UzbekAI

Ўзбекистон Республикаси Президентининг

Фармойиши

ТАРКИБИ *

ТАРКИБИ

«Халқ билан мулоқот ва инсон манфаатлари йили» Давлат дастурини ишлаб чиқиш ва амалга оширишнинг ташкилий чора-тадбирлари тўғрисида

Мамлакатда амалга оширилаётган демократик жараёнларнинг сифати ва натижадорлигини тубдан ошириш ҳамда инсоннинг ҳуқуқлари, эркинликлари ва манфаатларини, шу жумладан одамлар ҳаётининг муносиб даражасини таъминлаш, улар амалга оширилиши учун давлат органларининг роли ва масъулиятини кучайтириш, аҳоли билан очиқ мулоқотни йўлга қўйиш ва уларнинг мурожаатлари билан ишлашнинг янги самарали механизмлари ва усулларини жорий этиш, фуқароларни безовта қилаётган ҳаётий муаммоларни ўз вақтида ҳал этиш, «Инсон манфаатлари ҳар нарсадан улуғ» деган эзгу ғояни ҳаётга изчил жорий этиш мақсадида, шунингдек 2017 йил Ўзбекистон Республикасида «Халқ билан мулоқот ва инсон манфаатлари йили» деб эълон қилинганлиги муносабати билан:

1. «Халқ билан мулоқот ва инсон манфаатлари йили» Давлат дастурини ишлаб чиқиш ва амалга ошириш бўйича Республика комиссияси 1-иловага мувофиқ таркибда ташкил этилсин.

2. Республика комиссияси (А.Н. Арипов) жамоат ташкилотларини ва Ҳукуматга қарашли бўлмаган ташкилотларни, фуқароларнинг ўзини ўзи бошқариш органларини кенг жалб этган ҳолда вазирликлар, идоралар, хўжалик бирлашмалари, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда бир ой муддатда «Халқ билан мулоқот ва инсон манфаатлари йили» Давлат дастури лойиҳасини ишлаб чиқсин ва тасдиқлаш учун киритсин.

Вазирликлар, идоралар, маҳаллий давлат ҳокимияти органлари, хўжалик бирлашмалари, жамоат ташкилотлари ва Ҳукуматга қарашли бўлмаган ташкилотлардан тушаётган материаллар ва таклифларни умумлаштириш учун 2-иловага мувофиқ таркибда йиғма ишчи гуруҳ ташкил этилсин.

3. «Халқ билан мулоқот ва инсон манфаатлари йили» Давлат дастури лойиҳасини ишлаб чиқишда қуйидаги муҳим, устувор вазифалар амалга оширилиши бўйича аниқ таклифлар ва чора-тадбирлар ишлаб чиқилишига алоҳида эътибор қаратилсин:

қабул қилинган қонунлар, фармонлар ва бошқа қонун ҳужжатлари бажарилиши, давлат органларига юкланган вазифалар ва функцияларнинг бажарилиши бўйича улар ишининг самарадорлиги, улар томонидан инсоннинг ҳуқуқлари, эркинликлари ва манфаатларига риоя этилиши, фуқароларнинг мурожаатларига муносабат билдирилиши юзасидан Парламент ва жамоатчилик назоратининг доимий ишлайдиган таъсирчан механизмларини шакллантириш;

фуқароларнинг ва юридик шахсларнинг мурожаатлари билан ишлаш тизимини тубдан такомиллаштириш, аҳоли билан очиқ мулоқотни йўлга қўйишнинг янги самарали механизмлари ва усулларини жорий этиш, барча даражалардаги ҳокимларнинг, прокуратура ва ички ишлар органларининг аҳоли олдида ҳисобот бериши тизимини амалиётга жорий этиш, шу асосда халқнинг давлат ҳокимиятига бўлган ишончини мустаҳкамлаш;

жойларда «халқ қабулхоналари»ни ташкил этишнинг аниқ ҳуқуқий, ташкилий-амалий, моддий-техник ва молиявий асосларини белгилаш, уларнинг самарали фаолият кўрсатишини таъминлаш, фуқароларнинг мурожаатлари энг кўп тушадиган соҳаларда бюрократик тўсиқлар ва муаммоларни бартараф этиш чора-тадбирларини кўриш;

талаб этиладиган давлат хизматларини аҳолига «ягона дарча» тамойили бўйича бир идора орқали кўрсатиш тизимини янада такомиллаштириш, ушбу жараёнларга ва давлат органлари фаолиятига замонавий ахборот-коммуникация технологияларини кенг жорий этиш, «Электрон ҳукумат»нинг самарали тизимини шакллантириш;

суд ҳокимиятининг чинакам мустақиллигини мустаҳкамлаш ва одил судловга эришиш, фуқароларнинг ҳуқуқларини ишончли ҳимоя қилиш институти сифатида адвокатуранинг роли ва аҳамиятини янада ошириш, суд-ҳуқуқ соҳасида адвокатларнинг ваколатларини кенгайтириш чора-тадбирларини амалга ошириш;

аҳолининг ҳуқуқий маданиятини ва молиявий-иқтисодий саводхонлигини ошириш, фуқароларни қонунни ҳурмат қилиш руҳида тарбиялаш тизимини шакллантириш, жамиятда ҳуқуқбузарликка тоқатсизликни кучайтириш, «Адолат — қонун устуворлигида» тамойилини жамият ҳаётида кенг қарор топтириш;

