📅 2017-yil 2-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 2 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 2 марта 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 2 March 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТАВСИФИ
Миллий ҳайдовчилик гувоҳномасининг ҳамда автомототранспорт воситаси рўйхатдан ўтказилганлиги тўғрисидаги гувоҳноманинг янги намуналарини жорий этиш чора-тадбирлари тўғрисида
Миллий ҳайдовчилик гувоҳномаси намуналарининг Йўл ҳаракати тўғрисидаги Конвенция (Вена шаҳри, 1968 йил 8 ноябрь) тавсияларига мувофиқлигини таъминлаш, миллий ҳайдовчилик гувоҳномаларини ҳамда автомототранспорт воситаси рўйхатдан ўтказилганлиги тўғрисидаги гувоҳномаларни рўйхатдан ўтказиш ва ҳисобга олиш тизимига замонавий ахборот-коммуникация технологияларини жорий этишни самарали ташкил этиш мақсадида Вазирлар Маҳкамаси қарор қилади:
1. Ўзбекистон Республикаси Ички ишлар вазирлигининг миллий ҳайдовчилик гувоҳномасининг ҳамда автомототранспорт воситаси рўйхатдан ўтказилганлиги тўғрисидаги гувоҳноманинг пластик шаклда тайёрланадиган янги намуналарини босқичма-босқич жорий этиш ҳақидаги таклифига розилик берилсин.
2. Қуйидагилар:
миллий ҳайдовчилик гувоҳномасининг янги намунаси ва унинг тавсифи 1-иловага мувофиқ;
автомототранспорт воситаси рўйхатдан ўтказилганлиги тўғрисидаги гувоҳноманинг янги намунаси ва унинг тавсифи 2-иловага мувофиқ;
автомототранспорт воситаси техник кўрикдан ўтганлиги тўғрисидаги талоннинг янги намунаси ва унинг тавсифи 3-иловага мувофиқ тасдиқлансин.
3. Белгилаб қўйилсинки:
а) 2017 йил 1 октябрдан бошлаб тегишли равишда миллий ҳайдовчилик гувоҳномасини расмийлаштиришда — миллий ҳайдовчилик гувоҳномасининг, автомототранспорт воситасини рўйхатдан ўтказишда (қайта рўйхатдан ўтказишда) — автомототранспорт воситаси рўйхатдан ўтказилганлиги тўғрисидаги гувоҳноманинг янги намуналари берилади;
б) янги намунадаги миллий ҳайдовчилик гувоҳномаси берилган кундан бошлаб 10 йил муддатга берилади;
в) амалдаги миллий ҳайдовчилик гувоҳномалари ва автомототранспорт воситаси рўйхатдан ўтказилганлиги тўғрисидаги гувоҳномаларини янги намунадаги гувоҳномаларга алмаштириш:
2017 йил 1 октябрь — 2018 йил 31 декабрь даврида — эски намунадаги миллий ҳайдовчилик гувоҳномалари уларнинг берилган санасидан қатъи назар — эгасининг ёзма аризасига кўра ихтиёрий равишда;
2019 йил 1 январдан эски намунадаги барча миллий ҳайдовчилик гувоҳномалари ва автомототранспорт воситаси рўйхатдан ўтказилганлиги тўғрисидаги гувоҳномалар — уларнинг берилган санасига мувофиқ ҳолда:
2010 йилгача бўлган даврда берилганлари — 2023 йил 31 мартга қадар;
2010 — 2012 йилларда берилганлари — 2023 йил 30 июнга қадар;
2013 — 2015 йилларда берилганлари — 2023 йил 30 сентябрга қадар;
2015 йилдан кейин берилганлари — 2023 йил 31 декабрга қадар муддатларда мажбурий тартибда амалга оширилади;
г) эски намунадаги миллий ҳайдовчилик гувоҳномалари ва автомототранспорт воситаси рўйхатдан ўтказилганлиги тўғрисидаги гувоҳномалар уларнинг берилган санасига мувофиқ ҳолда:
2010 йилгача бўлган даврда берилганлари — 2023 йил 1 апрелдан;
2010 — 2012 йилларда берилганлари — 2023 йил 1 июлдан;
2013 — 2015 йилларда берилганлари — 2023 йил 1 октябрдан;
2015 йилдан кейин берилганлари — 2024 йил 1 январдан бошлаб ҳақиқий эмас деб ҳисобланади.
4. Вазирлар Маҳкамасининг «Ўзбекистон Республикасида автомототранспорт воситаларини бошқариш ҳуқуқини берувчи миллий ҳайдовчилик гувоҳномасининг янги намунасини тасдиқлаш тўғрисида» 2006 йил 19 декабрдаги 261-сон қарори 2017 йил 1 октябрдан бошлаб ўз кучини йўқотган деб ҳисоблансин.
5. Ўзбекистон Республикаси Ички ишлар вазирлиги манфаатдор вазирликлар ва идоралар билан биргаликда уч ой муддатда:
Вазирлар Маҳкамасига рўйхатдан ўтказиш тартиботларини соддалаштиришни ва автомототранспорт воситаси рўйхатдан ўтказилганлиги тўғрисидаги гувоҳноманинг пластик шаклларини жорий этишни назарда тутган ҳолда Автомототранспорт воситаларини рўйхатдан ўтказиш (қайта рўйхатдан ўтказиш) тартиби тўғрисидаги низом лойиҳасини, шунингдек қонун ҳужжатларига ушбу қарордан келиб чиқувчи ўзгартириш ва қўшимчалар юзасидан таклифлар киритсин;
ўзининг идоравий норматив-ҳуқуқий ҳужжатларини ушбу қарорга мувофиқлаштирсин.
