📅 2017-yil 30-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 30 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 марта 2017 г. · Постановления Президента
Официальный текст. Официальный документ. Редакционные примечания не включены.
📅 30 March 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
чегаралари
Сирдарё вилоятининг Янгиер шаҳрида кичик саноат зонасини барпо этиш тўғрисида
Янгиер шаҳрининг саноат салоҳиятини янада ривожлантириш, ички ва ташқи бозорларда харидоргир, рақобатдош маҳсулотлар ишлаб чиқариш бўйича кичик тадбиркорлик субъектлари фаолиятини рағбатлантириш ва замонавий ишлаб чиқаришларни ташкил қилишга инвестицияларни жалб этиш учун қулай шарт-шароитларни шакллантириш, шунингдек, йўл-транспорт ва муҳандислик коммуникация инфратузилмаларидан оқилона ҳамда самарали фойдаланиш, унинг асосида янги иш ўринлари яратилишини ва аҳоли даромадлари ўсишини таъминлаш мақсадида:
1. Сирдарё вилояти ҳокимлигининг, Ўзбекистон Республикаси Иқтисодиёт вазирлиги, Молия вазирлиги, Ҳусусийлаштириш, монополиядан чиқариш ва рақобатни ривожлантириш давлат қўмитаси, Давлат божхона қўмитасининг Сирдарё вилояти Янгиер шаҳрида унинг бош режасига мос тарзда чегараланган ҳудудида иловага мувофиқ кичик саноат зонаси (кейинги ўринларда — кичик саноат зонаси)ни барпо этиш тўғрисидаги таклифи қабул қилинсин.
2. Сирдарё вилояти ҳокимлиги Ўзбекистон Республикаси Ер ресурслари, геодезия, картография ва давлат кадастри давлат қўмитаси ҳамда Ўзбекистон Республикаси Давлат архитектура ва қурилиши қўмитаси билан биргаликда бир ой муддатда кичик саноат зонаси таркибига киритиладиган ер участкаларининг чегаралари аниқланишини ва белгиланган тартибда ер участкалари тегишли равишда ажратилишини таъминласин.
3. Белгилаб қўйилсинки:
кичик саноат зонаси таркибига киритилган ер участкалари Сирдарё вилояти ҳокимлигининг тўғридан-тўғри тасарруфида бўлади;
кичик саноат зонасининг фаолият юритиш муддати кейинчалик уни узайтириш имконияти билан 30 йилни ташкил этади.
4. Қуйидагилар кичик саноат зонаси фаолиятининг асосий йўналишлари этиб белгилансин:
кичик тадбиркорликни жадал ривожлантириш, Сирдарё вилояти аҳолисининг бандлигини таъминлаш ҳамда тадбиркорлик фаолиятидан олинадиган даромадларини ошириш;
тўқимачилик, пойабзал ва тери-галантерея соҳаларида, экологик хавфсиз кимё, озиқ-овқат, электротехника, қурилиш материаллари саноатида, мева- сабзавот маҳсулотларини чуқур қайта ишлаш ҳамда бошқа талаб мавжуд бўлган йўналишларда янги замонавий, юқори технологияли ишлаб чиқаришларни барпо этиш бўйича лойиҳаларни амалга ошириш;
Сирдарё вилоятининг ишлаб чиқариш ҳамда ресурс имкониятларидан комплекс ва самарали фойдаланишни таъминлаш;
республика ташкилотлари билан мустаҳкам кооперация алоқаларини йўлга қўйиш ва саноат кооперациясини изчил ривожлантириш йўли билан маҳаллий хом ашё ва материаллар негизида юқори технологияли маҳсулотлар ишлаб чиқаришни маҳаллийлаштириш жараёнларини чуқурлаштириш.
5. Маълумот учун қабул қилинсинки, Ўзбекистон Республикаси Вазирлар Маҳкамасининг «Сирдарё вилояти ҳудудларини ижтимоий-иқтисодий ривожлантириш, аҳоли турмуш даражасини янада яхшилашга доир қўшимча чора-тадбирлар тўғрисида» 2017 йил 20 январдаги 25-сонли қарорига мувофиқ тегишли тижорат банклари ва хўжалик бирлашмаларига Сирдарё вилоятининг Янгиер шаҳрида барпо этилаётган кичик саноат зонаси ҳудудида умумий қиймати 40 миллион АҚШ долларига тенг 207 та лойиҳани амалга ошириш топширилди.
