📅 2017-yil 15-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 15 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 марта 2017 г. · Постановления Президента
Официальный текст. Официальный документ. Редакционные примечания не включены.
📅 15 March 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
Инвестиция лойиҳаларининг лойиҳа олди ҳужжатларини ишлаб чиқиш сифатини ошириш тўғрисида
Лойиҳа олди ҳужжатларини сифатли ишлаб чиқиш натижалари учун буюртмачиларнинг мансабдор шахслари — лойиҳаларнинг ташаббускорлари ва лойиҳалаш ташкилотларининг масъулиятини ошириш йўли билан инвестиция лойиҳаларини ишлаб чиқиш механизмини такомиллаштириш учун қулай шароитларни яратиш, уларни амалга ошира бошлаш учун тайёргарлик ишларини тезлаштириш, илғор хорижий тажриба асосида лойиҳа олди ҳужжатларини тайёрлаш сифатига путур етказмасдан уларни экспертизадан ўтказиш тартибини соддалаштириш мақсадида:
1. Ўзбекистон Республикаси Вазирлар Маҳкамаси ҳузуридаги Янгидан қуриладиган ва реконструкция қилинадиган ишлаб чиқариш қувватлари лойиҳаларининг техник-иқтисодий асосланишини, техника ва технологияларни экспертизадан ўтказиб баҳолаш агентлиги тугатилсин.
2. Янгидан қуриладиган ва реконструкция қилинадиган ишлаб чиқариш қувватлари лойиҳаларининг техник-иқтисодий асосланишини, техника ва технологияларни экспертизадан ўтказиб баҳолаш агентлигини (кейинги ўринларда — Агентлик) Тугатиш комиссияси таркиби иловага мувофиқ тасдиқлансин.
Тугатиш комиссияси (А.Ж. Раматов) Агентликни тугатиш билан боғлиқ бўлган чора-тадбирлар комплексининг қонун ҳужжатларида белгиланган тартибда амалга оширилишини таъминласин.
3. Буюртмачи сифатида инвестиция лойиҳаларини амалга ошираётган лойиҳа ташаббускорлари — соҳа вазирликлари, идоралари, хўжалик бирлашмалари ва ташкилотлари икки ҳафта муддатда:
тармоқ илмий-техник кенгашларини (мавжуд бўлмаса) тузсин, уларнинг зиммасига таклиф этилаётган инвестиция лойиҳаларида соҳани ривожлантириш стратегиясини ишлаб чиқиш, замонавий юқори технологияли, энергияни тежайдиган технологиялар ва ускуналарни жорий этиш вазифалари юклатилсин;
ихтисослаштирилган тармоқ эксперт кенгашларини тузсин, уларнинг зиммасига лойиҳалаш ташкилотлари томонидан тайёрланган тендер ва лойиҳа олди ҳужжатлари, технологиялар ва ускуналарни танлаш, таклиф қилинаётган технологиялар ва ускуналарни баҳолашни кўриб чиқиш вазифалари юклатилсин;
тармоқ илмий-техник кенгашлари ва ихтисослаштирилган тармоқ эксперт кенгашларини юқори малакали мутахассислар, шу жумладан тажрибали амалиётчилар, илмий-тадқиқот институтлари, олий таълим муассасалари, мустақил компаниялар ва бошқа ташкилотларнинг мутахассислари билан тўлдирсин.