иқтисодиётни бошқаришда давлатнинг ролини босқичма-босқич камайтириш, давлат бошқаруви органларининг тузилмаси, вазифалари ва ваколатларини оптималлаштиришга, уларга хос бўлмаган бир-бирини такрорловчи функцияларни қисқартиришга, давлат хизмати институтини ислоҳ қилишнинг самарали тизимини шакллантиришга, давлат хизматчиларининг моддий ва ижтимоий таъминотини тубдан такомиллаштиришга, давлат хизматига замонавий фикрлайдиган ташаббускор, масъулиятли, касбий тайёрланган кадрларни жалб этишга йўналтирилган Маъмурий ислоҳотларни чуқурлаштириш концепциясини ишлаб чиқиш;

иқтисодиётнинг барқарор суръатлар билан ўсишини таъминлаш, иқтисодиётни ислоҳ қилиш ва эркинлаштириш ишларини кучайтириш, қишлоқ хўжалигини ислоҳ қилиш ва озиқ-овқат хавфсизлигини таъминлаш, кичик бизнес ва хусусий тадбиркорликни қўллаб-қувватлаш ва рағбатлантириш, тадбиркорлик фаолияти учун энг қулай шарт-шароитлар яратиш, хусусий мулкнинг ҳар томонлама ҳимоя қилинишини таъминлаш;

ҳудудларни, айниқса ижтимоий ва иқтисодий ривожланишда нисбатан орқада қолаётган туманлар ва шаҳарларни, чекка аҳоли пунктларини комплекс, жадал ривожлантириш, тижорат банкларининг фаол иштирокида янги иш ўринлари яратилишини таъминлаш ва шу асосда иш ҳақи, пенсиялар, нафақалар ва стипендиялар миқдорларини босқичма-босқич кўпайтириш, аҳолининг ҳаёти даражаси ва сифатини ошириш;

муҳандислик-коммуникация, ижтимоий ва бозор инфратузилмасини ривожлантириш ва модернизациялаш, аҳоли ҳаёти шароитлари ва сифатини яхшилашга йўналтирилган янгиланган намунавий лойиҳалар бўйича арзон ва қулай уйлар қуриш бўйича мақсадли дастурларни амалга ошириш;

таълим, ижтимоий таъминот ва соғлиқни сақлаш тизимларини, шу жумладан оналик ва болаликни муҳофаза қилишни янада ривожлантириш, оила институтини мустаҳкамлаш, соғлом ва баркамол авлодни тарбиялаш, ёшларнинг иқтидорлари ва қобилиятларини рўёбга чиқариш, уларнинг ҳаётда муносиб ўринга эга бўлишлари учун кенг имкониятлар яратиш бўйича комплекс чора-тадбирларни амалга ошириш;

жамиятда ҳукм сураётган ўзаро ҳурмат ва бирдамлик вазиятини янада мустаҳкамлаш, миллати, дини ва эътиқодидан қатъи назар, барча фуқаролар учун тенг ҳуқуқлар ва имкониятлар яратиш, маҳалла институти, хотин-қизлар, ёшлар ташкилотлари, фахрийлар ташкилотларининг роли ва аҳамиятини кучайтириш, мамлакатимизда тинчлик ва хавфсизликни таъминлаш.

4. Мазкур фармойишнинг бажарилишини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президентининг 2016 йил 17 декабрдаги Ф-4760-сон фармойишига 1-ИЛОВА

«Халқ билан мулоқот ва инсон манфаатлари йили» Давлат дастурини ишлаб чиқиш ва амалга ошириш бўйича Республика комиссияси