Ўзбекистон Республикаси Вазирлар Маҳкамаси Марказий банк иштирокида тегишли тижорат банклари ва хўжалик бирлашмалари томонидан лойиҳаларнинг ўз вақтида фойдаланишга топширилишини назарда тутган ҳолда уларни сўзсиз ва жадал амалга оширишлари устидан таъсирчан назоратни таъминласин.
Сирдарё вилоятининг Янгиер шаҳридаги кичик саноат зонасида инвестиция лойиҳаларини амалга ошириш учун масъул бўлган тижорат банклари ва хўжалик бирлашмалари мазкур лойиҳаларнинг бажарилиши тўғрисида ҳар чоракнинг 5-кунида Ўзбекистон Республикаси Вазирлар Маҳкамасига ахборот бериб турсин.
7. Қуйидагилар белгилансин:
ушбу қарорнинг 6-бандида назарда тутилган имтиёзлар 3 йил муддатга берилади, бунда кичик саноат зонасининг қатнашчилари базавий ҳисоблаш миқдорининг камида 2000 карра миқдоридаги ҳажмда инвестициялар киритиши шарт;
кичик саноат зонаси қатнашчисининг йиллик тушуми базавий ҳисоблаш миқдорининг 1000 каррасидан камроқни ташкил этган тақдирда, мазкур қарорнинг 6-бандига мувофиқ берилган имтиёзлар бекор қилинади ҳамда тегишли ҳисобот йили учун уларни тўлаш бўйича мажбуриятлар қонун ҳужжатларида белгиланган тартибда қайта тикланади;
ушбу қарорнинг 6-бандида назарда тутилган божхона имтиёзларини қўлланган ҳолда олиб келинган ускуналар, хом ашё, материаллар ва бутловчи буюмлар, металл конструкциялар ва қурилиш материаллари олиб кирилган пайтдан бошлаб уч йил ичида сотилган ёки бепул бериб юборилган тақдирда, божхона тўловлари қонун ҳужжатларида белгиланган тартибда тўлиқ ҳажмда ундирилади.
8. Белгилансинки, кичик саноат зонаси иштирокчилари учун зарур ташқи муҳандислик коммуникациялари ва инфратузилмалар қурилиши «Ўзбекэнерго» АЖ, «Ўзтрансгаз» АК ва «Ўзбектелеком» АКнинг ўз маблағлари, шунингдек, Сирдарё вилоятининг маҳаллий бюджети маблағлари ҳисобидан амалга оширилади.
9. Кичик саноат зонаси фаолиятини бошқариш Сирдарё вилояти ҳокимлиги ҳузурида давлат унитар корхонаси шаклида ташкил этиладиган дирекция томонидан амалга оширилиши белгилаб қўйилсин.
Сирдарё вилояти ҳокимлиги бир ой муддатда кичик саноат зонаси фаолиятини ташкил этиш тўғрисидаги низом ва кичик саноат зонаси дирекциясининг устави тасдиқланишини назарда тутувчи қарор қабул қилсин.
10. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов ва Сирдарё вилояти ҳокими Ғ.Ғ. Мирзаев зиммасига юклансин.
Ўзбекистон Республикаси Президентининг 2017 йил 30 мартдаги ПҚ-2860-сонли қарорига ИЛОВА
Сирдарё вилоятининг Янгиер шаҳрида кичик саноат зонасига кирувчи ҳудуд
Янгиер шаҳрининг чегараланган жанубий зонаси:
шимолий томондан — Гулистон — Даштобод темир йўл тармоғи;
жанубий томондан — Темур Малик маҳалласининг Пахтакор кўчаси;
ғарбий томондан — Янгиер шаҳрининг Тинчлик кўчасигача 75 м;
шарқий томондан — Янгиер шаҳрининг Амир Темур кўчасигача 100 м.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 30 март,
ПҚ-2860-сон
Oʻzbekiston Respublikasi Prezidentining
Qarori
chegaralari
Sirdaryo viloyatining Yangiyer shahrida kichik sanoat zonasini barpo etish toʻgʻrisida
Yangiyer shahrining sanoat salohiyatini yanada rivojlantirish, ichki va tashqi bozorlarda xaridorgir, raqobatdosh mahsulotlar ishlab chiqarish boʻyicha kichik tadbirkorlik subyektlari faoliyatini ragʻbatlantirish va zamonaviy ishlab chiqarishlarni tashkil qilishga investitsiyalarni jalb etish uchun qulay shart-sharoitlarni shakllantirish, shuningdek, yoʻl-transport va muhandislik kommunikatsiya infratuzilmalaridan oqilona hamda samarali foydalanish, uning asosida yangi ish oʻrinlari yaratilishini va aholi daromadlari oʻsishini taʼminlash maqsadida:
1. Sirdaryo viloyati hokimligining, Oʻzbekiston Respublikasi Iqtisodiyot vazirligi, Moliya vazirligi, Hususiylashtirish, monopoliyadan chiqarish va raqobatni rivojlantirish davlat qoʻmitasi, Davlat bojxona qoʻmitasining Sirdaryo viloyati Yangiyer shahrida uning bosh rejasiga mos tarzda chegaralangan hududida ilovaga muvofiq kichik sanoat zonasi (keyingi oʻrinlarda — kichik sanoat zonasi)ni barpo etish toʻgʻrisidagi taklifi qabul qilinsin.