4. Ўзбекистон Республикаси Иқтисодиёт вазирлиги Молия вазирлиги, «Давархитектқурилиш» қўмитаси, Ўзбекистон Тикланиш ва тараққиёт жамғармаси, Ўзбекистон Республикаси Вазирлар Маҳкамаси ҳузуридаги Республика «Ўзинжиниринг» лойиҳа институти, хўжалик бошқаруви органлари билан биргаликда:
икки ҳафта муддатда — тармоқ илмий-техник кенгашлари ва ихтисослаштирилган тармоқ эксперт кенгашлари тузиш ва улар фаолиятини ташкил этиш тартиби тўғрисидаги низом лойиҳасини киритсин, унда ушбу кенгашларнинг ваколатлари ҳамда уларни тузиш шарт эканлиги назарда тутилаётган иқтисодиёт тармоқлари рўйхати қайд этилсин;
бир ой муддатда — Вазирлар Маҳкамасининг қарори лойиҳасини киритсин, унда лойиҳаларнинг буюртмачи — ташаббускорларининг қуйидагилар учун масъулиятини ошириш назарда тутилади:
инвестиция лойиҳаларининг лойиҳа олди ҳужжатларини ишлаб чиқишда ишлаб чиқилаётган топшириқларни лойиҳалаштириш чоғида замонавий технологиялар, юқори технологияли ва энергия тежайдиган ускуналарни қўллаш;
лойиҳа олди ҳужжатларини ишлаб чиқишга, шу жумладан «тўлиқ тайёр» лойиҳалар бўйича шартнома тузиладиган энг малакали инжиниринг компаниялари ва/ёки лойиҳалаш ташкилотларини танлаб олиш;
лойиҳалаш ташкилотлари томонидан тайёрланган лойиҳа олди ҳужжатлари, иш ҳужжатлари ва иш лойиҳаси, таклиф этилаётган технологиялар ва ускуналарни баҳолаш қисмини ихтисослашган тармоқ эксперт кенгаши ёки жалб этилган мустақил компания томонидан синчиклаб экспертизадан ўтказишни таъминлаш.
5. Вазирликлар, идоралар, хўжалик бирлашмалари ва ташкилотлари — лойиҳа ташаббускорлари ва инвестиция лойиҳаларининг буюртмачилари лойиҳалаш ташкилотлари билан тузилаётган шартномаларда қуйидагиларни назарда тутишлари шарт:
лойиҳалаштиришда илғор ҳисобланган юқори технологияли, энергия тежайдиган технологиялар ва ускуналарни танлашда уларнинг моддий жавобгарлиги;
лойиҳа олди ҳужжатларининг лойиҳалаш ташкилотлари илмий-техник кенгашларида ва буюртмачиларнинг тармоқ илмий-техник кенгашларида кўриб чиқилиши мажбурийлиги.
7. Ўзбекистон Республикаси Меҳнат вазирлиги Иқтисодиёт вазирлиги ва Молия вазирлиги билан биргаликда Ўзбекистон Республикаси Вазирлар Маҳкамаси ҳузуридаги тугатилаётган Янгидан қуриладиган ва реконструкция қилинадиган ишлаб чиқариш қувватлари лойиҳаларининг техник-иқтисодий асосланишини, техника ва технологияларни экспертизадан ўтказиб баҳолаш агентлигидан бўшатилаётган ходимларни ишга жойлаштиришда кўмаклашсин.
8. Қуйидагилар:
Ўзбекистон Республикаси Президентининг «Янгидан қуриладиган ва реконструкция қилинадиган ишлаб чиқариш қувватлари лойиҳаларининг техник-иқтисодий асосланишини, техника ва технологияларни экспертизадан ўтказиб баҳолаш агентлигини ташкил этиш тўғрисида» 2015 йил 30 сентябрдаги ПҚ-2413-сонли қарори;
Ўзбекистон Республикаси Вазирлар Маҳкамасининг «Янгидан қуриладиган ва реконструкция қилинадиган ишлаб чиқариш қувватлари лойиҳаларининг техник-иқтисодий асосланишини, техника ва технологияларни экспертизадан ўтказиб баҳолаш агентлиги фаолиятини ташкил этиш чора-тадбирлари тўғрисида» 2015 йил 19 ноябрдаги 332-сонли қарори (Ўзбекистон Республикаси ҚТ , 2015 йил, № 11, 101-модда) ўз кучини йўқотган деб топилсин.
