UzbekAI

Ўзбекистон Республикаси Президентининг

Фармони

Олий ўқув юртидан кейинги таълим тизимини янада такомиллаштириш тўғрисида

Мустақиллик йилларида Ўзбекистон Республикасида узлуксиз таълимнинг ноёб тизими яратилди, илмий-тадқиқот фаолияти, олий малакали илмий ва илмий-педагог кадрлар тайёрлаш ва аттестациядан ўтказиш самарадорлигини оширишга, мамлакатнинг ижтимоий ва иқтисодий тараққиётида илм-фаннинг ролини кучайтиришга йўналтирилган салмоқли ишлар амалга оширилди.

2013 йилнинг 1 январидан бошлаб докторлик диссертациясини ҳимоя қилиш ва фан доктори илмий даражасини бериш бўйича олий ўқув юртидан кейинги таълимнинг бир босқичли тизими жорий қилиниши олий малакали илмий ва илмий-педагог кадрлар тайёрлаш ва аттестациядан ўтказиш тизимини умум қабул қилинган халқаро талаблар ва стандартларга яқинлаштиришда муҳим қадам бўлди. Ўтган давр ичида барча зарур норматив-ҳуқуқий база шакллантирилди, ўрнатилган талабларга мувофиқ олий ўқув юртидан кейинги таълим институтларининг фаолияти, докторлик диссертацияларини тайёрлаш ва ҳимоя қилиш ташкил этилди.

Шу билан бирга, мамлакатни ижтимоий-иқтисодий ривожлантиришда эришилган суръатлар олий ўқув юртидан кейинги таълимнинг бир босқичли тизими шароитида орттирилган тажрибанинг моҳиятини қатор хорижий мамлакатларнинг мазкур соҳадаги илғор амалиётини ҳисобга олган ҳолда қайта англаш зарурлигини тақозо этмоқда. Ҳозирги шароитда илмий кадрлар тайёрлаш жараёнини тобора жадал ривожлантириш ва сифатини ошириш, иқтидорли ёшларни илм-фанга кенг жалб қилиш, олий таълим ва илмий муассасаларнинг илмий салоҳиятини мустаҳкамлаш ва ундан республиканинг инновацион ривожланишида самарали фойдаланиш масалалари алоҳида аҳамият касб этмоқда.

Олий малакали илмий ва илмий-педагог кадрлар тайёрлаш ва аттестациядан ўтказиш тизимининг сифати ва самарадорлигини тубдан ошириш, олий ўқув юртидан кейинги таълим соҳасини янада такомиллаштириш, илмий-тадқиқот фаолиятида ёшларнинг интеллектуал салоҳиятини ҳар томонлама намоён этиш имкониятларини кенгайтириш мақсадида:

1. Ўзбекистон Республикаси Олий ва ўрта махсус таълим вазирлиги, Фанлар академияси, Вазирлар Маҳкамаси ҳузуридаги Фан ва технологияларни ривожлантиришни мувофиқлаштириш қўмитаси, Вазирлар Маҳкамаси ҳузуридаги Олий аттестация комиссияси, шунингдек тасарруфида олий таълим ва илмий-тадқиқот муассасалари мавжуд бўлган бошқа вазирлик ва идораларнинг қатор хорижий мамлакатларнинг халқаро амалиётига мувофиқ 2017 йилнинг 1 июлидан бошлаб олий ўқув юртидан кейинги таълимнинг икки поғонали:

диссертация ҳимоя қилиш ва тегишли фан тармоғи бўйича фалсафа доктори (PhD) илмий даражасини беришни назарда тутувчи таянч докторантура;

диссертация ҳимоя қилиш ва тегишли фан тармоғи бўйича фан доктори (Doctor of Science) илмий даражасини беришни назарда тутувчи докторантура тизимини жорий қилиш тўғрисидаги таклифларига розилик берилсин.

2. Белгилансинки:

тегишли фан тармоғи бўйича фалсафа доктори (PhD) илмий даражаси магистр даражасига ёки олий маълумотга (мутахассислик дастурлари бўйича) эга бўлган, ёхуд клиник ординатурани тугатган (тиббиёт фанлари учун) ва ўрнатилган талаблар бўйича фалсафа доктори (PhD) илмий даражасини олиш учун диссертацияни ҳимоя қилган шахсларга илмий даражалар берувчи илмий кенгашлар томонидан берилади;

фан доктори (Doctor of Science) илмий даражаси фан номзоди ёки фалсафа доктори (PhD) ёки хорижий давлатларда берилган, унга тенглаштирилган бошқа илмий даражаларга эга бўлган ва ўрнатилган талаблар бўйича фан доктори (Doctor of Science) илмий даражасини олиш учун диссертацияни ҳимоя қилган шахсларга илмий даражалар берувчи илмий кенгашлар томонидан берилади;