2. Sirdaryo viloyati hokimligi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi hamda Oʻzbekiston Respublikasi Davlat arxitektura va qurilishi qoʻmitasi bilan birgalikda bir oy muddatda kichik sanoat zonasi tarkibiga kiritiladigan yer uchastkalarining chegaralari aniqlanishini va belgilangan tartibda yer uchastkalari tegishli ravishda ajratilishini taʼminlasin.
3. Belgilab qoʻyilsinki:
kichik sanoat zonasi tarkibiga kiritilgan yer uchastkalari Sirdaryo viloyati hokimligining toʻgʻridan-toʻgʻri tasarrufida boʻladi;
kichik sanoat zonasining faoliyat yuritish muddati keyinchalik uni uzaytirish imkoniyati bilan 30 yilni tashkil etadi.
4. Quyidagilar kichik sanoat zonasi faoliyatining asosiy yoʻnalishlari etib belgilansin:
kichik tadbirkorlikni jadal rivojlantirish, Sirdaryo viloyati aholisining bandligini taʼminlash hamda tadbirkorlik faoliyatidan olinadigan daromadlarini oshirish;
toʻqimachilik, poyabzal va teri-galantereya sohalarida, ekologik xavfsiz kimyo, oziq-ovqat, elektrotexnika, qurilish materiallari sanoatida, meva- sabzavot mahsulotlarini chuqur qayta ishlash hamda boshqa talab mavjud boʻlgan yoʻnalishlarda yangi zamonaviy, yuqori texnologiyali ishlab chiqarishlarni barpo etish boʻyicha loyihalarni amalga oshirish;
Sirdaryo viloyatining ishlab chiqarish hamda resurs imkoniyatlaridan kompleks va samarali foydalanishni taʼminlash;
respublika tashkilotlari bilan mustahkam kooperatsiya aloqalarini yoʻlga qoʻyish va sanoat kooperatsiyasini izchil rivojlantirish yoʻli bilan mahalliy xom ashyo va materiallar negizida yuqori texnologiyali mahsulotlar ishlab chiqarishni mahalliylashtirish jarayonlarini chuqurlashtirish.
5. Maʼlumot uchun qabul qilinsinki, Oʻzbekiston Respublikasi Vazirlar Mahkamasining “Sirdaryo viloyati hududlarini ijtimoiy-iqtisodiy rivojlantirish, aholi turmush darajasini yanada yaxshilashga doir qoʻshimcha chora-tadbirlar toʻgʻrisida” 2017-yil 20-yanvardagi 25-sonli qaroriga muvofiq tegishli tijorat banklari va xoʻjalik birlashmalariga Sirdaryo viloyatining Yangiyer shahrida barpo etilayotgan kichik sanoat zonasi hududida umumiy qiymati 40 million AQSH dollariga teng 207 ta loyihani amalga oshirish topshirildi.
Oʻzbekiston Respublikasi Vazirlar Mahkamasi Markaziy bank ishtirokida tegishli tijorat banklari va xoʻjalik birlashmalari tomonidan loyihalarning oʻz vaqtida foydalanishga topshirilishini nazarda tutgan holda ularni soʻzsiz va jadal amalga oshirishlari ustidan taʼsirchan nazoratni taʼminlasin.
Sirdaryo viloyatining Yangiyer shahridagi kichik sanoat zonasida investitsiya loyihalarini amalga oshirish uchun masʼul boʻlgan tijorat banklari va xoʻjalik birlashmalari mazkur loyihalarning bajarilishi toʻgʻrisida har chorakning 5-kunida Oʻzbekiston Respublikasi Vazirlar Mahkamasiga axborot berib tursin.