Арипов А.Н. — Ўзбекистон Республикасининг Бош вазири, Комиссия раиси Йўлдошев Н.Т. — Ўзбекистон Республикаси Олий Мажлиси Сенатининг Раиси, Комиссия раисининг ўринбосари Исмоилов Н.М. — Ўзбекистон Республикаси Олий Мажлиси Қонунчилик палатасининг Спикери, Комиссия раисининг ўринбосари Голишев В.А. — Ўзбекистон Республикаси Президентининг Давлат маслаҳатчиси Султонов Х.М. — Ўзбекистон Республикаси Президентининг Давлат маслаҳатчиси Муродов О.Б. — Ўзбекистон Республикаси Президентининг Давлат маслаҳатчиси вазифасини бажарувчи Раматов А.Ж. — Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ раиси Азимов Р.С. — Ўзбекистон Республикаси Бош вазирининг ўринбосари Ибрагимов Ғ.И. — Ўзбекистон Республикаси Бош вазирининг ўринбосари Розукулов У.У. — Ўзбекистон Республикаси Бош вазирининг ўринбосари, «Ўзавтосаноат» акциядорлик компанияси бошқаруви раиси Икрамов А.И. — Ўзбекистон Республикаси Бош вазирининг ўринбосари, Соғлиқни сақлаш вазири Нарбаева Т.К. — Ўзбекистон Республикаси Бош вазирининг ўринбосари, Хотин-қизлар қўмитаси раиси Абдуллаев И.Б. — Ўзбекистон Республикаси Бош прокурори Газиев Ш.А. — Ўзбекистон Республикаси Олий суди раиси Мухаммадиев У.Н. — Ўзбекистон Республикаси Олий Мажлисининг инсон ҳуқуқлари бўйича вакили (Омбудсман) Саидова Г.К. — Ўзбекистон Республикаси Иқтисодиёт вазири Ахмедбаев А.А. — Ўзбекистон Республикаси Ички ишлар вазири Абдуҳакимов А.А. — Ўзбекистон Республикаси Меҳнат вазири Икрамов М.М. — Ўзбекистон Республикаси Адлия вазири Касимов Р.С. — Ўзбекистон Республикаси Олий ва ўрта махсус таълим вазири Иноятов У.И. — Ўзбекистон Республикаси Халқ таълими вазири Мирзохидов Х.М. — Ўзбекистон Республикаси Ахборот технологиялари ва коммуникацияларини ривожлантириш вазири Аҳмедов Б.М. — Ўзбекистон Республикаси Маданият ва спорт ишлари вазири Муллажонов Ф.М. — Ўзбекистон Республикаси Марказий банки раиси Кучкаров Ж.А. — Ўзбекистон Республикаси Молия вазирининг биринчи ўринбосари Тохтаев А.Р. — Ўзбекистон Республикаси Давлат архитектура ва қурилиш қўмитаси раисининг биринчи ўринбосари Саидов А.Х. — Инсон ҳуқуқлари бўйича Миллий марказ директори Шайхов А.Э. — Ўзбекистон Савдо-саноат палатаси раиси Махамадалиев Б.Х. — Ўзбекистон Касаба уюшмалари Федерацияси Кенгаши раисининг ўринбосари Хаджаев А.Д. — Ўзбекистон Миллий телерадиокомпанияси раиси Ҳазратқулов М. — Ўзбекистон Миллий ахборот агентлиги бош директори Мансуров К.Т. — Ўзбекистон матбуот ва ахборот агентлиги бош директорининг ўринбосари Абдувалиев А.А. — «Ўзавтойўл» компанияси раиси Махкамов И.Р. — «Ўзкоммунхизмат» агентлиги директори Саломов Ф.И. — «Ўзбекэнерго» акциядорлик жамияти раиси Султанов А.С. — «Ўзбекнефтгаз» миллий холдинг компанияси раиси Салимов У.З. — Ўрта махсус, касб-ҳунар таълими маркази директори Турдиев С. — Ўзбекистон Фермерлари кенгаши раиси Иногомов Ж.С. — Ўзбекистон «Маҳалла» хайрия жамоат фонди раиси Усмонов Ш.Г. — Ўзбекистон фахрийларини ижтимоий қўллаб-қувватлаш «Нуроний» жамғармаси раиси Косимов Н.У. — Республика маънавият тарғибот маркази раҳбари вазифасини бажарувчи Маврулов А. — Миллий ғоя ва мафкура илмий-амалий маркази раҳбари Ганиев Б.М. — Ўзбекистон «Камолот» ёшлар ижтимоий ҳаракати марказий кенгаши раиси Содиқов А.М. — Ўзбекистон Республикаси Президенти Девонининг бош консультанти Садиков Ш.М. — Ўзбекистон Республикаси Вазирлар Маҳкамасининг Ёшлар сиёсати, маданият, ахборот тизимлари ва телекоммуникациялар масалалари ахборот-таҳлил департаменти мудири Қуронов М. — Ўзбекистон Республикаси Бош вазирининг маслаҳатчиси, Комиссия котиби

Ўзбекистон Республикаси Президентининг 2016 йил 17 декабрдаги Ф-4760-сон фармойишига 2-ИЛОВА

Материалларни умумлаштириш бўйича йиғма ишчи гуруҳ

Муродов О.Б. — Ўзбекистон Республикаси Президентининг Давлат маслаҳатчиси вазифасини бажарувчи Раҳмонқулов М.Х. — Амалдаги қонун ҳужжатлари мониторинги институти директорининг ўринбосари Қуронов М. — Ўзбекистон Республикаси Бош вазирининг маслаҳатчиси Содиқов А.М. — Ўзбекистон Республикаси Президенти Девонининг бош консультанти Қўчқоров Ж.А. — Ўзбекистон Республикаси Молия вазирининг биринчи ўринбосари Тойчиев Н.Т. — Ўзбекистон Республикаси Вазирлар Маҳкамасининг Ҳуқуқий экспертиза ва халқаро шартномалар бошқармаси бошлиғи Садиков Ш.М. — Ўзбекистон Республикаси Вазирлар Маҳкамасининг Ёшлар сиёсати, маданият, ахборот тизимлари ва телекоммуникациялар масалалари ахборот-таҳлил департаменти мудири Шукуров С.С. — Ўзбекистон Республикаси Вазирлар Маҳкамасининг Ёшлар сиёсати, маданият, ахборот тизимлари ва телекоммуникациялар масалалари ахборот-таҳлил департаментининг бош мутахассиси

Ўзбекистон Республикаси Президенти Ш. МИРЗИЁЕВ

Тошкент ш.,

2016 йил 17 декабрь,

Ф-4760-сон

(Ўзбекистон Республикаси қонун ҳужжатлари тўплами, 2017 й., 8-сон, 119-модда)

lex.uz

Oʻzbekiston Respublikasi Prezidentining

Farmoyishi

TARKIBI *

TARKIBI

“Xalq bilan muloqot va inson manfaatlari yili” Davlat dasturini ishlab chiqish va amalga oshirishning tashkiliy chora-tadbirlari toʻgʻrisida