таянч докторантурага магистр даражасига ёки олий маълумотга (мутахассислик дастурлари бўйича) эга бўлган, ёхуд клиник ординатурани тугатган (тиббиёт фанлари учун) шахслар ўрнатилган талабларга мувофиқ қабул қилинади;

докторантурага фан номзоди ёки фалсафа доктори (PhD) ёки хорижий давлатларда берилган, унга тенглаштирилган бошқа илмий даражаларга эга бўлган шахслар ўрнатилган талабларга мувофиқ қабул қилинади;

ўрнатилган тартибда мустақил тадқиқотчи сифатида расмийлаштирилган, магистр даражасига ёки олий маълумотга (мутахассислик дастурлари бўйича) эга бўлган, ёхуд клиник ординатурани тугатган (тиббиёт фанлари учун) шахсларга ҳам фалсафа доктори (PhD) илмий даражасини олиш учун докторлик диссертациясини ҳимоя қилишга рухсат берилади;

ўрнатилган тартибда мустақил тадқиқотчи сифатида расмийлаштирилган, фалсафа доктори (PhD) ёки фан номзоди, ёки хорижий давлатларда берилган, унга тенглаштирилган бошқа илмий даражаларга эга бўлган шахсларга ҳам фан доктори (Doctor of Science) илмий даражасини олиш учун докторлик диссертациясини ҳимоя қилишга рухсат берилади.

3. Фан доктори илмий даражасини берувчи амалдаги илмий кенгашлар мазкур Фармон қабул қилинган кундан бошлаб олий ўқув юртидан кейинги таълимнинг бир босқичли тизими бўйича диссертацияларни ҳимояга қабул қилишни тўхтатиши белгилаб қўйилсин.

4. Белгилаб қўйилсинки:

а) фан номзоди ёки фалсафа доктори (PhD) ёки хорижий давлатларда берилган, унга тенглаштирилган бошқа илмий даражаларга эга бўлган:

ҳозирги вақтда катта илмий ходим-изланувчилар институтида таҳсил олаётган ёки ўрнатилган тартибда мустақил изланувчи сифатида расмийлаштирилган шахслар олий ўқув юртидан кейинги таълим янги тизимининг тегишли институтларида таҳсил олишни давом эттирадилар ва, тайёрлигига қараб, фан доктори (Doctor of Science) илмий даражасини олиш учун диссертацияларини ҳимоя қиладилар;

олий ўқув юртидан кейинги таълимнинг бир босқичли тизими шароитида катта илмий ходим-изланувчилар ёки мустақил изланувчилик институтини диссертация ҳимоясисиз битирган, шунингдек, олий ўқув юртидан кейинги таълим институтларига кирмаган ҳолда ўрнатилган талабларга мувофиқ диссертациясини тайёрлаган ва Олий аттестация комиссиясида диссертация мавзусини рўйхатдан ўтказган шахслар фан доктори (Doctor of Science) илмий даражасини олиш учун диссертация ҳимоя қилишлари мумкин.

б) фан номзоди ёки фалсафа доктори (PhD) ёки хорижий давлатларда берилган, унга тенглаштирилган бошқа илмий даражаларга эга бўлмаган:

ҳозирги вақтда катта илмий ходим-изланувчилар институтида таҳсил олаётган ёки ўрнатилган тартибда мустақил изланувчи сифатида расмийлаштирилган шахслар олий ўқув юртидан кейинги таълим янги тизимининг тегишли институтларида таҳсил олишни давом эттирадилар ва, тайёрлигига қараб, фалсафа доктори (PhD) илмий даражасини олиш учун диссертацияларини ҳимоя қиладилар;

олий ўқув юртидан кейинги таълимнинг бир босқичли тизими шароитида катта илмий ходим-изланувчилар ёки мустақил изланувчилик институтини диссертация ҳимоясисиз битирган, шунингдек олий ўқув юртидан кейинги таълим институтларига кирмаган ҳолда ўрнатилган талабларга мувофиқ диссертациясини тайёрлаган ва Олий аттестация комиссиясида диссертация мавзусини рўйхатдан ўтказган шахслар фалсафа доктори (PhD) илмий даражасини олиш учун диссертация ҳимоя қилишлари мумкин.

