📅 2017-yil 13-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 13 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 марта 2017 г. · Постановления Президента
Официальный текст. Официальный документ. Редакционные примечания не включены.
📅 13 March 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
РЎЙХАТИ
Пенсиялар ва нафақалар тўлаш механизмини янада такомиллаштириш чора-тадбирлари тўғрисида
Ўзбекистон Республикаси Президентининг «Иш ҳақи, пенсия, нафақа ва стипендияларни тўлаш механизмини такомиллаштиришга доир қўшимча чора- тадбирлар тўғрисида» 2017 йил 2 февралдаги ПҚ-2753-сон қарори ўз вақтида ва сифатли амалга оширилишини таъминлаш, пенсиялар ва нафақалар тўлаш тизимини тубдан такомиллаштириш, нақд пул шаклида пенсиялар ва нафақаларни етказиб бериш ва ўз вақтида тўлаш бўйича барча комплекс чора-тадбирларни тўлиқ ва муваффақиятли амалга ошириш мақсадида:
1. Ўзбекистон Республикаси Молия вазирлиги ва Марказий банкининг Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси (кейинги ўринларда — Пенсия жамғармаси деб юритилади) пенсиялар, ижтимоий нафақалар, компенсациялар ва бошқа тўловларни (кейинги ўринларда — пенсиялар ва нафақалар деб юритилади) нақд шаклда тўлашни «Ўзбекистон почтаси» АЖдан Ўзбекистон Республикаси Акциядорлик-тижорат Халқ банки (кейинги ўринларда — Халқ банки деб юритилади) бўлинмаларига март-июль ойлари мобайнида босқичма-босқич ўтказиш тўғрисидаги таклифига розилик берилсин.
2. Белгилансинки, 2017 йил 1 июлдан бошлаб Ўзбекистон Республикасининг барча ҳудудларида пенсиялар ва нафақаларни тўлаш фақат Халқ банки томонидан амалга оширилади.
Халқ банки томонидан пенсиялар ва нафақаларни тўлаш тажриба тариқасида:
жорий йилнинг 1 апрелидан бошлаб — 1-иловага мувофиқ 13 та вилоятга бўйсунувчи шаҳарда, шунингдек Тошкент шаҳрининг 6 та туманида;
2017 йилнинг 1 майидан бошлаб — 2-иловага мувофиқ 39 та қишлоқ туманида амалга оширилиши назарда тутилсин.
3. Қорақалпоғистон Республикаси Вазирлар Кенгаши, вилоятлар, Тошкент шаҳри ҳокимликлари пенсиялар ва нафақаларни нақд пулда бериш бўйича махсус кассалар ишини ташкил этиш учун посёлкалар, қишлоқлар, овуллар маҳаллалари фуқаролар йиғинлари биноларида ва пенсионерларнинг маблағларни олиши учун қулай бўлган бошқа маъмурий биноларда бепул фойдаланиш ҳуқуқи билан Халқ банкини алоҳида хоналар билан таъминласинлар.
Белгилансинки, мустақил ҳаракатланиш ҳамда пенсиялар ва нафақаларни махсус кассалардан олиш имкониятига эга бўлмаган шахсларга пенсиялар ва нафақалар Халқ банки томонидан бевосита улар яшайдиган жойга етказиб берилади.
4. Халқ банки:
кассирлар ва назоратчилар сони 4 минг нафар штат бирликларига кўпайишини, марказий аппаратда ва филиаллардаги пенсиялар ва нафақаларни аҳолига нақд пул шаклида етказиб бериш учун масъул бўлган мутахассисларнинг зарур сони бутланишини, уларга юкланган функцияларни бажариш учун уларни ўқитишни таъминлашни ҳисобга олган ҳолда, ташкилий тузилмани бир ҳафта муддатда тасдиқласин;
инвентарь ва компьютер техникаси истисно тариқасида танлов (тендер) савдолари ўтказилмасдан тўғридан-тўғри шартномалар бўйича зарур миқдорда сотиб олинишини таъминласин;
бир ой муддатда нақд пул маблағларни тўплаш ва етказиб беришни ташкил этиш тартиби ҳамда пенсиялар ва нафақаларни тўлаш механизми тўғрисидаги низомни ишлаб чиқсин ва тасдиқласин;
пенсиялар ва нафақалар ўз вақтида берилиши таъминланганлиги учун Халқ банки ходимларини рағбатлантириш чораларини назарда тутсин.