Mamlakatda amalga oshirilayotgan demokratik jarayonlarning sifati va natijadorligini tubdan oshirish hamda insonning huquqlari, erkinliklari va manfaatlarini, shu jumladan odamlar hayotining munosib darajasini taʼminlash, ular amalga oshirilishi uchun davlat organlarining roli va masʼuliyatini kuchaytirish, aholi bilan ochiq muloqotni yoʻlga qoʻyish va ularning murojaatlari bilan ishlashning yangi samarali mexanizmlari va usullarini joriy etish, fuqarolarni bezovta qilayotgan hayotiy muammolarni oʻz vaqtida hal etish, “Inson manfaatlari har narsadan ulugʻ” degan ezgu gʻoyani hayotga izchil joriy etish maqsadida, shuningdek 2017-yil Oʻzbekiston Respublikasida “Xalq bilan muloqot va inson manfaatlari yili” deb eʼlon qilinganligi munosabati bilan:

1. “Xalq bilan muloqot va inson manfaatlari yili” Davlat dasturini ishlab chiqish va amalga oshirish boʻyicha Respublika komissiyasi 1-ilovaga muvofiq tarkibda tashkil etilsin.

2. Respublika komissiyasi (A.N. Aripov) jamoat tashkilotlarini va Hukumatga qarashli boʻlmagan tashkilotlarni, fuqarolarning oʻzini oʻzi boshqarish organlarini keng jalb etgan holda vazirliklar, idoralar, xoʻjalik birlashmalari, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda bir oy muddatda “Xalq bilan muloqot va inson manfaatlari yili” Davlat dasturi loyihasini ishlab chiqsin va tasdiqlash uchun kiritsin.

Vazirliklar, idoralar, mahalliy davlat hokimiyati organlari, xoʻjalik birlashmalari, jamoat tashkilotlari va Hukumatga qarashli boʻlmagan tashkilotlardan tushayotgan materiallar va takliflarni umumlashtirish uchun 2-ilovaga muvofiq tarkibda yigʻma ishchi guruh tashkil etilsin.

3. “Xalq bilan muloqot va inson manfaatlari yili” Davlat dasturi loyihasini ishlab chiqishda quyidagi muhim, ustuvor vazifalar amalga oshirilishi boʻyicha aniq takliflar va chora-tadbirlar ishlab chiqilishiga alohida eʼtibor qaratilsin:

qabul qilingan qonunlar, farmonlar va boshqa qonun hujjatlari bajarilishi, davlat organlariga yuklangan vazifalar va funksiyalarning bajarilishi boʻyicha ular ishining samaradorligi, ular tomonidan insonning huquqlari, erkinliklari va manfaatlariga rioya etilishi, fuqarolarning murojaatlariga munosabat bildirilishi yuzasidan Parlament va jamoatchilik nazoratining doimiy ishlaydigan taʼsirchan mexanizmlarini shakllantirish;

fuqarolarning va yuridik shaxslarning murojaatlari bilan ishlash tizimini tubdan takomillashtirish, aholi bilan ochiq muloqotni yoʻlga qoʻyishning yangi samarali mexanizmlari va usullarini joriy etish, barcha darajalardagi hokimlarning, prokuratura va ichki ishlar organlarining aholi oldida hisobot berishi tizimini amaliyotga joriy etish, shu asosda xalqning davlat hokimiyatiga boʻlgan ishonchini mustahkamlash;

joylarda “xalq qabulxonalari”ni tashkil etishning aniq huquqiy, tashkiliy-amaliy, moddiy-texnik va moliyaviy asoslarini belgilash, ularning samarali faoliyat koʻrsatishini taʼminlash, fuqarolarning murojaatlari eng koʻp tushadigan sohalarda byurokratik toʻsiqlar va muammolarni bartaraf etish chora-tadbirlarini koʻrish;

talab etiladigan davlat xizmatlarini aholiga “yagona darcha” tamoyili boʻyicha bir idora orqali koʻrsatish tizimini yanada takomillashtirish, ushbu jarayonlarga va davlat organlari faoliyatiga zamonaviy axborot-kommunikatsiya texnologiyalarini keng joriy etish, “Elektron hukumat”ning samarali tizimini shakllantirish;

sud hokimiyatining chinakam mustaqilligini mustahkamlash va odil sudlovga erishish, fuqarolarning huquqlarini ishonchli himoya qilish instituti sifatida advokaturaning roli va ahamiyatini yanada oshirish, sud-huquq sohasida advokatlarning vakolatlarini kengaytirish chora-tadbirlarini amalga oshirish;

aholining huquqiy madaniyatini va moliyaviy-iqtisodiy savodxonligini oshirish, fuqarolarni qonunni hurmat qilish ruhida tarbiyalash tizimini shakllantirish, jamiyatda huquqbuzarlikka toqatsizlikni kuchaytirish, “Adolat — qonun ustuvorligida” tamoyilini jamiyat hayotida keng qaror toptirish;