9. Ўзбекистон Республикаси Иқтисодиёт вазирлиги, Молия вазирлиги, Ташқи иқтисодий алоқалар, инвестициялар ва савдо вазирлиги, Адлия вазирлиги Ўзбекистон Тикланиш ва тараққиёт жамғармаси, Ўзбекистон Республикаси Вазирлар Маҳкамаси ҳузуридаги Республика «Ўзинжиниринг» лойиҳалаш институти ҳамда бошқа манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарорнинг ижросини назорат қилиш Ўзбекистон Республикасининг Бош вазири А. Арипов зиммасига юклансин.
Ўзбекистон Республикаси Президентининг 2017 йил 15 мартдаги ПҚ-2836-сон қарорига ИЛОВА
Ўзбекистон Республикаси Вазирлар Маҳкамаси ҳузуридаги Янгидан қуриладиган ва реконструкция қилинадиган ишлаб чиқариш қувватлари лойиҳаларининг техник-иқтисодий асосланишини, техника ва технологияларни экспертизадан ўтказиб баҳолаш агентлигини тугатиш комиссияси
О.Ж. Раматов — Ўзбекистон Республикаси Бош вазирининг биринчи ўринбосари — «Ўзбекистон темир йўллари » АЖ бошқаруви раиси, Комиссия раиси Ж.А. Қўчқоров — молия вазирининг биринчи ўринбосари Ш.Н. Файзуллаев — иқтисодиёт вазири ўринбосари Б.М. Низомов — меҳнат вазири ўринбосари А.А. Усмонов — адлия вазири ўринбосари С.Х. Гафаров — Хусусийлаштириш, монополиядан чиқариш ва рақобатни ривожлантириш давлат қўмитаси раисининг биринчи ўринбосари М.И. Шодиев — Давархитектқурилиш раиси ўринбосари А.А. Юлдашев — Давлат солиқ қўмитаси раисининг биринчи ўринбосари Н.Б. Ҳусанов — Тошкент шаҳар ҳокимининг биринчи ўринбосари Ш.Р. Хошимов — Ўзбекистон Республикаси Вазирлар Маҳкамаси ҳузуридаги Янгидан қуриладиган ва реконструкция қилинадиган ишлаб чиқариш қувватлари лойиҳаларининг техник-иқтисодий асосланишини, техника ва технологияларни экспертизадан ўтказиб баҳолаш агентлиги директори И.Р. Маҳкамов — Вазирлар Маҳкамасининг АТД мудири, Комиссия котиби
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 15 март,
ПҚ-2836-сон
Oʻzbekiston Respublikasi Prezidentining
Qarori
TARKIBI
Investitsiya loyihalarining loyiha oldi hujjatlarini ishlab chiqish sifatini oshirish toʻgʻrisida
Loyiha oldi hujjatlarini sifatli ishlab chiqish natijalari uchun buyurtmachilarning mansabdor shaxslari — loyihalarning tashabbuskorlari va loyihalash tashkilotlarining masʼuliyatini oshirish yoʻli bilan investitsiya loyihalarini ishlab chiqish mexanizmini takomillashtirish uchun qulay sharoitlarni yaratish, ularni amalga oshira boshlash uchun tayyorgarlik ishlarini tezlashtirish, ilgʻor xorijiy tajriba asosida loyiha oldi hujjatlarini tayyorlash sifatiga putur yetkazmasdan ularni ekspertizadan oʻtkazish tartibini soddalashtirish maqsadida:
1. Oʻzbekiston Respublikasi Vazirlar Mahkamasi huzuridagi Yangidan quriladigan va rekonstruksiya qilinadigan ishlab chiqarish quvvatlari loyihalarining texnik-iqtisodiy asoslanishini, texnika va texnologiyalarni ekspertizadan oʻtkazib baholash agentligi tugatilsin.