5. «Ўзавтосаноат» АК нақд маблағларнинг махсус кассаларгача етказиб берилишини ташкил этиш учун Халқ банкининг буюртманомалари бўйича 590 та «Дамас» маркали автотранспорт воситаси сотилишини таъминласин.
6. Ўзбекистон Республикаси Марказий банки:
Халқ банкининг буюртманомаларига мувофиқ барча тўловлар ҳар ойнинг 27-кунигача тугалланишини ҳисобга олган ҳолда пенсиялар ва нафақалар Халқ банки томонидан узлуксиз берилиши учун нақд пул маблағлари билан зарур ҳажмда таъминласин;
Халқ банки билан биргаликда молиялаштирилган маблағлар қолдиғи ҳар куни таҳлил қилиниб Пенсия жамғармасига тақдим этиш тартибини жорий этган ҳолда пенсиялар ва нафақалар тўлаш учун мўлжалланган Пенсия жамғармаси маблағларини ҳисобга олишни жорий этиш бўйича тегишли ҳисоб рақамлари очсин.
7. Ўзбекистон Республикаси Ички ишлар вазирлиги ва Миллий гвардия:
кўрсатилган хизматлар учун тўлов ундирмасдан нақд маблағлар Халқ банкининг махсус кассаларигача етказиб берилишига ҳамроҳлик қилишни ташкил этсин;
590 та «Дамас» маркали автотранспорт воситасини нақд пул маблағларини ташиш учун мослаштиришга тегишли рухсатномалар берилишини таъминласин;
Халқ банкининг инкассация хизматини нақд пул маблағларининг сақланиши ва бутлигини таъминлаш учун ҳимоя ва хавфсизликнинг тегишли мосламалари билан белгиланган тартибда таъминласин.
8. Пенсиялар ва нафақаларни тўлаш бўйича Халқ банки хизматларига ҳақ тўлаш миқдори пенсиялар ва нафақаларни етказиб бериш умумий суммаси ҳажмининг 1 фоизи миқдорида белгилансин.
9. Ўзбекистон Республикаси Молия вазирлиги ҳузуридаги Пенсия жамғармаси Халқ банки билан биргаликда:
пенсия ва бошқа тўловларни олаётганларга СМС орқали хабардор қилишни жорий этган ҳолда аҳолига пенсиялар ва нафақалар тўлашни «он-лайн» режимида ҳисобга олиш ва назорат қилишни автоматлаштириш мақсадида тегишли маълумотлар базалари интеграция қилинишини бир ой муддатда таъминласин;
Ўзбекистон миллий телерадиокомпаниясини жалб этган ҳолда Пенсия жамғармаси интерактив хизматларининг янги турлари, шу жумладан «ишонч телефони» оммавий ахборот воситаларида кенг ёритилишини таъминласин.
10. Ўзбекистон Республикаси Молия вазирлигининг Давлат молия назорати бош бошқармаси ва Пенсия жамғармаси Пенсия жамғармаси маблағларидан мақсадли ва манзилли фойдаланилиши устидан назорат ва тизимли мониторинг олиб борилишини таъминласинлар.
11. Ўзбекистон Республикаси Молия вазирлиги манфаатдор вазирликлар ва идоралар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига 2017 йил 1 июнгача бўлган муддатда таклифлар киритсин.
12. Мазкур қарорнинг ижросини назорат қилиш Ўзбекистон Республикасининг Бош вазири А. Арипов ва Марказий банк раиси Ф. Муллажонов зиммасига юклансин.