iqtisodiyotni boshqarishda davlatning rolini bosqichma-bosqich kamaytirish, davlat boshqaruvi organlarining tuzilmasi, vazifalari va vakolatlarini optimallashtirishga, ularga xos boʻlmagan bir-birini takrorlovchi funksiyalarni qisqartirishga, davlat xizmati institutini isloh qilishning samarali tizimini shakllantirishga, davlat xizmatchilarining moddiy va ijtimoiy taʼminotini tubdan takomillashtirishga, davlat xizmatiga zamonaviy fikrlaydigan tashabbuskor, masʼuliyatli, kasbiy tayyorlangan kadrlarni jalb etishga yoʻnaltirilgan Maʼmuriy islohotlarni chuqurlashtirish konsepsiyasini ishlab chiqish;

iqtisodiyotning barqaror surʼatlar bilan oʻsishini taʼminlash, iqtisodiyotni isloh qilish va erkinlashtirish ishlarini kuchaytirish, qishloq xoʻjaligini isloh qilish va oziq-ovqat xavfsizligini taʼminlash, kichik biznes va xususiy tadbirkorlikni qoʻllab-quvvatlash va ragʻbatlantirish, tadbirkorlik faoliyati uchun eng qulay shart-sharoitlar yaratish, xususiy mulkning har tomonlama himoya qilinishini taʼminlash;

hududlarni, ayniqsa ijtimoiy va iqtisodiy rivojlanishda nisbatan orqada qolayotgan tumanlar va shaharlarni, chekka aholi punktlarini kompleks, jadal rivojlantirish, tijorat banklarining faol ishtirokida yangi ish oʻrinlari yaratilishini taʼminlash va shu asosda ish haqi, pensiyalar, nafaqalar va stipendiyalar miqdorlarini bosqichma-bosqich koʻpaytirish, aholining hayoti darajasi va sifatini oshirish;

muhandislik-kommunikatsiya, ijtimoiy va bozor infratuzilmasini rivojlantirish va modernizatsiyalash, aholi hayoti sharoitlari va sifatini yaxshilashga yoʻnaltirilgan yangilangan namunaviy loyihalar boʻyicha arzon va qulay uylar qurish boʻyicha maqsadli dasturlarni amalga oshirish;

taʼlim, ijtimoiy taʼminot va sogʻliqni saqlash tizimlarini, shu jumladan onalik va bolalikni muhofaza qilishni yanada rivojlantirish, oila institutini mustahkamlash, sogʻlom va barkamol avlodni tarbiyalash, yoshlarning iqtidorlari va qobiliyatlarini roʻyobga chiqarish, ularning hayotda munosib oʻringa ega boʻlishlari uchun keng imkoniyatlar yaratish boʻyicha kompleks chora-tadbirlarni amalga oshirish;

jamiyatda hukm surayotgan oʻzaro hurmat va birdamlik vaziyatini yanada mustahkamlash, millati, dini va eʼtiqodidan qatʼi nazar, barcha fuqarolar uchun teng huquqlar va imkoniyatlar yaratish, mahalla instituti, xotin-qizlar, yoshlar tashkilotlari, faxriylar tashkilotlarining roli va ahamiyatini kuchaytirish, mamlakatimizda tinchlik va xavfsizlikni taʼminlash.

4. Mazkur farmoyishning bajarilishini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2016-yil 17-dekabrdagi F-4760-son farmoyishiga 1-ILOVA

“Xalq bilan muloqot va inson manfaatlari yili” Davlat dasturini ishlab chiqish va amalga oshirish boʻyicha Respublika komissiyasi

