствованию денежного обращения и развитию расчетов с использованием банковских пластиковых карточек
Отметить, что, несмотря на принимаемые меры, на местах остается низким уровень поступления в кассы коммерческих банков наличных денежных средств от розничной торговли и сферы услуг из-за неприменения контрольно-кассовых машин и расчетных терминалов. В результате, значительная часть наличной выручки отвлекается во внебанковский оборот.
В целях дальнейшего совершенствования системы безналичных расчетов в сфере розничной торговли и оказания платных услуг населению, обеспечения полноты учета и вовлечения в банковский оборот наличных денежных средств, неукоснительного соблюдения прав и интересов потребителей:
1. Установить порядок, в соответствии с которым с 1 марта 2017 года субъекты предпринимательства, включая индивидуальных предпринимателей, в сфере розничной торговли и оказания платных услуг не имеют права осуществлять свою деятельность без обязательного их оснащения расчетными терминалами, обеспечивающими прием платежей от населения посредством пластиковых карточек.
Субъекты электронной коммерции, реализующие товары или услуги посредством электронной коммерции, включая интернет-магазины и электронные торговые площадки, имеют право осуществлять свою деятельность с использованием виртуальных терминалов (Е-Р0S), обеспечивающих направление электронного чека или иного подтверждающего документа о приеме оплаты;
Государственному налоговому комитету Республики Узбекистан совместно с коммерческими банками, Ассоциацией банков Узбекистана и Единым общереспубликанским процессинговым центром:
в десятидневный срок провести инвентаризацию объектов розничной торговли и оказания платных услуг на наличие расчетных терминалов;
по итогам инвентаризации в кратчайшие сроки обеспечить установку необходимого количества расчетных терминалов, с учетом оснащения их, при необходимости, техническими средствами бесперебойного электрического питания;
обеспечивать регистрацию вновь устанавливаемых расчетных терминалов в течение не более трех дней со дня поступления заявки субъекта предпринимательства.
При этом для ремесленников, не имеющих стационарных торговых мест и осуществляющих торговлю во временных местах, использование кассовых аппаратов и торговых терминалов, а также требование об инкассации наличной денежной торговой выручки в коммерческих банках осуществляется в добровольном порядке.
2. Установить, что:
если субъекты предпринимательства в сфере розничной торговли и оказания услуг искусственно завышают или снижают цены на реализуемые товары и услуги в зависимости от формы расчетов за них наличными денежными средствами или по пластиковым карточкам, такие действия являются нарушениями установленного порядка применения расчетных терминалов по приему платежей по пластиковым карточкам и влекут наложение на них штрафа в размере 30-кратной базовой расчетной величины;
Государственному налоговому комитету Республики Узбекистан проводить на постоянной основе проверки субъектов предпринимательства по вопросам завышения или снижения цен в зависимости от формы оплаты наличными денежными средствами или по пластиковым карточкам, применения контрольно-кассовых машин, расчетных терминалов, а также выдачи в установленном порядке талонов и чеков, инкассации (сдачи в банки) наличной выручки, в соответствии с установленным порядком, в первую очередь в торговых комплексах, организациях розничной торговли и сферы услуг.
3. Центральному банку Республики Узбекистан и коммерческим банкам в месячный срок:
пересмотреть механизм передачи расчетных терминалов в аренду и их реализации в собственность субъектам предпринимательства, имея в виду создание более благоприятных условий для расширения оснащения и практического использования данных расчетных терминалов;
в целях стимулирования потребительского спроса и производственной деятельности субъектов предпринимательства, а также дальнейшего развития системы безналичных расчетов разработать и утвердить комплекс мер по расширению используемых в международной практике современных механизмов краткосрочного потребительского кредитования населения с использованием пластиковых карточек.
4. Предоставить, в порядке исключения, коммерческим банкам право заключать в течение 2017-2018 годов контракты без проведения тендерно-конкурсных торгов, согласно техническим характеристикам процессинговых Центров, на импорт расчетных платежных терминалов, инфокиосков, банкоматов и другого соответствующего оборудования.
5. Министерству по развитию информационных технологий и коммуникаций Республики Узбекистан совместно с АО «Узбекэнерго» обеспечивать качественную и бесперебойную связь объектов розничной торговли и оказания услуг, оснащенных расчетными терминалами по приему платежей посредством пластиковых карточек, обратив особое внимание на горные и отдаленные регионы республики.
6. Подразделениям советника Президента Республики Узбекистан по кадрам:
осуществлять системный мониторинг и контроль за рассмотрением обращений юридических и физических лиц, поступивших в Народные приемные и Виртуальную приемную Президента Республики Узбекистан, по фактам нарушений при выдаче наличных средств со счетов в банках и осуществлении платежей с использованием пластиковых карточек;
совместно с Центральным банком и Налоговым комитетом Республики Узбекистан, в случае подтверждения фактов, указанных в обращениях, в трехдневный срок принимать конкретные меры по их устранению и привлечению к ответственности виновных лиц в порядке, установленном законодательством.
7. Государственному налоговому комитету Республики Узбекистан на регулярной основе проводить разъяснительную работу, в том числе через средства массовой информации, среди субъектов предпринимательства о мерах ответственности за осуществление деятельности без применения контрольно- кассовых машин и расчетных терминалов по приему платежей по пластиковым карточкам.
8. Совету Министров Республики Каракалпакстан, хокимиятам областей и г. Ташкента совместно с Узбекским агентством печати и информации, Национальной телерадиокомпанией Узбекистана, Государственным налоговым комитетом, Государственным комитетом Республики Узбекистан по приватизации, демонополизации и развитию конкуренции, Торгово-промышленной палатой в недельный срок разработать графики освещения и разъяснения в средствах массовой информации и непосредственно населению норм и правил реализации товаров и оплаты услуг, вытекающих из настоящего постановления.
9. Государственному налоговому комитету, Центральному банку, Министерству финансов, Министерству юстиции Республики Узбекистан совместно с заинтересованными министерствами и ведомствами в двухнедельный срок внести в Кабинет Министров предложения об изменениях и дополнениях в законодательство, вытекающих из настоящего постановления.
10. Контроль за исполнением настоящего постановления возложить на Премьер-министра Республики Узбекистан А.Н. Арипова и председателя Центрального банка Республики Узбекистан Ф.М. Муллажанова.
Президент Республики Узбекистан Ш. МИРЗИЁЕВ
г. Ташкент,
15 февраля 2017 г.,
№ ПП-2777