📅 2017-yil 29-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 29 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 марта 2017 г. · Постановления Президента
Официальный текст. Официальный документ. Редакционные примечания не включены.
📅 29 March 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ташкилий тузилмаси
ТУЗИЛМАСИ
ТАРКИБИ
«Ўзбекипаксаноат» уюшмаси фаолиятини ташкил этиш чора-тадбирлари тўғрисида
Республикада пиллачиликнинг озуқа базасини жадал ривожлантириш, ипак қуртини парвариш қилиш ва пилла етиштириш жараёнларини узлуксиз такомиллаштириш, пилла, хом ипак, ипак калава ишлаб чиқариш ва уларни чуқур қайта ишлашнинг самарали усулларини кенг жорий этиш, ипакдан тайёр маҳсулот ишлаб чиқаришни йўлга қўйиш, соҳанинг экспорт салоҳиятини юксалтириш ҳамда қишлоқ жойларда аҳоли бандлиги ва даромадлари даражасини оширишни таъминлайдиган ягона ва яхлит ташкилий-технологик тизимни барпо этиш асосида пиллачилик тармоғини комплекс ривожлантириш мақсадида:
1. Ўзбекистон Республикаси Қишлоқ ва сув хўжалиги вазирлиги, Иқтисодиёт вазирлиги, Молия вазирлиги, Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси, «Ўзбекенгилсаноат» акциядорлик жамияти, тижорат банклари ва пиллачилик тармоғи ташкилотларининг «Ўзбекипаксаноат» уюшмасини ташкил этиш тўғрисидаги таклифига розилик берилсин, унинг таркибига қуйидагилар киради:
Қорақалпоғистон Республикаси ва вилоятлар «Пилла» ҳудудий бирлашмалари негизида ташкил этиладиган ҳудудий «Агропилла» масъулияти чекланган жамиятлари;
туман ва туманлараро «Пилла» масъулияти чекланган жамиятлари негизида ташкил этиладиган туман «Агропилла» масъулияти чекланган жамиятлари;
ипак қурти уруғини ишлаб чиқариш, пиллани қайта ишлаш ҳамда ипак газламалар ва тайёр маҳсулотлар ишлаб чиқариш бўйича ташкилотлар.
2. Қуйидагилар «Ўзбекипаксаноат» уюшмасининг асосий вазифалари ва фаолияти йўналишлари этиб белгилансин:
а) озуқа базасини такомиллаштириш бўйича:
тармоқнинг озуқа базасини мустаҳкамлаш, тут қаторлари ва тутзорларни кенгайтириш мақсадида суғориладиган ер майдонлари ажратиш бўйича тегишли давлат бошқаруви органлари ва маҳаллий ижро этувчи ҳокимият органлари билан ўзаро самарали ҳамкорликни таъминлаш;
ипак қурти парвариш қилинмайдиган даврларда пиллахоналар ва тутзорларда иккиламчи фаолиятни амалга ошириш ҳисобига қишлоқ хўжалиги маҳсулотлари етиштиришни йўлга қўйиш, уларни ички ва ташқи бозорларда сотиш;
б) ипак қурти уруғи ва пилла етиштириш, тайёрлаш ва бирламчи қайта ишлаш бўйича:
Уюшма таркибига кирувчи ташкилотларга ипак қуртининг юқори маҳсулдор зотларини яратиш, парвариш қилиш ва сифатли уруғ ишлаб чиқаришни йўлга қўйишда кўмаклашиш;
республика ҳудудлари бўйича пилла етиштиришнинг прогноз ҳажмларини белгилаш, пилла тайёрлаш ва қайта ишлаш ташкилотлари бўйича пилла етиштириш учун буюртмаларни жойлаштириш;
сифатли пилла етиштириш ва тайёрлаш, уни дастлабки қайта ишлаш, хом ипак ва ипак калава ишлаб чиқариш бўйича янги қувватларни ташкил этиш ва мавжудларини модернизация қилишни ташкил этиш;
в) пиллани чуқур қайта ишлашни ташкил этиш бўйича:
ипакдан тайёр маҳсулот ишлаб чиқариш ҳажмларини кўпайтириш ва унинг сифатини янада яхшилаш, унинг энг харидоргир турлари ва дизайнини ўзлаштириш, тармоқ маҳсулотларини халқаро талабларга мувофиқ сертификатлаштириш ва стандартлаштиришни таъминлаш, сифат менежментининг замонавий усулларини кенг жорий этишга доир ишларни самарали ташкил этиш;
маҳсулот сотиш бозорларини кенгайтириш бўйича маркетинг тадқиқотлари олиб бориш, ипак маҳсулотлари нархини шакллантиришнинг мақбул механизмини яратиш бўйича таклиф ва тавсияларни ишлаб чиқиш ҳамда тайёр ипак маҳсулотлари экспорти ҳажмини ошириш;
г) тармоқни жадал ривожлантиришни мувофиқлаштириш бўйича:
пиллачилик тармоғини ривожлантириш борасида қабул қилинган дастурий чора-тадбирлар амалга оширилишини мувофиқлаштириш, ягона илмий-техник, технологик, инвестициявий ва экспорт сиёсатини изчил юритиш ҳамда ички ва ташқи бозордаги нархлар мониторингини олиб бориш;
норматив-ҳуқуқий базани такомиллаштириш, имтиёз ва енгилликлар бериш, халқаро молиявий институтлар ва донор мамлакатларнинг маблағларини жалб қилиш орқали Уюшма таркибига кирувчи ташкилотларнинг давлат томонидан қўллаб-қувватланишига кўмаклашиш;
Уюшма таркибига кирувчи ташкилотлар манфаатларини кўзлаб, давлат божини тўламасдан судга даъво аризалари тайёрлаш ва тақдим этиш ҳамда давлат органларининг қарорлари, уларнинг мансабдор шахсларининг ҳаракатлари (ҳаракатсизлиги) устидан шикоят қилиш.
д) қўлда тўқилган гиламчиликни ривожлантириш бўйича:
қўлда тўқилган гиламларнинг ички ва ташқи бозорларини тизимли таҳлил қилиш;
тадбиркорлик субъектларини қўлда гилам тўқиш кооперацияларига жалб қилиш, уларни гиламчилик соҳасида билим ва кўникмаларга эга бўлиши учун ўқитиш, шунингдек, бу жараёнга хорижий мамлакатлардан малакали мутахассисларни жалб қилиш ва инновацион технологияларни кенг татбиқ этиш;
банд бўлмаган аҳолини, айниқса ёшлар, аёллар ва кам таъминланган оилаларни гиламчилик билан шуғулланишга қизиқтириш, уларни ўқитиш ва малакасини ошириш, гилам тўқиш кўникмасини шакллантириш, жойларда кичик ишлаб чиқариш цехлари ҳамда аҳоли хонадонларида гилам тўқишни ташкил этиш орқали уларнинг бандлигини таъминлашда кўмаклашиш;
ҳудудларда ипак, ипак чиқиндилари, жун ва пахта аралашмали гиламлар тўқишни ташкил этиш учун ҳунармандлар ва ташкилотларни керакли миқдорда хомашё ҳамда гилам тўқиш дастгоҳлари ва мосламалари билан таъминлаш чораларини кўриш;
қўшилган қиймат занжирини яратиш мақсадида ипакни қайта ишлаш ташкилотлари, чорвачилик хўжаликлари ва гиламчилик ҳунармандлари ўртасида кооперацияни йўлга қўйишда кўмаклашиш;
гиламчиликка оид семинар, анжуман, ярмарка ва кўргазмалар ташкил қилиш, шунингдек, маҳаллий гиламчилик ташкилотлари ҳамда ҳунармандларининг хорижий мамлакатларда ўтказиладиган ярмарка ва кўргазмаларда иштирок этишида амалий ёрдам кўрсатиш;
халқаро сифат стандартларини жорий қилиш ва қўлда тўқилган гиламчилик маҳсулотларини экспорт қилиш ишларини ташкил этиш бўйича яқиндан кўмаклашиш.