6. Ўзбекистон Республикаси Ички ишлар вазирлиги Ўзбекистон миллий телерадирокомпанияси ва Ўзбекистон Миллий ахборот агентлиги билан биргаликда босма ва электрон оммавий ахборот воситаларида, шу жумладан интернет-нашрларда миллий ҳайдовчилик гувоҳномасининг ҳамда автомототранспорт воситаси рўйхатдан ўтказилганлиги тўғрисидаги гувоҳноманинг пластик шакллар асосидаги янги намуналарини босқичма-босқич жорий этишнинг мақсадлари, тартиби ва шартлари кенг ёритилишини таъминласин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов ва ички ишлар вазири А.А. Азизов зиммасига юклансин.
Вазирлар Маҳкамасининг 2017 йил 2 мартдаги 116-сон қарорига 1-ИЛОВА
Миллий ҳайдовчилик гувоҳномасининг намунаси
(олд томони)
(орқа томони)
Миллий ҳайдовчилик гувоҳномасининг тавсифи
Миллий ҳайдовчилик гувоҳномаси халқаро стандартлар тавсиялари асосида пластикдан тайёрланади. Пластикдан тайёрланган гувоҳнома ўлчами 54х86 миллиметрни ташкил этади. Гувоҳноманинг ранги — оч пушти. Лотин ёзувидаги давлат тилидан фойдаланилади. Серияли рақами икки ҳарфли, номери олти рақамли.
Миллий ҳайдовчилик гувоҳномасида жисмоний шахснинг шахсий идентификация рақами (ЖШ ШИР) ва қурилмалар ўртасида маълумотларни бевосита алоқасиз амалга ошириш имконини берувчи махсус электрон белги (NFC Смарт-карт) бўлади.
Миллий ҳайдовчилик гувоҳномасининг пластик шакли қуйидаги ҳимоя воситаларига эга:
Ўзбекистон Республикаси Давлат герби тасвири шаклидаги голограмма, у нишабликнинг турлича бурчагида ўз шаклини ўзгартиради;
микроматн — «Нaydovchilik guvohnomasi Водительское удостоверение Driving licence», ўлчами максимум 30 микрон;
ультрабинафша қоплама;
«UZ» ёзувли эгилганда бир рангдан бошқа рангга товланадиган оптик турланадиган бўёқ;
гильош, доимий равишда қийшайиб турадиган 40-70 мкм қалинликдаги тўлқинли чизиқларнинг қалин тармоғи шаклидаги нақш;
миллий ҳайдовчилик гувоҳномаси пластик шаклининг серияли рақамининг лазер ўйма нақши.
Миллий ҳайдовчилик гувоҳномасининг олд томонида «Нaydovchilik guvohnomasi», «Водительское удостоверение», «Driving licence» сўзлари ёзилади, шунингдек Ўзбекистон Республикаси Давлат байроғининг тасвири туширилган, Ўзбекистон Республикасининг номи давлат тилида, рус ва инглиз тилларида ёзилган, Йўл ҳаракати тўғрисидаги Конвенцияга (Вена шаҳри, 1968 йил 8 ноябрь) 6-илова 4-бандининг 1-3, 4а-4с, 5-7, 9-кичик бандларида ва 5-банди 8-кичик бандида назарда тутилган маълумотлар мажбурий тартибда кўрсатилади, фотосурат учун жой назарда тутилган.
Орқа томонида Йўл ҳаракати тўғрисидаги Конвенцияга (Вена шаҳри, 1968 йил 8 ноябрь) 6-илова 4-бандининг 9 ва 12-кичик бандларида, шунингдек 5-бандининг 10 ва 11-кичик бандларида назарда тутилган маълумотлар мажбурий тартибда кўрсатилади.
1-12-бандларда назарда тутилган маълумотлар келтирилади.
Алоҳида белгилар учун жой назарда тутилган.
A, B, C, D, BE, CE ва DE тоифаларини бошқариш учун миллий ҳайдовчилик гувоҳномасининг ҳақиқийлиги тегишли пиктограммалар билан ифодаланган.
Вазирлар Маҳкамасининг 2017 йил 2 мартдаги 116-сон қарорига 2-ИЛОВА
Автомототранспорт воситасининг рўйхатдан ўтказилганлиги тўғрисидаги гувоҳноманинг намунаси ва унинг тавсифи
(олд томони)
(орқа томони)
Автомототранспорт воситасининг рўйхатдан ўтказилганлиги тўғрисидаги гувоҳноманинг тавсифи
Автомототранспорт воситаси рўйхатдан ўтказилганлиги тўғрисидаги гувоҳнома халқаро стандартлар тавсиялари асосида 54х86 мм ўлчамда пластикдан тайёрланади. Автомототранспорт воситаси рўйхатдан ўтказилганлиги тўғрисидаги гувоҳноманинг ранги — кўк. Лотин ёзувидаги давлат тилидан фойдаланилади. Серияли рақам икки ҳарфли, номери олтита рақамли.
Автотранспорт воситаси рўйхатдан ўтказилганлиги тўғрисидаги гувоҳномада жисмоний шахс учун — шахсий идентификация рақами (ЖШ ШИР), юридик шахс учун — солиқ тўловчининг идентификация рақами (СТИР) ва қурилмалар ўртасида бевосита алоқасиз ахборот айрибошлаш имконини берувчи электрон белги (NFC Смарт-карт) бўлади.