Ўзбекистон Республикаси Президентининг 2017 йил 13 мартдаги ПҚ-2826-сон қарорига 1-ИЛОВА
2017 йилнинг 1 апрелидан бошлаб Халқ банки томонидан пенсиялар ва нафақалар тўланиши амалга ошириладиган вилоятга бўйсунувчи шаҳарлар ва Тошкент шаҳридаги туманлар
Т/р Ҳудудлар Шаҳарлар (туманлар) 1. Қорақалпоғистон Республикаси Нукус шаҳар 2. Андижон вилояти Хонобод шаҳар 3. Бухоро вилояти Когон шаҳар 4. Жиззах вилояти Жиззах шаҳар 5. Қашқадарё вилояти Қарши шаҳар 6. Навоий вилояти Зарафшон шаҳар 7. Наманган вилояти Наманган шаҳар 8. Самарқанд вилояти Каттақўрғон шаҳар 9. Сирдарё вилояти Гулистон шаҳар 10. Сурхондарё вилояти Термиз шаҳар 11. Тошкент вилояти Чирчиқ шаҳар 12. Фарғона вилояти Қўқон шаҳар 13. Хоразм вилояти Урганч шаҳар 14. Тошкент шаҳар Сергели тумани 15. Бектемир тумани 16. Яккасарой тумани 17. Учтепа тумани 18. Миробод тумани 19. Олмазор тумани Жами 19 шаҳар (туман)
Ўзбекистон Республикаси Президентининг 2017 йил 13 мартдаги ПҚ-2826-сон қарорига 2-ИЛОВА
2017 йил 1 майдан бошлаб Халқ банки томонидан пенсиялар ва нафақалар тўланиши амалга ошириладиган туманлар
Т/р Ҳудудлар Туманлар 1. Қорақалпоғистон Республикаси Хўжайли, Қонликўл, Қораўзак 2. Андижон вилояти Жалақудуқ, Бўз, Улуғнор 3. Бухоро вилояти Қоровулбозор, Пешку, Ромитан 4. Жиззах вилояти Арнасой, Бахмал, Зарбдор 5. Қашқадарё вилояти Муборак, Косон, Қарши 6. Навоий вилояти Нурота, Қизилтепа, Навбаҳор 7. Наманган вилояти Чуст, Янгиқўрғон, Косонсой 8. Самарқанд вилояти Қўшработ, Тойлоқ, Ургут 9. Сирдарё вилояти Мирзаобод, Гулистон, Оқолтин 10. Сурхондарё вилояти Музработ, Олтинсой, Шўрчи 11. Тошкент вилояти Оққўрғон, Пскент, Бекабод 12. Фарғона вилояти Фурқат, Ўзбекистон, Бувайда 13. Хоразм вилояти Боғот, Хонқа, Янгибозор Жами 39 туман
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 13 март,
ПҚ-2826-сон
Oʻzbekiston Respublikasi Prezidentining
Qarori
ROʻYXATI
ROʻYXATI
Pensiyalar va nafaqalar toʻlash mexanizmini yanada takomillashtirish chora-tadbirlari toʻgʻrisida
Oʻzbekiston Respublikasi Prezidentining “Ish haqi, pensiya, nafaqa va stipendiyalarni toʻlash mexanizmini takomillashtirishga doir qoʻshimcha chora- tadbirlar toʻgʻrisida” 2017-yil 2-fevraldagi PQ-2753-son qarori oʻz vaqtida va sifatli amalga oshirilishini taʼminlash, pensiyalar va nafaqalar toʻlash tizimini tubdan takomillashtirish, naqd pul shaklida pensiyalar va nafaqalarni yetkazib berish va oʻz vaqtida toʻlash boʻyicha barcha kompleks chora-tadbirlarni toʻliq va muvaffaqiyatli amalga oshirish maqsadida:
1. Oʻzbekiston Respublikasi Moliya vazirligi va Markaziy bankining Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi (keyingi oʻrinlarda — Pensiya jamgʻarmasi deb yuritiladi) pensiyalar, ijtimoiy nafaqalar, kompensatsiyalar va boshqa toʻlovlarni (keyingi oʻrinlarda — pensiyalar va nafaqalar deb yuritiladi) naqd shaklda toʻlashni “Oʻzbekiston pochtasi” AJdan Oʻzbekiston Respublikasi Aksiyadorlik-tijorat Xalq banki (keyingi oʻrinlarda — Xalq banki deb yuritiladi) boʻlinmalariga mart-iyul oylari mobaynida bosqichma-bosqich oʻtkazish toʻgʻrisidagi taklifiga rozilik berilsin.
2. Belgilansinki, 2017-yil 1-iyuldan boshlab Oʻzbekiston Respublikasining barcha hududlarida pensiyalar va nafaqalarni toʻlash faqat Xalq banki tomonidan amalga oshiriladi.