3. Маълумот учун қабул қилинсинки, пиллачилик тармоғи ташкилотлари «Ўзбекипаксаноат» уюшмасининг муассислари ҳисобланади.
4. «Ўзбекипаксаноат» уюшмасининг ташкилий тузилмаси ҳамда унинг бошқарув ходимларининг чекланган сони 53 нафар бўлган ижро этувчи аппарати тузилмаси 1 ва 2-иловаларга мувофиқ тасдиқлансин.
5. Белгилаб қўйилсинки:
«Ўзбекипаксаноат» уюшмасининг раиси муассислар умумий йиғилишининг қарори билан сайланади ва Ўзбекистон Республикаси Вазирлар Маҳкамаси томонидан лавозимига тасдиқланади. «Ўзбекипаксаноат» уюшмаси раисининг ўринбосарлари «Ўзбекипаксаноат» уюшмаси раиси томонидан лавозимига тайинланади.
«Ўзбекипаксаноат» уюшмаси ижро этувчи аппаратининг жорий таъминоти ва фаолиятини молиялаштириш унинг таркибига шартнома асосида кирувчи пиллачилик тармоғи ташкилотларининг ажратмалари ҳамда қонун ҳужжатларида тақиқланмаган бошқа манбалар ҳисобидан амалга оширилади.
6. «Ўзбекипаксаноат» уюшмасини ташкил этиш билан боғлиқ ташкилий тадбирларни мувофиқлаштириш ва уларни амалга оширишга кўмаклашиш бўйича ишчи гуруҳ (кейинги ўринларда Ишчи гуруҳ деб аталади) 4-иловага мувофиқ таркибда ташкил этилсин.
Ишчи гуруҳга Ўзбекистон Республикаси Қишлоқ ва сув хўжалиги вазирлиги, Иқтисодиёт вазирлиги ва Молия вазирлиги билан биргаликда уч ой муддатда 2017 — 2021 йилларда пиллачилик тармоғини комплекс равишда янада ривожлантириш чора-тадбирлари дастурини ишлаб чиқиш ва белгиланган тартибда Ўзбекистон Республикаси Вазирлар Маҳкамасига киритиш вазифаси юклансин.
Ишчи гуруҳ чора-тадбирлар дастурини ишлаб чиқишда қуйидаги устувор вазифаларга эътиборни қаратсин:
Уюшма ва унинг таркибий бўлинмаларини ташкил этишга доир ташкилий чора-тадбирларни амалга ошириш, пиллачилик соҳасидаги қонун ҳужжатлари ва норматив-ҳуқуқий базани янада такомиллаштириш;
янги тутзорларни барпо этиш, тут қаторларини кенгайтириш ва мавжуд тутзорларни модернизация қилиш орқали пиллачиликнинг озуқа базасини мустаҳкамлаш;
ипак қурти уруғининг маҳсулдор зотларини яратиш ва жорий этиш, импортни қисқартириш ва келгусида республиканинг ички эҳтиёжини тўлиқ таъминлаш мақсадида уларни ишлаб чиқариш ҳажмларини босқичма-босқич ошириб бориш;
пилла етиштириш ва тайёрлаш ҳажмларини босқичма-босқич кўпайтириш, сифатини янада яхшилаш, ипак қуртининг маҳсулдорлигини ошириш;
пиллага дастлабки ишлов беришнинг мавжуд ишлаб чиқариш қувватларини хатловдан ўтказиш, ушбу тизимни такомиллаштириш бўйича таклифлар тайёрлаш;
пиллачилик тармоғи ташкилотларининг ишлаб чиқариш эҳтиёжлари учун кўмир, полиэтилен, полипропилен, минерал ўғитлар ва ёқилғи-мойлаш материалларини ўз вақтида, тартибга солинадиган нархлар бўйича ажратиш орқали белгиланган тартибда моддий-техника ресурсларини етказиб бериш ҳамда пиллачилик тармоғининг хўжалик юритувчи субъектларини электр энергияси ва табиий газ билан узлуксиз таъминлаш;
сифат менежментининг замонавий усулларини, тайёр маҳсулотнинг харидоргир турлари ва дизайнини кенг жорий этиш, унинг халқаро талабларга мувофиқ сертификатлаштирилиши ва стандартлаштирилишини таъминлаш;
кадрларни қайта тайёрлаш ва малакасини оширишни ташкил этиш, олий таълим муассасаларида пиллачилик тармоғи учун кадрлар тайёрлаш йўналишлари бўйича ўқув режалари ва дастурларини такомиллаштириш ва янгилаш.
8. Ўзбекистон Республикаси Қишлоқ ва сув хўжалиги вазирлиги ҳамда Меҳнат вазирлигининг пиллачиликни, пиллачилик тармоғи ишчилари ва тирик пилла етиштириш билан шуғулланувчи касаначиларни қонун ҳужжатларида тасдиқланган тўлиқ бир мавсум ишланган даврлари уларга пенсия тайинлаш учун бир йил меҳнат стажига ўтадиган мавсумий ишлар ва саноатнинг мавсумий тармоқлари рўйхатига киритиш тўғрисидаги таклифи қабул қилинсин.
9. Ўзбекистон Республикаси Ташқи ишлар вазирлиги «Ўзбекипаксаноат» уюшмасининг буюртманомаларига кўра пиллачилик тармоғида ишлашга жалб этиладиган хорижий мутахассисларга консуллик ва бошқа йиғимлар ундирилмасдан кириш визалари расмийлаштирилишини таъминласин.
10. Ўзбекистон Республикаси Ички ишлар вазирлиги «Ўзбекипаксаноат» уюшмасининг буюртманомаларига кўра пиллачилик тармоғида ишлашга жалб этиладиган хорижий мутахассисларга давлат божи ундирилмасдан кўп марталик визалар берилишини ва уларнинг муддати узайтирилишини, шунингдек, уларнинг турган жойи бўйича рўйхатдан ўтказилишини ва унинг муддати узайтирилишини таъминласин.