Автомототранспорт воситаси рўйхатдан ўтказилганлиги тўғрисидаги гувоҳноманинг пластик шакли қуйидаги ҳимоя воситаларига эга:
Ўзбекистон Республикаси Давлат герби тасвири шаклидаги голограмма, у нишабликнинг турлича бурчагида ўз шаклини ўзгартиради;
микроматн — «Avtomototransport vositasi roʻyxatdan oʻtkazilganligi toʻgʻrisida guvohnoma Свидетельство о регистрации автомототранспортного средства Vehicle license», ўлчами максимум 30 микрон;
ультрабинафша қоплама;
«UZ» ёзувли эгилганда бир рангдан бошқа рангга товланадиган оптик турланадиган бўёқ;
гильош, доимий равишда қийшайиб турадиган 40 — 70 мкм қалинликдаги тўлқинли чизиқларнинг қалин тармоғи шаклидаги нақш;
гувоҳнома пластик шаклининг серияли рақамининг лазер ўйма нақши.
Гувоҳноманинг олд томонида «Avtomototransport vositasi roʻyxatdan oʻtkazilganligi toʻgʻrisida guvohnoma», «Свидетельство о регистрации автомототранспортного средства», «Vehicle license» сўзлари ёзилган, шунингдек Ўзбекистон Республикаси Давлат байроғининг тасвири туширилган, «Ўзбекистон Республикаси» сўзлари давлат тилида, рус ва инглиз тилларида ёзилган. Автомототранспорт воситасининг давлат рақам белгиси, маркаси, модели, ранги, автомототранспорт воситасининг эгаси тўғрисидаги маълумотлар (фамилияси, исми, отасининг исми ёки ташкилотнинг номи), автомототранспорт воситаси рўйхатдан ўтказилганлиги тўғрисидаги гувоҳнома берилган сана, Йўл ҳаракати хавфсизлиги бошқармасининг бўлими, жисмоний шахс учун — шахсий идентификация рақами (ЖШ ШИР), юридик шахс учун — солиқ тўловчининг идентификация рақами (СТИР) мажбурий тартибда кўрсатилади.
Автомототранспорт воситаси рўйхатдан ўтказилганлиги тўғрисидаги гувоҳноманинг орқа томонида автомототранспорт воситаси тўғрисидаги маълумотлар: автомототранспорт воситаси ишлаб чиқарилган йил, тури, кузов/шоссе рақами, тўла вазни, юксиз вазни, двигателнинг тоифаси ва қуввати, ёнилғи тури, ҳайдовчининг ўриндиғи билан биргаликда ўтириладиган ўринлар сони, тик туриладиган ўринлар сони, алоҳида белгилар мажбурий тартибда кўрсатилади.
Вазирлар Маҳкамасининг 2017 йил 2 мартдаги 116-сон қарорига 3-ИЛОВА
Автомототранспорт воситаси техник кўрикдан ўтганлиги тўғрисидаги талоннинг намунаси ва унинг
(олд томони)
(орқа томони)
Техник кўрикдан ўтганлиги тўғрисидаги талоннинг
ТАВСИФИ
Техник кўрикдан ўтганлиги тўғрисидаги талон тўртбурчак шаклидаги, ўлчамлари 54 х 86 мм бўлган зичлиги бир квадрат метрга 140+/-5 грамманли 100% пахтадан олинган қоғоздан тайёрланади. Қоғоз қатлами орасига жойлашган, ультрабинафша нурда кўринадиган кўк ва оч яшил рангли тола ҳамда нурда яхши ажралиб турадиган «пахта чаноғи» кўринишидаги умумий «сув белги»си мавжуд.
Офсетли ёзув, минтақа коди, серияси икки ҳарфли, номери олти рақамли.
Бланка қуйидаги махсус ҳимояга эга:
кимёвий таъсирга бардошли бўёқдан фойдаланилади, юза қисмидаги катакларда нусха олишга ва сканер қилишга қарши ингичка чизиқлар мавжуд. Бир рангдан бошқа рангга расм чизиқлари бузилмасдан оҳиста жилоланиши таъминланган. Жуда катталаштирилганда микроматн кўринади, ультрабинафша нурда кўринмайдиган тасвирлар ва олтита рақамли сон кўринади. Махсус қабариқ ва ўйиқлар мавжуд.
Лотин ёзувидаги давлат тилидаги матндан фойдаланилган.
Олд томонида автомототранспорт воситасининг русуми, давлат рўйхатидан ўтказиш рақам белгиси кўрсатилади.
Талоннинг орқа томонида ўтказилган техник кўрик натижаси, жорий ва навбатдаги техник кўрикдан ўтиш санаси кўрсатилади.
Талондаги ёзувлар Йўл ҳаракати хавфсизлиги давлат хизмати бўлими мансабдор шахси томонидан амалга оширилади ҳамда унинг имзоси ва махсус штампи билан тасдиқланади.