2. Yangidan quriladigan va rekonstruksiya qilinadigan ishlab chiqarish quvvatlari loyihalarining texnik-iqtisodiy asoslanishini, texnika va texnologiyalarni ekspertizadan oʻtkazib baholash agentligini (keyingi oʻrinlarda — Agentlik) Tugatish komissiyasi tarkibi ilovaga muvofiq tasdiqlansin.
Tugatish komissiyasi (A.J. Ramatov) Agentlikni tugatish bilan bogʻliq boʻlgan chora-tadbirlar kompleksining qonun hujjatlarida belgilangan tartibda amalga oshirilishini taʼminlasin.
3. Buyurtmachi sifatida investitsiya loyihalarini amalga oshirayotgan loyiha tashabbuskorlari — soha vazirliklari, idoralari, xoʻjalik birlashmalari va tashkilotlari ikki hafta muddatda:
tarmoq ilmiy-texnik kengashlarini (mavjud boʻlmasa) tuzsin, ularning zimmasiga taklif etilayotgan investitsiya loyihalarida sohani rivojlantirish strategiyasini ishlab chiqish, zamonaviy yuqori texnologiyali, energiyani tejaydigan texnologiyalar va uskunalarni joriy etish vazifalari yuklatilsin;
ixtisoslashtirilgan tarmoq ekspert kengashlarini tuzsin, ularning zimmasiga loyihalash tashkilotlari tomonidan tayyorlangan tender va loyiha oldi hujjatlari, texnologiyalar va uskunalarni tanlash, taklif qilinayotgan texnologiyalar va uskunalarni baholashni koʻrib chiqish vazifalari yuklatilsin;
tarmoq ilmiy-texnik kengashlari va ixtisoslashtirilgan tarmoq ekspert kengashlarini yuqori malakali mutaxassislar, shu jumladan tajribali amaliyotchilar, ilmiy-tadqiqot institutlari, oliy taʼlim muassasalari, mustaqil kompaniyalar va boshqa tashkilotlarning mutaxassislari bilan toʻldirsin.
4. Oʻzbekiston Respublikasi Iqtisodiyot vazirligi Moliya vazirligi, “Davarxitektqurilish” qoʻmitasi, Oʻzbekiston Tiklanish va taraqqiyot jamgʻarmasi, Oʻzbekiston Respublikasi Vazirlar Mahkamasi huzuridagi Respublika “Oʻzinjiniring” loyiha instituti, xoʻjalik boshqaruvi organlari bilan birgalikda:
ikki hafta muddatda — tarmoq ilmiy-texnik kengashlari va ixtisoslashtirilgan tarmoq ekspert kengashlari tuzish va ular faoliyatini tashkil etish tartibi toʻgʻrisidagi nizom loyihasini kiritsin, unda ushbu kengashlarning vakolatlari hamda ularni tuzish shart ekanligi nazarda tutilayotgan iqtisodiyot tarmoqlari roʻyxati qayd etilsin;
bir oy muddatda — Vazirlar Mahkamasining qarori loyihasini kiritsin, unda loyihalarning buyurtmachi — tashabbuskorlarining quyidagilar uchun masʼuliyatini oshirish nazarda tutiladi:
investitsiya loyihalarining loyiha oldi hujjatlarini ishlab chiqishda ishlab chiqilayotgan topshiriqlarni loyihalashtirish chogʻida zamonaviy texnologiyalar, yuqori texnologiyali va energiya tejaydigan uskunalarni qoʻllash;
loyiha oldi hujjatlarini ishlab chiqishga, shu jumladan “toʻliq tayyor” loyihalar boʻyicha shartnoma tuziladigan eng malakali injiniring kompaniyalari va/yoki loyihalash tashkilotlarini tanlab olish;
loyihalash tashkilotlari tomonidan tayyorlangan loyiha oldi hujjatlari, ish hujjatlari va ish loyihasi, taklif etilayotgan texnologiyalar va uskunalarni baholash qismini ixtisoslashgan tarmoq ekspert kengashi yoki jalb etilgan mustaqil kompaniya tomonidan sinchiklab ekspertizadan oʻtkazishni taʼminlash.