7. Quyidagilar belgilansin:
ushbu qarorning 6-bandida nazarda tutilgan imtiyozlar 3 yil muddatga beriladi, bunda kichik sanoat zonasining qatnashchilari bazaviy hisoblash miqdorining kamida 2000 karra miqdoridagi hajmda investitsiyalar kiritishi shart;
kichik sanoat zonasi qatnashchisining yillik tushumi bazaviy hisoblash miqdorining 1000 karrasidan kamroqni tashkil etgan taqdirda, mazkur qarorning 6-bandiga muvofiq berilgan imtiyozlar bekor qilinadi hamda tegishli hisobot yili uchun ularni toʻlash boʻyicha majburiyatlar qonun hujjatlarida belgilangan tartibda qayta tiklanadi;
ushbu qarorning 6-bandida nazarda tutilgan bojxona imtiyozlarini qoʻllangan holda olib kelingan uskunalar, xom ashyo, materiallar va butlovchi buyumlar, metall konstruksiyalar va qurilish materiallari olib kirilgan paytdan boshlab uch yil ichida sotilgan yoki bepul berib yuborilgan taqdirda, bojxona toʻlovlari qonun hujjatlarida belgilangan tartibda toʻliq hajmda undiriladi.
8. Belgilansinki, kichik sanoat zonasi ishtirokchilari uchun zarur tashqi muhandislik kommunikatsiyalari va infratuzilmalar qurilishi “Oʻzbekenergo” AJ, “Oʻztransgaz” AK va “Oʻzbektelekom” AKning oʻz mablagʻlari, shuningdek, Sirdaryo viloyatining mahalliy budjeti mablagʻlari hisobidan amalga oshiriladi.
9. Kichik sanoat zonasi faoliyatini boshqarish Sirdaryo viloyati hokimligi huzurida davlat unitar korxonasi shaklida tashkil etiladigan direksiya tomonidan amalga oshirilishi belgilab qoʻyilsin.
Sirdaryo viloyati hokimligi bir oy muddatda kichik sanoat zonasi faoliyatini tashkil etish toʻgʻrisidagi nizom va kichik sanoat zonasi direksiyasining ustavi tasdiqlanishini nazarda tutuvchi qaror qabul qilsin.
10. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov va Sirdaryo viloyati hokimi Gʻ.Gʻ. Mirzayev zimmasiga yuklansin.
Oʻzbekiston Respublikasi Prezidentining 2017-yil 30-martdagi PQ-2860-sonli qaroriga ILOVA
Sirdaryo viloyatining Yangiyer shahrida kichik sanoat zonasiga kiruvchi hudud
Yangiyer shahrining chegaralangan janubiy zonasi:
shimoliy tomondan — Guliston — Dashtobod temir yoʻl tarmogʻi;
janubiy tomondan — Temur Malik mahallasining Paxtakor koʻchasi;
gʻarbiy tomondan — Yangiyer shahrining Tinchlik koʻchasigacha 75 m;
sharqiy tomondan — Yangiyer shahrining Amir Temur koʻchasigacha 100 m.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 30-mart,
PQ-2860-son
Президента Республики Узбекистан
Постановление
Границы
О создании малой промышленной зоны в городе Янгиере Сырдарьинской области
В целях дальнейшего развития промышленного потенциала города Янгиера, формирования благоприятных условий для стимулирования деятельности субъектов малого предпринимательства и привлечения инвестиций в организацию современных производств по выпуску востребованной, конкурентоспособной на внутреннем и внешнем рынках продукции, а также рационального и эффективного использования дорожно-транспортной и инженерно-коммуникационной инфраструктур, обеспечения создания на этой основе новых рабочих мест и роста доходов населения:
1. Принять предложение хокимията Сырдарьинской области, Министерства экономики, Министерства финансов, Государственного комитета по приватизации, демонополизации и развитию конкуренции, Государственного таможенного комитета Республики Узбекистан о создании в городе Янгиере Сырдарьинской области малой промышленной зоны (далее — малая промышленная зона) с границами территории в соответствии с генеральным планом города Янгиера согласно приложению.
2. Хокимияту Сырдарьинской области совместно с Государственным комитетом Республики Узбекистан по земельным ресурсам, геодезии, картографии и государственному кадастру, Государственным комитетом Республики Узбекистан по архитектуре и строительству в месячный срок обеспечить определение границ земельного участка, включаемого в состав малой промышленной зоны, и соответствующий отвод земельного участка в установленном порядке.