Ўзбекистон Республикасининг Бош вазири А. АРИПОВ
Тошкент ш.,
2017 йил 2 март,
116-сон
Oʻzbekiston Respublikasi Vazirlar Mahkamasining
qarori
TAVSIFI
Milliy haydovchilik guvohnomasining hamda avtomototransport vositasi roʻyxatdan oʻtkazilganligi toʻgʻrisidagi guvohnomaning yangi namunalarini joriy etish chora-tadbirlari toʻgʻrisida
Milliy haydovchilik guvohnomasi namunalarining Yoʻl harakati toʻgʻrisidagi Konvensiya (Vena shahri, 1968-yil 8-noyabr) tavsiyalariga muvofiqligini taʼminlash, milliy haydovchilik guvohnomalarini hamda avtomototransport vositasi roʻyxatdan oʻtkazilganligi toʻgʻrisidagi guvohnomalarni roʻyxatdan oʻtkazish va hisobga olish tizimiga zamonaviy axborot-kommunikatsiya texnologiyalarini joriy etishni samarali tashkil etish maqsadida Vazirlar Mahkamasi qaror qiladi:
1. Oʻzbekiston Respublikasi Ichki ishlar vazirligining milliy haydovchilik guvohnomasining hamda avtomototransport vositasi roʻyxatdan oʻtkazilganligi toʻgʻrisidagi guvohnomaning plastik shaklda tayyorlanadigan yangi namunalarini bosqichma-bosqich joriy etish haqidagi taklifiga rozilik berilsin.
2. Quyidagilar:
milliy haydovchilik guvohnomasining yangi namunasi va uning tavsifi 1-ilovaga muvofiq;
avtomototransport vositasi roʻyxatdan oʻtkazilganligi toʻgʻrisidagi guvohnomaning yangi namunasi va uning tavsifi 2-ilovaga muvofiq;
avtomototransport vositasi texnik koʻrikdan oʻtganligi toʻgʻrisidagi talonning yangi namunasi va uning tavsifi 3-ilovaga muvofiq tasdiqlansin.
3. Belgilab qoʻyilsinki:
a) 2017-yil 1-oktabrdan boshlab tegishli ravishda milliy haydovchilik guvohnomasini rasmiylashtirishda — milliy haydovchilik guvohnomasining, avtomototransport vositasini roʻyxatdan oʻtkazishda (qayta roʻyxatdan oʻtkazishda) — avtomototransport vositasi roʻyxatdan oʻtkazilganligi toʻgʻrisidagi guvohnomaning yangi namunalari beriladi;
b) yangi namunadagi milliy haydovchilik guvohnomasi berilgan kundan boshlab 10 yil muddatga beriladi;
v) amaldagi milliy haydovchilik guvohnomalari va avtomototransport vositasi roʻyxatdan oʻtkazilganligi toʻgʻrisidagi guvohnomalarini yangi namunadagi guvohnomalarga almashtirish:
2017-yil 1-oktabr — 2018-yil 31-dekabr davrida — eski namunadagi milliy haydovchilik guvohnomalari ularning berilgan sanasidan qatʼi nazar — egasining yozma arizasiga koʻra ixtiyoriy ravishda;
2019-yil 1-yanvardan eski namunadagi barcha milliy haydovchilik guvohnomalari va avtomototransport vositasi roʻyxatdan oʻtkazilganligi toʻgʻrisidagi guvohnomalar — ularning berilgan sanasiga muvofiq holda:
2010-yilgacha boʻlgan davrda berilganlari — 2023-yil 31-martga qadar;
2010 — 2012-yillarda berilganlari — 2023-yil 30-iyunga qadar;
2013 — 2015-yillarda berilganlari — 2023-yil 30-sentabrga qadar;
2015-yildan keyin berilganlari — 2023-yil 31-dekabrga qadar muddatlarda majburiy tartibda amalga oshiriladi;
g) eski namunadagi milliy haydovchilik guvohnomalari va avtomototransport vositasi roʻyxatdan oʻtkazilganligi toʻgʻrisidagi guvohnomalar ularning berilgan sanasiga muvofiq holda:
2010-yilgacha boʻlgan davrda berilganlari — 2023-yil 1-apreldan;
2010 — 2012-yillarda berilganlari — 2023-yil 1-iyuldan;
2013 — 2015-yillarda berilganlari — 2023-yil 1-oktabrdan;
2015-yildan keyin berilganlari — 2024-yil 1-yanvardan boshlab haqiqiy emas deb hisoblanadi.
4. Vazirlar Mahkamasining “Oʻzbekiston Respublikasida avtomototransport vositalarini boshqarish huquqini beruvchi milliy haydovchilik guvohnomasining yangi namunasini tasdiqlash toʻgʻrisida” 2006-yil 19-dekabrdagi 261-son qarori 2017-yil 1-oktabrdan boshlab oʻz kuchini yoʻqotgan deb hisoblansin.
5. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda uch oy muddatda:
Vazirlar Mahkamasiga roʻyxatdan oʻtkazish tartibotlarini soddalashtirishni va avtomototransport vositasi roʻyxatdan oʻtkazilganligi toʻgʻrisidagi guvohnomaning plastik shakllarini joriy etishni nazarda tutgan holda Avtomototransport vositalarini roʻyxatdan oʻtkazish (qayta roʻyxatdan oʻtkazish) tartibi toʻgʻrisidagi nizom loyihasini, shuningdek qonun hujjatlariga ushbu qarordan kelib chiquvchi oʻzgartirish va qoʻshimchalar yuzasidan takliflar kiritsin;
oʻzining idoraviy normativ-huquqiy hujjatlarini ushbu qarorga muvofiqlashtirsin.