Xalq banki tomonidan pensiyalar va nafaqalarni toʻlash tajriba tariqasida:
joriy yilning 1-aprelidan boshlab — 1-ilovaga muvofiq 13 ta viloyatga boʻysunuvchi shaharda, shuningdek Toshkent shahrining 6 ta tumanida;
2017-yilning 1-mayidan boshlab — 2-ilovaga muvofiq 39 ta qishloq tumanida amalga oshirilishi nazarda tutilsin.
3. Qoraqalpogʻiston Respublikasi Vazirlar Kengashi, viloyatlar, Toshkent shahri hokimliklari pensiyalar va nafaqalarni naqd pulda berish boʻyicha maxsus kassalar ishini tashkil etish uchun posyolkalar, qishloqlar, ovullar mahallalari fuqarolar yigʻinlari binolarida va pensionerlarning mablagʻlarni olishi uchun qulay boʻlgan boshqa maʼmuriy binolarda bepul foydalanish huquqi bilan Xalq bankini alohida xonalar bilan taʼminlasinlar.
Belgilansinki, mustaqil harakatlanish hamda pensiyalar va nafaqalarni maxsus kassalardan olish imkoniyatiga ega boʻlmagan shaxslarga pensiyalar va nafaqalar Xalq banki tomonidan bevosita ular yashaydigan joyga yetkazib beriladi.
4. Xalq banki:
kassirlar va nazoratchilar soni 4 ming nafar shtat birliklariga koʻpayishini, markaziy apparatda va filiallardagi pensiyalar va nafaqalarni aholiga naqd pul shaklida yetkazib berish uchun masʼul boʻlgan mutaxassislarning zarur soni butlanishini, ularga yuklangan funksiyalarni bajarish uchun ularni oʻqitishni taʼminlashni hisobga olgan holda, tashkiliy tuzilmani bir hafta muddatda tasdiqlasin;
inventar va kompyuter texnikasi istisno tariqasida tanlov (tender) savdolari oʻtkazilmasdan toʻgʻridan-toʻgʻri shartnomalar boʻyicha zarur miqdorda sotib olinishini taʼminlasin;
bir oy muddatda naqd pul mablagʻlarni toʻplash va yetkazib berishni tashkil etish tartibi hamda pensiyalar va nafaqalarni toʻlash mexanizmi toʻgʻrisidagi nizomni ishlab chiqsin va tasdiqlasin;
pensiyalar va nafaqalar oʻz vaqtida berilishi taʼminlanganligi uchun Xalq banki xodimlarini ragʻbatlantirish choralarini nazarda tutsin.
5. “Oʻzavtosanoat” AK naqd mablagʻlarning maxsus kassalargacha yetkazib berilishini tashkil etish uchun Xalq bankining buyurtmanomalari boʻyicha 590 ta “Damas” markali avtotransport vositasi sotilishini taʼminlasin.
6. Oʻzbekiston Respublikasi Markaziy banki:
Xalq bankining buyurtmanomalariga muvofiq barcha toʻlovlar har oyning 27-kunigacha tugallanishini hisobga olgan holda pensiyalar va nafaqalar Xalq banki tomonidan uzluksiz berilishi uchun naqd pul mablagʻlari bilan zarur hajmda taʼminlasin;
Xalq banki bilan birgalikda moliyalashtirilgan mablagʻlar qoldigʻi har kuni tahlil qilinib Pensiya jamgʻarmasiga taqdim etish tartibini joriy etgan holda pensiyalar va nafaqalar toʻlash uchun moʻljallangan Pensiya jamgʻarmasi mablagʻlarini hisobga olishni joriy etish boʻyicha tegishli hisob raqamlari ochsin.
7. Oʻzbekiston Respublikasi Ichki ishlar vazirligi va Milliy gvardiya:
koʻrsatilgan xizmatlar uchun toʻlov undirmasdan naqd mablagʻlar Xalq bankining maxsus kassalarigacha yetkazib berilishiga hamrohlik qilishni tashkil etsin;
590 ta “Damas” markali avtotransport vositasini naqd pul mablagʻlarini tashish uchun moslashtirishga tegishli ruxsatnomalar berilishini taʼminlasin;
Xalq bankining inkassatsiya xizmatini naqd pul mablagʻlarining saqlanishi va butligini taʼminlash uchun himoya va xavfsizlikning tegishli moslamalari bilan belgilangan tartibda taʼminlasin.