Aripov A.N. — Oʻzbekiston Respublikasining Bosh vaziri, Komissiya raisi Yoʻldoshev N.T. — Oʻzbekiston Respublikasi Oliy Majlisi Senatining Raisi, Komissiya raisining oʻrinbosari Ismoilov N.M. — Oʻzbekiston Respublikasi Oliy Majlisi Qonunchilik palatasining Spikeri, Komissiya raisining oʻrinbosari Golishev V.A. — Oʻzbekiston Respublikasi Prezidentining Davlat maslahatchisi Sultonov X.M. — Oʻzbekiston Respublikasi Prezidentining Davlat maslahatchisi Murodov O.B. — Oʻzbekiston Respublikasi Prezidentining Davlat maslahatchisi vazifasini bajaruvchi Ramatov A.J. — Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ raisi Azimov R.S. — Oʻzbekiston Respublikasi Bosh vazirining oʻrinbosari Ibragimov Gʻ.I. — Oʻzbekiston Respublikasi Bosh vazirining oʻrinbosari Rozukulov U.U. — Oʻzbekiston Respublikasi Bosh vazirining oʻrinbosari, “Oʻzavtosanoat” aksiyadorlik kompaniyasi boshqaruvi raisi Ikramov A.I. — Oʻzbekiston Respublikasi Bosh vazirining oʻrinbosari, Sogʻliqni saqlash vaziri Narbayeva T.K. — Oʻzbekiston Respublikasi Bosh vazirining oʻrinbosari, Xotin-qizlar qoʻmitasi raisi Abdullayev I.B. — Oʻzbekiston Respublikasi Bosh prokurori Gaziyev Sh.A. — Oʻzbekiston Respublikasi Oliy sudi raisi Muxammadiyev U.N. — Oʻzbekiston Respublikasi Oliy Majlisining inson huquqlari boʻyicha vakili (Ombudsman) Saidova G.K. — Oʻzbekiston Respublikasi Iqtisodiyot vaziri Axmedbayev A.A. — Oʻzbekiston Respublikasi Ichki ishlar vaziri Abduhakimov A.A. — Oʻzbekiston Respublikasi Mehnat vaziri Ikramov M.M. — Oʻzbekiston Respublikasi Adliya vaziri Kasimov R.S. — Oʻzbekiston Respublikasi Oliy va oʻrta maxsus taʼlim vaziri Inoyatov U.I. — Oʻzbekiston Respublikasi Xalq taʼlimi vaziri Mirzoxidov X.M. — Oʻzbekiston Respublikasi Axborot texnologiyalari va kommunikatsiyalarini rivojlantirish vaziri Ahmedov B.M. — Oʻzbekiston Respublikasi Madaniyat va sport ishlari vaziri Mullajonov F.M. — Oʻzbekiston Respublikasi Markaziy banki raisi Kuchkarov J.A. — Oʻzbekiston Respublikasi Moliya vazirining birinchi oʻrinbosari Toxtayev A.R. — Oʻzbekiston Respublikasi Davlat arxitektura va qurilish qoʻmitasi raisining birinchi oʻrinbosari Saidov A.X. — Inson huquqlari boʻyicha Milliy markaz direktori Shayxov A.E. — Oʻzbekiston Savdo-sanoat palatasi raisi Maxamadaliyev B.X. — Oʻzbekiston Kasaba uyushmalari Federatsiyasi Kengashi raisining oʻrinbosari Xadjayev A.D. — Oʻzbekiston Milliy teleradiokompaniyasi raisi Hazratqulov M. — Oʻzbekiston Milliy axborot agentligi bosh direktori Mansurov K.T. — Oʻzbekiston matbuot va axborot agentligi bosh direktorining oʻrinbosari Abduvaliyev A.A. — “Oʻzavtoyoʻl” kompaniyasi raisi Maxkamov I.R. — “Oʻzkommunxizmat” agentligi direktori Salomov F.I. — “Oʻzbekenergo” aksiyadorlik jamiyati raisi Sultanov A.S. — “Oʻzbekneftgaz” milliy xoldin� kompaniyasi raisi Salimov U.Z. — Oʻrta maxsus, kasb-hunar taʼlimi markazi direktori Turdiyev S. — Oʻzbekiston Fermyerlari kengashi raisi Inogomov J.S. — Oʻzbekiston “Mahalla” xayriya jamoat fondi raisi Usmonov Sh.G. — Oʻzbekiston faxriylarini ijtimoiy qoʻllab-quvvatlash “Nuroniy” jamgʻarmasi raisi Kosimov N.U. — Respublika maʼnaviyat targʻibot markazi rahbari vazifasini bajaruvchi Mavrulov A. — Milliy gʻoya va mafkura ilmiy-amaliy markazi rahbari Ganiyev B.M. — Oʻzbekiston “Kamolot” yoshlar ijtimoiy harakati markaziy kengashi raisi Sodiqov A.M. — Oʻzbekiston Respublikasi Prezidenti Devonining bosh konsultanti Sadikov Sh.M. — Oʻzbekiston Respublikasi Vazirlar Mahkamasining Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti mudiri Quronov M. — Oʻzbekiston Respublikasi Bosh vazirining maslahatchisi, Komissiya kotibi

Oʻzbekiston Respublikasi Prezidentining 2016-yil 17-dekabrdagi F-4760-son farmoyishiga 2-ILOVA

Materiallarni umumlashtirish boʻyicha yigʻma ishchi guruh

Murodov O.B. — Oʻzbekiston Respublikasi Prezidentining Davlat maslahatchisi vazifasini bajaruvchi Rahmonqulov M.X. — Amaldagi qonun hujjatlari monitoringi instituti direktorining oʻrinbosari Quronov M. — Oʻzbekiston Respublikasi Bosh vazirining maslahatchisi Sodiqov A.M. — Oʻzbekiston Respublikasi Prezidenti Devonining bosh konsultanti Qoʻchqorov J.A. — Oʻzbekiston Respublikasi Moliya vazirining birinchi oʻrinbosari Toychiyev N.T. — Oʻzbekiston Respublikasi Vazirlar Mahkamasining Huquqiy ekspertiza va xalqaro shartnomalar boshqarmasi boshligʻi Sadikov Sh.M. — Oʻzbekiston Respublikasi Vazirlar Mahkamasining Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamenti mudiri Shukurov S.S. — Oʻzbekiston Respublikasi Vazirlar Mahkamasining Yoshlar siyosati, madaniyat, axborot tizimlari va telekommunikatsiyalar masalalari axborot-tahlil departamentining bosh mutaxassisi

Oʻzbekiston Respublikasi Prezidenti Sh. MIRZIYOYEV

Toshkent sh.,

2016-yil 17-dekabr,

F-4760-son

(Oʻzbekiston Respublikasi qonun hujjatlari toʻplami, 2017-y., 8-son, 119-modda)

lex.uz

Президента Республики Узбекистан

Распоряжение

СОСТАВ

СОСТАВ

Об организационных мерах по разработке и реализации Государственной программы «Год диалога с народом и интересов человека»

В целях кардинального повышения качества и результативности осуществляемых в стране процессов демократизации и обеспечения прав, свобод и интересов человека, в том числе достойного уровня жизни людей, усиления роли и ответственности государственных органов за их реализацию, внедрения новых эффективных механизмов и методов налаживания открытого диалога с населением и работы с их обращениями, своевременного решения волнующих граждан жизненных проблем, последовательного воплощения в жизнь благородной идеи «Интересы человека — превыше всего», а также в связи с провозглашением в Республике Узбекистан 2017 года «Годом диалога с народом и интересов человека»:

1. Создать Республиканскую комиссию по разработке и реализации Государственной программы «Год диалога с народом и интересов человека» в составе согласно приложению № 1 .