6. Oʻzbekiston Respublikasi Ichki ishlar vazirligi Oʻzbekiston milliy teleradirokompaniyasi va Oʻzbekiston Milliy axborot agentligi bilan birgalikda bosma va elektron ommaviy axborot vositalarida, shu jumladan internet-nashrlarda milliy haydovchilik guvohnomasining hamda avtomototransport vositasi roʻyxatdan oʻtkazilganligi toʻgʻrisidagi guvohnomaning plastik shakllar asosidagi yangi namunalarini bosqichma-bosqich joriy etishning maqsadlari, tartibi va shartlari keng yoritilishini taʼminlasin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov va ichki ishlar vaziri A.A. Azizov zimmasiga yuklansin.
Vazirlar Mahkamasining 2017-yil 2-martdagi 116-son qaroriga 1-ILOVA
Milliy haydovchilik guvohnomasining namunasi
(old tomoni)
(orqa tomoni)
Milliy haydovchilik guvohnomasining tavsifi
Milliy haydovchilik guvohnomasi xalqaro standartlar tavsiyalari asosida plastikdan tayyorlanadi. Plastikdan tayyorlangan guvohnoma oʻlchami 54x86 millimetrni tashkil etadi. Guvohnomaning rangi — och pushti. Lotin yozuvidagi davlat tilidan foydalaniladi. Seriyali raqami ikki harfli, nomeri olti raqamli.
Milliy haydovchilik guvohnomasida jismoniy shaxsning shaxsiy identifikatsiya raqami (JSH SHIR) va qurilmalar oʻrtasida maʼlumotlarni bevosita aloqasiz amalga oshirish imkonini beruvchi maxsus elektron belgi (NFC Smart-kart) boʻladi.
Milliy haydovchilik guvohnomasining plastik shakli quyidagi himoya vositalariga ega:
Oʻzbekiston Respublikasi Davlat gerbi tasviri shaklidagi gologramma, u nishablikning turlicha burchagida oʻz shaklini oʻzgartiradi;
mikromatn — “Naydovchilik guvohnomasi Voditelskoye udostovereniye Driving licence”, oʻlchami maksimum 30 mikron;
ultrabinafsha qoplama;
“UZ” yozuvli egilganda bir rangdan boshqa rangga tovlanadigan optik turlanadigan boʻyoq;
gilosh, doimiy ravishda qiyshayib turadigan 40-70 mkm qalinlikdagi toʻlqinli chiziqlarning qalin tarmogʻi shaklidagi naqsh;
milliy haydovchilik guvohnomasi plastik shaklining seriyali raqamining lazer oʻyma naqshi.
Milliy haydovchilik guvohnomasining old tomonida “Naydovchilik guvohnomasi”, “Voditelskoye udostovereniye”, “Driving licence” soʻzlari yoziladi, shuningdek Oʻzbekiston Respublikasi Davlat bayrogʻining tasviri tushirilgan, Oʻzbekiston Respublikasining nomi davlat tilida, rus va ingliz tillarida yozilgan, Yoʻl harakati toʻgʻrisidagi Konvensiyaga (Vena shahri, 1968-yil 8-noyabr) 6-ilova 4-bandining 1-3, 4a-4s, 5-7, 9-kichik bandlarida va 5-bandi 8-kichik bandida nazarda tutilgan maʼlumotlar majburiy tartibda koʻrsatiladi, fotosurat uchun joy nazarda tutilgan.
Orqa tomonida Yoʻl harakati toʻgʻrisidagi Konvensiyaga (Vena shahri, 1968-yil 8-noyabr) 6-ilova 4-bandining 9 va 12-kichik bandlarida, shuningdek 5-bandining 10 va 11-kichik bandlarida nazarda tutilgan maʼlumotlar majburiy tartibda koʻrsatiladi.
1-12-bandlarda nazarda tutilgan maʼlumotlar keltiriladi.
Alohida belgilar uchun joy nazarda tutilgan.
A, B, C, D, BE, CE va DE toifalarini boshqarish uchun milliy haydovchilik guvohnomasining haqiqiyligi tegishli piktogrammalar bilan ifodalangan.
Vazirlar Mahkamasining 2017-yil 2-martdagi 116-son qaroriga 2-ILOVA
Avtomototransport vositasining roʻyxatdan oʻtkazilganligi toʻgʻrisidagi guvohnomaning namunasi va uning tavsifi
(old tomoni)
(orqa tomoni)
Avtomototransport vositasining roʻyxatdan oʻtkazilganligi toʻgʻrisidagi guvohnomaning tavsifi
Avtomototransport vositasi roʻyxatdan oʻtkazilganligi toʻgʻrisidagi guvohnoma xalqaro standartlar tavsiyalari asosida 54x86 mm oʻlchamda plastikdan tayyorlanadi. Avtomototransport vositasi roʻyxatdan oʻtkazilganligi toʻgʻrisidagi guvohnomaning rangi — koʻk. Lotin yozuvidagi davlat tilidan foydalaniladi. Seriyali raqam ikki harfli, nomeri oltita raqamli.
Avtotransport vositasi roʻyxatdan oʻtkazilganligi toʻgʻrisidagi guvohnomada jismoniy shaxs uchun — shaxsiy identifikatsiya raqami (JSH SHIR), yuridik shaxs uchun — soliq toʻlovchining identifikatsiya raqami (STIR) va qurilmalar oʻrtasida bevosita aloqasiz axborot ayriboshlash imkonini beruvchi elektron belgi (NFC Smart-kart) boʻladi.