5. Ўзбекистон Республикаси Вазирлар Маҳкамаси икки ой муддатда мазкур Фармоннинг ижроси бўйича, жумладан, қуйидагиларни назарда тутган Ҳукумат қарорини қабул қилсин:

умум қабул қилинган халқаро стандартларни ҳисобга олган ҳолда, олий ўқув юртидан кейинги таълимга қўйиладиган такомиллаштирилган давлат талабларини, фалсафа доктори (PhD) ва фан доктори (Doctor of Science) илмий даражаларини олиш учун диссертация ишлари мазмуни ва сифатига қўйиладиган талабларни ишлаб чиқиш;

халқаро тажрибани ҳисобга олган ҳолда, Олий ўқув юртидан кейинги таълим тўғрисидаги низомни ишлаб чиқиш ва тасдиқлаш;

олий ўқув юртидан кейинги таълим тўғрисидаги ҳужжатнинг — фалсафа доктори (PhD) дипломининг давлат намунасини тасдиқлаш;

2017 йилнинг 1 июлига қадар олий ўқув юртидан кейинги таълим институтларида таҳсил олаётган шахсларни янги тизимнинг тегишли институтларига ўтказиш, янги талабларга мувофиқ аттестация ишларининг қабул қилиниши, кўриб чиқилиши ва талабгорларга фалсафа доктори (PhD) ва фан доктори (Doctor of Science) илмий даражалари берилишини таъминлаш, шунингдек таянч докторантурада, докторантурада ёки мустақил изланувчи сифатида ўқишни бошлаш бўйича олий ўқув юртидан кейинги таълимнинг икки поғонали тизими фаолиятини ташкиллаштириш билан боғлиқ барча зарур чора-тадбирларни амалга ошириш;

хорижий давлатларда берилган илмий даражалар ҳақидаги ҳужжатларни тан олиш ва нострификация қилиш (эквивалентлигини қайд этиш)нинг амалдаги тартибини такомиллаштириш.

6. Таянч докторантурага ва докторантурага қабул қилиш Ўзбекистон Республикаси Фанлар академиясига, вазирликларга, идораларга ва олий ўқув юртидан кейинги таълимни амалга оширадиган муассасаларга шу мақсадлар учун ҳар йили ажратиладиган бюджет маблағлари доирасида амалга оширилиши белгилансин.

7. Белгилаб қўйилсинки, 2017 йил 1 июлидан:

таянч докторантурада таҳсил олувчи шахсларга стажёр-тадқиқотчи лавозим маошининг базавий миқдорига тенглаштирилган миқдорда стипендия тўланади;

докторантурада таҳсил олувчи шахсларга фан номзоди илмий даражасига эга (илмий унвонга эга бўлмаган) катта илмий ходим лавозим маошининг базавий миқдорига тенглаштирилган миқдорда стипендия тўланади.

8. Ўзбекистон Республикаси Молия вазирлиги мазкур Фармонга мувофиқ 2018 йилдан бошлаб Ўзбекистон Республикаси Давлат бюджетининг харажатлари параметрларида олий малакали илмий ва илмий-педагог кадрлар тайёрлаш тизимини молиялаштиришга зарур маблағлар ажратишни назарда тутсин.

9. Ўзбекистон Республикаси Президентининг 2012 йил 24 июлдаги ПФ-4456- сон «Олий малакали илмий ва илмий-педагог кадрлар тайёрлаш ва аттестациядан ўтказиш тизимини янада такомиллаштириш тўғрисида»ги Фармони ва 2012 йил 27 июлдаги ПФ-4458-сон «Ўзбекистон Республикаси Президентининг 2012 йил 24 июлдаги ПФ-4456-сон «Олий малакали илмий ва илмий-педагог кадрлар тайёрлаш ва аттестациядан ўтказиш тизимини янада такомиллаштириш тўғрисида»ги Фармонига ўзгартишлар киритиш ҳақида»ги Фармони ўз кучини йўқотган деб ҳисоблансин.

10. Ўзбекистон Республикаси Вазирлар Маҳкамаси ҳузуридаги Фан ва технологияларни ривожлантиришни мувофиқлаштириш қўмитаси Ўзбекистон Республикаси Вазирлар Маҳкамаси ҳузуридаги Олий аттестация комиссияси, Олий ва ўрта махсус таълим вазирлиги, Халқ таълими вазирлиги, Адлия вазирлиги, Фанлар академияси ҳамда бошқа манфаатдор вазирлик ва идоралар билан биргаликда амалдаги қонун ҳужжатларига ушбу Фармондан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.

11. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклатилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2017 йил 16 февраль,

ПФ-4958-сон

(Ўзбекистон Республикаси қонун ҳужжатлари тўплами, 2017 й., 8-сон, 106-модда)

lex.uz

Oʻzbekiston Respublikasi Prezidentining

Farmoni

Oliy oʻquv yurtidan keyingi taʼlim tizimini yanada takomillashtirish toʻgʻrisida

Mustaqillik yillarida Oʻzbekiston Respublikasida uzluksiz taʼlimning noyob tizimi yaratildi, ilmiy-tadqiqot faoliyati, oliy malakali ilmiy va ilmiy-pedagog kadrlar tayyorlash va attestatsiyadan oʻtkazish samaradorligini oshirishga, mamlakatning ijtimoiy va iqtisodiy taraqqiyotida ilm-fanning rolini kuchaytirishga yoʻnaltirilgan salmoqli ishlar amalga oshirildi.

2013-yilning 1-yanvaridan boshlab doktorlik dissertatsiyasini himoya qilish va fan doktori ilmiy darajasini berish boʻyicha oliy oʻquv yurtidan keyingi taʼlimning bir bosqichli tizimi joriy qilinishi oliy malakali ilmiy va ilmiy-pedagog kadrlar tayyorlash va attestatsiyadan oʻtkazish tizimini umum qabul qilingan xalqaro talablar va standartlarga yaqinlashtirishda muhim qadam boʻldi. Oʻtgan davr ichida barcha zarur normativ-huquqiy baza shakllantirildi, oʻrnatilgan talablarga muvofiq oliy oʻquv yurtidan keyingi taʼlim institutlarining faoliyati, doktorlik dissertatsiyalarini tayyorlash va himoya qilish tashkil etildi.

Shu bilan birga, mamlakatni ijtimoiy-iqtisodiy rivojlantirishda erishilgan surʼatlar oliy oʻquv yurtidan keyingi taʼlimning bir bosqichli tizimi sharoitida orttirilgan tajribaning mohiyatini qator xorijiy mamlakatlarning mazkur sohadagi ilgʻor amaliyotini hisobga olgan holda qayta anglash zarurligini taqozo etmoqda. Hozirgi sharoitda ilmiy kadrlar tayyorlash jarayonini tobora jadal rivojlantirish va sifatini oshirish, iqtidorli yoshlarni ilm-fanga keng jalb qilish, oliy taʼlim va ilmiy muassasalarning ilmiy salohiyatini mustahkamlash va undan respublikaning innovatsion rivojlanishida samarali foydalanish masalalari alohida ahamiyat kasb etmoqda.

Oliy malakali ilmiy va ilmiy-pedagog kadrlar tayyorlash va attestatsiyadan oʻtkazish tizimining sifati va samaradorligini tubdan oshirish, oliy oʻquv yurtidan keyingi taʼlim sohasini yanada takomillashtirish, ilmiy-tadqiqot faoliyatida yoshlarning intellektual salohiyatini har tomonlama namoyon etish imkoniyatlarini kengaytirish maqsadida:

1. Oʻzbekiston Respublikasi Oliy va oʻrta maxsus taʼlim vazirligi, Fanlar akademiyasi, Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi, Vazirlar Mahkamasi huzuridagi Oliy attestatsiya komissiyasi, shuningdek tasarrufida oliy taʼlim va ilmiy-tadqiqot muassasalari mavjud boʻlgan boshqa vazirlik va idoralarning qator xorijiy mamlakatlarning xalqaro amaliyotiga muvofiq 2017-yilning 1-iyulidan boshlab oliy oʻquv yurtidan keyingi taʼlimning ikki pogʻonali:

dissertatsiya himoya qilish va tegishli fan tarmogʻi boʻyicha falsafa doktori (PhD) ilmiy darajasini berishni nazarda tutuvchi tayanch doktorantura;

dissertatsiya himoya qilish va tegishli fan tarmogʻi boʻyicha fan doktori (Doctor of Science) ilmiy darajasini berishni nazarda tutuvchi doktorantura tizimini joriy qilish toʻgʻrisidagi takliflariga rozilik berilsin.

2. Belgilansinki:

tegishli fan tarmogʻi boʻyicha falsafa doktori (PhD) ilmiy darajasi magistr darajasiga yoki oliy maʼlumotga (mutaxassislik dasturlari boʻyicha) ega boʻlgan, yoxud klinik ordinaturani tugatgan (tibbiyot fanlari uchun) va oʻrnatilgan talablar boʻyicha falsafa doktori (PhD) ilmiy darajasini olish uchun dissertatsiyani himoya qilgan shaxslarga ilmiy darajalar beruvchi ilmiy kengashlar tomonidan beriladi;