8. Pensiyalar va nafaqalarni toʻlash boʻyicha Xalq banki xizmatlariga haq toʻlash miqdori pensiyalar va nafaqalarni yetkazib berish umumiy summasi hajmining 1 foizi miqdorida belgilansin.
9. Oʻzbekiston Respublikasi Moliya vazirligi huzuridagi Pensiya jamgʻarmasi Xalq banki bilan birgalikda:
pensiya va boshqa toʻlovlarni olayotganlarga SMS orqali xabardor qilishni joriy etgan holda aholiga pensiyalar va nafaqalar toʻlashni “on-layn” rejimida hisobga olish va nazorat qilishni avtomatlashtirish maqsadida tegishli maʼlumotlar bazalari integratsiya qilinishini bir oy muddatda taʼminlasin;
Oʻzbekiston milliy teleradiokompaniyasini jalb etgan holda Pensiya jamgʻarmasi interaktiv xizmatlarining yangi turlari, shu jumladan “ishonch telefoni” ommaviy axborot vositalarida keng yoritilishini taʼminlasin.
10. Oʻzbekiston Respublikasi Moliya vazirligining Davlat moliya nazorati bosh boshqarmasi va Pensiya jamgʻarmasi Pensiya jamgʻarmasi mablagʻlaridan maqsadli va manzilli foydalanilishi ustidan nazorat va tizimli monitoring olib borilishini taʼminlasinlar.
11. Oʻzbekiston Respublikasi Moliya vazirligi manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga 2017-yil 1-iyungacha boʻlgan muddatda takliflar kiritsin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A. Aripov va Markaziy bank raisi F. Mullajonov zimmasiga yuklansin.
Oʻzbekiston Respublikasi Prezidentining 2017-yil 13-martdagi PQ-2826-son qaroriga 1-ILOVA
2017-yilning 1-aprelidan boshlab Xalq banki tomonidan pensiyalar va nafaqalar toʻlanishi amalga oshiriladigan viloyatga boʻysunuvchi shaharlar va Toshkent shahridagi tumanlar
T/r Hududlar Shaharlar (tumanlar) 1. Qoraqalpogʻiston Respublikasi Nukus shahar 2. Andijon viloyati Xonobod shahar 3. Buxoro viloyati Kogon shahar 4. Jizzax viloyati Jizzax shahar 5. Qashqadaryo viloyati Qarshi shahar 6. Navoiy viloyati Zarafshon shahar 7. Namangan viloyati Namangan shahar 8. Samarqand viloyati Kattaqoʻrgʻon shahar 9. Sirdaryo viloyati Guliston shahar 10. Surxondaryo viloyati Termiz shahar 11. Toshkent viloyati Chirchiq shahar 12. Fargʻona viloyati Qoʻqon shahar 13. Xorazm viloyati Urganch shahar 14. Toshkent shahar Sergeli tumani 15. Bektemir tumani 16. Yakkasaroy tumani 17. Uchtepa tumani 18. Mirobod tumani 19. Olmazor tumani Jami 19 shahar (tuman)
Oʻzbekiston Respublikasi Prezidentining 2017-yil 13-martdagi PQ-2826-son qaroriga 2-ILOVA
2017-yil 1-maydan boshlab Xalq banki tomonidan pensiyalar va nafaqalar toʻlanishi amalga oshiriladigan tumanlar
T/r Hududlar Tumanlar 1. Qoraqalpogʻiston Respublikasi Xoʻjayli, Qonlikoʻl, Qoraoʻzak 2. Andijon viloyati Jalaquduq, Boʻz, Ulugʻnor 3. Buxoro viloyati Qorovulbozor, Peshku, Romitan 4. Jizzax viloyati Arnasoy, Baxmal, Zarbdor 5. Qashqadaryo viloyati Muborak, Koson, Qarshi 6. Navoiy viloyati Nurota, Qiziltepa, Navbahor 7. Namangan viloyati Chust, Yangiqoʻrgʻon, Kosonsoy 8. Samarqand viloyati Qoʻshrabot, Toyloq, Urgut 9. Sirdaryo viloyati Mirzaobod, Guliston, Oqoltin 10. Surxondaryo viloyati Muzrabot, Oltinsoy, Shoʻrchi 11. Toshkent viloyati Oqqoʻrgʻon, Pskent, Bekabod 12. Fargʻona viloyati Furqat, Oʻzbekiston, Buvayda 13. Xorazm viloyati Bogʻot, Xonqa, Yangibozor Jami 39 tuman
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 13-mart,
PQ-2826-son
Президента Республики Узбекистан
Постановление
ПЕРЕЧЕНЬ
ПЕРЕЧЕНЬ
О мерах по дальнейшему совершенствованию механизма выплаты пенсий и пособий