11. Ўзбекистон Республикаси Меҳнат вазирлиги «Ўзбекипаксаноат» уюшмасининг буюртманомаларига кўра пиллачилик тармоғида ишлаш учун юқори малакали хорижий мутахассисларни (Ўзбекистон Республикаси фуқаролари орасида бундай мутахассислар бўлмаган тақдирда) Ўзбекистон Республикасига жалб этишга рухсатномалар беришни (узайтиришни), шунингдек, кўрсатиб ўтилган хорижий фуқароларга Ўзбекистон Республикаси ҳудудида меҳнат фаолиятини амалга ошириш ҳуқуқига тасдиқномалар берилишини (узайтирилишини) таъминласин.
12. «Ўзбекипаксаноат» уюшмасига Уюшма аъзоларининг манфаатларини кўзлаб судга даъво аризаларини тақдим этиш, давлат органлари ва бошқа ташкилотларнинг қарорлари, улар мансабдор шахсларининг ҳаракатлари (ҳаракатсизлиги) устидан шикоят қилиш ҳуқуқи берилсин.
13. Ўзбекистон Республикаси Ахборот технологиялари ва коммуникацияларини ривожлантириш вазирлиги «Ўзбекипаксаноат» уюшмасини белгиланган тартибда телекоммуникация тармоқларига, жумладан, ҳукумат алоқасига улашни таъминласин.
14. Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси, Ўзбекистон Фермерлари кенгаши, Тошкент шаҳри ҳокимлиги «Ўзбекипаксаноат» уюшмасини жойлаштириш учун Тошкент шаҳри, Мирзо Улуғбек тумани, Исмоил ота кўчасидаги 1-а уйдан ижара ҳақи бўйича «ноль» ставкасини белгилаган ҳолда зарур майдон ажратсин.
15. Ўзбекистон Республикаси Қишлоқ ва сув хўжалиги вазирлиги манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
16. Мазкур қарорнинг бажарилишини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2017 йил 29 мартдаги ПҚ-2856-сон қарорига 1-ИЛОВА
«Ўзбекипаксаноат» уюшмасининг
«Ўзбекипаксаноат» уюшмаси Бухоро (1), Қашқадарё (1) ва Сурхондарё (1) вилоятларидаги ҳудудий «Агропилла» МЧЖлари Қорақалпоғистон Республикаси (1) ва Хоразм (1) вилоятидаги ҳудудий «Агропилла» МЧЖлари Самарқанд (1), Навоий (1) ва Жиззах (1) вилоятларидаги ҳудудий «Агропилла» МЧЖлари Фарғона (1), Наманган (1) ва Андижон (1) вилоятларидаги ҳудудий «Агропилла» МЧЖлари Тошкент (1) ва Сирдарё (1) вилоятларидаги ҳудудий «Агропилла» МЧЖлари Самарқанд (14), Навоий (5) ва Жиззах (12) вилоятларидаги туман «Агропилла» МЧЖлари Фарғона (15), Наманган (12) ва Андижон (14) вилоятларидаги туман «Агропилла» МЧЖлари Тошкент (10) ваСирдарё (8) вилоятларидаги туман «Агропилла» МЧЖлари Бухоро (10), Қашқадарё (12) ва Сурхондарё (12) вилоятларидаги туман «Агропилла» МЧЖлари Қорақалпоғистон Республикаси (7) ва Хоразм (10) вилоятидаги туман «Агропилла» МЧЖлари Самарқанд (3), Навоий (1) ва Жиззах * вилоятларида жойлашган ипак қурти уруғини ишлаб чиқариш бўйича ташкилотлар Фарғона (4), Наманган (2) ва Андижон (4) вилоятларида жойлашган ипак қурти уруғини ишлаб чиқариш бўйича ташкилотлар Тошкент (2) ва Сирдарё * вилоятларида жойлашган ипак қурти уруғини ишлаб чиқариш бўйича ташкилотлар Бухоро * , Қашқадарё (1) ва Сурхондарё (1) вилоятларида жойлашган ипак қурти уруғини ишлаб чиқариш бўйича ташкилотлар Қорақалпоғистон Республикаси * ва Хоразм вилоятида (1) жойлашган ипак қурти уруғини ишлаб чиқариш бўйича ташкилотлар Самарқанд (4), Навоий (2) ва Жиззах (1) вилоятларидаги пиллани қайта ишлаш ташкилотлари Фарғона (5), Наманган (4) ва Андижон (4) вилоятларидаги пиллани қайта ишлаш ташкилотлари Тошкент (1) ва Сирдарё * вилоятларидаги пиллани қайта ишлаш ташкилотлари Қорақалпоғистон Республикаси (1) ва Хоразм (1) вилоятидаги пиллани қайта ишлаш ташкилотлари Бухоро (4), Қашқадарё (1) ва Сурхондарё (2) вилоятларидаги пиллани қайта ишлаш ташкилотлари Фарғона (3), Наманган (2) ва Андижон * вилоятларидаги ипак газламалар ва тайёр маҳсулотлар ишлаб чиқариш ташкилотлари Тошкент * ва Сирдарё * вилоятларидаги ипак газламалар ва тайёр маҳсулотлар ишлаб чиқариш ташкилотлари Қорақалпоғистон Республикаси * ва Хоразм * вилоятидаги ипак газламалар ва тайёр маҳсулотлар ишлаб чиқариш ташкилотлари Самарқанд * , Навоий * ва Жиззах * вилоятларидаги ипак газламалар ва тайёр маҳсулотлар ишлаб чиқариш ташкилотлари Бухоро (1), Қашқадарё * ва Сурхондарё * вилоятларидаги ипак газламалар ва тайёр маҳсулотлар ишлаб чиқариш ташкилотлари Ипакчилик илмий-тадқиқот институти Табиий толалар илмий-тадқиқот институти (1) **
Ўзбекистон Республикаси Президентининг 2017 йил 29 мартдаги ПҚ-2856-сон қарорига 2-ИЛОВА
«Ўзбекипаксаноат» уюшмаси ижро этувчи аппаратининг
Ўзбекистон Республикаси Президентининг 2017 йил 29 мартдаги ПҚ-2856-сон қарорига 4-ИЛОВА
«Ўзбекипаксаноат» уюшмасини ташкил этиш билан боғлиқ ташкилий тадбирларни мувофиқлаштириш ва уларни амалга оширишга кўмаклашиш бўйича ишчи гуруҳ
З.Т. Мирзаев — Бош вазир ўринбосари — Ўзбекистон Республикаси қишлоқ ва сув хўжалиги вазири, Ишчи гуруҳ раиси С.Х. Бекенов — иқтисодиёт вазирининг биринчи ўринбосари, Ишчи гуруҳ раиси ўринбосари А.Ж. Вахабов — қишлоқ ва сув хўжалиги вазирининг биринчи ўринбосари М.М. Мирзаев — молия вазири ўринбосари Ш.О. Туляганов — ташқи иқтисодий алоқалар, инвестициялар ва савдо вазири ўринбосари А.А. Усманов — адлия вазири ўринбосари Д.А. Хидоятов — Хусусийлаштириш, монополиядан чиқариш ва рақобатни ривожлантириш давлат қўмитаси раиси С.С. Ходжаев — Марказий банк раисининг биринчи ўринбосари Б.Я. Раимов — Давлат божхона қўмитаси раисининг биринчи ўринбосари Х.А. Шакиров — Давлат солиқ қўмитаси раисининг ўринбосари И.У. Ҳайдаров — «Ўзбекенгилсаноат» АЖ раиси Лавозими бўйича — Вазирлар Маҳкамасининг Қишлоқ ва сув хўжалиги, қишлоқ хўжалиги маҳсулотларини қайта ишлаш ҳамда истеъмол товарлари ахборот-таҳлил департаменти мудири, Ишчи гуруҳ котиби