fan doktori (Doctor of Science) ilmiy darajasi fan nomzodi yoki falsafa doktori (PhD) yoki xorijiy davlatlarda berilgan, unga tenglashtirilgan boshqa ilmiy darajalarga ega boʻlgan va oʻrnatilgan talablar boʻyicha fan doktori (Doctor of Science) ilmiy darajasini olish uchun dissertatsiyani himoya qilgan shaxslarga ilmiy darajalar beruvchi ilmiy kengashlar tomonidan beriladi;

tayanch doktoranturaga magistr darajasiga yoki oliy maʼlumotga (mutaxassislik dasturlari boʻyicha) ega boʻlgan, yoxud klinik ordinaturani tugatgan (tibbiyot fanlari uchun) shaxslar oʻrnatilgan talablarga muvofiq qabul qilinadi;

doktoranturaga fan nomzodi yoki falsafa doktori (PhD) yoki xorijiy davlatlarda berilgan, unga tenglashtirilgan boshqa ilmiy darajalarga ega boʻlgan shaxslar oʻrnatilgan talablarga muvofiq qabul qilinadi;

oʻrnatilgan tartibda mustaqil tadqiqotchi sifatida rasmiylashtirilgan, magistr darajasiga yoki oliy maʼlumotga (mutaxassislik dasturlari boʻyicha) ega boʻlgan, yoxud klinik ordinaturani tugatgan (tibbiyot fanlari uchun) shaxslarga ham falsafa doktori (PhD) ilmiy darajasini olish uchun doktorlik dissertatsiyasini himoya qilishga ruxsat beriladi;

oʻrnatilgan tartibda mustaqil tadqiqotchi sifatida rasmiylashtirilgan, falsafa doktori (PhD) yoki fan nomzodi, yoki xorijiy davlatlarda berilgan, unga tenglashtirilgan boshqa ilmiy darajalarga ega boʻlgan shaxslarga ham fan doktori (Doctor of Science) ilmiy darajasini olish uchun doktorlik dissertatsiyasini himoya qilishga ruxsat beriladi.

3. Fan doktori ilmiy darajasini beruvchi amaldagi ilmiy kengashlar mazkur Farmon qabul qilingan kundan boshlab oliy oʻquv yurtidan keyingi taʼlimning bir bosqichli tizimi boʻyicha dissertatsiyalarni himoyaga qabul qilishni toʻxtatishi belgilab qoʻyilsin.

4. Belgilab qoʻyilsinki:

a) fan nomzodi yoki falsafa doktori (PhD) yoki xorijiy davlatlarda berilgan, unga tenglashtirilgan boshqa ilmiy darajalarga ega boʻlgan:

hozirgi vaqtda katta ilmiy xodim-izlanuvchilar institutida tahsil olayotgan yoki oʻrnatilgan tartibda mustaqil izlanuvchi sifatida rasmiylashtirilgan shaxslar oliy oʻquv yurtidan keyingi taʼlim yangi tizimining tegishli institutlarida tahsil olishni davom ettiradilar va, tayyorligiga qarab, fan doktori (Doctor of Science) ilmiy darajasini olish uchun dissertatsiyalarini himoya qiladilar;

oliy oʻquv yurtidan keyingi taʼlimning bir bosqichli tizimi sharoitida katta ilmiy xodim-izlanuvchilar yoki mustaqil izlanuvchilik institutini dissertatsiya himoyasisiz bitirgan, shuningdek, oliy oʻquv yurtidan keyingi taʼlim institutlariga kirmagan holda oʻrnatilgan talablarga muvofiq dissertatsiyasini tayyorlagan va Oliy attestatsiya komissiyasida dissertatsiya mavzusini roʻyxatdan oʻtkazgan shaxslar fan doktori (Doctor of Science) ilmiy darajasini olish uchun dissertatsiya himoya qilishlari mumkin.

b) fan nomzodi yoki falsafa doktori (PhD) yoki xorijiy davlatlarda berilgan, unga tenglashtirilgan boshqa ilmiy darajalarga ega boʻlmagan:

hozirgi vaqtda katta ilmiy xodim-izlanuvchilar institutida tahsil olayotgan yoki oʻrnatilgan tartibda mustaqil izlanuvchi sifatida rasmiylashtirilgan shaxslar oliy oʻquv yurtidan keyingi taʼlim yangi tizimining tegishli institutlarida tahsil olishni davom ettiradilar va, tayyorligiga qarab, falsafa doktori (PhD) ilmiy darajasini olish uchun dissertatsiyalarini himoya qiladilar;

oliy oʻquv yurtidan keyingi taʼlimning bir bosqichli tizimi sharoitida katta ilmiy xodim-izlanuvchilar yoki mustaqil izlanuvchilik institutini dissertatsiya himoyasisiz bitirgan, shuningdek oliy oʻquv yurtidan keyingi taʼlim institutlariga kirmagan holda oʻrnatilgan talablarga muvofiq dissertatsiyasini tayyorlagan va Oliy attestatsiya komissiyasida dissertatsiya mavzusini roʻyxatdan oʻtkazgan shaxslar falsafa doktori (PhD) ilmiy darajasini olish uchun dissertatsiya himoya qilishlari mumkin.

