UzbekAI

Ўзбекистон Республикаси Адлия вазирлиги Ўзбекистон Республикаси Давлат статистика қўмитасининг

Қарори

Юридик шахсларнинг номига давлатнинг расмий номини, шунингдек ундан ҳосила сўзларни қўшиш тартиби тўғрисидаги йўриқномага ўзгартиришлар киритиш ҳақида

Ўзбекистон Республикаси Вазирлар Маҳкамасининг 2017 йил 9 февралдаги 66-сон «Ўзбекистон Республикаси Президентининг «Тадбиркорлик субъектларини давлат рўйхатидан ўтказиш ва ҳисобга қўйиш тизимини такомиллаштириш тўғрисида» 2016 йил 28 октябрдаги ПҚ-2646-сон қарорини амалга ошириш чора-тадбирлари тўғрисида»ги қарорига мувофиқ, Ўзбекистон Республикаси Адлия вазирлиги ва Давлат статистика қўмитаси қарор қилади:

1. Ўзбекистон Республикаси Адлия вазирлиги ва Давлат статистика қўмитасининг 2014 йил 9 декабрдаги 6 ва 5-мб-сон қарори (рўйхат рақами 2633, 2014 йил 10 декабрь) (Ўзбекистон Республикаси қонун ҳужжатлари тўплами, 2014 й., 50-сон, 601-модда) билан тасдиқланган Юридик шахсларнинг номига давлатнинг расмий номини, шунингдек ундан ҳосила сўзларни қўшиш тартиби тўғрисидаги йўриқномага иловага мувофиқ ўзгартиришлар киритилсин.

2. Мазкур қарор 2017 йил 1 апрелдан кучга киради.

Ўзбекистон Республикаси Адлия вазирлиги ва Давлат статистика қўмитасининг 2017 йил 14 мартдаги 4 ва 3-мб-сон қарорига ИЛОВА

Юридик шахсларнинг номига давлатнинг расмий номини, шунингдек ундан ҳосила сўзларни қўшиш тартиби тўғрисидаги йўриқномага киритилаётган ўзгартиришлар

1. 2-бандда :

иккинчи хатбоши қуйидаги таҳрирда баён этилсин:

«адлия органлари — Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари;»;

учинчи хатбошидан «адлия органлари,» деган сўзлар чиқариб ташлансин.

2. 7-банднинг олтинчи хатбошисидан , 10-банднинг тўртинчи хатбошисидан , 18-банднинг иккинчи хатбошисидан ва 21-банднинг тўртинчи хатбошисидан «Ўзбекистон Республикаси Давлат статистика қўмитасининг фирма номларининг марказлаштирилган маълумотлар базасида сўраб олинадиган» деган сўзлар чиқариб ташлансин.

3. 8-банд ўз кучини йўқотган деб ҳисоблансин.

4. 9-банд қуйидаги таҳрирда баён этилсин:

«9. Рўйхатга олувчи органлар икки иш куни мобайнида мурожаатни кўриб чиқиб, мурожаат қилган шахснинг фирма номи захирага олинганлигини тасдиқлайди ёки мурожаатни қайта кўриб чиқиш учун қайтаради.

Тасдиқланган фирма номи тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимига қонун ҳужжатларида белгиланган тартибда рўйхатга олувчи органларнинг масъул ходими томонидан киритилади.».

5. 16-банддаги «ҳудудий адлия органларига, Тошкент шаҳрида ташкил этилаётган хорижий инвестициялар иштирокидаги корхоналар юзасидан Ўзбекистон Республикаси Адлия вазирлигига» деган сўзлар «адлия органларига» деган сўзлар билан алмаштирилсин.

6. 19-банд ўз кучини йўқотган деб ҳисоблансин.

7. 20-банд қуйидаги таҳрирда баён этилсин:

«20. Адлия органлари икки иш куни мобайнида мурожаатни кўриб чиқиб, мурожаат қилган шахснинг фирма номи захирага олинганлигини тасдиқлайди ёки мурожаатни қайта кўриб чиқиш учун қайтаради.

Тасдиқланган фирма номи тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизимига қонун ҳужжатларида белгиланган тартибда рўйхатга олувчи органларнинг масъул ходими томонидан киритилади.».

8. Мазкур ўзгартиришлар Ўзбекистон Республикаси Марказий банки, Хусусийлаштириш, монополиядан чиқариш ва рақобатни ривожлантириш давлат қўмитаси ҳамда Савдо-саноат палатаси билан келишилган.

Адлия вазири ўринбосари Н. ЖЎРАЕВ

Давлат статистика қўмитаси раисининг биринчи ўринбосари Б. МИРУСМАНОВ

Марказий банк раиси Ф. МУЛЛАЖОНОВ

Хусусийлаштириш, монополиядан чиқариш ва рақобатни ривожлантириш давлат қўмитаси раиси Д. ХИДОЯТОВ

Савдо-саноат палатаси раиси А. ШАЙХОВ

Тошкент ш.,

2017 йил 14 март,

Тошкент ш.,

2017 йил 14 март,

2017 йил 14 март

2017 йил 14 март

2017 йил 14 март

4-сон

3-мб-сон

(Ўзбекистон Республикаси қонун ҳужжатлари тўплами, 2017 й., 11-сон, 180-модда)

Oʻzbekiston Respublikasi Adliya vazirligi Oʻzbekiston Respublikasi Davlat statistika qoʻmitasining