5. Vazirliklar, idoralar, xoʻjalik birlashmalari va tashkilotlari — loyiha tashabbuskorlari va investitsiya loyihalarining buyurtmachilari loyihalash tashkilotlari bilan tuzilayotgan shartnomalarda quyidagilarni nazarda tutishlari shart:
loyihalashtirishda ilgʻor hisoblangan yuqori texnologiyali, energiya tejaydigan texnologiyalar va uskunalarni tanlashda ularning moddiy javobgarligi;
loyiha oldi hujjatlarining loyihalash tashkilotlari ilmiy-texnik kengashlarida va buyurtmachilarning tarmoq ilmiy-texnik kengashlarida koʻrib chiqilishi majburiyligi.
7. Oʻzbekiston Respublikasi Mehnat vazirligi Iqtisodiyot vazirligi va Moliya vazirligi bilan birgalikda Oʻzbekiston Respublikasi Vazirlar Mahkamasi huzuridagi tugatilayotgan Yangidan quriladigan va rekonstruksiya qilinadigan ishlab chiqarish quvvatlari loyihalarining texnik-iqtisodiy asoslanishini, texnika va texnologiyalarni ekspertizadan oʻtkazib baholash agentligidan boʻshatilayotgan xodimlarni ishga joylashtirishda koʻmaklashsin.
8. Quyidagilar:
Oʻzbekiston Respublikasi Prezidentining “Yangidan quriladigan va rekonstruksiya qilinadigan ishlab chiqarish quvvatlari loyihalarining texnik-iqtisodiy asoslanishini, texnika va texnologiyalarni ekspertizadan oʻtkazib baholash agentligini tashkil etish toʻgʻrisida” 2015-yil 30-sentabrdagi PQ-2413-sonli qarori;
Oʻzbekiston Respublikasi Vazirlar Mahkamasining “Yangidan quriladigan va rekonstruksiya qilinadigan ishlab chiqarish quvvatlari loyihalarining texnik-iqtisodiy asoslanishini, texnika va texnologiyalarni ekspertizadan oʻtkazib baholash agentligi faoliyatini tashkil etish chora-tadbirlari toʻgʻrisida” 2015-yil 19-noyabrdagi 332-sonli qarori (Oʻzbekiston Respublikasi QT , 2015-yil, № 11, 101-modda) oʻz kuchini yoʻqotgan deb topilsin.
9. Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi, Adliya vazirligi Oʻzbekiston Tiklanish va taraqqiyot jamgʻarmasi, Oʻzbekiston Respublikasi Vazirlar Mahkamasi huzuridagi Respublika “Oʻzinjiniring” loyihalash instituti hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini nazorat qilish Oʻzbekiston Respublikasining Bosh vaziri A. Aripov zimmasiga yuklansin.