5. Oʻzbekiston Respublikasi Vazirlar Mahkamasi ikki oy muddatda mazkur Farmonning ijrosi boʻyicha, jumladan, quyidagilarni nazarda tutgan Hukumat qarorini qabul qilsin:

umum qabul qilingan xalqaro standartlarni hisobga olgan holda, oliy oʻquv yurtidan keyingi taʼlimga qoʻyiladigan takomillashtirilgan davlat talablarini, falsafa doktori (PhD) va fan doktori (Doctor of Science) ilmiy darajalarini olish uchun dissertatsiya ishlari mazmuni va sifatiga qoʻyiladigan talablarni ishlab chiqish;

xalqaro tajribani hisobga olgan holda, Oliy oʻquv yurtidan keyingi taʼlim toʻgʻrisidagi nizomni ishlab chiqish va tasdiqlash;

oliy oʻquv yurtidan keyingi taʼlim toʻgʻrisidagi hujjatning — falsafa doktori (PhD) diplomining davlat namunasini tasdiqlash;

2017-yilning 1-iyuliga qadar oliy oʻquv yurtidan keyingi taʼlim institutlarida tahsil olayotgan shaxslarni yangi tizimning tegishli institutlariga oʻtkazish, yangi talablarga muvofiq attestatsiya ishlarining qabul qilinishi, koʻrib chiqilishi va talabgorlarga falsafa doktori (PhD) va fan doktori (Doctor of Science) ilmiy darajalari berilishini taʼminlash, shuningdek tayanch doktoranturada, doktoranturada yoki mustaqil izlanuvchi sifatida oʻqishni boshlash boʻyicha oliy oʻquv yurtidan keyingi taʼlimning ikki pogʻonali tizimi faoliyatini tashkillashtirish bilan bogʻliq barcha zarur chora-tadbirlarni amalga oshirish;

xorijiy davlatlarda berilgan ilmiy darajalar haqidagi hujjatlarni tan olish va nostrifikatsiya qilish (ekvivalentligini qayd etish)ning amaldagi tartibini takomillashtirish.

6. Tayanch doktoranturaga va doktoranturaga qabul qilish Oʻzbekiston Respublikasi Fanlar akademiyasiga, vazirliklarga, idoralarga va oliy oʻquv yurtidan keyingi taʼlimni amalga oshiradigan muassasalarga shu maqsadlar uchun har yili ajratiladigan budjet mablagʻlari doirasida amalga oshirilishi belgilansin.

7. Belgilab qoʻyilsinki, 2017-yil 1-iyulidan:

tayanch doktoranturada tahsil oluvchi shaxslarga stajor-tadqiqotchi lavozim maoshining bazaviy miqdoriga tenglashtirilgan miqdorda stipendiya toʻlanadi;

doktoranturada tahsil oluvchi shaxslarga fan nomzodi ilmiy darajasiga ega (ilmiy unvonga ega boʻlmagan) katta ilmiy xodim lavozim maoshining bazaviy miqdoriga tenglashtirilgan miqdorda stipendiya toʻlanadi.

8. Oʻzbekiston Respublikasi Moliya vazirligi mazkur Farmonga muvofiq 2018-yildan boshlab Oʻzbekiston Respublikasi Davlat budjetining xarajatlari parametrlarida oliy malakali ilmiy va ilmiy-pedagog kadrlar tayyorlash tizimini moliyalashtirishga zarur mablagʻlar ajratishni nazarda tutsin.

9. Oʻzbekiston Respublikasi Prezidentining 2012-yil 24-iyuldagi PF-4456- son “Oliy malakali ilmiy va ilmiy-pedagog kadrlar tayyorlash va attestatsiyadan oʻtkazish tizimini yanada takomillashtirish toʻgʻrisida”gi Farmoni va 2012-yil 27-iyuldagi PF-4458-son “Oʻzbekiston Respublikasi Prezidentining 2012-yil 24-iyuldagi PF-4456-son “Oliy malakali ilmiy va ilmiy-pedagog kadrlar tayyorlash va attestatsiyadan oʻtkazish tizimini yanada takomillashtirish toʻgʻrisida”gi Farmoniga oʻzgartishlar kiritish haqida”gi Farmoni oʻz kuchini yoʻqotgan deb hisoblansin.

10. Oʻzbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qoʻmitasi Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi, Oliy va oʻrta maxsus taʼlim vazirligi, Xalq taʼlimi vazirligi, Adliya vazirligi, Fanlar akademiyasi hamda boshqa manfaatdor vazirlik va idoralar bilan birgalikda amaldagi qonun hujjatlariga ushbu Farmondan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

11. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklatilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 16-fevral,

PF-4958-son

(Oʻzbekiston Respublikasi qonun hujjatlari toʻplami, 2017-y., 8-son, 106-modda)

lex.uz

Президента Республики Узбекистан

Указ

О дальнейшем совершенствовании системы послевузовского образования

За годы независимости в Республике Узбекистан создана уникальная система непрерывного образования, проведена значительная работа, направленная на повышение эффективности научно-исследовательской деятельности, подготовки и аттестации научных и научно-педагогических кадров высшей квалификации, усиление роли науки в социальном и экономическом развитии страны.

Введение с 1 января 2013 года одноступенчатой системы послевузовского образования с защитой и присуждением ученой степени доктора наук послужило важным шагом к приближению системы подготовки и аттестации научных и научно-педагогических кадров высшей квалификации к общепринятым международным требованиям и стандартам. За прошедший период сформирована вся необходимая нормативно-правовая база, организованы деятельность институтов послевузовского образования, подготовка и защита докторских диссертаций в соответствии с установленными требованиями.

Вместе с тем, достигнутые темпы социально-экономического развития страны диктуют необходимость переосмысления накопленного в условиях одноступенчатой системы послевузовского образования опыта с учетом передовой практики ряда зарубежных стран в данной сфере. В современных условиях особую необходимость приобретают вопросы более динамичного развития и повышения качества процесса подготовки научных кадров, широкого вовлечения в науку одаренной молодежи, укрепления и эффективного использования научного потенциала высших образовательных и научных учреждений в инновационном развитии республики.

В целях кардинального повышения качества и эффективности системы подготовки и аттестации научных и научно-педагогических кадров высшей квалификации, дальнейшего совершенствования сферы послевузовского образования, расширения возможностей для всесторонней реализации интеллектуального потенциала молодежи в научно-исследовательской деятельности:

1. Согласиться с предложениями Министерства высшего и среднего специального образования, Академии наук Республики Узбекистан, Комитета по координации развития науки и технологий при Кабинете Министров, Высшей аттестационной комиссии при Кабинете Министров, а также других министерств и ведомств, имеющих высшие образовательные и научно-исследовательские учреждения, предусматривающими введение с 1 июля 2017 года, в соответствии с международной практикой ряда зарубежных стран, двухуровневой системы послевузовского образования:

базовая докторантура — с защитой диссертации и присуждением ученой степени доктора философии (PhD) в соответствующей отрасли науки;

докторантура — с защитой диссертации и присуждением ученой степени доктора наук (Doctor of Science) в соответствующей отрасли науки.

2. Определить, что:

ученая степень доктора философии (PhD) по соответствующей отрасли науки присуждается научными советами по присуждению ученых степеней лицам, имеющим степень магистра или высшее образование (по программам специальности), либо завершившим клиническую ординатуру (для медицинских наук), и защитившим диссертацию на соискание ученой степени доктора философии (PhD) по установленным требованиям;

ученая степень доктора наук (Doctor of Science) присуждается научными советами по присуждению ученых степеней лицам, имеющим ученую степень кандидата наук или доктора философии (PhD) или другие приравненные к ним ученые степени, полученные в зарубежных государствах и защитившим диссертацию на соискание ученой степени доктора наук (Doctor of Science) по установленным требованиям;

в базовую докторантуру в соответствии с установленными требованиями принимаются лица, имеющие степень магистра или высшее образование (по программам специальности), либо завершившие клиническую ординатуру (для медицинских наук);

в докторантуру в соответствии с установленными требованиями принимаются лица со степенью кандидата наук или доктора философии (PhD) или другими приравненными к ним учеными степенями, полученными в зарубежных государствах;

к защите докторских диссертаций на соискание ученой степени доктора философии (PhD) допускаются также лица, имеющие степень магистра или высшее образование (по программам специальности), либо завершившие клиническую ординатуру (для медицинских наук), и оформленные в установленном порядке в качестве самостоятельного соискателя;

к защите докторских диссертаций на соискание ученой степени доктора наук (Doctor of Science) допускаются также лица, имеющие ученую степень доктора философии (PhD) или кандидата наук или другие приравненные к ним ученые степени, полученные в зарубежных государствах и оформленные в установленном порядке в качестве самостоятельного соискателя.