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 29 март,
ПҚ-2856-сон
Oʻzbekiston Respublikasi Prezidentining
Qarori
tashkiliy tuzilmasi
TUZILMASI
TARKIBI
“Oʻzbekipaksanoat” uyushmasi faoliyatini tashkil etish chora-tadbirlari toʻgʻrisida
Respublikada pillachilikning ozuqa bazasini jadal rivojlantirish, ipak qurtini parvarish qilish va pilla yetishtirish jarayonlarini uzluksiz takomillashtirish, pilla, xom ipak, ipak kalava ishlab chiqarish va ularni chuqur qayta ishlashning samarali usullarini keng joriy etish, ipakdan tayyor mahsulot ishlab chiqarishni yoʻlga qoʻyish, sohaning eksport salohiyatini yuksaltirish hamda qishloq joylarda aholi bandligi va daromadlari darajasini oshirishni taʼminlaydigan yagona va yaxlit tashkiliy-texnologik tizimni barpo etish asosida pillachilik tarmogʻini kompleks rivojlantirish maqsadida:
1. Oʻzbekiston Respublikasi Qishloq va suv xoʻjaligi vazirligi, Iqtisodiyot vazirligi, Moliya vazirligi, Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi, “Oʻzbekyengilsanoat” aksiyadorlik jamiyati, tijorat banklari va pillachilik tarmogʻi tashkilotlarining “Oʻzbekipaksanoat” uyushmasini tashkil etish toʻgʻrisidagi taklifiga rozilik berilsin, uning tarkibiga quyidagilar kiradi:
Qoraqalpogʻiston Respublikasi va viloyatlar “Pilla” hududiy birlashmalari negizida tashkil etiladigan hududiy “Agropilla” masʼuliyati cheklangan jamiyatlari;
tuman va tumanlararo “Pilla” masʼuliyati cheklangan jamiyatlari negizida tashkil etiladigan tuman “Agropilla” masʼuliyati cheklangan jamiyatlari;
ipak qurti urugʻini ishlab chiqarish, pillani qayta ishlash hamda ipak gazlamalar va tayyor mahsulotlar ishlab chiqarish boʻyicha tashkilotlar.
2. Quyidagilar “Oʻzbekipaksanoat” uyushmasining asosiy vazifalari va faoliyati yoʻnalishlari etib belgilansin:
a) ozuqa bazasini takomillashtirish boʻyicha:
tarmoqning ozuqa bazasini mustahkamlash, tut qatorlari va tutzorlarni kengaytirish maqsadida sugʻoriladigan yer maydonlari ajratish boʻyicha tegishli davlat boshqaruvi organlari va mahalliy ijro etuvchi hokimiyat organlari bilan oʻzaro samarali hamkorlikni taʼminlash;
ipak qurti parvarish qilinmaydigan davrlarda pillaxonalar va tutzorlarda ikkilamchi faoliyatni amalga oshirish hisobiga qishloq xoʻjaligi mahsulotlari yetishtirishni yoʻlga qoʻyish, ularni ichki va tashqi bozorlarda sotish;
b) ipak qurti urugʻi va pilla yetishtirish, tayyorlash va birlamchi qayta ishlash boʻyicha:
Uyushma tarkibiga kiruvchi tashkilotlarga ipak qurtining yuqori mahsuldor zotlarini yaratish, parvarish qilish va sifatli urugʻ ishlab chiqarishni yoʻlga qoʻyishda koʻmaklashish;
respublika hududlari boʻyicha pilla yetishtirishning prognoz hajmlarini belgilash, pilla tayyorlash va qayta ishlash tashkilotlari boʻyicha pilla yetishtirish uchun buyurtmalarni joylashtirish;
sifatli pilla yetishtirish va tayyorlash, uni dastlabki qayta ishlash, xom ipak va ipak kalava ishlab chiqarish boʻyicha yangi quvvatlarni tashkil etish va mavjudlarini modernizatsiya qilishni tashkil etish;
v) pillani chuqur qayta ishlashni tashkil etish boʻyicha:
ipakdan tayyor mahsulot ishlab chiqarish hajmlarini koʻpaytirish va uning sifatini yanada yaxshilash, uning eng xaridorgir turlari va dizaynini oʻzlashtirish, tarmoq mahsulotlarini xalqaro talablarga muvofiq sertifikatlashtirish va standartlashtirishni taʼminlash, sifat menejmentining zamonaviy usullarini keng joriy etishga doir ishlarni samarali tashkil etish;
mahsulot sotish bozorlarini kengaytirish boʻyicha marketing tadqiqotlari olib borish, ipak mahsulotlari narxini shakllantirishning maqbul mexanizmini yaratish boʻyicha taklif va tavsiyalarni ishlab chiqish hamda tayyor ipak mahsulotlari eksporti hajmini oshirish;
g) tarmoqni jadal rivojlantirishni muvofiqlashtirish boʻyicha:
pillachilik tarmogʻini rivojlantirish borasida qabul qilingan dasturiy chora-tadbirlar amalga oshirilishini muvofiqlashtirish, yagona ilmiy-texnik, texnologik, investitsiyaviy va eksport siyosatini izchil yuritish hamda ichki va tashqi bozordagi narxlar monitoringini olib borish;
normativ-huquqiy bazani takomillashtirish, imtiyoz va yengilliklar berish, xalqaro moliyaviy institutlar va donor mamlakatlarning mablagʻlarini jalb qilish orqali Uyushma tarkibiga kiruvchi tashkilotlarning davlat tomonidan qoʻllab-quvvatlanishiga koʻmaklashish;
Uyushma tarkibiga kiruvchi tashkilotlar manfaatlarini koʻzlab, davlat bojini toʻlamasdan sudga daʼvo arizalari tayyorlash va taqdim etish hamda davlat organlarining qarorlari, ularning mansabdor shaxslarining harakatlari (harakatsizligi) ustidan shikoyat qilish.