Avtomototransport vositasi roʻyxatdan oʻtkazilganligi toʻgʻrisidagi guvohnomaning plastik shakli quyidagi himoya vositalariga ega:
Oʻzbekiston Respublikasi Davlat gerbi tasviri shaklidagi gologramma, u nishablikning turlicha burchagida oʻz shaklini oʻzgartiradi;
mikromatn — “Avtomototransport vositasi roʻyxatdan oʻtkazilganligi toʻgʻrisida guvohnoma Svidetelstvo o registratsii avtomototransportnogo sredstva Vehicle license”, oʻlchami maksimum 30 mikron;
ultrabinafsha qoplama;
“UZ” yozuvli egilganda bir rangdan boshqa rangga tovlanadigan optik turlanadigan boʻyoq;
gilosh, doimiy ravishda qiyshayib turadigan 40 — 70 mkm qalinlikdagi toʻlqinli chiziqlarning qalin tarmogʻi shaklidagi naqsh;
guvohnoma plastik shaklining seriyali raqamining lazer oʻyma naqshi.
Guvohnomaning old tomonida “Avtomototransport vositasi roʻyxatdan oʻtkazilganligi toʻgʻrisida guvohnoma”, “Svidetelstvo o registratsii avtomototransportnogo sredstva”, “Vehicle license” soʻzlari yozilgan, shuningdek Oʻzbekiston Respublikasi Davlat bayrogʻining tasviri tushirilgan, “Oʻzbekiston Respublikasi” soʻzlari davlat tilida, rus va ingliz tillarida yozilgan. Avtomototransport vositasining davlat raqam belgisi, markasi, modeli, rangi, avtomototransport vositasining egasi toʻgʻrisidagi maʼlumotlar (familiyasi, ismi, otasining ismi yoki tashkilotning nomi), avtomototransport vositasi roʻyxatdan oʻtkazilganligi toʻgʻrisidagi guvohnoma berilgan sana, Yoʻl harakati xavfsizligi boshqarmasining boʻlimi, jismoniy shaxs uchun — shaxsiy identifikatsiya raqami (JSH SHIR), yuridik shaxs uchun — soliq toʻlovchining identifikatsiya raqami (STIR) majburiy tartibda koʻrsatiladi.
Avtomototransport vositasi roʻyxatdan oʻtkazilganligi toʻgʻrisidagi guvohnomaning orqa tomonida avtomototransport vositasi toʻgʻrisidagi maʼlumotlar: avtomototransport vositasi ishlab chiqarilgan yil, turi, kuzov/shosse raqami, toʻla vazni, yuksiz vazni, dvigatelning toifasi va quvvati, yonilgʻi turi, haydovchining oʻrindigʻi bilan birgalikda oʻtiriladigan oʻrinlar soni, tik turiladigan oʻrinlar soni, alohida belgilar majburiy tartibda koʻrsatiladi.
Vazirlar Mahkamasining 2017-yil 2-martdagi 116-son qaroriga 3-ILOVA
Avtomototransport vositasi texnik koʻrikdan oʻtganligi toʻgʻrisidagi talonning namunasi va uning
(old tomoni)
(orqa tomoni)
Texnik koʻrikdan oʻtganligi toʻgʻrisidagi talonning
TAVSIFI
Texnik koʻrikdan oʻtganligi toʻgʻrisidagi talon toʻrtburchak shaklidagi, oʻlchamlari 54 x 86 mm boʻlgan zichligi bir kvadrat metrga 140+/-5 grammanli 100% paxtadan olingan qogʻozdan tayyorlanadi. Qogʻoz qatlami orasiga joylashgan, ultrabinafsha nurda koʻrinadigan koʻk va och yashil rangli tola hamda nurda yaxshi ajralib turadigan “paxta chanogʻi” koʻrinishidagi umumiy “suv belgi”si mavjud.
Ofsetli yozuv, mintaqa kodi, seriyasi ikki harfli, nomeri olti raqamli.
Blanka quyidagi maxsus himoyaga ega:
kimyoviy taʼsirga bardoshli boʻyoqdan foydalaniladi, yuza qismidagi kataklarda nusxa olishga va skaner qilishga qarshi ingichka chiziqlar mavjud. Bir rangdan boshqa rangga rasm chiziqlari buzilmasdan ohista jilolanishi taʼminlangan. Juda kattalashtirilganda mikromatn koʻrinadi, ultrabinafsha nurda koʻrinmaydigan tasvirlar va oltita raqamli son koʻrinadi. Maxsus qabariq va oʻyiqlar mavjud.
Lotin yozuvidagi davlat tilidagi matndan foydalanilgan.
Old tomonida avtomototransport vositasining rusumi, davlat roʻyxatidan oʻtkazish raqam belgisi koʻrsatiladi.
Talonning orqa tomonida oʻtkazilgan texnik koʻrik natijasi, joriy va navbatdagi texnik koʻrikdan oʻtish sanasi koʻrsatiladi.