3. Установить, что действующие научные советы по присуждению ученой степени доктора наук прекращают прием диссертаций на защиту по одноступенчатой системе послевузовского образования со дня принятия настоящего Указа.

4. Установить, что:

а) лица, имеющие ученую степень кандидата наук или доктора философии (PhD) или другие приравненные к ним ученые степени, полученные в зарубежных государствах:

обучающиеся в настоящее время в институте старших научных сотрудников-соискателей или оформленные в установленном порядке в качестве самостоятельных соискателей, продолжат обучение в соответствующих институтах новой системы послевузовского образования с защитой, по мере готовности, диссертаций на соискание ученой степени доктора наук (Doctor of Science);

завершившие в условиях одноступенчатой системы послевузовского образования институты старших научных сотрудников-соискателей или самостоятельного соискательства без защиты диссертации, а также подготовившие диссертацию в соответствии с установленными требованиями без поступления в институты послевузовского образования и зарегистрировавшие тему диссертации в Высшей аттестационной комиссии, могут защитить диссертацию на соискание ученой степени доктора наук (Doctor of Science).

б) лица, не имеющие ученую степень кандидата наук или доктора философии (PhD) или другие приравненные к ним ученые степени, полученные в зарубежных государствах:

5. Кабинету Министров Республики Узбекистан в двухмесячный срок принять постановление Правительства во исполнение настоящего Указа, предусматривающее, в том числе:

разработку усовершенствованных государственных требований к послевузовскому образованию, требований к содержанию и качеству диссертационных работ на соискание ученых степеней доктора философии (PhD) и доктора наук (Doctor of Science) с учетом общепринятых международных стандартов;

разработку и утверждение Положения о послевузовском образовании с учетом международного опыта;

утверждение документа о послевузовском образовании государственного образца — диплома доктора философии (PhD);

реализацию всех необходимых мер, связанных с переводом обучающихся лиц в институтах послевузовского образования в соответствующие институты новой системы, обеспечением приема, рассмотрения аттестационных дел и присуждения соискателям ученых степеней доктора философии (PhD) и доктора наук (Doctor of Science) в соответствии с новыми требованиями до 1 июля 2017 года, а также организацией деятельности двухуровневой системы послевузовского образования с началом обучения в базовой докторантуре, докторантуре или в качестве самостоятельного соискателя;

совершенствование действующего порядка признания и нострификации (установления эквивалентности) документов об ученых степенях, выданных в зарубежных странах.

6. Определить, что прием в базовую докторантуру и докторантуру осуществляется в пределах бюджетных средств, ежегодно выделяемых на эти цели Академии наук Республики Узбекистан, министерствам, ведомствам и учреждениям, осуществляющим послевузовское образование.

7. Установить, что с 1 июля 2017 года лицам, обучающимся в:

базовой докторантуре, выплачивается стипендия, приравненная к базовым размерам должностного оклада стажера-исследователя;

докторантуре — стипендия, приравненная к базовым окладам старших научных сотрудников, имеющих ученую степень кандидата наук (не имеющего ученого звания).

8. Министерству финансов Республики Узбекистан, начиная с 2018 года, предусматривать в параметрах расходов Государственного бюджета Республики Узбекистан выделение необходимых средств на финансирование системы подготовки научных и научно-педагогических кадров высшей квалификации в соответствии с настоящим Указом.

9. Признать утратившим силу Указы Президента Республики Узбекистан от 24 июля 2012 года № УП-4456 « О дальнейшем совершенствовании системы подготовки и аттестации научных и научно-педагогических кадров высшей квалификации » и от 27 июля 2012 года № УП-4458 « О внесении изменений в Указ Президента Республики Узбекистан от 24 июля 2012 года № УП-4456 «О дальнейшем совершенствовании системы подготовки и аттестации научных и научно-педагогических кадров высшей квалификации ».

10. Комитету по координации развития науки и технологий при Кабинете Министров Республики Узбекистан совместно с Высшей аттестационной комиссией при Кабинете Министров Республики Узбекистан, Министерством высшего и среднего специального образования, Министерством народного образования, Министерством юстиции, Академией наук Республики Узбекистан, другими заинтересованными министерствами и ведомствами внести в Кабинет Министров Республики Узбекистан предложения об изменениях и дополнениях в действующее законодательство, вытекающих из настоящего Указа.

11. Контроль за исполнением настоящего Указа возложить на Премьер- министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

16 февраля 2017 г.,

№ УП-4958

(Собрание законодательства Республики Узбекистан, 2017 г., № 8, ст. 106)

lex.uz