UzbekAI

Ўзбекистон Республикасининг Қонуни

Ўзбекистон Республикасининг Конституциясига ўзгартишлар ва қўшимча киритиш тўғрисида

Қонунчилик палатаси томонидан 2017 йил 17 мартда қабул қилинган Сенат томонидан 2017 йил 28 мартда маъқулланган

Ўзбекистон Республикасининг Конституциясига ушбу ўзгартишлар ва қўшимча Ўзбекистон Республикасида суд тизимини такомиллаштириш ва унинг фаолияти самарадорлигини ошириш, судьялар корпусини янада мустаҳкамлаш ва суд ҳокимиятининг чинакам мустақиллигини таъминлаш мақсадида киритилмоқда.

1-модда. 1992 йил 8 декабрда ўн иккинчи чақириқ Ўзбекистон Республикаси Олий Кенгашининг ўн биринчи сессиясида қабул қилинган Ўзбекистон Республикасининг Конституциясига (Ўзбекистон Республикаси Олий Кенгашининг Ахборотномаси, 1993 йил, № 1, 4-модда; 1994 йил, № 1, 5-модда; Ўзбекистон Республикаси Олий Мажлисининг Ахборотномаси, 2003 йил, № 3–4, 27-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 4, 162-модда; 2008 йил, № 12, 637-модда; 2011 йил, № 4, 100-модда, № 12/1, 343-модда; 2014 йил, № 4, 85-модда) қуйидаги ўзгартишлар ва қўшимча киритилсин:

1) 80-модданинг 4-банди қуйидаги таҳрирда баён этилсин:

«4) Ўзбекистон Республикаси Президентининг тақдимига биноан Ўзбекистон Республикаси Судьялар олий кенгашининг раисини тайинлаш»;

2) 81-модданинг еттинчи қисмидаги «Олий хўжалик суди» деган сўзлар «Судьялар олий кенгаши» деган сўзлар билан алмаштирилсин;

3) 83-моддадаги «Олий хўжалик суди» деган сўзлар чиқариб ташлансин;

4) 93-модда биринчи қисмининг 13 ва 14-бандлари қуйидаги таҳрирда баён этилсин:

«13) Ўзбекистон Республикаси Олий Мажлисининг Сенатига Ўзбекистон Республикаси Конституциявий суди, Ўзбекистон Республикаси Олий суди таркибларига, шунингдек Ўзбекистон Республикаси Судьялар олий кенгашининг раиси, Ўзбекистон Республикаси Марказий банки Бошқарувининг раиси, Ўзбекистон Республикаси Табиатни муҳофаза қилиш давлат қўмитасининг раиси лавозимларига номзодларни тақдим этади;

14) Ўзбекистон Республикаси Судьялар олий кенгашининг тақдимига биноан вилоятлар ва Тошкент шаҳар судлари раислари ва раис ўринбосарларини, Ўзбекистон Республикаси Ҳарбий суди раисини тайинлайди ва лавозимларидан озод этади; Ўзбекистон Республикаси Судьялар олий кенгашининг аъзоларини қонунга мувофиқ тасдиқлайди»;

5) 107-модданинг биринчи қисми қуйидаги таҳрирда баён этилсин:

«Ўзбекистон Республикасида суд тизими Ўзбекистон Республикаси Конституциявий суди, Ўзбекистон Республикаси Олий суди, ҳарбий судлар, Қорақалпоғистон Республикаси фуқаролик ва жиноят ишлари бўйича судлари, фуқаролик ва жиноят ишлари бўйича вилоятлар ва Тошкент шаҳар судлари, Қорақалпоғистон Республикаси, вилоятлар ва Тошкент шаҳар иқтисодий ва маъмурий судлари, фуқаролик ишлари бўйича туманлараро, туман, шаҳар судлари, жиноят ишлари бўйича туман, шаҳар судлари, туманлараро, туман, шаҳар иқтисодий судлари ва туман, шаҳар маъмурий судларидан иборат»;

6) 110-модданинг :

биринчи қисми «жиноий» деган сўздан кейин «иқтисодий» деган сўз билан тўлдирилсин;

учинчи қисмидаги «Қорақалпоғистон Республикаси олий судлари, вилоятлар, шаҳарлар, туманлараро, туман судлари ва ҳарбий судларнинг» деган сўзлар «қуйи судларнинг» деган сўзлар билан алмаштирилсин;

7) 111-модда қуйидаги таҳрирда баён этилсин:

«111-модда.Ўзбекистон Республикаси Судьялар олий кенгаши судьялар ҳамжамиятининг органи бўлиб, у Ўзбекистон Республикасида суд ҳокимиятининг мустақиллиги конституциявий принципига риоя этилишини таъминлашга кўмаклашади.

Ўзбекистон Республикаси Судьялар олий кенгашини ташкил этиш ва унинг фаолияти тартиби қонун билан белгиланади».

2-модда. Ушбу Қонун расмий эълон қилинган кундан эътиборан кучга киради.