Talondagi yozuvlar Yoʻl harakati xavfsizligi davlat xizmati boʻlimi mansabdor shaxsi tomonidan amalga oshiriladi hamda uning imzosi va maxsus shtampi bilan tasdiqlanadi.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 2-mart,
116-son
Кабинета Министров Республики Узбекистан
Постановление
ОБРАЗЕЦ
О мерах по внедрению новых образцов национального водительского удостоверения и свидетельства о регистрации автомототранспортного средства
В целях обеспечения соответствия образцов национального водительского удостоверения рекомендациям Конвенции о дорожном движении (г. Вена, 8 ноября 1968 года), эффективной организации внедрения современных информационно-коммуникационных технологий в систему регистрации и учета национальных водительских удостоверений и свидетельств о регистрации автомототранспортных средств Кабинет Министров постановляет:
1. Согласиться с предложением Министерства внутренних дел Республики Узбекистан о поэтапном внедрении новых образцов национального водительского удостоверения и свидетельства о регистрации автомототранспортного средства, изготавливаемых на основе пластиковых форм.
2. Утвердить новые образцы:
национального водительского удостоверения и его описание согласно приложению № 1 ;
свидетельства о регистрации автомототранспортного средства и его описание согласно приложению № 2 ;
талона о прохождении технического осмотра автомототранспортным средством и его описание согласно приложению № 3 .
3. Установить, что:
а) с 1 октября 2017 года осуществляется выдача новых образцов, соответственно, национального водительского удостоверения — при оформлении национального водительского удостоверения, свидетельства о регистрации автомототранспортного средства — при регистрации (перерегистрации) автомототранспортного средства;
б) национальное водительское удостоверение нового образца выдается сроком на 10 лет со дня выдачи;
в) замена действующих национальных водительских удостоверений и свидетельств о регистрации автомототранспортного средства на новые образцы осуществляется:
с 1 октября 2017 года по 31 декабря 2018 года на добровольной основе — для национальных водительских удостоверений старого образца, независимо от даты их выдачи, по письменному заявлению их владельца;
с 1 января 2019 года в обязательном порядке — для всех национальных водительских удостоверений и свидетельств о регистрации автомототранспортного средства старого образца, в зависимости от даты их выдачи:
для выданных до 2010 года — до 31 марта 2023 года;
для выданных в 2010 — 2012 годах — до 30 июня 2023 года;
для выданных в 2013 — 2015 годах — до 30 сентября 2023 года;
для выданных после 2015 года — до 31 декабря 2023 года;
г) национальные водительские удостоверения и свидетельства о регистрации автомототранспортного средства старого образца в зависимости от даты их выдачи считаются не действительными:
для выданных до 2010 года — с 1 апреля 2023 года;
для выданных в 2010 — 2012 годах — с 1 июля 2023 года;
для выданных в 2013 — 2015 годах — с 1 октября 2023 года;
для выданных после 2015 года — с 1 января 2024 года.
4. Признать утратившим силу с 1 октября 2017 года постановление Кабинета Министров от 19 декабря 2006 г. № 261 «Об утверждении нового образца национального водительского удостоверения на право управления автомототранспортными средствами в Республике Узбекистан».
5. Министерству внутренних дел Республики Узбекистан совместно с заинтересованными министерствами и ведомствами в трехмесячный срок:
внести в Кабинет Министров проект Положения о порядке регистрации (перерегистрации) автомототранспортных средств, предусмотрев в нем упрощение регистрационных процедур и внедрение пластиковых форм свидетельств о регистрации автомототранспортных средств, а также предложения по изменениям и дополнениям в законодательство, вытекающим из настоящего постановления;
привести свои ведомственные нормативно-правовые акты в соответствие с настоящим постановлением.
6. Министерству внутренних дел Республики Узбекистан совместно с Национальной телерадиокомпанией Узбекистана и Национальным информационным агентством Узбекистана обеспечить широкое освещение в печатных и электронных средствах массовой информации, включая интернет-издания, целей, порядка и условий поэтапного внедрения новых образцов национального водительского удостоверения и свидетельства о регистрации автомототранспортного средства на основе пластиковых форм.
7. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова и министра внутренних дел Республики Узбекистан А.А. Азизова.
ПРИЛОЖЕНИЕ № 1 к постановлению Кабинета Министров от 2 марта 2017 года № 116
ОБРАЗЕЦ национального водительского удостоверения и его описание
(лицевая сторона)
(оборотная сторона)
ОПИСАНИЕ национального водительского удостоверения
Национальное водительское удостоверение изготавливается из пластика на основе рекомендаций международных стандартов. Размер удостоверения из пластика составляет 54 х 86 мм. Цвет удостоверения — розовый. Используется государственный язык в латинской графике. Серийный номер из двух букв, номер цифровой шестизначный.
Национальное водительское удостоверение содержит персональный идентификационный номер физического лица (ПИН ФЛ) и специальную электронную метку (NFC Смарт-карт), позволяющую осуществлять бесконтактный обмен данными между устройствами.
Пластиковая форма национального водительского удостоверения имеет следующие средства защиты:
голограмма в виде изображения Государственного герба Республики Узбекистан, которая меняет форму под разным углом наклона;
микротекст — «Нaydovchilik guvohnomasi Водительское удостоверение Driving licence», размером максимум 30 микронов;
ультрафиолетовое покрытие;
оптически-варьируемая краска с надписью «UZ», переливающаяся с одного цвета на другой при наклоне;
гильош, орнамент в виде густой сети волнистых линий толщиной 40 — 70 мкм с постоянно меняющейся кривизной;
лазерная гравировка серийного номера пластиковой формы национального водительского удостоверения.