d) qoʻlda toʻqilgan gilamchilikni rivojlantirish boʻyicha:
qoʻlda toʻqilgan gilamlarning ichki va tashqi bozorlarini tizimli tahlil qilish;
tadbirkorlik subyektlarini qoʻlda gilam toʻqish kooperatsiyalariga jalb qilish, ularni gilamchilik sohasida bilim va koʻnikmalarga ega boʻlishi uchun oʻqitish, shuningdek, bu jarayonga xorijiy mamlakatlardan malakali mutaxassislarni jalb qilish va innovatsion texnologiyalarni keng tatbiq etish;
band boʻlmagan aholini, ayniqsa yoshlar, ayollar va kam taʼminlangan oilalarni gilamchilik bilan shugʻullanishga qiziqtirish, ularni oʻqitish va malakasini oshirish, gilam toʻqish koʻnikmasini shakllantirish, joylarda kichik ishlab chiqarish sexlari hamda aholi xonadonlarida gilam toʻqishni tashkil etish orqali ularning bandligini taʼminlashda koʻmaklashish;
hududlarda ipak, ipak chiqindilari, jun va paxta aralashmali gilamlar toʻqishni tashkil etish uchun hunarmandlar va tashkilotlarni kerakli miqdorda xomashyo hamda gilam toʻqish dastgohlari va moslamalari bilan taʼminlash choralarini koʻrish;
qoʻshilgan qiymat zanjirini yaratish maqsadida ipakni qayta ishlash tashkilotlari, chorvachilik xoʻjaliklari va gilamchilik hunarmandlari oʻrtasida kooperatsiyani yoʻlga qoʻyishda koʻmaklashish;
gilamchilikka oid seminar, anjuman, yarmarka va koʻrgazmalar tashkil qilish, shuningdek, mahalliy gilamchilik tashkilotlari hamda hunarmandlarining xorijiy mamlakatlarda oʻtkaziladigan yarmarka va koʻrgazmalarda ishtirok etishida amaliy yordam koʻrsatish;
xalqaro sifat standartlarini joriy qilish va qoʻlda toʻqilgan gilamchilik mahsulotlarini eksport qilish ishlarini tashkil etish boʻyicha yaqindan koʻmaklashish.
3. Maʼlumot uchun qabul qilinsinki, pillachilik tarmogʻi tashkilotlari “Oʻzbekipaksanoat” uyushmasining muassislari hisoblanadi.
4. “Oʻzbekipaksanoat” uyushmasining tashkiliy tuzilmasi hamda uning boshqaruv xodimlarining cheklangan soni 53 nafar boʻlgan ijro etuvchi apparati tuzilmasi 1 va 2-ilovalarga muvofiq tasdiqlansin.
5. Belgilab qoʻyilsinki:
“Oʻzbekipaksanoat” uyushmasining raisi muassislar umumiy yigʻilishining qarori bilan saylanadi va Oʻzbekiston Respublikasi Vazirlar Mahkamasi tomonidan lavozimiga tasdiqlanadi. “Oʻzbekipaksanoat” uyushmasi raisining oʻrinbosarlari “Oʻzbekipaksanoat” uyushmasi raisi tomonidan lavozimiga tayinlanadi.
“Oʻzbekipaksanoat” uyushmasi ijro etuvchi apparatining joriy taʼminoti va faoliyatini moliyalashtirish uning tarkibiga shartnoma asosida kiruvchi pillachilik tarmogʻi tashkilotlarining ajratmalari hamda qonun hujjatlarida taqiqlanmagan boshqa manbalar hisobidan amalga oshiriladi.
6. “Oʻzbekipaksanoat” uyushmasini tashkil etish bilan bogʻliq tashkiliy tadbirlarni muvofiqlashtirish va ularni amalga oshirishga koʻmaklashish boʻyicha ishchi guruh (keyingi oʻrinlarda Ishchi guruh deb ataladi) 4-ilovaga muvofiq tarkibda tashkil etilsin.
Ishchi guruhga Oʻzbekiston Respublikasi Qishloq va suv xoʻjaligi vazirligi, Iqtisodiyot vazirligi va Moliya vazirligi bilan birgalikda uch oy muddatda 2017 — 2021-yillarda pillachilik tarmogʻini kompleks ravishda yanada rivojlantirish chora-tadbirlari dasturini ishlab chiqish va belgilangan tartibda Oʻzbekiston Respublikasi Vazirlar Mahkamasiga kiritish vazifasi yuklansin.
Ishchi guruh chora-tadbirlar dasturini ishlab chiqishda quyidagi ustuvor vazifalarga eʼtiborni qaratsin:
Uyushma va uning tarkibiy boʻlinmalarini tashkil etishga doir tashkiliy chora-tadbirlarni amalga oshirish, pillachilik sohasidagi qonun hujjatlari va normativ-huquqiy bazani yanada takomillashtirish;
yangi tutzorlarni barpo etish, tut qatorlarini kengaytirish va mavjud tutzorlarni modernizatsiya qilish orqali pillachilikning ozuqa bazasini mustahkamlash;
ipak qurti urugʻining mahsuldor zotlarini yaratish va joriy etish, importni qisqartirish va kelgusida respublikaning ichki ehtiyojini toʻliq taʼminlash maqsadida ularni ishlab chiqarish hajmlarini bosqichma-bosqich oshirib borish;
pilla yetishtirish va tayyorlash hajmlarini bosqichma-bosqich koʻpaytirish, sifatini yanada yaxshilash, ipak qurtining mahsuldorligini oshirish;
pillaga dastlabki ishlov berishning mavjud ishlab chiqarish quvvatlarini xatlovdan oʻtkazish, ushbu tizimni takomillashtirish boʻyicha takliflar tayyorlash;
pillachilik tarmogʻi tashkilotlarining ishlab chiqarish ehtiyojlari uchun koʻmir, polietilen, polipropilen, mineral oʻgʻitlar va yoqilgʻi-moylash materiallarini oʻz vaqtida, tartibga solinadigan narxlar boʻyicha ajratish orqali belgilangan tartibda moddiy-texnika resurslarini yetkazib berish hamda pillachilik tarmogʻining xoʻjalik yurituvchi subyektlarini elektr energiyasi va tabiiy gaz bilan uzluksiz taʼminlash;
sifat menejmentining zamonaviy usullarini, tayyor mahsulotning xaridorgir turlari va dizaynini keng joriy etish, uning xalqaro talablarga muvofiq sertifikatlashtirilishi va standartlashtirilishini taʼminlash;
kadrlarni qayta tayyorlash va malakasini oshirishni tashkil etish, oliy taʼlim muassasalarida pillachilik tarmogʻi uchun kadrlar tayyorlash yoʻnalishlari boʻyicha oʻquv rejalari va dasturlarini takomillashtirish va yangilash.
8. Oʻzbekiston Respublikasi Qishloq va suv xoʻjaligi vazirligi hamda Mehnat vazirligining pillachilikni, pillachilik tarmogʻi ishchilari va tirik pilla yetishtirish bilan shugʻullanuvchi kasanachilarni qonun hujjatlarida tasdiqlangan toʻliq bir mavsum ishlangan davrlari ularga pensiya tayinlash uchun bir yil mehnat stajiga oʻtadigan mavsumiy ishlar va sanoatning mavsumiy tarmoqlari roʻyxatiga kiritish toʻgʻrisidagi taklifi qabul qilinsin.