Oʻzbekiston Respublikasi Prezidentining 2017-yil 15-martdagi PQ-2836-son qaroriga ILOVA
Oʻzbekiston Respublikasi Vazirlar Mahkamasi huzuridagi Yangidan quriladigan va rekonstruksiya qilinadigan ishlab chiqarish quvvatlari loyihalarining texnik-iqtisodiy asoslanishini, texnika va texnologiyalarni ekspertizadan oʻtkazib baholash agentligini tugatish komissiyasi
O.J. Ramatov — Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari ” AJ boshqaruvi raisi, Komissiya raisi J.A. Qoʻchqorov — moliya vazirining birinchi oʻrinbosari Sh.N. Fayzullayev — iqtisodiyot vaziri oʻrinbosari B.M. Nizomov — mehnat vaziri oʻrinbosari A.A. Usmonov — adliya vaziri oʻrinbosari S.X. Gafarov — Xususiylashtirish, monopoliyadan chiqarish va raqobatni rivojlantirish davlat qoʻmitasi raisining birinchi oʻrinbosari M.I. Shodiyev — Davarxitektqurilish raisi oʻrinbosari A.A. Yuldashev — Davlat soliq qoʻmitasi raisining birinchi oʻrinbosari N.B. Husanov — Toshkent shahar hokimining birinchi oʻrinbosari Sh.R. Xoshimov — Oʻzbekiston Respublikasi Vazirlar Mahkamasi huzuridagi Yangidan quriladigan va rekonstruksiya qilinadigan ishlab chiqarish quvvatlari loyihalarining texnik-iqtisodiy asoslanishini, texnika va texnologiyalarni ekspertizadan oʻtkazib baholash agentligi direktori I.R. Mahkamov — Vazirlar Mahkamasining ATD mudiri, Komissiya kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 15-mart,
PQ-2836-son
Президента Республики Узбекистан
Постановление
СОСТАВ
О повышении качества разработки предпроектной документации инвестиционных проектов
В целях создания благоприятных условий для совершенствования механизма разработки и ускорения подготовительных процедур для начала реализации инвестиционных проектов, путем повышения ответственности должностных лиц заказчиков — инициаторов проектов и проектных организаций за результаты качественной разработки предпроектной документации, а также упрощения порядка их экспертизы без ущерба качеству подготовки предпроектной документации, основанных на передовом зарубежном опыте:
1. Ликвидировать Агентство по экспертной оценке технико-экономических обоснований проектов вновь строящихся и реконструируемых производственных мощностей, техники и технологий при Кабинете Министров Республики Узбекистан.
2. Утвердить состав Ликвидационной комиссии Агентства по экспертной оценке технико-экономических обоснований проектов вновь строящихся и реконструируемых производственных мощностей, техники и технологий при Кабинете Министров Республики Узбекистан (далее — Агентство) согласно приложению .
Ликвидационной комиссии (Раматов А.Ж.) обеспечить осуществление комплекса мер, связанных с ликвидацией Агентства в порядке, установленном законодательством.
3. Отраслевым министерствам, ведомствам, хозяйственным объединениям и организациям — инициаторам проектов, осуществляющим реализацию инвестиционных проектов в качестве заказчиков, в двухнедельный срок:
создать отраслевые научно-технические советы (в случае их отсутствия), с возложением на них функций по разработке стратегии развития отрасли, внедрению современных высокотехнологических, энергоэффективных технологий и оборудования в предлагаемых инвестиционных проектах;
создать специализированные отраслевые экспертные советы, с возложением на них функций по рассмотрению подготовленной со стороны проектных организаций тендерной и предпроектной документации, в части отбора технологий, оборудования и ценообразования по предлагаемой технологии и оборудованию;
укомплектовать отраслевые научно-технические советы и специализированные отраслевые экспертные советы высококвалифицированными специалистами, в том числе из числа опытных практиков, специалистов научно-исследовательских институтов, высших образовательных учреждений, независимых компаний и др.
4. Министерству экономики совместно с Министерством финансов, Госархитектстроем Республики Узбекистан, Фондом реконструкции и развития Узбекистана, Республиканским проектным институтом «УзИнжиниринг» при Кабинете Министров Республики Узбекистан, органами хозяйственного управления внести:
в двухнедельный срок — проект Положения о порядке создания и организации деятельности отраслевых научно-технических и специализированных отраслевых экспертных советов, предусмотрев в нем полномочия данных советов, а также перечень отраслей экономики, в которых предусматривается обязательное их создание;
в месячный срок — проект постановления Кабинета Министров, предусматривающий повышение ответственности заказчиков — инициаторов проектов за:
применение современных технологий, высокотехнологического и энергоэффективного оборудования при проектировании в разрабатываемых заданиях на разработку предпроектной документации инвестиционных проектов;
осуществление отбора наиболее квалифицированных инжиниринговых компаний и/или проектных организаций, с которыми будут заключаться контракты на разработку предпроектной документации, в том числе проектов «под ключ»;
обеспечение тщательного проведения экспертизы подготовленной проектными организациями предпроектной и проектной документации, рабочей документации и рабочего проекта в части ценообразования по предлагаемой технологии и оборудованию, со стороны специализированного отраслевого экспертного совета или привлеченной независимой компании.