На лицевой стороне национального водительского удостоверения наносятся слова «Нaydovchilik guvohnomasi», «Водительское удостоверение», «Driving licence», а также изображение Государственного флага Республики Узбекистан, название Республики Узбекистан на государственном, русском и английском языках, в обязательном порядке указываются сведения, предусмотренные подпунктами 1–3 , 4а–4d , 5–7 , 9 пункта 4 и подпунктом 8 пункта 5 приложения № 6 к Конвенции о дорожном движении (г. Вена, 8 ноября 1968 года), предусмотрены места для фотографии.
На оборотной стороне в обязательном порядке указываются сведения, предусмотренные подпунктами 9 и 12 пункта 4, а также подпунктами 10 и 11 пункта 5 приложения № 6 к Конвенции о дорожном движении (г. Вена, 8 ноября 1968 года).
Приводятся сведения, предусмотренные пунктами 1–12 .
Предусмотрено место для особых отметок.
Категории A, B, C, D, BE, CE и DE, на управление которыми действительно национальное водительское удостоверение, представлены соответствующими пиктограммами.
ПРИЛОЖЕНИЕ № 2 к постановлению Кабинета Министров от 2 марта 2017 года № 116
ОБРАЗЕЦ свидетельства о регистрации автомототранспортного средства и его описание
(лицевая сторона)
(оборотная сторона)
ОПИСАНИЕ свидетельства о регистрации автомототранспортного средства
Свидетельство о регистрации автомототранспортного средства изготавливается из пластика размером 54 х 86 мм на основе рекомендаций международных стандартов. Цвет свидетельства о регистрации автомототранспортного средства — синий. Используется государственный язык в латинской графике. Серийный номер из двух букв, номер цифровой шестизначный.
Свидетельство о регистрации автомототранспортного средства содержит персональный идентификационный номер — для физического лица (ПИН ФЛ), идентификационный номер налогоплательщика — для юридического лица (ИНН) и специальную электронную метку (NFC Смарт-карт), позволяющую осуществлять бесконтактный обмен данными между устройствами.
Пластиковая форма свидетельства о регистрации автомототранспортного средства имеет следующие средства защиты:
голограмма в виде изображения Государственного герба Республики Узбекистан, которая меняет форму под разным углом наклона;
микротекст — «Avtomototransport vositasi roʻyxatdan oʻtkazilganligi toʻgʻrisida guvohnoma Свидетельство о регистрации автомототранспортного средства Vehicle licenсe», размером максимум 30 микронов;
ультрафиолетовое покрытие;
оптически-варьируемая краска с надписью «UZ», переливающаяся с одного цвета на другой при наклоне;
гильош, орнамент в виде густой сети волнистых линий толщиной 40 — 70 мкм с постоянно меняющейся кривизной;
лазерная гравировка серийного номера пластиковой формы свидетельства.
На лицевой стороне свидетельства наносятся слова «Avtomototransport vositasi roʻyxatdan oʻtkazilganligi toʻgʻrisida guvohnoma», «Свидетельство о регистрации автомототранспортного средства», «Vehicle licenсe», а также изображение Государственного флага Республики Узбекистан и слова «Республика Узбекистан» на государственном, русском и английском языках. В обязательном порядке указываются государственный номерной знак, марка, модель, цвет, сведения о владельце автомототранспортного средства (фамилия, имя, отчество или наименование организации), дата выдачи свидетельства о регистрации автомототранспортного средства, отделение Управления безопасности дорожного движения, персональный идентификационный номер — для физического лица (ПИН ФЛ), идентификационный номер налогоплательщика — для юридического лица (ИНН).
На оборотной стороне свидетельства о регистрации автомототранспортного средства в обязательном порядке указываются сведения об автомототранспортном средстве: год выпуска автомототранспортного средства, тип, номер кузова/шасси, полная масса, масса без нагрузки, категория и мощность двигателя, тип горючего, количество сидячих мест вместе с водителем, количество стоячих мест, особые отметки.
ПРИЛОЖЕНИЕ № 3 к постановлению Кабинета Министров от 2 марта 2017 года №116
талона о прохождении технического осмотра автомототранспортным средством и его описание
(лицевая сторона)
(оборотная сторона)
ОПИСАНИЕ
талона о прохождении технического осмотра
Талон о прохождении технического осмотра изготавливается из бумаги четырехугольной формы размером 54 х 86 мм из 100 — процентного хлопка плотностью 140+/-5 грамма на квадратный метр. Слой бумаги имеет цветные волокна, видимые при ультрафиолетовых лучах синего и светлого цвета, а также ярко выделяемый при лучах света общий «водяной знак» в виде «коробочки хлопка».
Печать офсетная, код региона, серия из двух букв, номер цифровой шестизначный.
Бланк имеет следующую специальную защиту:
используется краска, стойкая к химическому воздействию, имеет тонкие линии в клетках на поверхности против снятия копии и сканирования. Обеспечено плавное слияние линии рисунка при переходе с одного цвета на другой. При увеличении виден микротекст, невидимые при ультрафиолетовых лучах рисунки и шестизначный цифровой номер. Имеет специальные выпуклости и впадины.
Использован текст на государственном языке в латинской графике.
На лицевой стороне указываются марка, государственный регистрационный номерной знак автомототранспортного средства.
На оборотной стороне талона указываются результат проведенного технического осмотра, даты прохождения текущего и следующего технического осмотра.
Записи в талоне производятся и заверяются подписью и специальным штампом должностного лица подразделения Государственной службы безопасности дорожного движения.
Премьер-министр Республики Узбекистан А. АРИПОВ
г. Ташкент,
2 марта 2017 г.,
№ 116