9. Oʻzbekiston Respublikasi Tashqi ishlar vazirligi “Oʻzbekipaksanoat” uyushmasining buyurtmanomalariga koʻra pillachilik tarmogʻida ishlashga jalb etiladigan xorijiy mutaxassislarga konsullik va boshqa yigʻimlar undirilmasdan kirish vizalari rasmiylashtirilishini taʼminlasin.
10. Oʻzbekiston Respublikasi Ichki ishlar vazirligi “Oʻzbekipaksanoat” uyushmasining buyurtmanomalariga koʻra pillachilik tarmogʻida ishlashga jalb etiladigan xorijiy mutaxassislarga davlat boji undirilmasdan koʻp martalik vizalar berilishini va ularning muddati uzaytirilishini, shuningdek, ularning turgan joyi boʻyicha roʻyxatdan oʻtkazilishini va uning muddati uzaytirilishini taʼminlasin.
11. Oʻzbekiston Respublikasi Mehnat vazirligi “Oʻzbekipaksanoat” uyushmasining buyurtmanomalariga koʻra pillachilik tarmogʻida ishlash uchun yuqori malakali xorijiy mutaxassislarni (Oʻzbekiston Respublikasi fuqarolari orasida bunday mutaxassislar boʻlmagan taqdirda) Oʻzbekiston Respublikasiga jalb etishga ruxsatnomalar berishni (uzaytirishni), shuningdek, koʻrsatib oʻtilgan xorijiy fuqarolarga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (uzaytirilishini) taʼminlasin.
12. “Oʻzbekipaksanoat” uyushmasiga Uyushma aʼzolarining manfaatlarini koʻzlab sudga daʼvo arizalarini taqdim etish, davlat organlari va boshqa tashkilotlarning qarorlari, ular mansabdor shaxslarining harakatlari (harakatsizligi) ustidan shikoyat qilish huquqi berilsin.
13. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi “Oʻzbekipaksanoat” uyushmasini belgilangan tartibda telekommunikatsiya tarmoqlariga, jumladan, hukumat aloqasiga ulashni taʼminlasin.
14. Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi, Oʻzbekiston Fermerlari kengashi, Toshkent shahri hokimligi “Oʻzbekipaksanoat” uyushmasini joylashtirish uchun Toshkent shahri, Mirzo Ulugʻbek tumani, Ismoil ota koʻchasidagi 1-a uydan ijara haqi boʻyicha “nol” stavkasini belgilagan holda zarur maydon ajratsin.
15. Oʻzbekiston Respublikasi Qishloq va suv xoʻjaligi vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
16. Mazkur qarorning bajarilishini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2017-yil 29-martdagi PQ-2856-son qaroriga 1-ILOVA
“Oʻzbekipaksanoat” uyushmasining
“Oʻzbekipaksanoat” uyushmasi Buxoro (1), Qashqadaryo (1) va Surxondaryo (1) viloyatlaridagi hududiy “Agropilla” MCHJlari Qoraqalpogʻiston Respublikasi (1) va Xorazm (1) viloyatidagi hududiy “Agropilla” MCHJlari Samarqand (1), Navoiy (1) va Jizzax (1) viloyatlaridagi hududiy “Agropilla” MCHJlari Fargʻona (1), Namangan (1) va Andijon (1) viloyatlaridagi hududiy “Agropilla” MCHJlari Toshkent (1) va Sirdaryo (1) viloyatlaridagi hududiy “Agropilla” MCHJlari Samarqand (14), Navoiy (5) va Jizzax (12) viloyatlaridagi tuman “Agropilla” MCHJlari Fargʻona (15), Namangan (12) va Andijon (14) viloyatlaridagi tuman “Agropilla” MCHJlari Toshkent (10) vaSirdaryo (8) viloyatlaridagi tuman “Agropilla” MCHJlari Buxoro (10), Qashqadaryo (12) va Surxondaryo (12) viloyatlaridagi tuman “Agropilla” MCHJlari Qoraqalpogʻiston Respublikasi (7) va Xorazm (10) viloyatidagi tuman “Agropilla” MCHJlari Samarqand (3), Navoiy (1) va Jizzax * viloyatlarida joylashgan ipak qurti urugʻini ishlab chiqarish boʻyicha tashkilotlar Fargʻona (4), Namangan (2) va Andijon (4) viloyatlarida joylashgan ipak qurti urugʻini ishlab chiqarish boʻyicha tashkilotlar Toshkent (2) va Sirdaryo * viloyatlarida joylashgan ipak qurti urugʻini ishlab chiqarish boʻyicha tashkilotlar Buxoro * , Qashqadaryo (1) va Surxondaryo (1) viloyatlarida joylashgan ipak qurti urugʻini ishlab chiqarish boʻyicha tashkilotlar Qoraqalpogʻiston Respublikasi * va Xorazm viloyatida (1) joylashgan ipak qurti urugʻini ishlab chiqarish boʻyicha tashkilotlar Samarqand (4), Navoiy (2) va Jizzax (1) viloyatlaridagi pillani qayta ishlash tashkilotlari Fargʻona (5), Namangan (4) va Andijon (4) viloyatlaridagi pillani qayta ishlash tashkilotlari Toshkent (1) va Sirdaryo * viloyatlaridagi pillani qayta ishlash tashkilotlari Qoraqalpogʻiston Respublikasi (1) va Xorazm (1) viloyatidagi pillani qayta ishlash tashkilotlari Buxoro (4), Qashqadaryo (1) va Surxondaryo (2) viloyatlaridagi pillani qayta ishlash tashkilotlari Fargʻona (3), Namangan (2) va Andijon * viloyatlaridagi ipak gazlamalar va tayyor mahsulotlar ishlab chiqarish tashkilotlari Toshkent * va Sirdaryo * viloyatlaridagi ipak gazlamalar va tayyor mahsulotlar ishlab chiqarish tashkilotlari Qoraqalpogʻiston Respublikasi * va Xorazm * viloyatidagi ipak gazlamalar va tayyor mahsulotlar ishlab chiqarish tashkilotlari Samarqand * , Navoiy * va Jizzax * viloyatlaridagi ipak gazlamalar va tayyor mahsulotlar ishlab chiqarish tashkilotlari Buxoro (1), Qashqadaryo * va Surxondaryo * viloyatlaridagi ipak gazlamalar va tayyor mahsulotlar ishlab chiqarish tashkilotlari Ipakchilik ilmiy-tadqiqot instituti Tabiiy tolalar ilmiy-tadqiqot instituti (1) **
Oʻzbekiston Respublikasi Prezidentining 2017-yil 29-martdagi PQ-2856-son qaroriga 2-ILOVA
“Oʻzbekipaksanoat” uyushmasi ijro etuvchi apparatining
Oʻzbekiston Respublikasi Prezidentining 2017-yil 29-martdagi PQ-2856-son qaroriga 4-ILOVA
“Oʻzbekipaksanoat” uyushmasini tashkil etish bilan bogʻliq tashkiliy tadbirlarni muvofiqlashtirish va ularni amalga oshirishga koʻmaklashish boʻyicha ishchi guruh
Z.T. Mirzayev — Bosh vazir oʻrinbosari — Oʻzbekiston Respublikasi qishloq va suv xoʻjaligi vaziri, Ishchi guruh raisi S.X. Bekenov — iqtisodiyot vazirining birinchi oʻrinbosari, Ishchi guruh raisi oʻrinbosari A.J. Vaxabov — qishloq va suv xoʻjaligi vazirining birinchi oʻrinbosari M.M. Mirzayev — moliya vaziri oʻrinbosari Sh.O. Tulyaganov — tashqi iqtisodiy aloqalar, investitsiyalar va savdo vaziri oʻrinbosari A.A. Usmanov — adliya vaziri oʻrinbosari D.A. Xidoyatov — Xususiylashtirish, monopoliyadan chiqarish va raqobatni rivojlantirish davlat qoʻmitasi raisi S.S. Xodjayev — Markaziy bank raisining birinchi oʻrinbosari B.Ya. Raimov — Davlat bojxona qoʻmitasi raisining birinchi oʻrinbosari X.A. Shakirov — Davlat soliq qoʻmitasi raisining oʻrinbosari I.U. Haydarov — “Oʻzbekyengilsanoat” AJ raisi Lavozimi boʻyicha — Vazirlar Mahkamasining Qishloq va suv xoʻjaligi, qishloq xoʻjaligi mahsulotlarini qayta ishlash hamda isteʼmol tovarlari axborot-tahlil departamenti mudiri, Ishchi guruh kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 29-mart,