В целях обеспечения своевременной и качественной реализации постановления Президента Республики Узбекистан от 2 февраля 2017 года № ПП-2753 «О дополнительных мерах по совершенствованию механизма выплаты заработной платы, пенсий, пособий и стипендий», коренного совершенствования системы выплаты пенсий и пособий, обеспечения полноценной и успешной реализации всего комплекса мер по доставке и своевременной выплаты пенсий и пособий в наличной форме:
1. Согласиться с предложением Министерства финансов и Центрального банка Республики Узбекистан по поэтапному переводу в период с марта по июль выплаты пенсий, социальных пособий, компенсационных и других выплат в наличной форме (далее — пенсий и пособий), финансируемых внебюджетным Пенсионным фондом при Министерстве финансов Республики Узбекистан (далее — Пенсионный фонд) от АО «Узбекистон почтаси» в подразделения Акционерного коммерческого Народного банка Республики Узбекистан (далее — Народный банк).
2. Установить, что, начиная с 1 июля 2017 года, выплата пенсий и пособий по всей территории Республики Узбекистан будет осуществляться исключительно Народным банком.
Предусмотреть, что в качестве эксперимента выплата пенсий и пособий Народным банком осуществляется:
с 1 апреля текущего года — в 13 городах областного подчинения, а также в 6 районах города Ташкента согласно приложению № 1 ;
с 1 мая 2017 года — в 39 сельских районах согласно приложению № 2 .
3. Совету Министров Республики Каракалпакстан, хокимиятам областей, г.Ташкента обеспечить Народный банк отдельными помещениями для организации работы специальных касс по выдаче пенсий и пособий в наличной форме в зданиях сходов граждан поселков, кишлаков, аулов, махаллей и в других административных зданиях, удобных для получения средств пенсионерами, на правах безвозмездного пользования.
Определить, что пенсии и пособия лицам, не имеющим возможность самостоятельно передвигаться и получать их в специальных кассах, доставляются Народным банком непосредственно по месту их проживания.
4. Народному банку:
в недельный срок утвердить организационную структуру с учетом увеличения количества кассиров и контролеров на 4 тысячи штатных единиц, укомплектования необходимым количеством специалистов в центральном аппарате и в филиалах, ответственных за доставку пенсий и пособий в наличной форме населению, с учетом обеспечения их обучения для выполнения возложенных на них функций;
обеспечить в порядке исключения приобретение инвентаря и компьютерной техники, в необходимом количестве, по прямым договорам без проведения конкурсных (тендерных) торгов;
в месячный срок разработать и утвердить Положение о порядке организации сбора и доставки наличных средств и механизм выплаты пенсий и пособий;
предусмотреть меры по поощрению работников Народного банка за обеспечение своевременной выдачи пенсий и пособий.
5. АК «Узавтосаноат» обеспечить реализацию по заявкам Народного банка 590 единиц автотранспортных средств марки «Дамас» для организации доставки наличных средств до специальных касс.
6. Центральному банку Республики Узбекистан:
обеспечить, в соответствии с заявками Народного банка, необходимым объемом наличных денежных средств для бесперебойной выдачи пенсий и пособий со стороны Народного банка с учетом завершения всех выплат до 27 числа каждого месяца;
совместно с Народным банком открыть соответствующие счета по введению учета средств Пенсионного фонда, предназначенных для выплаты пенсий и пособий, с внедрением порядка предоставления Пенсионному фонду ежедневного анализа остатка профинансированных средств.