Ўзбекистон Республикаси Олий судини ва Ўзбекистон Республикаси Олий хўжалик судини бирлаштириш, маъмурий ҳамда иқтисодий судларни ташкил этиш тўғрисидаги қоидалар 2017 йил 1 июндан эътиборан амалга киритилади.

Ўзбекистон Республикасининг Президенти Ш. МИРЗИЁЕВ

Тошкент ш.,

2017 йил 6 апрель,

ЎРҚ-426-сон

(Ўзбекистон Республикаси қонун ҳужжатлари тўплами, 2017 й., 14-сон, 213-модда)

lex.uz

Oʻzbekiston Respublikasining Qonuni

Oʻzbekiston Respublikasining Konstitutsiyasiga oʻzgartishlar va qoʻshimcha kiritish toʻgʻrisida

Qonunchilik palatasi tomonidan 2017-yil 17-martda qabul qilingan Senat tomonidan 2017-yil 28-martda maʼqullangan

Oʻzbekiston Respublikasining Konstitutsiyasiga ushbu oʻzgartishlar va qoʻshimcha Oʻzbekiston Respublikasida sud tizimini takomillashtirish va uning faoliyati samaradorligini oshirish, sudyalar korpusini yanada mustahkamlash va sud hokimiyatining chinakam mustaqilligini taʼminlash maqsadida kiritilmoqda.

1-modda. 1992-yil 8-dekabrda oʻn ikkinchi chaqiriq Oʻzbekiston Respublikasi Oliy Kengashining oʻn birinchi sessiyasida qabul qilingan Oʻzbekiston Respublikasining Konstitutsiyasiga (Oʻzbekiston Respublikasi Oliy Kengashining Axborotnomasi, 1993-yil, № 1, 4-modda; 1994-yil, № 1, 5-modda; Oʻzbekiston Respublikasi Oliy Majlisining Axborotnomasi, 2003-yil, № 3–4, 27-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 162-modda; 2008-yil, № 12, 637-modda; 2011-yil, № 4, 100-modda, № 12/1, 343-modda; 2014-yil, № 4, 85-modda) quyidagi oʻzgartishlar va qoʻshimcha kiritilsin:

1) 80-moddaning 4-bandi quyidagi tahrirda bayon etilsin:

“4) Oʻzbekiston Respublikasi Prezidentining taqdimiga binoan Oʻzbekiston Respublikasi Sudyalar oliy kengashining raisini tayinlash”;

2) 81-moddaning yettinchi qismidagi “Oliy xoʻjalik sudi” degan soʻzlar “Sudyalar oliy kengashi” degan soʻzlar bilan almashtirilsin;

3) 83-moddadagi “Oliy xoʻjalik sudi” degan soʻzlar chiqarib tashlansin;

4) 93-modda birinchi qismining 13 va 14-bandlari quyidagi tahrirda bayon etilsin:

“13) Oʻzbekiston Respublikasi Oliy Majlisining Senatiga Oʻzbekiston Respublikasi Konstitutsiyaviy sudi, Oʻzbekiston Respublikasi Oliy sudi tarkiblariga, shuningdek Oʻzbekiston Respublikasi Sudyalar oliy kengashining raisi, Oʻzbekiston Respublikasi Markaziy banki Boshqaruvining raisi, Oʻzbekiston Respublikasi Tabiatni muhofaza qilish davlat qoʻmitasining raisi lavozimlariga nomzodlarni taqdim etadi;

14) Oʻzbekiston Respublikasi Sudyalar oliy kengashining taqdimiga binoan viloyatlar va Toshkent shahar sudlari raislari va rais oʻrinbosarlarini, Oʻzbekiston Respublikasi Harbiy sudi raisini tayinlaydi va lavozimlaridan ozod etadi; Oʻzbekiston Respublikasi Sudyalar oliy kengashining aʼzolarini qonunga muvofiq tasdiqlaydi”;

5) 107-moddaning birinchi qismi quyidagi tahrirda bayon etilsin:

“Oʻzbekiston Respublikasida sud tizimi Oʻzbekiston Respublikasi Konstitutsiyaviy sudi, Oʻzbekiston Respublikasi Oliy sudi, harbiy sudlar, Qoraqalpogʻiston Respublikasi fuqarolik va jinoyat ishlari boʻyicha sudlari, fuqarolik va jinoyat ishlari boʻyicha viloyatlar va Toshkent shahar sudlari, Qoraqalpogʻiston Respublikasi, viloyatlar va Toshkent shahar iqtisodiy va maʼmuriy sudlari, fuqarolik ishlari boʻyicha tumanlararo, tuman, shahar sudlari, jinoyat ishlari boʻyicha tuman, shahar sudlari, tumanlararo, tuman, shahar iqtisodiy sudlari va tuman, shahar maʼmuriy sudlaridan iborat”;

6) 110-moddaning :

birinchi qismi “jinoiy” degan soʻzdan keyin “iqtisodiy” degan soʻz bilan toʻldirilsin;

uchinchi qismidagi “Qoraqalpogʻiston Respublikasi oliy sudlari, viloyatlar, shaharlar, tumanlararo, tuman sudlari va harbiy sudlarning” degan soʻzlar “quyi sudlarning” degan soʻzlar bilan almashtirilsin;

7) 111-modda quyidagi tahrirda bayon etilsin:

“111-modda.Oʻzbekiston Respublikasi Sudyalar oliy kengashi sudyalar hamjamiyatining organi boʻlib, u Oʻzbekiston Respublikasida sud hokimiyatining mustaqilligi konstitutsiyaviy prinsipiga rioya etilishini taʼminlashga koʻmaklashadi.