PQ-2856-son
Президента Республики Узбекистан
Постановление
ОРГАНИЗАЦИОННАЯ СТРУКТУРА
СТРУКТУРА
СОСТАВ
О мерах по организации деятельности Ассоциации «Узбекипаксаноат»
В целях обеспечения комплексного развития шелковой отрасли на основе создания единой полноценной организационно-технологической цепочки, направленной на интенсивное развитие кормовой базы, постоянное совершенствование процессов выкормки и заготовки коконов тутового шелкопряда, широкое внедрение эффективных методов производства и углубленной переработки коконов тутового шелкопряда, шелка-сырца, шелковой пряжи, налаживание выпуска готовых изделий из шелка, увеличение экспортного потенциала отрасли, а также повышения уровня занятости и доходов населения в сельской местности:
1. Согласиться с предложением Министерства сельского и водного хозяйства, Министерства экономики, Министерства финансов Республики Узбекистан, Государственного комитета Республики Узбекистан по приватизации, демонополизации и развитию конкуренции, АО «Узбекенгилсаноат», коммерческих банков и организаций шелковой отрасли о создании Ассоциации «Узбекипаксаноат», в состав которой входят:
территориальные ООО «Агропилла», создаваемые на базе территориальных объединений «Пилла» Республики Каракалпакстан и областей;
районные ООО «Агропилла», создаваемые на базе районных и межрайонных ООО «Пилла»;
организации по производству грены тутового шелкопряда, по переработке коконов и производству шелковых тканей и готовых изделий.
2. Определить основными задачами и направлениями деятельности Ассоциации «Узбекипаксаноат» в части:
а) совершенствования кормовой базы:
обеспечение эффективного взаимодействия с соответствующими органами государственного управления и органами исполнительной власти на местах по предоставлению орошаемых земельных участков для укрепления кормовой базы отрасли, расширения линейных насаждений и плантаций шелковицы;
организацию и ведение вторичной деятельности на сельскохозяйственных угодьях и частях плантаций в периоды, незадействованные под выкормку шелкопряда, осуществление других видов сельскохозяйственной деятельности, с последующей реализацией продукции на внутреннем и внешнем рынках;
б) производства грен и коконов тутового шелкопряда, а также заготовки и первичной переработки:
содействие организациям, входящим в состав Ассоциации, в создании и внедрении высокопродуктивных пород тутового шелкопряда, налаживании производства качественной грены;
определение прогнозных объемов выращивания коконов тутового шелкопряда по регионам республики, размещение заказов на выращивание коконов в разрезе заготовительных и коконоперерабатывающих организаций;
организацию производства и заготовки качественных коконов тутового шелкопряда, их первичной переработки, модернизацию действующих и создание новых мощностей по производству шелка-сырца и шелковой пряжи;
в) организации глубокой переработки коконов тутового шелкопряда:
эффективную организацию работы по увеличению объемов производства и повышению качества готовой шелковой продукции, освоению её наиболее востребованного ассортимента и дизайна, обеспечению сертификации и стандартизации отраслевой продукции в соответствии с международными требованиями, широкому внедрению современных методов менеджмента качества;
проведение маркетинговых исследований по расширению рынков сбыта, разработку предложений и рекомендаций по выработке оптимального механизма ценообразования на шелковую продукцию, увеличение объемов экспорта готовой шелковой продукции;
г) координации динамичного развития шелковой отрасли:
координацию реализации принятых программных мер по развитию шелковой отрасли, последовательное проведение единой научно-технической, технологической, инвестиционной и экспортной политики, а также мониторинг цен на внутреннем и внешнем рынках;
содействие в оказании государственной поддержки организациям, входящим в состав Ассоциации, путем совершенствования нормативно-правовой базы, предоставления льгот и преференций, привлечения средств международных финансовых институтов и стран-доноров;
подготовку и предъявление исков в интересах организаций, входящих в состав Ассоциации, обжалование решений государственных органов, действий (бездействия) их должностных лиц в суде, без уплаты государственной пошлины.
д) развития ручного ковроткачества:
проведение системного анализа внутреннего и внешнего рынка ковров ручного ткачества;
привлечение субъектов предпринимательства к кооперациям ручного ковроткачества, их обучение для овладения знаниями и навыками в области ковроткачества, а также привлечение квалифицированных специалистов из зарубежных стран и широкое внедрение инновационных технологий в данный процесс;
оказание содействия в обеспечении трудоустройства незанятого населения, в особенности молодежи, женщин и малообеспеченных семей, путем привлечения к ковроткачеству, обучения и повышения квалификации, формирования у них навыков ковроткачества, создания на местах малых производственных цехов и организации ковроткачества на дому;
принятие мер по обеспечению ремесленников и организаций сырьем, ковроткацкими станками и приспособлениями в количестве, необходимом для организации в регионах производства ковров из шелка, отходов шелка, смеси шерсти и шелка;
оказание содействия в налаживании кооперации между предприятиями по переработке шелка, животноводческими хозяйствами и ремесленниками по ковроткачеству с целью создания цепочки добавленной стоимости;
организацию семинаров, конференций, ярмарок и выставок по ковроткачеству, а также оказание практической помощи отечественным организациям и ремесленникам по ковроткачеству в принятии ими участия в ярмарках и выставках, проводимых в зарубежных странах;
оказание тесного содействия во внедрении международных стандартов качества и организации работ по экспорту продукции ручного ковроткачества.
3. Принять к сведению, что учредителями Ассоциации «Узбекипаксаноат» являются организации шелковой отрасли.