7. Министерству внутренних дел и Национальной гвардии Республики Узбекистан:
организовать сопровождение доставки наличных средств до специальных касс Народного банка без взимания платы за оказанную услугу;
обеспечить выдачу соответствующих разрешений по приспособлению 590 единиц автотранспортных средств марки «Дамас» для перевозки наличных денежных средств;
обеспечить в установленном порядке службу инкассации Народного банка соответствующими устройствами защиты и безопасности для осуществления сохранности и целостности наличных денежных средств.
8. Установить размер оплаты услуг Народного банка по выплате пенсий и пособий в размере 1 процента от объема общей суммы доставки пенсий и пособий.
9. Пенсионному фонду при Министерстве финансов Республики Узбекистан совместно с Народным банком:
в месячный срок обеспечить интеграцию соответствующих баз данных с целью автоматизации учета выплаты и контроля пенсий и пособий населению в режиме «он-лайн», с внедрением СМС-информирования получателей;
с привлечением Национальной телерадиокомпании Узбекистана обеспечить широкое освещение в средствах массовой информации о новых видах интерактивных услуг Пенсионного фонда, включая «телефон доверия».
10. Главному управлению государственного финансового контроля Министерства финансов Республики Узбекистан и Пенсионному фонду обеспечить контроль и системный мониторинг за целевым и адресным использованием средств Пенсионного фонда.
11. Министерству финансов Республики Узбекистан совместно с заинтересованными министерствами и ведомствами в срок до 1 июня 2017 года внести предложения в Кабинет Министров Республики Узбекистан об изменениях и дополнениях в законодательство, вытекающих из настоящего постановления.
12. Контроль за исполнением настоящего постановления возложить на Премьер-министра Республики Узбекистан А.Н. Арипова и председателя Центрального банка Республики Узбекистан Ф.М. Муллажанова.
ПРИЛОЖЕНИЕ № 1 к постановлению Президента Республики Узбекистан от 13 марта 2017 года № ПП-2826
городов областного подчинения и районов в городе Ташкенте, в которых выплата пенсий и пособий будет осуществляться Халк банком с 1 апреля 2017 года
№ Территории города (районы) 1. Республика Каракалпакстан г. Нукус 2. Андижанская область г. Ханабад 3. Бухарская область г. Каган 4. Джизакская область г. Джизак 5. Кашкадарьинская область г. Карши 6. Навоийская область г. Зарафшан 7. Наманганская область г. Наманган 8. Самаркандская область г. Катгакурган 9. Сырдарьинская область г. Гулистан 10. Сурхандарьинская область г. Термез 11. Ташкентская область г. Чирчик 12. Ферганская область г. Коканд 13. Хорезмская область г. Ургенч 14. г. Ташкент Сергелийский район 15. Бектемирский район 16. Яккасарайский район 17. Учтепинский район 18. Мирабадский район 19. Алмазарский район Всего 19 городов (районов)
ПРИЛОЖЕНИЕ № 2 к постановлению Президента Республики Узбекистан от 13 марта 2017 года № ПП-2826
районов, в которых выплата пенсий и пособий будет осуществляться Халк банком с 1 мая 2017 года
№ Территории Районы 1. Республика Каракалпакстан Ходжейлийский, Канлыкульский, Караузякский 2. Андижанская область Жалакудукский, Бозский, Улугнарский 3. Бухарская область Каравулбазарский, Пешкунский, Ромитанский 4. Джизакская область Арнасайский, Бахмальский, Зарбдарский 5. Кашкадарьинская область Мубарекский, Касанский, Каршинский 6. Навоийская область Нуратинский, Кызылтепинский, Навбахорский 7. Наманганская область Чустский, Янгикурганский, Касансайский 8. Самаркандская область Кушрабадский, Тайлакский, Ургутский 9. Сырдарьинская область Мирзабадский, Гулистанский, Акалтинский 10. Сурхандарьинская область Музрабадский, Алтынсайский, Шурчинский 11. Ташкентская область Аккурганский, Пскентский, Бекабадский 12. Ферганская область Фуркатский, Узбекистанский, Бувайдинский 13. Хорезмская область Багатский, Ханкинский, Янгибазарский Всего 39 районов
Президент Республики Узбекистан Ш. МИРЗИЁЕВ
г. Ташкент,
13 марта 2017 г.,
№ ПП-2826