2. Республиканской комиссии (Арипов А.Н.) совместно с министерствами, ведомствами, хозяйственными объединениями, Советом Министров Республики Каракалпакстан, хокимиятами областей и г. Ташкента с широким привлечением общественных и неправительственных организаций, органов самоуправления граждан в месячный срок разработать и внести на утверждение проект Государственной программы «Год диалога с народом и интересов человека».

Для обобщения материалов и предложений, поступающих от министерств, ведомств, органов государственной власти на местах, хозяйственных объединений, общественных и неправительственных организаций образовать сводную рабочую группу в составе согласно приложению № 2 .

3. При разработке проекта Государственной программы «Год диалога с народом и интересов человека» особое внимание обратить на выработку конкретных предложений и мер по реализации следующих важнейших, приоритетных задач:

формирование постоянных действенных механизмов парламентского и общественного контроля за выполнением на местах принятых законов, указов и иных актов законодательства, эффективностью работы государственных органов по выполнению возложенных на них задач и функций, соблюдению ими прав, свобод и интересов человека, реагированию на обращения граждан;

коренное совершенствование системы работы с обращениями граждан и юридических лиц, внедрение новых эффективных механизмов и методов налаживания открытого диалога с населением, внедрение в практику системы отчетности перед населением хокимов всех уровней, руководителей органов прокуратуры и внутренних дел, укрепление на этой основе доверия народа к государственной власти;

определение конкретных правовых, организационно-практических, материально-технических и финансовых основ организации «народных приемных» на местах, обеспечение их эффективного функционирования, принятие мер по устранению бюрократических преград и проблем в сферах, по которым поступает наибольшее количество обращений граждан;

дальнейшее совершенствование системы оказания населению востребованных государственных услуг через одно ведомство по принципу «одно окно», широкое внедрение в эти процессы и деятельность государственных органов современных информационно-коммуникационных технологий, формирование эффективной системы «Электронное правительство»;

осуществление мер по укреплению подлинной независимости судебной власти и достижению правосудия, дальнейшему повышению роли и значения адвокатуры как института надежной защиты прав граждан, расширению полномочий адвокатов в судебно-правовой сфере;

повышение правовой культуры и финансово-экономической грамотности населения, формирование системы воспитания граждан в духе уважения к закону, усиление в обществе нетерпимости к правонарушениям, широкое утверждение в жизни общества принципа «Справедливость — в верховенстве закона»;

поэтапное снижение роли государства в управлении экономикой, разработка Концепции углубления административных реформ, направленной на оптимизацию структуры, задач и полномочий органов государственного управления, сокращение несвойственных им, дублирующих функций, формирование эффективной системы реформирования института государственной службы, кардинальное совершенствование материального и социального обеспечения государственных служащих, привлечение на государственную службу современно мыслящих, инициативных, ответственных, профессионально подготовленных кадров;

обеспечение роста экономики устойчивыми темпами, усиление работы по реформированию и либерализации экономики, реформирование сельского хозяйства и обеспечение продовольственной безопасности, поддержка и стимулирование малого бизнеса и частного предпринимательства, формирование максимально благоприятных условий для предпринимательской деятельности, обеспечение всемерной защиты частной собственности;

комплексное, интенсивное развитие территорий, особенно относительно отстающих в экономическом и социальном развитии районов и городов, отдаленных населенных пунктов, обеспечение с активным участием коммерческих банков создания новых рабочих мест и на этой основе поэтапное увеличение размеров заработной платы, пенсий, пособий и стипендий, повышение уровня и качества жизни населения;

реализация целевых программ по развитию и модернизации инженерно-коммуникационной, социальной и рыночной инфраструктуры, строительству доступного и удобного жилья по обновленным типовым проектам, нацеленным на улучшение условий и качества жизни населения;

реализация комплексных мер по дальнейшему развитию систем образования, социального обеспечения и здравоохранения, в том числе охраны материнства и детства, укреплению института семьи, воспитанию здорового и гармонично развитого поколения, реализации талантов и способностей молодежи, создание широких возможностей для обретения ею достойного места в жизни;

дальнейшее укрепление царящей в обществе обстановки взаимоуважения и сплоченности, создание равных прав и возможностей для всех граждан независимо от национальности, религии и убеждений, усиление роли и значения института махалли, женских, молодежных организаций, объединений ветеранов, обеспечение мира и безопасности в стране.

4. Контроль за исполнением настоящего распоряжения возложить на Премьер-министра Республики Узбекистан А.Н. Арипова.