5. Министерствам, ведомствам, хозяйственным объединениям и организациям — инициаторам проектов и заказчикам инвестиционных проектов в обязательном порядке предусматривать в заключаемых с проектными организациями договорах:
их материальную ответственность за отбор передовых высокотехнологичных энергоэффективных технологий и оборудования при проектировании;
обязательное рассмотрение предпроектной документации на научно-технических советах проектных организаций, а также на отраслевых научно-технических советах заказчиков.
7. Министерству труда совместно с Министерством экономики и Министерством финансов Республики Узбекистан оказать содействие в трудоустройстве высвобождаемых работников ликвидируемого Агентства по экспертной оценке технико-экономических обоснований проектов вновь строящихся и реконструируемых производственных мощностей, техники и технологий при Кабинете Министров Республики Узбекистан.
8. Признать утратившими силу:
постановление Президента Республики Узбекистан от 30 сентября 2015 года № ПП-2413 «О создании Агентства по экспертной оценке технико-экономических обоснований проектов вновь строящихся и реконструируемых производственных мощностей, техники и технологий при Кабинете Министров Республики Узбекистан»;
постановление Кабинета Министров Республики Узбекистан от 19 ноября 2015 года № 332 «О мерах по организации деятельности Агентства по экспертной оценке технико-экономических обоснований проектов вновь строящихся и реконструируемых производственных мощностей, техники и технологий при Кабинете Министров Республики Узбекистан» (СП Республики Узбекистан, 2015 г., № 11, ст. 101).
9. Министерству экономики, Министерству финансов, Министерству внешних экономических связей, инвестиций и торговли, Министерству юстиции Республики Узбекистан совместно с Фондом реконструкции и развития Узбекистана, Республиканским проектным институтом «УзИнжиниринг» при Кабинете Министров Республики Узбекистан, другими заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
10. Контроль за исполнением настоящего постановления возложить на Премьер-министра Республики Узбекистан Арипова А.Н.
ПРИЛОЖЕНИЕ к постановлению Президента Республики Узбекистан от 15 марта 2017 года № ПП-2836
Ликвидационной комиссии Агентства по экспертной оценке технико-экономических обоснований проектов вновь строящихся и реконструируемых производственных мощностей, техники и технологий при Кабинете Министров Республики Узбекистан
Раматов А.Ж. — первый заместитель Премьер-министра Республики Узбекистан — председатель правления АО «Узбекист о н темир йуллари», председатель Комиссии Кучкаров Ж.А. — первый заместитель министра финансов Файзуллаев Ш.Н. — заместитель министра экономики Низомов Б.М. — заместитель министра труда Усманов А.А. — заместитель министра юстиции Гафаров С.Х. — первый заместитель председателя Государственного комитета по приватизации, демонополизации и развитию конкуренции Шодиев М.И — заместитель председателя Госархитектстроя Юлдашев А.А. — первый заместитель председателя Государственного налогового комитета Хусанов Н.Б. — первый заместитель хокима г. Ташкента Хашимов Ш.Р. — директор Агентства по экспертной оценке технико-экономических обоснований проектов вновь строящихся и реконструируемых производственных мощностей, техники и технологий при Кабинете Министров Республики Узбекистан Махкамов И.Р. — заведующий ИАД Кабинета Министров, секретарь Комиссии.
Президент Республики Узбекистан Ш. МИРЗИЁЕВ
г. Ташкент,
15 марта 2017 г.,
№ ПП-2836