Qarori

Yuridik shaxslarning nomiga davlatning rasmiy nomini, shuningdek undan hosila soʻzlarni qoʻshish tartibi toʻgʻrisidagi yoʻriqnomaga oʻzgartirishlar kiritish haqida

Oʻzbekiston Respublikasi Vazirlar Mahkamasining 2017-yil 9-fevraldagi 66-son “Oʻzbekiston Respublikasi Prezidentining “Tadbirkorlik subyektlarini davlat roʻyxatidan oʻtkazish va hisobga qoʻyish tizimini takomillashtirish toʻgʻrisida” 2016-yil 28-oktabrdagi PQ-2646-son qarorini amalga oshirish chora-tadbirlari toʻgʻrisida”gi qaroriga muvofiq, Oʻzbekiston Respublikasi Adliya vazirligi va Davlat statistika qoʻmitasi qaror qiladi:

1. Oʻzbekiston Respublikasi Adliya vazirligi va Davlat statistika qoʻmitasining 2014-yil 9-dekabrdagi 6 va 5-mb-son qarori (roʻyxat raqami 2633, 2014-yil 10-dekabr) (Oʻzbekiston Respublikasi qonun hujjatlari toʻplami, 2014-y., 50-son, 601-modda) bilan tasdiqlangan Yuridik shaxslarning nomiga davlatning rasmiy nomini, shuningdek undan hosila soʻzlarni qoʻshish tartibi toʻgʻrisidagi yoʻriqnomaga ilovaga muvofiq oʻzgartirishlar kiritilsin.

2. Mazkur qaror 2017-yil 1-apreldan kuchga kiradi.

Oʻzbekiston Respublikasi Adliya vazirligi va Davlat statistika qoʻmitasining 2017-yil 14-martdagi 4 va 3-mb-son qaroriga ILOVA

Yuridik shaxslarning nomiga davlatning rasmiy nomini, shuningdek undan hosila soʻzlarni qoʻshish tartibi toʻgʻrisidagi yoʻriqnomaga kiritilayotgan oʻzgartirishlar

1. 2-bandda :

ikkinchi xatboshi quyidagi tahrirda bayon etilsin:

“adliya organlari — Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari;”;

uchinchi xatboshidan “adliya organlari,” degan soʻzlar chiqarib tashlansin.

2. 7-bandning oltinchi xatboshisidan , 10-bandning toʻrtinchi xatboshisidan , 18-bandning ikkinchi xatboshisidan va 21-bandning toʻrtinchi xatboshisidan “Oʻzbekiston Respublikasi Davlat statistika qoʻmitasining firma nomlarining markazlashtirilgan maʼlumotlar bazasida soʻrab olinadigan” degan soʻzlar chiqarib tashlansin.

3. 8-band oʻz kuchini yoʻqotgan deb hisoblansin.

4. 9-band quyidagi tahrirda bayon etilsin:

“9. Roʻyxatga oluvchi organlar ikki ish kuni mobaynida murojaatni koʻrib chiqib, murojaat qilgan shaxsning firma nomi zaxiraga olinganligini tasdiqlaydi yoki murojaatni qayta koʻrib chiqish uchun qaytaradi.

Tasdiqlangan firma nomi tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimiga qonun hujjatlarida belgilangan tartibda roʻyxatga oluvchi organlarning masʼul xodimi tomonidan kiritiladi.”.

5. 16-banddagi “hududiy adliya organlariga, Toshkent shahrida tashkil etilayotgan xorijiy investitsiyalar ishtirokidagi korxonalar yuzasidan Oʻzbekiston Respublikasi Adliya vazirligiga” degan soʻzlar “adliya organlariga” degan soʻzlar bilan almashtirilsin.

6. 19-band oʻz kuchini yoʻqotgan deb hisoblansin.

7. 20-band quyidagi tahrirda bayon etilsin:

“20. Adliya organlari ikki ish kuni mobaynida murojaatni koʻrib chiqib, murojaat qilgan shaxsning firma nomi zaxiraga olinganligini tasdiqlaydi yoki murojaatni qayta koʻrib chiqish uchun qaytaradi.

Tasdiqlangan firma nomi tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimiga qonun hujjatlarida belgilangan tartibda roʻyxatga oluvchi organlarning masʼul xodimi tomonidan kiritiladi.”.

8. Mazkur oʻzgartirishlar Oʻzbekiston Respublikasi Markaziy banki, Xususiylashtirish, monopoliyadan chiqarish va raqobatni rivojlantirish davlat qoʻmitasi hamda Savdo-sanoat palatasi bilan kelishilgan.

Adliya vaziri oʻrinbosari N. JOʻRAYEV

Davlat statistika qoʻmitasi raisining birinchi oʻrinbosari B. MIRUSMANOV

Markaziy bank raisi F. MULLAJONOV

Xususiylashtirish, monopoliyadan chiqarish va raqobatni rivojlantirish davlat qoʻmitasi raisi D. XIDOYATOV

Savdo-sanoat palatasi raisi A. ShAYXOV

Toshkent sh.,

2017-yil 14-mart,

Toshkent sh.,

2017-yil 14-mart,

2017-yil 14-mart

2017-yil 14-mart

2017-yil 14-mart

4-son

3-mb-son

(Oʻzbekiston Respublikasi qonun hujjatlari toʻplami, 2017-y., 11-son, 180-modda)