ПРИЛОЖЕНИЕ № 1 к распоряжению Президента Республики Узбекистан от 17 декабря 2016 года № Р-4760

Республиканской комиссии по разработке и реализации Государственной программы «Год диалога с народом и интересов человека» *

Арипов А.Н. — Премьер-министр Республики Узбекистан, председатель Комиссии Юлдашев Н.Т. — Председатель Сената Олий Мажлиса Республики Узбекистан, заместитель председателя Комиссии Исмоилов Н.М. — Спикер Законодательной палаты Олий Мажлиса Республики Узбекистан, заместитель председателя Комиссии Голышев В. А. — государственный советник Президента Республики Узбекистан Султонов Х.М. — государственный советник Президента Республики Узбекистан Муродов О.Б. — и.о. государственного советника Президента Республики Узбекистан Раматов А.Ж. — первый заместитель Премьер-министра Республики Узбекистан — председатель АО «Ўзбекистон темир йўллари» Азимов Р.С. — заместитель Премьер-министра Республики Узбекистан Ибрагимов Г.И. — заместитель Премьер-министра Республики Узбекистан Розукулов У.У. — заместитель Премьер-министра Республики Узбекистан — председатель правления АК «Узавтосаноат» Икрамов А.И. — заместитель Премьер-министра Республики Узбекистан — министр здравоохранения Нарбаева Т.К. — заместитель Премьер-министра Республики Узбекистан, председатель Комитета женщин Абдуллаев И.Б. — Генеральный прокурор Республики Узбекистан Газиев Ш.А. — Председатель Верховного суда Республики Узбекистан Мухаммадиев У.Н. — Уполномоченный Олий Мажлиса Республики Узбекистан по правам человека (Омбудсман) Саидова Г.К. — министр экономики Республики Узбекистан Ахмедбаев А. А. — министр внутренних дел Республики Узбекистан Абдухакимов А.А. — министр труда Республики Узбекистан Икрамов М.М. — министр юстиции Республики Узбекистан Касымов Р.С. — министр высшего и среднего специального образования Республики Узбекистан Иноятов У.И. — министр народного образования Республики Узбекистан Мирзохидов Х.М. — министр по развитию информационных технологий и коммуникаций Республики Узбекистан Ахмедов Б.М. — министр по делам культуры и спорта Республики Узбекистан Муллажанов Ф.М. — председатель Центрального банка Республики Узбекистан Кучкаров Ж.А. — первый заместитель министра финансов Республики Узбекистан Тохтаев А.Р. — первый заместитель председателя Государственного комитета Республики Узбекистан по архитектуре и строительству Саидов А.Х. — директор Национального центра по правам человека Шайхов А.Э. — председатель Торгово-промышленной палаты Узбекистана Махамадалиев Б.Х. — заместитель председателя Совета федерации профсоюзов Узбекистана Хаджаев А.Д. — председатель Национальной телерадиокомпании Узбекистана Хазраткулов М. — генеральный директор Национального информационного агентства Узбекистана Мансуров К.Т. — заместитель генерального директора Узбекского агентства по печати и информации Абдувалиев А.А. — председатель компании «Узавтойул» Махкамов И.Р. — директор агентства «Узкоммунхизмат» Саломов Ф.И. — председатель акционерного общества «Узбекэнерго» Султанов А.С. — председатель холдинговой компании «Узбекнефтегаз» Салимов У.З. — директор Центра среднего специального, профессионального образования Турдиев С. — председатель Совета фермеров Узбекистана Иногомов Ж.С. — председатель Благотворительного общественного фонда Узбекистана «Махалла» Усмонов Ш.Г. — председатель фонда «Нуроний» по социальной поддержке ветеранов Узбекистана Косимов Н.У. — и. о. руководителя Республиканского центра пропаганды духовности Маврулов А. — руководитель Научно-практического центра национальной идеи и идеологии Ганиев Б.М. — председатель центрального совета общественного движения молодежи Узбекистана «Камолот» Садиков А.М. — главный консультант Аппарата Президента Республики Узбекистан Садыков Ш.М. — заведующий Информационно-аналитическим департаментом по вопросам молодежной политики, культуры, информационных систем и телекоммуникаций Кабинета Министров Республики Узбекистан Куронов М. — советник Премьер-министра Республики Узбекистан, секретарь комиссии

ПРИЛОЖЕНИЕ № 2 к распоряжению Президента Республики Узбекистан от 17 декабря 2016 года № Р-4760

Сводной рабочей группы по обобщению материалов

Муродов О.Б. — и.о. государственного советника Президента Республики Узбекистан Рахманкулов М.Х. — заместитель директора Института мониторинга действующего законодательства Куранов М. — советник Премьер-министра Республики Узбекистан Садыков А.М. — главный консультант Аппарата Президента Республики Узбекистан Кучкаров Ж.А. — первый заместитель министра финансов Республики Узбекистан Тойчиев Н.Т. — начальник Управления правовой экспертизы и международных договоров Кабинета Министров Республики Узбекистан Садыков Ш.М. — заведующий Информационно-аналитическим департаментом по вопросам молодежной политики, культуры, информационных систем и телекоммуникаций Кабинета Министров Республики Узбекистан Шукуров С.С. — главный специалист Информационно-аналитического департамента по вопросам молодежной политики, культуры, информационных систем и телекоммуникаций Кабинета Министров Республики Узбекистан

Президент Республики Узбекистан Ш. МИРЗИЁЕВ

г. Ташкент,

17 декабря 2016 г.,

№ Р-4760

(Собрание законодательства Республики Узбекистан, 2017 г., № 8, ст. 119)

lex.uz