Oʻzbekiston Respublikasi Sudyalar oliy kengashini tashkil etish va uning faoliyati tartibi qonun bilan belgilanadi”.

2-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasi Oliy sudini va Oʻzbekiston Respublikasi Oliy xoʻjalik sudini birlashtirish, maʼmuriy hamda iqtisodiy sudlarni tashkil etish toʻgʻrisidagi qoidalar 2017-yil 1-iyundan eʼtiboran amalga kiritiladi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2017-yil 6-aprel,

OʻRQ-426-son

(Oʻzbekiston Respublikasi qonun hujjatlari toʻplami, 2017-y., 14-son, 213-modda)

lex.uz

Закон Республики Узбекистан

О внесении изменений и дополнения в Конституцию Республики Узбекистан

Принят Законодательной палатой 17 марта 2017 года Одобрен Сенатом 28 марта 2017 года

Настоящие изменения и дополнение в Конституцию Республики Узбекистан вносятся в целях совершенствования и повышения эффективности деятельности судебной системы, дальнейшего укрепления судейского корпуса и обеспечения подлинной независимости судебной власти в Республике Узбекистан.

Статья 1. Внести в Конституцию Республики Узбекистан, принятую 8 декабря 1992 года на одиннадцатой сессии Верховного Совета Республики Узбекистан двенадцатого созыва (Ведомости Верховного Совета Республики Узбекистан, 1993 г., № 1, ст. 4; 1994 г., № 1, ст. 5; Ведомости Олий Мажлиса Республики Узбекистан, 2003 г., № 3–4, ст. 27; Ведомости палат Олий Мажлиса Республики Узбекистан, 2007 г., № 4, ст. 162; 2008 г., № 12, ст. 637; 2011 г., № 4, ст. 100, № 12/1, ст. 343; 2014 г., № 4, ст. 85), следующие изменения и дополнение:

1) пункт 4 статьи 80 изложить в следующей редакции:

«4) назначение по представлению Президента Республики Узбекистан председателя Высшего судейского совета Республики Узбекистан»;

2) в части седьмой статьи 81 слова «Высшего хозяйственного суда» заменить словами «Высшего судейского совета»;

3) из статьи 83 слова «Высшему хозяйственному суду» исключить;

4) пункты 13 и 14 части первой статьи 93 изложить в следующей редакции:

«13) представляет Сенату Олий Мажлиса Республики Узбекистан кандидатуры в составы Конституционного суда Республики Узбекистан, Верховного суда Республики Узбекистан, а также на должности председателя Высшего судейского совета Республики Узбекистан, председателя Правления Центрального банка Республики Узбекистан, председателя Государственного комитета Республики Узбекистан по охране природы;

14) назначает и освобождает по представлению Высшего судейского совета Республики Узбекистан от должности председателей и заместителей председателей судов областей и города Ташкента, председателя Военного суда Республики Узбекистан; утверждает в соответствии с законом членов Высшего судейского совета Республики Узбекистан»;

5) часть первую статьи 107 изложить в следующей редакции:

«Судебная система в Республике Узбекистан состоит из Конституционного суда Республики Узбекистан, Верховного суда Республики Узбекистан, военных судов, судов Республики Каракалпакстан по гражданским и уголовным делам, областных и Ташкентских городских судов по гражданским и уголовным делам, экономических и административных судов Республики Каракалпакстан, областей и города Ташкента, межрайонных, районных, городских судов по гражданским делам, районных, городских судов по уголовным делам, межрайонных, районных, городских экономических судов и районных, городских административных судов»;

6) в статье 110 :

часть первую после слова «уголовного» дополнить словом «экономического»;

в части третьей слова «верховных судов Республики Каракалпакстан, областных, городских, межрайонных, районных и военных судов» заменить словами «нижестоящих судов»;

7) статью 111 изложить в следующей редакции:

«Статья 111. Высший судейский совет Республики Узбекистан является органом судейского сообщества и оказывает содействие в обеспечении соблюдения конституционного принципа независимости судебной власти в Республике Узбекистан.

Организация и порядок деятельности Высшего судейского совета Республики Узбекистан определяются законом».

Статья 2. Настоящий Закон вступает в силу со дня его официального опубликования.

Положения об объединении Верховного суда Республики Узбекистан и Высшего хозяйственного суда Республики Узбекистан, образовании административных и экономических судов вводятся в действие с 1 июня 2017 года.

Президент Республики Узбекистан Ш. МИРЗИЁЕВ

г. Ташкент,

6 апреля 2017 г.,

№ ЗРУ-426

(Собрание законодательства Республики Узбекистан, 2017 г., № 14, ст. 213)

lex.uz