3. Установить, что:
земельные участки, включенные в состав малой промышленной зоны, находятся в прямом ведении хокимията Сырдарьинской области;
срок функционирования малой промышленной зоны составляет 30 лет, с возможностью его последующего продления.
4. Определить основными направлениями деятельности малой промышленной зоны:
ускоренное развитие малого предпринимательства, обеспечение занятости и повышение доходов населения Сырдарьинской области, получаемых от предпринимательской деятельности;
реализация проектов по созданию новых современных высокотехнологичных производств в сферах текстильной, обувной и кожгалантерейной, экологически безопасной химической, пищевой, электротехнической промышленности, индустрии строительных материалов, глубокой переработки плодоовощной продукции и по другим востребованным направлениям;
обеспечение комплексного и эффективного использования производственного и ресурсного потенциала Сырдарьинской области;
углубление процессов локализации производства высокотехнологичной продукции на базе местного сырья и материалов путем налаживания тесных кооперационных связей и последовательного развития промышленной кооперации с организациями республики.
5. Принять к сведению, что в соответствии с постановлением Кабинета Министров Республики Узбекистан от 20 января 2017 года № 25 «О дополнительных мерах по социально-экономическому развитию, дальнейшему улучшению уровня жизни населения в регионах Сырдарьинской области» соответствующим коммерческим банкам и хозяйственным объединениям поручено реализовать на территории создаваемой малой промышленной зоны в городе Янгиер Сырдарьинской области 207 проектов с общей стоимостью 40 млн. долларов США.
Кабинету Министров с участием Центрального банка Республики Узбекистан обеспечить действенный контроль за безусловной и ускоренной реализацией соответствующими коммерческими банками и хозяйственными объединениями предусмотренных проектов, имея в виду их своевременный ввод в эксплуатацию.
Коммерческим банкам и хозяйственным объединениям, ответственным за реализацию инвестиционных проектов в малой промышленной зоне города Янгиер Сырдарьинской области, на ежеквартальной основе, к 5 числу вносить в Кабинет Министров Республики Узбекистан информацию о ходе реализации указанных проектов.
7. Установить, что:
льготы, предусмотренные пунктом 6 настоящего постановления, предоставляются сроком на 3 года при условии внесения участниками малой промышленной зоны инвестиций в объеме не менее 2000-кратной базовой расчетной величины;
в случае, если годовая выручка участника малой промышленной зоны составляет менее 1000-кратной базовой расчетной величины, предоставленные в соответствии с пунктом 6 настоящего постановления, льготы аннулируются с восстановлением обязательства по их уплате за соответствующий отчетный год в порядке, установленном законодательством;
в случае реализации или безвозмездной передачи оборудования, сырья, материалов и комплектующих изделий, металлоконструкций и строительных материалов, завезенных с применением предусмотренных пунктом 6 настоящего постановления таможенных льгот, в течение трех лет с момента их ввоза таможенные платежи взимаются в полном объеме в порядке, установленном законодательством.
8. Определить, что строительство необходимых внешних инженерных коммуникаций и инфраструктуры для участников малой промышленной зоны осуществляется за счет собственных средств АО «Узбекэнерго», АК «Узтрансгаз» и АК «Узбектелеком», а также местного бюджета Сырдарьинской области.
9. Установить, что управление деятельностью малой промышленной зоны осуществляется дирекцией, создаваемой в форме государственного унитарного предприятия при хокимияте Сырдарьинской области.
Хокимияту Сырдарьинской области в месячный срок принять решение, предусматривающее утверждение положения об организации деятельности малой промышленной зоны и устава дирекции малой промышленной зоны.
10. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова и хокима Сырдарьинской области Г.Г. Мирзаева.
ПРИЛОЖЕНИЕ к постановлению Президента Республики Узбекистан 30 марта 2017 года № ПП-2860
территории, входящей в малую промышленную зону города Янгиера Сырдарьинской области
Южная зона города Янгиера ограниченная:
с северной стороны — железнодорожной веткой Гулистан — Даштобод;
с южной стороны — улицей Пахтакор махалли Темура Малика;
с западной стороны — 75 м до ул. Тинчлик г. Янгиер;
с восточной стороны — 100 м до ул. А.Темура г. Янгиер.
Президент Республики Узбекистан Ш. МИРЗИЁЕВ
г. Ташкент,
30 марта 2017 г.,
№ ПП-2860