4. Одобрить организационную структуру Ассоциации «Узбекипаксаноат», а также структуру его исполнительного аппарата с предельной численностью управленческого персонала 53 единицы согласно приложениям №№ 1 и 2 .
5. Определить, что:
председатель Ассоциации «Узбекипаксаноат» избирается решением общего собрания учредителей, утверждается на должность Кабинетом Министров Республики Узбекистан. Заместители председателя Ассоциации «Узбекипаксаноат» назначаются на должность председателем Ассоциации «Узбекипаксаноат».
текущее содержание и финансирование деятельности исполнительного аппарата Ассоциации «Узбекипаксаноат» осуществляется за счет отчислений организаций шелковой отрасли, входящих в ее состав, на договорной основе и иных источников, не запрещенных законодательством.
6. Образовать Рабочую группу по координации и оказанию содействия в осуществлении организационных мероприятий, связанных с созданием Ассоциации «Узбекипаксаноат» (далее — Рабочая группа) в составе согласно приложению № 4 .
Возложить на Рабочую группу разработку совместно с Министерством сельского и водного хозяйства, Министерством экономики и Министерством финансов Республики Узбекистан и внесение в трехмесячный срок в установленном порядке в Кабинет Министров Республики Узбекистан на утверждение Программы мер по дальнейшему комплексному развитию шелковой отрасли на период 2017 — 2021 годы.
Рабочей группе при разработке Программы мер обратить внимание на следующие приоритетные задачи:
реализация организационных мер по созданию Ассоциации и её структурных подразделений, дальнейшее совершенствование законодательной и нормативно-правовой базы шелковой отрасли;
укрепление кормовой базы шелководства путем создания новых плантаций, а также расширения линейных насаждений и модернизации существующих плантаций шелковицы;
создание и внедрение высокопродуктивных пород грены тутового шелкопряда, поэтапное увеличение объемов ее производства для сокращения импорта и полного обеспечения в дальнейшем внутренней потребности республики;
поэтапное увеличение объемов производства и заготовки коконов тутового шелкопряда, улучшение их качества, повышение урожайности гусениц тутового шелкопряда;
проведение инвентаризации имеющихся производственных мощностей первичной обработки коконов тутового шелкопряда, подготовка предложений по совершенствованию их системы;
поставка организациям шелковой отрасли материально-технических ресурсов путем своевременного выделения в установленном порядке для производственных нужд угля, полиэтилена, полипропилена, минеральных удобрений и горюче-смазочных материалов по регулируемым ценам, а также бесперебойное обеспечение электроэнергией и природным газом хозяйствующих субъектов шелковой отрасли;
широкое внедрение современных методов менеджмента качества, востребованного ассортимента и дизайна готовой продукции, обеспечение ее сертификации и стандартизации в соответствии с международными требованиями;
организация переподготовки и повышения квалификации кадров, а также совершенствование и обновление учебных планов и программ по направлениям подготовки кадров для шелковой отрасли в высших образовательных учреждениях.
8. Согласиться с предложением Министерства сельского и водного хозяйства, Министерства труда Республики Узбекистан о включении шелководства, работников шелковой отрасли и надомников, занятых выращиванием живых коконов тутового шелкопряда, в законодательно утвержденный список сезонных работ и сезонных отраслей промышленности, работа в которых в течение полного сезона засчитывается в стаж для назначения пенсии за год работы.
9. Министерству иностранных дел Республики Узбекистан обеспечить по заявкам Ассоциации «Узбекипаксаноат» оформление въездных виз иностранным специалистам, привлекаемым для работы в шелковой отрасли, без взимания консульских и иных сборов.
10. Министерству внутренних дел Республики Узбекистан обеспечить по заявкам Ассоциации «Узбекипаксаноат» оформление, выдачу и продление многократных виз, а также регистрацию по месту пребывания и продление ее срока иностранным специалистам, привлекаемым для работы в шелковой отрасли, без взимания государственной пошлины.
11. Министерству труда Республики Узбекистан обеспечить по заявкам Ассоциации «Узбекипаксаноат» выдачу (продление) разрешений на привлечение в республику высококвалифицированных иностранных специалистов (не имеющихся из числа граждан Республики Узбекистан), для работы в шелковой отрасли, а также выдачу (продление) указанным иностранным гражданам подтверждений на право трудовой деятельности на территории Республики Узбекистан.
12. Предоставить право Ассоциации «Узбекипаксаноат» предъявлять иски в интересах членов Ассоциации, обжаловать решения государственных органов и других организаций, действия (бездействие) их должностных лиц в суде, без уплаты государственной пошлины.
13. Министерству по развитию информационных технологий и коммуникаций Республики Узбекистан в установленном порядке обеспечить подключение Ассоциации «Узбекипаксаноат» к сетям телекоммуникаций, включая правительственную связь.
14. Государственному комитету по приватизации, демонополизации и развитию конкуренции Республики Узбекистан, Совету фермеров Узбекистана, хокимияту г.Ташкента выделить необходимую площадь для размещения Ассоциации «Узбекипаксаноат» по адресу: г. Ташкент, Мирзо Улугбекский район, улица Исмоил-ота, дом 1-а, с арендной платой по «нулевой» ставке.
15. Министерству сельского и водного хозяйства Республики Узбекистан совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
16. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 29 марта 2017 года № ПП-2856
Ассоциации «Узбекипаксаноат»
ПРИЛОЖЕНИЕ № 2 к постановлению Президента Республики Узбекистан от «29» марта 2017 года № ПП-2856
исполнительного аппарата Ассоциации «Узбекипаксаноат»
ПРИЛОЖЕНИЕ № 4 к постановлению Президента Республики Узбекистан от 29 марта 2017 года № ПП-2856
Рабочей группы по координации и оказанию содействия в осуществлении организационных мероприятий по созданию Ассоциации «Узбекипаксаноат»
Мирзаев З.Т. — заместитель Премьер-министра — министр сельского и водного хозяйства Республики Узбекистан, председатель Рабочей группы Бекенов С.Х. — первый заместитель министра экономики, заместитель председателя Рабочей группы Вахабов А.Дж. — первый заместитель министра сельского и водного хозяйства Мирзаев М.М. — заместитель министра финансов Туляганов Ш.О. — заместитель министра внешних экономических связей, инвестиций и торговли Усманов А.А. — заместитель министра юстиции Хидоятов Д.А. — председатель Государственного комитета по приватизации, демонополизации и развитию конкуренции Ходжаев С.С. — первый заместитель председателя Центрального банка Раимов Б.Я. — первый заместитель председателя Государственного таможенного комитета Шакиров Х.А. — заместитель председателя Государственного налогового комитета Хайдаров И.У. — председатель АО «Узбекенгилсаноат» по должности — заведующий Информационно-аналитическим департаментом по вопросам сельского и водного хозяйства, переработки сельскохозяйственной и продовольственной продукции Кабинета Министров, секретарь Рабочей группы
Президент Республики Узбекистан Ш. МИРЗИЁЕВ
г. Ташкент,
29 марта 2017 г.,
№ ПП-2856